I ndaonlathas rathúil, bíonn saoirse ag na saoránaigh a dtuairimí féin a bheith acu agus iad a chur in iúl. Is féidir leo páirt a ghlacadh sa saol daonlathach, a n-ionadaithe polaitiúla a roghnú, agus cead cainte a bheith acu maidir lena dtodhchaí féin, i spás poiblí inar féidir tuairimí éagsúla a chur in iúl agus ina bhfáiltítear roimh an éagsúlacht. In 2025 chuir an tAontas Eorpach dlús lena chuid oibre chun an daonlathas agus a athléimneacht a neartú i leith brúnna inmheánacha agus seachtracha. Lean sé freisin de chumhacht a thabhairt do shaoránaigh páirt ghníomhach a ghlacadh sa phróiseas daonlathach agus na beartais a dhéanann difear dá saol agus dá bpobail a mhúnlú.

An Sciath Eorpach don Daonlathas

Cuireadh an Sciath Eorpach don Daonlathas - oscail i dtáb nua. i láthair i mí na Samhna, rud a chuir leis an obair a leagadh amach cheana faoin bPlean Gníomhaíochta um an Daonlathas Eorpach agus faoin bPacáiste maidir le Cosaint an Daonlathais - oscail i dtáb nua.. Tá sé beartaithe leis daonlathais na hEorpa a neartú agus muintir na hEorpa a chumhachtú chun a gcearta a fheidhmiú, a dtuairimí a chur le chéile agus a chur in iúl gan bhac, agus páirt ghníomhach shábháilte a ghlacadh i saol daonlathach an Aontais. Lena ghníomhaíochtaí, neartófar institiúidí daonlathacha, cosnófar sláine na dtoghchán agus tacófar le saoirse agus iolrachas na meán.

Agus é ag gníomhú mar a bheadh mhol oibríochtúil ann don Sciath Eorpach nua don Daonlathas, tá Lárionad Eorpach um an Athléimneacht Dhaonlathach le bunú chun bagairtí a réamh-mheas agus a bhrath, luathrabhaidh a thabhairt agus mearfhreagairtí a chomhordú. Agus na Ballstáit ina chroílár, feidhmeoidh an lárionad mar a bheadh creat ann chun comhroinnt eolais a éascú agus chun an acmhainneacht a fhothú chun bagairtí coiteanna atá ag teacht chun cinn a sheasamh, go háirithe ionramháil agus cur isteach eachtrach ar fhaisnéis, agus bréagaisnéis.

In 2025, gheall an Coimisiún Eorpach freisin dlús a chur lena rannpháirtíocht leis an tsochaí shibhialta, lena cosaint agus lena tacaíocht di, agus aitheantas á thabhairt don ról tábhachtach atá aici maidir le daonlathais a neartú agus sochaithe athléimneacha a fhorbairt. Na trí phríomhchuspóir seo a leanas atá ag Straitéis nua an Aontais don tSochaí Shibhialta - oscail i dtáb nua..

Sláine faisnéise a chinntiú

A bhuí le teicneolaíochtaí nua, is féidir le gníomhaithe naimhdeacha feidhmiú agus bréagaisnéis a scaipeadh ar scála agus ar luas nach bhfacthas a leithéid riamh roimhe seo. Dá bhrí sin, saincheisteanna práinneacha don Aontas agus dá Bhallstáit is ea ionramháil agus cur isteach eachtrach ar fhaisnéis a chomhrac, sin agus athléimneacht shochaíoch a fheabhsú i gcoinne na mbagairtí sin.

Is é Cód Cleachtais an Aontais maidir le Bréagaisnéis - oscail i dtáb nua., rud a bunaíodh in 2018, an chéad ionstraim féinrialála dheonach ar domhan d’ardáin ar líne agus d’innill chuardaigh. Ó mhí Feabhra 2025 i leith, rinneadh é a chomhtháthú - oscail i dtáb nua. go foirmiúil mar chód iompair i gcreat comhrialála an Ghnímh um Sheirbhísí Digiteacha.

