In 2024, rinne an tAontas Eorpach dul chun cinn mór maidir lena iomaíochas domhanda a neartú trí raon tionscnamh atá dírithe ar fhás eacnamaíoch inbhuanaithe a chothú agus nuálaíocht thionsclaíoch a fheabhsú. I bhfianaise dúshláin phráinneacha ar nós spleáchais eacnamaíocha, teannas geopholaitiúil agus iomaíocht dhomhanda atá ag dul i méid, dhírigh an tAontas ar bhearta straitéiseacha chun acmhainní ríthábhachtacha a chinntiú, ceannaireacht theicneolaíoch a chur chun cinn agus a mhargaí a chosaint. I measc na bpríomhiarrachtaí a rinneadh bhí comhpháirtíochtaí agus comhaontuithe trádála a chur chun cinn, beartais iomaíochta agus trádála a athchóiriú agus geilleagar níos athléimní a chinntiú. Trí chur chuige cuimsitheach a ghlacadh, bhí sé d’aidhm ag an Aontas a sheasamh mar cheannaire domhanda sa trádáil inbhuanaithe chóir a neartú agus, an tráth céanna, an tslándáil eacnamaíoch a chosaint agus timpeallacht thionsclaíoch iomaíoch a chur chun cinn.

Ba shaincheist phráinneach í todhchaí iomaíochas an Aontais fós le linn na bliana, agus sainaithníodh í mar cheann de thosaíochtaí an Choimisiúin nua - comhad PDF, oscail i dtáb nua. (féach Caibidil 0). Cé go bhfuil an Eoraip ar cheann de na réigiúin is iomaíche agus is nuálaí ar domhan, tá roinnt saincheisteanna struchtúracha fós le sárú aici. Feidhmíonn cuideachtaí an Aontais i ndomhan suaite, agus tá dúshláin mhóra rompu ar nós iomaíocht éagórach, praghsanna arda fuinnimh, ganntanas scileanna agus lucht saothair agus deacrachtaí maidir le rochtain a fháil ar chaipiteal. In 2024, thug an Coimisiún nua isteach an Compás Iomaíochais - oscail i dtáb nua., mórthionscnamh a leagfaidh amach an obair ar iomaíochas an Aontais amach anseo.

Is iomaí agus is casta na dúshláin atá roimh iomaíochas an Aontais, agus mar sin tá gá le freagairt chuimsitheach shofaisticiúil. Tá roinnt tionscnamh i bhfeidhm ag an Aontas cheana féin chun iomaíochas a chuid gnólachtaí agus tionscal a neartú. Bearta cothrománacha – idir riachtanais chaighdeánúcháin - oscail i dtáb nua. amach anseo a thuar i réimsí ar nós amhábhar agus teicneolaíochtaí candamacha agus Ionstraim um Thacaíocht Theicniúil - oscail i dtáb nua. chun tacú le príomhthionscadail lena bhfeabhsófar acmhainneachtaí táirgeachta tionsclaíche – is é is aidhm dóibh, mar shampla, a chur ar chumas an Aontais a sprioc a bhaint amach maidir le bheith ina cheannaire domhanda i dteicneolaíochtaí straitéiseacha.

Thairis sin, níor cheart do dhaoine ná don phláinéad a bheith thíos de bharr an iomaíochais. Tá an tAontas ag cinntiú go bhfanfaidh a chur chuige i leith an fháis i gcomhréir lena luachanna. Cuimsítear leis sin geilleagar ciorclach a chur chun cinn (féach Caibidil 4), iarracht a dhéanamh ceannaireacht a thabhairt i réimsí na dteicneolaíochtaí straitéiseacha agus glasa (féach Caibidlí 4 agus 5) agus a chinntiú go mbíonn na scileanna is gá ag daoine go leanúnach chun freastal ar riachtanais athraitheacha na tionsclaíochta (Caibidil 6).

