KAPITLU 4

Nappoġġaw in-nies u nsaħħu s-soċjetajiet

Tliet nisa żgħażagħ bilqiegħda wara mejda tal-konferenzi ġejja għat-tond. Kollha kemm huma għandhom mikrofonu quddiemhom, u tnejn minnhom qegħdin bil-laptop miftuħ. Id-deskrizzjoni tar-ritratt
Żgħażagħ qed jieħdu sehem fi Djalogu ta’ Politika maż-Żgħażagħ dwar is-sħubijiet internazzjonali, fi Brussell, il-Belġju, nhar is-6 ta’ Marzu 2025.

Matul dawn l-aħħar snin, filwaqt li ħabbtet wiċċha ma’sfidi globali, mal-kriżi tal-għoli tal-ħajja, mat-tibdil fil-klima u mal-kumplessitajiet tat-tranżizzjoni diġitali, l-Unjoni Ewropea rduppjat l-isforzi tagħha biex tipproteġi lin-nies u l-komunitajiet u tagħtihom is-setgħa. Fl-2025, il-ħidma tagħha biex ittejjeb il-kundizzjonijiet tal-għajxien u tax-xogħol għal kulħadd kompliet bil-ħeffa. Is-sena ġiet definita minn inizjattivi li jindirizzaw in-nuqqas tal-ħaddiema u l-ħiliet, u b’hekk taw appoġġ lit-tkabbir sostenibbli u inklużiv tal-UE u żguraw il-kompetittività tagħha. L-UE kompliet tappoġġa miżuri ġodda sabiex il-ħaddiema jkunu jistgħu jgawdu d-drittijiet soċjali tagħhom. Barra minn hekk, għaliha baqgħet prijorità ewlenija li tiżgura li ċ-ċittadini kollha jiġu ttrattati b’mod ġust u ekwu, irrispettivament mill-isfond, permezz tal-introduzzjoni ta’ qafas kruċjali għall-ġlieda kontra l-vjolenza abbażi tal-ġeneru, flimkien ma’ pjanijiet biex jissaħħu d-drittijiet tal-konsumatur.

Il-Pilastru Ewropew tad-Drittijiet Soċjali - iftaħ tab ġdida. jaħdem bħala gwida li tmexxi lill-UE fi triq li twassalha lejn Ewropa b’saħħitha u soċjali li tkun ġusta, inklużiva u li tipprovdi opportunitajiet indaqs għal kulħadd. Fl-2025, il-Kummissjoni Ewropea wettqet rieżami tal-Pjan ta’ Azzjoni tal-Pilastru Ewropew tad-Drittijiet Soċjali - iftaħ tab ġdida. bl-għan li timplimenta aħjar il-pilastru, billi tibdel l-20 prinċipju ewlieni - iftaħ tab ġdida. tiegħu f’azzjoni konkreta għall-benefiċċju taċ-ċittadini. B’mod parallel, il-Kummissjoni bdiet taħdem - iftaħ tab ġdida. fuq l-Istrateġija tal-UE Kontra l-Faqar li jmiss, l-ewwel waħda tat-tip tagħha fil-livell tal-UE.

Id-djalogu soċjali għandu rwol kruċjali biex l-intrapriżi Ewropej jinżammu kompetittivi, tiżdied il-produttività tagħhom, jiġu pprovduti impjiegi ta’ kwalità u tiġi żgurata l-ġustizzja soċjali. Fil-5 ta’ Marzu l-Kummissjoni u s-sħab soċjali transindustrijali tagħha ffirmaw Patt għad-Djalogu Soċjali Ewropew - iftaħ tab ġdida. ġdid, li jissaħħaħ ir-rwol tas-sħab soċjali fit-tiswir tal-politiki tas-suq tax-xogħol, tal-impjiegi u tal-politiki soċjali. Barra minn hekk, il-Parlament Ewropew u l-Istati Membri laħqu ftehim politiku matul is-sena dwar id-Direttiva riveduta dwar il-Kunsill Ewropew tax-Xogħlijiet - iftaħ tab ġdida., li ssaħħaħ l-involviment sinifikanti tal-impjegati fid-deċiżjonijiet tal-kumpaniji biex jgħinu fil-ġestjoni tal-bidla f’ambjenti tranżnazzjonali.

L-ekonomija soċjali stabbiliet ruħha bis-sħiħ bħala parti integrali mill-ekonomija u s-soċjetà tal-UE, u kkontribwiet għall-prosperità, il-kompetittività u r-reżiljenza tal-Ewropa. Fl-2025, il-Kummissjoni nediet ir-rieżami ta’ nofs it-terminu - iftaħ tab ġdida. tal-Pjan ta’ Azzjoni dwar l-Ekonomija Soċjali 2021–2030 - iftaħ tab ġdida. tagħha. Diġà, aktar minn 4.3 miljun assoċjazzjoni, kooperattiva, soċjetà mutwa, fondazzjoni u intrapriża soċjali jwettqu attivitajiet li jagħtu prijorità lill-objettivi soċjali u ambjentali fuq il-profitt.

Il-miri tal-UE għall-2030

  • Mill-inqas 78 % tal-popolazzjoni bejn l-20 u l-64 sena għandha tkun f’impjieg.
  • Mill-inqas 60 % tal-adulti jeħtieġ li jipparteċipaw f’xi taħriġ kull sena.
  • Mill-inqas 15-il miljun persuna inqas għandha tkun f’riskju ta’ faqar jew ta’ esklużjoni soċjali.

Ħiliet għall-prosperità tal-UE u għar-reżiljenza ekonomika u soċjetali

Il-kapital uman huwa kruċjali għall-prosperità, id-demokrazija, ir-reżiljenza ekonomika u soċjetali tal-UE, u l-ekonomija soċjali tas-suq unika. Biex tkun kompetittiva u mħejjija għall-futur, jeħtieġ li l-UE tappoġġa u tħejji ċ-ċittadini tagħha bil-ħiliet meħtieġa biex jiksbu suċċess fit-tagħlim, ix-xogħol u l-ħajja ta’ kuljum, kif enfasizzat mill-Boxxla għall-Kompetittività - iftaħ tab ġdida. għall-UE (ara l-Kapitlu 2).

Din hija r-raġuni għaliex, f’Marzu, il-Kummissjoni nediet l-unjoni tal-ħiliet - iftaħ tab ġdida., strateġija komprensiva li għandha l-għan li tappoġġa l-iżvilupp ta’ sistemi ta’ edukazzjoni, taħriġ u ħiliet ta’ kwalità, inklużivi u adattabbli biex tiżdied il-kompetittività tal-UE. F’dan il-kuntest, l-informazzjoni dwar il-ħiliet imtejba fil-livell tal-UE se tkun ta’ importanza ewlenija għal politiki effettivi u mmirati. L-unjoni tal-ħiliet tibni wkoll fuq l-azzjoni li diġà ttieħdet taħt iż-Żona Ewropea tal-Edukazzjoni (EEA, European Education Area) u taħdem b’sinerġija magħha.

Roxana Mînzatu quddiem farm tas-servers flimkien ma’ żewġ nisa oħrajn. Waħda min-nisa qed iżżomm folja tal-karta ’l fuq.
Il-Viċi President Eżekuttiv tal-Kummissjoni Ewropea għad-Drittijiet Soċjali, il-Ħiliet, l-Impjiegi ta’ Kwalità, u l-Preparatezza, Roxana Mînzatu, (fuq ix-xellug), waqt żjara fid-Dipartiment tal-Fiżika tal-Università ta’ Stokkolma fi Stokkolma, l-Iżvezja, nhar l-10 ta’ Ottubru 2025.

