Il-kwalità tad-data fil-qasam tal-appoġġ baġitarju: dgħufijiet f’xi indikaturi u fil-verifikazzjonijiet tal-pagament għas-segmenti varjabbli
Dwar ir-rapport:
L-appoġġ baġitarju huwa forma ta’ għajnuna li tingħata mill-UE u li tinvolvi t-trasferiment ta’ fondi lit-Teżor nazzjonali ta’ pajjiż sieħeb, suġġett għall-konformità ta’ dak il-pajjiż mal-kundizzjonijiet maqbula għall-pagament. Il-pagamenti relatati mal-appoġġ baġitarju jsiru fil-forma ta’ segmenti fissi jew segmenti varjabbli. L-ammonti mħallsa minn segmenti varjabbli jiddependu fuq il-prestazzjoni miksuba mill-pajjiżi sħab, li titkejjel permezz ta’ indikaturi tal-prestazzjoni predefiniti. Aħna eżaminajna jekk il-Kummissjoni kinitx użat data rilevanti u affidabbli dwar il-prestazzjoni għall-iżborż ta' segmenti varjabbli tal-appoġġ baġitarju. Aħna nikkonkludu li terz tal-indikaturi tal-prestazzjoni li ġew irrieżaminati kellhom dgħufijiet minħabba l-mod kif tfasslu, li setgħu jwasslu għal interpretazzjonijiet differenti dwar jekk il-miri kinux intlaħqu. Barra minn hekk, il-valutazzjoni tal-Kummissjoni dwar jekk kinux inkisbu l-indikaturi tas-segmenti varjabbli mhux dejjem kienet affidabbli. Aħna nagħmlu għadd ta’ rakkomandazzjonijiet bl-għan li tittejjeb il-formulazzjoni tal-indikaturi, jiżdied l-użu tal-indikaturi tal-eżitu u tittejjeb il-verifikazzjoni tad-data dwar il-prestazzjoni li tintuża għall-iżborż ta’ segmenti varjabbli.
Rapport speċjali tal-QEA skont l-Artikolu 287(4), it-tieni subparagrafu, TFUE.
Sommarju eżekuttiv
IL-appoġġ baġitarju huwa forma ta’ għajnuna li tingħata mill-UE u li tinvolvi t-trasferiment ta’ fondi lit-Teżor nazzjonali ta’ pajjiż sieħeb, suġġett għall-konformità ta’ dak il-pajjiż mal-kundizzjonijiet maqbula għall-pagament. B’medja ta’ EUR 1.69 biljun f’pagamenti annwali, l-UE hija l-akbar fornitur ta’ appoġġ baġitarju. Il-pagamenti relatati mal-appoġġ baġitarju jsiru fil-forma ta’ segmenti fissi jew segmenti varjabbli. Madwar 44 % tal-pagamenti għall-appoġġ baġitarju tal-UE huma relatati ma’ segmenti varjabbli. F’xi pajjiżi tal-viċinat tal-UE, dan il-proporzjon jilħaq id-90 %. L-ammonti mħallsa minn segmenti varjabbli jiddependu fuq il-prestazzjoni miksuba mill-pajjiżi sħab, li titkejjel permezz ta’ indikaturi tal-prestazzjoni predefiniti.
IIAħna eżaminajna jekk il-Kummissjoni kinitx użat data rilevanti u affidabbli dwar il-prestazzjoni għall-iżborż ta' -segmenti varjabbli tal-appoġġ baġitarju. Għal terz tal-indikaturi tal-prestazzjoni li ġew irrieżaminati, aħna nikkonkludu li dawn tfasslu b'mod li jdgħajjef ir-rilevanza tagħhom, u ma jippermettux li r-riżultati jitkejlu b’mod oġġettiv, b’hekk dan jimmina r-rilevanza tagħhom. Barra minn hekk, il-valutazzjoni tal-Kummissjoni dwar jekk kinux inkisbu l-indikaturi tas-segment varjabbli mhux dejjem kienet affidabbli, u dan wassal biex xi wħud mill-pagamenti ma kinux iġġustifikati biżżejjed.
IIIFilwaqt li l-indikaturi tal-prestazzjoni għas-segmenti varjabbli ġew allinjati mal-istrateġiji għall-iżvilupp settorjali tal-pajjiżi sħab, il-biċċa l-kbira minnhom kienu ffukati fuq azzjonijiet ta’ terminu qasir aktar milli fuq riżultati aktar fit-tul, inkluż fuq il-progress li nkiseb matul iż-żmien lejn l-ilħuq tal-għanijiet ta’ żvilupp sostenibbli. Barra minn hekk, aktar minn terz tal-indikaturi kienu ġew iddefiniti b’mod vag jew kellhom linji bażi skorretti, jew inkella ma kellhom ebda linja bażi. Dan wassal għal interpretazzjonijiet differenti dwar jekk il-miri kinux intlaħqu, u b’hekk l-analiżi tat-talbiet għal żborż saret aktar kumplessa u inqas oġġettiva.
IVIl-biċċa l-kbira mis-segmenti varjabbli li ġew irrieżaminati pprovdew l-effett intenzjonat, jiġifieri li jinċentivaw lill-pajjiżi sħab biex javvanzaw fl-aġendi ta’ riforma tagħhom billi jkollhom miri suffiċjentement ambizzjużi. Il-ftit eċċezzjonijiet li sibna kienu jikkonċernaw indikaturi li l-miri tagħhom setgħu jintlaħqu faċilment, jew li kienu ntlaħqu permezz tax-xogħol li twettaq minn donaturi oħra jew minn esperti esterni mħallsa mill-UE. F’6 kuntratti minn 24, l-għadd ta’ indikaturi li ntużaw f’kull segment varjabbli kien għoli wisq, u dan ikkumplika aktar il-proċess ta’ żborż.
VIt-talbiet għal żborż għal segmenti varjabbli fihom analiżi dwar l-issodisfar tal-kundizzjonijiet maqbula u dwar l-indikaturi tal-prestazzjoni. Dawn it-talbiet jitħejjew mill-pajjiżi sħab u għalhekk, l-affidabbiltà tad-data dwar il-prestazzjoni sottostanti tiddependi fuq il-kapaċità ta’ dawn il-pajjiżi biex jipproduċuha. Aħna sibna li f’5 kuntratti biss mill-24 li kienu ntgħażlu, il-Kummissjoni waslet għal konklużjonijiet espliċiti dwar jekk id-data dwar il-prestazzjoni meħtieġa għall-kalkolu tal-indikaturi tas-segment varjabbli kinitx affidabbli. Meta ġew analizzati t-talbiet għal żborż, id-Delegazzjonijiet tal-UE wettqu diversi proċeduri biex jivverifikaw l-affidabbiltà ta’ din id-data. Xi wħud minn dawn il-proċeduri ma jiżgurawx li l-pagamenti ta’ segmenti varjabbli jkunu bbażati fuq data affidabbli u, għalhekk, mhumiex kompletament iġġustifikati.
VIMeta erġajna wettaqna l-valutazzjonijiet tal-Kummissjoni rigward il-kisba tal-indikaturi u kkalkulajna mill-ġdid il-pagamenti ta’ segmenti varjabbli għal total ta’ EUR 234 miljun, aħna sibna diskrepanzi li jammontaw għal EUR 16.7 miljun. Minn dan l-ammont, EUR 13.3 miljun ma kinux iġġustifikati biżżejjed, jew inkella ma kinux konformi mad-dispożizzjonijiet kuntrattwali. Ammont ta’ EUR 3.4 miljun tħallas mingħajr ma kien hemm progress reali. Barra minn hekk, EUR 26.3 miljun maqsuma fi tliet segmenti varjabbli tħallsu lill-Moldova mingħajr dokumentazzjoni suffiċjenti rigward ir-raġunijiet li jsostnu dawn il-pagamenti.
VIIAħna nagħmlu sitt rakkomandazzjonijiet lill-Kummissjoni sabiex:
- Iżżid l-użu tal-indikaturi tal-eżitu għas-segmenti varjabbli;
- Ittejjeb il-formulazzjoni tal-indikaturi tal-prestazzjoni;
- Tissalvagwardja l-effett ta’ inċentiv tas-segmenti varjabbli;
- Tissimplifika l-proċess ta’ żborż għas-segmenti varjabbli;
- Ittejjeb il-valutazzjonijiet tal-kapaċità tal-pajjiżi biex jipprovdu d-data dwar il-prestazzjoni li tintuża f’segmenti varjabbli;
- Ittejjeb il-verifikazzjoni tad-data dwar il-prestazzjoni li tintuża biex jiġu żborżati s-segmenti varjabbli.
Introduzzjoni
Il-kunċett ta’ appoġġ baġitarju
01L-appoġġ baġitarju huwa forma ta’ għajnuna li tingħata mill-UE u li tinvolvi t-trasferiment ta’ fondi lit-Teżor nazzjonali ta’ pajjiż sieħeb, suġġett għall-konformità ta’ dak il-pajjiż mal-kundizzjonijiet maqbula għall-pagament. Il-finanzjament riċevut b’dan il-mod jiġi inkorporat fil-baġit tal-pajjiż sieħeb, li min-naħa tiegħu jista' jużah kif huwa jqis li jkun xieraq. Il-Kummissjoni tiddeskrivi l-appoġġ baġitarju bħala mezz biex titwassal għajnuna effettiva u biex jinkisbu riżultati durabbli sabiex jiġu appoġġati l-isforzi ta' riforma tal-pajjiżi sħab tal-UE kif ukoll l-għanijiet ta’ żvilupp sostenibbli (SDGs).
02Minbarra t-trasferiment tar-riżorsi finanzjarji, l-appoġġ baġitarju jinvolvi: (i) djalogu mal-pajjiż sieħeb dwar ir-riformi jew ir-riżultati ta’ żvilupp, li jistgħu jiġu appoġġati permezz tal-appoġġ baġitarju, (ii) valutazzjoni tal-progress li nkiseb, u (iii) appoġġ għall-iżvilupp tal-kapaċità. L-appoġġ baġitarju jirrappreżenta bidla lil hinn mill-fokus tradizzjonali fuq l-attivitajiet (eż. proġetti) lejn l-għajnuna orjentata lejn ir-riżultati.
03L-UE hija l-akbar fornitur ta’ appoġġ baġitarju fil-livell globali (kemm permezz tal-baġit tal-UE kif ukoll permezz tal-Fondi Ewropej għall-Iżvilupp). Matul il-perjodu 2014-2017, l-UE impenjat madwar 11 % (ara l-Anness I tal-baġit tagħha maħsub għall-għajnuna bilaterali għall-iżvilupp fuq l-appoġġ baġitarju: medja annwali ta’ madwar EUR 2.13 biljun). Fl-2017, hija pprovdiet appoġġ baġitarju lil 90 pajjiż u territorju, li b'kollox irċevew EUR 1.8 biljun. Fil-kuntratti kollha ta’ appoġġ baġitarju li kienu għaddejjin, l-ammont totali impenjat kien ta’ EUR 12.7 biljun. Il-Figura 1 turi ripartizzjoni ta’ dawn iċ-ċifri skont ir-reġjun, kemm għall-baġit ġenerali tal-UE kif ukoll għall-Fondi Ewropej għall-Iżvilupp.
L-appoġġ baġitarju tal-UE jirrikjedi li jkun hemm fis-seħħ politiki rilevanti u kredibbli, u li dawn jiġu implimentati b’mod effettiv mill-pajjiż riċevitur. Skont ir-Regolament Finanzjarju, pajjiż jista’ jitqies eliġibbli għal appoġġ baġitarju meta1:
- Il-ġestjoni tal-finanzi pubbliċi tal-pajjiż sieħeb tkun trasparenti, kredibbli u effettiva biżżejjed;
- Il-pajjiż sieħeb ikun stabbilixxa politiki settorjali u nazzjonali li jkunu kredibbli u rilevanti biżżejjed;
- Il-pajjiż sieħeb ikun stabbilixxa politiki makroekonomiċi orjentati lejn l-istabbiltà;
- Il-pajjiż sieħeb ikun stabbilixxa aċċess suffiċjenti u f’waqtu għal informazzjoni baġitarja komprensiva u solida.
Il-Kummissjoni Ewropea tuża tliet tipi ta’ kuntratti ta’ appoġġ baġitarju.
- Il-kuntratti relatati mal-Għanijiet ta’ Żvilupp Sostenibbli (SDGC), li jappoġġaw il-politiki u l-istrateġiji nazzjonali biex jiksbu progress lejn l-għanijiet ta’ żvilupp sostenibbli.
- Il-kuntratti relatati mal-Prestazzjoni tar-Riformi Settorjali (SRPC), li jappoġġaw riformi settorjali speċifiċi.
- Il-kuntratti relatati mal-Istat u l-Bini ta’ Reżiljenza (SRBC), li jiġu pprovduti lil pajjiżi li jkunu f’sitwazzjonijiet fraġli biex jiżguraw il-funzjonijiet vitali tal-Istat jew biex jappoġġaw il-proċessi lejn il-governanza demokratika.
Il-biċċa l-kbira mill-programmi ta’ appoġġ baġitarju tal-Kummissjoni Ewropea huma bbażati fuq l-SRPCs (74 % tal-impenji kollha ta’ appoġġ baġitarju li kienu għaddejjin fl-2017). F’termini ta’ finanzjament, l-akbar erba’ setturi li jirċievu appoġġ bl-użu tal-SRPCs huma: l-edukazzjoni, l-agrikoltura u l-iżvilupp rurali, is-saħħa u l-enerġija.
Segmenti varjabbli bħala inċentiv biex jinkisbu r-riżultati
07Qabel kull żborż, il-Kummissjoni tanalizza jekk il-kundizzjonijiet ġenerali mehmużin mal-kuntratt ta’ appoġġ baġitarju jkunux ġew issodisfati. Fil-biċċa l-kbira mill-każijiet, dawn il-kundizzjonijiet huma dawk relatati mal-kriterji ta’ eliġibbiltà għall-għoti ta' appoġġ baġitarju (ara l-paragrafu 04). Il-pagamenti relatati mal-appoġġ baġitarju jsiru fil-forma ta’ segmenti fissi jew segmenti varjabbli. Is-segmenti fissi jitħallsu jew bis-sħiħ (jekk jiġu ssodisfati l-kundizzjonijiet kollha) jew inkella ma jitħallsux (jekk ma tiġix issodisfata kundizzjoni waħda jew aktar). Is-segmenti varjabbli jintużaw biex jinħolqu inċentivi għall-pajjiżi sħab biex itejbu l-implimentazzjoni tal-politika, u jitħallsu abbażi tal-prestazzjoni miksuba f'dak li jirrigwarda l-indikaturi u l-miri tal-prestazzjoni speċifikati, jekk jiġu ssodisfati l-kundizzjonijiet ġenerali kollha. Dawn jistgħu jitħallsu jew bis-sħiħ jew inkella parzjalment. L-indikaturi tal-prestazzjoni li jintużaw għal segmenti varjabbli jistgħu jintgħażlu minn fost is-sistemi ta’ monitoraġġ diġà użati mill-pajjiż sieħeb, jew permezz ta’ qafas komuni ta’ valutazzjoni tal-prestazzjoni maqbul mal-pajjiż sieħeb u ma' donaturi oħra.
