Kapitlu 7 – Inħarsu lin-nies u l-libertajiet
Introduzzjoni
Fl-2023, hekk kif finalment tneħħa l-istatus tal-COVID-19 bħala emerġenza tas-saħħa dinjija, tlestew l-aħħar sisien tal-Unjoni Ewropea tas-Saħħa. Fil-futur, l-Istati Membri kollha tal-Unjoni Ewropea se jkunu mħejjija aħjar biex jindirizzaw kriżi tas-saħħa pubblika flimkien u jkunu jistgħu jipproteġu aħjar kemm is-saħħa fiżika kif ukoll is-saħħa mentali taċ-ċittadini tagħhom. L-UE saħħet ir-rispons tagħha għall-isfida komuni tal-migrazzjoni bis-saħħa tal-leġiżlazzjoni — bil-ftehim politiku bejn il-Parlament Ewropew u l-Kunsill dwar il-Patt dwar il-Migrazzjoni u l-Ażil, u miżuri operazzjonali — u bis-saħħa ta’ sħubijiet komprensivi ma’ pajjiżi li mhumiex fl-UE.
Matul l-2023, kellna wkoll is-sħubija tal-Kroazja fiż-żona Schengen, u għalhekk bdiet tgawdi l-benefiċċji sħaħ ta’ membru fl-akbar żona tal-moviment liberu fid-dinja. Il-Kunsill tal-Unjoni Ewropea ħa wkoll id-deċiżjoni storika li jilqa’ lill-Bulgarija u lir-Rumanija fiż-żona Schengen, u beda bit-tneħħija tal-kontrolli fil-fruntieri tal-ajru u tal-baħar mill-aħħar ta’ Marzu 2024. L-UE ħadet ukoll passi komprensivi biex tipproteġi liċ-ċittadini tagħha mit-theddid intern u minn theddid li jkun ġej minn barra l-fruntieri tagħha.
Nipproteġu liċ-ċittadini
L-attakki terroristiċi fi skola fi Franza u fit-toroq ta’ Brussell f’Ottubru 2023 kienu tfakkira ċara tal-urġenza li jissoktaw l-adattament u t-tisħiħ tal-arkitettura tas-sigurtà tal-UE. Matul is-sena ġew miftiehma għadd ta’ miżuri biex jgħinu fil-ġlieda kontra l-kriminalità organizzata, it-terroriżmu, it-traffikar tal-bnedmin, it-traffikar tad-drogi u l-korruzzjoni.
Il-Kummissjoni ħeġġet ukoll lill-Istati Membri biex jieħdu l-passi meħtieġa ħalli jiżguraw il-konformità sħiħa mar-Regolament li jindirizza t-tixrid tal-kontenut terroristiku online - jinfetaħ f’tab ġdida., li jobbliga lill-fornituri tas-servizzi jneħħu l-kontenut terroristiku fi żmien siegħa minn meta jirċievu ordni ta’ tneħħija mingħand l-awtoritajiet tal-Istati Membri. F’Ottubru ġie ppubblikat sett ta’ rakkomandazzjonijiet - jinfetaħ f’tab ġdida. biex l-Istati Membri jikkoordinaw ir-rispons tagħhom kontra t-tixrid u t-tkattir tal-kontenut illegali, bħall-kontenut terroristiku jew id-diskors ta’ mibegħda illegali, qabel ma jikkaġuna xi theddida serja għas-sigurtà pubblika. (Ara l-Kapitlu 5 għal aktar dettalji.)