L-unjoni tal-ħiliet

  • Żvilupp tal-ħiliet għal ħajjiet u impjiegi ta’ kwalità.
  • Titjib u tiġdid tal-ħiliet għat-tranżizzjonijiet diġitali u nodfa.
  • Ċirkolazzjoni tal-ħiliet madwar l-UE għall-kompetittività.
  • Nattiraw, niżviluppaw, u nżommu t-talent għall-futur tal-Ewropa.

Żieda ta’ 0.1 % biss fl-investiment fil-ħiliet għall-ħaddiema żgħażagħ tista’ żżid l-impjiegi b’ 0.25 % u żżid il-prodott domestiku gross b’ 0.18 % (DĠ Impjiegi, Affarijiet Soċjali u Inklużjoni, Employment and Social Developments in Europe 2024 - iftaħ tab ġdida., 2024).

Bejn l-2021 u l-2027 l-UE qed tinvesti aktar minn €150 biljun biex tappoġġa lin-nies, in-negozji, l-istituzzjonijiet edukattivi u oħrajn biex tiżviluppa l-edukazzjoni u l-ħiliet meħtieġa għal ekonomija Ewropea prospera u kompetittiva. Fil-qafas finanzjarju pluriennali l-ġdid (ara l-Kapitlu 8), li għandu jopera mill-2028 sal-2034, il-Kummissjoni tipproponi li mill-inqas 14 % tal-fondi taħt kwalunkwe pjan ta’ sħubija nazzjonali u reġjonali - iftaħ tab ġdida. (ħlief ammonti delimitati għall-agrikoltura u għall-Fond Soċjali għall-Klima) ikunu ddedikati għan-nefqa soċjali. Il-baġit il-ġdid se jgħin biex jitwettaq il-Pilastru Ewropew tad-Drittijiet Soċjali billi jinvesti fin-nies permezz ta’ impjiegi ta’ kwalità, l-inklużjoni soċjali, l-edukazzjoni, il-ħiliet, is-saħħa, l-akkomodazzjoni u l-infrastruttura soċjali.

L-investiment fin-nies, ir-rikonoxximent tal-ħiliet tagħhom u l-attrazzjoni tat-talent madwar l-Ewropa huma pilastri ewlenin tal-unjoni tal-ħiliet. Fl-2025, il-Kummissjoni ċċelebrat l-20 sena tal-Europass - iftaħ tab ġdida., pjattaforma online bla ħlas u sigura li tappoġġa liċ-ċittadini matul il-vjaġġi professjonali tagħhom.

© kite_rin – stock.adobe.com

Wieħed mill-objettivi ewlenin tal-unjoni tal-ħiliet huwa l-attrazzjoni tat-talent minn pajjiżi mhux tal-UE. F’Novembru, il-Parlament u l-Kunsill tal-Unjoni Ewropea laħqu wkoll ftehim politiku dwar ir-Riżerva ta’ Talent tal-UE - iftaħ tab ġdida., għodda ewlenija biex jiġi indirizzat in-nuqqas ta’ ħaddiema u ta’ ħiliet tal-UE. Din se tkun pjattaforma faċli għall-utent, moderna u affidabbli biex tqabbel lil min qed ifittex impjieg minn pajjiżi mhux tal-UE ma’ min jimpjega fl-UE. Barra minn hekk, fl-2025 tnieda proġett pilota ta’ azzjoni Marie Skłodowska-Curie “MSCA Choose Europe” biex tiżdied l-attraenza tal-karrieri fir-riċerka Ewropej billi tiġi indirizzata l-kwistjoni tal-prekarjetà u jiġu offruti kundizzjonijiet tax-xogħol eċċellenti.

Nipprovdu impjiegi ta’ kwalità

Meta niżguraw d-disponibbiltà ta’ impjiegi ta’ kwalità ma nkunu biss qed ngħinu biex titrawwem il-ġustizzja soċjali iżda nkunu qed nikkontribwixxu wkoll għal xenarju industrijali robust u kompetittiv. Il-Kummissjoni adottat il-Pjan Direzzjonali għal Impjiegi ta’ Kwalità - iftaħ tab ġdida. f’Diċembru. Dan tħejja bl-involviment mill-qrib tas-sħab soċjali, u jiffoka fuq il-ħolqien u l-preservazzjoni ta’ impjiegi ta’ kwalità, b’mod partikolari matul it-tranżizzjonijiet nodfa u diġitali, filwaqt li jiżgura li d-drittijiet tal-ħaddiema jipprogessaw id f’id ma’ ekonomija moderna. Il-pjan direzzjonali jitlob ukoll l-infurzar tad-drittijiet eżistenti, servizzi ta’ kwalità għal kulħadd u madwar ir-reġjuni kollha, finanzjament adegwat, u djalogu soċjali u negozjar kollettiv imsaħħin. Flimkien, il-Kummissjoni nediet l-ewwel stadju ta’ konsultazzjoni dwar att dwar impjiegi ta’ kwalità - Fajl PDF, iftaħ tab ġdida. biex tiġbor il-fehmiet tas-sħab soċjali dwar inizjattiva potenzjali f’dan il-qasam.

Appoġġ għall-ħaddiema

Filwaqt li l-għodod diġitali jipprovdu kemm lill-ħaddiema kif ukoll lill-impjegaturi b’aktar flessibbiltà, li tippermetti awtonomija u innovazzjoni akbar, hemm ukoll sejħiet dejjem akbar għal salvagwardji biex jiġi żgurat li d-diġitalizzazzjoni ma ddgħajjifx id-drittijiet tal-ħaddiema. Fl-2025, il-Kummissjoni kompliet tieħu passi lejn id-difiża tad-dritt tal-ħaddiema għall-iskonnessjoni u għal telexogħol ekwu, u kkonkludiet konsultazzjonijiet tat-tieni stadju mas-sħab soċjali. Barra minn hekk, sal-aħħar tas-sena, il-Kummissjoni temmet b’suċċess il-ħidma tal-grupp espert iddedikat għat-traspożizzjoni tad-Direttiva dwar Xogħol fuq il-Pjattaformi - iftaħ tab ġdida. fil-liġi nazzjonali, li l-Istati Membri obbligati jagħmlu sa Diċembru 2026.

F’Lulju, il-Kummissjoni pproponiet salvagwardji aktar b’saħħithom għall-ħaddiema esposti għal sustanzi perikolużi b’limiti ġodda ta’ esponiment kimiku - iftaħ tab ġdida.. Il-miżuri huma mistennija li jipprevjenu madwar 1 700 każ ta’ kanċer tal-pulmun u 19 000-il marda serja oħra matul l-40 sena li ġejjin u jistgħu jiffrankaw sa €1.16-il biljun fi spejjeż tal-kura tas-saħħa. Il-proposti tal-Kummissjoni se jiġu diskussi mill-Parlament Ewropew u mill-Kunsill. Bl-istess mod, l-UE ppubblikat ukoll lista indikattiva ġdida ta’ prodotti mediċinali perikolużi - iftaħ tab ġdida., flimkien ma’ linji gwida għall-ġestjoni tar-riskji għas-saħħa u s-sikurezza relatati mal-asbestos - iftaħ tab ġdida..

F’ambjent ġeopolitiku dejjem aktar diffiċli, il-Fond Ewropew ta’ Aġġustament għall-Globalizzazzjoni għall-Ħaddiema Ssensjati - iftaħ tab ġdida. kompla jassisti lill-ħaddiema ssensjati minħabba avvenimenti kbar ta’ ristrutturar. Bħala inizjattiva ewlenija tal-Pjan ta’ Azzjoni dwar il-Futur tas-Settur Awtomobilistiku - iftaħ tab ġdida., il-Kummissjoni pproponiet li temenda l-fond biex tippermetti lill-kumpaniji jitolbu appoġġ għall-ħaddiema li qed jiffaċċjaw sensji imminenti.