08Għall-politiki pubbliċi jistgħu jintużaw tipi differenti ta’ indikaturi tal-prestazzjoni (ara l-Kaxxa 1). B’mod ġenerali, il-Kummissjoni tirrakkomanda l-użu ta’ indikaturi tal-eżitu, iżda tipi oħra ta’ indikaturi jistgħu jkunu xierqa wkoll skont il-kuntest speċifiku tal-pajjiż sieħeb jew tas-settur ikkonċernat.
Kaxxa 1
Tipi ta’ indikaturi tal-prestazzjoni, flimkien ma' eżempji
Definizzjoni* | Eżempji illustrattivi ta’ indikaturi mill-kuntratti awditjati** | |
Inputs | Riżorsi finanzjarji, umani u materjali li jiġu mmobilizzati għall-implimentazzjoni tal-programm |
|
Proċess | L-azzjonijiet ta’ politika u regolatorji li ttieħdu |
|
Outputs | Il-konsegwenzi immedjati u konkreti tar-riżorsi li ntużaw u l-miżuri li ttieħdu |
|
Eżiti | Riżultati li nkisbu fil-livell tal-benefiċjarji |
|
Impatt | Il-konsegwenzi tal-eżiti f’termini tal-impatt fuq l-objettiv usa’ |
|
Sors: *European Commission Budget Support guidelines 2017 (Linji Gwida tal-Kummissjoni Ewropea dwar l-Appoġġ Baġitarju 2017) u ** il-QEA.
Kull indikatur tal-prestazzjoni huwa assoċjat ma’ valur finanzjarju. Mod wieħed kif il-Kummissjoni tikkalkula l-ammonti żborżati fis-segment varjabbli huwa billi żżid l-ammont assoċjat ma’ kull indikatur tal-prestazzjoni li jkun inkiseb mill-pajjiż. Dan ifisser li aktar ma pajjiż sieħeb jikseb indikaturi, aktar ikun għoli l-proporzjon tas-segment varjabbli mħallas.
10Fl-2017, 44 % tal-pagamenti li saru mill-Kummissjoni għall-kuntratti ta’ appoġġ baġitarju kienu relatati ma’ segmenti varjabbli2. F’xi pajjiżi tal-viċinat tal-UE, dan il-proporzjon jilħaq id-90 %. Il-Figura 2 turi ripartizzjoni skont il-pajjiż tas-segmenti varjabbli mħallsa għall-SRPCs fl-2017.
L-iżborż ta' segmenti varjabbli
11Il-proċess għall-iżborż ta’ segment varjabbli jibda b’talba għal żborż mill-pajjiż sieħeb. Din it-talba tinkludi analiżi tal-punt sa fejn ikunu nkisbu l-indikaturi tal-prestazzjoni relatati. Id-Delegazzjonijiet tal-UE janalizzaw it-talbiet u jħejju nota ta’ evalwazzjoni. Abbażi ta’ din in-nota, u wara l-approvazzjoni tal-kumitat ta’ direzzjoni għall-appoġġ tal-baġit, il-Kummissjoni tiddeċiedi l-ammont tas-segment varjabbli li għandu jitħallas (ara l-Figura 3).
12L-analiżi tal-prestazzjoni tal-pajjiż sieħeb li takkumpanja t-talba għal żborż hija bbażata fuq data mis-sistemi ta’ monitoraġġ u evalwazzjoni proprji. Dawn is-sistemi huma għalhekk is-sors primarju ta’ informazzjoni għal żborż ta’ segmenti varjabbli.
Ambitu u approċċ tal-awditjar
13Il-kunsens tal-UE dwar l-Iżvilupp adottat fl-2017 jirrikonoxxi r-rwol ċentrali tal-appoġġ baġitarju fit-trawwim tal-isforzi mwettqa mill-pajjiżi sħab lejn il-kisba tal-għanijiet ta’ żvilupp sostenibbli (SDGs). Meta titqies l-importanza tas-segmenti varjabbli f’pagamenti ta’ appoġġ baġitarju u l-fatt li d-data dwar il-prestazzjoni li fuqha huma bbażati dawk il-pagamenti toriġina mill-pajjiżi riċevituri, data skorretta jew mhux affidabbli tkun timplika li l-pagamenti ta’ appoġġ baġitarju ma jippremjawx ir-riżultati reali kif intenzjonat. Dan idgħajjef serjament l-iskop proprju tal-appoġġ baġitarju. Il-fokus ta’ dan l-awditu kien għaldaqstant li jiskrutinizza l-kwantità u l-kwalità (jiġifieri r-rilevanza u l-affidabbiltà) tal-indikaturi tal-prestazzjoni użati fis-segmenti varjabbli, kif ukoll l-analiżi mwettqa mill-Kummissjoni fir-rigward tat-talbiet għall-pagamenti.
14Il-mistoqsija prinċipali tal-awditjar kienet: “Il-Kummissjoni għamlet użu minn data rilevanti u affidabbli dwar il-prestazzjoni għall-iżborż ta’ segmenti varjabbli tal-appoġġ baġitarju?” Sabiex inwieġbu din il-mistoqsija, aħna qsamnieha fiż-żewġ sottomistoqsijiet li ġejjin.
- Il-kuntratti ta’ appoġġ baġitarju kienu jinkludu indikaturi li jippermettu li r-riżultati rilevanti fis-setturi appoġġati jiġu mmonitorjati b’mod effettiv?
- Il-Kummissjoni vverifikat b’mod effettiv l-affidabbiltà tad-data dwar il-prestazzjoni ppreżentata fit-talbiet għal żborżi ta’ segmenti varjabbli?
L-awditu kopra kampjun ta’ 24 kuntratt ta’ prestazzjoni ta’ riforma settorjali (ara l-Anness II) għat-8 pajjiżi sħab li rċevew l-ogħla ammonti ta’ żborżi ta’ segmenti varjabbli mħallsa fl-20173. Dawn il-pajjiżi rċevew 43.29 % tat-total tal-pagamenti ta’ segmenti varjabbli għal dik is-sena. Is-segmenti varjabbli awditjati għall-kuntratti magħżula kienu jinvolvu total ta’ 248 indikatur tal-prestazzjoni. L-Anness III jagħti dettalji dwar il-pagamenti li saru fl-2017 u dwar is-setturi awditjati.
16Għall-kuntratti magħżula, aħna eżaminajna l-valutazzjoni li twettqet mill-Kummissjoni f'dak li jirrigwarda l-kapaċità tas-sistemi tal-pajjiżi biex jipprovdu data affidabbli dwar il-prestazzjoni. Aħna ċċekkjajna wkoll it-tfassil tad-dispożizzjonijiet tal-kuntratti ta’ appoġġ baġitarju, b’mod partikolari l-kwalità tal-indikaturi tal-prestazzjoni li ntużaw fis-segmenti varjabbli. Fl-aħħar nett, eżaminajna l-verifikazzjonijiet li twettqu mill-Kummissjoni tad-data ppreżentata fit-talbiet għal żborż ta’ segmenti varjabbli. Meta eżaminajna dawn il-verifikazzjonijiet, aħna wettaqna eżami dokumentarju tal-fajls tal-pagamenti li tħejjew mill-Kummissjoni u analizzajna mill-ġdid l-ilħuq tal-miri kif ukoll il-kalkolu tal-pagamenti ta’ segmenti varjabbli. Imbagħad, qabbilna l-konklużjonijiet tagħna ma’ dawk tal-Kummissjoni.
17L-awditu kien jinkludi żjarat fi tliet pajjiżi: il-Ġordan, il-Georgia u l-Bolivja. Matul dawn iż-żjarat, li twettqu fi Frar u f’Marzu tal-2019, aħna intervistajna membri tal-persunal tal-Kummissjoni, rappreżentanti ta’ awtoritajiet nazzjonali kif ukoll donaturi/partijiet ikkonċernati oħra. Minbarra l-proċeduri li twettqu għall-bqija tal-pajjiżi magħżula, f’dawn it-tliet pajjiżi aħna wettaqna mill-ġdid il-verifikazzjonijiet li saru mill-Kummissjoni f'dak li jirrigwarda t-talbiet għal żborżi ta’ segmenti varjabbli u l-pagamenti relatati u qabbilna r-riżultati li ksibna ma’ dawk tal-analiżi li wettqet il-Kummissjoni. Barra minn hekk, aħna wettaqna kontroverifiki tad-data dwar il-prestazzjoni li ġiet iddikjarata mill-pajjiżi sħab ma’ sorsi oħra ta’ evidenza minn esperti esterni u donaturi oħra biex nivvalutaw l-affidabbiltà tagħha.
Osservazzjonijiet
It-tfassil tal-indikaturi tas-segment varjabbli dgħajjef ir-rilevanza tagħhom
18Aħna eżaminajna: (i) jekk l-indikaturi tal-prestazzjoni humiex rilevanti biex jinkisbu l-objettivi tal-kuntratti ta’ appoġġ baġitarju u jekk humiex allinjati mal-politiki tal-pajjiżi; u (ii) jekk jipprovdux bażi soda għall-monitoraġġ ta' riżultati sinifikattivi.
L-indikaturi huma konsistenti mal-istrateġiji settorjali tal-pajjiż, iżda jiffukaw prinċipalment fuq azzjonijiet ta’ terminu qasir aktar milli fuq riżultati aktar fit-tul
19Il-Kummissjoni tqis l-appoġġ baġitarju bħala mezz ta’ twassil tal-għajnuna bbażat fuq ir-riżultati. Filwaqt li l-għajnuna bbażata fuq il-proġetti tiġi żborżata għal infiq eliġibbli, is-segmenti varjabbli tal-appoġġ baġitarju jiġu żborżati meta l-pajjiżi sħab jissodisfaw il-kundizzjonijiet ġenerali u jiksbu r-riżultati maqbula preċedentement, imkejla permezz ta’ indikaturi tal-prestazzjoni magħżula. Għaldaqstant, ir-rilevanza tas-segmenti varjabbli tiddependi fuq jekk dawn l-indikaturi tal-prestazzjoni jkejlux ir-riżultati sinifikattivi.
20Kif ippreżentat fil-Kaxxa 1, hemm ħames tipi ta’ indikaturi. L-indikaturi tal-input, tal-proċess u tal-output huma l-aktar rilevanti għall-ġestjoni ta’ kuljum tal-programmi ta’ nfiq pubbliku. L-indikaturi tal-eżitu u tal-impatti jkejlu l-effetti fuq terminu itwal, bħall-progress tar-riformi u tal-programmi lejn l-objettivi stabbiliti; pereżempju l-SDGs. Il-Figura 4 tinkludi eżempju ta’ tipi differenti ta’ indikaturi li jintużaw għal wieħed mill-programmi ta’ appoġġ baġitarju fil-Bolivja.
Il-linji gwida dwar l-appoġġ baġitarju jippermettu li jintuża kwalunkwe tip ta’ indikatur imsemmi hawn fuq. Madankollu, skont il-Kummissjoni, ikun tajjeb li tingħata preferenza lill-indikaturi tal-eżitu, minħabba li dawn jinkoraġġixxu t-tfassil ta’ politika bbażata fuq l-evidenza, jipproteġu l-ispazju politiku għall-pajjiżi sħab biex jagħżlu l-politiki u l-istrateġiji proprji tagħhom biex ikunu jistgħu jiksbu dawn l-eżiti, u jistimulaw domanda għal informazzjoni statistika ta’ kwalità għolja. Aktar ma tkun kbira l-fiduċja fl-abbiltà tal-gvern tal-pajjiż sieħeb li jipproduċi data affidabbli, aktar għandu jkun hemm enfasi fuq l-indikaturi tal-eżiti. Aħna nqisu wkoll li l-indikaturi tal-impatt huma utli biex jitkejlu r-riżultati, b’mod partikolari f’dak li jirrigwarda l-kisba tal-SDGs.
22L-analiżi li wettaqna ta’ 248 indikatur fil-kuntratti awditjati turi li dawn huma allinjati mal-istrateġiji settorjali tal-pajjiżi sħab. Madankollu, l-iżborżi ta’ segmenti varjabbli huma bbażati prinċipalment fuq indikaturi tal-input, tal-proċess u tal-output, li flimkien jammontaw għal 87 % tal-għadd kumplessiv ta’ indikaturi. Kienu biss 33 indikatur (13 %) li ntużaw biex ikejlu l-eżiti u l-impatti — ara l-Figura 5.
Aħna sibna li l-biċċa l-kbira mill-indikaturi tal-eżitu u tal-impatt intużaw f’pajjiżi b’ekonomiji b’introjtu baxx u medju baxx, filwaqt li fil-pajjiżi b’introjtu medju superjuri, bħall-Ġordan u l-Georgia, li kellhom kapaċità aħjar li jipproduċu data dwar il-prestazzjoni, intużaw biss erba’ indikaturi tal-eżitu u ma ntuża l-ebda indikatur tal-impatt. Dan juri li l-għażla tal-indikaturi mhijiex neċessarjament marbuta mal-istatus ta’ żvilupp tal-pajjiżi.
24L-indikaturi tal-input li ntużaw fis-segmenti varjabbli awditjati kienu relatati prinċipalment mal-akkwist ta’ oġġetti (18-il każ) u ma’ żidiet fl-allokazzjonijiet baġitarji (9 każijiet). Iż-żidiet fil-baġits jew fl-akkwist ta’ tagħmir jista’ jkollhom il-potenzjal li jiskattaw bidliet f’qasam ta’ interess partikolari, iżda dan ma jfissirx li awtomatikament se jinkiseb progress sinifikattiv.