An Tuarascáil Bhliantúil ar an Margadh Aonair agus ar Iomaíochas

Chun tuiscint agus measúnú níos fearr a fháil ar fheidhmiú an Mhargaidh Aonair agus ar iomaíochas an Aontais, d’fhoilsigh an Coimisiún eagrán 2024 dá Thuarascáil Bhliantúil ar an Margadh Aonair agus ar an Iomaíochas - oscail i dtáb nua.. I gcomparáid le tuarascálacha ó bhlianta roimhe seo, bhí fócas níos mionsonraithe ar iomaíochas san eagrán seo. Cuireann tuarascáil 2024 leis na naoi bpríomhspreagadh iomaíochta a sainaithníodh i dteachtaireacht 2023 maidir leis an iomaíochas fadtéarmach - comhad PDF, oscail i dtáb nua.. Úsáidfear na tiománaithe sin chun dul chun cinn an Aontais a rianú ó bhliain go bliain. Leagadh béim sa tuarascáil freisin ar láidreachtaí an Mhargaidh Aonair is féidir a úsáid chun iomaíochas an Aontais a mhéadú agus cuireadh i dtábhacht inti go bhfuil gá le meascán cliste uirlisí chun an t-aistriú glas agus an t-aistriú digiteach a mhaoiniú. Cuimsítear leis sin úsáid níos nuálaí a bhaint as maoiniú ón Aontas chun borradh a chur faoin infheistíocht phríobháideach agus í a chosaint, mar aon le leas a bhaint as an soláthar poiblí chun an inbhuanaitheacht, an athléimneacht, an nuálaíocht agus cleachtais atá freagrach go sóisialta a chur chun cinn.

Tuarascálacha Letta agus Draghi

Sa bhreis ar anailísí an Choimisiúin féin, eisíodh dhá thuarascáil neamhspleácha in 2024 ina raibh moltaí chun an Margadh Aonair agus iomaíochas an Aontais a neartú. Sa tuarascáil Much More than a Market - oscail i dtáb nua. (I bhfad níos mó ná Margadh), a d’ullmhaigh iar-Phríomh-Aire na hIodáile Enrico Letta le haghaidh Uachtaránacht na Beilge ar Chomhairle an Aontais Eorpaigh, leagadh amach an gá atá leis an Margadh Aonair a fhorbairt agus glacadh leis na haistrithe digiteacha agus glasa, agus deiseanna nua á bhfiosrú inti maidir le méadú agus slándáil an Aontais a fheabhsú.

Ina theannta sin, san anailís dar teideal Todhchaí an Iomaíochais Eorpaigh – Straitéis iomaíochais don Eoraip - oscail i dtáb nua., a d’ullmhaigh iar⁠-⁠Uachtarán an Bhainc Ceannais Eorpaigh, Mario Draghi, arna iarraidh sin ag Ursula von der Leyen, Uachtarán an Choimisiúin Eorpaigh, áitítear gur cheart don Aontas úsáid a bhaint as an aistriú glan chun iomaíochas a mhéadú agus chun praghsanna fuinnimh a laghdú. Leagtar béim sa tuarascáil freisin ar an ngá atá leis an nuálaíocht a spreagadh agus dlús a chur leis an aistriú digiteach trí infheistíocht phoiblí agus phríobháideach a shlógadh, trí thimpeallacht an ghnó a fheabhsú agus trí rómhaorlathas a laghdú, agus trí scileanna a thabhairt do dhaoine le haghaidh margaí nua fostaíochta. Ar deireadh, leagtar béim inti ar an ngá atá le feabhas a chur ar athléimneacht, cosaint agus slándáil fhoriomlán an Aontais, i bhfianaise an chomhthéacs gheopholaitiúil atá ann faoi láthair.

Chuir torthaí thuarascáil Draghi le hobair an Choimisiúin ar phlean nua le haghaidh rathúnas agus iomaíochas inbhuanaithe na hEorpa. Beidh trí phríomhphointe - oscail i dtáb nua. de thuarascáil Draghi mar bhunús freisin leis an gCompás Iomaíochais thuasluaite, mar atá an bhearna nuálaíochta idir an tAontas ar thaobh amháin agus an tSín agus na Stáit Aontaithe ar an taobh eile a dhúnadh; plean comhpháirteach don dícharbónú agus don iomaíochas a chruthú; agus cur leis an tslándáil, agus spleáchais a laghdú. Beidh ról lárnach ag an tuarascáil freisin maidir leis an gComhaontú Tionsclaíoch Glan a fhorbairt le haghaidh tionscail iomaíocha agus poist ardcháilíochta.