Finanzjament taħt il-Fond Ewropew ta’ Aġġustament għall-Globalizzazzjoni għall-Ħaddiema Ssensjati

  • €8 miljun biex jappoġġaw 2 400 ħaddiem li ngħataw is-sensja wara l-falliment tal-manifattur tal-kowċis Belġjan Van Hool.
  • €1 miljun biex jappoġġaw 417-il eks impjegat fil-Belġju wara l-għeluq tal-fabbrika tal-manifattur taċ-ċipep BelGaN.
  • €3 miljun biex jgħinu lil 915-il ħaddiem li ngħataw is-sensja wara l-għeluq fil-Ġermanja tas-sit tal-produzzjoni ta’ Goodyear f’Fulda u l-għeluq parzjali tas-sit f’Hanau.
  • €8.5 miljun biex jappoġġaw 5 800 ħaddiem li ngħataw is-sensja wara l-falliment tal-manifattur tal-batteriji Northvolt fl-Iżvezja.

Barra minn hekk, f’Mejju, it-trade unions u l-organizzazzjonijiet tal-impjegaturi minn ħames setturi ffirmaw linji gwida - iftaħ tab ġdida. biex jipprevjenu u jindirizzaw il-vjolenza u l-fastidju relatati max-xogħol. Dawn jespandu l-kamp ta’ applikazzjoni tal-linji gwida eżistenti biex jinkludu l-vjolenza ċibernetika u jenfasizzaw il-prinċipji tal-ugwaljanza bejn il-ġeneri u l-ġlieda kontra d-diskriminazzjoni.

Abitazzjoni u enerġija affordabbli

L-akkomodazzjoni mhux affordabbli saret kwistjoni mifruxa u urġenti madwar l-Ewropa, li tagħmilha aktar diffiċli għan-nies biex jiċċaqilqu biex jistudjaw jew jaħdmu u b’hekk iddgħajjef il-kompetittività u l-prosperità ekonomika tal-UE. Wara konferenza - iftaħ tab ġdida. fl-24 ta’ Marzu, koorganizzata mill-Parlament u l-Kummissjoni, beda l-proċess għall-iżvilupp tal-ewwel Pjan Ewropew għal Akkomodazzjoni Affordabbli - iftaħ tab ġdida. li qatt sar, adottat lejn l-aħħar tal-2025 u bbażat fuq il-kontribut ta’ Bord Konsultattiv ġdid dwar l-Akkomodazzjoni - iftaħ tab ġdida.. Il-pjan għandu l-għan li jappoġġa lill-Istati Membri, lir-reġjuni u lill-ibliet biex jegħlbu l-isfidi strutturali, jisfruttaw l-investiment pubbliku u privat u, fl-aħħar mill-aħħar, itejbu l-aċċess għal akkomodazzjoni sostenibbli, affordabbli u ta’ kwalità, inkluża l-akkomodazzjoni soċjali.

40 %

taż-żgħażagħ iqisu l-għoli tal-ħajja bħala l-aktar tħassib urġenti għall-futur.

Sors: Il-Parlament Ewropew, Ewrobarometru Flash — Stħarriġ taż-Żgħażagħ 2024 - iftaħ tab ġdida., Frar 2025.

Il-pjan jipproponi wkoll miżuri għal settur tal-kostruzzjoni u tar-rinnovazzjoni li hu aktar produttiv u innovattiv u li se jindirizza d-differenza bejn il-provvista tal-akkomodazzjoni u d-domanda għaliha permezz tal-Istrateġija Ewropea għall-Kostruzzjoni tal-Akkomodazzjonijiet - iftaħ tab ġdida.. It-tisħiħ ta’ dan huwa l-inizjattiva tal-Bauhaus Ewropea l-Ġdida - iftaħ tab ġdida., li fir-rigward tagħha l-Kummissjoni adottat komunikazzjoni u proposta għal rakkomandazzjoni tal-Kunsill - iftaħ tab ġdida. f’Diċembru, flimkien mal-Pjan Ewropew għal Akkomodazzjoni Affordabbli. L-inizjattiva tfittex li trawwem spazji, prodotti u stili ta’ ħajja sostenibbli, inklużivi u estetikament pjaċevoli, filwaqt li tallinja mal-Patt Ekoloġiku Ewropew u mal-Patt għal Industrija Nadifa, filwaqt li tirrispetta kulturi u tradizzjonijiet differenti.

Il-kwistjoni tal-aċċess għall-akkomodazzjoni affordabbli mhijiex limitata biss għall-gruppi li għandhom l-introjtu aktar baxx. Bħala tali, fl-2025, il-Kummissjoni pproponiet li tirrevedi d-Deċiżjoni dwar is-Servizzi ta’ Interess Ekonomiku Ġenerali - iftaħ tab ġdida., bl-għan li tiżgura li r-regoli dwar l-għajnuna mill-Istat jiffaċilitaw l-investiment kemm fl-akkomodazzjoni affordabbli kif ukoll fl-akkomodazzjoni soċjali. Il-Kummissjoni se taħdem mal-awtoritajiet nazzjonali, reġjonali u lokali biex tissimplifika r-regoli u l-proċeduri li jillimitaw il-provvista tal-akkomodazzjoni, b’enfasi partikolari fuq l-ippjanar u l-permessi. Inizjattiva leġiżlattiva ġdida dwar il-kirjiet għal żmien qasir se tappoġġa żoni bi stress relatat mal-akkomodazzjoni.

Billi jindirizza l-kawżi sottostanti tal-kriżi tal-akkomodazzjoni b’mod komprensiv, dan il-pjan se jgawdu minnu partikolarment dawk l-aktar affettwati: iż-żgħażagħ, l-istudenti, il-ħaddiema essenzjali, dawk b’pagi baxxi u gruppi żvantaġġati oħra. Il-Kummissjoni se timmobbilizza investimenti ġodda fl-akkomodazzjonijiet soċjali u dawk għall-istudenti, u se tgħin lill-Istati Membri joħorġu b’soluzzjonijiet għall-persuni mingħajr dar abbażi tal-prinċipji l-Akkomodazzjoni l-Ewwel.

L-UE mhux biss qed taħdem biex tagħmel l-akkomodazzjoni aktar affordabbli iżda qed tgħin ukoll lill-konsumaturi jnaqqsu l-ispejjeż tal-enerġija tagħhom. Il-Pjan ta’ Azzjoni għall-Enerġija Affordabbli - iftaħ tab ġdida. se jagħti solliev lill-unitajiet domestiċi u lin-negozji li qed jiffaċċjaw kontijiet għoljin tal-enerġija (ara l-Kapitlu 2), bl-iffrankar mit-tnaqqis tad-dipendenza tal-Ewropa fuq il-fjuwils fossili potenzjalment jilħaq €130 biljun sal-2030. Soluzzjonijiet addizzjonali mfassla apposta żviluppati matul is-sena, bħar-regoli riveduti dwar il-konsum tal-enerġija tal-apparat elettriku fil-modalità standby - iftaħ tab ġdida. — li ilhom japplikaw mid-9 ta’ Mejju — se jkomplu jnaqqsu l-użu tal-enerġija.

Ir-regoli aġġornati dwar il-modalità standby waħedhom huma mistennija li jiffrankaw lill-konsumaturi tal-UE madwar €530 miljun fis-sena sal-2030.

