Freastal réasúnta ag an obair Treoirlínte agus dea-chleachtas

Tugtar eolas, samplaí praiticiúla agus tagairtí sna treoirlínte seo chun cuidiú le fostóirí an riachtanas sin a chomhlíonadh. Ullmhaíodh na treoirlínte le cúnamh ó chomhaltaí an Ardáin Míchumais³ agus ó chomhpháirtithe sóisialta agus ní hamháin gur chuir siad moltaí ar fáil ach thug siad samplaí de dhea-chleachtais freisin. D’fhéadfaí leas a bhaint as na treoirlínte mar acmhainn luachmhar chun cleachtais ag an áit oibre a athrú chun tacú níos fearr leis an lucht saothair ginearálta, agus chun timpeallacht oibre níos ionchuimsithí a chruthú ina bhfreastalaítear ar gach uile fostaí, gan beann ar a gcumais.

Is cuma más fostóir nó úinéir cuideachta, bainisteoir nó ceannaire foirne, speisialtóir acmhainní daonna, nó díreach comhghleacaí oibre thú, ba cheart do na léargais agus na samplaí praiticiúla de dhea-chleachtas a gheobhaidh tú sa bhróisiúr seo inspioráid a thabhairt duit le linn duit daoine faoi mhíchumas a earcú, a fhostú agus a choinneáil ag úsáid freastal nó coigeartuithe a théann chun tairbhe fostaithe agus fostóirí araon⁴. Ach na gnéithe praiticiúla a bhaineann le freastal réasúnta agus an cúlra maidir leis a bheith ar eolas agat fágfaidh sin go mbeidh tú níos ábalta glacadh le cumais agus rannchuidiú na foirne faoi mhíchumas go fonnmhar, rud lena saibhreofar an áit oibre dá réir sin agus a rachaidh chun tairbhe d’eagraíochta.

1.1 Coinbhinsiún na Náisiún Aontaithe ar Chearta Daoine faoi Mhíchumas (UN CRPD)²

Shínigh agus dhaingnigh Ballstáit uile an Aontais UN CRPD, rud a chiallaíonn go bhfuil sé d’oibleagáid ar gach Ballstát faoin dlí idirnáisiúnta cearta daoine faoi mhíchumas a chosaint i gcomhréir leis an gCoinbhinsiún seo. Tá an tAontas Eorpach ina pháirtí sa Choinbhinsiún ina cheart féin freisin.

Léirítear athrú paraidíme ar mheonta agus ar chuir chuige sa Choinbhinsiún maidir le daoine faoi mhíchumas - ó bheith ag féachaint ar dhaoine faoi mhíchumas mar ‘spriocanna’ carthanais, cóireála leighis agus cosanta sóisialta go dtí an tuiscint gur ‘gníomhairí’ iad daoine faoi mhíchumas a bhfuil cearta acu, agus iad in ann cinntí a dhéanamh agus a bheith ina mbaill ghníomhacha den tsochaí. Iarrtar ar fhostóirí freastal réasúnta a chur ar fáil chun cur ar a gcumas do dhaoine faoi mhíchumas cúraimí a bhaineann le hobair a dhéanamh. I gcás nach soláthraítear freastal réasúnta gan údar cuí a thabhairt d’fhéadfaí a rá gur foirm choiscthe d’idirdhealú míchumais é sin faoin dlí náisiúnta nó faoin dlí neamh-idirdhealaithe Eorpach, agus faoin gCoinbhinsiún chomh maith.

Tá Airteagal 27 de UN CRPD³, maidir le hobair agus fostaíocht, ábhartha go háirithe, in éineacht le Barúil Ghinearálta Uimh. 8 (2022)⁴ an Choiste um Chearta Daoine faoi Mhíchumas, maidir leis an gceart atá ag daoine faoi mhíchumas obair a dhéanamh agus dul i mbun fostaíochta. Le hAirteagal 27 cuirtear cosc ar idirdhealú ar bhonn míchumais i ndáil le gach ábhar a bhaineann le gach cineál fostaíochta, lena n-áirítear earcaíocht, fostú, leanúnachas fostaíochta, dul chun cinn gairme agus dálaí oibre sábháilte agus sláintiúla. Soiléirítear i mBarúil Ghinearálta Uimh. 8 na hoibleagáidí atá ar rialtais faoi Airteagal 27, ina gcuirtear i dtábhacht gur ceart bunúsach de chuid an duine é an ceart chun obair a dhéanamh, agus go bhfuil sé ríthábhachtach chun cearta eile an duine a chomhlíonadh. Is comhpháirt dhoscartha agus bhunúsach de dhínit an duine é, toisc go ndeimhnítear luach an duine leis agus a acmhainneacht cur leis an tsochaí.

1.2 An Treoir maidir le Comhionannas Fostaíochta⁵

San Aontas Eorpach, tá dualgas ar fhostóirí freastal réasúnta a sholáthar d’oibrithe faoi mhíchumas. I dTreoir 2000/78/CE ón gComhairle, lena mbunaítear creat ginearálta le haghaidh cóir chomhionann i bhfostaíocht (‘An Treoir maidir le Comhionannas Fostaíochta’), tá na forálacha is ábhartha i ndlí an Aontais ann maidir le daoine faoi mhíchumas agus freastal réasúnta.

1.3 Straitéis maidir le Cearta Daoine faoi Mhíchumas, 2021-2030

Mar chuid de bheartas míchumais an Aontais, féachann sé le tacaíocht a thabhairt do na Ballstáit chun fostaíocht daoine faoi mhíchumas a chur chun cinn.

Soláthraítear sa Straitéis maidir le Cearta Daoine faoi Mhíchumas 2021-2030⁶ creat don bheartas sin, atá dírithe ar fheabhas a chur ar shaol daoine faoi mhíchumas.

Ceann de na seacht dtionscnamh shuaitheanta den Straitéis is ea an Pacáiste Fostaíochta Míchumais⁷, tacar treoraíochta, cleachtas agus deiseanna foghlama atá beartaithe d’fhostóirí, d’eagraíochtaí fostóirí, údaráis phoiblí agus an tsochaí shibhialta, agus é mar chuspóir acu feabhas a chur ar thorthaí mhargadh an tsaothair do dhaoine faoi mhíchumas. Is cuid den phacáiste iad na treoirlínte seo.

I mí na Nollag 2022, d’iarr Comhairle an Aontais Eorpaigh ar na Ballstáit na treoirlínte ábhartha a chur chun feidhme, tacú le gairmoideachas agus gairmoiliúint do dhaoine faoi mhíchumas, an t-aistriú chuig an margadh saothair a éascú, agus spriocanna náisiúnta a leagan síos le haghaidh fostaíocht daoine faoi mhíchumas agus rannpháirtíocht i bhfoghlaim aosach⁸.

Forchuirtear leis an Treoir maidir le Tuairisciú Inbhuanaitheachta Corparáideach a ritheadh le déanaí ceanglais nua tuairiscithe ar ghnólachtaí a oibríonn san Aontas. Go háirithe, tugtar ceanglas isteach leis tuairisc a thabhairt ar bheartas na cuideachta maidir le héagsúlacht (ina gcumhdaítear míchumas) mar a chuirtear i bhfeidhm é ar a chomhlachtaí riaracháin, bainistíochta agus maoirseachta¹⁰.

1.4 Beartais agus reachtaíocht náisiúnta

Tá dlíthe náisiúnta agus réigiúnacha ag 27 mBallstát uile an Aontais lena ndéantar an Treoir maidir le Comhionannas Fostaíochta a thrasuí agus a chur chun feidhme, rud a chiallaíonn freisin go bhfuil oibleagáid ar fhostóirí freastal réasúnta a sholáthar sna tíortha sin uile. Ní úsáideann roinnt tíortha, mar sin féin, ach sainmhínithe leathana amháin faoi cad is freastal réasúnta ann, agus faoi cad a d’fhéadfaí a mheas mar ualach díréireach.

Tá deontais, fóirdheontais agus tacaíocht lóistíochta ar fáil i bhformhór na dtíortha chun na costais a chumhdach a bhaineann le freastal réasúnta a dhéanamh, faoi mar atá tacaíocht le haghaidh pleanála agus cur chun feidhme.

Tá faoiseamh cánach ar fáil d’fhostóirí a fhostaíonn oibrithe faoi mhíchumas sa mhargadh saothair oscailte in 11 thír den Aontas, agus tairgeann 13 acu laghduithe ar íocaíochtaí slándála sóisialta nó árachais sláinte ó fhostóirí. Tairgeann formhór na dtíortha fóirdheontais phá chun fostaíocht daoine faoi mhíchumas a spreagadh, agus tá níos mó daoine ag glacadh leis sin. Mhapáil an Fóram Eorpach maidir leis an Míchumas na tíortha as an Aontas ina dtacaítear leis na costais le haghaidh freastal réasúnta¹¹ (féach thíos).

Chuir an chuid is mó de thíortha tionscnaimh ardú feasachta chun feidhme agus soláthraíonn siad eolas, comhairle agus tacaíocht maidir le daoine faoi mhíchumas a fhostú. I roinnt tíortha, tá scéimeanna ann chun teagmháil a éascú idir cuardaitheoirí poist faoi mhíchumas agus fostóirí féideartha, agus bronntar luach saothair ar fhostóirí a léiríonn dea-chleachtas. Bíonn reachtaíocht náisiúnta ann uaireanta lena n-iarrtar ar eagraíochtaí bainisteoir míchumais a cheapadh nó duine éigin a bheidh freagrach as tacaíocht a thabhairt d’fhostaithe faoi mhíchumas.

Dá mba mhaith leatsa tuilleadh a fháil amach faoi chás daoine faoi mhíchumas san Aontas, beidh tú in ann teacht ar thuarascálacha faoi chomhionannas míchumais i dtíortha aonair den Aontas ar shuíomh gréasáin an Choimisiúin Eorpaigh (féach tuarascálacha Shaineolas Eorpach um Míchumas)¹². Tugtar léargas sna tuarascálacha ar na cúinsí ina mbíonn daoine faoi mhíchumas, laistigh den mhargadh saothair sna tíortha éagsúla agus níos faide ná sin. Cuideoidh sé sin leat do straitéisí earcaíochta agus coinneála a chur in oiriúint do dhaoine faoi mhíchumas. Ach iarrachtaí réamhghníomhacha den sórt sin a ghlacadh – agus féachaint ar fhostaíocht laistigh de chomhthéacs níos leithne saol daoine faoi mhíchumas – cuideoidh sé sin chun margadh saothair níos ionchuimsithí a chruthú ina seasfar leis na prionsabail maidir le comhionannas deiseanna, dálaí córa oibre agus cosaint shóisialta agus cuimsiú sóisialta (na gnéithe uile den Cholún Eorpach um Chearta Sóisialta).

EU Member states that provide support for reasonable accomodation in the form of grant, tax subsidies or direct provision of equipment, ect.

1.5 Cúirt Bhreithiúnais an Aontais Eorpaigh

Tá sé de chúram ar Chúirt Bhreithiúnais an Aontais Eorpaigh (CBAE) breithiúnas a thabhairt ar cé acu atá nó nach bhfuil dlí an Aontais á léirmhíniú i gceart agus á chur i bhfeidhm i ngach tír de chuid an Aontais. Tá sé sin ríthábhachtach don Treoir maidir le Comhionannas Fostaíochta, go háirithe don oibleagáid maidir le freastal réasúnta a sholáthar, chun féachaint chuige nach gcuireann cúirteanna náisiúnta ar fud an Aontais na rialacha i bhfeidhm ar bhealaí difriúla.

Baineann gach duine tairbhe as fostóir ionchuimsitheach

2.1 Na bunrudaí

Is é is aidhm d’fhreastal réasúnta cur ar a gcumas do dhaoine faoi mhíchumas rochtain a bheith acu ar fhostaíocht, iad a bheith rannpháirteach ann, nó ardú céime a bhaint amach i bhfostaíocht, cur ar a gcumas d’fhostaithe faoi mhíchumas na torthaí oibre céanna a bhaint amach agus comhionannas deiseanna a bheith acu le fostaithe nach bhfuil faoi mhíchumas, trí rudaí a dhéanamh ar bhealach atá beagán difriúil.

I bhfocail eile, ciallaíonn freastal réasúnta aon athrú ar ról poist nó timpeallacht oibre a bhfuil gá leis chun cur ar a chumas d’fhostaí faoi mhíchumas a phost a dhéanamh.

Leathnaíonn an ceart maidir le freastal réasúnta chuig gach gníomhaíocht a bhaineann le hobair a chumhdaítear le dlí an Aontais, ón bpróiseas ina ndéantar iarratas ar phost go dtí foirceannadh fostaíochta. Leathnaíonn sé freisin chuig ardú céime, dálaí oibre, oiliúint agus aon bhuntáiste breise a thairgtear don fhoireann.

Cathain a thosaíonn an dualgas?

Mar fhostóir, tosaíonn an oibleagáid atá ortsa freastal réasúnta a chur ar fáil ón bpointe a iarrann duine faoi mhíchumas rochtain ar shuíomhanna nó ar chásanna nach bhfuil fáil aige orthu faoi láthair i ngeall ar bhacainní a d’fhéadfadh, cuir i gcás, cosc a chur air a bheith rannpháirteach in agallamh poist nó fógra poist a léamh.

Fostaithe nach raibh aon bhacainn shuntasach orthu go dtí seo, d’fhéadfaidís a bheith faoi mhíchumas anois tar éis timpiste nó breoiteachta, cuir i gcás. D’fhéadfadh coigeartuithe ag an áit oibre a bheith de dhíth ar na fostaithe sin, ar coigeartuithe iad nach raibh gá leo roimhe seo.

Ní mór duit bearta réamhghníomhacha a dhéanamh chun aon bhacainn a shainaithint agus a bhaint ar bacainní iad a d’fhéadfadh a bheith i do bheartais nó i do chleachtais, nó sa timpeallacht oibre fhisiciúil, chun rochtain chomhionann agus comhionannas deiseanna a sholáthar do dhaoine faoi mhíchumas. Tús maith a d’fhéadfadh a bheith i gcur chuige bunaithe ar bhearta oibre solúbtha uilíocha do gach fostaí. Ní hamháin go bhféadfadh sé cuidiú chun daoine faoi mhíchumas a choinneáil, ach fostaithe eile freisin, cuir i gcás oibrithe scothaosta.

Cuimhnigh go gcaitear freastal réasúnta a chur chun feidhme ag gach céim den fhostaíocht, is é sin earcaíocht, coinneáil, agus dul chun cinn gairme.

Mínítear sna treoirlínte seo conas is féidir leis an bhfostóir a chinntiú gur leor iad bearta a dhéantar chun freastal ar dhaoine faoi mhíchumas, go bhfuil na bearta sin éifeachtach agus praiticiúil, agus go bhfuil siad saincheaptha do riachtanais ar leith gach fostaí.

D’fhéadfadh na gníomhaíochtaí praiticiúla seo a leanas cuidiú leat a chinntiú go gcomhlíontar oibleagáidí Airteagal 5 den Treoir maidir le Comhionannas Fostaíochta:

Níor cheart go léireofaí ualach míréasúnta ar d’eagraíocht leis na bearta sin, ag cur méid agus acmhainneacht airgeadais na heagraíochta san áireamh agus na costais éagsúla a d’fhéadfá a thabhú – idir chostais airgeadais agus neamhairgeadais. B’fhéidir gurbh fhiú roghanna a fhiosrú chun maoiniú poiblí a fháil nó cineálacha eile cúnaimh chun cúnamh a thabhairt na bearta is gá a chur chun feidhme. Chun tuilleadh mionsonraí a fháil, féach an roinn ‘Tacaíocht airgeadais’ de na treoirlínte seo.