25L-indikaturi tal-proċess jista’ jkollhom rwol utli, b’mod partikolari meta l-politika jkollha l-għan li tikseb bidliet fil-qafas regolatorju. Madankollu, kif indikat fil-Linji Gwida, jenħtieġ li dawn ma jiffukawx biss fuq il-proċessi, iżda jenħtieġ li jkejlu wkoll l-aspetti kwalitattivi, eż. l-elementi li entità li trid tiġi stabbilita hija mistennija li tkopri, eċċ.4 Madankollu, dan mhux dejjem kien il-każ. Il-Kaxxa 2 tippreżenta xi eżempji ta’ indikaturi, li ma kienu jispeċifikaw l-ebda rekwiżit minimu tal-kwalità rigward il-kontenut jew l-istruttura tal-informazzjoni li trid tiġi ppreżentata. Dan jagħmilha diffiċli biex jiġi żgurat li s-segmenti varjabbli jippremjaw il-proċessi ta’ kwalità tajba.
Kaxxa 2
Eżempji ta’ indikaturi tal-proċess mingħajr ebda speċifikazzjoni kwalitattiva
Fil-kuntratt għall-pjan ta’ azzjoni dwar il-liberalizzazzjoni tal-viża tal-Moldova (il-Kuntratt Nru 15), indikatur wieħed jirrigwarda qafas regolatorju approvat għar-reġistrazzjoni obbligatorja ta’ reati rrappurtati, mingħajr ebda referenza għall-kwalità/kontenut ta’ dan il-qafas.
Fil-kuntratt dwar l-enerġija għall-Ġordan (il-Kuntratt Nru 4), il-mira għal indikatur wieħed tirreferi għal struttura għad-djalogu ta’ politika bejn diversi partijiet ikkonċernati, immexxija mill-Ministeru għall-Enerġija u r-Riżorsi Minerali, li hija operattiva u tiltaqa’ regolarment, mingħajr ebda speċifikazzjoni addizzjonali dwar kemm-il darba għandhom isiru l-laqgħat.
Terz mill-indikaturi ma jippermettux li r-riżultati jitkejlu b’mod oġġettiv
26L-indikaturi li ntużaw biex jitkejjel il-progress fl-implimentazzjoni ta’ politika pubblika jeħtieġ li jkunu speċifiċi, ikollhom miri kkwantifikati u li jistgħu jitkejlu, u fejn applikabbli, linja bażi affidabbli. Inkella, ma jkunx possibbli li l-progress li nkiseb jitkejjel b’mod oġġettiv. L-indikaturi, il-linji bażi u l-miri jridu jiġu maqbula meta l-kuntratti ta’ appoġġ baġitarju jiġu fformulati, u jridu jiġu speċifikati fil-ftehim ta’ finanzjament. Għalkemm il-Linji Gwida jiddikjaraw li jkun tajjeb li bidliet fl-indikaturi jiġu evitati, jista’ jkun meħtieġ li l-miri jiġu emendati matul l-implimentazzjoni tal-kuntratt biex jiġu riflessi ċirkustanzi ġodda, jew biex jiġu kkoreġuti żbalji fid-definizzjoni tal-linji bażi jew fil-kalkolu tal-indikaturi.
27L-analiżi li wettaqna turi li 72 indikatur (jiġifieri 29 % tal-kampjun tagħna) ma kinux speċifiċi biżżejjed. Indikaturi mhux speċifiċi huma partikolarment problematiċi matul il-proċess ta’ analiżi tat-talbiet għal żborż: hemm riskju ta’ ġudizzji konfliġġenti rigward jekk ikunux intlaħqu l-miri. Dan min-naħa tiegħu jista’ mbagħad iwassal biex jinkisbu diversi riżultati meta jiġi kkalkulat l-ammont ta’ segmenti varjabbli li jrid jitħallas.
28Fost l-indikaturi, 29 % ġew ifformulati b’mod vag mingħajr ebda mira kkwantifikata, bl-użu ta’ kliem bħal “titjib”, “żieda fil-fokus”, u “provvediment ta’ evidenza”. Aħna osservajna li l-kuntratti fis-settur agrikolu kienu jinkludu l-ogħla għadd ta’ indikaturi speċifiċi (86.5 %), filwaqt li fil-Ġestjoni tal-Finanzi Pubbliċi (PFM), 60 % biss tal-indikaturi kienu speċifiċi. Il-Kaxxa 3 tagħti eżempji ta’ indikaturi mhux speċifiċi u l-implikazzjonijiet għall-kalkolu tal-iżborżi ta’ segmenti varjabbli.
Kaxxa 3
Eżempji ta’ indikaturi/miri mhux speċifiċi
- Fil-kuntratt dwar l-“Appoġġ għat-tieni fażi tar-riforma edukattiva fil-Ġordan” (il-Kuntratt Nru 1), il-mira għall-Indikatur Nru 5 kienet: 6 skejjel ġodda mgħammra u operazzjonali b’mezzi/ambjent ta’ tagħlim adegwati u riżorsi umani adegwati. Il-konformità mat-terminu “adegwat” u kif dan jenħtieġ li jiġi kkwantifikat għall-kalkolu tal-pagament ma kienx speċifikat b’mod suffiċjenti fil-Ftehim ta’ Finanzjament u għaldaqstant kien miftuħ għal interpretazzjonijiet differenti. B’konsegwenza ta’ dan, l-espert estern li nħatar mill-Kummissjoni biex janalizza jekk il-miri kinux intlaħqu kellu jiżviluppa l-metodoloġija proprja tiegħu biex jivvaluta dawn il-kriterji. Dan ifisser li dawn il-kriterji ma kinux ġew stabbiliti minn qabel fil-ftehim ta’ finanzjament, u għalhekk ma kienx hemm qbil dwarhom mal-pajjiż sieħeb.
- L-Indikatur Nru 2.1 tal-kuntratt dwar l-“Appoġġ għar-riforma tal-politika tal-finanzi pubbliċi” fil-Georgia (il-Kuntratt Nru 8) jgħid dan li ġej: Il-Ministeru għall-Finanzi jorganizza sensiela ta’ diskussjonijiet pubbliċi dwar il-governanza fiskali [...]. Dan l-indikatur ma jispeċifikax l-għadd u n-natura tal-laqgħat.
Aħna sibna wkoll eżempji tajbin fejn il-Kummissjoni kienet għamlet sforzi biex tkejjel il-progress għall-indikaturi li ma setgħux jiġu analizzati faċilment. Fil-każ li jingħata fil-Kaxxa 4, il-Kummissjoni kienet wittiet it-triq għall-komunità kollha tad-donaturi fil-qasam tal-edukazzjoni.
Kaxxa 4
Il-kejl tal-kwalità tal-edukazzjoni – eżempju tajjeb
Fil-kuntratt dwar l-“Appoġġ baġitarju lill-Ministeru għall-Edukazzjoni tal-Ġordan biex jindirizza l-kriżi tar-refuġjati Sirjani”, il-Kummissjoni użat dan l-indikatur: Edukazzjoni ta’ kwalità pprovduta lil studenti Sirjani fi skejjel b’xift uniku u doppju f'komunitajiet ospitanti u f'kampijiet, li tkun kumparabbli mal-istandards tal-Ġordan u ma' dawk irrakkomandati fil-pajjiż.
Dan kien indikatur tal-eżitu li ntuża biex titkejjel il-kwalità tal-edukazzjoni pprovduta lill-istudenti Sirjani. Il-valur tal-indikatur inkiseb permezz ta’ stħarriġ li twettaq f’kampjun ta’ skejjel. F’kull skola, il-kwalità tal-edukazzjoni tkejlet billi ġew ivvalutati 10 fatturi differenti (bħall-osservazzjonijiet tal-lezzjonijiet, l-involviment tal-ġenituri u tal-istudenti, rappreżentanza ugwali bejn is-subien, il-bniet, ir-refuġjati u l-Ġordanjani) fuq skala ta’ 4 livelli. Il-punteġġi li nkisbu (punteġġi għall-prestazzjoni tal-kwalità) intużaw biex l-iskejjel jingħataw grad minn A+ (tajjeb) sa C (jeħtieġ li jsir titjib).
Dan l-indikatur kien l-ewwel wieħed li kejjel il-kwalità tal-edukazzjoni fil-Ġordan; huwa ntuża sussegwentement minn donaturi oħra u ddaħħal fil-Qafas Komuni tar-Riżultati f’dan il-pajjiż.
Madankollu, meta vverifikajna l-kisba tal-indikaturi, aħna identifikajna xi dgħufijiet (ara l-Kaxxa 10).
L-ebda linja bażi jew linji bażi skorretti għal 41 % tal-indikaturi tal-progress
30Biex ir-riżultati jitkejlu b’mod effettiv, li jkun hemm indikaturi ddefiniti b’mod speċifiku u mhux ambigwu mhumiex l-uniku prerekwiżit. Il-progress jista’ jitkejjel biss jekk il-miri stabbiliti jkunu jistgħu jitqabblu mas-sitwazzjoni qabel l-intervent: fi kliem ieħor, mal-linja bażi. Fost il-85 indikatur analizzat li għalihom kienu meħtieġa linji bażi (jiġifieri għal dawk l-indikaturi li analizzaw il-progress5), aħna sibna problemi f’35 minnhom li kienu relatati ma’: (i) nuqqas ta’ valuri bażi meħtieġa (15), u (ii) linji bażi skorretti jew mhux aġġornati (20).
31Kien hemm 15-il indikatur mingħajr ebda linja bażi identifikata. Dawn kienu mifruxa fuq 4 kuntratti ta’ appoġġ baġitarju (il-Kuntratti Nri 6, 7, 8 u 17) mill-24 kuntratt magħżul. Ir-raġuni prinċipali għan-nuqqas ta’ linji bażi kienet li l-pajjiżi sħab ma kinux immonitorjaw is-sitwazzjoni qabel il-bidu tal-kuntratt ta’ appoġġ baġitarju. Madankollu, aħna sibna eżempji fejn, f’sitwazzjoni simili, il-Kummissjoni kienet użat l-ewwel segment varjabbli tal-kuntratt ta’ appoġġ baġitarju sabiex titlob lill-pajjiż sieħeb biex jikkalkula l-linja bażi. F’każijiet oħra, il-Kummissjoni kienet wettqet ix-xogħol meħtieġ (jiġifieri stħarriġ) biex tikkalkula l-linji bażi nieqsa. Aħna nqisu li dawn huma prattiki tajba. L-eżempju tax-xogħol meħtieġ imwettaq mill-Kummissjoni biex tivvaluta b’mod preċiż il-progress li nkiseb għall-indikatur rilevanti fis-segmenti sussegwenti huwa deskritt fil-Kaxxa 5.
Kaxxa 5
Stabbiliment ta’ linji bażi
L-Indikatur Nru 3 tal-kuntratt dwar ir-riforma settorjali biex tiżdied il-prestazzjoni tas-settur tal-enerġija tar-Rwanda (il-Kuntratt Nru 19) huwa eżempju ta’ prattika tajba fl-istabbiliment ta’ linji bażi permezz tas-sostituzzjoni ta’ data nieqsa ma’ sorsi oħra ta’ informazzjoni. Dan l-indikatur jitkejjel permezz ta’ stħarriġ annwali matul il-kuntratt kollu. Madankollu, fiż-żmien meta kien qed jitfassal il-Ftehim Finanzjarju, dan l-istħarriġ ma kienx disponibbli, għaldaqstant ma kienx jeżisti valur bażi. Sabiex jiġi stabbilit il-valur bażi, id-Delegazzjoni tal-UE wettqet analiżi komprensiva u kontroverifiki ta’ sorsi alternattivi ta’ data bħall-Istrateġija dwar l-Enerġija mill-Bijomassa tal-2009, il-valutazzjoni tal-Global Alliance for Cooking Stove tal-2012, u r-rapport tal-Wood fuel Integrated Supply/Demand Overview Mapping. Abbażi ta’ dan, id-Delegazzjoni tal-UE setgħet tiddefinixxi linja bażi rilevanti.
Barra minn hekk, 20 indikatur kellhom linji bażi skorretti jew mhux aġġornati. Fi 11-il każ minn dawn, data ġdida rilevanti għall-kalkolu korrett tal-linja bażi saret disponibbli wara li ġie ffirmat il-kuntratt ta’ appoġġ baġitarju. Għalkemm huwa possibbli li l-ftehim ta’ finanzjament relatat jiġi emendat sabiex jirrifletti l-linja bażi korretta, f’dawn il-każijiet il-Kummissjoni ma kinitx għamlet dan. L-użu ta’ linji bażi skorretti jew mhux aġġornati rriżulta wkoll f’indikaturi li kellhom miri aktar baxxi mil-linji bażi reali. Il-Kaxxa 6 fiha xi eżempji.
Kaxxa 6
Eżempji ta’ indikaturi mingħajr linji bażi jew b’linji bażi skorretti
Nuqqas ta’ linji bażi
Għall-kuntratt dwar l-“Impjieg u edukazzjoni vokazzjonali u taħriġ” fil-Georgia, (il-Kuntratt Nru 7), meta ġie ffirmat il-ftehim ta’ finanzjament fl-2014 ma ġiet iddefinita l-ebda linja bażi, għall-ebda wieħed mill-ħames indikaturi li jkejlu l-progress. B’riżultat ta’ dan, il-linja bażi għaż-żieda meħtieġa kienet żero, li jfisser li kwalunkwe progress irrappurtat jista’ jitqies bħala li huwa biżżejjed biex tintlaħaq il-mira. Pereżempju, il-kuntratt kien jinkludi miri biex jiżdied l-għadd relattiv ta’ għalliema li rċevew xi tip ta’ taħriġ inizjali u kontinwu. Madankollu, ma kienet disponibbli ebda data dwar l-għadd ta’ għalliema li kienu diġà qed jirċievu t-tip ta’ taħriġ imkejjel. Barra minn hekk, il-kunċetti ta’ taħriġ “inizjali” u “kontinwu” ġew żviluppati biss fl-2016, u għalhekk meta ġew stabbiliti l-miri ma kienx possibbli li wieħed ikun jaf x’kienet is-sitwazzjoni tal-linja bażi. Billi ebda linja bażi ma kienet disponibbli, il-Kummissjoni qieset l-iżviluppi usa’ fis-settur tal-edukazzjoni minflok il-valuri tal-indikaturi.
Linji bażi mhux diżaggregati
F’xi wħud mill-każijiet, il-linja bażi ġiet ipprovduta, iżda ma kinitx diżaggregata biżżejjed biex tippermetti li jitkejjel il-progress. Il-mira għall-Indikatur Nru 1 ta’ kuntratt mal-Bolivja (il-Kuntratt Nru 9), kienet tirrikjedi li istituzzjonijiet speċifiċi jħarrġu għadd ta’ membri tal-persunal fl-2016. Il-linja bażi kienet tinkludi informazzjoni dwar l-għadd ta’ korsijiet ta’ taħriġ li ġew offruti fl-2013. Madankollu, hija ma pprovdietx l-għadd ta’ membri tal-persunal li kienu mħarrġa minn istituzzjoni partikolari, għaldaqstant ma kinitx diżaggregata biżżejjed. Id-dokumentazzjoni addizzjonali pprovduta lilna wriet li, skont iċ-ċentru ta’ taħriġ ikkunsidrat, l-għadd ta’ membri tal-persunal li tħarrġu fl-2013 diġà kien jaqbeż iż-żewġ miri stabbiliti għall-2016, f’każ wieħed bi 2 % u fl-ieħor bi 42 %. F’dan il-każ, in-nuqqas ta’ linja bażi diżaggregata b’mod xieraq wassal biex jiġu stabbiliti miri modesti.