L-UE hija impenjata li żżid l-azzjoni kontra kull forma ta’ mibegħda. Wara żieda allarmanti fid-diskors ta’ mibegħda u r-reati tal-mibegħda — immirati b’mod partikolari lejn il-komunitajiet Lhud u Musulmani — il-Kummissjoni Ewropea flimkien mar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, Josep Borrell, nedew sejħa għal azzjoni - jinfetaħ f’tab ġdida. lill-Ewropej kollha biex jieqfu kontra l-mibegħda u jitkellmu favur it-tolleranza u r-rispett. Bil-komunikazzjoni konġunta, l-UE qed issaħħaħ l-azzjoni f’oqsma ta’ politika bħas-sigurtà, il-qasam diġitali, l-edukazzjoni, il-kultura u l-isport. Din tinkludi finanzjament addizzjonali biex jiġu protetti l-postijiet tal-qima, b’rappreżentanti maħtura apposta biex isarrfu l-akbar potenzjal possibbli tal-politiki tal-UE fil-ġlieda kontra l-mibegħda.
Il-Kummissjoni ħeġġet ukoll lill-Kunsill biex jestendi l-lista attwali tar-reati tal-UE stabbilita fit-trattati biex tkun tinkludi d-diskors tal-mibegħda u r-reati tal-mibegħda, kif propost fl-2021 - jinfetaħ f’tab ġdida., u tenniet l-importanza li tiġi intensifikata l-implimentazzjoni tal-Istrateġija 2021–2030 dwar il-Ġlieda kontra l-Antisemitiżmu u t-Trawwim tal-Ħajja Lhudija - jinfetaħ f’tab ġdida..
Iċ-ċittadini u n-negozji fl-UE jiddependu fuq infrastruttura kritika li tipprovdi s-servizzi essenzjali. F’xenarju ġeopolitiku u tas-sigurtà dejjem aktar kumpless, l-UE qed tieħu azzjoni biex tnaqqas il-vulnerabbiltajiet u żżid ir-reżiljenza f’dan il-qasam. Il-Kummissjoni adottat lista ta’ servizzi essenzjali - jinfetaħ f’tab ġdida., marbuta mal-infrastruttura kritika, li trid tiġi vvalutata mill-Istati Membri. Il-Kummissjoni pproponiet ukoll Pjan ta’ Azzjoni għall-Infrastruttura Kritika - jinfetaħ f’tab ġdida. biex issaħħaħ il-koordinazzjoni fil-livell tal-UE fejn jidħol ir-rispons għall-inċidenti transfruntiera sinifikanti.
Bħala parti minn pakkett ta’ miżuri - jinfetaħ f’tab ġdida. adottat fit-30 anniversarju taċ-ċittadinanza tal-UE - jinfetaħ f’tab ġdida., f’Diċembru, il-Kummissjoni pproponiet li temenda r-regoli biex tipproteġi u tappoġġa liċ-ċittadini tal-UE barra minn pajjiżhom fi żminijiet ta’ kriżi. Id-Direttiva riveduta dwar il-Protezzjoni Konsulari - jinfetaħ f’tab ġdida. għandha l-għan li tiżgura protezzjoni aħjar u aktar faċli liċ-ċittadini meta jivvjaġġaw barra mill-UE, jekk pajjiżhom ma jkollux konsulat jew ambaxxata fejn ikunu.
Inqawwu l-ġlieda kontra t-traffikar tad-droga
It-traffikar tad-droga jħalli ħafna qligħ fil-bwiet tal-kriminali, bħalma qed turi ż-żieda bla preċedent fl-ammont tad-drogi illeċiti disponibbli fl-Ewropa u l-fatt li s-sekwestri tad-drogi fl-UE qed jilħqu livelli rekord. L-impatt tan-networks kriminali involuti fl-attivitajiet illeċiti jinħass fil-qalba tal-komunitajiet u fl-ekonomiji, u jitlob rispons kollettiv u kkoordinat mill-gvernijiet, l-awtoritajiet tal-infurzar tal-liġi u l-atturi privati f’setturi ewlenin.
Il-profitt stmat tal-kriminalità organizzata minn attivitajiet illeċiti, inkluż it-traffikar tad-droga, huwa ta’ madwar €139 biljun fis-sena, li huwa ekwivalenti għal 1 % tal-prodott domestiku gross tal-UE.