Il-Fond Soċjali għall-Klima - iftaħ tab ġdida. se jimmobilizza mill-inqas €86.7 biljun ta’ nfiq fl-Istati Membri mill-2026 sal-2032. Il-Fond jipprovdi riżorsi biex jappoġġa liċ-ċittadini permezz tat-tranżizzjoni lejn enerġija nadifa u biex jindirizza l-impatti soċjali potenzjali tas-Sistema l-ġdida għall-Iskambju ta’ Kwoti tal-Emissjonijiet għall-bini u t-trasport bit-triq - iftaħ tab ġdida. (ETS2) fuq l-unitajiet domestiċi vulnerabbli, il-mikrointrapriżi u l-utenti tat-trasport. Barra minn hekk, f’Diċembru, il-Kummissjoni approvat l-ewwel Pjan Soċjali għall-Klima nazzjonali - iftaħ tab ġdida. — ippreżentat mill-Iżvezja.

Dan Jørgensen qed jagħmel diskors minn wara leġiju. Fl-isfond hemm skrin blu kbir bil-kliem, “An Action Plan to ensure all Europeans have access to affordable energy, 26 February 2025” (Pjan ta’ Azzjoni biex niżguraw li l-Ewropej kollha jkollhom aċċess għal enerġija affordabbli, 26 ta’ Frar 2025), u logo tal-Kummissjoni Ewropea.
Il-Kummissarju Ewropew għall-Enerġija u għall-Akkomodazzjoni, Dan Jørgensen, waqt konferenza stampa dwar il-Pjan ta’ Azzjoni għal Enerġija Affordabbli, fi Brussell, il-Belġju, nhar is-26 ta’ Frar 2025.

L-iffaċilitar tal-protezzjonijiet tal-konsumatur

Bis-saħħa tar-regoli tal-UE dwar il-protezzjoni tal-konsumatur, il-konsumaturi huma protetti sew minn prattiki inġusti u għandhom id-dritt għal informazzjoni ċara dwar il-prodotti u s-servizzi li jixtru. Madankollu, iż-żieda fl-ekonomija diġitali u fil-kummerċ elettroniku ġabet magħha sfidi ġodda għall-konsumaturi online.

L-Aġenda tal-Konsumatur - iftaħ tab ġdida. il-ġdida għall-2025–2030, adottata fid-19 ta’ Novembru, tiffoka fuq it-tisħiħ tad-drittijiet tal-konsumatur fi ħdan is-Suq Uniku. Dan se jtejjeb l-infurzar, jixpruna l-kompetittività u l-prosperità sostenibbli, jipproteġi lill-konsumaturi vulnerabbli, inaqqas il-piżijiet amministrattivi u jippromwovi ekonomija ġusta, ekoloġika u diġitali. Element importanti tal-aġenda se jkun l-att dwar il-ġustizzja diġitali - iftaħ tab ġdida., stabbilit għall-adozzjoni fl-aħħar nofs tal-2026, li għandu l-għan speċifiku li jindirizza prattiki dannużi — bħal dark patterns u kummerċjalizzazzjoni qarrieqa tal-influwenzaturi — fi spazji online, b’enfasi partikolari fuq il-minorenni. Se tħares ukoll lejn opportunitajiet għas-simplifikazzjoni u t-tnaqqis tal-piżijiet mingħajr ma titnaqqas il-protezzjoni tal-konsumatur. Il-Kummissjoni ppubblikat ukoll komunikazzjoni dwar il-kummerċ elettroniku - iftaħ tab ġdida. biex tindirizza r-riskji għas-saħħa u s-sikurezza marbuta ma’ żieda fl-importazzjonijiet ta’ valur baxx fis-swieq tal-UE.

Is-Summit Ewropew dwar il-Konsumatur tal-2025 - iftaħ tab ġdida. laqqa’ lil dawk li jfasslu l-politika, in-negozji u s-soċjetà ċivili biex jiddiskutu l-protezzjoni tal-konsumatur, il-kummerċ elettroniku transfruntier u s-swieq diġitali, filwaqt li fasslu l-Aġenda tal-Konsumatur il-ġdida u l-pjan ta’ azzjoni relatat. L-avveniment ra wkoll żewġ pjattaformi ġodda tal-kummerċ elettroniku jingħaqdu mal-Wegħda għall-Protezzjoni tal-Konsumatur - iftaħ tab ġdida., u jingħaqdu ma’ 10 firmatarji eżistenti biex jimpenjaw ruħhom li jmorru lil hinn mir-rekwiżiti legali biex jipproteġu lill-konsumaturi u d-drittijiet diġitali tagħhom.

Il-kostatazzjonijiet ewlenin tat-Tabella ta’ Valutazzjoni tal-Kundizzjonijiet tal-Konsumatur 2025 - iftaħ tab ġdida. tal-UE

Ix-xerrejja online huma 60 % aktar probabbli li jesperjenzaw problemi mix-xerrejja offline.

93 % jinkwetaw dwar reklamar immirat, inkluż:

  • il-ġbir ta’ data personali mingħajr kunsens (71 %);
  • reklamar eċċessiv (67 %);
  • personalizzazzjoni inevitabbli (63 %).

45 % kienu ltaqgħu ma’ scams online fis-sena preċedenti.

Ħafna kienu ffaċċjaw prattiki inġusti, bħal:

  • riċensjonijiet foloz (66 %);
  • skontar qarrieqi (61 %).
Xjentist liebes ġagaga bajda tal-laboratorju qed jittawwal f’mikroskopju.
Tekniku qed jispezzjona prodott bil-mikroskopju fil-laboratorju SGS fi Brussell, il-Belġju, nhar l-4 ta’ April 2025. F’dan il-laboratorju jsiru testijiet tas-sikurezza biex jiġi żgurat li l-prodotti għall-konsumaturi jkunu jissodisfaw l-istandards tas-sikurezza tal-UE. Permezz tas-sistema Safety Gate tal-UE, l-Istati Membri jistgħu jaqsmu malajr bejniethom informazzjoni dwar prodotti perikolużi mhux tal-ikel biex jipproteġu lill-konsumaturi madwar l-Ewropa. Fir-rapport annwali tal-Kummissjoni dwar is-Safety Gate għall-2024 - iftaħ tab ġdida., li ġie ppubblikat fl-2025, ġew irreġistrati 4 137 twissija dwar prodotti mhux sikuri, u dan wassal għal azzjoni rapida min-naħa tal-awtoritajiet nazzjonali tas-sorveljanza tas-suq biex ineħħuhom mis-suq.

Azzjonijiet oħra tal-2025 għall-protezzjoni tal-konsumatur

Filmat li jispjega r-raġunijiet għall-ħolqien tal-kodiċi ta’ kondotta u l-vantaġġi li jagħti lill-konsumatur Ewropew.
FILMAT:Together for reliable online reviews (Flimkien għal reċensjonijiet affidabbli online).

Sabiex jiġi żgurat li l-konsumaturi jkollhom aċċess għal reċensjonijiet u klassifikazzjonijiet affidabbli b’rabta mal-akkomodazzjoni turistika, l-UE appoġġat lill-pjattaformi tal-prenotazzjoni, lill-operaturi tal-lukandi, u lill-organizzazzjonijiet tal-konsumaturi biex jiżviluppaw kodiċi ta’ kondotta - iftaħ tab ġdida. ġdid.

L-involviment u l-parteċipazzjoni taż-żgħażagħ

L-importanza taż-żgħażagħ fit-tiswir tal-futur tal-UE hija riflessa fil-Linji Gwida Politiċi - iftaħ tab ġdida. għall-Kummissjoni 2024–2029. L-UE hija impenjata li tisma’ dak li ż-żgħażagħ għandhom x’jgħidu u tindirizza t-tħassib tagħhom direttament.