Dúshlán eile atá roimh an Aontas is ea cothromaíocht a bhaint amach idir oscailteacht trádála agus slándáil eacnamaíoch. Ionas nach mbeidh an tAontas ag brath an iomarca ar sholáthraithe eisiacha, ní mór dó a iomaíochas a chur chun cinn, a gheilleagar a chosaint ar rioscaí agus dul i gcomhar le comhpháirtithe eile a bhfuil na leasanna eacnamaíocha céanna acu.

Is iad na trí shraith ghníomhaíochta sin (cur chun cinn, cosaint agus comhpháirtíocht) bunús na Straitéise Slándála Eacnamaíche - oscail i dtáb nua.. Ó tugadh isteach an straitéis i mí an Mheithimh 2023, tá roinnt beart déanta ag an gCoimisiún chun rioscaí a mheasúnú agus a laghdú. Tá tús curtha aige leis an gcéad athbhreithniú ar rioscaí a bhaineann le spleáchais eacnamaíocha nó comhéigean eacnamaíoch a úsáid mar uirlis troda agus tá tús curtha aige le hanailís níos doimhne ar na saincheisteanna sin.

Ina theannta sin, tá an uirlis frith-chomhéigin - oscail i dtáb nua. i bhfeidhm anois. Cuidíonn sé sin leis an Aontas beart a dhéanamh – i gcomhréir leis an dlí idirnáisiúnta – nuair a dhéanann tíortha nach Ballstáit den Aontas iad comhéigean eacnamaíoch ar an Aontas nó ar a Bhallstáit.

Is tosaíochtaí trasearnálacha iad an taighde agus an nuálaíocht, agus tá siad ríthábhachtach ní hamháin d’iomaíochas an Aontais - oscail i dtáb nua. ach freisin don aistriú glas agus don aistriú digiteach, don tslándáil eacnamaíoch agus don uathriail straitéiseach oscailte.

Chun borradh a chur faoin nuálaíocht, go háirithe an nuálaíocht domhainteicneolaíochta, sheol an tAontas an Clár Oibre Eorpach Nua um Nuálaíocht - oscail i dtáb nua. in 2022. Léiríodh i dtuarascáil - oscail i dtáb nua. a foilsíodh in 2024 go bhfuil 17 gcinn de 25 bheart an chláir oibre curtha i gcrích, agus go bhfuil na hocht gcinn eile fós ar siúl. Tagraíonn ‘domhainteicneolaíocht’ do theicneolaíochtaí atá chomh nuálach sin gur minic a chuireann siad isteach nó a athraíonn siad go hiomlán na bealaí a bhfeidhmíonn tionscail, geilleagair nó fiú sochaithe.

Ina theannta sin, le clár maoiniúcháin an Aontais le haghaidh an taighde agus na nuálaíochta, Fís Eorpach - oscail i dtáb nua., leantar de bhorradh a chur faoi iomaíochas an Aontais trí chomhar a éascú agus trí thionchar an taighde agus na nuálaíochta a neartú. Tacaíonn sé freisin le teicneolaíochtaí a chruthú agus a scaipeadh ar bhealach níos fearr. (Féach Caibidil 6 le haghaidh tuilleadh eolais maidir le Fís Eorpach.) Tionscnamh amháin a bunaíodh faoin gclár Fís Eorpach is ea an Chomhairle Nuálaíochta Eorpach thuasluaite, ar clár nuálaíochta é a bhfuil buiséad €10.1 billiún aige chun nuálaíochtaí agus teicneolaíochtaí ceannródaíocha a shainaithint, a fhorbairt agus a mhéadú - oscail i dtáb nua..

