Il-prosperità tal-Ewropa tiddependi minn ekonomija kompetittiva, sostenibbli u reżiljenti li tipprovdi opportunitajiet għan-nies u n-negozji tagħha, issa u fil-futur. Fl-2025, l-Unjoni Ewropea saħħet il-bażi industrijali tagħha, ħaffet it-tranżizzjonijiet nodfa u diġitali u approfondiet is-Suq Uniku. Iggwidata mill-Boxxla għall-Kompetittività u mill-Patt għal Industrija Nadifa, ħadmet biex tneħħi d-diskrepanza fl-innovazzjoni, tnaqqas id-dipendenzi, u tallinja l-ambizzjoni klimatika u t-tkabbir ekonomiku. Inizjattivi ġodda biex titnaqqas il-burokrazija, tiġi mmodernizzata t-tassazzjoni u tiġi appoġġata l-kompetizzjoni ġusta se jgħinu lin-negozji, speċjalment lill-intrapriżi żgħar u ta’ daqs medju, biex jirnexxu bejn il-fruntieri. L-investimenti strateġiċi f’teknoloġiji nodfa, fl-innovazzjoni diġitali u fil-materja prima kritika qed jixprunaw il-kompetittività fit-tul, filwaqt li l-Unjoni tat-Tfaddil u tal-Investimenti u l-Fond Ewropew għall-Kompetittività, flimkien ma’ Orizzont Ewropa, għandhom l-għan li jidderieġu aktar kapital fl-industriji futuri tal-Ewropa. In-nies jibqgħu ċentrali għal Ewropa kompetittiva, u l-unjoni tal-ħiliet, imnedija fl-2025, se tagħtihom il-ħiliet meħtieġa għal ekonomija li qed tinbidel (ara l-Kapitlu 4).

Il-Boxxla għall-Kompetittività

Il-Boxxla għall-Kompetittività - iftaħ tab ġdida. hija l-pjan direzzjonali li se jiggwida l-ħidma tal-UE dwar il-kompetittività għall-5 snin li ġejjin. Huwa bbażat fuq ir-rapporti ta’ Draghi - iftaħ tab ġdida. u ta’ Letta - iftaħ tab ġdida. u jsegwi tliet prinċipji ta’ orjentazzjoni - iftaħ tab ġdida.: tnaqqis fid-diskrepanza fl-innovazzjoni; pjan konġunt għad-dekarbonizzazzjoni u l-kompetittività; u t-tisħiħ tas-sigurtà ekonomika billi jitnaqqsu d-dipendenzi eċċessivi. Dawn il-prinċipji huma appoġġati minn miżuri orizzontali li se jagħtu lok għall-kompetittività u jsaħħuha fl-ekonomija tal-UE.

Faċilitaturi orizzontali
għall-kompetittività tal-UE

1. It-tnaqqis tal-burokrazija.
2. It-tneħħija tal-ostakli fis-Suq Uniku.
3. Il-possibbiltà ta’ finanzjament tal-investiment aktar effiċjenti.
4. Il-promozzjoni ta’ ħiliet u impjiegi ta’ kwalità.
5. L-iżgurar ta’ koordinazzjoni aħjar tal-politiki bejn l-UE u l-Istati Membri.

Inlestu s-Suq Uniku

Filwaqt li l-boxxla tipprovdi d-direzzjoni strateġika (l-innovazzjoni, id-dekarbonizzazzjoni, is-sigurtà) fit-triq lejn il-kompetittività, it-tlestija tas-Suq Uniku tiżgura li l-perkors ikun ħieles mill-ostakli. Fil-21 ta’ Mejju, il-Kummissjoni Ewropea pproponiet Strateġija għas-Suq Uniku - iftaħ tab ġdida. biex ikun aktar faċli li jsir in-negozju fl-UE. L-istrateġija tiffoka fuq kif il-provvista transfruntiera tas-servizzi u l-moviment transfruntier tal-oġġetti jsiru aktar bla xkiel u fuq kif jiġi żgurat li r-regoli tas-Suq Uniku jiġu infurzati malajr u b’mod effiċjenti. Is-Suq Uniku żied il-prodott domestiku gross tal-UE b’mill-inqas 3–4 % u ħoloq 3.6 miljun impjieg sa mit-twaqqif tiegħu. L-integrazzjoni sħiħa tas-Suq Uniku tirdoppja l-kisbiet li diġà nkisbu u tagħmel lill-UE aktar kompetittiva.

F’dan il-kuntest, il-Kummissjoni ppubblikat ir-rapport tal-2024 dwar il-politika tal-kompetizzjoni - iftaħ tab ġdida.. Ħarġet ukoll ir-rapport annwali dwar is-Suq Uniku u l-Kompetittività tal-2025 - iftaħ tab ġdida., li jsegwi l-progress tal-UE fir-rigward ta’ disa’ xprunaturi ewlenin tal-kompetittività.

F’Lulju, ġiet approvata l-adozzjoni tal-euro mill-Bulgarija mill-1 ta’ Jannar 2026, u b’hekk din saret il-21 Stat Membru taż-żona tal-euro.

Nimmodernizzaw u nissimplifikaw il-proċeduri doganali għall-oġġetti tal-kummerċ elettroniku

F’Novembru, l-Istati Membri laħqu ftehim biex jabolixxu l-limitu ta’ eżenzjoni mid-dazju doganali ta’ €150 - iftaħ tab ġdida., filwaqt li ttrasformaw il-mod kif jiġu ttrattati l-oġġetti tal-kummerċ elettroniku u kellhom l-għan li joħolqu kundizzjonijiet ekwi bejn il-kummerċ elettroniku u l-bejgħ bl-imnut tradizzjonali. Dan jimmarka l-ewwel kisba tal-proposta ta’ riforma doganali - iftaħ tab ġdida. tal-2023, li għandha l-għan li tindirizza l-isfidi tal-kummerċ elettroniku li jirriżultaw miż-żieda f’oġġetti ta’ valur baxx li jaslu direttament mal-konsumaturi tal-UE minn pajjiżi mhux tal-UE.