Il-Bord Konsultattiv taż-Żgħażagħ tal-President - iftaħ tab ġdida. il-ġdid, id-Djalogi annwali ta’ Politika maż-Żgħażagħ - iftaħ tab ġdida. u l-Verifika taż-Żgħażagħ - iftaħ tab ġdida. tal-Kummissjoni jpoġġu liż-żgħażagħ fil-qalba tat-tfassil tal-politika tal-UE. Fl-2025, il-Kummissjoni applikat il-Verifika taż-Żgħażagħ għall-programm ta’ ħidma annwali tagħha għall-ewwel darba, billi kkonsultat liż-żgħażagħ u lis-soċjetà ċivili taż-żgħażagħ dwar inizjattivi ewlenin ta’ rilevanza sinifikanti għaż-żgħażagħ. Barra minn hekk, il-Kummissarji kollha organizzaw Djalogi ta’ Politika maż-Żgħażagħ biex iħeġġu liż-żgħażagħ jaqsmu l-perspettivi tagħhom, filwaqt li jiżguraw li leħinhom jinstema’ fl-ogħla livell tat-teħid tad-deċiżjonijiet tal-UE.

Il-Bord Konsultattiv taż-Żgħażagħ tal-President ilaqqa’ rappreżentant żagħżugħ wieħed mill-Kunsill Nazzjonali taż-Żgħażagħ ta’ kull Stat Membru u wieħed mill-Forum Ewropew taż-Żgħażagħ - iftaħ tab ġdida., flimkien ma’ osservaturi minn pajjiżi kandidati u kandidati potenzjali għall-adeżjoni mal-UE. Huwa jagħti pariri lill-President dwar kwistjonijiet li huma l-aktar importanti għaż-żgħażagħ, jikkondividi l-perspettivi tagħhom dwar il-politiki żviluppati mill-Kummissjoni u jpoġġi liż-żgħażagħ fil-qalba tat-tfassil tal-politika tal-UE.

Filmat li jispjega l-ħolqien, il-kompożizzjoni, il-funzjoni, u r-responsabbiltajiet tal-Bord Konsultattiv il-ġdid taż-Żgħażagħ għall-President. Il-filmat jagħlaq b’sensiela ta’ testimonjanzi mill-membri tal-bord, li minnhom joħroġ il-valur tiegħu.
FILMAT:Il-Bord Konsultattiv taż-Żgħażagħ għall-President.

Kull Kummissarju kellu l-ewwel Djalogu ta’ Politika maż-Żgħażagħ tiegħu fl-ewwel 100 jum tal-mandat il-ġdid u kompla jinvolvi ruħu personalment maż-żgħażagħ Ewropej matul is-sena.

Saru
41 djalogu
mill-bidu ta’ dan il-mandat.

9 djalogi
pprovdew kontribut siewi għal inizjattivi li għaddejjin mill-proċess tal-Verifika taż-Żgħażagħ, bħat-Tarka Ewropea għad-Demokrazija, il-Patt Ewropew għall-Oċeani u l-Viżjoni għall-Agrikoltura u għall-Ikel.

Raffaele Fitto bilwieqfa b’mikrofonu f’idejh. Raffaele Fitto bilqiegħda madwar mejda ma’ bosta persuni oħrajn, f’sala mimlija udjenza żagħżugħa.
Il-Viċi President Eżekuttiv tal-Kummissjoni Ewropea għall-Koeżjoni u r-Riformi, Raffaele Fitto, ipparteċipa fi Djalogu ta’ Politika maż-Żgħażagħ fejn indirizza temi asvaluri tal-UE u l-impatt tal-istrateġiji politiċi u l-programmi tal-Kummissjoni fuq il-ħajja ta’ kuljum taċ-ċittadini tal-UE, f’Modena, l-Italja, nhar is-7 ta’ Marzu 2025.

Ġew adottati linji gwida - iftaħ tab ġdida. ġodda dwar il-protezzjoni tal-minorenni skont l-Att dwar is-Servizzi Diġitali - iftaħ tab ġdida. biex it-tfal u ż-żgħażagħ jiġu protetti minn riskji online bħall-grooming, il-kontenut dannuż, u l-imġiba problematika u ta’ dipendenza, flimkien mal-bullying ċibernetiku u l-prattiki kummerċjali dannużi.

Il-linji Gwida Politiċi tal-Kummissjoni jenfasizzaw ukoll l-importanza li tiġi ggarantita l-ġustizzja interġenerazzjonali; l-iffukar fuq li niżguraw li d-deċiżjonijiet li nieħdu llum ma jagħmlux ħsara lill-ġenerazzjonijiet ta’ għada; u t-trawwim tas-solidarjetà u l-involviment bejn persuni ta’ etajiet differenti. Fl-2025, il-Kummissjoni organizzat Panel taċ-Ċittadini Ewropej (ara l-Kapitlu 6) u sensiela ta’ djalogi strateġiċi maċ-ċittadini, l-istituzzjonijiet u s-soċjetà ċivili biex tinforma Strateġija futura dwar l-Ekwità Interġenerazzjonali - iftaħ tab ġdida..

Nappoġġaw l-edukazzjoni u nibnu pontijiet

L-Unjoni tal-ħiliet tibni b’mod sinifikanti fuq l-EEA - iftaħ tab ġdida. u qed tiġi implimentata flimkien magħha, inizjattiva biex tgħin lill-Istati Membri jibnu sistemi ta’ edukazzjoni u taħriġ aktar inklużivi u reżiljenti. F’Ġunju, il-Kummissjoni ppubblikat rapport dwar l-evalwazzjoni interim tal-EEA - iftaħ tab ġdida., li jservi bħala bażi għall-Kunsill biex jaqbel dwar qafas ta’ kooperazzjoni strateġika ġdid għall-2026–2030.

Se jaqgħu wkoll taħt l-unjoni tal-ħiliet Pjan ta’ Azzjoni dwar il-Ħiliet Bażiċi - iftaħ tab ġdida. u Pjan Strateġiku għall-Edukazzjoni STEM - iftaħ tab ġdida.. Dawn għandhom l-għan kemm li jappoġġaw l-isforzi tal-Istati Membri biex jiżguraw li n-nies kollha — mit-tfulija bikrija sal-età adulta — ikollhom ħiliet bażiċi b’saħħithom kif ukoll li jżidu s-sehem ta’ studenti rreġistrati fl-oqsma STEM (xjenza, teknoloġija, inġinerija u matematika), b’enfasi speċjali fuq l-istudenti nisa.

L-introduzzjoni b’suċċess tal-unjoni tal-ħiliet u tal-EEA tiddependi fuq appoġġ robust għall-edukazzjoni u t-taħriġ. Erasmus+ - iftaħ tab ġdida. huwa storja dejjiema ta’ suċċess tal-UE, bi kważi 40 sena ta’ impatt fuq it-tkabbir personali u akkademiku ta’ aktar minn 16-il miljun ruħ. F’dan il-kuntest, il-Kummissjoni pproponiet li żżid il-baġit tal-programm Erasmus+ b’50 % biex tgħin liż-żgħażagħ, lill-istudenti adulti u lill-persunal iwettqu esperjenza ta’ mobbiltà tal-apprendiment fi Stati Membri oħra, u b’hekk issaħħaħ sens ta’ konnessjoni, valuri komuni tal-UE u involviment ċiviku. Il-proposta għandha wkoll l-għan li testendi l-kamp ta’ applikazzjoni tal-programm biex ikopri l-volontarjat, filwaqt li toħloq punt uniku ta’ servizz għall-proġetti u l-inizjattivi kollha taż-żgħażagħ iffinanzjati mill-UE.