50 % tal-omiċidji kollha fl-Ewropa huma marbuta direttament mat-traffikar tad-droga.
70 % tas-sekwestri kollha tad-droga fl-UE jsiru fil-portijiet.
40 % tan-networks kriminali attivi fl-UE huma involuti fil-kummerċ tad-drogi illegali.
Is-suq Ewropew tal-kokaina żdied b’416 % bejn l-2011 u l-2021.
Kien hemm 6,200 mewta minn dożi eċċessivi ta’ drogi fl-2021 fl-UE.
Biex iżżid l-isforzi tal-UE fil-ġlieda kontra l-kriminalità organizzata u t-traffikar tad-droga, f’Ottubru l-Kummissjoni stabbiliet pjan direzzjonali - jinfetaħ f’tab ġdida. bi 17-il azzjoni mmirata f’erba’ oqsma ta’ prijorità. Il-miżuri jibnu fuq l-implimentazzjoni attwali tal-Istrateġija tal-UE dwar il-Kriminalità Organizzata - jinfetaħ f’tab ġdida. 2021–2025 u l-Istrateġija tal-UE dwar id-Drogi - jinfetaħ f’tab ġdida..
Pjan direzzjonali ġdid tal-UE għall-ġlieda kontra t-traffikar tad-drogi u l-kriminalità organizzata
Iż-żieda tar-reżiljenza tal-portijiet kontra t-traffikar tad-drogi u l-infiltrazzjoni kriminali.
Iż-żarmar ta’ networks kriminali ta’ riskju għoli permezz ta’ investigazzjonijiet aktar koordinati u l-użu ta’ allerti tas-Sistema ta’ Informazzjoni ta’ Schengen.
Miżuri għall-prevenzjoni tal-kriminalità organizzata permezz tal-iskambju tal-aħjar prattiki fost l-Istati Membri.
Ħidma ma’ sħab internazzjonali, inkluż fil-Punent tal-Afrika, fl-Amerka Latina u fil-Karibew.
Barra minn hekk, l-UE qed issaħħaħ il-mandat tal-atturi ewlenin fil-ġlieda kontra t-traffikar tad-drogi, pereżempju billi fl-2024 tistabbilixxi l-Aġenzija l-ġdida tal-UE dwar id-Drogi - jinfetaħ f’tab ġdida.. L-Aġenzija se tiżviluppa sistema Ewropea tat-twissija dwar id-drogi biex l-awtoritajiet nazzjonali jiġu mgħarrfa malajr dwar is-sustanzi perikolużi ġodda li jidħlu fis-suq. L-UE żiedet ukoll il-finanzjament għall-Pjattaforma Multidixxiplinari Ewropea kontra t-Theddid tal-Kriminalità - jinfetaħ f’tab ġdida., u nkisbu riżultati sinifikanti - jinfetaħ f’tab ġdida.. Barra minn hekk, se tissokta tinvesti f’soluzzjonijiet innovattivi għall-aġenziji tal-infurzar tal-liġi ħalli tgħinhom iżommu l-pass mal-bidla teknoloġika u jibqgħu effettivi fil-protezzjoni taċ-ċittadini llum u fil-futur.
Il-korruzzjoni hija theddida għas-sigurtà għax tiftaħ il-bibien u tixpruna l-kriminalità organizzata, it-terroriżmu u forom oħra ta’ kriminalità, fosthom il-ħasil tal-flus u t-traffikar tad-droga. Fl-2023, il-Kummissjoni pproponiet leġiżlazzjoni ġdida - PDF file – jinfetaħ f’tab ġdida. biex tiġġieled il-korruzzjoni u nediet network tal-UE kontra l-korruzzjoni - jinfetaħ f’tab ġdida.. Barra minn hekk, f’Ġunju l-Parlament Ewropew u l-Kunsill ftiehmu fuq regoli ġodda - jinfetaħ f’tab ġdida. dwar l-aċċess għall-informazzjoni finanzjarja, u dawn se jagħtu aċċess malajr lill-awtoritajiet tal-infurzar tal-liġi għal informazzjoni dwar il-kontijiet fejn il-kriminali u t-terroristi jkunu qed iżommu jew jaħbu l-fondi jew l-assi tagħhom.