Nimmodernizzaw ir-regoli tal-VAT għall-era diġitali

F’Mejju, il-Kunsill tal-Unjoni Ewropea qabel dwar pjan ġdid - iftaħ tab ġdida. għar-regoli tat-taxxa fuq il-valur miżjud (VAT, value added tax). Il-bidliet jiffukaw fuq l-importazzjonijiet tal-kummerċ elettroniku u t-tassazzjoni ta’ oġġetti mibjugħa minn barra l-UE. L-għan huwa li jiġi inċentivat l-użu tal-Punt Uniku ta’ Servizz għall-VAT - iftaħ tab ġdida., li jissimplifika d-dikjarazzjoni u l-ġbir tal-VAT, inaqqas il-burokrazija għan-negozji tal-UE u jappoġġa l-isforzi biex tiġi miġġielda l-frodi tal-VAT.

Il-pakkett storiku tal-VAT fl-Era Diġitali - iftaħ tab ġdida. ġie adottat - iftaħ tab ġdida. f’Marzu, u dan jimmarka pass sinifikanti ’l quddiem fid-diġitalizzazzjoni u l-immodernizzar tas-sistema tal-VAT tal-UE. Dan se jagħmel is-sistema aktar favorevoli għan-negozju, aktar stretta fuq il-frodi u mgħammra aħjar biex tindirizza l-isfidi tal-ekonomija tal-pjattaformi li qed tikber.

Innaqqsu l-piżijiet amministrattivi

Il-ħolqien ta’ ambjent favorevoli għan-negozju jfisser ukoll li jiġu ffaċilitati r-rekwiżiti amministrattivi, speċjalment għall-SMEs. Minflok 27 liġi nazzjonali differenti, l-UE trid toħloq liġi tal-kumpaniji unika u fakultattiva għall-UE kollha, magħrufa bħala t-28 reġim - iftaħ tab ġdida., biex in-negozji jkunu jistgħu jistabbilixxu ruħhom u joperaw kullimkien fl-UE b’mod aktar faċli u malajr, bl-użu ta’ għodod diġitali u proċeduri simplifikati. L-għan tiegħu huwa li jissimplifika n-negozju transfruntier u jagħmilha aktar faċli għall-kumpaniji biex jattiraw l-investiment.

Barra minn hekk, l-UE qed tappoġġa lill-SMEs fil-ġestjoni tal-kumplessitajiet assoċjati mas-sanzjonijiet. L-UE għandha aktar minn 40 reġim ta’ sanzjonijiet - iftaħ tab ġdida. fis-seħħ biex tipprevjeni l-kunflitt jew tirreaġixxi għall-kriżijiet. F’Marzu, il-Kummissjoni nediet l-Helpdesk tas-Sanzjonijiet tal-UE - iftaħ tab ġdida., punt uniku ta’ servizz li joffri riżorsi, avvenimenti u Servizz ta’ Appoġġ għall-Konformità. Il-Helpdesk jgħin lill-SMEs jifhmu s-sanzjonijiet u jikkonformaw magħhom, filwaqt li jipprovdi gwida lil dawk li jsibuha diffiċli biex iwettqu d-diliġenza dovuta b’mod indipendenti.

Il-Kartieri Ewropej tan-Negozju - iftaħ tab ġdida. proposti huma għodod diġitali li se jagħmluha aktar faċli għall-kumpaniji ta’ kull daqs biex jinteraġixxu u jikkomunikaw b’mod sigur mal-awtoritajiet pubbliċi u ma’ negozji oħra fi kwalunkwe post fl-UE. Il-kumpaniji u l-awtoritajiet pubbliċi se jkunu jistgħu jidentifikaw, jawtentikaw u jiskambjaw id-data b’effett legali sħiħ fl-UE. Il-Kartieri tan-Negozju huma msejsa fuq il-Qafas Ewropew għall-Identità Diġitali - iftaħ tab ġdida. u jiffurmaw parti mill-aġenda usa’ ta’ simplifikazzjoni.

Biex titnaqqas il-kumplessità tat-taxxa, il-Kunsill adotta emenda tad-Direttiva dwar il-kooperazzjoni amministrattiva fil-qasam tat-tassazzjoni - iftaħ tab ġdida. (DAC9 - iftaħ tab ġdida.). Din tagħmilha possibbli għall-gruppi ta’ intrapriżi multinazzjonali li jippreżentaw dikjarazzjoni tat-taxxa kumplimentari waħda għall-grupp kollu, minflok ma jkollhom jippreżentaw bosta dikjarazzjonijiet f’kull ġuriżdizzjoni. L-awtoritajiet tat-taxxa se jibbenefikaw ukoll minn sistema standardizzata għall-iskambju tal-informazzjoni.

Permezz tal-Istrument ta’ Appoġġ Tekniku - iftaħ tab ġdida. tagħha, l-UE se tappoġġa 109 riformi - iftaħ tab ġdida. biex tgħin lill-Istati Membri jtejbu l-kundizzjonijiet tan-negozju, ineħħu d-diskrepanza fl-innovazzjoni, jibnu ekonomija b’emissjonijiet żero netti u jsaħħu s-sigurtà ekonomika tal-UE. Fosthom, 38 riforma se jtaffu speċifikament il-piżijiet fuq l-SMEs u jappoġġaw lill-istart-ups u lill-iscale-ups.

Fl-aħħar nett, l-UE qed tirrieżamina wkoll ir-regoli tagħha stess biex tneħħi l-ostakli amministrattivi fis-Suq Uniku (ara t-taqsima “Nissimplifikaw ir-regoli” fil-Kapitlu 8).

Politika tal-kompetizzjoni

- iftaħ tab ġdida.

ANIMAZZJONI:Il-politika tal-kompetizzjoni tal-UE kif ittejjeb il-ħajja ta’ kuljum?

Immexxu l-industrija nadifa u kompetittiva ’l quddiem

Quddiem il-kriżi planetarja tripla tat-tibdil fil-klima, it-telf tal-bijodiversità u t-tniġġis (ara l-Kapitlu 5), u bl-2024 bħala l-aktar sena sħuna qatt irreġistrata skont ir-Rapport Ewropew dwar l-Istat tal-Klima tal-2024 - iftaħ tab ġdida., l-UE tibqa’ impenjata li tbiddel ir-rispons tagħha għal dawn l-isfidi f’opportunitajiet għat-tkabbir sostenibbli u t-tmexxija globali fit-tranżizzjoni lejn enerġija nadifa. Il-Patt għal Industrija Nadifa - iftaħ tab ġdida. huwa ċentrali għal dan l-isforz, billi jallinja l-politika dwar il-klima mal-kompetittività u l-indipendenza strateġika. Dan se jħaffef id-dekarbonizzazzjoni industrijali u jgħin biex jiġi żgurat li jinkiseb l-objettiv tan-newtralità klimatika sal-2050, kif stabbilit fil-Liġi Ewropea dwar il-Klima - iftaħ tab ġdida..