Cuid thábhachtach eile d’iomaíochas an Aontais a fheabhsú is ea a bheartas iomaíochta - oscail i dtáb nua., mar atá rialacha agus dlíthe atá ceaptha chun iomaíocht éifeachtach idir gnólachtaí a chinntiú. Trí bheartas iomaíochta a fhorfheidhmiú, cruthaíonn an Coimisiún timpeallacht a spreagann gnólachtaí le bheith níos éifeachtúla, níos oiriúnaí agus níos nuálaí, agus is rud é sin as a dtagann táirgí atá níos fearr agus níos costéifeachtaí do thomhaltóirí. Ullmhaíonn sé cuideachtaí an Aontais freisin le haghaidh an ratha dhomhanda trí infheistíocht i dtaighde, i bhforbairt táirgí agus i gcuíchóiriú próisis a spreagadh chun iarracht a dhéanamh iomaitheoirí a shárú. Tá tionchar mór ag bearta forfheidhmiúcháin ar chuideachtaí a dhíspreagadh ó chleachtais fhrithiomaíocha a dhéanamh.

Rialacha in aghaidh trustaí

De ghnáth, baineann forfheidhmiú in aghaidh trustaí - oscail i dtáb nua. le cleachtais chuideachta a bhfuil sé d’aidhm acu iomaitheoirí a bhrú amach as an margadh, rud a dhéanann dochar do thomhaltóirí ar deireadh. Tá sé sin coitianta in earnáil na teicneolaíochta digití, go háirithe i gcás cuideachtaí móra teicneolaíochta. Mar shampla, in 2024, ghearr an Coimisiún fíneáil €797.72 milliún ar Meta - oscail i dtáb nua. as mí-úsáid a bhaint as a cheannasacht trí chleachtais nasctha agus as coinníollacha éagóracha trádála a fhorchur ar sholáthraithe seirbhíse fógraíochta rúnaicmithe ar líne chun tairbhe a ardáin féin. I gcás eile, ghlac an Coimisiún leis na gealltanais atá beartaithe ag Apple - oscail i dtáb nua. chun deireadh a chur le bacainní ar rochtain a fháil ar an teicneolaíocht le haghaidh íocaíochtaí gan tadhall laistigh den siopa trí ghléasanna móibíleacha.

Is féidir rialacha iomaíochta a úsáid freisin chun gníomhú go díreach in aghaidh praghsanna arda agus dálaí éagóracha trádála a chuireann srian ar an iomaíocht sa chaoi go mbíonn na tomhaltóirí thíos leis. I rith na bliana, ghearr an Coimisiún fíneáil €1.8 billiún ar Apple as mí-úsáid a bhaint as a cheannasacht - oscail i dtáb nua. trí choinníollacha éagóracha trádála a fhorchur ar fhorbróirí aipeanna ceoil, rud a d’fhéadfadh a bheith ina chúis le húsáideoirí praghsanna i bhfad níos airde a íoc ar shíntiúis sruthaithe ceoil.

Níl iarrachtaí an Choimisiúin in aghaidh trustaí teoranta do thionscal na teicneolaíochta. I mí na Bealtaine, ghearr sé fíneáil €337.5 milliún ar Mondelēz faoi rialacha in aghaidh trustaí - oscail i dtáb nua. as bac a chur ar thrádáil laistigh den Aontas dá tháirgí seacláide agus brioscaí (i measc roinnt brandaí aitheanta faoi rialú Mondelēz tá Milka, Côte d’Or, Toblerone, Oreo, LU agus Belvita).

I gcás suntasach eile ó 2024 ar aghaidh, ghearr an Coimisiún fíneáil €462.6 milliún ar an gcuideachta chógaisíochta Teva - oscail i dtáb nua. as moill a chur ar an iomaíocht i gcás táirge dá chuid a dhéanann scléaróis iolrach a chóireáil, Copaxone. Rinne Teva amhlaidh trí chosaint phaitinne Copaxone a leathnú go saorga agus trí fhaisnéis mhíthreorach faoi tháirge iomaíoch a scaipeadh go córasach chun bac a chur ar a iontráil sa mhargadh agus ar a ghlacadh.