2.2 Cúig mhodh den fhreastal réasúnta

Is ann do mhodhanna comhlántacha chun freastal réasúnta a chur chun feidhme ag an áit oibre laistigh de thréimhse ama gearr. Chun tuilleadh eolais a fháil faoi thíortha sonracha, téigh chuig tuarascálacha EDE: Striving for an inclusive labour market¹⁶

2.3 Cad nach gcomhaireann mar fhreastal réasúnta?

D’fhéadfaí glacadh leis trí dhearmad gur freastail réasúnta iad roinnt cleachtas nó athruithe, ach nach gcomhlíonann siad ceanglais na Treorach maidir le Comhionannas Fostaíochta nó Choinbhinsiún na Náisiún Aontaithe. Is rud difriúil é freastal réasúnta ó inrochtaineacht. Sonraítear sa Bharúil Ghinearálta in UN CRPD maidir le hinrochtaineacht go mbaineann inrochtaineacht le grúpaí, ach go mbaineann freastal réasúnta le daoine aonair¹⁸.

Soiléirítear inti freisin gur réamhchoinníoll í an inrochtaineacht, ach gur rud éigin é an freastal réasúnta a thagann ina dhiaidh sin, mar bhealach chun an ceann is fearr a fháil ar bhacainní leanúnacha agus freagairt do cheanglais aonair¹⁹. D’fhéadfadh sé gur comhpháirt den fhreastal réasúnta í an inrochtaineacht, in imthosca áirithe freisin. Thairis sin, nuair a bhaintear inrochtaineacht amach cheana féin, bíonn freastal réasúnta, i ndáil le gairis theicniúla, i bhfad níos simplí agus níos saoire.

An dearcadh atá againn maidir le míchumas agus daoine faoi mhíchumas, tá sé ag athrú le himeacht ama ar fud na hEorpa. Cur chuige ionchuimsitheach a ghlacadh chugainn féin, ar cur chuige é atá dírithe ar dhaoine aonair agus ar bheith ag cuidiú leo an ceann is fearr a fháil ar a gcuid bacainní, seachas a bheith ag díriú ar a gcuid laigí, is rud lárnach é maidir le coigeartuithe éifeachtacha a chur ar fáil ag d’áit oibre chun cuidiú le d’fhostaithe uile a bheith faoi bhláth i dtimpeallacht thacúil, bhisiúil do chách.

Díriú ar thallanna, fiúntais, inniúlacht agus scileanna daoine faoi mhíchumas, mar a dhéanfá le fostaithe nach bhfuil faoi mhíchumas.

Má tá míchumas ag déanamh difear don duine aonair ag an obair, fiafraigh den duine cé na straitéisí a úsáideann sé ina ghnáthshaol lasmuigh den obair chun na bacainní a bhíonn le sárú aige a láimhseáil. B’fhéidir go mbeifí in ann roinnt de na straitéisí sin a úsáid san áit oibre.

Ba cheart duit freastal a cheapadh ar bhealach a bheidh duinelárnach, agus riachtanais shonracha, dúshláin shonracha agus láidreachtaí sonracha daoine aonair atá faoi mhíchumais dhifriúla á gcur san áireamh. Cuideoidh idirphlé oscailte agus ómósach le d’fhostaithe chun a gceanglais shainiúla a chinneadh agus a thuiscint.

Oibrigh leis na ceardchumainn laistigh de d’áit oibre chun machnamh a dhéanamh ar réitigh d’fhreastal réasúnta trí chómhargáil.

3.1 Raon leathan míchumas a bhreithniú

Trí na cineálacha difriúla míchumas a bhfuil cuntas orthu sa UN CRPD a bhreithniú agus cur chuige cuimsitheach duine-lárnach a ghlacadh maidir le freastal, is féidir leat timpeallachtaí oibre ionchuimsitheacha a chruthú a chuireann comhionannas deiseanna ar fáil don fhoireann atá faoi mhíchumais fhisiceacha, chéadfacha, intleachtúla agus shíceasóisialta, lena n-áirítear le haghaidh lucht saothair atá ag dul in aois.

3.2 Tacú le lucht saothair atá ag dul in aois

Trí na prionsabail a bhaineann le freastal réasúnta a leathnú chun riachtanais lucht saothair atá ag dul in aois a bhreithniú, is féidir leat tógáil ar bhunchloch timpeallachta oibre ionchuimsithí. Má ghlacann tú deiseanna chun eirgeanamaíocht a fheabhsú agus uaireanta oibre solúbtha roghanna scoir céimnithe agus oiliúint leanúnach scileanna a cheadú, is féidir leis sin dul chun tairbhe d’fhostaithe níos sine agus an áit oibre a dhéanamh níos oiriúnaithe agus níos athléimní do chách an tráth céanna. Ailíníonn an cur chuige ó ghlúin go glúin sin leis na spriocanna níos leithne d’inbhuanaitheacht shóisialta, ag cinntiú gur spás éagsúil, ionchuimsitheach agus bisiúil í an áit oibre.

3.3 Ag fostú foirne faoi mhíchumais ag úsáid freastal réasúnta: na buntáistí ar féidir leat coinne a bheith agat leo

3.4 Conas feasacht a mhúscailt

Tuigeann fostóirí anois níos mó ná riamh go bhféadfadh buntáistí a bheith ag baint le freastal réasúnta, agus tá siad á chur chun cinn go gníomhach mar ghnáthchleachtas.

Tá roinnt bealaí ann inar féidir leat feasacht a mhúscailt laistigh de d’eagraíocht nó cuideachta faoin tábhacht atá le freastal réasúnta agus na buntáistí a bhaineann leis.

3.5 Freastal réasúnta a leithdháileadh

Féadfaidh tú réiteach inbhuanaithe a bhaint amach do d’fhoireann faoi mhíchumas trí phróiseas dea-eagraithe chun freastal réasúnta a leithdháileadh. Ní mór don fhreastal a chuirtear ar fáil a bheith éifeachtach, éifeachtúil, agus saincheaptha don duine. Is gá do na réitigh a chuirtear ar fáil a bheith inbhuanaithe le himeacht ama. B’fhéidir go mbeadh ort measúnuithe cruinne a dhéanamh d’fhostaithe faoi mhíchumas, agus sainchomhairle á cur san áireamh nuair a bhíonn fáil uirthi, agus ba cheart duit d’fhostaithe a dhéanamh rannpháirteach sa phróiseas cinnteoireachta. Ba cheart duit é a bheith mar aidhm agat freastal a shainaithint ina dtugtar aghaidh ar ghar-riachtanais na bhfostaithe sin a mbeadh bacainní rompu ina gcuid oibre murach sin, agus inbhuanaitheacht fhadtéarmach á cur san áireamh an tráth céanna.

Faigheann an próiseas a bhaineann le freastal réasúnta a leithdháileadh treoir ó oibleagáidí dlíthiúla agus ó dhlíthe frith-idirdhealaithe. Mura bhfuil tú cinnte faoi na ceanglais bheachta, ba cheart duit labhairt le d’údarás áitiúil nó le heagraíocht fostóirí, a d’fhéadfadh cúnamh a thabhairt duit chun dlíthe faoi seach a shainaithint. Ach an dlí a chomhlíonadh tugtar cosaint do chearta fostaithe faoi mhíchumas agus laghdaítear an baol go dtarlóidh agóidí dlí nó éilimh idirdhealaithe, agus cruthaítear agus coinnítear timpeallacht oibre chothrom agus chóir an tráth céanna.

3.6 Cleachtais ionchuimsitheacha thar chéimeanna fostaíochta

Is aistear é fostaíocht daoine faoi mhíchumas a thosaíonn leis an gcéim earcaíochta, agus cuimsítear leis coinneáil agus áirítear leis dul chun cinn réidh gairme a éascú. Leagtar amach sa roinn seo na céimeanna is féidir le fostóirí a ghlacadh ag gach céim den fhostaíocht chun timpeallacht oibre ionchuimsitheach a chothú.

3.7 Cumarsáid maidir le freastal réasúnta a éascú

Tá roinnt straitéisí ann chun cumarsáid éifeachtach a chinntiú le linn don fhoireann freastal réasúnta a iarraidh agus a fháil.

Ach a bheith cúramach i bpleanáil agus i seachadadh na hoiliúna, is féidir leat a chinntiú go bhfónann sé dá chuspóir go ­héifeachtach maidir le timpeallacht níos ionchuimsithí a chur chun cinn.

3.8 Treoraíocht a sholáthar

Ba cheart treoraíocht agus comhairle a sholáthar chun freastal ar riachtanais fostaithe faoi mhíchumas, bainisteoirí, na foirne atá freagrach as iarrataí freastail a phróiseáil agus ceannairí foirne nó comhghleacaithe a bhíonn ag cur fáilte roimh fhostaithe faoi mhíchumas isteach ina rannóg nó ar a bhfoireann.

3.9 Freastail níos saoire a aimsiú: cothromaíocht a bhaint amach

Tá sé tábhachtach cothromaíocht a bhaint amach idir an gá atá le freastal chun freastal ar riachtanais shonracha gach duine aonair agus sin a dhéanamh agus praiticiúlacht agus costas san áireamh. Ba cheart é a bheith mar aidhm an freastal is simplí a aimsiú ar chostas réasúnach a chomhlíonann riachtanais agus imthosca aonair an fhostaí go héifeachtach.

Agus cur chuige indibhidiúlaithe á ghlacadh agat chun aghaidh a thabhairt ar riachtanais agus ar imthosca sainiúla gach aon bhall den fhoireann faoi mhíchumas, is féidir leat réitigh shaincheaptha a sholáthar a thugann aghaidh go héifeachtach ar bhacainní agus a chuireann comhionannas deiseanna chun cinn.

I staidéar a rinne Job Accommodation Network sna Stáit Aontaithe tugadh le fios gur féidir 60 % den fhreastal san áit oibre a dhéanamh gan aon chostas, agus go mbíonn an meánchostas ag USD 500 (EUR 491) in aghaidh an fhostaí²³. Cuidíonn freastail chun fostaithe a choinneáil, tinreamh agus táirgiúlacht a fheabhsú, agus sábháiltear ar chostais árachais²⁴.

3.10 Faireachán agus athbhreithniú

Tá an próiseas a bhaineann le faireachán a dhéanamh ar fhreastail réasúnta agus iad a athbhreithniú fíor-riachtanach chun a chinntiú go mbeidh siad éifeachtach i gcónaí agus is gá iad freisin chun aghaidh a thabhairt ar aon athrú nó coigeartú a d’fhéadfadh a bheith ag teastáil.

Ba cheart duit measúnú a dhéanamh ar éifeachtacht leanúnach an réitigh a soláthraíodh. Leis sin d’fhéadfaí cruinnithe tráthrialta a eagrú chun labhairt le daoine, d’fhéadfaí athbhreithnithe a dhéanamh ar mhéadrachtaí maidir le feidhmíocht phoist, aiseolas a bhailiú ó mhaoirseoirí nó ó chomhghleacaithe nó éisteacht le hionchur an fhostaí féin faoi cé acu a d’éascaigh an freastal a chuid oibre agus conas a rinne sé é sin. Ach measúnú a dhéanamh ar éifeachtacht an fhreastail, d’fhéadfá a bheith in ann réimsí feabhais a shainaithint nó iniúchadh a dhéanamh ar réitigh mhalartacha mura bhfuil an réiteach a cuireadh ar fáil ag comhlíonadh riachtanais an fhostaí go leormhaith.

D’fhéadfadh riachtanais fostaithe faoi mhíchumas athrú le himeacht ama, tá sé tábhachtach duit mar sin aon athrú nó choigeartú is gá a dhéanamh. B’fhéidir go gcaithfí an freastal a athrú i bhfianaise eolas nua nó athruithe ar imthosca an fhostaí, cuir i gcás athrú ar a riocht nó freagrachtaí nua poist. Ba cheart duit labhairt go hoscailte agus go trédhearcach leis an bhfostaí chun a chinneadh cibé an bhfuil gá le haon fhreastal nó athrú eile ar a shocruithe reatha chun éifeachtacht leanúnach a chinntiú.

Ar feadh an phróisis faireacháin agus athbhreithnithe sin ar fad, tá sé ríthábhachtach go gcoinneofá doiciméadacht agus taifid chruinne. Áirítear leis sin mionsonraí an fhreastail a bhreacadh síos, aon athrú a rinneadh, aiseolas an fhostaí agus torthaí an phróisis faireacháin. Cuidíonn an doiciméadacht chun stair na bhfreastal a soláthraíodh a rianú, éascaítear tagairt sa todhchaí leis agus cinntítear go gcomhlíontar ceanglais dlí.

Is fearr meon feabhais leanúnaigh a ghlacadh a mhéid agus a bhaineann sé le freastal réasúnta. Mar cheannairí nó bainisteoirí, ba cheart duit foghlaim ó gach taithí freastail a fhaigheann tú, na dea-chleachtais a aithint agus athruithe a chur chun feidhme de réir mar is gá. Bíonn athbhreithnithe nó meastóireachtaí tráthrialta ar éifeachtacht na bhfreastal thar a bheith áisiúil chun cinnteoireacht a threorú sa todhchaí.

Nuair a bhíonn freastail á gcur chun feidhme d’fhoireann faoi mhíchumas is minic go gcaitear athruithe a dhéanamh agus bíonn costais i gceist leis sin, ach tá fáil ar chúnamh airgeadais agus ar chúnamh praiticiúil araon.

I roinnt mhaith tíortha san Aontas, bíonn tacaíocht airgeadais ar fáil chun roinnt de na costais a bhaineann le freastail réasúnta a chur ar bun a chumhdach, nó iad ar fad go deimhin. Bíonn deontais nó fóirdheontais i gceist leis sin, uaireanta in éineacht le tacaíocht lóistíochta chun freastail iomchuí a aithint agus chun iarratas a dhéanamh ar dheontais nó fóirdheontais. Bíonn éagsúlacht mhór ag baint leis an méid tacaíochta airgeadais ar fud na hEorpa, mar an gcéanna leis na cineálacha freastal is féidir a mhaoiniú, ach maoiníonn scéimeanna oiriúnú stáisiúin oibre a úsáideann duine faoi mhíchumas go minic. Bíonn cúnamh ar fáil uaireanta freisin chun cóitseálaithe poist nó costais taistil a íoc.

Le bheith incháilithe do mhaoiniú, ní mór d’áiseanna ceirde nó teicniúla a bheith bainteach le míchumas agus ní mór iad a úsáid do na gníomhaíochtaí oibre sonracha nó do chúraimí ábhartha eile. Is féidir áiseanna teicniúla oibre, idir bhogearraí agus chrua-earraí, a mheas mar fhoirm shonrach freastail. Cuireann siad sin ar chumas fostaithe faoi mhíchumas cúraimí a dhéanamh uaireanta nach mbeidís in ann a dhéanamh murach sin.

Is féidir leis an maoiniú poiblí an costas oiliúna a bhíonn ar dhuine chun an áis oibre a úsáid, a chumhdach. Cinntear an méid a bhronntar ar bhonn cás ar chás agus bíonn sé ag brath ar chritéir éagsúla amhail méid an lagaithe, costais iomlána na mbeart agus méid na gcostas a bhaineann le míchumas a thabhódh an fostóir murach sin.