Linji bażi skorretti
Fil-kuntratt intitolat “Programm ta’ Appoġġ għall-Pjan tas-Settur tal-Edukazzjoni” fil-Pakistan (il-Kuntratt Nru 24), il-linja bażi għall-Indikatur Nru 5 kienet relatata mal-għadd ta’ studenti li jibbenefikaw minn skema eżistenti ta’ boroż ta’ studju. Madankollu, il-mira kienet tikkostitwixxi minn perċentwal ta’ bniet eliġibbli li jirċievu stipendji b'mod f'waqtu. Għalhekk il-linja bażi ma kinitx marbuta direttament mal-mira stabbilita.
L-indikaturi ġeneralment jipprovdu l-effett ta’ inċentiv intenzjonat, iżda hemm wisq minnhom
33Objettiv primarju tal-appoġġ baġitarju huwa li l-pajjiżi sħab jingħataw inċentivi biex isegwu l-perkors tar-riformi maqbula. Għal dan il-għan, l-indikaturi li jintużaw għal segmenti varjabbli jenħtieġ li jirrikjedu sforz sinifikattiv mill-pajjiż riċevitur. Huwa mistenni li l-miri assoċjati jilħqu wkoll bilanċ tajjeb bejn l-ambizzjoni u l-faċilità li jintlaħqu6.
34Aħna sibna li l-biċċa l-kbira mis-segmenti varjabbli li ġew irrieżaminati kellhom l-effett li jinċentivaw lill-pajjiżi sħab biex jimplimentaw ċerti aspetti tal-istrateġiji ta’ żvilupp tagħhom. Madankollu, il-miri użati għall-11 mill-indikaturi magħżula kienu faċli ħafna biex jintlaħqu. Dan l-għadd jinkludi 4 indikaturi li l-miri stabbiliti tagħhom kienu baxxi ħafna minħabba l-użu skorrett tal-linji bażi (ara l-paragrafi 31 sa 32). Il-Kaxxa 7 tippreżenta xi eżempji ta’ indikaturi li kellhom effett ta’ inċentiv limitat. Barra minn hekk, għal 12-il indikatur addizzjonali li jinvolvu 3 kuntratti fil-Moldova (il-Kuntratt Nru 16), il-Bolivja (il-Kuntratt Nru 10) u l-Pakistan (il-Kuntratt Nru 23), il-miri ntlaħqu fil-biċċa l-kbira permezz tal-appoġġ ipprovdut mill-assistenza teknika mħallsa mill-UE jew minn donaturi oħra. Fil-fehma tagħna, tali indikaturi għandhom sjieda limitata u l-effett ta’ inċentiv tagħhom huwa dgħajjef, minħabba li ma jirrikjedu ebda involviment sinifikanti mill-pajjiżi sħab.
Kaxxa 7
Eżempji ta’ indikaturi b’miri li jistgħu jintlaħqu faċilment
F’kuntratt mal-Bolivja (il-Kuntratt Nru 9), parti mis-segment varjabbli kienet saret bil-kundizzjoni li jiġu organizzati żewġ laqgħat plenarji, matul l-2015, minn istituzzjoni responsabbli għall-implimentazzjoni tal-istrateġija kontra t-traffikar tad-droga. L-organizzazzjoni regolari ta’ laqgħat plenarji għall-monitoraġġ tal-istrateġija tagħmel parti mill-attività normali tagħha, u mhijiex attività li jeħtieġ li tiġi mħeġġa permezz ta’ indikatur tas-segment varjabbli.
Il-mira għall-Indikatur Nru 4 tal-istess kuntratt hija l-produzzjoni ta’ rapport li juri l-konformità tal-pajjiż sieħeb mal-kundizzjonijiet tal-appoġġ baġitarju tal-UE. Dan ir-rapport, madankollu, jagħmel parti mill-proċess standard ta’ żborż għall-appoġġ baġitarju u għalhekk, ma kellux jitqies bħala indikatur tas-segment varjabbli.
Il-Linji Gwida jissuġġerixxu li l-għadd ta’ indikaturi tas-segment varjabbli ġeneralment huwa mistenni li jvarja minn 3 sa 10. Ammont kbir wisq ta' indikaturi jnaqqas l-effett ta’ inċentiv u jagħmel il-monitoraġġ aktar ikkumplikat. Il-kuntratti awditjati kellhom bejn 4 u 34 indikatur għal kull segment7. Dawn l-indikaturi imbagħad ġew ripartiti ulterjorment f’subindikaturi, li ħafna drabi kienu jinkludu bosta miri. Pereżempju, il-kuntratt għall-għoti ta' appoġġ biex jiġi implimentat pjan ta’ azzjoni għal-liberalizzazzjoni tal-viża fil-Moldova (il-Kuntratt Nru 15) kien jinkludi 95 mira indipendenti. Dan l-għadd kbir ta’ indikaturi u miri ma jwassalx għal fokus fuq l-objettivi prinċipali tal-politika tal-kuntratti ta’ appoġġ baġitarju. Għalkemm il-Kummissjoni rrikonoxxiet il-problemi marbuta mal-għadd kbir ta’ indikaturi f’dokumenti interni tagħha, dan ma influwenzax il-formulazzjoni tal-kuntratti (ara l-Kaxxa 8).
Kaxxa 8
Għadd kbir ta’ indikaturi
Id-dokumenti ta’ tħejjija għall-kuntratt “Appoġġ għall-agrikoltura u l-iżvilupp rurali” fil-Moldova, (il-Kuntratt Nru 17) isemmu li f'dan il-pajjiż huwa kruċjali li jitfasslu ftit kundizzjonijiet iffukati, billi l-eżistenza ta’ għadd kbir ta' kundizzjonijiet kumplessi tista’ tikkontribwixxi għal nuqqas ta’ appoġġ baġitarju settorjali. Dan l-aspett ġie injorat matul it-tfassil, billi l-kuntratt għall-iżborż tas-segment varjabbli tal-2017 kien jinkludi 28 “kundizzjoni/kriterju/attività għall-iżborż” li kienu komposti, li mbagħad inqasmu f’39 kundizzjoni sekondarja.
Il-kwalità tal-verifikazzjonijiet mwettqa mill-Kummissjoni fir-rigward tal-ilħuq tal-indikaturi kienet tvarja, u dan wassal biex xi pagamenti ma kinux iġġustifikati biżżejjed
36It-talbiet għal żborż ippreżentati mill-pajjiżi riċevituri jinkludu analiżi tal-progress fis-setturi appoġġati mill-kuntratti ta’ appoġġ baġitarju tagħhom, kif ukoll informazzjoni dwar l-issodisfar tal-kundizzjonijiet maqbula u dwar l-ilħuq tal-indikaturi tal-prestazzjoni. Id-dossier normalment jinkludi rapport dwar il-progress f’qasam partikolari (settur), rapporti separati dwar l-issodisfar ta’ kull kundizzjoni u skedi li jikkonċernaw kull indikatur, flimkien ma' evidenza ta’ sostenn (eż. ittri minn uffiċċju tal-istatistika, rapporti dwar l-istħarriġ, eċċ.). Ara l-Figura 3 li tiddeskrivi l-proċess ta’ żborż għall-appoġġ baġitarju.
37It-talbiet tal-pajjiżi sħab huma bbażati fuq data mis-sistemi ta’ monitoraġġ u evalwazzjoni proprji tagħhom. Dawn is-sistemi huma għalhekk sors primarju ta’ informazzjoni għad-deċiżjonijiet li jirrigwardaw l-iżborż. Madankollu, il-pajjiżi għandhom fis-seħħ kapaċitajiet u sistemi differenti għall-ġbir, il-ħżin, l-analiżi u l-użu tad-data. Konsegwentement, qabel il-bidu tal-operazzjonijiet ta’ appoġġ baġitarju, jeħtieġ li l-Kummissjoni tivvaluta s-sistemi fis-seħħ użati għat-tfassil tal-indikaturi tal-prestazzjoni li jkunu se jintużaw għall-pagamenti sussegwenti ta’ segmenti varjabbli. B’mod partikolari, id-Delegazzjonijiet tal-UE jridu jiddeterminaw jekk id-dgħufijiet fis-sistemi tal-istatistika, fid-disponibbiltà tad-data u fl-analiżi tal-politika humiex jikkompromettu b’mod sinifikanti l-validità tat-talbiet għal żborż li jiġu ppreżentati mill-pajjiżi.
38Għall-kuntratti li ġew irrieżaminati, aħna eżaminajna jekk il-Kummissjoni kinitx ivvalutat tajjeb l-affidabbiltà tad-data tal-prestazzjoni meta għażlet l-indikaturi tal-prestazzjoni għas-segmenti varjabbli. Aħna rrieżaminajna wkoll jekk il-Kummissjoni kinitx wettqet eżaminar bir-reqqa tat-talbiet għal żborż ta’ segmenti varjabbli u jekk kinitx ikkalkulat b’mod korrett l-ammont li kellu jiġi żborżat.
Il-Kummissjoni ma siltet l-ebda konklużjoni dwar il-kapaċità tal-pajjiżi li jipproduċu d-data meħtieġa għall-indikaturi
39Id-Delegazzjonijiet tal-UE huma mitluba jipprovdu ħarsa ġenerali tas-sistemi ta’ monitoraġġ u evalwazzjoni tal-pajjiż sieħeb (għall-pajjiż inġenerali u għas-settur partikolari fil-każ tal-SRPC), li tivvaluta jekk il-politika pubblika tal-pajjiż hijiex konformi mal-objettivi tal-UE u jekk il-kapaċità istituzzjonali hijiex ikkunsidrata suffiċjenti biex tiġi implimentata l-politika. Barra minn hekk, il-Linji Gwida jirrikjedu li qabel ma jitfasslu l-kuntratti ta’ appoġġ baġitarju, iridu jiġu analizzati l-affidabbiltà u d-disponibbiltà tad-data, u jiġu evalwati d-dgħufijiet tas-sistemi tal-istatistika.
40Aħna analizzajna l-valutazzjonijiet li twettqu mill-Kummissjoni billi użajna kriterji stabbiliti mill-Uffiċċju tal-Istatistika tal-Unjoni Ewropea (Eurostat). L-Eurostat żviluppa għodda msejħa Snapshot biex tgħin lid-Delegazzjonijiet tal-UE jivvalutaw il-punti tajbin u d-dgħufijiet tas-sistemi nazzjonali tal-istatistika fil-pajjiżi li qed jiżviluppaw. Aħna sibna li l-linji gwida tal-Kummissjoni dwar l-appoġġ baġitarju jkopru r-rekwiżiti ewlenin ta’ din l-għodda. Madankollu, Snapshot hija għodda aktar komprensiva u tipprovdi spjegazzjonijiet dettaljati dwar kif għandhom jitkejlu oqsma partikolari8, li huma rilevanti għall-valutazzjoni tas-sistemi tal-istatistika. Ġeneralment, il-membri tal-persunal fid-Delegazzjonijiet mhumiex konxji dwar din l-għodda.
41Ir-rieżaminar li wettaqna tal-valutazzjoni tal-Kummissjoni f'dak li jirrigwarda s-sistemi ta’ monitoraġġ u evalwazzjoni wriet li, fil-prattika, ġeneralment il-Kummissjoni tiddeskrivi u tivvaluta l-elementi msemmija fil-Linji Gwida, iżda dawn l-elementi huma mifruxa f'bosta dokumenti. Madankollu, għalkemm ċerti dgħufijiet speċifiċi għas-settur issemmew fil-maġġoranza tal-kuntratti (18-il kuntratt minn 24), il-Kummissjoni siltet b'mod espliċitu konklużjonijiet dwar l-affidabbiltà tad-data tal-prestazzjoni li hija meħtieġa għall-kalkolu tal-indikaturi tas-segment varjabbli f'5 kuntratti fil-Ġordan biss9. Huwa importanti li tinsilet konklużjoni dwar l-affidabbiltà tad-data għall-għażla tal-indikaturi, għall-monitoraġġ u għall-analiżi tal-iżborż.
Il-Kummissjoni vverifikat l-affidabbiltà tad-data li tappoġġa t-talbiet għal żborż, iżda mhux dejjem b’mod approfondit
42Id-Delegazzjonijiet tal-UE jridu janalizzaw it-talbiet għal żborż li ġew ippreżentati mill-pajjiżi sħab (inklużi l-valuri tal-indikaturi tal-prestazzjoni relatati) qabel ma jiġi żborżat il-pagament tas-segment varjabbli. Aħna sibna diversi proċeduri ta’ verifikazzjoni, li xi wħud minnhom ma kinux jipprovdu l-aċċertament meħtieġ għall-ġustifikazzjoni tal-pagamenti sussegwenti.
43B’mod ġenerali, il-Kummissjoni applikat tliet tipi differenti ta’ proċeduri ta’ verifikazzjoni: (i) analiżi dokumentarja u kalkolu aritmetiku mwettaq mill-ġdid tal-valuri tal-indikaturi bl-użu ta’ data pprovduta mill-pajjiżi sħab, (ii) l-istess metodu kkomplementat bi żjarat fuq il-post biex tiġi vverifikata l-affidabbiltà tad-data pprovduta, u (iii) esternalizzazzjoni lil esperti esterni inkarigati mill-kalkolu tal-indikaturi tal-prestazzjoni jew mill-verifikazzjoni tad-data pprovduta mill-pajjiż sieħeb.
44Għal 14-il kuntratt minn 24 li ġew awditjati, l-uffiċjali tad-Delegazzjoni tal-UE wettqu żjarat fuq il-post biex jikkomplementaw l-analiżi u jivverifikaw ċerta data li ġiet ipprovduta (ara l-Kaxxa 9), u għal 16-il kuntratt, huma impjegaw esperti esterni biex janalizzaw l-issodisfar tal-kundizzjonijiet għas-segmenti varjabbli, xi drabi minbarra ż-żjarat fuq il-post proprji tagħhom. Fil-pajjiżi tal-viċinat, l-użu ta’ esperti kien sistematiku, filwaqt li fil-bqija tal-pajjiżi awditjati, id-Delegazzjonijiet irreklutaw esperti f’5 kuntratti biss minn 13.