F’Ġunju, il-Kummissjoni adottat il-Qafas għall-Għajnuna mill-Istat tal-Patt għal Industrija Nadifa - iftaħ tab ġdida.. Dan jippermetti lill-Istati Membri jappoġġaw l-enerġija nadifa, id-dekarbonizzazzjoni industrijali u l-manifattura tat-teknoloġija nadifa taħt kundizzjonijiet simplifikati, u jipprovdi appoġġ immirat għall-kostijiet tal-elettriku lill-utenti li jużaw ħafna enerġija. Barra minn hekk, f’Ottubru, ġiet ippreżentata l-viżjoni globali tal-UE dwar il-klima u l-enerġija - iftaħ tab ġdida. biex tissaħħaħ il-pożizzjoni tal-UE fis-swieq globali. Billi tapprofondixxi s-sħubijiet eżistenti u tibni sħubijiet ġodda ta’ benefiċċju reċiproku mas-sħab internazzjonali, l-istrateġija żżid dimensjoni esterna għall-Patt għal Industrija Nadifa u għandha l-għan li tixpruna tranżizzjoni globali nadifa u reżiljenti.

Linji ta’ azzjoni ewlenin biex nindirizzaw l-isfidi tal-industrija

Inizjattivi mmirati lejn l-industriji li qed jiffaċċjaw sfidi uniċi

PJAN TA’ AZZJONI EWROPEW GĦALL-AZZAR U L-METALLI - iftaħ tab ġdida.

Dan huwa pjan direzzjonali lejn it-tnaqqis tal-kostijiet tal-enerġija, it-tisħiħ tal-protezzjoni tal-kummerċ, il-prevenzjoni tar-rilokazzjoni tal-emissjonijiet tal-karbonju, it-tisħiħ taċ-ċirkolarità, il-mobilizzazzjoni tal-investiment u s-salvagwardja tal-impjiegi. Bħala parti mill-pjan, il-Kummissjoni ppreżentat proposta - iftaħ tab ġdida. biex tipproteġi l-industrija tal-azzar tal-UE mill-impatti inġusti tal-kapaċità żejda globali.

PJAN TA’ AZZJONI GĦALL-INDUSTRIJA TAS-SUSTANZI KIMIĊI - iftaħ tab ġdida.

Dan il-pjan jiddeskrivi miżuri li jgħinu biex jitnaqqsu l-kostijiet tal-enerġija u tal-materja prima, jiġu appoġġati teknoloġiji nodfa u ċirkolari, tinħoloq Alleanza tas-Sustanzi Kimiċi Kritiċi, jiġu ssimplifikati r-rekwiżiti regolatorji u jiġu indirizzati sustanzi perikolużi bħas-sustanzi perfluworoalkilati u polifluworoalkilati (PFAS, perfluoroalkyl and polyfluoroalkyl substances) (“sustanzi kimiċi dejjiema”).

PJAN TA’ AZZJONI INDUSTRIJALI EWROPEW GĦAS-SETTUR AWTOMOBILISTIKU - iftaħ tab ġdida.

Dan il-pjan se jappoġġa t-tranżizzjoni lejn vetturi nodfa, konnessi u awtomatizzati u se jgħin biex jiġi sfruttat il-potenzjal innovattiv tas-settur. Ġiet proposta - iftaħ tab ġdida. miżura ta’ flessibbiltà - iftaħ tab ġdida. biex tgħin lill-manifatturi jilħqu l-miri tal-emissjonijiet tad-diossidu tal-karbonju għall-2025 għal karozzi u vannijiet ġodda. Il-pjan ta’ azzjoni jinkludi t-tnedija ta’ pakkett ta’ investiment “battery booster”, li jagħmel disponibbli €1.8 biljun biex jgħin lill-manifatturi tal-batteriji tal-UE jespandu u jżidu l-kapaċità tal-produzzjoni tagħhom. Il-Kummissjoni ppreżentat ukoll pakkett awtomobilistiku - iftaħ tab ġdida., inkluża proposta għar-reviżjoni tal-istandards tad-diossidu tal-karbonju għall-karozzi u l-vannijiet, proposta dwar flotot korporattivi nodfa, strateġija “Battery Booster” u proposta għal Omnibus Awtomobilistiku.

Enerġija nadifa u affordabbli

Biex twettaq il-Patt għal Industrija Nadifa, l-UE teħtieġ enerġija affordabbli. Fi Frar, il-Kummissjoni ppreżentat Pjan ta’ Azzjoni għal Enerġija Affordabbli - iftaħ tab ġdida., li jintroduċi miżuri fl-immedjat biex jitnaqqsu l-kostijiet tal-enerġija billi jiġu antiċipati l-benefiċċji tal-enerġija rinnovabbli, l-iffrankar tal-enerġija, l-integrazzjoni aktar profonda tas-suq u interkonnessjonijiet aħjar tal-enerġija. Il-pjan għandu l-għan li jipprovdi għajnuna lill-unitajiet domestiċi li qed jiffaċċjaw kontijiet għoljin tal-enerġija u lill-industriji li qed jitħabtu ma’ kostijiet għoljin tal-produzzjoni. Huwa proġettat li l-iffrankar kumplessiv kien ta’ €45 biljun fl-2025, li jiżdied għal €130 biljun fis-sena sal-2030 u €260 biljun sal-2040.

Il-pjan REPowerEU - iftaħ tab ġdida. tal-UE, imniedi fl-2022, diġà għamel progress sostanzjali fl-iżgurar li ċ-ċittadini u n-negozji jkollhom aċċess għal enerġija li tkun affordabbli, sigura u sostenibbli. Biex tintemm id-dipendenza fuq il-fjuwils fossili Russi u tissaħħaħ l-awtonomija strateġika tal-UE, il-Kummissjoni ppubblikat il-Pjan Direzzjonali REPowerEU - iftaħ tab ġdida. f’Mejju, segwit minn proposta leġiżlattiva - iftaħ tab ġdida. f’Ġunju biex l-importazzjonijiet tal-gass u taż-żejt mir-Russja jitneħħew gradwalment sa tmiem l-2027. Il-Parlament u l-Kunsill laħqu ftehim politiku proviżorju - iftaħ tab ġdida. dwar l-inizjattiva f’Diċembru.