Fl-istess xahar, l-UE adottat regoli ġodda - jinfetaħ f’tab ġdida. ħalli jeħfief u jitħaffef il-proċess li bih l-awtoritajiet tal-infurzar tal-liġi u ġudizzjarji jiksbu l-evidenza elettronika meħtieġa biex jinvestigaw u jressqu lill-kriminali. Dan ifisser li awtorità ġudizzjarja fi Stat Membru partikolari se tkun tista’ tikseb evidenza elettronika mingħand fornitur tas-servizzi (bħal kumpanija tat-telekomunikazzjoni jew tal-midja soċjali) jew mingħand ir-rappreżentant legali tiegħu fi Stat ieħor.
Immaġni: © Adobe Stock
85 % tal-investigazzjonijiet kriminali jinvolvu data diġitali.
Issir talba transfruntiera biex tinkiseb evidenza elettronika f’aktar minn 50 % tal-investigazzjonijiet kriminali kollha.
Iż-żmien medju meħtieġ biex tinkiseb evidenza elettronika kien ta’ 10 xhur għal proċeduri ta’ assistenza legali reċiproka u 120 jum għall-Ordnijiet ta’ Investigazzjoni Ewropej.
Ir-regoli l-ġodda (effettivi mill-2026) se jnaqqsu ż-żmien meħtieġ biex tinkiseb evidenza elettronika għal 10 ijiem biss, u f’każijiet ta’ emerġenza għal inqas minn 8 sigħat.
Resqin lejn politika ġdida dwar il-migrazzjoni
Il-Patt il-Ġdid dwar il-Migrazzjoni u l-Ażil - jinfetaħ f’tab ġdida. tfassal biex jimmaniġġja u jinnormalizza l-migrazzjoni fit-tul, filwaqt li jipprovdi ċ-ċertezza u kundizzjonijiet deċenti lill-persuni li jaslu fl-UE. Hu maħsub ukoll biex jistabbilixxi approċċ komuni tal-UE għall-migrazzjoni u l-ażil, imsejjes fuq is-solidarjetà, ir-responsabbiltà u r-rispett għad-drittijiet tal-bniedem.
F’Diċembru, il-Parlament u l-Kunsill laħqu ftehim dwar ħames proposti ewlenin - jinfetaħ f’tab ġdida. tal-patt. Ladarba dawn il-proposti jiġu adottati formalment, il-patt se jkun fis-seħħ, u b’hekk jinħoloq qafas legali li jibbilanċja s-solidarjetà u r-responsabbiltà bejn l-Istati Membri għal approċċ effettiv u ġust għall-immaniġġjar tal-migrazzjoni.
Il-Patt il-Ġdid dwar il-Migrazzjoni u l-Ażil: proposti ewlenin - jinfetaħ f’tab ġdida. maqbula fl-2023
Ir-Regolament dwar il-Ġestjoni tal-Ażil u tal-Migrazzjoni
Jistabbilixxi mekkaniżmu ġdid ta’ solidarjetà biex jibbilanċja s-sistema attwali fejn ftit Stati Membri huma responsabbli għall-maġġoranza l-kbira tal-applikazzjonijiet għall-ażil, u jistabbilixxi regoli ċari dwar ir-responsabbiltà għall-applikazzjonijiet għall-ażil.
Ir-Regolament dwar il-Proċedura tal-Ażil
Jindirizza l-proċedura komuni li l-Istati Membri għandhom isegwu meta l-persuni jfittxu protezzjoni internazzjonali, u b’hekk il-proċeduri tal-ażil, tar-ritorn u tal-fruntieri jsiru aktar rapidi u aktar effettivi.