Cumaisc

Ina theannta sin, cosnaíonn an tAontas margaí iomaíocha trí rialú cumasc. Cé acu más cumaisc chothrománacha idir iomaitheoirí díreacha atá i gceist, cumaisc ingearacha feadh slabhraí soláthair nó cumaisc ilchuideachta a bhaineann le táirgí nó seirbhísí comhlántacha, déanann an Coimisiún imscrúdú chun torthaí diúltacha ar nós ardú praghsanna agus múchadh na nuálaíochta a chosc.

Is é Rialachán an Aontais maidir le Cumaisc, a bhí 20 bliain ar an bhfód in 2024 - oscail i dtáb nua., bunús dlí an Choimisiúin chun athbhreithniú a dhéanamh ar chomhchruinnithe a bhfuil gné Aontais ag baint leo agus chun a gcomhoiriúnacht leis an Margadh Aonair a chinneadh. I rith na bliana, tharraing Amazon siar a phlean chun iRobot a cheannach - oscail i dtáb nua. tar éis don Choimisiún ábhair imní a chur in iúl go bhféadfadh an comhaontú iomaíocht a laghdú trí rochtain soláthróirí eile ar mhargadh Amazon a theorannú, rud a d’fhéadfadh a bheith ina chúis le praghsanna níos airde, cáilíocht níos ísle agus nuálaíocht laghdaithe do thomhaltóirí. I gcodarsnacht leis sin, is sampla é an cumasc idir Microsoft agus Activision - oscail i dtáb nua. den Choimisiún ag formheas idirbheart, faoi réir gealltanas. Thairg na páirtithe cumaisc gealltanais a thug aghaidh ar gach ábhar imní maidir le hiomaíocht agus thug siad isteach bearta a chuirfidh feabhas mór ar shruthú cluichí néalríomhaireachta i gcomparáid leis an staid reatha.

Ghlac an Coimisiún Fógra Athbhreithnithe maidir le Sainiú Margaidh - oscail i dtáb nua. i mí Feabhra freisin chun fanacht cothrom le dáta le dinimic an mhargaidh. Leis an bhfógra athbhreithnithe, nuashonraítear an treoraíocht maidir le conas margaí ábhartha a shainiú i gcomhthéacs cásanna cumaisc agus cásanna in aghaidh trustaí. Fágann sé sin go bhfuil sé níos éasca do ghnólachtaí tuiscint a fháil ar an gcaoi a bhforfheidhmíonn an Coimisiún dlíthe iomaíochta agus ar an gcaoi a bhfeabhsaíonn sé colmhlíonadh na ndlíthe sin.

Státchabhair

An Rialachán maidir le fóirdheontais eachtracha

Ní hamháin go gcinntíonn an tAontas go bhfuil an iomaíocht inmheánach cothrom, ach seiceálann sé freisin go bhfuil deis chothrom ag gnólachtaí san Aontas a bheith rathúil agus iad ag tabhairt aghaidh ar iomaíocht idirnáisiúnta. Leis an Rialachán maidir le Fóirdheontais Eachtracha - oscail i dtáb nua., a tháinig i bhfeidhm i mí Iúil 2023, tugtar aghaidh ar shaobhadh a d’fhéadfadh a bheith ann sa mhargadh inmheánach mar thoradh ar fhóirdheontais eachtracha. Is féidir leo sin buntáiste éagórach a thabhairt do chuideachtaí maidir le gnólachtaí atá bunaithe san Aontas a fháil, dul i mbun soláthar poiblí nó cinntí infheistíochta agus gnó a dhéanamh laistigh de mhargaí an Aontais.

In 2024, sheol an Coimisiún roinnt imscrúduithe laistigh de raon feidhme an tsoláthair phoiblí, rud a d’fhág gur tharraing na cuideachtaí Síneacha atá faoi imscrúdú siar ó na próisis tairisceana ghaolmhara. Chuir an Coimisiún tús freisin le réamh⁠-⁠athbhreithniú ar fhóirdheontais eachtracha a d’fhéadfadh a bheith ann in earnáil gaoithe an Aontais. Tá an réamh-athbhreithniú seo ar siúl faoi láthair.