Biex tkompli ssaħħaħ is-sigurtà tal-enerġija tal-UE, il-Kummissjoni qed taħdem fuq reviżjoni tal-qafas tas-sigurtà tal-enerġija tal-UE. F’Diċembru, ipproponiet - iftaħ tab ġdida. ukoll li timmodernizza u tespandi l-infrastruttura tal-grilja tal-UE permezz tal-pakkett dwar il-grilji Ewropej u l-inizjattiva tal-Awtostradi tal-Enerġija.

F’Lulju, il-Kummissjoni u l-Bank Ewropew tal-Investiment żborżaw €3.66 biljun - iftaħ tab ġdida. mill-Fond għall-Modernizzazzjoni - iftaħ tab ġdida. biex jappoġġaw 34 proġett tal-enerġija nadifa, li wħud minnhom jiffukaw fuq l-effiċjenza enerġetika. F’Settembru, nedew l-inizjattiva tal-Effiċjenza Enerġetika fl-Intrapriżi Żgħar u ta’ Daqs Medju - iftaħ tab ġdida., programm ta’ finanzjament ta’ €17.5 biljun li mistenni jgħin lil aktar minn 350 000 kumpanija jnaqqsu l-konsum tal-enerġija tagħhom.

Fid-9 ta’ Frar, l-Estonja, il-Latvja u l-Litwanja ssinkronizzaw il-grilji tal-elettriku tagħhom man-Network tal-Ewropa Kontinentali, f’kooperazzjoni mal-Polonja. L-UE appoġġat dan il-proġett strateġiku Ewropew b’finanzjament ta’ aktar minn €1.3 biljun, li jirrappreżenta 75 % tal-kostijiet tal-investiment. Dan jimmarka l-integrazzjoni sħiħa tal-istati Baltiċi fis-suq tal-enerġija tal-UE. Il-pass itemm id-dipendenza fuq is-sistemi Belarussi u Russi u jsaħħaħ ir-reżiljenza tal-enerġija reġjonali u tal-UE.

Il-progress fl-enerġija rinnovabbli kompla fl-UE, bis-sorsi ta’ enerġija rinnovabbli jammontaw għal 47 % tal-ġenerazzjoni tal-elettriku fl-2024. Fl-2025, ġiet ipprovduta metodoloġija komuni tal-UE - iftaħ tab ġdida. għall-kalkolu tal-emissjonijiet tul iċ-ċiklu tal-ħajja minn fjuwils b’livell baxx ta’ emissjonijiet tal-karbonju. Kważi €1 biljun mill-Fond għall-Innovazzjoni, iffinanzjati permezz tad-dħul mis-Sistema tal-UE għall-Iskambju ta’ Kwoti tal-Emissjonijiet, ingħataw lil 15-il proġett tal-idroġenu rinnovabbli - iftaħ tab ġdida.. Dawn il-proġetti huma mistennija jipproduċu kważi 2.2 miljun tunnellata ta’ idroġenu rinnovabbli fuq 10 snin, u b’hekk jipprevjenu 15-il miljun tunnellata ta’ emissjonijiet tad-diossidu tal-karbonju.

L-Istati Membri jżommu d-dritt li jagħżlu t-taħlita enerġetika tagħhom, u għal xi wħud, l-enerġija nukleari tibqa’ vitali għad-dekarbonizzazzjoni, il-kompetittività industrijali u s-sigurtà tal-enerġija. F’Mejju, iċ-Ċentru Konġunt tar-Riċerka nieda ċentru ta’ mmudellar diġitali - iftaħ tab ġdida. biex jappoġġa l-innovazzjoni f’oqsma bħar-reatturi modulari żgħar u l-ippjanar tal-enerġija. Il-Kummissjoni ppubblikat ukoll komunikazzjoni aġġornata tal-Programm Indikattiv Nukleari - iftaħ tab ġdida., li tipprovdi ħarsa ġenerali lejn ix-xejriet tal-iżvilupp nukleari u l-ħtiġijiet tal-investiment madwar l-UE, flimkien ma’ gwida dwar is-sikurezza nukleari, il-ġestjoni tal-iskart, il-ħiliet u l-kooperazzjoni internazzjonali.

Il-Kummissjoni adottat ukoll il-pjan ta’ ħidma tal-2025–2030 - iftaħ tab ġdida. għar-Regolament dwar l-Ekodisinn għal Prodotti Sostenibbli - iftaħ tab ġdida. u r-Regolament dwar it-Tikkettar tal-Enerġija - iftaħ tab ġdida.. Il-pjan jistabbilixxi lista ta’ prodotti li għandhom jingħataw prijorità għall-introduzzjoni ta’ rekwiżiti tal-ekodisinn u tikkettar tal-enerġija matul il-5 snin li ġejjin biex isiru sostenibbli, ikunu jistgħu jissewwew, ċirkolari u effiċjenti fl-użu tal-enerġija. Barra minn hekk, ir-regoli riveduti dwar il-konsum tal-enerġija tal-apparat elettriku fil-modalità standby, fil-modalità mitfi u fil-modalità standby man-network - iftaħ tab ġdida. bdew japplikaw fid-9 ta’ Mejju.

Trasport sostenibbli

Biex tibqa’ kompetittiva, l-UE teħtieġ network tat-trasport sostenibbli u konness sew, li jsaħħaħ l-integrazzjoni u l-mobbiltà reġjonali. Fl-2025, il-Kummissjoni għażlet 94 proġett tat-trasport - iftaħ tab ġdida. biex tirċievi kważi €2.8 biljun f’għotjiet tal-UE fl-ambitu tal-Faċilità Nikkollegaw l-Ewropa - iftaħ tab ġdida. għall-modernizzazzjoni tal-ferroviji, tal-passaġġi fuq l-ilma interni u tar-rotot marittimi fin-Network Trans-Ewropew tat-Trasport - iftaħ tab ġdida.. Hija għażlet ukoll aktar minn 100 proġett li se jirċievu madwar €1 biljun f’għotjiet tal-Faċilità għall-Infrastruttura tal-Fjuwils Alternattivi - iftaħ tab ġdida. biex tappoġġa l-varar ta’ infrastruttura tal-fjuwils rinnovabbli u b’livell baxx ta’ emissjonijiet tal-karbonju fil-portijiet u fl-ajruporti u tul sezzjonijiet ewlenin tat-toroq.

