Bíonn gach rud a dhéanann an tAontas bunaithe ar chonarthaí ina bhfuil na rialacha maidir le feidhmiú an Aontais. D’aontaigh gach tír san Aontas go deonach agus go daonlathach orthu.
Gníomhaíonn an tAontas sna réimsí úd inar thug na Ballstáit údarú dó agus ina bhfuil sé ciallmhar gníomhú le chéile, ar nós athrú aeráide nó trádáil ar fud an domhain.
Gheobhaidh tú eolas sa chaibidil seo faoina bhfuil curtha chun feidhme agus gníomhaithe cheana féin ag an Aontas Eorpach (agus i gCaibidil 4 ‘Cad atá ar chlár oibre an Aontais Eorpaigh’ gheobhaidh tú eolas faoin méid atá á dhéanamh chun leanúint den obair sin). Níl anseo ach roinnt de na nithe atá bainte amach an Aontas Eorpach go dtí seo.
Taisteal sábháilte éasca
Tá an taisteal níos deacra go sealadach mar gheall ar phaindéim COVID‑19. Mar sin féin, go hiondúil, is fusa i bhfad taisteal a dhéanamh san Eoraip anois ná riamh. Is amhlaidh sin toisc gur chuir formhór na mBallstát, agus roinnt tíortha nach Ballstáit den Aontas iad, deireadh leis na rialuithe teorainn a bhíodh eatarthu. Cuireadh deireadh leis na rialuithe teorann a bhuí le Comhaontú Schengen, atá ainmnithe as an sráidbhaile i Lucsamburg inar shínigh tíortha Eorpacha é in 1985.
Mar shaoránach Eorpach, féadfaidh tú taisteal laistigh de na 27 ‘dtír Schengen’ gan gá a bheith agat le pas: 23 thír den Aontas Eorpach (an Bheilg, an Chróit, an Danmhairg, an Eastóin, an Fhionlainn, an Fhrainc, an Ghearmáin, an Ghréig, an Iodáil, an Ísiltír, an Laitvia, an Liotuáin, Lucsamburg, Málta, an Ostair, an Pholainn, an Phortaingéil, an tSeicia, an tSlóivéin, an tSlóvaic, an Spáinn, an tSualainn agus an Ung) móide an Eilvéis, Lichtinstéin, an Iorua agus an Íoslainn. Ní cuid de limistéar Schengen faoi láthair iad an Bhulgáir, an Chipir, Éire ná an Rómáin. Agus tú ag taisteal chuig tíortha nach tíortha de chuid limistéar Schengen iad, nó ag filleadh ó na tíortha sin, beidh ort pas bailí nó cárta aitheantais bailí a thaispeáint.
Tubaiste a coisceadh
Thosaigh dóiteán in árasán an tsaoránaigh Ghréagaigh Anasthassios, i Liospóin na Portaingéile, díreach tar éis dó cur faoi ann chun freastal ar an ollscoil. Ní raibh uimhir seirbhísí éigeandála na Portaingéile ar eolas aige, ach chuimhnigh sé gurbh fhéidir an uimhir éigeandála 112 a úsáid sa Phortaingéil díreach mar ab fhéidir ina thír dhúchais nó áit ar bith eile san Aontas Eorpach. Ghlaoigh sé ar 112 agus bhí sé i dteagmháil ar an toirt le seirbhís éigeandála Liospóin a chuir an bhriogáid dóiteáin go dtí a árasán láithreach bonn.
Agus iad ag taisteal i dtír lasmuigh den Aontas Eorpach, féadfaidh saoránaigh den Aontas cuidiú a fháil ó chonsalacht nó ambasáid 
BREATHNAIGH AR AN bhFÍSEÁN: An Cárta Eorpach um Árachas Sláinte