45Il-linji gwida dwar l-appoġġ baġitarju jirrakkomandaw li jiġu involuti esperti biex jassistu f’eżerċizzji ta’ verifikazzjoni fejn ikun hemm dubji serji dwar il-kwalità tad-data pprovduta. Madankollu, fin-nuqqas ta’ konklużjonijiet ċari dwar il-kapaċità tal-pajjiżi sħab li jipproduċu tali data (ara l-paragrafi 39 sa 41), huwa diffiċli li jiġi deċiż jekk din l-assistenza min-naħa tal-esperti hijiex verament meħtieġa. Għall-kuntratti awditjati, l-ispiża medja tal-missjonijiet ta’ verifikazzjoni tal-esperti kienet ta’ madwar EUR 110 000.
Kaxxa 9
Verifikazzjoni tat-talbiet għal żborż min-naħa tal-Kummissjoni
Biex tivvaluta t-talba għal żborż għall-kuntratt ta’ riforma settorjali biex tiżdied il-prestazzjoni tas-settur agrikolu tar-Rwanda (il-Kuntratt Nru 18), id-Delegazzjoni tal-UE wettqet analiżi komprensiva tal-informazzjoni ppreżentata mill-Gvern tar-Rwanda u kkomplementatha bi żjarat fuq il-post u talbiet għal kjarifiki lill-awtoritajiet nazzjonali. B'mod speċifiku, fil-każ tal-Indikatur Nru 5a, il-mira għall-ewwel sena kienet ta’ 80 000 ettaru ta’ art li għandha tintuża għall-agroforestrija f’ċerti żoni. Id-Delegazzjoni wettqet żjara fuq il-post li wriet li l-informazzjoni ppreżentata ma kinitx korretta, billi l-attivitajiet fiż-żona ma kinux limitati għall-agroforestrija. Konsegwentement, il-Kummissjoni ma rrilaxxatx il-pagament relatat ma’ dan l-indikatur fis-segment.
Għal 6 kuntratti10 mill-24 kuntratt magħżul, aħna sibna li l-Kummissjoni ma wettqitx verifikazzjoni addizzjonali fuq id-data li ntużat bħala bażi għall-pagament tas-segmenti varjabbli. Dan huwa fil-biċċa l-kbira dovut għall-fatt li d-Delegazzjonijiet tal-UE iddependew kompletament fuq il-preċiżjoni tad-data dwar il-prestazzjoni li ġiet pprovduta minn pajjiżi sħab, jew fuq ix-xogħol ta’ verifikazzjoni li twettaq minn esperti esterni f’isem il-Kummissjoni, mingħajr ma wettqu verifika ulterjuri tad-data pprovduta. F’dawn il-każijiet, huwa aktar diffiċli għall-Kummissjoni li tidentifika fit-talbiet għal żborż id-data dwar il-prestazzjoni mhux affidabbli, u dan iżid ir-riskju li jsiru pagamenti mhux iġġustifikati ta’ segmenti varjabbli. Il-Kaxxa 10 tippreżenta eżempju ta’ nuqqasijiet f’rieżaminar estern, li ma nqabdux mill-Kummissjoni.
Kaxxa 10
Eżempji ta’ nuqqasijiet li nstabu fix-xogħol ta’ espert estern
Għall-Kuntratt Nru 2, li jappoġġa lill-Ministeru għall-Edukazzjoni fil-Ġordan biex jindirizza l-kriżi tar-refuġjati Sirjani, il-Kummissjoni impjegat espert biex jivvaluta d-data ddikjarata mill-Ministeru tal-Edukazzjoni għal xi wħud mill-indikaturi tas-segment varjabbli. L-espert ivvalida d-data li ġiet iddikjarata mill-Ministeru billi wettaq żjarat fuq il-post għal kampjun ta’ 30 skola. Ibbażat fuq ir-rapport tal-espert, il-Kummissjoni żborżat is-segment varjabbli.
Aħna analizzajna x-xogħol tal-espert u żorna xi wħud mill-iskejjel ikkampjunati, u identifikajna l-kwistjonijiet li ġejjin:
- Il-kampjunar tal-iskejjel ma kienx aleatorju, iżda kien ibbażat fuq rakkomandazzjonijiet magħmulin minn tim ta' konsulenti esterni fi ħdan l-UNESCO u ġie approvat mill-Ministeru għall-Edukazzjoni. Kien hemm riskju li l-kampjun kien ippreġudikat.
- Minkejja li l-espert effettivament żar it-30 skola kkampjunata, id-data ġiet imqabbla biss għal 17 minnhom. Dan minħabba li l-Ministeru ma kellux l-informazzjoni għall-bqija tal-iskejjel. Għalhekk, il-konklużjonijiet li nsiltu mill-espert estern dwar l-affidabbiltà tas-sistema tal-IT tal-Ministeru kienu bbażati fuq evidenza insuffiċjenti.
- Il-kontrolli fuq il-post tal-membri tal-persunal li jaħdmu fl-iskejjel kienu jirreferu biss għall-għalliema, iżda l-mira għall-Indikatur Nru 1 kienet tirreferi wkoll għall-membri tal-persunal li mhumiex għalliema, għalhekk il-konklużjonijiet li nsiltu dwar dan l-indikatur ma kinux kompleti.
- L-espert ikkonkluda li d-data li nġabret fuq il-post ikkonfermat id-data tal-Ministeru. Għall-Indikaturi Nru 1 (għadd ta’ membri tal-persunal) u 2 (għadd ta’ studenti), din il-konklużjoni nkisbet permezz ta' tqabbil bejn ir-riżultati totali għall-kampjun. Madankollu, ir-riżultati individwali għal kull skola juru differenzi sinifikanti (pożittivi u negattivi) li jiġu kkumpensati meta jiġu kkalkulati l-ammonti totali.
Għal xi segmenti varjabbli, id-data dwar il-prestazzjoni li ġiet ipprovduta mill-pajjiżi sħab ma kinitx tiġġustifika l-pagamenti magħmula
47Rigward il-pagamenti ta’ segmenti varjabbli li ġew irrieżaminati, li jammontaw għal EUR 234 miljun, għal 5 pajjiżi minn 8, il-valutazzjoni li wettaqna tal-evidenza li tappoġġa l-ilħuq tal-indikaturi tas-segment varjabbli turi riżultati li huma differenti minn dawk aċċettati mill-Kummissjoni, li jammontaw għal EUR 13.3 miljun, li fihom pajjiż wieħed (il-Pakistan) jirrappreżenta differenza ta’ 19 % meta mqabbel mal-pagamenti ta’ segmenti varjabbli. Barra minn hekk, aħna sibna wkoll li l-Kummissjoni żborżat EUR 3.4 miljun lil żewġ pajjiżi abbażi ta’ indikaturi marbuta ma’ linji bażi li ġew stabbiliti b’mod skorrett. Għalkemm kien hemm obbligu kuntrattwali biex isir il-pagament, billi l-valur fil-mira kien intlaħaq, ma kien sar l-ebda progress reali fis-settur mkejjel permezz tal-indikatur. It-Tabella 1 tiġbor fil-qosor dawn l-ammonti għal kull pajjiż li saritlu żjara.
Tabella 1 – Diskrepanzi meta mqabbel mal-valutazzjonijiet imwettqa mill-Kummissjoni
Pajjiż | Segment varjabbli rrieżaminat (f’EUR) |
Differenzi meta mqabbel mal-valutazzjoni tagħna (f’EUR) |
Referenza tal-kuntratt u tal-indikaturi | Raġuni għad-diskrepanzi (għal kull indikatur) |
Ammonti mħallsa mingħajr progress reali (f’EUR) |
Il-Bolivja | 32 800 000 | 0 | 0 | ||
L-Etjopja | 29 520 000 | 0 | 2 000 000 (Kuntratt Nru 14: Indikatur Nru 7) |
||
Il-Georgia | 19 400 000 | 1 000 000 | Kuntratt Nru 6: Indikaturi Nri 1.2 u 1.7 |
Indikatur Nru 1.2: Intlaħaq xahrejn wara d-data ta' skadenza Indikatur Nru 1.7: Mira ma ntlaħqitx |
0 |
Il-Ġordan | 45 750 000 | 6 000 000 | Kuntratt Nru 1: Indikatur Nru 5 |
Intlaħaq sentejn wara l-iskadenza | 0 |
Il-Moldova | 26 345 111 | 1 000 000 | Kuntratt Nru 16: Indikaturi Nri 2.1 u 2.2 |
Indikatur Nru 2.1: Intlaħaq xahar wara d-data ta' skadenza Indikatur Nru 2.1: Intlaħaq 3 xhur wara d-data ta' skadenza |
0 |
Il-Pakistan | 25 665 625 | 4 968 750 | Kuntratt Nru 23: Indikaturi 5, 6 u 8 Kuntratt Nru 24: Indikaturi Nri 4, 6.2 u 6.3 |
Indikaturi 5,6 u 8. Miri ma ntlaħqux Indikaturi Nri 4 u 6.3: Evidenza skorretta Indikatur Nru 6.2: Miri ma ntlaħqux |
0 |
Ir-Rwanda | 27 667 500 | 332 500 | Kuntratt Nru 20: Indikatur Nru 2 |
Intlaħaq sena wara l-iskadenza | 1 437 500 (Kuntratt Nru 19: Indikatur Nru 5; Kuntratt Nru 20: Indikatur Nru 4) |
Il-Vjetnam | 27 000 000 | 0 | 0 | ||
TOTAL | 234 148 236 | 13 301 250 | 3 437 500 |
Sors: Il-QEA
48Il-kwistjonijiet prinċipali li sibna kienu relatati ma’: (i) miri li ntlaħqu tard u wara d-data ta' skadenzi stabbiliti; (ii) kejl tar-riżultati bbażat fuq linji bażi li ġew stabbiliti b’mod skorrett; (iii) evidenza skorretta jew insuffiċjenti li ġiet ipprovduta biex tiġġustifika l-ilħuq tal-indikaturi; u iv) miri li assolutament ma ntlaħqux. Il-Figura 6 turi t-tipi u l-proporzjon ta’ diskrepanzi li nstabu fil-valutazzjonijiet imwettqa mill-Kummissjoni.
Fil-Kaxxa 11 jiġi deskritt wieħed mill-każijiet fejn ikkunsidrajna li l-pajjiżi sħab ipprovdew evidenza skorretta.
Kaxxa 11
Evidenza bbażata fuq kampjun ippreġudikat
Il-mira għall-Indikatur Nru 6.3 tal-kuntratt relatat mal-Edukazzjoni fil-Pakistan (il-Kuntratt Nru 24) kienet li l-istudenti li jirċievu vawċers kellhom jilħqu rata ta’ attendenza skolastika ekwivalenti ta' mill-inqas 80 %. L-evidenza pprovduta mill-pajjiż sieħeb uriet rata ta’ attendenza, li kienet ogħla mill-valur fil-mira (87 %), u għalhekk il-Kummissjoni qieset li din il-mira kienet intlaħqet. Skont ir-rapport dwar il-Konformità tal-Assistenza Teknika, l-evidenza pprovduta kellha tkopri l-istudenti kollha matul is-sena. Madankollu, l-analiżi li wettaqna wriet li meta l-awtoritajiet nazzjonali kkalkulaw ir-rata ta’ attendenza għall-istudenti kollha, huma kienu ħadu inkunsiderazzjoni kwart biss tal-istudenti li kienu rċevew il-vawċers. Barra minn hekk, dan il-kampjun ittieħed fil-bidu tas-sena skolastika, meta r-rata tal-attendenza tkun l-ogħla. Għalhekk, aħna kkonkludejna li l-evidenza ta’ sostenn ma kinitx robusta, billi l-kampjun kien ippreġudikat.
Fil-każ imsemmi hawn fuq, il-Kummissjoni kkunsidrat il-miri li ntlaħqu u ħallset il-pagament kollu dovut.
F’erba’ kuntratti aħna sibna ħames każijiet ta’ indikaturi11 li l-miri tagħhom kienu ntlaħqu wara d-data ta’ skadenza stipulata fil-ftehimiet ta’ finanzjament. Barra minn hekk, għal ħames indikaturi oħra12, aħna nqisu li l-pajjiżi sħab ma laħqux il-miri; madankollu, il-Kummissjoni qieset li dawn il-miri kienu ntlaħqu. Il-Kaxxa 12 tipprovdi eżempji taż-żewġ każijiet.
Kaxxa 12
Miri li ntlaħqu wara d-data ta’ skadenzi jew parzjalment, jew inkella miri li ma ntlaħqux
Fil-każ tal-Indikatur Nru 5 tal-kuntratt relatat mal-Edukazzjoni fil-Ġordan (il-Kuntratt Nru 1) il-mira ntlaħqet wara d-data ta’ skadenza. Il-mira għal dan l-indikatur kienet li jinbnew sitt skejjel ġodda sal-2015. L-iskejjel tlestew biss fl-2017 u s-segment varjabbli tħallas f’Diċembru 2017. Il-proċeduri ta’ akkwist li ħadu fit-tul u li rriżultaw fl-implimentazzjoni tardiva tax-xogħlijiet ta’ kostruzzjoni min-naħa tal-awtoritajiet nazzjonali kienu r-raġuni għal dan id-dewmien konsiderevoli.
Sabiex tieħu inkunsiderazzjoni dan id-dewmien, il-Kummissjoni estendiet il-perjodu ta’ implimentazzjoni tal-kuntratt sa Diċembru 2017, iżda ma mmodifikatx id-data ta’ skadenza għall-kostruzzjoni tal-iskejjel (2015).
Il-mira għall-Indikatur Nru 6 tal-kuntratt relatat mal-Edukazzjoni fil-Pakistan (il-Kuntratt Nru 23) kien jinkludi żewġ attivitajiet: it-tfassil ta’ kurrikulu għat-tagħlim tal-Ingliż u l-approvazzjoni tal-kotba tal-iskola għal ċerti livelli ta’ edukazzjoni. Aħna sibna li fiż-żmien meta ntalab l-iżborż, nofs il-kotba tal-iskola biss kienu ġew approvati u għalhekk inqisu li t-tieni parti tal-mira ma kellhiex titqies bħala li kienet intlaħqet.