Ina theannta sin, rinne an Coimisiún imscrúdú domhain ar éadáil bheartaithe PPF Telecom Group B.V, oibreoir teileachumarsáide atá bunaithe san Aontas sa Bhulgáir, san Ungáir agus sa tSlóvaic, trí e&, oibreoir teileachumarsáide atá bunaithe in Aontas na nÉimíríochtaí Arabacha. Bhí réamh-imní ar an gCoimisiún go bhféadfadh sé gur deonaíodh fóirdheontais eachtracha do e& a d’fhéadfadh an Margadh Aonair a shaobhadh. I mí Mheán Fómhair, rinne an Coimisiún an t-idirbheart sin a imréiteach faoi réir sraith gealltanas a thairg na páirtithe lena mbaineann chun aghaidh a thabhairt ar na hábhair imní a bhí ardaithe.

Tagraíonn beartas tionsclaíoch - oscail i dtáb nua. go ginearálta do bheartais lena gcothaítear gníomhaíocht eacnamaíoch. Cuimsítear leis sin gach rud ó athruithe struchtúracha a dhéanamh i dtionscail éagsúla agus timpeallacht a chruthú a thacaíonn le cuideachtaí, go háirithe fiontair bheaga agus mheánmhéide, go leas níos fearr a bhaint as acmhainneacht thionsclaíoch an taighde, na dteicneolaíochtaí nua agus na nuálaíochta. Tá sé d’aidhm ag beartas tionsclaíoch an Aontais - oscail i dtáb nua. iomaíochas thionscal an Aontais a neartú agus geilleagar níos inbhuanaithe, níos athléimní agus níos digitithe a chur chun cinn lena gcruthófar poist.

Le linn na bliana, rinne an tAontas athchóiriú ar a chreat beartais tionsclaíochta, agus tháinig roinnt gníomhartha agus rialachán i bhfeidhm. Cinntítear leis an nGníomh um Amhábhair Chriticiúla - oscail i dtáb nua. rochtain ar amhábhair straitéiseacha, agus déantar monaraíocht teicneolaíochta glaine a spreagadh leis an nGníomh um an Tionscal Glan-nialasachta - oscail i dtáb nua.. Tá an dá ghníomh sin ina gcuid de Phlean Tionsclaíoch an Chomhaontaithe Ghlais - oscail i dtáb nua., a tugadh isteach in 2023, a bhfuil sé d’aidhm aige iomaíochas na dteicneolaíochtaí glan-nialasachta san Aontas a neartú agus tacú leis an aistriú tapa chuig an aeráidneodracht. Ina theannta sin, leis an Rialachán maidir le hÉicidhearthóireacht le haghaidh Táirgí Inbhuanaithe - oscail i dtáb nua., tugtar isteach ceanglais nua maidir le dearadh agus athchúrsáil táirgí, agus neartaítear rialú ar thruailliú leis an Treoir athbhreithnithe maidir le hAstaíochtaí Tionsclaíocha - oscail i dtáb nua.. Ar deireadh, tá an teachtaireacht maidir le hábhair shárfhorbartha le haghaidh ceannaireacht thionsclaíoch - comhad PDF, oscail i dtáb nua. mar bhonn agus mar thaca ag taighde agus nuálaíocht in ábhair cheannródaíocha, i gcomhréir leis an gComhaontú Glas don Eoraip (féach Caibidil 4) agus le spriocanna tionsclaíocha.

Tá na tionscnaimh sin ríthábhachtach chun buntáiste iomaíoch agus ceannaireacht an Aontais a fheabhsú san aistriú domhanda chuig geilleagar inbhuanaithe. Ceapadh beartais thionsclaíocha an Aontais chun freastal ar riachtanais athraitheacha mhargadh an Aontais agus chun a chinntiú go leanfaidh an tAontas de bheith ar thús cadhnaíochta san aistriú glas.