Is colún tábhachtach í an Fhaireachlann Eorpach um na Meáin Dhigiteacha - oscail i dtáb nua. d’iarrachtaí an Aontais léargas a fháil ar spás faisnéise ar líne na hEorpa agus athléimneacht na sochaí a neartú i gcoinne na bréagaisnéise. Chuir mol nua réigiúnach de chuid na Faireachlainne Eorpaí um na Meáin Dhigiteacha, ar a dtugtar FACT - oscail i dtáb nua., tús lena chuid oibre in 2025 chun tacú leis an Moldóiv agus leis an Úcráin, i measc tíortha eile, maidir leis an mbréagaisnéis a chomhrac. Mar chuid dá mhisean, rinne FACT monatóireacht freisin ar thréimhse thoghcháin 2025 sa Mholdóiv chun a sláine toghcháin a chinntiú.

Rialacha toghcháin a neartú

Tá sé ríthábhachtach rannpháirtíocht toghcháin a éascú do gach saoránach chun daonlathas sláintiúil a ráthú agus chun iontaoibh a chothú san Aontas. Sin an fáth ar ghlac an tAontas rialacha nua - oscail i dtáb nua. i mí an Mheithimh chun neartú a dhéanamh ar chearta na saoránach soghluaiste vótáil agus seasamh mar iarrthóirí i dtoghcháin Eorpacha, gan beann ar an áit san Aontas ina bhfuil cónaí orthu. Tá go dtí mí an Mheithimh 2027 ag na Ballstáit chun na rialacha a thrasuí sa dlí náisiúnta.

Príomhghné de shaorthoghcháin chóra is ea rochtain gan srian na dtoghthóirí ar fhaisnéis. Le rialacha nua an Aontais maidir le trédhearcacht agus spriocdhíriú na fógraíochta polaitiúla - oscail i dtáb nua., atá i bhfeidhm ó bhí Deireadh Fómhair ann, cinntítear díospóireacht oscailte, feachtais chothroma agus saorthoghcháin. Tacaíonn siad freisin le cuntasacht na ngníomhaithe polaitiúla agus le ceart na saoránach a bheith ar an eolas. Faoi na rialacha, ní mór fógraí polaitiúla a lipéadú go soiléir mar fhógraí polaitiúla agus ní mór a léiriú cé a d’íoc astu, cé mhéad a d’íoc siad agus cé acu atá nó nach bhfuil siad dírithe ar phobal ar leith. Cuirfidh sé sin ar chumas na saoránach fógraí polaitiúla a shainaithint go héasca agus roghanna eolasacha a dhéanamh.

Deimhníodh i dtuarascáil 2025 maidir leis an smacht reachta - oscail i dtáb nua., ina mbreathnaítear ar na Ballstáit agus ar cheithre thír is iarrthóirí – an Albáin, an Mhacadóin Thuaidh, Montainéagró agus an tSeirbia – go bhfuil conair dhearfach i roinnt mhaith Ballstát, ós rud é go ndearnadh athchóirithe tábhachtacha. Tá dúshláin fós ann, áfach, agus i roinnt cásanna tá an staid tromchúiseach. Sa tuarascáil leagadh béim ar leith ar ghné an Mhargaidh Aonair chun saincheisteanna a bhaineann leis an smacht reachta a shainaithint agus aghaidh a thabhairt orthu, ar saincheisteanna iad a bhfuil tionchar díreach acu ar an dóigh a ndéanann cuideachtaí infheistíocht, iomaíocht agus fás san Eoraip. Cuirtear i láthair i Scórchlár Ceartais an Aontais - oscail i dtáb nua. 2025 táscairí nua atá ábhartha don Mhargadh Aonair, agus béim á leagan ar an ról ríthábhachtach atá ag córais cheartais éifeachtúla neamhspleácha maidir le timpeallacht mhargaidh atá cothrom agus iomaíoch a chothú.