Barra minn hekk, il-Pjan ta’ Investiment għat-Trasport Sostenibbli - iftaħ tab ġdida. jipprovdi qafas strateġiku biex titħaffef id-dekarbonizzazzjoni tat-trasport tal-UE billi tingħata spinta lill-investiment fi fjuwils rinnovabbli u b’livell baxx ta’ emissjonijiet tal-karbonju għas-setturi tal-avjazzjoni u tat-trasport fuq l-ilma. Il-miżuri ppreżentati skont il-pjan huma mistennija jimmobilizzaw mill-inqas €2.9 biljun sa tmiem l-2027. Bħala inizjattiva ewlenija skont il-pjan, tnediet koalizzjoni tal-Istati Membri pijunieri biex jiġu appoġġati l-produzzjoni u l-użu ta’ fjuwils tal-avjazzjoni sintetiċi. Dan il-grupp biħsiebu jorganizza rkantijiet doppji, li joffru ċertezza tad-dħul fit-tul għall-produtturi u kuntratti kompetittivi fl-immedjat għax-xerrejja tal-fjuwil, bl-ewwel irkant ippjanat għall-2026.

Barra minn hekk, il-Kummissjoni ppreżentat pjan ambizzjuż - iftaħ tab ġdida. biex tħaffef l-iżvilupp tal-ferroviji ta’ veloċità għolja u tqassar b’mod sinifikanti l-ħinijiet tal-ivvjaġġar bil-ferrovija fl-UE.

Titjib futur tar-rotot ferrovjarji

Stadju importanti ieħor intlaħaq bil-progress tal-Mina ta’ Bażi ta’ Brenner - iftaħ tab ġdida., konnessjoni ferrovjarja ta’ 56 km bejn l-Awstrija u l-Italja tul il-Kuritur Skandinavu-Mediterranju tan-Network Trans-Ewropew tat-Trasport. L-UE pprovdiet aktar minn €2.3 biljun f’finanzjament għall-mina u r-rotot ta’ aċċess tagħha permezz tal-Faċilità Nikkollegaw l-Ewropa. Il-Bank Ewropew tal-Investiment iffirma wkoll ftehim ta’ finanzjament b’valur ta’ €875 miljun - iftaħ tab ġdida., appoġġat minn InvestEU - iftaħ tab ġdida., għal-linja ferrovjarja ta’ veloċità għolja bejn Liżbona u Porto tal-Portugall.

Fl-2025, l-implimentazzjoni tal-pakkett dwar l-ekoloġizzazzjoni tal-merkanzija tal-2023 - iftaħ tab ġdida. għamel progress b’mod kostanti. Intlaħaq ftehim politiku dwar ir-regolament li jirregola l-użu tal-kapaċità tal-infrastruttura ferrovjarja - iftaħ tab ġdida. u dwar ir-regolament CountEmissionsEU - iftaħ tab ġdida.. Dawn il-miżuri se jagħmlu t-trasport tal-merkanzija aktar effiċjenti u sostenibbli billi jipprovdu inċentivi aktar b’saħħithom għat-trakkijiet b’emissjonijiet baxxi, itejbu l-ġestjoni tal-infrastruttura ferrovjarja u jtejbu d-disponibbiltà tal-informazzjoni dwar l-emissjonijiet tal-gassijiet serra relatati mat-trasport.

Biex tħeġġeġ it-trasport bit-triq sostenibbli, il-Kummissjoni pproponiet - iftaħ tab ġdida. li l-vetturi heavy-duty b’emissjonijiet żero jiġu eżentati mill-pedaġġi stradali sa Ġunju 2031 u ħarġet komunikazzjoni - iftaħ tab ġdida. u proposta leġiżlattiva - iftaħ tab ġdida. biex tgħin fit-tħaffif tal-adozzjoni ta’ vetturi b’emissjonijiet żero jew baxxi fil-flotot korporattivi, li jammontaw għal madwar 60 % tar-reġistrazzjonijiet kollha tal-karozzi fl-UE. Barra minn hekk, l-Inizjattiva dwar Kurituri tat-Trasport Nodfa - iftaħ tab ġdida., approvata minn disa’ Stati Membri, għandha l-għan li tħaffef il-varar tal-infrastruttura tal-irriċarġjar għall-vetturi heavy-duty tul il-kurituri ewlenin tal-merkanzija bit-triq. Biex ittejjeb il-kwalità tal-arja u s-sikurezza fit-toroq madwar l-UE, il-Kummissjoni pproponiet ukoll reviżjoni komprensiva tar-regoli tal-UE dwar is-sikurezza fit-toroq u r-reġistrazzjoni tal-vetturi - iftaħ tab ġdida..

It-tranżizzjoni nadifa u diġitali tal-industrija awtomobilistika tkompli tiġi sostnuta mir-riċerka u l-innovazzjoni. Tliet sħubijiet - iftaħ tab ġdida., 2Zero, CCAM u BATT4EU, iffirmaw memorandum ta’ qbil - Fajl PDF, iftaħ tab ġdida. biex jikkollaboraw fuq aġenda kondiviża tar-riċerka u l-innovazzjoni fl-ambitu ta’ Orizzont Ewropa - iftaħ tab ġdida. (ara t-taqsima “Appoġġ għar-riċerka u l-innovazzjoni” hawn taħt). Il-programm ta’ ħidma għar-Riċerka u l-Innovazzjoni ta’ Orizzont Ewropa qed jiġbor ukoll €1 biljun bejn l-2025 u l-2027 biex jappoġġa l-inizjattivi f’oqsma bħas-sewqan awtonomu, il-batteriji abbażi tal-litju tal-ġenerazzjoni li jmiss u l-flotot tal-vetturi elettriċi heavy-duty.

Matul is-sena, il-Kummissjoni bdiet taħdem fuq Strateġija Portwarja tal-UE - iftaħ tab ġdida. u Strateġija Marittima Industrijali tal-UE - iftaħ tab ġdida., biex issaħħaħ il-kompetittività, is-sostenibbiltà u r-reżiljenza tas-sistema tat-trasport fuq l-ilma tal-UE, li tgħaqqad il-portijiet, is-settur tat-tbaħħir u l-industrija. Gwida informali - iftaħ tab ġdida. ġdida dwar ix-xiri konġunt u l-istandards għat-tagħmir elettriku tal-immaniġġar tal-kontejners fil-portijiet għandha l-għan li tħaffef il-bidla mid-diżil għall-makkinarju elettriku u tnaqqas l-emissjonijiet.