4.1 Cá bhfaighidh tú cúnamh

• Is minic go soláthraítear ar shuíomhanna gréasáin oifigiúla ranna náisiúnta, réigiúnacha nó áitiúla atá freagrach as gnóthaí fostaíochta, saothair, sóisialta nó cearta míchumais eolas maidir leis na deontais, fóirdheontais agus cláir thacaíochta a d’fhéadfadh a bheith ar fáil chun cuidiú le fostóirí freastail réasúnta a bhunú.
• Tá saineolas speisialta ag roinnt eagraíochtaí míchumais agus fostaíochta, ag comhlachais agus ag eagraíochtaí neamhrialtasacha (ENRanna) maidir le tacaíocht a thabhairt d’fhostóirí agus do dhaoine aonair faoi mhíchumas. Is minic a chuireann siad acmhainní, treoraíocht agus eolas ar fáil maidir leis an tacaíocht airgeadais agus lóistíochta atá ar fáil le haghaidh freastal réasúnta. I measc na samplaí tá an Fóram Eorpach maidir leis an Míchumas²⁵ agus Aontas na nDall san Eoraip²⁶. Soláthraíonn Líonra Eorpach na gComhlachtaí Comhionannais athbhreithniú ar chás-dlí le déanaí i roinnt tíortha san Eoraip²⁷.
• Tairgeann an Coimisiún Eorpach agus a stiúrthóireachtaí éagsúla eolas ar dheiseanna maoinithe, ar chláir agus acmhainní d’fhostóirí ar mhaithe le freastal réasúnta a dhéanamh orthu, agus is minic a chuireann leathanaigh ghréasáin éagsúla de chuid an Aontas Eorpaigh i dtábhacht tionscnaimh ar chearta míchumais, fostaíocht agus cuimsiú sóisialta.
• Is é is aidhm don tsraith ‘Promoting Equity’ An Cothromas a Chur Chun Cinn de chuid na hEagraíochta Idirnáisiúnta Saothair cuidiú le fostóirí, idir bheag agus mhór agus i ngach earnáil eacnamaíoch freastal réasúnta a sholáthar ag gach céim den timthriall fostaíochta²⁸.
• Eisíonn lárionaid thacaíochta gnó, comhlachais tráchtála, eagraíochtaí gairmiúla nó earnála agus comhlachais ghnó treoraíocht agus acmhainní go minic d’fhostóirí, ina measc eolas maidir le tacaíocht airgeadais, deontais agus cuidiú lóistíochta.
• D’fhéadfadh eolas a bheith ag gníomhaireachtaí fostaíochta áitiúla nó ag malartáin fostaíochta freisin faoi dheontais, fóirdheontais nó cláir thacaíochta d’fhostóirí.

4.2 Comhpháirtíochtaí

I gcomhpháirtíocht, is féidir le fostóirí agus le comhlachtaí seachtracha oibriú le chéile chun freastal réasúnta iomchuí a shainaithint agus a chur chun feidhme d’fhostaí aonair. In éineacht le comhpháirtíochtaí le malartáin fostaíochta agus le heagraíochtaí eile earcaíochta, lárionaid athshlánaithe gairme nó eagraíochtaí sochaí sibhialta, is féidir le fostóirí oibriú freisin le dochtúirí cuideachtaí, foirne sláinte ceirde nó le ceardchumainn.

Tá comhpháirtíochtaí ann chun cúnamh a thabhairt d’fhostóirí freastal réasúnta a dhéanamh i bhfoirm éigin i bhformhór thíortha an Aontais, agus tugann siad cúnamh go minic trí chomhairle nó tacaíocht chun freastail iomchuí a shainaithint. Cé gur féidir comhpháirtíochtaí a chur ar bun uaireanta le comhlachtaí poiblí ar nós na ngníomhaireachtaí fostaíochta atá freagrach as daoine faoi mhíchumas a chur ag obair, bíonn baint ag eagraíochtaí neamhrialtasacha agus ag eagraíochtaí fostóirí leis go minic freisin.

Tá roinnt samplaí ar fud na hEorpa de chomhpháirtíochtaí a thairgeann tacaíocht ar nós cúnamh airgeadais, comhairle (comhairle indibhidiúlaithe maidir le freastal iomchuí, treoracha d’fhostóirí, comhairle maidir le háiteanna oibre atá báúil do dhaoine faoi mhíchumas a dhearadh), líonraí tacaíochta (cuideachtaí, líonra fostóirí a bhfuil an taithí acu foireann a fhostú ag a bhfuil acmhainneacht oibre laghdaithe), comhordaitheoir oibre chun deiseanna earcaíochta agus cúraimí a shainaithint atá oiriúnach dóibh siúd nach bhfuil ach beagán acmhainneacht oibre acu, bunachair sonraí (freastail a thaifeadadh i mbunachar sonraí agus seirbhísí idirghabhála chun teacht ar chomhaontú maidir le dálaí oibre). Bíonn baint ag saineolaithe sláinte ceirde uaireanta freisin le dul i gcomhpháirtíocht le fostóirí.

4.3 Dea-chleachtais

The 'Illustrative Examples' section of the Guide- lines presents best practices for ensuring reasonable accommodation (RA) by employers. Below is an overview of potential measures that can be implemented. For more detailed information, please refer to the 'Illustrative Examples' section.

4.4 Foinsí breise eolais

Tá a gcuid foilseacháin féin agus eolas eile ag roinnt Stát Eorpach d’fhostóirí maidir le freastal réasúnta. D’fhéadfadh aireachtaí rialtais, comhlachtaí comhionannais nó seirbhísí fostaíochta iad sin a chur le chéile, nó uaireanta d’fhéadfadh aonaid a bhfuil speisialú acu i bhfostaíocht daoine faoi mhíchumas san earnáil phoiblí iad a tháirgeadh. Tá ról ag eagraíochtaí fostóirí, ceardchumainn agus eagraíochtaí neamhrialtasacha (lena n-áirítear DPOnna) i roinnt mhaith tíortha, freisin.

Is iad na cistí ar leibhéal náisiúnta, réigiúnach agus áitiúil na príomhfhoinsí tacaíochta airgeadais atá ag fostóirí chun freastal réasúnta a sholáthar san áit oibre. Tá tuilleadh eolais ar fáil i dtuarascálacha tíre EDE dar teideal Striving for an inclusive labour market [Saothrú i dtreo margadh saothair uilechuimsitheach].²⁹

Tugann Fís Eorpach, clár taighde agus nuálaíochta an Aontais, deiseanna maoinithe do thionscadail a bhaineann le míchumas agus inrochtaineacht. Is féidir le heagraíochtaí iarratas a dhéanamh ar mhaoiniú faoi ghairmeacha nó topaicí sonracha ina ndírítear ar theicneolaíochtaí ionchuimsitheacha, ar ghairis chuiditheacha nó ar dhearadh ionchuimsitheach áit oibre. Cuirtear forbairt réiteach agus teicneolaíochtaí nuálacha chun cinn sa chlár lena n-éascaítear freastal réasúnta san áit oibre.

Is féidir le heagraíochtaí gairmeacha ábhartha ar thograí nó deiseanna maoinithe a fhoilsíonn an Coimisiún Eorpach nó gníomhaireachtaí éagsúla den Aontas a shainaithint. Leagtar amach cuspóirí sonracha, critéir incháilitheachta agus tosaíochtaí maoinithe a bhaineann le hinrochtaineacht agus freastal réasúnta de ghnáth sna gairmeacha seo. Ba cheart d’eagraíochtaí athbhreithniú cúramach a dhéanamh ar na treoirlínte, togra a ullmhú don tionscadal agus é a chur isteach laistigh de na sprioc-amanna sonraithe.

Bíonn an próiseas iarratais ag brath ar an gclár nó ar an tionscnamh sonrach maoinithe. Iarrtar de ghnáth ar eagraíochtaí togra tionscadail a chur isteach ina dtugtar achoimre ar na cuspóirí, gníomhaíochtaí, torthaí a bhfuil coinne leo agus ar an mbuiséad dá dtionscadal um fhreastal réasúnta. D’fhéadfaí ailíniú an tionscadail le tosaíochtaí an Aontais a áireamh leis na critéir incháilitheachta, chomh maith leis an tionchar a d’fhéadfadh a bheith aige, ceanglais chomhpháirtíochta agus inbhuanaitheacht airgeadais. D’fhéadfadh sé go mbeadh gá d’eagraíochtaí a n-acmhainneacht, a saineolas agus a dtaithí ar thionscadail den chineál céanna a chur chun feidhme a léiriú.

Bíonn roinnt buntáistí ag baint le maoiniú an Aontais a fháil le haghaidh tionscnaimh um fhreastal réasúnta. Ar an gcéad dul síos, soláthraítear acmhainní airgeadais leis chun tacú le cur chun feidhme tionscadal ina gcuirtear inrochtaineacht agus cuimsiú chun cinn san áit oibre. Tairgtear deiseanna leis freisin i gcomhair líonrú, comhar agus malartú eolais le heagraíochtaí agus le saineolaithe eile a oibríonn sa réimse céanna. Ina theannta sin, nuair a fhaightear maoiniú ón Aontas feabhsaítear sofheictheacht agus inchreidteacht obair na heagraíochta agus as sin is féidir léi aitheantas níos mó a fháil ar leibhéal náisiúnta agus idirnáisiúnta.

Ach an próiseas chun iarratas a dhéanamh, na critéir incháilitheachta agus na buntáistí féideartha atá le maoiniú an Aontais a fháil, ach na rudaí sin a thuiscint, is féidir le heagraíochtaí acmhainní a chur i leataobh cuir i gcás ESIF, Fís Eorpach agus EaSI chun inrochtaineacht, cuimsiú agus comhionannas deiseanna a chur chun cinn san áit oibre d’fhostaithe faoi mhíchumas.

Tír	An Ostair
Fostóir	Príomhchuideachta sa tionscal cógaisíochta
Bacainn don fhostaí	Speictream an uathachais, óna dteastaíonn timpeallacht dhírithe le haghaidh cúraimí atriallacha agus a éilíonn comhdhíriú agus cruinneas mór.
Freastal Réasúnta (FR) tugtha	Spás oifige ciúin chun cur ar a chumas don fhostaí oibriú gan cur isteach air ón taobh amuigh.
Cuspóir	Freagrachtaí an bhainisteora tionscadail a éascú chun saoráidí teicniúla a struchtúrú agus a riar trí ailíniú lena láidreachtaí sainiúla.
Tairbhe don fhostóir	Cumas nádúrtha an fhostaí maidir le cúraimí a éascú óna dteastaíonn grinn-fhócas agus torthaí cruinnis i dtorthaí oibre ar chaighdeán níos airde. Cruthaítear torthaí nach beag nuair a dhéantar athruithe beaga chun spás oifige ciúin a sholáthar, agus déantar é i bhfoirm obair fíor-riachtanach, ar chaighdeán ard. Léirítear leis freisin tiomantas an fhostóra do thimpeallacht oibre ionchuimsitheach, ina dtarraingítear linn tallainne éagsúil agus as a bhféadfadh nuálaíochtaí leanúint a bhuí don éagsúlacht sin.
Costas	Costas beag, mar gheall ar spás oifige ciúin a bheith ar fáil.

Tír	An Ostair
Fostóir	Slabhra ollmhargaí
Bacainn don fhostaí	Lagamharc
Freastal Réasúnta (FR) tugtha	Fón póca atá feistithe le haip um léamh os ard agus aip scanta.
Cuspóir	Chun cur ar a chumas don fhostaí dualgais a dhéanamh cosúil le táirgí a athlíonadh ar na seilfeanna agus fostaithe nua a chur faoi oiliúint.
Tairbhe don fhostóir	Trí infheistíocht bheag a dhéanamh i dteicneolaíocht, ní hamháin go gcinntíonn an t-ollmhargadh go gcuirtear cúraimí i gcrích go héifeachtúil, ach bíonn tionchar aige freisin ar eolas grinn an fhostaí ar shuíomhanna táirge chun foireann nua a chur faoi oiliúint. Leis sin feabhsaítear an táirgiúlacht agus cruthaítear timpeallacht foghlama do na fostaithe uile. Bíonn cáil ar an siopa freisin mar áit oibre ionchuimsitheach, rud lena mealltar bonn custaiméirí éagsúil agus a fhágann go bhfuil rud éigin speisialta faoi le hais iomaitheoirí.
Costas	Costas beag, de bharr nach bhfuil ach infheistíocht bheag teicneolaíochta i gceist.

Tír	An Ostair
Fostóir	Príomhsholáthraí seirbhíse i margadh réadmhaoine cónaithe na hOstaire
Bacainn don fhostaí	Lagamharc
Freastal Réasúnta (FR) tugtha	Gairis léitheoireachta speisialaithe agus scáileán ríomhaire sonrach.
Cuspóir	Chun cur ar a chumas don fhostaí glaonna a chomhordú go héifeachtach agus fiosruithe ó chustaiméirí a láimhseáil go héifeachtúil.
Tairbhe don fhostóir	Baineann an fostóir tairbhe as comhordaitheoir tiomnaithe, éifeachtúil a bheith aige sa lárionad glaonna, duine atá in ann idirghníomhaíochtaí casta le custaiméirí a bhainistiú go héasca, a bhuí le teicneolaíochtaí cúnta. Ní hamháin go gcruthaítear lucht saothair dílis, inniúil leis na hathruithe sin ach rannchuidítear freisin le leibhéil níos airde sástachta agus coinneála i measc custaiméirí. Ina theannta sin, ach timpeallacht oibre ionchuimsitheach a chothú, feabhsaíonn an chuideachta an cháil atá uirthi mar eagraíocht atá freagrach go sóisialta, rud a bhíonn níos tarraingtí do chliaint agus d’fhostaithe féideartha.
Costas	Costas beag go measartha, i bhfianaise go soláthraítear gairis speisialaithe.

Tír	An Ostair
Fostóir	Eagraíocht neamhbhrabúsach san Earnáil Cóirthrádála
Bacainn don fhostaí	Lagamharc
Freastal Réasúnta (FR) tugtha	Méadaitheoir leictreach, léitheoir scáileáin, léitheoir monatóra d’ábhair chlóite, agus soilse speisialta.
Cuspóir	An t-aistriú ó sheirbhísí allamuigh go dtí ról speisialaithe i gcuntasaíocht agus in TF a éascú tar éis saoire mháithreachais.
Tairbhe don fhostóir	Le hinfheistíocht measartha beag i dteicneolaíochtaí cúnta, coinníonn an eagraíocht fostaí oilte tréitheach atá in ann freagrachtaí cuntasaíochta agus TF araon a láimhseáil. Ní hamháin go gcinntíonn sé sin go líonann duine díograiseach a bhfuil taithí aige róil ríthábhachtacha ach seoltar teachtaireacht láidir freisin faoi thiomantas na heagraíochta don chuimsitheacht. Feabhsaíonn tacar scileanna an fhostaí, in éineacht leis an spás oibre saincheaptha, an táirgiúlacht agus caighdeán na hoibre, rud a ghabhann chun tairbhe mhisean na heagraíochta agus arb é sin bun agus barr na heagraíochta sa deireadh thiar.
Costas	Costas beag nó measartha, ag cur na hinfheistíochta i dteicneolaíochtaí cúnta san áireamh.