Tá an beartas tionsclaíoch ríthábhachtach freisin chun an Comhaontú Glas don Eoraip a chur chun feidhme go héifeachtach, ach chun tairbhe a bhaint as freisin. In 2024, rinne an tAontas a mhachnamh ar an Idirphlé maidir leis an Aistriú Glan - oscail i dtáb nua., a seoladh in 2023 mar bhealach nua don Aontas chun dul i dteagmháil leis an tionscal agus le comhpháirtithe sóisialta chun tuiscint a fháil ar na dúshláin atá rompu faoi láthair agus chun cur chun feidhme an Chomhaontaithe Ghlais a neartú agus chun tacú leis. Tá naoi seisiún idirphlé reáchtáilte, inar díríodh ar hidrigin, ar thionscail dianfhuinnimh, ar theicneolaíocht ghlan, ar bhonneagar fuinnimh, ar amhábhair chriticiúla, ar an mbithgheilleagar foraoisbhunaithe, ar chathracha, ar shoghluaisteacht ghlan agus ar chruach. Léiríodh san idirphlé go bhfuil gá le rialáil shimplithe, fuinneamh glan flúirseach inacmhainne, bonneagar nua⁠-⁠aimseartha, rochtain níos éasca ar mhaoiniú agus Margadh Aonair níos láidre i dtimpeallacht atá iomaíoch ar fud an domhain.

Taidhleoireacht amhábhar

Tá rochtain ar amhábhair - oscail i dtáb nua. ar mhargaí domhanda ar cheann de thosaíochtaí an Aontais. In 2024, rinne an tAontas bearta móra chun an comhar maidir le hamhábhair chriticiúla a leathnú, ar amhábhair iad atá ríthábhachtach don aistriú glas agus don aistriú digiteach domhanda, le comhpháirtithe idirnáisiúnta.

I mí Aibreáin, d’fhógair an tAontas, na Stáit Aontaithe agus na tíortha Comhpháirtíochta Slándála Mianraí, in éineacht leis an gCasacstáin, an Namaib, an Úcráin agus an Úisbéiceastáin, seoladh an Fhóraim Comhpháirtíochta Slándála Mianraí, ardán nua le haghaidh comhar maidir le hamhábhair chriticiúla. Tháinig 11 thír agus chríoch bhreise isteach in 2024: An Airgintín, Poblacht Dhaonlathach an Chongó, an Phoblacht Dhoiminiceach, Eacuadór, an Ghraonlainn, Meicsiceo, Peiriú, na hOileáin Fhilipíneacha, an tSeirbia, an Tuirc agus an tSaimbia.

Tá an Club Amhábhar Criticiúil, a fógraíodh in 2023, anois ina chuid den Fhóram Comhpháirtíochta Slándála Mianraí. Is é a dhéanann an Fóram tíortha ina bhfuil flúirse acmhainní agus tíortha ina bhfuil éileamh mór ar na hacmhainní sin a thabhairt le chéile.

Shínigh an tAontas meabhráin tuisceana dhéthaobhacha leis an Astráil, an Iorua, Ruanda, an tSeirbia agus an Úisbéiceastáin freisin, lena leathnaítear a líonra comhpháirtithe amhábhar criticiúil a thuilleadh agus lena gcinntítear soláthar éagsúlaithe inbhuanaithe na n-ábhar sin don Aontas agus dá thíortha comhpháirtíochta araon.

Comhaontuithe níos láidre chun trádáil a éascú

Trí rochtain ghnólachtaí an Aontais ar chomhpháirtithe trádála a éagsúlú trí chomhaontuithe trádála, neartaítear athléimneacht gheilleagar an Aontais i bhfianaise timpeallacht gheopholaitiúil atá ag éirí níos éiginnte i gcónaí. Ina theannta sin, tacaíonn onnmhairí le breis agus 30 milliún post san Aontas agus is toradh ar infheistíocht choigríoch laistigh den Mhargadh Aonair iad beagnach 10 milliún acu.

In 2024, thug an tAontas Comhaontú Trádála Digití - oscail i dtáb nua. i gcrích le Singeapór lena bhfeabhsófar sreafaí sonraí trasteorann agus a rachaidh chun tairbhe do ghnólachtaí agus do thomhaltóirí atá i mbun trádáil dhigiteach. Is é sin an chéad chomhaontú dá leithéid de chuid an Aontais.