Roxana Mînzatu qed tagħmel diskors min wara leġiju. Mal-leġiju u fuq kartellun vjola kbir warajha hemm il-kliem, “Europa, wake-up call?” (Ewropa, twissija serja?).
Il-Viċi President Eżekuttiv tal-Kummissjoni Ewropea għad-Drittijiet Soċjali, il-Ħiliet, l-Impjiegi ta’ Kwalità, u l-Preparatezza, Roxana Mînzatu, qed tilqa’ l-premju Cercle d’Economia għall-Integrazzjoni Ewropea f’Barċellona, Spanja, nhar is-7 ta’ Mejju 2025.

Fl-2025, il-programm Erasmus+ irċieva l-Premju Cercle d’Economia għall-integrazzjoni Ewropea - iftaħ tab ġdida..

Is-Summit Ewropew dwar l-Edukazzjoni u l-Ħiliet tal-2025 - iftaħ tab ġdida., bit-tema “Nixprunaw it-tkabbir tal-Ewropa”, iffoka fuq it-tħejjija tas-sistemi edukattivi tal-Ewropa għal bidla soċjetali u ekonomika rapida. Il-ministri, dawk li jfasslu l-politika, l-edukaturi, l-istudenti, is-sħab soċjali u l-mexxejja tal-industrija ddiskutew kif l-edukazzjoni tista’ ssaħħaħ il-kompetittività, il-koeżjoni u l-valuri demokratiċi tal-Ewropa. Il-Kummissjoni ppreżentat ukoll il-Monitor tal-Edukazzjoni u t-Taħriġ - iftaħ tab ġdida. il-ġdid u r-Rapport Annwali tal-Erasmus+ għall-2024 - iftaħ tab ġdida..

B’impenn sod fid-dedikazzjoni tagħha li tiżgura EEA robusta, fl-2025 il-Kummissjoni laqqgħet l-ewwel Forum dwar il-lawrja Ewropea - iftaħ tab ġdida. ġewwa Firenze, l-Italja. Dan laqqa’ aktar minn 160 rappreżentant tal-awtoritajiet nazzjonali, l-universitajiet, l-aġenziji tal-assigurazzjoni tal-kwalità u l-organizzazzjonijiet tal-istudenti biex iħejju t-triq għall-introduzzjoni ta’ tikketta ta’ lawrja Ewropea konġunta taħt il-Wegħda ta’ Firenze.

Madankollu, l-edukazzjoni u l-iżvilupp tal-ħiliet mhumiex limitati biss għall-universitajiet. Varjetà ta’ partijiet ikkonċernati, bħall-fornituri tal-edukazzjoni u t-taħriġ vokazzjonali (VET), l-iskejjel u l-partijiet ikkonċernati tas-suq tax-xogħol, jibbenefikaw mill-mobbiltà tal-apprendiment u l-proġetti ta’ kooperazzjoni tal-Erasmus+. Iċ-Ċentri ta’ Eċċellenza Vokazzjonali - iftaħ tab ġdida., inizjattiva ewlenija tal-Erasmus+ fil-qasam tal-VET, raw għadd rekord ta’ applikazzjonijiet fl-2025, li laħqu total ta’ 303, żieda mill-132 tas-sena preċedenti. Għall-perjodu 2021–2027, il-programm Erasmus+ alloka baġit indikattiv ta’ €400 miljun għall-finanzjament ta’ dawn iċ-ċentri. Fis-sejħa għal interess tal-2025, il-baġit disponibbli jippermetti li jiġu ffinanzjati mill-inqas 15-il proġett ġdid tal-Erasmus+.

Id-Dikjarazzjoni ta’ Herning dwar edukazzjoni u taħriġ vokazzjonali attraenti u inklużivi għal aktar kompetittività u impjiegi ta’ kwalità 2026–2030

Approvata fit-12 ta’ Settembru 2025 mill-ministri responsabbli għall-VET mill-Istati Membri, il-pajjiżi kandidati tal-UE, il-pajjiżi taż-Żona Ekonomika Ewropea, is-sħab soċjali Ewropej u l-Kummissjoni, id-Dikjarazzjoni ta’ Herning - Fajl PDF, iftaħ tab ġdida. iġġedded u ssaħħaħ l-isforzi kkoordinati għar-riformi tal-VET f’konformità mal-ħtiġijiet tas-soċjetà u tas-suq tax-xogħol li qed jevolvu. Id-dikjarazzjoni hija kontribut importanti għall-istrateġija Ewropea tal-VET li jmiss, imħabbra taħt l-unjoni tal-ħiliet, biex tgħin fid-definizzjoni tal-qafas ta’ politika l-ġdid f’dan il-qasam għall-2026–2030.

L-Alleanza Ewropea għall-Apprendistati - iftaħ tab ġdida. ospitat l-aktar avveniment ta’ livell għoli reċenti - iftaħ tab ġdida. tagħha matul is-sajf, li laqqa’ aktar minn 230 parteċipant. Il-partijiet ikkonċernati ewlenin, dawk li jfasslu l-politika, is-sħab soċjali, il-fornituri tal-edukazzjoni, il-kumpaniji u l-apprendisti nġabru biex jesploraw kif l-apprendistati jistgħu jixprunaw it-tranżizzjoni nadifa tal-Ewropa u jiżviluppaw forza tax-xogħol b’ħiliet u reżiljenti għall-futur. Flimkien mal-Fondazzjoni Ewropea għat-Taħriġ - iftaħ tab ġdida., f’Ottubru organizzat ukoll seminar għall-pajjiżi sħab fil-Montenegro - iftaħ tab ġdida..

Fl-2025, il-Kummissjoni kompliet tappoġġa n-negozjati dwar id-direttiva proposta dwar it-traineeships - iftaħ tab ġdida., flimkien mar-Rakkomandazzjoni riveduta tal-Kunsill dwar Qafas tal-Kwalità għat-Traineeships imsaħħaħ - iftaħ tab ġdida..

Għall-ewwel darba, il-Pjan ta’ Azzjoni dwar il-Ħiliet Bażiċi, parti mill-unjoni tal-ħiliet, jirrikonoxxi wkoll il-ħiliet taċ-ċittadinanza flimkien ma’ dawk bħal-litteriżmu, il-matematika u x-xjenza. B’dan il-ħsieb, it-tema għall-edizzjoni tal-2025 tal-Premju Ewropew għat-Tagħlim Innovattiv - iftaħ tab ġdida. kienet “L-edukazzjoni dwar iċ-ċittadinanza — Parteċipazzjoni fil-ħajja demokratika, il-valuri komuni u l-involviment ċiviku”. Matul is-sena, permezz tal-Inizjattivi Jean Monnet “Apprendiment tal-UE” tal-Erasmus+ - iftaħ tab ġdida., intgħażlu 106 proposti biex jipprovdu minimu ta’ 120 siegħa ta’ tagħlim tad-demokrazija u tal-valuri tal-UE għal kull skola fuq perjodu ta’ 3 snin. In-networks tal-iskejjel Jean Monnet espandew ukoll fl-2025. Dawn in-networks huma magħmula minn istituzzjonijiet f’mill-inqas tliet Stati Membri, u jgħinu fl-integrazzjoni ta’ suġġetti tal-UE fl-apprendiment primarju, sekondarju u tal-klassi tal-VET.

Barra minn hekk, fl-2025, il-Kummissjoni nediet żewġ ċikli ta’ applikazzjonijiet ta’ DiscoverEU - iftaħ tab ġdida., li joffru aktar minn 75 000 biljett tal-ivvjaġġar lil żgħażagħ ta’ 18-il sena madwar l-Ewropa. DiscoverEU tgħin liż-żgħażagħ jesploraw il-wirt kulturali kondiviż tal-kontinent u jiksbu ħiliet u kompetenzi li se jservuhom matul ħajjithom. Dawn iċ-ċikli saru fil-kuntest tal-40 anniversarju tal-Ftehim ta’ Schengen, li jfakkar 40 sena ta’ moviment liberu madwar il-biċċa l-kbira tal-Ewropa.