Tír	An Chróit
Fostóir	Bhunaigh sé téatar de chuid na Cróite do na daill, a bhfuil cáil air as an tallann náisiúnta is fearr a mhealladh i gcúrsaí léiriúcháin, scríbhneoireachta drámaí, agus dearadh seit.
Bacainn don fhostaí	Lagamharc
Freastal Réasúnta (FR) tugtha	Spás curtha in oiriúint, radharcagrafaíocht, scripteanna, stíleanna léiriúcháin, agus treoir amhairc d’aisteoirí.
Cuspóir	Cúraimí feidhmíochta aisteoirí atá dall agus faoi lagamharc a éascú, agus na bealaí a chur ar fáil dóibh an tráth céanna chun spás an stáitse a thuiscint agus a sheoladh.
Tairbhe don fhostóir	Ní hamháin go bhfuil an téatar difriúil de bharr a chuid tallainne ach seasann sé amach freisin de bharr a chur chuige nuálach agus oiriúnaitheach, rud a tharraingíonn clú air de bharr cruthaitheacht agus cuimsitheacht a ghabhann thar theorainneacha. Leis na freastail is féidir linn aisteoirí díograiseacha, a bhfuil ard-tallann acu agus ar beag aithne atá orthu a fhostú, rud lena saibhrítear dá bhrí sin léiriúcháin an téatair agus lena gcruthaítear bonn tallainne an-éagsúil. Nuair a fhostaítear aisteoirí a bhfuil cumais éagsúla acu cruthaítear deiseanna nua sa scéalaíocht, rud a d’fhéadfadh lucht féachana níos leithne agus níos rannpháirtí a mhealladh.
Costas	Costas measartha, i bhfianaise an spáis oiriúnaithe agus an mhodha oibre a bheith athraithe.

Tír	An Chipir
Fostóir	Banc a fhostaíonn thart ar 500 duine
Bacainn don fhostaí	Lagamhairc, lena n-áirítear daoine atá dall nó breacamharcach
Freastal Réasúnta (FR) tugtha	Teicneolaíocht chúnta shaincheaptha, amhail léitheoirí scáileáin, méadaitheoirí, agus cumraíochtaí speisialaithe do ríomhairí.
Cuspóir	Na stáisiúin oibre aonair a chur in oiriúint do riachtanais an triúr fostaithe faoi lagamharc, ag cinntiú gur féidir leo a gcuid cúraimí a dhéanamh go héifeachtach.
Tairbhe don fhostóir	Taobh amuigh den fhreagracht shóisialta agus ceanglais rialála a chomhlíonadh, éiríonn leis an mbanc lucht saothair éagsúil a fhostú atá in ann peirspictíocht shainiúil a thairiscint, agus a d’fhéadfadh bonn custaiméirí níos leithne a mhealladh sa deireadh thiar. Cuirtear cultúr ionchuimsitheach in iúl freisin le soláthar na teicneolaíochta cúnta, rud lena bhfeabhsaítear branda an fhostóra agus a d’fhéadfadh an tallann is fearr a mhealladh ar fud na heagraíochta. Tairbhíonn an banc freisin de bharr dhúthracht agus scileanna na bhfostaithe seo, atá fíor-spreagtha mar gheall go páirteach ar thoilteanas an fhostóra freastal ar a gcuid riachtanais.
Costas	Costas measartha, infheistíocht i dteicneolaíochtaí cúnta saincheaptha.

Tír	An Danmhairg
Fostóir	Gníomhaireacht deartha
Bacainn don fhostaí	Dúshláin le bainistíocht ama i ngeall ar a bheith faoi strus mór agus dúlagar trom a bheith air roimhe sin.
Freastal Réasúnta (FR) tugtha	Aip a chuidíonn leis an dearthóir grafaice am a bhainistiú agus a leithdháileadh go héifeachtach i gcomhair cúraimí agus fochúraimí.
Cuspóir	A chur ar a chumas don dearthóir grafaice díriú ar a chuid oibre trí na huirlisí a theastaíonn uaidh chun a chuid ama a bhainistiú níos fearr a thabhairt dó.
Tairbhe don fhostóir	Trí fhreastal simplí ach atá éifeachtach a thairiscint, coinníonn an fostóir dearthóir grafaice a bhfuil tallann aige agus atá níos bisiúla agus níos dírithe anois. Ní hamháin go gcuireann an infheistíocht sin le haschur an fhostaí ach cuireann sé in iúl do na fostaithe uile go bhfuil an chuideachta tiomanta dá bhfolláine agus dá rath, rud atá in ann dá réir sin ardú meanma a thabhairt agus táirgiúlacht níos fearr a chruthú san áit oibre.
Costas	Costas beag, toisc gur feidhmchlár bogearraí atá i gceist leis an bhfreastal a thacaíonn le bainistíocht ama.

Tír	An Danmhairg
Fostóir	Cuideachta
Bacainn don fhostaí	Úsáideoir cathaoir rothaí a bhfuil galar leanúnach ag dul dó
Freastal Réasúnta (FR) tugtha	Ar dtús, cuireadh oifig atá feistithe le trealamh speisialta ar fáil don fhostaí sa bhaile. Bhí pleananna ann chun ardáin a shuiteáil le haghaidh cathaoireacha rothaí, agus doirse rochtana uathoibrithe, agus modhnuithe a dhéanamh ar an áit oibre agus saoráidí leithris a chur isteach le haghaidh rochtain do chathaoireacha rothaí. Bhí baint ag roinnt páirtithe leasmhara leis, lena n-áirítear príomhphearsana agus sainchomhairleoirí míchumais.
Cuspóir	Freastal ar fhostaí ardoilte atá in ann cur go mór le cuspóirí na cuideachta ach teastaíonn timpeallacht atá inrochtana do chathaoir rothaí uaidh.
Tairbhe don fhostóir	Trí shaineolas fostaí ardoilte a chothú feabhsaítear táirgiúlacht agus faigheann an fhoireann peirspictíocht shainiúil. Mar gheall ar thiomantas na cuideachta freastail chuimsitheacha a dhéanamh ardaítear leis sin an cháil atá uirthi mar fhostóir ionchuimsitheach agus oiriúnaitheach, ar féidir leis a bheith ina bhuntáiste iomaíoch ó thaobh tallann a fháil isteach agus ó thaobh an chaidrimh le custaiméirí.
Costas	Costas measartha, ach le toradh fadtéarmach ar an infheistíocht (TAI) ag cur na tallainne a fhaightear san áireamh.

Tír	An Eastóin
Fostóir	Cuideachta déantúsaíochta troscán ar mheánmhéid ina bhfuil thart ar 45 fostaí
Bacainn don fhostaí	Soghluaisteacht agus gluaiseachtaí lámh srianta; níl sé in ann obair fhisiceach a dhéanamh a bhfuil gluaiseacht thar achair fhada i gceist leis nó níl sé in ann na lámha a ardú thar a ghualainn.
Freastal Réasúnta (FR) tugtha	Rinne an fostóir athruithe ar an spás oibre ionas nach mbeadh gá a bheith ag bogadh thar achair fhada agus rinne sé iarratas ar áiseanna teicniúla ó Chiste Árachais Dífhostaíochta na hEastóine. Sholáthair an Ciste uirlis ardaithe aeroibrithe agus chúitigh an costas a bhain le hardaitheoir folúis.
Cuspóir	An timpeallacht oibre a chur in oiriúint agus na huirlisí is gá a sholáthar ionas go bhféadfadh an fostaí dul i mbun oibre go compordach agus go héifeachtach, d’ainneoin a chuid srianta soghluaisteachta.
Tairbhe don fhostóir	Éiríonn leis an bhfostóir ball foirne díograiseach ábalta a aimsiú, a shaibhríonn an éagsúlacht san áit oibre agus a d’fhéadfadh cáiliú do dhreasachtaí ó chistí rialtais de bharr daoine faoi mhíchumas a fhostú.
Costas	Costas beag, á mhaoiniú ag Ciste Árachais Dífhostaíochta na hEastóine.

Tír	An Fhionlainn
Fostóir	Cuideachta déantúsaíochta lampaí ina bhfuil 20 fostaí, faoi stiúir duine faoi mhíchumas
Bacainn don fhostaí	Bacainní éagsúla, lena n-áirítear míchumas, aois, stádas dídeanaí, agus stádas inimircigh. Is grúpaí leochaileacha thart ar 30 % den lucht saothair.
Freastal Réasúnta (FR) tugtha	Tairgeann an fostóir trealamh soilsithe agus feabhsaithe amhairc atá riachtanach d’fhostaithe faoi lagamharc dírithe i ndiaidh dóibh tosú ag obair.
Cuspóir	Timpeallacht ionchuimsitheach a chruthú san áit oibre, áit ina bhfuil deis ag gach duine, gan beann ar a gcúlra nó ar a riocht sláinte, dul i mbun oibre.
Tairbhe don fhostóir	Cuirtear éagsúlacht agus cuimsiú chun cinn, ag tabhairt isteach raon peirspictíochtaí agus taithí chun na cuideachta. D’fhéadfaí cáil na cuideachta mar fhostóir comhionann a threisiú freisin.
Costas	Costas measartha, á mhaoiniú ag an bhfostóir féin, a roghnaigh gan iarratas a dhéanamh ar thacaíocht airgeadais phoiblí mar gheall ar bhacainní maorlathais.

Tír	An Fhrainc
Fostóir	Groupe Bonduelle
Bacainn don fhostaí	Míchumas lena n-éilítear coigeartuithe san áit oibre
Freastal Réasúnta (FR) tugtha	Modhnuithe ar áiteanna oibre d’fhostaithe a bhfuil míchumas aitheanta ag dul dóibh chun aghaidh a thabhairt ar na bacainní agus an oiread áiteanna oibre agus is féidir a dhéanamh inrochtana. I measc na modhnuithe a d’fhéadfadh a bheith ann bheadh coigeartuithe eirgeanamaíocha ar an stáisiún oibre, trealamh speisialaithe, cúnamh le hiompar, feabhsuithe inrochtaineachta, oiliúint, uirlisí cumarsáide do mhíchumais difriúla, agus oiriúnú sonrach ar bhogearraí/crua-earraí le haghaidh laguithe éagsúla.
Cuspóir	Stáisiúin oibre a dhéanamh inrochtana trí choigeartuithe is gá a chur chun feidhme, ar coigeartuithe iad a mhol an lia ceirde agus daoine eile a bhain leis an gcás, lena n-áirítear ceardchumainn.
Tairbhe don fhostóir	Cuimsiú agus inrochtaineacht a éascú d’fhostaithe faoi mhíchumas.
Costas	Na costais clúdaithe ag ciste Handipol agus Agefiph faoi choinníollacha sonracha, agus teorainneacha ann maidir le huasmhéid na gcostas. Rachfar i gcomhairle leis an gCoimisiún más mó an buiséad ná EUR 5 000 in aghaidh an duine go bliantúil.

Tír	An Fhrainc
Fostóir	Cuideachta a sholáthraíonn seirbhísí tacaíochta ríomhaire
Bacainn don fhostaí	Íogaireacht d’fhuaim, riocht éisteachta nuair a bhíonn duine ró-íogair do ghnáth-fhuaimeanna atá timpeall orthu, rud a bhíonn míchompordach agus a dhéanann difear d’fheidhmíocht phoist.
Freastal Réasúnta (FR) tugtha	Comhairliúchán le liachleachtóir i gcomhair measúnú eirgeanamaíoch sula bhfostaítear duine; fearas cinn déchluasach a cheannach chun imeacht ó thorainn sheachtracha; scagaire scáileáin a shuiteáil chun soilsiú géar a laghdú; cathaoir speisialaithe a oiriúnú le haghaidh compord níos mó; síneadh ar an méarchlár agus ar an luchóg do chomhghleacaithe timpeall air chun an torann a mhaolú.
Cuspóir	Cur ar a chumas don fhostaí díriú ar a chúraimí gan gnáthfhuaimeanna san oifig cur isteach air, rud lena bhfeabhsaítear dá bhrí sin a tháirgiúlacht agus a fholláine.
Tairbhe don fhostóir	Feidhmíocht agus táirgiúlacht níos fearr ón bhfostaí agus cultúr feabhsaithe san áit oibre de réir mar a léirigh comhghleacaithe dlúthpháirtíocht agus tuiscint. Ba chur chuige iomlánaíoch a ghlac an fostóir, lenar bhain saineolas leighis agus eirgeanamaíoch díreach ón gcéim earcaíochta, agus bhain an fostóir agus an fostaí araon tairbhe as sa deireadh.
Costas	Costas measartha, ag cur san áireamh gurb é an fostóir a d’íoc as an trealamh eirgeanamaíoch agus as an gcomhairliúchán, ach bhí táirgiúlacht mhéadaithe dá bharr, rud a chiallaigh gurbh infheistíocht luachmhar a bhí ann.

Tír	An Fhrainc
Fostóir	Cuideachta
Bacainn don fhostaí	Heimipléige ar an taobh chlé, a dhéanann difear do shoghluaisteacht agus do scileanna mhínluaile ar an taobh chlé den chorp.
Freastal Réasúnta (FR) tugtha	Cruinniú tosaigh le heirgeanamaí agus le páirtithe leasmhara chun na cuspóirí agus na huirlisí atá le húsáid a shainiú; barúlacha ag an stáisiún oibre chun aird a tharraingt ar na deacrachtaí a bhí os comhair an fhostaí, cuir i gcás leagan amach an tseomra, socrú an troscáin, agus an chathaoir mhíchompordach; tuarascáil gníomhaíochta a chur isteach le réitigh mholta don eagraíocht agus maidir le hábhair; roghanna éagsúla deisce a sholáthar don fhostaí le roghnú astu, rud a thugann cumhacht dá bhrí sin don fhostaí cinntí a dhéanamh é féin.
Cuspóir	An spás oibre a oiriúnú ar bhealach a chúitíonn míchumas an fhostaí, rud a thugann deis dó dá réir sin leanúint dá chuid oibre mar chuntasóir go héifeachtach.
Tairbhe don fhostóir	Lucht saothair oilte a choinneáil gan gá daoine a athfhostú nó a chur faoi oiliúint arís agus meanma níos fearr i measc an lucht saothair, ag léiriú tiomantas an fhostóra don chuimsitheacht agus d’fholláine an fhostaí.
Costas	Costas measartha, costas an mheasúnaithe eirgeanamaíoch, an troscáin, agus gabhálais eile ar íoc an fostóir astu á gcur san áireamh.

Tír	An Ghearmáin
Fostóir	Cuideachta cúraim sláinte ina bhfuil thart ar 3 400 fostaí agus roinnt ospidéal cleamhnaithe
Bacainn don fhostaí	Lagú éisteacha, braistint theoranta shonrach i gcásanna áirithe cosúil le torann nó cur isteach ar an éisteacht, nó le linn dó a bheith ar an bhfón.
Freastal Réasúnta (FR) tugtha	Trealamh comharthaíochta treisithe ar an mbarda, lena n-áirítear rabhaidh amhairc ar thaispeáintí lárnacha ag stáisiún na n-altraí agus i bpasáistí; suiteáladh córas comharthaíochta raidió chun comharthaí a sheoladh ó Infusomats chuig glacadóir a bhíonn á chaitheamh ag an altra; suiteáladh teileafón nua gan sreang freisin, agus é feistithe le rialú fuaime, socrú creathaidh, soilse táscaire ag splancadh, agus nascacht Bluetooth chun nascadh le háiseanna éisteachta an altra.
Cuspóir	Chun cur ar a cumas d’altra oilte a chuid dualgas a dhéanamh go héifeachtach ar bharda ailse péidiatraiceach d’ainneoin an lagú éisteachta atá ag gabháil di.
Tairbhe don fhostóir	Ach na freastail speisialaithe seo a chur chun feidhme cinntítear go gcoinnítear altra ard-oilte agus speisialaithe i socrú cúraim sláinte leochaileach. Léiríonn sé tuilleadh tiomantas na heagraíochta do lucht saothair ionchuimsitheach, rud ar féidir leis an meanma a fheabhsú, an tallann is fearr a mhealladh, agus cáil na cuideachta a neartú sa tionscal cúraim sláinte.
Costas	Costas measartha, ach is fiú go mór an toradh go fadtéarmach trí an líon foirne a choinnítear, cúram othar feabhsaithe, agus forbairt clú.