Fl-aħħar nett, biex is-settur tat-trasport jinżamm kompetittiv u jiġi indirizzat in-nuqqas ta’ ħaddiema, tnedew diversi inizjattivi biex il-karrieri tat-trasport isiru aktar attraenti. Dawn jinkludu r-rakkomandazzjonijiet - iftaħ tab ġdida. biex in-nisa jiġu attirati lejn is-settur tat-trasport u jinżammu fih, il-pjattaforma n-Nisa fit-Trasport - iftaħ tab ġdida., l-attivitajiet min-network ta’ ambaxxaturi għad-diversità fit-trasport - iftaħ tab ġdida. u konferenza - iftaħ tab ġdida. dwar kif il-professjonijiet tat-trasport isiru aktar attraenti għaż-żgħażagħ.

Ninvestu fit-teknoloġiji pijunieri

Il-kompetittività fit-tul tal-UE tiddependi mit-tmexxija f’teknoloġiji kritiċi bħas-supercomputing, l-intelliġenza artifiċjali (IA) u l-computing kwantistiku. Biex issaħħaħ din it-tmexxija, il-Kummissjoni se talloka €1.3 biljun - iftaħ tab ġdida. fl-ambitu tal-Programm Ewropa Diġitali - iftaħ tab ġdida., ħalli tvara teknoloġiji vitali għall-futur tal-UE u s-sovranità teknoloġika tagħha.

Ir-rapport dwar l-Istat tad-Deċennju Diġitali 2025 - iftaħ tab ġdida. irrieżamina l-progress lejn l-għanijiet diġitali tal-UE għall-2030. Filwaqt li kien hemm avvanzi f’oqsma bħall-kopertura bażika tal-5G u l-varar tal-edge, ir-rapport enfasizza l-lakuni kontinwi fit-teknoloġiji fundamentali, fil-ħiliet diġitali u fil-protezzjoni ta’ gruppi vulnerabbli, filwaqt li enfasizza l-ħtieġa għal investiment pubbliku u privat akbar.

F’Settembru, il-Kummissjoni ppreżentat Strateġija Ewropea għall-Infrastrutturi tar-Riċerka u tat-Teknoloġija - iftaħ tab ġdida. biex issaħħaħ il-kapaċità tar-riċerka u tat-teknoloġija tal-UE, li tkopri kollox minn laboratorji avvanzati, strumenti xjentifiċi kbar u ċentri tad-data sa linji pilota, ambjenti tal-ittestjar u kmamar nodfa. Din l-infrastruttura hija essenzjali għall-eċċellenza xjentifika, il-kompetittività u s-sovranità teknoloġika tal-UE.

L-2025 rat ukoll id-dħul fis-seħħ tal-ewwel regoli tal-Att dwar l-IA - iftaħ tab ġdida. u r-regoli tal-UE dwar il-mudelli tal-IA bi skop ġenerali - iftaħ tab ġdida. (ara wkoll il-Kapitlu 6). Dan immarka avvanzi kbar fin-network Ewropew tas-supercomputers - iftaħ tab ġdida., b’JUPITER - iftaħ tab ġdida. isir l-ewwel supercomputer fuq skala eksa - iftaħ tab ġdida. tal-Ewropa. Matul is-sena tnedew 6 fabbriki ġodda tal-IA - iftaħ tab ġdida., li ngħaqdu mat-13 li diġà kienu fis-seħħ. Tlettax-il pajjiż - iftaħ tab ġdida. intgħażlu wkoll biex jistabbilixxu antenni tal-fabbriki tal-IA, maħsuba biex jikkomplementaw il-fabbriki tal-IA - iftaħ tab ġdida. eżistenti. Il-pajjiżi li jospitaw il-fabbriki tal-IA huma l-Bulgarija, iċ-Ċekja, il-Ġermanja, il-Greċja, Spanja, Franza, l-Italja, il-Litwanja, il-Lussemburgu, in-Netherlands, l-Awstrija, il-Polonja, ir-Rumanija, is-Slovenja, il-Finlandja u l-Iżvezja. Id-Danimarka, l-Estonja, in-Norveġja, il-Portugall u t-Turkija huma pajjiżi sħab tal-fabbriki tal-IA. Dan sar filwaqt li tqiesu l-impatti negattivi li l-użu dejjem akbar tal-IA u l-espansjoni tal-infrastruttura taċ-ċentri tad-data għandhom fuq id-domanda għall-enerġija u għall-ilma.

Pajjiżi ospitanti tal-fabbriki tal-IA

Id-dijagramma turi d-19-il sit kollha tal-fabbriki tal-IA f’16-il Stat Membru. Dawn huma Brain++ fil-Bulgarija; C Z A I fiċ-Ċekja; J A I F u Hammer Hai fil-Ġermanja; Pharos fil-Greċja; 1 Health AI u BSC A I F fi Spanja; AI 2 F fi Franza; Italia fl-Italja; Lit AI fil-Litwanja; L-A I F fil-Lussemburgu; N L A I F fin-Netherlands; A T A I fl-Awstrija; Gaia AI u Piast A I F fil-Polonja; Ro AI fir-Rumanija; Slaif fis-Slovenja; Lumi A I F fil-Finlandja; u Mimer fl-Iżvezja.

Flimkien mal-IA, it-teknoloġiji kwantistiċi huma mistennija jittrasformaw il-mod kif nindirizzaw l-isfidi kumplessi, mill-avvanz tal-mediċina sal-protezzjoni tal-infrastruttura kritika. F’Lulju, il-Kummissjoni ppreżentat l-Istrateġija Kwantistika tal-Ewropa - iftaħ tab ġdida., bl-għan li l-Ewropa ssir mexxejja globali f’dan il-qasam sal-2030 permezz ta’ aktar riċerka, ekosistemi aktar b’saħħithom, investiment privat akbar u l-iżvilupp ta’ ħiliet kwantistiċi madwar il-kontinent.

Fl-2025, l-UE kompliet timplimenta wkoll l-att Ewropew dwar iċ-ċipep - iftaħ tab ġdida.. Il-kapaċità tal-manifattura taċ-ċipep kompliet tespandi, inkluż permezz tat-tnedija ta’ linji pilota - iftaħ tab ġdida. fl-ambitu tal-Inizjattiva Ċipep għall-Ewropa.