Ir-Regolament dwar Sitwazzjonijiet ta’ Kriżi
Għandu l-għan li jiżgura li l-UE tkun ippreparata fil-futur biex tiffaċċja sitwazzjonijiet ta’ kriżi, inkluż l-istrumentalizzazzjoni tal-migranti.
Ir-Regolament Eurodac
Jistabbilixxi bażi tad-data komuni li tiġbor flimkien data aktar preċiża u kompluta.
Ir-Regolament dwar l-Iskrinjar
Joħloq regoli uniformi dwar l-identifikazzjoni ta’ ċittadini mhux tal-UE mal-wasla tagħhom, u b’hekk tiżdied is-sigurtà fiż-żona Schengen.
B’mod paralleli, issaħħu miżuri operazzjonali li jappoġġaw lill-Istati Membri tul ir-rotot migratorji ewlenin lejn l-Ewropa. Fl-2023, il-Kummissjoni ppreżentat pjanijiet ta’ azzjoni dwar ir-rotot tal-Mediterran tal-Lvant - jinfetaħ f’tab ġdida. u tal-Mediterran tal-Punent u tal-Atlantiku - jinfetaħ f’tab ġdida., b’miżuri prattiċi mfassla għall-pajjiżi tal-oriġini u tat-tranżitu rilevanti. Dawn jikkumplimentaw il-pjanijiet ta’ azzjoni għar-rotot tal-Balkani tal-Punent - jinfetaħ f’tab ġdida. u tal-Mediterran Ċentrali - jinfetaħ f’tab ġdida., ippreżentati fl-2022. Il-miżuri li ħadu l-UE, l-Istati Membri u s-sħab internazzjonali għenu fl-immaniġġjar tan-numri tal-wasliet irregolari.
Tnieda mill-ġdid il-Grupp ta’ Kuntatt Ewropew dwar it-Tiftix u s-Salvataġġ - jinfetaħ f’tab ġdida. biex jippromwovi koordinazzjoni aktar mill-qrib u l-aqwa prattiki, b’mod partikolari fost l-istati tal-bandiera tal-bastimenti - jinfetaħ f’tab ġdida. u l-istati kostali. Barra minn hekk, 19-il Stat Membru u l-erba’ pajjiżi assoċjati ma’ Schengen (l-Iżlanda, il-Liechtenstein, in-Norveġja u l-Iżvizzera) impenjaw ruħhom li jimplimentaw Mekkaniżmu Volontarju tas-Solidarjetà mfassal biex jappoġġa lill-aktar Stati Membri affettwati mill-isfidi migratorji. L-UE kompliet ukoll issegwi mill-qrib is-sitwazzjoni migratorja permezz tal-Mekkaniżmu tal-UE għat-Tħejjija u l-Ġestjoni tal-Kriżijiet relatati mal-Migrazzjoni - jinfetaħ f’tab ġdida. biex jissaħħaħ ir-rispons konġunt.
Għall-perjodu 2021–2027, il-Kummissjoni warrbet €11.5-il biljun għall-Istati Membri u l-pajjiżi assoċjati ma’ Schengen biex iwettqu programmi li jindirizzaw sfidi fil-migrazzjoni, fl-immaniġġjar tal-fruntieri u tas-sigurtà.
Wara żieda fil-wasliet mill-Afrika ta’ Fuq fuq il-gżira Taljana ta’ Lampedusa f’Settembru, l-UE stabbiliet pjan ta’ 10 punti - jinfetaħ f’tab ġdida. li jinvolvi miżuri prattiċi biex tonqos il-migrazzjoni irregolari u tingħata assistenza immedjata lill-awtoritajiet Taljani.