Tír	An Iodáil
Fostóir	Oifig rialtais
Bacainn don fhostaí	Míchumas fisiceach rud a chiallaíonn gur deacair an carrchlós atá curtha i leataobh dó a rochtain mar gheall ar chathaoir rothaí a úsáid.
Freastal Réasúnta (FR) tugtha	Arna iarraidh sin ag an bhfostaí soláthraíodh pas láithreach chuig spás páirceála inrochtana a bhfuil sé níos éasca é a úsáid le cathaoir rothaí.
Cuspóir	É a dhéanamh níos éasca don fhostaí teacht chun na hoibre agus an obair a fhágáil gan a bheith ag streachailt le spás páirceála nach bhfuil sách inrochtana. Go mbeidh an fostaí ag an obair in am agus i ndea-ghiúmar, réidh le rannchuidiú leis an táirgiúlacht.
Tairbhe don fhostóir	Costas beag agus iarracht bheag a bhaineann le sannadh an spáis pháirceála a athrú. Tugadh aghaidh go tapa ar iarraidh an fhostaí, rud a d’fhág go raibh sé níos éasca aige freastal ar a chuid oibre gach lá agus nach raibh an oiread struis ag baint leis. Léirigh an fostóir solúbthacht agus gníomhaíocht thapa chun freastal ar riachtanas sonrach an fhostaí. Taispeánann sé freisin gur féidir fiú le gníomhaíochtaí beaga cur le timpeallacht oibre níos ionchuimsithí, rud a mbaineann fostaithe agus fostóirí araon tairbhe as.
Costas	Costas beag, toisc nach raibh i gceist leis ach spás páirceála a athshannadh.

Tír	An Iodáil
Fostóir	ASL (Údarás Sláinte Áitiúil)
Bacainn don fhostaí	Deacrachtaí san áit oibre i ngeall ar mhíchumais luaile agus iad níos measa de bharr galair croí.
Freastal Réasúnta (FR) tugtha	Athlonnú na háite oibre chuig oifig atá go hiomlán inrochtana agus athruithe ar uaireanta an phoist chun freastal ar mhíchumas trom.
Cuspóir	Chun timpeallacht oibre ionchuimsitheach ina bhfuil tacaíocht ag an bhfoireann a éascú d’imthosca athraithe an fhostaí.
Tairbhe don fhostóir	Feidhmíocht fheabhsaithe ón bhfostaí, coinneáil, agus meanma níos fearr mar gheall ar áit oibre ina bhfreastalaítear níos fearr ar an bhfostaí, agus dílseacht agus sástacht á gcothú. Tacaíocht fheabhsaithe d’fhostaithe faoi mhíchumas, ag cothú áit oibre ina bhfuil meas ar an gcuimsitheacht agus ina bhfreastalaítear ar na riachtanais ar leith a bhíonn ag an duine.
Costas	Costas beag nó measartha, a bhféadfadh costas modhnuithe nó athruithe ar an oifig a bheith i gceist leis, agus sástacht agus táirgiúlacht fheabhsaithe an fhostaí á gcúiteamh ag an am céanna.

Tír	Lucsamburg
Fostóir	Institiúid ardoideachais i Lucsamburg ina bhfuil thart ar 300 ball foirne teagaisc agus 7 000 mac léinn
Bacainn don fhostaí	Míchumais fhisiceacha lena gcaitear coigeartuithe a dhéanamh ar shuíocháin agus ar an deasc.
Freastal Réasúnta (FR) tugtha	Comhoibriú le seirbhísí sláinte ceirde áitiúla chun riachtanais an fhostaí a shainaithint; cathaoir speisialaithe agus deasc inchoigeartaithe a sholáthar bunaithe ar mholtaí.
Cuspóir	Spás oibre compordach agus feidhmiúil a chruthú a chuireann ar a chumas don fhostaí a phost a dhéanamh go héifeachtach.
Tairbhe don fhostóir	Trí dul i gcomhairle le saineolaithe cinntítear go bhfuil an freastal oiriúnach agus éifeachtach araon, rud a fheabhsaíonn dá réir sin feidhmíocht agus sástacht an fhostaí. Cuirtear cultúr cuimsitheachta chun cinn, rud ar féidir leis cáil na hinstitiúide a fheabhsú agus linn tallainne níos leithne a mhealladh.
Costas	Costas measartha, lena mbaineann troscán speisialaithe a cheannach agus dul i gcomhairle le seirbhísí sláinte ceirde.

Tír	An Ísiltír
Fostóir	Cuideachta ina bhfuil an fostaí ag obair le 35 bliain
Bacainn don fhostaí	IBM, galar matán neamhchoitianta a raibh tionchar tromchúiseach aige ar shoghluaisteacht agus ar mhatáin an fhostaí.
Freastal Réasúnta (FR) tugtha	Rinneadh oiriúnú ar ról an fhostaí ó phluiméir go dtí post eile atá sé in ann a bhainistiú go fisiceach. Ceannaíodh cathaoireacha speisialaithe, cathaoir thriarach agus stól diallaite go sonrach, chun an strus ar na cosa a íoslaghdú fad agus a bheidh sé ag obair sa rannóg alúmanaim. Tá meas ag an bhfostaí ar na freastail agus is mór leis an cumas leanúint ag rannchuidiú leis an gcuideachta. Cé go bhfuil athrú ar an gcineál oibre atá ar siúl aige, braitheann sé go fóill go bhfuil luach agus sástacht ag baint lena ról athraithe.
Cuspóir	Deis a thabhairt don fhostaí leanúint ag obair d’ainneoin a riocht sláinte, ag caomhnú a fhiúntais don chuideachta agus a shástacht phearsanta féin ó bheith in ann obair a dhéanamh.
Tairbhe don fhostóir	Coinníonn sé fostaí díograiseach a bhfuil taithí aige, agus eolas institiúideach á choimeád. Léiríonn tiomantas d’fholláine agus cuimsitheacht an fhostaí. Tacaíocht airgeadais i bpáirt ó UWV (Gníomhaireacht Árachais Fostaí) as an bhfreastal, ag laghdú ualach an chostais.
Costas	Costas measartha, an costas a bhaineann le suíocháin speisialaithe go príomha. Mar sin féin, tugann UWV fóirdheontais as sin, ag laghdú an tionchair airgeadais ar an bhfostóir.

Tír	An Pholainn
Fostóir	Cuideachta teileamhargaíochta aitheanta
Bacainn don fhostaí	Tá amharc lag ag an bhfear díolacháin, rud atá in ann difear a dhéanamh dá chumas gnáth-theicneolaíocht oifige a úsáid go hiomlán.
Freastal Réasúnta (FR) tugtha	Ríomhaire oiriúnaithe chun dul in oiriúint níos fearr do theorainneacha amhairc an fhostaí; suiteáladh méadaitheoir agus sintéiseoir urlabhra ag stáisiún oibre an fhostaí ar iarraidh sin dó.
Cuspóir	Chun cur ar a chumas don fhostaí foireann teileamhargaíochta a bhainistiú go héifeachtach, agus áit oibre ionchuimsitheach á cur chun cinn an tráth céanna áit ina féidir le gach duine, gan beann ar a míchumais, rannchuidiú lena n-acmhainneacht iomlán. Cuidíonn na freastail seo leis deacrachtaí ó am go ham i ngeall ar a mhíchumas a bhainistiú agus a bheith iontach ag a phost an tráth céanna.
Tairbhe don fhostóir	Coinníonn sé bainisteoir foirne atá an-chumasach agus ionbháúil ar féidir leis oibriú le foireann níos sóisearaí faoi mhíchumas. Leagann sé caighdeán cuimsithe síos, rud lena bhfeabhsaítear brandáil an fhostóra agus a d’fhéadfadh linn tallainne níos leithne a mhealladh dá réir sin. Rannchuidíonn sé le cultúr oibre dearfach tríd is tríd. Tá dé-aidhm le tiomantas an fhostóra don fhreastal réasúnta: cuireann sé ar a chumas don fhostaí obair a dhéanamh go héifeachtúil cé go bhfuil a amharc lag agus feabhsaítear éifeachtacht fhoriomlán na foirne freisin.
Costas	Costas measartha, ag cur san áireamh gur soláthraíodh crua-earraí agus bogearraí ríomhaire speisialaithe.

Tír	An Phortaingéil
Fostóir	Monarcha uachtair reoite
Bacainn don fhostaí	Tá laguithe éisteachta ag gabháil don iarrthóir, rud a chiallaíonn go bhfuil sé deacair aige orduithe a bhainistiú ar an teileafón, gnáth-bhealach oibre na cuideachta.
Freastal Réasúnta (FR) tugtha	Ríomhaire curtha in ionad an chórais ordaithe ar an teileafón chun orduithe a fháil ar ríomhphost sa trádstóras. Is réiteach simplí ach réiteach éifeachtach é an t-aistriú ó chóras ordaithe bunaithe ar an teileafón chuig córas bunaithe ar ríomhphost agus ní hamháin go mbaineann an fostaí tairbhe as ach d’fhéadfaí próiseas ordúcháin na cuideachta a chuíchóiriú leis freisin.
Cuspóir	Ról an iarrthóra mar bhainisteoir trádstórais a éascú, chun deis a thabhairt dó an fardal a bhainistiú, orduithe a líonadh, agus comhordú a dhéanamh le siopaí gan gá dó cumarsáid éisteachta a dhéanamh. Is féidir leis an iarrthóir a dhualgais bainistíochta a dhéanamh gan bacainní cumarsáide cur isteach air, rud a fhágfaidh go mbeidh sé níos táirgiúla agus níos éifeachtúla ag a phost. Ní chuireann a laguithe éisteachta teorainn lena chumas an trádstóras a bhainistiú go héifeachtach níos mó.
Tairbhe don fhostóir	Déanann cuíchóiriú ar an bpróiseas ordaithe, rud a fhéadfaidh é a dhéanamh níos éifeachtúla agus a laghdóidh an baol go dtarlóidh cumarsáid mhíchruinn a d’fhéadfadh tarlú ar an bhfón. Seoltar teachtaireacht láidir faoi thiomantas na cuideachta don éagsúlacht agus don chuimsitheacht, rud lena bhfeabhsaítear a cáil chorparáideach. Síntear an linn tallainne trína thaispeáint go bhfuil an chuideachta toilteanach a nósanna imeachta a oiriúnú chun freastal ar iarrthóirí oilte faoi mhíchumas.
Costas	Costas beag go measartha, i bhfianaise cumrú tosaigh ríomhaire agus bogearraí féideartha chun orduithe ríomhphoist a bhainistiú.

Tír	An tSualainn
Fostóir	Ospidéal de chuid na hearnála poiblí
Bacainn don fhostaí	Laguithe éagsúla, ar nós diostróife mhatánach, caillteanas radhairc agus leochaileacht do rólódáil chognaíoch.
Freastal Réasúnta (FR) tugtha	Ríomhchlár speisialta agus scáileán le haghaidh caillteanas radhairc; oifig mhór gar do sheomraí scíthe agus páirceáil speisialta do chathaoir rothaí; spás oifige príobháideach chun rólódáil chognaíoch a sheachaint; cathaoir scíthe san oifig; sosanna lóin níos faide; cruinnithe gach dara seachtain lena bainisteoir chun athbhreithniú a dhéanamh ar a sceideal agus chun pleanáil chun cinn.
Cuspóir	Ról an fhostaí i ndualgais riaracháin a éascú trí fhreastal ar a riachtanais éagsúla agus a chinntiú go dtacaíonn a háit oibre léi i ngach gné: fisiceach, amhairc, agus cognaíoch.
Tairbhe don fhostóir	Coinníonn sé fostaí fiúntach ag a bhfuil scileanna speisialaithe i ndualgais riaracháin. Leagann sé caighdeán síos le haghaidh freastal réasúnta cuimsitheach, ag cur borradh faoi cháil an ospidéil mar fhostóir ionchuimsitheach. Cuireann folláine agus sástacht poist fostaithe chun cinn, rud is dóigh a fheabhsóidh an táirgiúlacht fhoriomlán. Leagann an t-ospidéal sa tSualainn caighdeán ard síos faoi conas is féidir le fostóirí níos mó a dhéanamh ná athruithe beaga chun timpeallacht oibre ionchuimsitheach a chothú i ndáiríre.
Costas	Costas measartha go mór, toisc gur ceannaíodh trealamh speisialaithe, modhnuithe oifige agus athruithe ar an sceideal.

Tír	An Fhrainc
Fostóir	ENEDIS
Bacainn don fhostaí	Fágann roinnt míchumas go gcaitear an stáisiún oibre nó uirlisí a chur in oiriúint don fhostaí chun é a choinneáil nó chun ligean dó filleadh ar an obair. Molann lia ceirde na cuideachta go ndéanfaí athruithe, agus iad a dhéanamh i gcomhairle le ceardchumainn, agus go gcuirfí i gcrích iad chomh tapa agus is féidir sula gcuireann an fostaí tús lena chuid dualgas.
Freastal Réasúnta (FR) tugtha	Bhí foráil sa chomhaontú ar thángthas air idir na ceardchumainn agus an fostóir le haghaidh seirbhísí agus trealamh a bhain le coigeartuithe ar an stáisiún oibre, lena n-áirítear iad sin a bhain go sonrach le cásanna teilea-oibre, faoi mar a mhol an lia ceirde. Maidir le cianobair, déantar coigeartuithe chun an obair a dhéanann an fostaí sa bhaile a éascú, ag aithris ar na coigeartuithe a dhéantar ar an stáisiún oibre fisiceach nuair is féidir.
Cuspóir	Creat iontaofa a chinntiú laistigh den chuideachta d’fhostaithe faoi mhíchumas chun rochtain a thabhairt dóibh ar oiriúnuithe agus freastail riachtanacha ag an áit oibre nó le linn dóibh a bheith ag obair go cianda.
Tairbhe don fhostóir	Trí choigeartuithe agus freastail riachtanacha a éascú, tugann an fostóir tacaíocht do chuimsiú agus d’fhostaíocht leanúnach daoine faoi mhíchumas.
Costas	Rinne an chuideachta foráil maidir le ‘buiséad míchumais’ le haghaidh seirbhísí agus trealamh a bhain le coigeartuithe ar an stáisiún oibre agus oiriúnuithe ar an teilea-obair, lena n-áirítear stáisiúin oibre sa bhaile a chur in oiriúint agus trealamh cúiteach.

Tír	An Bheilg
Fostóir	Scoil Bhainistíochta Antwerp (AMS)
Bacainn don fhostaí	Míchumas intleachtúil
Freastal Réasúnta (FR) tugtha	Próiseas earcaíochta inrochtana; freastail réasúnta saincheaptha do riachtanais an duine aonair; rannpháirtíocht agus oiliúint ar chomhghleacaithe chun tacú leis an earcaí nua agus córas meantóireachta curtha chun feidhme. Fuair an duine a chéad phá agus mhothaigh sé go raibh cuimsiú stuama san áit oibre.
Cuspóir	Chun cur ar a chumas don duine faoi mhíchumas intleachtúil oibriú mar Thaighdeoir Sóisearach, ag déanamh na gcúraimí móra taighde agus é mar chuid d’fhoireann.
Tairbhe don fhostóir	Léirigh sé an luach atá ag baint le timpeallacht oibre éagsúil agus ionchuimsitheach. Bhunaigh sé córas meantóireachta rathúil a chuirfear i bhfeidhm d’fhostaithe nua amach anseo, rud a fheabhsóidh dá bhrí sin ionduchtú do gach comhghleacaí. Feabhsaíodh dinimicí foirne leis na bearta trí thimpeallacht ionchuimsitheach a chothú. Bhí éifeacht níos láidre ag an tionscnamh: toisc go raibh an córas meantóireachta chomh rathúil sin cuirfear i bhfeidhm é anois maidir le gach fostaí nua.
Costas	Costas beag go measartha, ar an ábhar gur cuireadh an próiseas earcaíochta in oiriúint, rinneadh freastal réasúnta le haghaidh spás oibre nó uirlisí oibre, agus bunaíodh córas meantóireachta.