Il-mira għall-Indikatur Nru 1.7 tal-kuntratt relatat mal-Agrikoltura fil-Georgia (il-Kuntratt Nru 6) kienet l-adozzjoni ta’ programm tal-istat dwar skemi ta’ ċertifikazzjoni għall-produzzjoni bijorganika. Il-Gvern ikkunsidra dan l-indikatur bħala li kien intlaħaq minħabba l-adozzjoni tal-Programm tal-Istat tiegħu għar-Riabilitazzjoni tal-Pjantaġġuni tat-Tè. Madankollu, l-għan iddikjarat tal-programm huwa li jappoġġa l-użu effettiv tal-pjantaġġuni tat-tè fil-Georgia, li jżid il-produzzjoni tat-tè, inkluża l-produzzjoni tat-tè bijoloġiku, u li jsaħħaħ l-awtosuffiċjenza u l-potenzjal tal-esportazzjoni, u mhux l-iskemi ta’ ċertifikazzjoni bijorganika nfishom. Aħna nikkunsidraw li din il-mira ma kinitx intlaħqet, billi l-programm ma jimmirax speċifikament iċ-ċertifikazzjoni ta’ prodotti bijoloġiċi. L-eżaminatur estern kien tal-istess fehma.
Fil-każijiet imsemmija hawn fuq, il-Kummissjoni ħallset il-pagament kollu dovut.
Aħna sibna tliet każijiet fejn il-Kummissjoni kienet għamlet żborżi skont id-dispożizzjonijiet tal-ftehimiet ta’ finanzjament, peress li l-pajjiżi sħab kienu laħqu l-miri maqbula. Madankollu, minħabba l-użu ta’ linja bażi jew valuri fil-mira li kienu ġew stabbilit b’mod skorrett, ma kien hemm l-ebda progress reali fis-setturi fil-mira. Il-Kaxxa 13 tipprovdi aktar dettalji dwar xi wħud minn dawn il-każijiet.
Kaxxa 13
Miri stabbiliti bl-użu ta’ linji bażi skorretti – ma nkiseb ebda progress reali
L-indikatur Nru 7 tal-kuntratt relatat mat-Trasport fl-Etjopja (il-Kuntratt Nru 14) jirrigwarda l-perċentwal ta’ trakkijiet b’tagħbija eċċessiva. Il-mira stabbilita kienet li dan il-perċentwal jitnaqqas għal 9 % minn valur bażi ta’ 11 %. Ir-riżultat li nkiseb fi tmiem il-perjodu eżaminat kien ta' 6 % u għalhekk il-mira ntlaħqet u l-ammont korrispondenti tħallas skont id-dispożizzjonijiet tal-ftehim ta’ finanzjament. Madankollu, abbażi tal-informazzjoni pprovduta mill-pajjiż sieħeb fit-talba għal żborż, il-valur bażi reali kien ta’ 6 %. Fil-verità, ma kien hemm l-ebda progress fit-tnaqqis tal-għadd reali ta’ trakkijiet b’tagħbija eċċessiva.
It-tieni eżempju ta’ linja bażi skorretta li wasslet għal pagament mingħajr ma kien sar progress reali biżżejjed huwa l-Indikatur Nru 5 tal-kuntratt relatat mal-Enerġija fir-Rwanda (il-Kuntratt Nru 19). Dan l-indikatur ikejjel is-sehem tal-elettriku ġġenerat minn sorsi rinnovabbli fit-taħlita tal-enerġija. Il-valur bażi li ntuża fil-kuntratt kien jikkorrispondi għal 292 GWh iġġenerati fl-2015. Il-valur reali għas-sena bażi kien żbaljat. Skont id-data li ġiet irrappurtata mill-awtoritajiet nazzjonali, dan il-valur kellu jkun ta’ 368 GWh. Meta mqabbla mal-linja bażi, il-mira stabbilita għas-segment varjabbli awditjat kienet ta’ 14.5 GWh addizzjonali li ġew iġġenerati minn sorsi ta’ enerġija rinnovabbli. Ir-riżultat li nkiseb għal dan l-indikatur fil-perjodu awditjat kien ta’ 361.5 GWh li wassal għall-pagament tal-ammont korrispondenti, minkejja li kien hemm tnaqqis fil-proporzjon tal-elettriku ġġenerat minn sorsi rinnovabbli.
Minbarra d-diskrepanzi kkwantifikati fit-Tabella 1, aħna ma stajniex nikkonfermaw il-korrettezza ta’ żewġ pagamenti ta’ segmenti varjabbli minħabba n-nuqqas ta’ evidenza suffiċjenti li tappoġġa l-valuri rrappurtati għal 5 indikaturi13 (ara l-eżempji fil-Kaxxa 14). Dawn l-indikaturi jirrappreżentaw ammont żborżat ta’ EUR 3.77 miljun.
Kaxxa 14
Nuqqas ta’ evidenza suffiċjenti
Fil-Kuntratt Nru 5, li kellu l-għan li jappoġġa l-ġestjoni tal-finanzi pubbliċi fil-Ġordan, l-Indikatur Nru 1.2 kien relatat mal-lakuni fit-taħriġ tal-persunal tal-Unitajiet ta’ Kontroll Intern (ICU) f’ministeri u aġenziji nazzjonali differenti. Il-mira kienet li jitħarrġu l-membri tal-persunal tal-ICU li ma kinux ipparteċipaw fit-taħriġ matul is-sena ta’ qabel (ma kien hemm l-ebda mira numerika). Espert estern li ġie impjegat mill-Kummissjoni kkonkluda li aktar minn 85 % tal-membri tal-persunal mill-ICUs kollha kienu attendew kors ta’ taħriġ addizzjonali li kien ġie offrut. Għaldaqstant, huwa kkonkluda li l-indikatur kien intlaħaq. Billi r-rapport tal-espert ma kienx jispeċifika kif ġie kkalkulat il-perċentwal ta’ 85 %, aħna ma stajniex inwettqu l-kalkolu mill-ġdid jew nikkonfermaw li l-lakuni kollha kienu koperti mit-taħriġ. Ma kien hemm l-ebda informazzjoni jew data disponibbli dwar dak li kien inkluż fil-perċentwal ta’ 85 %.
L-Indikatur Nru 3 fil-kuntratt relatat mal-programm għall-iżvilupp tal-komunità fil-Pakistan (il-Kuntratt Nru 22) intuża biex ikejjel, fl-istimi tal-ispejjeż tal-istrateġiji għall-iżvilupp tad-distretti, is-sehem tal-allokazzjonijiet baġitarji li kienu maħsuba għal proġetti ta’ żvilupp lokali mmexxija mill-komunità. Madankollu, ma setgħetx tiġi stabbilita rabta bejn l-istimi tal-ispejjeż distrettwali rrappurtati u l-istrateġiji għall-iżvilupp tad-distretti pprovduti bħala dokument ta’ sostenn. Bl-istess mod, ir-rapport li twettaq mill-espert li ġie impjegat mill-Kummissjoni biex jivvaluta dan l-indikatur ma jippreżentax rikonċiljazzjoni bejn l-istimi tal-ispejjeż distrettwali u l-istrateġiji għall-iżvilupp tad-distretti. Għalhekk, aħna ma stajniex nikkonfermaw ir-riżultat irrappurtat.
Pagamenti li ngħataw lill-Moldova ma kinux iddokumentati b'mod suffiċjenti
53Għalkemm dan mhuwiex marbut direttament mal-verifikazzjoni tal-indikaturi tal-prestazzjoni, aħna sibna li l-Kummissjoni kienet ħallset tliet segmenti varjabbli lill-Moldova, li ammontaw għal EUR 26.3 miljun, mingħajr ma ddokumentat b’mod suffiċjenti r-raġunijiet li jsostnu dawn il-pagamenti (ara l-Kaxxa 15).
Kaxxa 15
Dokumentazzjoni tal-pagamenti li ngħataw lill-Moldova
Il-ftehimiet ta’ finanzjament tal-appoġġ baġitarju jinkludu d-dritt għall-Kummissjoni li tissospendi l-ftehim ta' finanzjament jekk il-pajjiż sieħeb jikser obbligu relatat mar-rispett għad-drittijiet tal-bniedem, il-prinċipji demokratiċi u l-istat tad-dritt, u f’każijiet serji ta’ korruzzjoni (l-Artikolu 236(4) tar-Regolament Finanzjarju applikabbli għall-baġit ġenerali tal-Unjoni, Lulju 2018).
Minħabba tħassib dwar l-istat tad-demokrazija fil-pajjiż, f’Lulju u f’Ottubru 2017, il-Kummissjoni ddeċidiet li tipposponi l-pagament ta’ bosta segmenti varjabbli u ddikjarat li t-twaqqit tal-pagament kien se jiġi kkjarifikat billi jittieħed inkunsiderazzjoni r-rispett tal mekkaniżmi demokratiċi effettivi, tal-istat tad-dritt u tad-drittijiet tal-bniedem fil-Moldova. Ir-raġuni ewlenija għal din id-deċiżjoni kienet l-adozzjoni imminenti tal-liġi elettorali l-ġdida fil-Moldova, li ma kinitx konsistenti mar-rakkomandazzjonijiet tal-Kummissjoni ta’ Venezja, korp konsultattiv tal-Kunsill tal-Ewropa fil-qasam tal-liġi kostituzzjonali.
Minkejja dan, fil-11 ta’ Diċembru 2017 inħarġet awtorizzazzjoni għal pagament. Din ma kinitx sostnuta b’valutazzjoni li turi t-titjib tal-mekkaniżmi demokratiċi u tad-drittijiet tal-bniedem fil-Moldova, li kienet ir-raġuni prinċipali għalfejn inizjalment kien inżamm il-pagament.
Konklużjonijiet u rakkomandazzjonijiet
54Aħna eżaminajna jekk il-Kummissjoni kinitx użat data rilevanti u affidabbli dwar il-prestazzjoni għall-iżborż ta' segmenti varjabbli tal-appoġġ baġitarju. Għal terz tal-indikaturi tal-prestazzjoni li ġew irrieżaminati, aħna nikkonkludu li dawn tfasslu b'mod li jdgħajjef ir-rilevanza tagħhom, u ma jippermettux li r-riżultati jitkejlu b’mod oġġettiv, b’hekk dan jimmina r-rilevanza tagħhom. Barra minn hekk, il-valutazzjonijiet tal-Kummissjoni dwar jekk kinux inkisbu l-indikaturi tas-segmenti varjabbli, mhux dejjem kienu affidabbli, u dan wassal għal xi pagamenti li ma kinux iġġustifikati biżżejjed.
55Aħna sibna li l-indikaturi tal-prestazzjoni tas-segment varjabbli kienu allinjati tajjeb mal-istrateġiji għall-iżvilupp settorjali tal-pajjiżi sħab. Madankollu, il-biċċa l-kbira minnhom kienu ffukati fuq azzjonijiet ta’ terminu qasir aktar milli fuq riżultati aktar fit-tul, inkluż il-progress lejn l-għanijiet ta’ żvilupp sostenibbli. Mill-248 indikatur li rrieżaminajna, 13 % biss kienu jkejlu l-eżiti jew l-impatti fis-setturi appoġġati (ara l-paragrafi 22 sa 25). L-użu ta’ indikaturi tal-eżitu jkun jippermetti lill-Kummissjoni biex tkejjel aħjar ir-riżultati aktar fit-tul fis-setturi appoġġati, inkluż il-progress lejn l-ilħuq tal-Għanijiet ta’ Żvilupp Sostenibbli.
Rakkomandazzjoni 1 – Jiżdied l-użu tal-indikaturi tal-eżitu fis-segmenti varjabbliJenħtieġ li l-Kummissjoni żżid il-proporzjon tas-segmenti varjabbli li jitħallsu abbażi tal-ilħuq tal-indikaturi tal-eżitu.
Data mmirata għall-implimentazzjoni: tmiem l-2021
56Aktar minn terz tal-indikaturi ġew iddefiniti b’mod vag jew kellhom linji bażi skorretti, jew inkella ma kellhom l-ebda linja bażi. Dan ippermetta li jsiru interpretazzjonijiet differenti dwar jekk il-miri kinux intlaħqu, u għamel l-analiżi tat-talbiet għal żborż aktar kumplessa u inqas oġġettiva (ara l-paragrafi 26 sa 32).
Rakkomandazzjoni 2 – Tittejjeb il-formulazzjoni tal-indikaturi tal-prestazzjoniJenħtieġ li l-Kummissjoni ttejjeb l-arranġamenti ta’ kontroll tal-kwalità sabiex tiżgura li l-indikaturi tal-prestazzjoni tas-segmenti varjabbli jkejlu r-riżultati li nkisbu mill-pajjiżi sħab b’mod oġġettiv. Jenħtieġ li tingħata attenzjoni partikolari biex:
- jintużaw indikaturi tal-prestazzjoni li huma speċifiċi u li ma jippermettux interpretazzjonijiet differenti;
- jintużaw valuri u miri bażi.
Data mmirata għall-implimentazzjoni: tmiem l-2021
57Objettiv importanti tas-segmenti varjabbli tal-appoġġ baġitarju huwa li jingħataw inċentivi lill-pajjiżi sħab biex javvanzaw fl-aġendi ta’ riforma tagħhom. Il-biċċa l-kbira mis-segmenti varjabbli li ġew irrieżaminati kien fihom indikaturi li l-miri tagħhom kienu bbilanċjati b'mod ġust minħabba li kienu ambizzjużi u setgħu jintlaħqu faċilment, u aħna nqisu li huma pprovdew l-effett ta’ inċentiv intenzjonat. Il-ftit eċċezzjonijiet li sibna kienu jikkonċernaw indikaturi li l-miri tagħhom setgħu jintlaħqu faċilment, ħafna drabi minħabba l-użu ta’ linji bażi skorretti, jew li kienu nkisbu permezz tax-xogħol imwettaq minn donaturi oħra jew minn esperti esterni mħallsa mill-UE (ara l-paragrafi 33 sa 34).
Rakkomandazzjoni 3 – Jiġi ssalvagwardjat l-effett ta’ inċentiv tas-segmenti varjabbliJenħtieġ li l-Kummissjoni:
- taġġorna l-informazzjoni relatata mal-linja bażi qabel ma tiffirma l-kuntratt jew tikkoreġi l-valuri bażi matul l-implimentazzjoni tal-kuntratt, jekk ikun meħtieġ, billi temenda l-kuntratt ta’ appoġġ baġitarju;
- tevita sitwazzjonijiet li fihom il-pajjiż sieħeb jilħaq il-miri esklussivament bis-saħħa tal-assistenza teknika ffinanzjata mill-UE.
Data mmirata għall-implimentazzjoni: tmiem l-2021
58L-għadd ta’ indikaturi użati għal kull segment varjabbli ħafna drabi kien għoli wisq u kien jaqbeż l-għadd irrakkomandat mil-linji gwida tal-Kummissjoni. Dan ikkumplika aktar il-proċess ta’ żborż (ara l-paragrafu 35).