Nissieltu l-migrazzjoni irregolari
Ġlieda kontra d-dħul klandestin tal-migranti
Il-ġlieda u l-prevenzjoni tal-faċilitazzjoni tad-dħul klandestin tal-migranti u t-traffikar tal-bnedmin huma tnejn mill-prijoritajiet tal-UE, tant kruċjali biex tiġi indirizzata l-migrazzjoni irregolari b’mod komprensiv. In-networks li jiffaċilitaw id-dħul klandestin tal-migranti jafu kif jisfruttaw it-toqob legali u qed jużaw metodi ġodda tar-reklutaġġ, bħall-midja soċjali u l-apps mobbli. Dan l-iżvilupp, magħruf bħala faċilitazzjoni diġitali, hu sfida ġdida għall-awtoritajiet tal-infurzar tal-liġi u ġudizzjarji. Il-faċilitazzjoni tad-dħul klandestin tal-migranti u t-traffikar tal-bnedmin ħafna drabi jkunu interrelatati: in-networks li jiffaċilitaw il-wasliet klandestini jisfruttaw lill-migranti tul ir-rotot jew inkella jiffaċilitaw id-dħul klandestin tagħhom biex ikunu jistgħu jiġu sfruttati fl-Ewropa.
It-Task forces operazzjonali appoġġati mill-Aġenzija tal-Unjoni Ewropea għall-Koperazzjoni fl-Infurzar tal-Liġi - jinfetaħ f’tab ġdida. u l-iskwadri tal-investigazzjoni konġunta permezz tal-Aġenzija tal-Unjoni Ewropea għall-Kooperazzjoni fil-Ġustizzja Kriminali - jinfetaħ f’tab ġdida. qed isaħħu l-isforzi kontra n-networks li jiffaċilitaw id-dħul klandestin tal-migranti. Pereżempju nħolqot task force operazzjonali bħala parti mis-segwitu li qed tagħmel l-Italja għall-pjan ta’ 10 punti għal Lampedusa. L-Aġenzija tal-Unjoni Ewropea għat-Taħriġ fl-Infurzar tal-Liġi - jinfetaħ f’tab ġdida. qed tikkontribwixxi wkoll għall-isforzi fil-ġlieda kontra l-organizzazzjonijiet kriminali.
F’konformità mal-Pjan ta’ Azzjoni tal-UE kontra l-Faċilitazzjoni tad-Dħul Klandestin tal-Migranti (2021–2025) - jinfetaħ f’tab ġdida., tnediet Sħubija Operazzjonali mat-Tuneżija kontra l-Faċilitazzjoni tad-Dħul Klandestin tal-Migranti, abbażi tas-sħubijiet konklużi fl-2022 mal-Marokk, in-Niġer u l-Balkani tal-Punent.
Issa mod ġdid kif gradwalment in-networks bdew jiffaċilitaw il-migrazzjoni irregolari lejn l-UE hu bil-mezzi kummerċjali tat-trasport, l-aktar bl-ajru. Biex tindirizza dan, f’Ġunju l-Kummissjoni adottat sett ta’ miżuri - jinfetaħ f’tab ġdida. li jappoġġaw lill-Istati Membri, inkluż bit-tixrid tal-għarfien fost l-operaturi tat-trasport.
F’Novembru, il-Kummissjoni pproponiet aġġornament - jinfetaħ f’tab ġdida. tal-qafas leġiżlattiv tal-UE, li kien sar 20 ilu, għall-ġlieda kontra l-faċilitazzjoni tad-dħul klandestin tal-migranti. Din il-proposta kienet tinkludi proposta li tistabbilixxi regoli minimi - jinfetaħ f’tab ġdida. għall-prevenzjoni u l-ġlieda kontra l-faċilitazzjoni tad-dħul, tat-tranżitu u tas-soġġorn mhux awtorizzati fl-UE, b’penali aktar stretti għall-kuntrabandisti. Regoli ġodda jsaħħu r-rwol tal-aġenziji tal-UE, b’mod partikolari tal-Aġenzija tal-Unjoni Ewropea għall-Koperazzjoni fl-Infurzar tal-Liġi, u jżidu l-kooperazzjoni mal-pajjiżi sħab biex il-kwistjoni jindirizzawha globalment. L-UE nediet ukoll Sejħa għal Azzjoni għal Alleanza Dinjija għall-Ġlieda Kontra l-Faċilitazzjoni tad-Dħul Klandestin tal-Migranti - PDF file – jinfetaħ f’tab ġdida..