Tír	An Danmhairg
Fostóir	Ceardlann carranna áitiúil
Bacainn don fhostaí	Tá míchumas foghlama ag gabháil don fhostaí agus teastaíonn tacaíocht bhreise uaidh chun cúraimí a thuiscint agus a thosú.
Freastal Réasúnta (FR) tugtha	Fóirdheontais phá as an bhfostaí a fhostú ar feadh 20 uair an chloig sa tseachtain agus cúntóir pearsanta ar feadh 10 n-uair an chloig sa tseachtain chun é a threorú agus tacú leis lena chúraimí.
Cuspóir	Deis a thabhairt don phinsinéir faoi mhíchumas oibriú i dtimpeallacht a thaitníonn leis agus ag a bhfuil sé oilte, rud a chuireann leis an stór oibre dá réir sin. Cuidíonn an cúntóir pearsanta leis an bhfostaí dul in oiriúint dá chuid cúraimí ag an obair, agus leis sin is féidir leis a ról a chomhlíonadh.
Tairbhe don fhostóir	Cruthaítear éagsúlacht i measc an lucht saothair nuair a fhostaítear an pinsinéir faoi mhíchumas agus d’fhéadfadh an fostóir cáiliú le haghaidh fóirdheontais phá ón rialtas, ag fónamh mar dhreasacht airgeadais. D’fhéadfadh fostú an duine faoi mhíchumas feabhas a chur freisin ar phróifíl shóisialta na ceardlainne, ag mealladh níos mó custaiméirí ar maith leo gnólachtaí atá ionchuimsitheach.
Costas	Costas beag go measartha, ag cur san áireamh go bhfuil an costas maidir le cúntóir pearsanta a fhostú ar feadh 10 n-uair an chloig sa tseachtain seach-churtha i bpáirt ag fóirdheontais phá ón rialtas as an bpinsinéir faoi mhíchumas a fhostú.

Tír	An Danmhairg
Fostóir	Cuideachta
Bacainn don fhostaí	Tá fadhbanna ag an rúnaí lena cuimhne i ngeall ar ghortú inchinne a bhain di, rud a fhágann go bhfuil sé dúshlánach di a lá oibre a phleanáil agus a leagan amach.
Freastal Réasúnta (FR) tugtha	Uair an chloig de chúnamh pearsanta gach maidin, áit ina gcuidíonn comhghleacaí leis an rúnaí cúraimí an lae a eagrú.
Cuspóir	An tacaíocht a theastaíonn uaithi a chur ar fáil don rúnaí chun a dualgais rúnaíochta a dhéanamh go héifeachtach, ag cinntiú dá réir sin go bhforbróidh sí ina gairm agus go mbainfidh sí sásamh as a post. Cuidíonn sé sin freisin mar bíonn sí ag gabháil don obair ar feadh an lae.
Tairbhe don fhostóir	Coinníonn sé fostaí fiúntach a bhfuil a ról ríthábhachtach le haghaidh fheidhmiú réidh ghníomhaíochtaí na hoifige. Trí úsáid a bhaint as an bhfóirdheontas le haghaidh 5 huaire an chloig in aghaidh na seachtaine cuidítear le costais phá, agus ní hamháin go dtairbhíonn an rúnaí de chúntóir a bheith aici ach déanann sé cuíchóiriú freisin ar phleanáil san oifig, rud a fheabhsaíonn dá réir sin an táirgiúlacht fhoriomlán.
Costas	Costas beag go measartha, ag cur san áireamh go ndéantar an costas a sheach-chur le fóirdheontas ar feadh 5 uair an chloig sa tseachtain, a chuirtear ar fáil chun tacú le fostaíocht daoine faoi mhíchumas.

Tír	An Phortaingéil
Fostóir	Cuideachta ilnáisiúnta in earnáil an fhuinnimh
Bacainn don fhostaí	Tá uathachas ag dul don innealtóir ríomhairí, rud a d’fhéadfadh difear a dhéanamh dá chumas riachtanais acadúla ar leith a chomhlíonadh, a bheith rannpháirteach i gcuir i láthair grúpa, tástálacha scríofa, agus agallaimh, agus lánpháirtiú gan stró i bhfoireann.
Freastal Réasúnta (FR) tugtha	Solúbthacht sa cheanglas maidir le céim acadúil: theastaigh céim mháistreachta ar dtús, ach glacadh le céim an iarrthóra; próiseas earcaíochta indibhidiúlaithe: rinneadh an cur i láthair agus na tástálacha scríofa ar bhonn aonair chun freastal ar riachtanais an iarrthóra; céim an chomhtháthaithe: roghnaigh an chuideachta limistéar oibre agus an fhoireann oibre is fearr a oireann do phróifíl an fhostaí agus chuir sé cruinnithe ar siúl le bainisteoirí na todhchaí chun feasacht a mhúscailt agus comhairle a thabhairt ar ghnáthaimh laethúla.
Cuspóir	Cur ar a chumas don iarrthóir a bheith rannpháirteach go hiomlán sa phróiseas earcaíochta agus rannchuidiú go bríoch leis an lucht saothair agus ómós á thabhairt an tráth céanna dá dhúshláin shainiúla agus a láidreachtaí i ngeall ar a riocht.
Tairbhe don fhostóir	Faigheann an fostóir innealtóir ríomhairí oilte ag a bhfuil cumais speisialaithe. Ach timpeallacht ionchuimsitheach a chothú léirítear freagracht shóisialta chorparáideach agus is féidir leis sin linn tallainne níos leithne a mhealladh. Cuirtear in iúl do bhainisteoirí na todhchaí go bhfuil éagsúlacht i measc a gcuid foirne, rud a fheabhsaíonn a scileanna bainistíochta agus a chuireann timpeallacht oibre níos ionchuimsithí chun cinn.
Costas	Costas beag, i bhfianaise an chostais a bhaineann leis an bpróiseas earcaíochta a chur in oiriúint, lena n-áirítear an t-am a chaitear ar thástálacha agus ar chur i láthair indibhidiúlaithe, chomh maith leis an am a chaitheann bainisteoirí i gcruinnithe ar mhaithe le feasacht a mhúscailt.

Tír	An Danmhairg
Fostóir	Cuideachtaí agus eagraíochtaí éagsúla
Bacainn don fhostaí	Tá gach duine a bhfuil uathachas ag dul dó speisialta ina bhealach féin agus teastaíonn tacaíocht speisialta uaidh chun fostaíocht a rochtain, cosúil lena chinntiú go bhfuil cumarsáid inrochtana agus chun aghaidh a thabhairt ar aon riachtanas céadfach san áit oibre.
Freastal Réasúnta (FR) tugtha	Tairgeann cuideachta cóitseálaí poist tacaíocht d’fhostóirí chun próiseas earcaíochta inrochtana a chinntiú don iarrthóir faoi uathachas, tacaíocht a chur ar fáil don ionduchtú agus comhairleoireacht thráthrialta ar an bpost don fhostaí faoi uathachas agus do na bainisteoirí.
Cuspóir	Cuidíonn an chuideachta cóitseálaí poist chun scileanna agus saintréithe daoine faoi uathachas a mheaitseáil le róil a oirfidh dá mbealaí oibre sainiúla, agus cothófar an tráth céanna a láidreachtaí ar leith. Cuidíonn siad leo fostóirí a aimsiú a bhainfidh an leas is mó as a gcuid cumas agus a fhreastalóidh an tráth céanna ar a gcuid dúshlán.
Tairbhe don fhostóir	Faigheann fostóirí tacaíocht chun foirne a bhfuil cumais éagsúla acu a fhorbairt.
Costas	Measartha

Tír	An Bheilg
Fostóir	Córas Cúirte na hEarnála Poiblí
Bacainn don fhostaí	Míchumas fisiceach tar éis timpiste sciála agus ar bhain pairilis cheathairphléigeach dó dá bharr, rud a chruthaíonn dúshláin maidir le seomra cúirte traidisiúnta a rochtain agus oibriú ann.
Freastal Réasúnta (FR) tugtha	Cuireadh stáisiún oibre in oiriúint ag teach cónaithe an bhreithimh, áit ar féidir leis teilea-obair a dhéanamh trí nó ceithre lá sa tseachtain; i measc na bhfreastal eile tá uaireanta oibre solúbtha agus tacaíocht airgeadais chun modhnuithe a dhéanamh ar an spás oibre.
Cuspóir	A chur ar a chumas don bhreitheamh a dhualgais a atosú agus rannchuidiú go héifeachtach leis an gcóras breithiúnach agus seasamh comhionann a bheith aige lena chomhghleacaithe ábalta an tráth céanna.
Tairbhe don fhostóir	Coinníonn sé breitheamh ag a bhfuil taithí, rud a choinníonn cáilíocht na breithiúna ar bun. Léiríonn sé tiomantas don chuimsiú agus don éagsúlacht, rud a d’fhéadfadh tallann níos éagsúla a mhealladh amach anseo. Leagann sé síos fasach le haghaidh freastal réasúnta laistigh den earnáil phoiblí.
Costas	Costas measartha, ag cur an chostais a bhaineann leis an stáisiún oibre sa bhaile a oiriúnú san áireamh.

Tír	An Rómáin
Fostóir	Cuideachta TF
Bacainn don fhostaí	Tá laguithe amhairc ag dul don fhostaí, rud a chiallaíonn go bhfuil sé dúshlánach gnáth-threalamh ríomhaire a úsáid agus déanann sé difear dá chumas dul chun na hoibre mar gheall ar iompar poiblí nach bhfuil inrochtana.
Freastal Réasúnta (FR) tugtha	Chumhdaigh an fostóir an costas a bhaineann le trealamh speisialaithe a d’ordaigh an fostaí ar líne; tairgtear sprioc-amanna níos solúbtha dó chun roinnt tionscadal a láimhseáil agus ceadaítear dó obair a dhéanamh ón mbaile den chuid is mó; tugann comhghleacaithe tacaíocht bhreise dó le haghaidh cúraimí nach féidir lena bhogearraí cúnta a láimhseáil.
Cuspóir	Chun cur ar a chumas don fhostaí feidhmiú go héifeachtach mar oibreoir ríomhaire agus rannchuidiú le tionscadail na cuideachta agus freastal dá laguithe amhairc an tráth céanna.
Tairbhe don fhostóir	Fostaíonn agus coinníonn sé oibreoir ríomhaire ag a bhfuil tallann atá in ann scileanna fiúntacha a thabhairt don fhoireann. Feabhsaítear cáil na cuideachta as a bheith cuimsitheach, rud a d’fhéadfadh linn tallainne níos éagsúla a mhealladh. Cothaítear timpeallacht oibre thacúil agus chomhoibríoch freisin leis na bearta freastail.
Costas	Costas measartha, ag glacadh leis gur soláthraíodh trealamh ríomhaire speisialaithe agus oiriúnuithe bogearraí.

Tír	An Chróit
Fostóir	Cuideachta Mhór Teileachumarsáide
Bacainn don fhostaí	Is máthair linbh í an fostaí a bhfuil roinnt míchumas ag an leanbh agus bíonn sí de shíor ag troid ar son chearta a linbh. Leis sin teastaíonn sceideal oibre solúbtha agus timpeallacht thacúil foirne.
Freastal Réasúnta (FR) tugtha	Ceadaíonn an chuideachta uaireanta oibre solúbtha agus spreagann sí comhoibriú den scoth laistigh den fhoireann; cuirtear spiorad comhoibrithe chun cinn sa chuideachta, rud atá ríthábhachtach don fhostaí chun a cuid freagrachtaí gairmiúla a chothromú lena ról mar urlabhraí gníomhach agus mar mháthair.
Cuspóir	Chun cur ar a cumas don mháthair a cuid oibre gairmiúla ar ardchaighdeán a choinneáil agus aire a thabhairt dá leanbh faoi mhíchumas an tráth céanna.
Tairbhe don fhostóir	Coinníonn sé gairmí TF ardoilte a bhfuil 20 bliain taithí aici leis an gcuideachta. Feabhsaítear freisin cáil an fhostóra as a bheith ionchuimsitheach agus tacúil, ag cur lena roghnú mar cheann d’fhostóirí na bliana do dhaoine faoi mhíchumas in 2020.
Costas	Costas beag go measartha, go háirithe i dtéarmaí iarrachta bainistíochta chun timpeallacht oibre sholúbtha agus thacúil a chinntiú.

Tír	An Danmhairg
Fostóir	Mol Beag Gnó le haghaidh cuideachtaí nuathionscanta TF
Bacainn don fhostaí	Diagnóis mheabhairshláinte le haghaidh cineál scitsifréine, a gcaitheann an fostaí sceideal oibre difriúil a bheith aici mar gheall air agus gá le comhairliúcháin shíceolaíocha le linn uaireanta oibre.
Freastal Réasúnta (FR) tugtha	Ligeann an fostóir don fhostaí oibriú istoíche den chuid is mó nuair is fearr a bhíonn sí ag a cuid oibre; freastalaíonn siad uirthi freisin nuair a chaitheann sí dul i gcomhairle le síceolaí uair sa tseachtain le linn uaireanta oibre.
Cuspóir	Chun cur ar a cumas don fhostaí oibriú go héifeachtúil de réir a cuid riachtanais aonair agus cur le spriocanna an mhoil an tráth céanna maidir le cúnamh a thabhairt do chuideachtaí nuathionscanta TF.
Tairbhe don fhostóir	Faigheann an fostóir speisialtóir TF tiomnaithe a n-oibríonn a cuid uaireanta oibre ar leith go maith le haghaidh tionscadal a dteastaíonn aird uathu timpeall an chloig. Ina theannta sin, leis an gcur chuige ionchuimsitheach leagtar síos sampla dearfach do ghnólachtaí eile sa mhol, rud lena gcothaítear cultúr éagsúlachta agus glactha.
Costas	Costas beag, ag cumhdach solúbthacht bhainistíochta den chuid is mó chun freastal ar uaireanta oibre agus ar riachtanais an fhostaí chun comhairliúchán síceolaíoch a fháil.