Rakkomandazzjoni 4 – Jiġi ssimplifikat il-proċess ta’ żborż għas-segmenti varjabbliJenħtieġ li l-Kummissjoni toqgħod lura milli tuża subindikaturi sabiex tillimita l-għadd reali ta’ indikaturi sal-ammont massimu deskritt mil-linji gwida.
Data mmirata għall-implimentazzjoni: tmiem l-2021
59It-talbiet għal żborż tas-segmenti varjabbli fihom data dwar il-prestazzjoni li turi l-punt sa fejn il-kundizzjonijiet maqbula u l-indikaturi tal-prestazzjoni jkunu ġew issodisfati. Peress li t-talbiet jitħejjew mill-pajjiżi sħab, l-affidabbiltà tad-data dwar il-prestazzjoni sottostanti tiddependi fuq il-kapaċità ta’ dawn il-pajjiżi biex jipproduċuha. Aħna sibna li l-Kummissjoni ġeneralment ivvalutat il-kapaċità tal-pajjiżi sħab billi eżaminat l-elementi prinċipali tas-sistemi ta’ monitoraġġ u evalwazzjoni tagħhom, kif meħtieġ mil-linji gwida tagħha dwar l-appoġġ baġitarju. Madankollu, il-Kummissjoni waslet għal konklużjonijiet dwar jekk id-data dwar il-prestazzjoni meħtieġa għall-kalkolu tal-indikaturi tas-segment varjabbli kinitx affidabbli f’5 kuntratti biss mill-24 kuntratt magħżul (ara l-paragrafi 36 sa 41). Huwa importanti li tinsilet konklużjoni dwar l-affidabbiltà tad-data għall-għażla tal-indikaturi, għall-monitoraġġ u għall-analiżi tal-iżborż.
Rakkomandazzjoni 5 – Jittejbu l-valutazzjonijiet tal-kapaċità tal-pajjiżi li jipprovdu d-data dwar il-prestazzjoni li tintuża fis-segmenti varjabbliMeta tfassal operazzjoni ta’ appoġġ baġitarju, jenħtieġ li l-Kummissjoni tivvaluta l-affidabbiltà tad-data dwar il-prestazzjoni, li għandha tintuża bħala bażi għall-iżborż ta’ segment varjabbli. Jenħtieġ li l-valutazzjoni tasal għal konklużjoni espliċita dwar jekk is-sistemi li jintużaw biex tiġi prodotta din id-data humiex affidabbli biżżejjed jew le, u tista’ tkun ibbażata fuq valutazzjonijiet eżistenti li jkunu twettqu minn korpi rikonoxxuti oħra.
Data mmirata għall-implimentazzjoni: tmiem l-2021
60Aħna sibna li d-Delegazzjonijiet tal-UE wettqu diversi proċeduri ta’ verifikazzjoni meta analizzaw it-talbiet għal żborż. F’xi każijiet, il-membri tal-persunal tad-Delegazzjonijiet tal-UE wettqu żjarat fuq il-post biex jivverifikaw id-data li ġiet ipprovduta minn pajjiżi sħab, filwaqt li f’każijiet oħra, huma bbażaw bis-sħiħ fuq din id-data, jew fuq rieżaminar estern imwettaq minn esperti f’isem il-Kummissjoni, mingħajr ma wettqu xogħol ta’ verifikazzjoni ulterjuri. Dan ma jipprovdix l-aċċertament meħtieġ għall-ġustifikazzjoni tal-pagamenti sussegwenti ta’ segmenti varjabbli (ara l-paragrafi 42 sa 46).
Rakkomandazzjoni 6 – Tittejjeb il-verifikazzjoni tad-data dwar il-prestazzjoni li tintuża biex jiġu żborżati s-segmenti varjabbliJenħtieġ li l-Kummissjoni:
- teżamina l-evidenza sottostanti li tappoġġa d-data dwar il-prestazzjoni li tiġi pprovduta mill-pajjiżi sħab fit-talba għal żborż, dment li hija ma tkunx diġà kkonkludiet b’mod espliċitu li din id-data hija affidabbli;
- meta tuża r-rieżaminar estern, tirrikjedi li t-termini ta’ referenza jkunu jinkludu l-verifikazzjoni tal-affidabbiltà tad-data ewlenija dwar il-prestazzjoni pprovduta mill-pajjiżi sħab. Qabel ma tiżborża s-segment varjabbli, jenħtieġ li tivverifika li l-esperti jkunu kkonformaw ma’ dan ir-rekwiżit.
Data mmirata għall-implimentazzjoni: tmiem l-2021
61Meta wettaqna mill-ġdid il-valutazzjonijiet tal-Kummissjoni f'dak li jirrigwarda l-ilħuq tal-indikaturi u kkalkulajna mill-ġdid il-pagamenti tas-segmenti varjabbli, aħna sibna diskrepanzi meta mqabbel mal-ammonti mħallsa mill-Kummissjoni. B’mod ġenerali, abbażi tal-informazzjoni disponibbli dwar il-prestazzjoni, aħna nistmaw li minn total ta’ EUR 234 miljun ta’ pagamenti ta’ segment varjabbli li ġew irrieżaminati, aħna sibna diskrepanzi li jammontaw għal EUR 16.7 miljun. Minn dan l-ammont, EUR 13.3 miljun ma kinux iġġustifikati biżżejjed, jew inkella ma kinux konformi mad-dispożizzjonijiet kuntrattwali. Ammont ta’ EUR 3.4 miljun tħallas mingħajr ma kien hemm progress reali. Barra minn hekk, EUR 26.3 miljun maqsuma fi tliet segmenti varjabbli tħallsu lill-Moldova mingħajr dokumentazzjoni suffiċjenti rigward ir-raġunijiet li jsostnu dawn il-pagamenti (ara l-paragrafi 47 sa 53).
Dan ir-Rapport ġie adottat mill-Awla III, immexxija mis-Sinjura Bettina JAKOBSEN, Membru tal-Qorti tal-Awdituri, fil-Lussemburgu fil-laqgħa tagħha tat-12 ta’ Novembru 2019.
Għall-Qorti Ewropea tal-Awdituri
Klaus-Heiner Lehne
President
Annessi
Anness I — Sehem ta’ appoġġ baġitarju f’impenji bilaterali tal-għajnuna uffiċjali għall-iżvilupp (ODA)
Pajjiżi | 2014 | 2015 | 2016 | 2017 | Medja |
L-Awstrija | 0.69 % | 1.01 % | 0.10 % | 1.24 % | 0.76 % |
Il-Belġju | 2.50 % | 1.85 % | 1.41 % | 0.15 % | 1.48 % |
Ir-Repubblika Ċeka | 1.52 % | 0.00 % | 0.00 % | 0.44 % | 0.49 % |
Id-Danimarka | 3.83 % | 0.00 % | 0.73 % | 0.91 % | 1.36 % |
Il-Finlandja | 3.75 % | 3.89 % | 0.00 % | 2.98 % | 2.65 % |
Franza | 2.86 % | 1.86 % | 6.11 % | 9.30 % | 5.03 % |
Il-Ġermanja | 1.29 % | 4.55 % | 2.12 % | 3.42 % | 2.84 % |
Il-Greċja | 1.04 % | 0.00 % | 0.00 % | 0.00 % | 0.26 % |
L-Ungerija | m/a | 0.65 % | 0.00 % | 0.00 % | 0.22 % |
L-Irlanda | 2.30 % | 3.76 % | 0.00 % | 0.00 % | 1.52 % |
L-Italja | 1.28 % | 0.40 % | 0.24 % | 0.56 % | 0.62 % |
Il-Lussemburgu | 3.21 % | 0.81 % | 2.93 % | 1.98 % | 2.23 % |
In-Netherlands | 0.67 % | 0.00 % | 0.00 % | 0.00 % | 0.17 % |
Il-Polonja | 0.00 % | 0.00 % | 0.00 % | 0.00 % | 0.00 % |
Il-Portugall | 0.55 % | 0.71 % | 0.52 % | 0.58 % | 0.59 % |
Is-Slovakkja | 0.00 % | 0.00 % | 0.00 % | 0.00 % | 0.00 % |
Is-Slovenja | 0.00 % | 0.00 % | 0.00 % | 0.00 % | 0.00 % |
Spanja | 1.33 % | 1.29 % | 0.17 % | 0.30 % | 0.77 % |
L-Iżvezja | 2.39 % | 0.13 % | 0.00 % | 1.96 % | 1.12 % |
Ir-Renju Unit | 2.09 % | 1.21 % | 0.18 % | 0.01 % | 0.87 % |
Il-Kummissjoni tal-UE | 9.31 % | 12.71 % | 14.67 % | 9.08 % | 11.45 % |
Medja tal-UE | 2.03 % | 1.66 % | 1.39 % | 1.57 % | 1.66 % |
Medja tal-UE mingħajr l-Istituzzjonijiet | 1.65 % | 1.11 % | 0.73 % | 1.19 % | 1.17 % |
Sors: Il-QEA, ibbażat fuq https://stats.oecd.org/
Anness II — Kuntratti awditjati
Numru tal-kuntratt | Pajjiż | Settur appoġġat | |
Kuntratt Nru 1 | 282613 | Il-Ġordan | Edukazzjoni |
Kuntratt Nru 2 | 365198 | Edukazzjoni | |
Kuntratt Nru 3 | 377271 | Enerġija | |
Kuntratt Nru 4 | 389306 | Enerġija | |
Kuntratt Nru 5 | 357967 | Ġestjoni tal-finanzi pubbliċi | |
Kuntratt Nru 6 | 387662 | Il-Georgia | Agrikoltura |
Kuntratt Nru 7 | 344313 | Edukazzjoni vokazzjonali | |
Kuntratt Nru 8 | 361908 | Riforma tal-politika tal-finanzi pubbliċi | |
Kuntratt Nru 9 | 363227 | Il-Bolivja | Ġlieda kontra d-droga |
Kuntratt Nru 10 | 368977 | Ilma | |
Kuntratt Nru 11 | 337591 | Agrikoltura | |
Kuntratt Nru 12 | 377182 | Agrikoltura | |
Kuntratt Nru 13 | 383001 | L-Etjopja | Saħħa |
Kuntratt Nru 14 | 367551 | Trasport | |
Kuntratt Nru 15 | 348701 | Il-Moldova | Pjan ta’ azzjoni għal-liberalizzazzjoni tal-viża |
Kuntratt Nru 16 | 353323 | Riforma tal-politika tal-finanzi pubbliċi | |
Kuntratt Nru 17 | 371907 | Agrikoltura | |
Kuntratt Nru 18 | 376376 | Ir-Rwanda | Agrikoltura |
Kuntratt Nru 19 | 375269 | Enerġija | |
Kuntratt Nru 20 | 364033 | Ambjent | |
Kuntratt Nru 21 | 357701 | Il-Vjetnam | Saħħa |
Kuntratt Nru 22 | 337112 | Il-Pakistan | Agrikoltura |
Kuntratt Nru 23 | 289807 | Edukazzjoni | |
Kuntratt Nru 24 | 356359 | Edukazzjoni |
Anness III — Żborżi ta’ segmenti varjabbli fl-2017 għal kuntratti ta’ prestazzjoni tar-riforma settorjali
Pajjiżi | Total tas-segment varjabbli 2017 (f’EUR) |
% | Setturi awditjati | Ammonti awditjati (f’EUR) |
Il-Marokk | 120 984 995 | 18.75 % | ||
Il-Ġordan | 69 506 667 | 10.77 % | Edukazzjoni, Enerġija, Riforma tal-Amministrazzjoni Pubblika | 45 750 000 |
Il-Georgia | 37 900 000 | 5.87 % | Agrikoltura, Impjiegi, Finanzi Pubbliċi | 19 400 000 |
Il-Bolivja | 32 800 000 | 5.08 % | Agrikoltura, Ġlieda kontra d-Drogi, Ilma u Sanità | 32 800 000 |
L-Etjopja | 29 520 000 | 4.57 % | Saħħa, Trasport | 29 520 000 |
Il-Moldova | 29 345 111 | 4.55 % | Agrikoltura, Ġustizzja, Finanzi Pubbliċi | 26 345 111 |
Ir-Rwanda | 27 667 500 | 4.29 % | Agrikoltura, Enerġija, Ambjent | 27 667 500 |
Il-Vjetnam | 27 000 000 | 4.18 % | Saħħa | 27 000 000 |
Il-Pakistan | 25 665 625 | 3.98 % | Agrikoltura, Edukazzjoni | 25 665 625 |
It-Tuneżija | 25 000 000 | 3.87 % | ||
L-Albanija | 20 775 000 | 3.22 % | ||
In-Niġer | 17 850 000 | 2.77 % | ||
Il-Bangladesh | 16 500 000 | 2.56 % | ||
Il-Kolombja | 15 000 000 | 2.32 % | ||
Il-Botswana | 14 510 000 | 2.25 % | ||
Il-Honduras | 12 030 000 | 1.86 % | ||
L-Afrika t’Isfel | 10 466 458 | 1.62 % | ||
Is-Senegal | 10 450 000 | 1.62 % | ||
Il-Burkina Faso | 9 700 000 | 1.50 % | ||
Il-Kirgiżistan | 9 500 000 | 1.47 % | ||
L-Alġerija | 9 000 000 | 1.39 % | ||
Il-Benin | 8 000 000 | 1.24 % | ||
L-Indoneżja | 7 500 000 | 1.16 % | ||
L-Ukrajna | 7 500 000 | 1.16 % | ||
Il-Kambodja | 7 200 000 | 1.12 % | ||
L-Armenja | 7 000 000 | 1.08 % | ||
Il-Ghana | 6 200 000 | 0.96 % | ||
In-Nepal | 6 000 000 | 0.93 % | ||
Il-Perù | 5 880 000 | 0.91 % | ||
Greenland | 4 634 634 | 0.72 % | ||
Il-Laos | 4 000 000 | 0.62 % | ||
Il-Guyana | 3 800 000 | 0.59 % | ||
Ir-Repubblika Dominicana | 2 687 500 | 0.42 % | ||
Samoa | 2 360 238 | 0.37 % | ||
Il-Gżejjer Falkland | 1 000 000 | 0.15 % | ||
Tonga | 375 000 | 0.06 % | ||
TOTAL | 645 308 728 | 100 % |
Sors: Il-QEA (Il-pajjiżi b’tipa grassa huma dawk li ġew magħżula għall-awditu).
