Chun aghaidh a thabhairt ar bhagairtí slándála agus hibrideacha atá ag dul i méid, cuir i gcás an sceimhlitheoireacht, an choireacht eagraithe, an chibearchoireacht agus ionsaithe ar bhonneagar criticiúil, tá cur chuige nua de dhíth ar an Aontas i dtaca lena shlándáil inmheánach, lena rialú teorann agus lena bhainistiú imirce. Is é is aidhm do thacaíocht an Aontais sna réimsí sin cabhrú leis na Ballstáit an Comhshocrú maidir le hImirce agus Tearmann - oscail i dtáb nua. a chur i bhfeidhm, comhshocrú a thiocfaidh i bhfeidhm i mí an Mheithimh 2026 (e.g. nósanna imeachta tearmainn níos tapa agus fillteacha níos éifeachtaí a chur i bhfeidhm). Tá sé d’aidhm aige freisin tacú leis na Ballstáit bainistiú rialaithe teorann a dhigitiú, gardaí teorann a fheistiú ar bhealach níos fearr agus comhar le tíortha nach bhfuil san Aontas a fheabhsú. Ar deireadh, tá sé d’aidhm aige cumais nuachóirithe a thabhairt d›údaráis forfheidhmithe dlí chun an sceimhlitheoireacht agus an choireacht eagraithe a chomhrac ar líne agus as líne araon.

An tslándáil inmheánach a fheabhsú

Tá an choireacht ag éirí níos gasta, níos digití agus níos eagraithe. Baineann bagairtí hibrideacha dár ndaonlathais agus dár sochaithe. Tá leibhéil na bagartha sceimhlitheoireachta fós ard, ar géarchéimeanna réigiúnacha is cúis leo. I gcomhréir le treoirlínte polaitiúla - oscail i dtáb nua. an Choimisiúin, tháinig cuid mhór de fhreagairt an Aontais ar an réaltacht nua sin in earrach 2025 nuair a seoladh ProtectEU - oscail i dtáb nua., an Straitéis Eorpach nua um an tSlándáil Inmheánach, an 1 Aibreán. Cumhdaítear na saoránaigh, gnólachtaí, taighdeoirí agus an tsochaí shibhialta leis an gcur chuige cuimsitheach uile-shochaí sin i leith bagairtí slándála ar líne agus as líne (an sceimhlitheoireacht, an choireacht eagraithe, an chibearchoireacht, ionsaithe ar bhonneagar criticiúil agus bagairtí hibrideacha san áireamh). Cinnteofar leis freisin go ndéanfar an tslándáil a chomhtháthú i reachtaíocht agus i mbeartais an Aontais.

Na sonraí is déanaí atá ar fáil maidir le gáinneáil ar dhaoine san Aontas

• Cláraíodh 9,678
  íospartach den gháinneáil ar dhaoine in 2024.
• Laghdú 8%
  i gcomparáid leis an mbliain roimhe sin.
• Mná nó cailíní ab ea 63%
  acu.

Foinse: Eurostat, ‘Trafficking in human beings statistics [‘Staitisticí maidir le gáinneáil ar dhaoine’] - oscail i dtáb nua.’, Eanáir 2026.

Trí ProtectEU, thug an Coimisiún faoi straitéis nua a fhorbairt chun an gháinneáil a chomhrac, agus aghaidh a tabhairt ar gach céim de, ón gcosc go dtí an t-ionchúiseamh.

Teorainneacha coiteanna a neartú

Ba é príomhfhócas an Aontais ar chomhtheorainneacha le linn 2025 iad a dhéanamh níos sláine trí chóras digiteach lánfheidhmiúil bainistithe teorainneacha a chur i bhfeidhm; cur chuige i leith bainistiú comhtháite teorainneacha agus straitéis an Aontais um beartas víosaí a chur i bhfeidhm; a chinntiú go bhfuil limistéar Schengen iomlán agus lánfheidhmiúil.

Leanfaidh an Coimisiún den dul chun cinn a rianú le Scórchlár bliantúil Schengen - oscail i dtáb nua. agus déanfaidh sé Sásra Meastóireachta agus Faireacháin Schengen - oscail i dtáb nua. a chomhdhlúthú a thuilleadh. Cuimsítear leis sin córais i dtíortha Schengen agus i dtíortha is iarrthóirí ar bhallraíocht san Aontas, araon. Leanfaidh an Coimisiún, le tacaíocht ó Chomhordaitheoir Schengen, de thacaíocht a thabhairt do na Ballstáit chun comhar éifeachtach a chinntiú i dtaca le forfheidhmiú oibríochtúil trasteorann an dlí.

An imirce a bhainistiú go daingean agus go cothrom

Dúshlán Eorpach is ea an imirce i gcónaí nach mór aghaidh a thabhairt uirthi le réiteach Eorpach a bhfuil an dlúthpháirtíocht ina chroílár. Tá na patrúin imirce ag athrú i gcónaí. Tá laghdú seasta ag teacht ar líon na n-imirceach neamhrialta a thagann isteach i limistéar Schengen, ach tá an brú atá tagtha ar an Eoraip i gcaitheamh na mblianta fós ag ídiú acmhainní sna Ballstáit. Cé nach ionann na brúnna ó áit go háit, bíonn na héifeachtaí le sonrú ar fud an Aontais: déantar difear díreach do scoileanna, don tithíocht agus do sheirbhísí áitiúla, agus bíonn pobail faoi bhrú.