Boxxla Kulturali għall-Ewropa

Fi żmien ta’ bidla rapida, bilfors irridu nirrikonoxxu u nisfruttaw bis-sħiħ il-potenzjal tal-kultura u nindirizzaw l-isfidi li qed jiffaċċjaw is-setturi u l-industriji kulturali u kreattivi. Għalhekk, il-Kummissjoni ppreżentat Boxxla Kulturali għall-Ewropa - iftaħ tab ġdida., li tistabbilixxi viżjoni u tistabbilixxi direzzjonijiet ewlenin biex inpoġġu l-kultura fil-qalba tat-tfassil tal-politika tal-UE. L-ambizzjoni tal-boxxla jirfduha 20 inizjattiva ewlenija, inkluża proposta għal Karta tal-Artisti tal-UE biex jittejbu l-kundizzjonijiet tax-xogħol għall-professjonisti artistiċi u kulturali.

Glenn Micallef bilwieqfa wara leġiju blu, b’fowlder li fuqu hemm il-kliem “Culture Compass” (Il-Boxxla Kulturali). Fuq l-iskrin ta’ warajh hemm il-logo tal-Kummissjoni Ewropea.
Il-Kummissarju Ewropew għall-Ekwità Interġenerazzjonali, iż-Żgħażagħ, il-Kultura u l-Isport, Glenn Micallef, qed jippreżenta l-Boxxla Kulturali għall-Ewropa fil-mument meta ġiet adottata fi Brussell, il-Belġju, nhar it-12 ta’ Novembru 2025.

Fl-2025, l-UE kompliet taħdem biex tinkiseb unjoni ta’ ugwaljanza. F’dan il-kuntest, f’Marzu wasal punt kruċjali meta l-Kummissjoni żvelat il-Pjan Direzzjonali tagħha għad-Drittijiet tan-Nisa - iftaħ tab ġdida.. Il-pjan direzzjonali jiddeskrivi viżjoni fit-tul għall-kisba tal-ugwaljanza bejn il-ġeneri, bl-għan li jiġu rispettati u avvanzati d-drittijiet tan-nisa u li jiġu indirizzati l-isfidi tal-ugwaljanza bejn il-ġeneri, inklużi d-diskriminazzjoni, il-vjolenza u l-preġudizzju ffaċilitat mit-teknoloġija. Fis-16 ta’ Ottubru, rappreżentanti tal-istituzzjonijiet tal-UE, tal-Istati Membri u tal-organizzazzjonijiet tad-drittijiet tan-nisa ltaqgħu fi Brussell, il-Belġju, biex japprovaw uffiċjalment id-Dikjarazzjoni tal-Prinċipji għal Soċjetà Ugwali bejn il-Ġeneri (disponibbli bħala anness tal-pjan direzzjonali). Din id-dikjarazzjoni tibni fuq il-progress sinifikanti li sar skont l-Istrateġija dwar l-Ugwaljanza bejn il-Ġeneri - iftaħ tab ġdida. 2020–2025 dwar il-ħidma lejn soċjetà fejn in-nisa u l-bniet jistgħu jiffjorixxu ħielsa mid-diskriminazzjoni u l-vjolenza.

  • Mara 1 minn kull 3
    nisa esperjenzat vjolenza fiżika jew sesswali fl-età adulta.
  • Mara 1 minn kull 5
    nisa ffaċċjat vjolenza domestika.
  • Mara 1 minn kull 6
    nisa esperjenzat vjolenza sesswali.

Sors: Eurostat, EIGE u FRA, EU Gender-based Violence Survey — Key results - iftaħ tab ġdida., (Stħarriġ tal-UE dwar il-Vjolenza abbażi tal-Ġeneru — Riżultati ewlenin), 2024.

Barra minn hekk, f’Ottubru l-Kummissjoni nediet ukoll l-Istrateġija tagħha dwar l-Ugwaljanza tal-LGBTIQ+ għall-2026–2030 - iftaħ tab ġdida., li tgħaqqad miżuri mmirati ma’ sforzi msaħħa biex l-ugwaljanza tal-LGBTIQ+ tiġi integrata fil-politiki kollha tal-UE. F’dawn l-aħħar 5 snin żdiedet l-aċċettazzjoni soċjali madwar l-UE tal-persuni LGBTIQ+. Skont l-Ewrobarometru dwar id-diskriminazzjoni fl-UE - iftaħ tab ġdida., madwar 75 % tan-nies jgħidu li huma komdi li jkollhom kollegi omosesswali, leżbjani jew bisesswali. Madankollu, il-persuni LGBTIQ+ għadhom jesperjenzaw livelli sproporzjonati u inaċċettabbli ta’ mibegħda.

  • Persuna 1 minn kull 2
    persuni LGBTIQ+ għadha tesperjenza fastidju mmotivat mill-mibegħda.

Sors: FRA, LGBTIQ Equality at a Crossroads — Progress and challenges - iftaħ tab ġdida., 2024.

Bandiera tal-Intersex-Inclusive Progress Pride u żewġ bnadar Ewropej jittajru quddiem il-binja Berlaymont f’jum xemxi bla sħab. Fuq strixxun imdendel mal-binja hemm il-kliem, “United for our future 2024-2029” (Magħqudin għall-ġejjieni tagħna 2024-2029).
Bnadar tal-Ewropa u bandiera tal-Intersex-Inclusive Progress Pride iperpru quddiem il-binja Berlaymont fi Brussell, il-Belġju, nhar il-15 ta’ Mejju 2025. © L-Unjoni Ewropea. Periti: Lucien De Vestel, Jean Gilson, A&J Polak; Rinovazzjoni: Berlaymont 2000

Nindirizzaw id-diskriminazzjoni

Il-ġlieda kontra l-antisemitiżmu kienet qasam ewlieni ieħor li ffukat fuqu l-UE fl-2025, hekk kif l-Ewropa rat żieda f’daqqa ta’ inċidenti ta’ mibegħda antisemitika u vjolenza mmirata lejn il-Lhud wara l-attakki tas-7 ta’ Ottubru 2023. Il-Kummissjoni ospitat it-tieni Forum tas-Soċjetà Ċivili dwar il-Ġlieda kontra l-Antisemitiżmu u t-Trawwim tal-Ħajja Lhudija - iftaħ tab ġdida. f’April, li laqqa’ 250 espert u attivist biex jiddiskutu miżuri speċifiċi biex tkompli tissaħħaħ il-ġlieda kontra l-antisemitiżmu fl-UE. Fid-dawl ta’ theddid evidenti, l-Istrateġija tal-UE dwar il-Ġlieda kontra l-Antisemitiżmu u t-Trawwim tal-Ħajja Lhudija 2021–2030 - iftaħ tab ġdida. se tkompli tiggwida l-azzjoni tal-Kummissjoni biex tipproteġi l-komunità Lhudija.

Il-ġlieda kontra r-razziżmu u l-aċċessibbiltà kienu wkoll fuq l-aġenda matul l-2025. F’April, il-Kummissjoni nediet konsultazzjoni pubblika ġdida - iftaħ tab ġdida. bl-għan li ssawwar l-Istrateġija tal-UE Kontra r-Razziżmu 2026–2030 li jmiss. Din l-istrateġija l-ġdida se tistabbilixxi miżuri biex jindirizzaw il-forom kollha ta’ razziżmu, inkluż l-antiżingariżmu u l-mibegħda kontra l-Musulmani. Dan se jibni fuq il-perkors stabbilit fil-Pjan ta’ Azzjoni tal-UE Kontra r-Razziżmu 2020–2025 - iftaħ tab ġdida., bl-għan li jiżdiedu l-isforzi għall-ġlieda kontra r-razziżmu kemm fil-livell individwali kif ukoll f’dak strutturali.