L-ekonomija spazjali — li tkopri l-attivitajiet ekonomiċi kollha possibbli permezz tat-teknoloġiji u tad-data spazjali, mill-infrastruttura satellitari għas-servizzi li jiddependu minnha — hija qasam ieħor li fih l-UE għandha l-għan li tistabbilixxi lilha nnifisha bħala mexxejja globali. L-inizjattiva tal-Kummissjoni Viżjoni għall-Ekonomija Spazjali Ewropea - iftaħ tab ġdida. se tappoġġa dan l-għan, filwaqt li l-att tal-UE dwar l-ispazju - iftaħ tab ġdida. se jarmonizza r-regolamentazzjoni relatata mal-ispazju fl-Istati Membri kollha (ara l-Kapitlu 3).

Niżguraw swieq diġitali sikuri, ġusti u miftuħa

L-UE kompliet issaħħaħ il-qafas diġitali tagħha permezz tal-implimentazzjoni tal-Att dwar is-Servizzi Diġitali u l-Att dwar is-Swieq Diġitali - iftaħ tab ġdida.. Flimkien, dawn il-liġijiet jiżguraw ambjent online aktar sikur għall-utenti u kundizzjonijiet ekwi għan-negozji, filwaqt li jsaħħu t-trasparenza, l-obbligu ta’ rendikont u swieq ġusti u miftuħa fix-xenarju diġitali tal-UE. Għal aktar dettall dwar kif l-UE qed tagħmel l-ispazji online aktar sikuri, inkluż billi tipproteġi lill-minorenni permezz tal-Att dwar is-Servizzi Diġitali (ara l-Kapitlu 6).

L-UE kif infurzat l-Att dwar is-Swieq Diġitali u l-Att dwar is-Servizzi Diġitali fl-2025?

ATT DWAR IS-SWIEQ DIĠITALI

Investigazzjonijiet ġodda:

• investigazzjoni dwar Alphabet talli potenzjalment naqqset il-klassifikazzjoni tal-kontenut tal-pubblikaturi tal-media fit-tfittxija fuq Google;
• investigazzjoni tas-suq dwar Amazon Web Services u Microsoft Azure minħabba li possibbilment huma gateways importanti.

Investigazzjonijiet għaddejjin:

• deċiżjonijiet ta’ nuqqas ta’ konformità - iftaħ tab ġdida. kontra Apple u Meta;
• deċiżjoni ta’ għeluq - iftaħ tab ġdida. waħda kontra Apple;
• deċiżjonijiet ta’ speċifikazzjoni - iftaħ tab ġdida. li joħorġu gwida formali għal Apple;
• żewġ settijiet ta’ sejbiet preliminari - iftaħ tab ġdida. dwar l-awtopreferenzjar u l-influwenzar tal-għażliet rigward Alphabet;
• sett wieħed ta’ sejbiet preliminari - iftaħ tab ġdida. dwar il-mudell tan-negozju ta’ Apple.

L-ATT DWAR IS-SERVIZZI DIĠITALI

Investigazzjonijiet għaddejjin:

• Meta: sejbiet preliminari - iftaħ tab ġdida. dwar nuqqas ta’ trasparenza u nuqqas li jiġu pprovduti għodod adegwati biex jiġi rrapportat il-kontenut u jiġu appellati d-deċiżjonijiet dwar il-moderazzjoni tal-kontenut;
• TikTok: sejbiet preliminari - iftaħ tab ġdida. dwar nuqqas ta’ trasparenza — il-Kummissjoni aċċettat u għamlet sensiela ta’ impenji - iftaħ tab ġdida. vinkolanti wkoll mill-pjattaforma biex tindirizza n-nuqqasijiet fir-repożitorju tar-reklamar tagħha;

• Temu: sejbiet preliminari - iftaħ tab ġdida. dwar prodotti illegali fis-suq tiegħu;
• AliExpress: sejbiet preliminari dwar nuqqas ta’ konformità — barra minn hekk, il-Kummissjoni aċċettat u għamlet vinkolanti sensiela ta’ impenji - iftaħ tab ġdida. mill-pjattaforma biex tissalvagwardja lill-utenti tagħha u ssaħħaħ it-trasparenza;
• X: deċiżjoni ta’ nuqqas ta’ konformità - iftaħ tab ġdida. u multa għal nuqqas ta’ trasparenza.

Minbarra l-appoġġ permezz tal-finanzjament, l-UE qed toħloq ukoll ambjent aħjar għar-riċerka u l-innovazzjoni permezz tal-Aġenda ta’ Politika taż-Żona Ewropea tar-Riċerka għall-2025–2027 - iftaħ tab ġdida.. L-istrateġija Ewropea għall-Infrastrutturi tar-Riċerka u tat-Teknoloġija li għadha kif tnediet se tiffaċilita l-ġbir tar-riżorsi, tgħin biex tiġi evitata d-duplikazzjoni u ssaħħaħ l-aċċessibbiltà u l-kollaborazzjoni bejn il-fruntieri għal infrastrutturi bħal dawn (ara wkoll it-taqsima “Ninvestu f’teknoloġiji pijunieri” hawn fuq).

Agħżel l-Ewropa

L-UE qed taħdem biex issir l-aktar destinazzjoni attraenti fid-dinja għar-riċerkaturi u l-innovaturi. L-inizjattiva “Agħżel l-Ewropa” - iftaħ tab ġdida., pakkett ta’ miżuri ta’ €500 miljun ippreżentati f’Mejju, għandha l-għan li tattira u żżomm l-aqwa talent xjentifiku minn madwar id-dinja billi toffri finanzjament sod u stabbli, libertà akbar tar-riċerka u kundizzjonijiet tal-għajxien attraenti. Fix-xhur ta’ wara tħabbru miżuri addizzjonali, biex b’hekk l-ammont totali tela’ għal €874 miljun. Jidher li l-inizjattiva hija attraenti ħafna, u qed tirriżulta f’għadd rekord ta’ applikazzjonijiet għal għotjiet tal-Kunsill Ewropew tar-Riċerka u fellowships Marie Skłodowska-Curie. Ir-riċerkaturi jistgħu jaċċessaw biljuni ta’ euro f’opportunitajiet ta’ finanzjament permezz tal-pjattaforma EURAXESS - iftaħ tab ġdida..

L-Istrateġija għax-Xjenzi tal-Ħajja Ewropej

Ix-xjenzi tal-ħajja jikkontribwixxu kważi €1.5 triljun għall-ekonomija tal-UE u jappoġġaw 29 miljun impjieg. B’universitajiet ewlenin, prestazzjoni b’saħħitha tal-privattivi u rwol dejjem akbar fis-saħħa, l-ikel u s-sostenibbiltà, dan is-settur huwa vitali għall-kompetittività tal-UE. L-Istrateġija għax-Xjenzi tal-Ħajja Ewropej - iftaħ tab ġdida. għandha l-għan li tagħmel lill-UE l-aktar post attraenti fid-dinja għax-xjenzi tal-ħajja sal-2030.