Tír	An Ostair
Fostóir	Fiontar atá gníomhach go domhanda in innealtóireacht mheicniúil
Bacainn don fhostaí	D’fhéadfadh foghlaimeoirí óga faoi mhíchumas a bheith ag streachailt leis an ngnáth-phrintíseacht Ghairmoideachais agus Ghairmoiliúna (VET) 3 bliana san innealtóireacht mheicniúil.
Freastal Réasúnta (FR) tugtha	I gcomhpháirtíocht leis an eagraíocht neamhrialtasach, tairgeann an chuideachta clár gairmoideachais agus gairmoiliúna 2 bhliain a thugann deis do phrintísigh díriú ar chodanna sonracha de réimse na hinnealtóireachta meicniúla a ailíníonn lena láidreachtaí agus lena gcumais aonair; úsáidtear modhanna ar an gclár cosúil le baint poist chun anailís a dhéanamh ar na cúraimí is oiriúnaí do gach foghlaimeoir.
Cuspóir	Chun oideachas ionchuimsitheach a thairiscint a chuireann ar chumas foghlaimeoirí óga faoi mhíchumas céim ghairmoideachais agus ghairmoiliúna aitheanta a bhaint amach san innealtóireacht mheicniúil. Is í an aidhm sa deireadh thiar iad a ullmhú le dul isteach sa mhargadh saothair ginearálta, agus b’fhéidir iad a fhostú laistigh den chuideachta féin amach anseo.
Tairbhe don fhostóir	Ach an clár ionchuimsitheach seo a thairiscint, rannchuidíonn an chuideachta leis an bhfreagracht shóisialta agus d’fhéadfaí tallanna nua a shainaithint, rud a laghdódh an ráta luathfhágála ar chláir phrintíseachta. Feabhsaíonn an clár gairmoideachais agus gairmoiliúna ionchuimsitheach cáil na cuideachta agus osclaíonn doirse chuig lucht saothair níos éagsúla.
Costas	Costas measartha, ina dtarlaíonn comhpháirtíocht leis an eagraíocht neamhrialtasach, déantar an clár printíseachta a shaincheapadh agus óstáiltear an clár ar áitreabh na cuideachta.

Tír	An Chróit
Fostóir	Feirm beachaireachta teaghlaigh
Bacainn don fhostaí	Tá lagú amhairc ag an mbeachaire, rud a chiallaíonn go mbíonn cúraimí óna dteastaíonn amharc, cosúil le láimhseáil trealamh, soláthar, agus rialú cáilíochta, níos dúshlánaí.
Freastal Réasúnta (FR) tugtha	Tá ríomhaire á úsáid aige atá curtha in oiriúint dá chumais, in éineacht le huirlisí agus áiseanna saincheaptha a dhear an beachaire é féin; chuaigh sé faoi oiliúint trí léachtaí gairmiúla agus meantóireacht ó bheachaire a bhfuil taithí aige.
Cuspóir	Chun gach gné den ghnó beachaireachta a bhainistiú, idir sholáthar agus díolacháin agus margaíocht, dearadh táirgí agus rialú cáilíochta, agus uirlisí agus modhanna á gcur in oiriúint an tráth céanna dá chuid riachtanais ar leith.
Tairbhe don fhostóir	Mar cheann ar a fheirm theaghlaigh féin, rinne an beachaire gairm dá chaitheamh aimsire agus d’éirigh thar cionn leis. Ní hamháin go gcuireann na huirlisí a cuireadh in oiriúint agus an oiliúint ar a chumas cúraimí a dhéanamh go héifeachtúil ach bhain sé gradaim éagsúla amach dá mbarr freisin as cáilíocht táirgí.
Costas	Costas beag go measartha, ag cur an ríomhaire a cuireadh in oiriúint agus forbairt uirlisí saincheaptha san áireamh.

Tír	An Liotuáin
Fostóir	Óstán in Vilnius
Bacainn don fhostaí	D’fhéadfadh daoine aonair atá faoi mhíchumais éagsúla a bheith faoi shrian a chuireann cosc orthu gach gné a bhaineann leis na róil thraidisiúnta a bhíonn in óstán a dhéanamh.
Freastal Réasúnta (FR) tugtha	Straitéis maidir le roinnt post, arb é atá ann róil phoist a shaincheapadh bunaithe ar mheasúnuithe aonair chun scileanna uathúla na ndaoine faoi mhíchumas a chur i dtábhacht.
Cuspóir	Róil phoist a shaincheapadh ionas gur féidir le daoine faoi mhíchumas a dtáirgiúlacht a uasmhéadú agus sásamh a bhaint as a bpost, rud lena gcuirtear éagsúlacht agus cuimsiú chun cinn ag an áit oibre.
Tairbhe don fhostóir	Úsáideann sé scileanna agus inniúlachtaí sainiúla fostaithe faoi mhíchumas, rud lenar féidir róil nó cúraimí a líonadh a bhféadfadh sé nach bhfuil fostaithe eile in ann iad a dhéanamh chomh maith. Feabhsaíonn sé éagsúlacht san áit oibre agus cuireann béim ar thiomantas an fhostóra don fhreagracht shóisialta.
Costas	Costas beag go measartha, ag cur san áireamh go ndéantar na costais tosaigh a bhaineann le measúnuithe aonair agus roinnt post a sheach-chur leis na buntáistí a bhaineann le róil speisialaithe a líonadh ar bhealach níos éifeachtaí.

Tír	An Danmhairg
Fostóir	Bardais, cuideachtaí agus eagraíochtaí éagsúla trí thionscnamh KLAPjob
Bacainn don fhostaí	Bíonn dúshláin le sárú ag daoine faoi mhíchumas intleachtúil agus a bhfuil deacrachtaí cognaíocha eile acu i socruithe fostaíochta traidisiúnta.
Freastal Réasúnta (FR) tugtha	Tairgeann KLAPjob fostaíocht sholúbtha, shaincheaptha le pá a bhfuil fóirdheonú suntasach á dhéanamh air agus cuidíonn siad chun iarrthóirí a mheaitseáil le róil bunaithe ar a gcuid scileanna agus sainroghanna.
Cuspóir	Chun cur ar a gcumas do dhaoine faoi mhíchumas intleachtúil agus faoi mhíchumas cognaíoch eile fostaíocht bhríoch a fháil a oireann dá gcumais, rud a mhéadóidh a gcuimsiú sóisialta agus a neamhspleáchas dá réir sin.
Tairbhe don fhostóir	Is féidir le fostóirí leas a bhaint as fóirdheontas, an pá a íocann siad in aghaidh na huaire a laghdú, agus a lucht saothair á éagsúlú acu an tráth céanna agus iad ag comhlíonadh spriocanna maidir le freagracht shóisialta.
Costas	Costas beag, toisc go mbaineann fostóirí leas as laghdú EUR 3 ar an bpá in aghaidh na huaire, rud a d’fhéadfadh na costais a bhaineann le haon fhreastal a theastaíonn a sheach-chur.

Tír	An Danmhairg
Fostóir	An Bord Náisiúnta Seirbhísí Sóisialta
Bacainn don fhostaí	Raon leathan míchumas
Freastal Réasúnta (FR) tugtha	Sraith 10 scannán a thairgeann samplaí dea-chleachtais den fhreastal réasúnta i socruithe fostaíochta éagsúla do dhaoine faoi mhíchumas. Sraith 10 scannán ina léirítear dea-chleachtais i bhfreastail réasúnta, atá dírithe ar chúnamh a thabhairt do dhaoine faoi mhíchumas fostaíocht a fháil nó a choinneáil.
Cuspóir	Feasacht a mhúscailt faoi na dúshláin agus na freastail a theastaíonn ó dhaoine atá faoi mhíchumas chun a bheith ag gabháil d’fhostaíocht nó chun post a choinneáil. Is é is aidhm don scannán oideachas a chur ar fhostóirí agus ar fhostaithe araon.
Tairbhe don fhostóir	Ach na hacmhainní oideachais sin a chur ar fáil, neartaíonn an Bord Náisiúnta Seirbhísí Sóisialta a ról mar ardán eolais agus spreagann cleachtais níos fearr san áit oibre. As sin d’fhéadfaí rátaí fostaíochta níos airde a bhaint amach do dhaoine faoi mhíchumas, rud a rachadh chun tairbhe an mhargaidh saothair agus na sochaí trí chéile.
Costas	Measartha, i bhfianaise phróifíl an ardáin.

Tír	Éire
Fostóir	Uile: an earnáil phríobháideach agus phoiblí
Bacainn don fhostaí	Freastal réasúnta a iarraidh agus a rochtain.
Freastal Réasúnta (FR) tugtha	FR comhaontaithe agus curtha chun feidhme.
Cuspóir	A chur ar a gcumas do dhaoine faoi mhíchumas a FR pearsantaithe aonair a iarraidh agus a fháil gan uaim. Ach an FR sin a chur i bhfeidhm cuireadh deireadh leis an mífhaisnéis maidir leis an bpróiseas FR.
Tairbhe don fhostóir	Tháinig an phríomheagraíocht fostóra agus an príomh-cheardchumann ar chomhaontú maidir leis an bpas seo. Tugadh cinnteacht dá réir sin don fhostóir agus don fhostaí araon maidir leis an bpróiseas FR.
Costas	Gníomhaireacht ar bith

Tír	Málta
Fostóir	Gach
Bacainn don fhostaí	Claonadh i dtreo daoine faoi mhíchumas intleachtúil a earcú
Freastal Réasúnta (FR) tugtha	Sraith 17 scannán – curriculum vitae a léiríonn cumais daoine faoi mhíchumas intleachtúil.
Cuspóir	A chur in iúl gur fostaithe luachmhara iad daoine faoi mhíchumas intleachtúil a luaithe agus a fhaigheann siad tacaíocht. Tá tuairimí sna físeáin ó fhostóirí na rannpháirtithe, ó chóitseálaithe poist, comhghleacaithe, teiripeoirí, oibrithe sóisialta agus daoine eile a oibríonn leo. Taispeántar iontu go dtugann daoine faoi mhíchumas intleachtúil scileanna agus cumais luachmhara eile chuig an áit oibre, cuir i gcás diongbháilteacht, poncúlacht, cruthaitheacht, obair bhuíne agus fonn foghlama.
Tairbhe don fhostóir	Úsáidtear na CVanna sin i bhfoirm físeán mar chuid de phacáiste acmhainní ar líne atá ar fáil ar chainéal YouTube Ollscoil Mhálta agus a léiríonn a n-acmhainneacht, ag cruthú acmhainne d’fhostóirí agus do ghairmithe éagsúla chun meas a bheith acu ar chumais daoine faoi mhíchumas intleachtúil agus do lucht acadúil agus do mhic léinn le húsáid i gcomhair teagaisc, foghlama agus taighde.
Costas	Measartha

Tír	An Ríocht Aontaithe
Fostóir	REISS
Bacainn don fhostaí	Duine aonair atá bodhar agus a bhfuil deacracht aige comhghleacaithe a thuiscint i gcruinnithe foirne agus ag imeachtaí foirne.
Freastal Réasúnta (FR) tugtha	Rochtain ar Obair, an clár fostaíochta a thacaíonn le fostóirí, fostaithe, agus le daoine féinfhostaithe trí dheontais phearsantaithe.
Cuspóir	Tacaíocht a thabhairt don duine atá bodhar a dteastaíonn tacaíocht chumarsáide uaidh le linn imeachtaí tábhachtacha foirne agus ag cruinnithe foirne. Leis sin bítear in ann an fostaí a chuimsiú agus féadfaidh sé a bheith rannpháirteach go fónta.
Tairbhe don fhostóir	Is féidir leis an bhfostóir cuimsiú iomlán na foirne a chinntiú tríd an deontas Rochtain ar Obair, gan gá dó an costas a bhaineann le léirmhínitheoirí téacs go teanga a chumhdach. Is féidir leis an bhfostóir tacú go muiníneach leis an bhfostaí fanacht ina phost.
Costas	Cumhdaíonn an deontas an costas a bhaineann le tacaíocht chumarsáide ghairmiúil (léirmhínitheoir téacs go teanga). Tá céatadáin éagsúla de chomhroinnt costais idir an clár agus fostóirí freisin i dtreo trealamh éisteachta cúnta. Is é £ 59 200 (EUR 68 000) an t-uasmhéid deontais in aghaidh an fhostaí, in aghaidh na bliana.

Tír	Athraitheach
Fostóir	An tAontas Eorpach, parlaimintí náisiúnta agus/nó grúpaí polaitiúla
Bacainn don fhostaí	Cuirtear eolas agus cumarsáid ar fáil sna teangacha labhartha náisiúnta a chiallaíonn nach féidir le daoine bodhra rannchuidiú go hiomlán lena dtimpeallacht oibre i ngeall ar an difríocht theangeolaíoch in éineacht le heaspa eolais inrochtana sa teanga chomharthaíochta náisiúnta.
Freastal Réasúnta (FR) tugtha	Chinntigh Parlaimint na hEorpa /páirtithe polaitiúla /rialtais náisiúnta go soláthraíodh ateangairí gairmiúla agus creidiúnaithe sa teanga chomharthaíochta náisiúnta do dhaoine bodhra ag a bhfuil sainordú polaitiúil. Bhí sé mar aidhm fáil réidh le haon bhac cumarsáide a chuirfeadh isteach ar a gcumas rannchuidiú go hiomlán lena n-áit oibre agus a bpost a dhéanamh ar bhonn comhionann lena gcomhghleacaithe a bhfuil éisteacht acu.
Cuspóir	Chun na deiseanna atá ag daoine bodhra a mhéadú ionas go bhfuil siad in ann sainordú polaitiúil a choimeád go stuama mar shlí bheatha agus, dá bhrí sin, comhionannas deiseanna a mhéadú do chách i ngach sféar den tsochaí.
Tairbhe don fhostóir	Is féidir le fostóirí éagsúlacht agus cuimsiú a chothú san áit oibre agus rannchuidiú le himeallú daoine faoi mhíchumas a laghdú chomh maith le seasamh a thabhairt dóibh mar dhaoine a chuireann leis an ngeilleagar in ionad a bheith mar ualaí ar a sochaí.
Costas	Costas éagsúil, ach ba cheart é a chumhdach le maoiniú poiblí, i gcomhréir le prionsabail na hinrochtaineachta, an chomhionannais agus an neamh-idirdhealaithe a dtugtar achoimre orthu in UN CRPD (Airteagail 5, 9, 27).

Tír	An Iodáil
Fostóir	Comhaontú a d’fhéadfadh a bheith infheidhme maidir le gach fostóir i gcuideachtaí móra
Bacainn don fhostaí	Easpa tacaíochta speisialaithe d’oibrithe faoi mhíchumas laistigh de chuideachtaí.
Freastal Réasúnta (FR) tugtha	Aonaid theicniúla bunaithe laistigh de chuideachtaí móra, atá tiomnaithe d’aghaidh a thabhairt ar shaincheisteanna aonair a bhíonn os comhair oibrithe faoi mhíchumas.
Cuspóir	Tionscadail shaincheaptha a chruthú trí chómhargáil ina dtugtar aghaidh ar dhálaí oibre fostaithe faoi mhíchumas, arna mbainistiú ag gairmithe oilte (bainisteoirí míchumais, etc.).
Tairbhe don fhostóir	Lóistín feabhsaithe d’oibrithe faoi mhíchumas, ag cothú timpeallacht oibre níos ionchuimsithí agus ag tabhairt aghaidh ar riachtanais aonair.
Costas	Costas éagsúil ag brath ar mhéid agus ar acmhainní na cuideachta ach a thabhaítear de ghnáth mar infheistíocht chun áit oibre ionchuimsitheach a chothú.

Tír	An Pholainn
Fostóir	Foráil atá i bhfeidhm maidir le gach oibrí
Bacainn don fhostaí	An t-ualach fisiceach agus síceolaíoch a bhaineann le lá oibre 8 n-uair an chloig.
Freastal Réasúnta (FR) tugtha	NSZZ „Solidarność” a throid ar son lá oibre seacht n-uair an chloig a fháil ar ais agus ar éirigh leis ina iarrachtaí, lá oibre ar gnáthfhoirm fostaíochta é do dhaoine atá faoi mhíchumas atá aitheanta go hoifigiúil. Athbhreithníodh an rún a chuir an tAontas faoi bhráid na Cúirte Bunreachtúla mar rún bailí, agus athraíodh an dlí dá réir sin.
Cuspóir	An t-ualach oibre d’fhostaithe faoi mhíchumas a mhaolú.
Tairbhe don fhostóir	Cultúr cuimsitheachta a chothú.
Costas	An costas a bhaineann le 1 uair an chloig oibre in aghaidh an lae.