Tá sé ríthábhachtach creat dlíthiúil láidir a bheith ann a chuirtear i bhfeidhm ar bhealach cothrom ar fud an Aontais. In 2025 bhí gá le hiarrachtaí treisithe ar na leibhéil pholaitiúla agus theicniúla chun a chinntiú go mbeidh na Ballstáit uile ullmhaithe go leordhóthanach chun na gníomhartha dlí atá sa Chomhshocrú maidir le hImirce agus Tearmann a chur chun feidhme i ndáil leis an bPlean cur chun feidhme coiteann - oscail i dtáb nua. a chuir an Coimisiún i láthair. Lean an tAontas de dhul chun cinn suntasach a dhéanamh i leith na ngníomhartha dlí atá sa chomhshocrú a chur i bhfeidhm, agus lean an Coimisiún de thacaíocht éifeachtach a chur ar fáil do na Ballstáit. Chuir an Coimisiún roinnt beart chun cinn chun dlús a chur leis an bplean cur chun feidhme. Ar na bearta sin tá dhá riail thábhachtacha a thabhairt isteach faoin gcomhshocrú chun éascú a dhéanamh ar chur i bhfeidhm choincheap an tríú tír shábháilte, chun dlús a chur le próisis tearmainn agus an brú ar chórais tearmainn a laghdú, agus na coimircí dlíthiúla d’iarratasóirí á gcaomhnú agus urraim do chearta bunúsacha á cinntiú ag an am céanna.

Mhol an Coimisiún an chéad liosta de chuid an Aontais de thíortha sábháilte tionscnaimh a bhunú - oscail i dtáb nua.. Tá liostaí náisiúnta ag cuid de na Ballstáit cheana féin, agus le liosta de chuid an Aontais, dhéanfaí iad sin a chomhlánú agus thacófaí le cur i bhfeidhm an choincheapa ar bhealach ní b’aonfhoirmí. Chuirfeadh an méid sin ar a gcumas do na Ballstáit éilimh ar thearmann arna ndéanamh ag náisiúnaigh arb as tíortha dóibh atá ar an liosta a phróiseáil trí úsáid a bhaint as nós imeachta brostaithe, ar an mbonn nach dócha go n-éireoidh lena n-éilimh.

I mí an Mhárta bheartaigh an Coimisiún Córas coiteann an Aontais um fhilleadh - oscail i dtáb nua. a bhunú a mbeidh nósanna imeachta um fhilleadh ar fud an Aontais ag gabháil leis atá níos tapúla, níos simplí agus níos éifeachtaí. Sna rialacha maidir le filleadh atá beartaithe tá forálacha freisin i leith daoine ar bagairt slándála iad. Déantar foráil leo freisin maidir leis an bhféidearthacht daoine a fhilleadh ar thíortha nach den Aontas iad ar bhonn comhaontaithe nó socraithe faoi choinníollacha lena gcinntítear go n-urramófar caighdeáin idirnáisiúnta na gceart daonna agus prionsabal an non-refoulement.

Córas coiteann an Aontais um fhilleadh

Léirítear sa chéad tuarascáil bhliantúil Eorpach ar thearmann agus imirce - oscail i dtáb nua. go bhfuil feabhas leanúnach tagtha ar staid na himirce le linn na tréimhse tuairisciúcháin (Iúil 2024 go Meitheamh 2025), agus go bhfuil laghdú 35% tagtha ar thrasnuithe neamhdhleathacha teorann, i bpáirt mar gheall ar chomhar feabhsaithe le tíortha comhpháirtíochta.

Céim thábhachtach i dtreo chur chun feidhme iomlán an chomhshocraithe ba ea seoladh an chéad Timthrialla Bhliantúil Bainistithe Imirce agus an tsásra nua dlúthpháirtíochta, lena gcomhcheanglaítear an dlúthpháirtíocht éigeantach agus an tsolúbthacht. Is éard a chiallaíonn sé sin tacaíocht níos mó do na Ballstáit atá faoi bhrú imirce agus níos mó solúbthachta do na Ballstáit rannchuiditheacha maidir lena roghanna rannchuidithe. Ar na rannchuidithe sin tá athlonnú iarratasóirí ar chosaint idirnáisiúnta agus tairbhithe cosanta idirnáisiúnta; ranníocaíochtaí airgeadais, ina measc sin le haghaidh gníomhaíochta i dtíortha nach den Aontas iad nó i ndáil leo; agus bearta dlúthpháirtíochta malartacha amhail pearsanra a imscaradh nó bearta lena ndírítear ar fhothú acmhainneachta.

Lean an Coimisiún de bheith ag obair leis na Ballstáit chomh maith chun bealaí dlíthiúla imirce a oscailt, bunaithe ar riachtanais scileanna a ngeilleagar agus a réigiún. I mí an Mheithimh léirigh an tionscnamh Comhpháirtíochtaí agus Maoiniú le haghaidh Cuimsiú Imirceach - oscail i dtáb nua. go rathúil an dóigh ar féidir le maoiniú agus comhoibriú cruthaitheach éascú a dhéanamh ar imeascadh náisiúnach tríú tír sna Ballstáit.