Ar scála domhanda, tá an tAontas fós ina dhaingean do na meáin shaora, agus caighdeán á leagan síos aige le haghaidh an daonlathais. Mar sin féin, tá treochtaí ann ar ábhar imní iad agus atá ag dul i méid, rud a dheimhníonn gur gá don Aontas bearta níos láidre a dhéanamh chun an bunphrionsabal sin de dhaonlathas na hEorpa a chosaint. Chuige sin, tháinig an chuid is mó d’fhorálacha an Ghnímh Eorpaigh um Shaoirse na Meán - oscail i dtáb nua. i bhfeidhm ón 8 Lúnasa. Is é is aidhm do na rialacha cosaint níos fearr a thabhairt do na meáin agus d’iriseoirí ar chur isteach polaitiúil agus a chinntiú gur féidir leo oibriú ar bhealach níos éasca thar theorainneacha, gan brú míchuí. Is é is aidhm don Bhord Eorpach nua um Sheirbhísí na Meán - oscail i dtáb nua., a bunaíodh faoin ngníomh, an comhar a neartú ar leibhéal an Aontais, ina measc sin i gcoinne ionramháil agus cur isteach eachtrach ar fhaisnéis, agus cur i bhfeidhm éifeachtach comhsheasmhach chreat dhlí an Aontais maidir leis na meáin a chur chun cinn.

Tacaíocht ón Aontas le haghaidh meáin shaora

Is é an rud is tábhachtaí maidir le daonlathas sláintiúil ná saoránaigh chumhachtaithe. Tá an tAontas tiomanta éisteacht go cúramach le saoránaigh agus le páirtithe leasmhara agus rannpháirtíocht an phobail a spreagadh sa phróiseas ceaptha beartas. Baintear an méid sin amach trí roinnt tionscnamh, cuir i gcás comhairliúcháin phoiblí agus aiseolas - oscail i dtáb nua., an Tionscnamh Eorpach ó na Saoránaigh - oscail i dtáb nua. agus na Painéil Saoránach Eorpach - oscail i dtáb nua.. Leis na Painéil Saoránach Eorpach, ar cuid rialta den saol daonlathach san Aontas anois iad, tugtar le chéile 150 saoránach a roghnaítear go randamach ó gach ceann de na 27 mBallstát chun plé a dhéanamh ar dhúshláin chriticiúla fhadtéarmacha agus chun moltaí a dhéanamh do lucht ceaptha beartas. Le linn na bliana, sheol an tAontas idirphlé straitéiseach le príomhearnálacha tionscail freisin, rud a chruthaigh fóram cuimsitheach chun aghaidh a thabhairt ar dhúshláin shonracha.

In 2025 rinne an Coimisiún obair leantach ar an Tionscnamh Eorpach rathúil ó na Saoránaigh in 2023 dar teideal ‘Stop finning – Stop the trade’ [Cuirtear deireadh le teascadh eití – Cuirtear deireadh leis an trádáil], inar iarradh ar an Aontas gníomhaíocht a dhéanamh chun deireadh a chur leis an trádáil idirnáisiúnta in eití scaoilte siorcanna. Amhail ó Eanáir 2025, tá dlús curtha ag an gCoimisiún leis an monatóireacht ar thrádáil táirgí siorcanna a bhuí le 13 chód taraife nua le haghaidh siorcanna agus a n-eití.

• 98 gcomhairliúchán phoiblí a seoladh in 2025

  Fuarthas aiseolas i leith:

  • 201 dhoiciméad glao ar fhianaise;
  • 51 thogra reachtach;
  • 224 dhréachtghníomh cur chun feidhme agus tarmligthe.

• Seoladh 4 thionscnamh Eorpacha nua ó na Saoránaigh

  • ‘HouseEurope! Athchóirímis anois’.
  • ‘Is ceart daonna do chách é an ceart chun bia! Córais bhia atá sláintiúil, cóir agus inbhuanaithe a ráthú.
  • ‘Sábháil do chearta, sábháil d’eitilt!’
  • ‘Éileamh chun an Comhaontú Comhlachais idir an tAontas Eorpach agus Iosrael a chur ar fionraí go hiomlán i bhfianaise sháruithe Iosrael ar chearta an duine’.

• Eagraíodh 2 phainéal saoránach nua

  • Painéal Saoránach Eorpach maidir le buiséad nua an Aontais.
  • Painéal Saoránach Eorpach maidir le cothroime idirghlúine.