Anness IV — Valutazzjoni fil-qosor
IL-BOLIVJA | L-ETJOPJA | IL-PAKISTAN | IR-RWANDA | IL-VJETNAM | |||||||||
Kuntratt Nru 9 | Kuntratt Nru 10 | Kuntratt Nru 11 | Kuntratt Nru 12 | Kuntratt Nru 13 | Kuntratt Nru 14 | Kuntratt Nru 22 | Kuntratt Nru 23 | Kuntratt Nru 24 | Kuntratt Nru 18 | Kuntratt Nru 19 | Kuntratt Nru 20 | Kuntratt Nru 21 | |
Valutazzjoni komprensiva tal-kapaċità? | L | L | L | P | L | P | L | L | L | P | P | L | P |
Għadd ta’ indikaturi (għal kull segment annwali 2017) | 8 | 10 | 8 | 6 | 6 | 10 | 6 | 8 | 8 | 8 | 7 | 4 | 8 |
Għadd ta’ indikaturi riportati minn snin preċedenti li tħallsu fl-2017 | 0 | 0 | 0 | 0 | 0 | 0 | 0 | 0 | 0 | 0 | 4 | 0 | 0 |
Miri indipendenti | 24 | 10 | 12 | 12 | 6 | 10 | 6 | 8 | 15 | 8 | 11 | 4 | 12 |
Indikaturi mhux speċifiċi | 1 | 1 | 2 | 2 | 1 | 1 | 1 | 1 | 2 | 0 | 0 | 0 | 0 |
Mingħajr linja bażi (il-QEA: jenħtieġ li jkun hemm linja bażi) | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 |
Linja bażi żbaljata | 1 | 0 | 0 | 0 | 1 | 10 | 0 | 0 | 1 | 0 | 1 | 2 | 0 |
Mira modesta wisq | 1 | 1 | 0 | 0 | 0 | 1 | 0 | 0 | 2 | 0 | 0 | 1 | 0 |
Missjoni fuq il-post imwettqa mid-Delegazzjonijiet tal-UE biex jiġi vvalutat l-issodisfar tal-kundizzjonijiet? | L | L | I | I | L | I | L | L | L | I | L | I | L |
Użu ta’ esperti esterni biex jiġi vvalutat l-issodisfar tal-kundizzjonijiet? | L | L | L | L | L | L | I | I | I | I | L | L | I |
Żbalji aritmetiċi fl-iżborżi? | L | L | L | L | L | L | L | L | L | L | L | L | L |
Il-metodoloġija għall-kalkolu tal-pagament ġiet applikata b’mod korrett? | I | I | I | I | L | I | I | L | L | I | I | I | I |
Diskrepanzi mal-valutazzjoni tal-QEA fir-rigward tal-ilħuq tal-mira/tas-sottomiri. | 2.2 u 3.3 | 3.1 u 5 | L | L | L | 7 | L | 5,6 u 8 | 4, 6.2, u 6.3 | L | 5 | 2 u 4 | L |
Diskrepanzi mal-valutazzjoni tal-QEA rigward l-ammont li jrid jitħallas | Impatt biss fi żborż ulterjuri | Ebda Impatt fil-pagament. Prestazzjoni. >80 % | L | L | L | EUR 2 miljun | L | EUR 1.50 miljun | EUR 3.47 miljun | L | EUR 1.2 miljun | EUR 0.57 miljun | L |
IL-GEORGIA | IL-ĠORDAN | IL-MOLDOVA | ||||||||
Kuntratt Nru 6 | Kuntratt Nru 7 | Kuntratt Nru 8 | Kuntratt Nru 1 | Kuntratt Nru 2 | Kuntratti Nri 3/4 | Kuntratt Nru 5 | Kuntratt Nru 15 | Kuntratt Nru 16 | Kuntratt Nru 17 | |
Valutazzjoni komprensiva tal-kapaċità? | L | I | I | L | L | I | P | I | I | P |
Għadd ta’ indikaturi (għal kull segment annwali 2017) | 11 | 15 | 14 | 0 | 5 | 9 | 10 | 34 | 12 | 28 |
Għadd ta’ indikaturi riportati minn snin preċedenti li tħallsu fl-2017 | 0 | 3 | 0 | 2 | 0 | 0 | 0 | 3 | 0 | 0 |
Miri indipendenti | 12 | 34 | 21 | 2 | 6 | 10 | 20 | 95 | 22 | 39 |
Indikatur mhux speċifiku | 0 | 7 | 3 | 2 | 0 | 1 | 5 | 35 | 4 | 4 |
Mingħajr linja bażi (il-QEA: jeħtieġ li jkun hemm linja bażi) | 1 | 5 | 3 | 0 | 0 | 0 | 0 | 0 | 0 | 6 |
Linja bażi żbaljata | 1 | 0 | 0 | 1 | 1 | 0 | 1 | 0 | 0 | 0 |
Miri modesti wisq | 0 | 0 | 1 | 0 | 0 | 0 | 0 | 0 | 3 | 0 |
Missjoni/jiet fuq il-post imwettqa mid-Delegazzjonijiet tal-UE biex jiġi vvalutat l-issodisfar tal-kundizzjonijiet? | I | I | I | I | I | L | I | I | I | I |
Esperti esterni ingaġġati biex jivvalutaw l-issodisfar tal-kundizzjonijiet? | I | I | I | I | I | I | I | I | I | I |
Żbalji aritmetiċi fl-iżborżi? | L | L | L | I | L | L | L | I | L | L |
Il-metodoloġija għall-kalkolu tal-pagament ġiet applikata b’mod korrett? | I | I | I | I | L | I | L | L | I | I |
Diskrepanzi mal-valutazzjoni tal-QEA fir-rigward tal-ilħuq tal-mira/tas-sottomiri. | Indikaturi Nri 1.2 u 1.7 | L | L | Indikatur Nru 5 | L | L | L | I (l-indikaturi kollha) | L | L |
Diskrepanzi mal-valutazzjoni tal-QEA rigward l-ammont li jrid jitħallas. | EUR 1 miljun | L | L | EUR 6 miljun | L | L | L | EUR 5.1 miljun | EUR 6.4 miljun | EUR 14.8 miljun |
NOTA: I: Iva; L: Le; P: Parzjalment.
Tim tal-awditjar
Ir-rapporti speċjali tal-QEA jistabbilixxu r-riżultati tal-awditi tagħha tal-politiki u l-programmi tal-UE, jew ta’ suġġetti relatati mal-ġestjoni minn oqsma baġitarji speċifiċi. Il-QEA tagħżel u tfassal dawn il-kompiti tal-awditjar biex timmassimizza l-impatt tagħhom billi tqis ir-riskji għall-prestazzjoni jew għall-konformità, il-livell ta’ introjtu jew ta’ nfiq involut, l-iżviluppi li jkunu għad iridu jseħħu u l-interess politiku u pubbliku.
Dan l-awditu tal-prestazzjoni twettaq mill-Awla III tal-Awditjar Azzjoni esterna/Sigurtà u ġustizzja, immexxija minn Hannu Takkula, Membru tal-QEA, li ngħata appoġġ minn Turo Hentila, Kap tal-Kabinett u Helka Nykaenen, Attaché tal-Kabinett; Alejandro Ballester Gallardo, Maniġer Prinċipal; Piotr Zych, Kap tal-Kompitu; Eva Coria Paramas, Roberto Ruiz Ruiz, Erika Söveges u Nita Tennila, Awdituri. Richard Moore pprovda appoġġ lingwistiku.
Mix-xellug għal-lemin:
Noti finali
1 L-Artikolu 236(1) tar-Regolament Finanzjarju applikabbli għall-baġit ġenerali tal-Unjoni; Lulju 2018.
2 EC Budget Support – Trends and Results, 2018, (Appoġġ Baġitarju tal-KE — Tendenzi u Riżultati, 2018), p. 61.
3 Bl-eċċezzjoni tal-Marokk, huwa s-suġġett ta’ Rapport speċjali ta-QEA li għandu jiġi ppubblikat fl-2020.
4 Budget Support guidelines 2017, (Linji Gwida dwar l-Appoġġ Baġitarju 2017), p. 138.
5 Fil-kampjun tagħna hemm 163 indikatur b’miri li ma kinux jirrikjedu linja bażi, minħabba li ma jkejlux l-iżvilupp ta’ varjabbli partikolari (eż. l-“approvazzjoni ta’ liġi” jew l-“għadd ta’ laqgħat li jsiru”). Dawn l-indikaturi ma jiġux ikkunsidrati għal din il-valutazzjoni.
6 Budget support guidelines, 2017, (Linji Gwida dwar l-Appoġġ Baġitarju, 2017), p. 139.
7 Dan in-numru ma jinkludix l-indikaturi minn segmenti tas-snin preċedenti.
8 Snapshot tipprovdi metodi ta’ analiżi għall-oqsma ewlenin li ġejjin, li huma meħtieġa għall-valutazzjoni tas-sistemi tal-istatistika: (i) L-oqfsa legali, istituzzjonali u strateġiċi li jappoġġaw il-produzzjoni tal-istatistika u l-monitoraġġ fil-livell nazzjonali u settorjali; (ii) L-adegwatezza tar-riżorsi (jiġifieri l-kwantità u l-kwalità tar-riżorsi umani, it-tagħmir u l-finanzjament); (iii) Id-determinanti tal-kwalità tad-data (jiġifieri l-impenn fil-kwalità, l-indipendenza professjonali, l-imparzjalità, l-oġġettività, il-metodoloġija u proċeduri xierqa); u iv) Ir-relazzjonijiet mal-utenti (jiġifieri r-rilevanza u l-aċċessibbiltà).
9 Il-Kuntratti Nri 1, 2, 3, 4 u 5.
10 Il-Kuntratti Nri 2, 5, 13, 14, 23 u 24.
11 L-Indikatur Nru 2 tal-Kuntratt Nru 20, l-Indikatur Nru 1.2 tal-Kuntratt Nru 6, l-Indikatur Nru 5 tal-Kuntratt Nru 1 u l-Indikaturi Nri 2.1 u 2.2 tal-Kuntratt Nru 16.
12 L-Indikaturi Nri 5, 6 u 8 tal-Kuntratt Nru 23, l-Indikatur Nru 6.2 tal-Kuntratt Nru 24 u l-Indikatur Nru 1.7 tal-Kuntratt Nru 6.
13 L-Indikaturi Nri 3 u 6 tal-Kuntratt Nru 22 u l-Indikaturi Nri 1.2, u 3 tal-Kuntratt Nru 5.
Kronoloġija
Avveniment | Data |
---|---|
Il-Memorandum ta’ Ppjanar tal-Awditjar (APM) jiġi adottat / L-awditu jinbeda | 20.11.2018 |
L-abbozz ta’ rapport jintbagħat uffiċjalment lill-Kummissjoni (jew lill-entità l-oħra awditjata) | 20.9.2019 |
Ir-rapport finali jiġi adottat wara l-proċedura kontradittorja | 12.11.2019 |
Ir-risposti uffiċjali tal-Kummissjoni (jew tal-entità l-oħra awditjata) jaslu bil-lingwi kollha | 5.12.2019 |
Kuntatt
IL-QORTI EWROPEA TAL-AWDITURI
12, rue Alcide De Gasperi
1615 Luxembourg
LUXEMBOURG
Tel. +352 4398-1
Mistoqsijiet: eca.europa.eu/mt/Pages/ContactForm.aspx
Sit web: eca.europa.eu
Twitter: @EUAuditors
Ħafna informazzjoni addizzjonali dwar l-Unjoni Ewropea hija disponibbli fuq l-Internet.
Jista’ jsir aċċess għaliha permezz tas-server Europa (http://europa.eu).
Il-Lussemburgu: L-Uffiċċju tal-Pubblikazzjonijiet tal-Unjoni Ewropea, 2019
ISBN 978-92-847-4058-1 | ISSN 1977-5741 | doi:10.2865/429932 | QJ-AB-19-023-MT-N | |
HTML | ISBN 978-92-847-4062-8 | ISSN 1977-5741 | doi:10.2865/548570 | QJ-AB-19-023-MT-Q |
© L-Unjoni Ewropea, 2019
Ir-riproduzzjoni hija awtorizzata kemm-il darba jissemma s-sors oriġinali.
Għal kull użu jew riproduzzjoni ta’ ritratti jew materjal ieħor li mhuwiex taħt id-drittijiet tal-awtur tal- L-Unjoni Ewropea, għandu jintalab permess direttament mingħand id-detenturi tad-drittijiet.
Kif tikkuntattja lill-UE
Personalment
Madwar l-Unjoni Ewropea kollha hemm mijiet ta’ ċentri ta’ informazzjoni tal-Europe Direct. Tista’ ssib l-indirizz tal-eqreb ċentru għalik f'dan is-sit: https://europa.eu/european-union/contact_mt
Bit-telefown jew bil-posta elettronika
Europe Direct huwa servizz li jwieġeb il-mistoqsijiet tiegħek dwar l-Unjoni Ewropea. Tista’ tikkuntattja dan is-servizz:
- bit-telefown bla ħlas: 00 800 6 7 8 9 10 11 (ċerti operaturi jafu jimponu ħlas għal dawn it-telefonati),
- fuq dan in-numru standard: +32 22999696, jew
- bil-posta elettronika permezz: https://europa.eu/european-union/contact_mt
Kif issib tagħrif dwar l-UE
Onlajn
L-informazzjoni dwar l-Unjoni Ewropea bil-lingwi uffiċjali kollha tal-UE hija disponibbli fuq is-sit web Europa fuq: https://europa.eu/european-union/index_mt
Pubblikazzjonijiet tal-UE
Tista’ tniżżel mill-internet jew tordna l-pubblikazzjonijiet tal-UE, li xi wħud minnhom huma bla ħlas u xi oħrajn bil-ħlas, minn: https://op.europa.eu/mt/publications. Kopji multipli ta’ pubblikazzjonijiet bla ħlas tista’ tiksibhom billi tikkuntattja lil Europe Direct jew liċ-ċentru tal-informazzjoni lokali tiegħek (ara https://europa.eu/european-union/contact_mt).
Il-liġi tal-UE u dokumenti relatati
Għal aċċess għall-informazzjoni legali tal-UE, inkluż il-liġijiet kollha tal-UE mill-1952 ’l hawn, fil-verżjonijiet lingwistiċi uffiċjali kollha, żur is-sit EUR-Lex hawnhekk: http://eur-lex.europa.eu
Dejta Miftuħa mill-UE
Il-portal tad-Dejta Miftuħa mill-UE (http://data.europa.eu/euodp/mt) jipprovdi aċċess għal settijiet tad-dejta mill-UE. Id-dejta tista’ titniżżel mill-internet u tintuża mill-ġdid bla ħlas, kemm għal skopijiet kummerċjali kif ukoll mhux kummerċjali.