Tír	An Fhrainc
Fostóir	An Aireacht um Aistriú Éiceolaíoch agus um Chomhtháthú Críochach
Bacainn don fhostaí	D’fhéadfadh freastail shonracha de chineálacha éagsúla a bheith de dhíth ó roinnt cásanna míchumais, cuir i gcás bearta don duine, bearta teicniúla, nó eagraíochta chun aghaidh a thabhairt ar dheacrachtaí a bhíonn os comhair fostaithe i ngeall ar a míchumais. Tá trealamh d’fhostaithe ríthábhachtach chun na dúshláin sin a chúiteamh go héifeachtach, ag cur ar a gcumas d’fhostaithe faoi mhíchumas a ndualgais a dhéanamh cosúil le haon fhostaí eile sa lucht saothair.
Freastal Réasúnta (FR) tugtha	Freastail réasúnta tugtha de réir mholtaí an lia ceirde, i gcomhairle leis an gcomhairleoir um chosc. Cuireann an lia ceirde oideachas ar an lucht ceannais maidir le riachtanais shonracha an fhostaí agus maidir leis an gcúis go bhfuil an freastal réasúnta. In éagmais lia ceirde, is féidir dul i gcomhairle le lia ceadaithe nó leis an lia cóireála.
Cuspóir	Bearta agus córais tacaíochta aitheanta a chur chun feidhme le haghaidh freastail agus tacaíocht riachtanach, cuir i gcás úsáid a bhaint as acmhainní arna soláthar ag FIPHFP (An Ciste um Dhaoine faoi Mhíchumas a Chur Isteach sa tSeirbhís Phoiblí).
Tairbhe don fhostóir	Cuimsitheacht agus inrochtaineacht fheabhsaithe, ag cinntiú gur féidir le fostaithe faoi mhíchumas a gcúraimí a dhéanamh go héifeachtach laistigh den lucht saothair.
Costas	Costais chur chun feidhme cumhdaithe ag FIPHFP le haghaidh áiseanna agus oiliúint riachtanach.

Críochnótaí

¹ Treoir 2000/78/CE ón gComhairle an 27 Samhain 2000 lena mbunaítear creat ginearálta le haghaidh na córa comhionainne san fhostaíocht agus sa tslí bheatha, [2000] IO L303/16, https://eur-lex.europa.eu/legal-content/EN/TXT/?uri=CELEX:32000L0078..

² COM/2021/139 final.

³ Clár ghrúpaí saineolaithe an Choimisiúin agus eintitis chomhchosúla eile (europa.eu)

⁴ An Fóram Eacnamaíoch Domhanda (FED) (2019), What Companies Gain by Including People with Disabilities, 23 Aibreán, https://www.weforum.org/ agenda/2019/04/what-companies-gain-including-persons-disabilities-inclusion.

⁵ Comhlachtaí comhionannais - An Coimisiún Eorpach (europa.eu)

 

¹ Féach freisin: (i) Tuarascáil Sintéise EDE – Waddington, L. (2023), Striving for an inclusive labour market in Europe: Positive actions and reasonable accommodation to facilitate hiring and employment of persons with disabilities involving employers and employer initiatives [Saothrú i dtreo margadh saothair ionchuimsitheach san Eoraip: Gníomhaíochtaí dearfacha agus freastal réasúnta chun éascaíocht a dhéanamh d’fhostú daoine faoi mhíchumas, ina gcuimsítear fostóirí agus tionscnaimh fostóra]; (ii) Tuarascáil Staidrimh EDE – Grammenos, S. (2023), The employment of persons with disabilities – Statistics, Data 2020 [Fostú daoine faoi mhíchumas - Staitisticí, Sonraí 2020]; agus (iii) leathanach gréasáin Saineolas Eorpach um Míchumas (EDE): https://ec.europa.eu/social/main.jsp?catId=1532&langId=en.

² Féach https://www.un.org/development/desa/disabilities/convention-on-the-rights-of-persons-with-disabilities/convention-on-the-rights-of-persons-with-disabilities-2.html, go háirithe Airteagail 2 agus 5.

³ CRPD/C/GC/8:

⁴ CRPD/C/GC/8:

⁵ Treoir 2000/78/CE ón gComhairle an 27 Samhain 2000 lena mbunaítear creat ginearálta le haghaidh na córa comhionainne san fhostaíocht agus sa tslí bheatha, [2000] IO L303/16, https://eur-lex.europa.eu/legal-content/EN/TXT/?uri=CELEX:32000L0078.

⁶ Chun tuilleadh faisnéise a fháil, féach https://ec.europa.eu/commission/presscorner/detail/ga/ip_21_810.

⁷ Féach https://ec.europa.eu/social/main.jsp?catId=1597&langId=en.

⁸ Féach https://data.consilium.europa.eu/doc/document/ST-14495-2022-INIT/ga/pdf.

⁹ Féach https://ec.europa.eu/social/main.jsp?catId=1226&langId=en.

¹⁰ Treoir (AE) 2022/2464 ó Pharlaimint na hEorpa agus ón gComhairle an 14 Nollaig 2022 lena leasaítear Rialachán (AE) Uimh. 537/2014, Treoir 2004/109/CE, Treoir 2006/43/CE agus Treoir 2013/34/AE, a mhéid a bhaineann le tuairisciú inbhuanaitheachta corparáidí.

¹¹ Chun tuilleadh eolais a fháil, féach: An Tuarascáil Eorpach um Chearta an Duine Eisiúint 7 – 2023, The Right to Work: The employment situation of persons with disabilities in Europe [An ceart chun obair a dhéanamh: Staid fostaíochta daoine faoi mhíchumas san Eoraip], An Tuarascáil Eorpach um Chearta an Duine Eisiúint 7, 2023 (edf-feph.org), leathanach 49.

¹² Féach https://ec.europa.eu/social/main.jsp?catId=1540&langId=en.

¹³ Breithiúnas an 11 Aibreán 2013, HK Denmark, Cásanna Uamtha C-335/11 agus C-337/11, ECLI:EU:C:2013:222.

¹⁴ Breithiúnas an 18 Eanáir 2024, Ca Ca Negreta, Cás C-631/22, ECLI:EU:C:2024:53.

¹⁵ Chun tuilleadh eolais a fháil, féach: Tuarascáil sintéise EDE – Waddington, L. (2023), Striving for an inclusive labour market in Europe: Positive actions and reasonable accommodation to facilitate hiring and employment of persons with disabilities involving employers and employer initiatives [Saothrú i dtreo margadh saothair ionchuimsitheach san Eoraip: Gníomhaíochtaí dearfacha agus freastal réasúnta chun éascaíocht a dhéanamh d’fhostú daoine faoi mhíchumas, ina gcuimsítear fostóirí agus tionscnaimh fostóra].

¹⁶ Féach https://ec.europa.eu/social/main.jsp?catId=1540&langId=en.

¹⁷ FéachReasonable-Accommodation-Disability-Discussion-Paper.pdf (equineteurope.org), leathanaigh 23-26 agus an iarscríbhinn, https://urldefense.com/v3/__https:/equineteurope.org/wp-content/uploads/2021/03/Annex-_Reasonable-Accomodation.pdf__;!!DOxrgLBm!HUfzVgkJ6dC-UBcYKNd8PNF2sRuplVhh8vAyQhiRmIwcCm2JuRJ11F5lcV5YR1W7kP6NG3trjk4bc3wvVcIUdj9YbztZBFNIwuVF$.

¹⁸ Coiste UN CRPD (2014), Barúil Ghinearálta Uimh. 2 maidir le hInrochtaineacht, https://www.ohchr.org/en/documents/general-comments-and-recommendations/general-comment-no-2-article-9-accessibility-0.

¹⁹ Chun tuilleadh a léamh ar chur chun feidhme an choincheapa i gcleachtais dlí comhionannais féach: Plépháipéar Equinet 2021 maidir le freastal réasúnta do dhaoine faoi mhíchumas: dúshláin a fhiosrú maidir lena chur chun feidhme praiticiúil, agus líonra Eorpach saineolaithe dlí an Choimisiúin Eorpaigh 2016 maidir le comhionannas inscne agus neamh-idirdhealú.

²⁰ Féach https://ec.europa.eu/social/main.jsp?catId=1202.

²¹ Chun tuilleadh eolais a fháil, féach an Tuarascáil Eorpach um Chearta an Duine Eagrán 7 – 2023, The Right to Work: The employment situation of persons with disabilities in Europe [An Ceart chun obair a dhéanamh: Staid fostaíochta daoine faoi mhíchumas san Eoraip], An Tuarascáil Eorpach um Chearta an Duine Eagrán 7, 2023 (edf-feph.org), leathanach 69.

²² Chun tuilleadh eolais a fháil féach An Tuarascáil Eorpach um Chearta an Duine Eagrán 7 – 2023, The Right to Work: The employment situation of persons with disabilities in Europe [An Ceart chun obair a dhéanamh: Staid fostaíochta daoine faoi mhíchumas san Eoraip], An Tuarascáil Eorpach um Chearta an Duine Eagrán 7, 2023 (edf-feph.org), leathanach 69.

²³ Chun tuilleadh eolais a fháil, féach: An Tuarascáil Eorpach um Chearta an Duine Eisiúint 7 – 2023, The Right to Work: The employment situation of persons with disabilities in Europe [An Ceart chun obair a dhéanamh: Staid fostaíochta daoine faoi mhíchumas san Eoraip], An Tuarascáil Eorpach um Chearta an Duine Eagrán 7, 2023 (edf-feph.org), leathanach 77.

²⁴ Chun tuilleadh eolais a fháil, féach: An Tuarascáil Eorpach um Chearta an Duine Eisiúint 7 – 2023, The Right to Work: The employment situation of persons with disabilities in Europe [An Ceart chun obair a dhéanamh: Staid fostaíochta daoine faoi mhíchumas san Eoraip], An Tuarascáil Eorpach um Chearta an Duine Eagrán 7, 2023 (edf-feph.org), leathanach 77.

²⁵ Féach: Promoting diversity and inclusion through workplace adjustments: .

²⁶ Féach: EBU guidance on reasonable accommodation for visually impaired employees and applicants_Sept2023.pdf (euroblind.org).

²⁷ Féach: Annex-_Reasonable-Accomodation.pdf (equineteurope.org).

²⁸ Féach: https://www.ilo.org/global/topics/equality-and-discrimination/WCMS_536630/lang--en/index.htm.

²⁹ Féach leathanach gréasáin EDE: https://ec.europa.eu/social/main.jsp?catId=1532&langId=en.

³⁰ Chun tuilleadh eolais a fháil faoi Fís Eorpach, féach https://research-and-innovation.ec.europa.eu/funding/funding-opportunities/funding-programmes-and-open-calls/horizon-europe_ga.

³¹ Féach leathanach gréasáin EDE: https://ec.europa.eu/social/main.jsp?catId=1532&langId=en.

³² Féach https://eur-lex.europa.eu/legal-content/EN/TXT/?uri=celex%3A32000L0078.

FÓGRA DLÍTHIÚIL

Lámhscríbhinn arna críochnú i mí Dheireadh Fómhair 2023

Ullmhaíodh an doiciméad seo don Choimisiún Eorpach. Ní léirítear ann áfach ach tuairimí na n-údar agus ní bheidh an Coimisiún Eorpach faoi dhliteanas i leith aon toradh a d’fhéadfadh a bheith ar athúsáid an fhoilseacháin seo. Tá tuilleadh faisnéise maidir leis an Aontas Eorpach ar fáil ar an Idirlíon (https://www.europa.eu).

Lucsamburg: Oifig Foilseachán an Aontais Eorpaigh, 2024

Déantar beartas athúsáide an Choimisiúin Eorpaigh a chur chun feidhme bunaithe ar Chinneadh 2011/833/AE ón gCoimisiún an 12 Nollaig 2011 maidir le hathúsáid dhoiciméid an Choimisiúin (IO L 330, 14.12.2011, lch. 39).

Ach amháin má shonraítear a mhalairt, údaraítear an doiciméad seo a athúsáid faoi cheadúnas Creative Commons Attribution 4.0 International (CC BY 4.0) (https://creativecommons.org/licenses/by/4.0/). Ciallaíonn sé sin go gceadaítear a n-athúsáid ar choinníoll go dtugtar an chreidiúint chuí agus go léirítear aon athrú a dhéantar.

© An tAontas Eorpach, 2024

Print	ISBN 978-92-68-19135-4	doi:10.2767/760051	KE-02-24-601-GA-C
PDF	ISBN 978-92-68-19121-7	doi:10.2767/407679	KE-02-24-601-GA-N
HTML	ISBN 978-92-68-19088-3	doi:10.2767/467562	KE-02-24-601-GA-Q

TEAGMHÁIL A DHÉANAMH LE hINSTITIÚIDÍ AN AONTAIS EORPAIGH

Dul ann tú féin

Tá na céadta Ionad “Europe Direct” ann ar fud an Aontais Eorpaigh. Is féidir leat seoladh an ionaid is gaire duit a fháil ar líne (european-union.europa.eu/contact-eu/meet-us_ga).

Ar an bhfón nó i scríbhinn

Seirbhís is ea Europe Direct a thabharfaidh freagra duit ar cheisteanna faoin Aontas Eorpach. Is féidir leat dul i dteagmháil leis an tseirbhís sin:

• ag uimhir shaorghlao: 00 800 6 7 8 9 10 11 (dʼfhéadfadh oibreoirí áirithe táille a ghearradh as na glaonna sin),
• ag an ngnáthuimhir seo a leanas: +32 22999696,
• tríd an bhfoirm seo a leanas: european-union.europa.eu/contact-eu/write-us_ga.

EOLAS A FHÁIL FAOIN AONTAS EORPACH

Ar líne

Tá eolas faoin Aontas Eorpach ar fáil i ngach ceann de theangacha oifigiúla an Aontais Eorpaigh ar an suíomh gréasáin Europa (european-union.europa.eu).

Foilseacháin de chuid an Aontais Eorpaigh

Is féidir leat breathnú ar fhoilseacháin de chuid an Aontais Eorpaigh nó is féidir leat iad a ordú ag op.europa.eu/ga/publications. Más mian leat a lán cóipeanna d’fhoilseacháin saor in aisce a fháil, is féidir dul i dteagmháil le Europe Direct nó le dʼionad doiciméadúcháin áitiúil chun é sin a dhéanamh (european-union.europa.eu/contact-eu/meet-us_ga).

Dlí an Aontais Eorpaigh agus doiciméid ghaolmhara

Chun teacht ar fhaisnéis dhlíthiúil ón Aontas Eorpach, dlí an Aontais Eorpaigh ón mbliain 1951 ar aghaidh sna teangacha oifigiúla san áireamh, téigh chuig EUR-Lex (eur-lex.europa.eu).

Sonraí oscailte an Aontais Eorpaigh

Ar an tairseach data.europa.eu, cuirtear rochtain ar fáil ar thacair sonraí oscailte ó institiúidí, comhlachtaí agus gníomhaireachtaí an Aontais Eorpaigh. Is féidir iad a íoslódáil agus a athúsáid saor in aisce chun críoch tráchtála nó neamhthráchtála. Cuirtear rochtain ar fáil freisin ar neart tacair sonraí ó thíortha na hEorpa.