Chuir an Coimisiún bailchríoch freisin ar an gcaibidlíocht - oscail i dtáb nua. maidir le comhaontú comhpháirtíochta ceannródaíoch idir an tAontas agus Mercosur - oscail i dtáb nua.. Tagann an comhaontú sin ag am cinniúnach don dá pháirtí, lena gcuirtear deiseanna suntasacha ar fáil le haghaidh sochair fhrithpháirteacha trí chomhar neartaithe geopholaitiúil, eacnamaíoch, inbhuanaitheachta agus slándála.

Ina theannta sin, neartaigh an tAontas a chaidreamh le comhpháirtithe atá ar aon intinn leis, Ceanada - oscail i dtáb nua. agus tíortha sa réigiún Ind⁠-⁠Chiúin⁠-⁠Aigéanach san áireamh, chun claochlú digiteach cothrom lena n-urramaítear cearta bunúsacha a chur chun cinn.

An 26 Márta, thionóil an tAontas agus an Chóiré Theas an dara Comhairle Comhpháirtíochta Digití - oscail i dtáb nua. sa Bhruiséil, an Bheilg, agus d’athdhearbhaigh siad a dtiomantas comhoibriú maidir le príomhtheicneolaíochtaí digiteacha ar mhaithe leis na saoránaigh agus leis an ngeilleagar.

Gnólachtaí an Aontais a chosaint ar thrádáil éagórach

In 2024, rinne an tAontas gníomhaíocht mhór chun gnólachtaí an Aontais a chosaint ar chleachtais éagóracha trádála. Ar an iomlán, sheol an Coimisiún 33 chás nua de chuid na hIonstraime um Chosaint Trádála - oscail i dtáb nua. le linn na bliana, rud a fhágann gur 63 chás a bhí ann ar an iomlán, athbhreithnithe san áireamh. Is méadú mór é sin i gcomparáid leis an 12 chás nua a osclaíodh in 2023. D’fhorchuir an Coimisiún 10 mbeart shealadacha freisin (beart frith-fhóirdheontais amháin san áireamh) agus seacht mbeart chinntitheacha (beart frith-fhóirdheontais amháin san áireamh). Tá ról lárnach ag na cásanna agus na bearta sin maidir le hiomaíochas agus poist an Aontais a chosaint, agus tugadh cosaint do 629 655 phost in 2024.

D’fhorchuir an Coimisiún dleachtanna frithchúitimh cinntitheacha freisin ar iompórtálacha feithiclí ceallra-leictreacha - oscail i dtáb nua. ón tSín. Rinneadh an cinneadh tar éis imscrúdú inar cinneadh go dtairbhíonn slabhra luacha na bhfeithiclí ceallra-leictreacha sa tSín d’fhóirdheonú éagórach, rud atá ag bagairt díobháil eacnamaíoch do tháirgeoirí an Aontais. Tá teagmháil ar an leibhéal teicniúil idir an tAontas agus an tSín fós ag saothrú toradh caibidlithe a d’fhéadfadh a bheith ann maidir le gealltanais i dtaca le praghsanna. Tá an Coimisiún lántiomanta i gcónaí teacht ar réiteach a bheidh inghlactha go frithpháirteach, agus an tráth céanna gnólachtaí an Aontais a chosaint go diongbháilte ar bhearta díoltais nach bhfuil údar leo. Cuireadh síneadh dhá bhliain eile leis na coimircí maidir le hiompórtálacha cruach - oscail i dtáb nua. freisin chun táirgeoirí cruach an Aontais a chosaint ar leibhéil arda ró⁠-⁠acmhainneachta cruach ar fud an domhain.

Rinneadh tuilleadh dul chun cinn freisin maidir le bacainní ar iompórtálacha an Aontais i dtíortha nach bhfuil san Aontas a bhaint, rud a chuir deireadh le 41 bhacainn a dhéanann difear d’earraí ar fud earnálacha ar nós na talmhaíochta, na cógaisíochta agus na mótarfheithiclí. Go háirithe, d’éirigh leis an gCoimisiún aghaidh a thabhairt ar reachtaíocht na Tuirce a rinne idirdhealú in aghaidh onnmhairí tarracóirí ón Aontas, rud a chuir rochtain ar mhargadh €2.5 billiún ar fáil.