L-att propost tal-UE dwar il-bijoteknoloġija - Fajl PDF, iftaħ tab ġdida., waħda mill-inizjattivi ewlenin li tifforma parti mill-istrateġija, għandu l-għan li jsaħħaħ il-kompetittività tal-UE fil-bijoteknoloġija billi jiffaċilita t-trasformazzjoni tar-riċerka f’innovazzjonijiet lesti għas-suq. Dan se jissimplifika l-provi kliniċi u joħloq ambjent aktar ta’ appoġġ għall-kumpaniji u l-innovaturi, filwaqt li jgħin biex it-terapiji mill-aktar avvanzati jaslu għand il-pazjenti tal-UE aktar malajr.

Dan huwa kkomplementat minn inizjattivi bħall-HERA Invest - iftaħ tab ġdida., li permezz tagħhom il-Kummissjoni u l-Bank Ewropew tal-Investiment jipprovdu finanzjament tar-riskju biex jgħinu lill-SMEs jiżviluppaw għodod u teknoloġiji mediċi strateġiċi għal UE aktar sikura u aktar b’saħħitha. Inħoloq ukoll ċentru ġdid tal-bijoteknoloġija u tal-bijomanifattura - iftaħ tab ġdida. biex jappoġġa lill-kumpaniji innovattivi, b’mod partikolari lin-negozji ġodda u lill-SMEs, ħalli jġibu prodotti u ideat ġodda fis-suq.

F’Novembru, il-Kummissjoni ppreżentat l-Istrateġija dwar il-Bijoekonomija - iftaħ tab ġdida., li tistabbilixxi modi kif isir użu aħjar mir-riżorsi bijoloġiċi, l-eċċellenza xjentifika u l-bażi industrijali tal-UE biex tiddekarbonizza l-ekonomija tagħha u tissostitwixxi l-materjali u l-prodotti mill-fjuwils fossili.

Start-ups u scale-ups

F’Mejju, il-Kummissjoni nediet l-Istrateġija tal-UE għall-kumpaniji Start-up u Scale-up - iftaħ tab ġdida. biex l-Ewropa ssir l-aħjar post fejn jitwaqqfu u jitkabbru l-kumpaniji xprunati mit-teknoloġija. Allinjata mal-inizjattiva “Agħżel l-Ewropa”, l-istrateġija għandha l-għan li ssaħħaħ il-kompetittività tal-UE billi tappoġġa negozji innovattivi matul iċ-ċiklu tal-ħajja tagħhom, mill-ħolqien u t-tkabbir sal-maturità fl-UE.

F’Ottubru, il-Kummissjoni ħabbret ukoll il-Fond Scale-up Europe - iftaħ tab ġdida., fond ġdid ta’ diversi biljuni ta’ euro maħluq fi sħubija ma’ investituri privati biex jiġu appoġġati l-kumpaniji promettenti tat-teknoloġija profonda tal-UE. Il-Fond, li mistenni jitnieda fl-2026, se jiffoka fuq il-kapital tat-tkabbir u l-investimenti fi stadju avvanzat f’firxa wiesgħa ta’ kumpaniji teknoloġiċi strateġiċi tal-UE, f’oqsma li jinkludu l-IA, it-teknoloġiji kwantistiċi, is-semikondutturi, ir-robotika u s-sistemi awtonomi.

Il-Kummissjoni nediet ukoll stħarriġ biex tiġbor il-feedback pubbliku - iftaħ tab ġdida. dwar il-Karta ta’ Aċċess għall-Utenti Industrijali għall-Infrastrutturi tar-Riċerka u tat-Teknoloġija li jmiss. Il-Karta għandha l-għan li ttejjeb l-aċċess tal-kumpaniji għal dawn l-infrastrutturi, u tagħtihom lok jittestjaw, jespandu u jivvalidaw prodotti ġodda aktar malajr.

L-Unjoni tat-Tfaddil u tal-Investiment

Bħala faċilitatur orizzontali tal-Boxxla għall-Kompetittività, Unjoni tat-Tfaddil u tal-Investimenti b’saħħitha hija ċentrali biex tinbena sistema finanzjarja tal-UE aktar profonda, aktar likwida u aktar integrata li taqdi aħjar il-ħtiġijiet taċ-ċittadini u tan-negozji tal-UE. Billi ssaħħaħ il-kapaċità tas-sistema finanzjarja li tgħaqqad it-tfaddil mal-investiment produttiv, l-UE għandha l-għan li tappoġġa l-ħtiġijiet ta’ investiment ewlenin tal-Istati Membri f’oqsma ewlenin bħall-innovazzjoni diġitali, it-tranżizzjoni klimatika u d-difiża.

F’Marzu, il-Kummissjoni ppreżentat l-Istrateġija tal-Unjoni tat-Tfaddil u tal-Investimenti - iftaħ tab ġdida., li tistabbilixxi kif is-swieq kapitali u s-settur bankarju jistgħu jgħaqqdu lil dawk li jfaddlu, u li qed ifittxu opportunitajiet ta’ investiment aħjar ma’ negozji li jeħtieġu finanzjament. L-istrateġija għandha l-għan li tawtonomizza lil dawk li jfaddlu biex ikabbru l-ġid finanzjarju tagħhom u tgħin lin-negozji jespandu, filwaqt li tagħti spinta lill-ekonomija u l-kompetittività tal-UE. Dan jinkludi t-tneħħija tal-ostakli għas-Suq Uniku, inkluż permezz tal-infurzar tar-regoli tal-UE.

Il-miżuri mmirati se jiffukaw fuq l-awtonomizzazzjoni taċ-ċittadini biex jingħataw l-għodod it-tajba ħalli jiġu appoġġati l-benesseri finanzjarju tagħhom; u b’hekk ikun aktar faċli għall-kumpaniji biex jaċċessaw sorsi diversifikati ta’ finanzjament, inkluż bejn il-fruntieri; jitneħħew l-ostakli li jipprevjenu suq kapitali integrat bis-sħiħ; u tiġi żgurata superviżjoni aktar b’saħħitha u aktar armonizzata tas-swieq finanzjarji.

Settur bankarju