Filwaqt li bniet fuq it-18-il Pjattaforma Ewropea għall-Inklużjoni tar-Rom - iftaħ tab ġdida. fit-2 ta’ Ottubru, il-Kummissjoni organizzat djalogu ta’ implimentazzjoni - iftaħ tab ġdida. fit-12 ta’ Novembru biex tidentifika l-isfidi li fadal, l-opportunitajiet għas-simplifikazzjoni u l-aħjar prattiki biex tgħin biex jintlaħqu l-miri tal-Qafas Strateġiku tal-UE għar-Rom - iftaħ tab ġdida. 2020–2030.

70 %

tar-Rom jgħixu fil-faqar. Filwaqt li dan huwa inqas milli fl-2016 (80 %), il-familji Rom xorta għadhom erba’ darbiet aktar probabbli li jħabbtu wiċċhom mal-faqar mill-popolazzjoni ġenerali fl-UE.

Sors: FRA, Id-drittijiet tar-Rom u tal-Vjaġġaturi fi 13-il Pajjiż Ewropew - iftaħ tab ġdida., 2025.

Mil-lat tal-aċċessibbiltà, l-Att Ewropew dwar l-Aċċessibbiltà - iftaħ tab ġdida., li ilu japplika fl-Istati Membri mit-28 ta’ Ġunju, jiżgura li l-prodotti u s-servizzi ewlenin — bħat-telefowns, il-kompjuters, it-televiżjonijiet, is-servizzi bankarji u dawk ta’ pagament, it-trasport pubbliku, il-pjattaformi tal-kummerċ elettroniku u l-komunikazzjonijiet elettroniċi — ikunu aċċessibbli għall-persuni b’diżabbiltà, u b’hekk ikun aktar faċli għalihom li jipparteċipaw bis-sħiħ fis-soċjetà.

Il-Kummissjoni ħabbret ukoll, fil-Programm ta’ Ħidma tagħha għall-2026 - iftaħ tab ġdida., komunikazzjoni dwar it-tisħiħ tal-Istrateġija dwar id-Drittijiet tal-Persuni b’Diżabilità - iftaħ tab ġdida.. F’Novembru, il-Kummissjoni nediet sejħa għal evidenza u konsultazzjoni pubblika miftuħa - iftaħ tab ġdida. biex tiġbor feedback dwar l-isfidi u l-ħtiġijiet attwali biex jiġu żgurati drittijiet ugwali għall-persuni b’diżabbiltà fl-UE.

Inrendu l-bliet tal-UE aktar aċċessibbli

L-ispazji aċċessibbli huma l-ewwel pass kruċjali għall-kisba tal-ugwaljanza. Fl-2025 ġiet iċċelebrata is-16-il edizzjoni tal-Access City Award (Premju għall-Bliet Aċċessibbli) - iftaħ tab ġdida., li jirrikonoxxi l-isforzi eċċellenti li għamlu l-bliet tal-UE biex jagħtu prijorità lill-aċċessibbiltà għall-persuni b’diżabbiltà.

F’Diċembru, il-belt ta’ Zaragoza, Spanja, rebħet Access City Award tal-2026, talli serviet ta’ eżempju jispikka ta’ kif bliet tal-UE jistgħu jintegraw b’suċċess l-aċċessibbiltà f’kull aspett tal-ħajja urbana.

Dehra minn fuq ta’ bini kbir u mżejjen, b’saqaf bil-koppli u bil-madum. Minn dawn il-koppli ħerġin strutturi ppuntati rqaq b’balel tad-deheb u ornamenti. Il-koppla ċentrali hija ogħla mill-oħrajn u hija magħmula minn ġebla safra u madum griż blu. Il-koppli l-oħra huma miksija b’disinni ripetuti dettaljati ta’ lewn isfar, blu, abjad u aħdar. Dawn id-disinni tal-madum jidhru wkoll f’dettalji żgħar oħra tas-saqaf. Fuq ix-xellug tar-ritratt, maġenb il-bini għaddejja triq, u fl-isfond tidher xmara kbira mdawra bis-siġar li minn fuqha għaddejjin bosta pontijiet mibnija bi stili u f’perjodi ta’ żmien differenti. Fl-isfond, tidher belt kollha bini tal-ġebla safra u bajda. © rh2010 – stock.adobe.com

L-impenn tal-UE li tindirizza d-diskriminazzjoni jestendi għall-ispazji kollha, inkluż il-qasam diġitali. Fl-2025, il-Kodiċi ta’ Kondotta dwar il-Ġlieda Kontra d-Diskors ta’ Mibegħda Illegali Online + - iftaħ tab ġdida. ġie vvalutat b’mod pożittiv mill-Kummissjoni skont l-Artikolu 45 tal-Att dwar is-Servizzi Diġitali, u għalhekk ġie integrat fil-qafas koregolatorju tal-att (ara l-Kapitlu 6). Il-firmatarji tal-kodiċi impenjaw ruħhom li jsaħħu s-sistemi tagħhom għall-identifikazzjoni u t-tneħħija tad-diskors ta’ mibegħda illegali, itejbu t-trasparenza u r-responsabbiltà, u jaħdmu mill-qrib mas-soċjetà ċivili biex jipprevjenu t-tixrid ta’ tali kontenut, fost affarijiet oħra.

  • Fl-2025, il-Kummissjoni kabbret il-viżibbiltà tal-inizjattivi soċjali bbażati fuq l-isport permezz tal-Premjijiet #BeActive, li jagħtu rikonoxximent lil organizzazzjonijiet u individwi li jużaw l-isport biex jippromwovu, fost l-oħrajn, l-inklużjoni, l-ugwaljanza bejn il-ġeneri, u l-paċi.

Niċċelebraw is-soċjetajiet inklużivi

Iċċelebrat f’Mejju ta’ kull sena, ix-Xahar Ewropew tad-Diversità - iftaħ tab ġdida. jinkorpora l-impenn fit-tul tal-UE għal postijiet tax-xogħol u soċjetajiet varjati u inklużivi. Fl-2025, saru aktar minn 500 avveniment fl-UE kollha.

Wieħed mill-punti saljenti kien ir-raba’ edizzjoni annwali tal-Premju għall-Kapitali Ewropej tal-Inklużjoni u d-Diversità - iftaħ tab ġdida., li jirrikonoxxi l-ħidma li saret mill-irħula, l-bliet jew ir-reġjuni tal-UE biex jippromwovu l-inklużjoni u biex jinħolqu soċjetajiet ħielsa mid-diskriminazzjoni.

Ir-rebbieħa tad-diversi kategoriji kienu kif ġej:

  • awtoritajiet lokali b’aktar minn 50 000 abitant: Utrecht, in-Netherlands;
  • awtoritajiet lokali b’inqas minn 50 000 abitant: Mariehamn, il-Finlandja;
  • kategorija speċifika tal-premju għall-akkomodazzjoni inklużiva: Braga, il-Portugall.
Grupp imħallat ta’ rġiel u nisa ferħanin, lebsin biex imorru jiġru u miġburin nofs tond. Raġel wieqaf fiċ-ċentru tal-grupp bi lbies tal-ġiri bħalhom qed jipponta subgħu ’l fuq bi kburija. © Jacob Lund – stock.adobe.com