D’inis an foilsitheoir dúinn go bhfuil roinnt pictiúiríní greannmhara le feiceáil inár mbróisiúir An Eoraip — Níos fearr le chéile! Is cosúil gur éalaigh buachaill darb ainm Gordon isteach sa siopa clódóireachta agus gur scriobláil sé ar roinnt de na leathanaigh.
Tá súil againn nach gcuirfidh siad isteach ort agus tú ag léamh.
Bain taitneamh as!
Foireann na Seirbhíse Eagarthóireachta agus na For-rochtana Spriocdhírithe, an Coimisiún Eorpach
Cabhróidh AN EORAIP — Níos fearr le chéile! leat labhairt faoin Eoraip sa rang. San fhoireann uirlisí teagaisc tá thrí bhróisiúr agus léarscáil den Aontas Eorpach.
Foireann uirlisí teagaisc An Eoraip — Níos fearr le chéile! a úsáid sa rang?
Ag brath ar d’ábhair spéise agus ar na ceisteanna ó do dhaltaí, is féidir leat breathnú ar an Aontas Eorpach ó thrí
pheirspictíocht dhifriúla. Níl na bróisiúir leagtha amach in aon ord ar leith. Comhlánaíonn siad a chéile ach is féidir gach ceann díobh a úsáid ina n-aonar.
Bhíomar ag iarraidh timpeallacht teagaisc a chruthú a bheadh saibhir ó thaobh ábhair de agus lán spraoi chun eolas a thabhairt do dhaoine óga faoin saol atá rompu san Eoraip.
Is é an phríomhaidhm atá ann a chur in iúl do na daltaí gur cuid den Aontas Eorpach iad agus gur féidir leo Eoraip an lae amárach a mhúnlú. Chun béim a leagan ar a ról, bhaineamar úsáid as briathar gnímh le haghaidh gach topaice (ag maireachtáil, ag eagrú, ag cuimhneamh, ag cosaint, etc.).
Leis an bhfoclóir, na cluichí agus na leideanna spraíúla a thugtar, cuirtear ar chumas na ndaltaí a gcuid eolais a mhéadú ina n-aonar trí amharc ar Gordon, an carachtar samhlaitheach a scriobláil ar na bróisiúir. Tá an carachtar sin ar comhaois leo, agus dá bharr sin is fusa a rachaidh an t-ábhar i bhfeidhm orthu. Ó thús deireadh na mbróisiúr, baintear úsáid as ceisteanna oscailte freisin chun rannpháirteachas na ndaltaí a spreagadh. Bain taitneamh as!