Tháinig deireadh le tréimhse institiúideach 5 bliana amháin in 2024 agus thosaigh an chéad cheann eile. Tar éis na dtoghchán Eorpach i mí an Mheithimh, sheol institiúidí an Aontais Eorpaigh timthriall polaitiúil 2024–2029 agus gealltanas tugtha acu go n⁠-⁠oibreodh siad i gcomhar le chéile ar mhaithe le hAontas sábháilte iomaíoch rathúil a sheasann ar son chearta an duine, an daonlathais agus an smachta reachta. Tá an chaibidil seo dírithe ar an aistriú ó thréimhse amháin go dtí an chéad tréimhse eile agus tá príomhthosaíochtaí an timthrialla nua leagtha amach inti. Sa chuid eile den fhoilseachán (Caibidlí 1–9) tá an chaoi ar éirigh leis an Aontas a thosaíochtaí a bhaint amach sa bhliain deiridh den tréimhse shainordaithe 2019–2024 leagtha amach.

Tháinig deireadh le timthriall polaitiúil 5 bliana in 2024, timthriall inar éirigh leis an Aontas a chuspóirí uaillmhianacha a bhaint amach ar fud na réimsí beartas d’ainneoin an bhrú a chuir iliomad géarchéimeanna air (féach Caibidlí 1–9). Le linn na tréimhse sainordaithe, rinneadh dul chun cinn i dtreo samhail nua fáis lena gcosnaítear na daoine agus an pláinéad; atá fónta ó thaobh an gheilleagair de agus cothrom ó thaobh na sochaí de; agus lena gcinntítear go leanfaidh an teicneolaíocht ag cur tairbhí ar fáil do shaoránaigh gan iad a chur i mbaol. Ar a bharr sin, rinne institiúidí an Aontais an bealach a réiteach le haghaidh thús an chéad timthrialla eile trí thosaíochtaí polaitiúla nua a shainiú le haghaidh 2024–2029 i gcomhréir le príomhábhair imní na saoránach.

Is iad na toghcháin Eorpacha, a reáchtáiltear gach cúig bliana, an beart daonlathach trasnáisiúnta is mó ar domhan. Is sna toghcháin i mí an Mheithimh a bhí an ráta vótála is airde le 30 bliain anuas (50.74 %). Tá vótáil i dtoghcháin Eorpacha anois ina beart daonlathach tábhachtach do chuid mhór saoránach; luaigh 46 % díobh siúd a ndearnadh suirbhé orthu go vótálann siad i gcónaí agus dúirt 42 % díobh go measann siad gur dualgas sibhialta é vóta a chaitheamh.

Tá na saoránaigh dóchasach i gcónaí faoi thodhchaí an Aontais agus tá tuiscint dhearfach acu i gcónaí ar an Aontas agus ar a chuid institiúidí. Tá an mhuinín as an Aontas ar an leibhéal is airde ó bhí 2007 ann - oscail i dtáb nua. (féach Caibidil 9). I suirbhé iarthoghchán - oscail i dtáb nua. an Aontais tá sé léirithe go gceapann seachtar as gach deichniúr Eorpach gur bhain a dtír tairbhe as bheith ina bhallstát san Aontas, figiúr atá cobhsaí le blianta beaga anuas. Ar na cúiseanna is mó a luadh lena mheas go bhfuil tairbhe ag baint le ballraíocht san Aontas tá an méadú ar chomhar idir na Ballstáit, cosaint na síochána agus neartú na slándála, an méid a chuireann an tAontas leis an bhfás eacnamaíoch agus cruthú deiseanna nua oibre.

Ceannaireacht an Aontais in 2024–2029

I mí Iúil, d’atogh an Pharlaimint nuabhunaithe Roberta Metsola - oscail i dtáb nua. mar Uachtarán uirthi. Chomh maith leis sin, tar éis di an togra a fháil ón gComhairle Eorpach, thogh an Pharlaimint Ursula von der Leyen - oscail i dtáb nua. mar Uachtarán ar an gCoimisiún Eorpach le haghaidh an dara téarma. Tar éis na n-éisteachtaí deimhniúcháin os comhair na gcoistí Parlaiminte lena mbaineann, a d’éirigh leis na hiarratasóirí i ndeireadh mhí na Samhna, d’fhormheas an Pharlaimint comhdhéanamh nua an Choimisiúin Eorpaigh - oscail i dtáb nua., lena n⁠-⁠áirítear an tArdionadaí nua do Ghnóthaí Eachtracha agus don Bheartas Slándála, Kaja Kallas. Chuaigh Coláiste nua na gCoimisinéirí arna cheapadh ag an gComhairle Eorpach i mbun oifige an 1 Nollaig. Ag an am céanna, tháinig António Costa - oscail i dtáb nua. i gcomharbas ar Charles Michel mar Uachtarán ar an gComhairle Eorpach.

FÍSEÁN: Formheasann an Pharlaimint an Coimisiún nua, Strasbourg, an Fhrainc, an 29 Samhain 2024.
Íomhá: Ursula von der Leyen, Uachtarán an Choimisiúin Eorpaigh (ar clé), agus Roberta Metsola, Uachtarán Pharlaimint na hEorpa (ar dheis), ag fáiltiú roimh chinneadh na Parlaiminte Coimisiún Eorpach 2024-2029 a fhormheas.