90 % tal-migranti irregolari jiddaħħlu minn faċilitaturi tad-dħul klandestin.
15,000 faċilitatur tad-dħul klandestin ġew irrappurtati mill-Europol fl-2022.
Kien hemm 331,000 dħul irregolari fil-fruntieri esterni tal-UE fl-2022.
Sfidi emerġenti
Għal immaniġġjar effiċjenti tal-migrazzjoni hemm bżonn politika kkoordinata dwar il-viżi. L-UE għandha arranġamenti mingħajr viża ma’ aktar minn 60 pajjiż, li jipprovdu ħafna benefiċċji liċ-ċittadini taż-żewġ naħat, kif ukoll lill-Istati Membri u lill-pajjiżi sħab. Madankollu, l-ivvjaġġar mingħajr viża joħloq bosta sfidi migratorji u tas-sigurtà - jinfetaħ f’tab ġdida.. Pereżempju, in-nuqqas ta’ allinjament biżżejjed mal-politika tal-UE dwar il-viżi jista’ jbiddel pajjiż mingħajr viża f’ċentru tat-tranżitu għall-wasliet irregolari fl-UE. Barra minn hekk, l-iskemi taċ-ċittadinanza bl-investiment li jħaddmu ċerti pajjiżi mingħajr viża barra mill-UE joħolqu riskji għas-sigurtà.
Bħala tweġiba għal dan, il-Kummissjoni pproponiet reviżjoni - jinfetaħ f’tab ġdida. tal-Mekkaniżmu attwali tas-Sospensjoni tal-Viża - jinfetaħ f’tab ġdida.. Il-proposta tintroduċi raġunijiet ġodda li jwasslu għal sospensjoni tar-reġimi mingħajr viża, limiti aktar flessibbli li jwasslu biex jiskatta l-mekkaniżmu, u dispożizzjonijiet biex jissaħħu l-obbligi tal-monitoraġġ u tar-rappurtar.
F’Ottubru, il-Kummissjoni ppreżentat ukoll is-sitt rapport - jinfetaħ f’tab ġdida. lill-Parlament abbażi tal-Mekkaniżmu tas-Sospensjoni tal-Viża. Ir-rapport ikopri l-iżviluppi fil-pajjiżi mingħajr viża fil-Balkani tal-Punent u s-Sħubija tal-Lvant. Jiffoka wkoll fuq pajjiżi fil-Paċifiku u l-Karibew li jħaddmu skemi taċ-ċittadinanza bl-investiment.
Insaħħu l-immaniġġjar tal-fruntieri
F’Marzu ġiet ippreżentata l-ewwel Strateġija Ewropea għall-Ġestjoni tal-Fruntieri - jinfetaħ f’tab ġdida. li qatt saret. Din tipprovdi qafas ikkoordinat għall-awtoritajiet nazzjonali u għal aktar minn 120,000 impjegat fl-awtoritajiet nazzjonali tal-fruntieri u fl-Aġenzija Ewropea għall-Gwardja tal-Fruntiera u tal-Kosta - jinfetaħ f’tab ġdida. li jaħdmu flimkien biex jipproteġu l-fruntieri tal-UE. Il-viżjoni komuni tfasslet wara perjodu estensiv ta’ konsultazzjoni bejn l-istituzzjonijiet. L-istrateġija tnaqqas ukoll id-dipendenza fuq it-teknoloġiji kritiċi minn pajjiżi mhux tal-UE billi taħtaf ir-riżultati tar-riċerka u l-innovazzjoni tal-UE dwar l-immaniġġjar tal-fruntieri.
Il-Kummissjoni ħadet passi oħrajn biex tissawwar is-sistema komuni tal-UE għall-ġestjoni tar-ritorn tal-migranti irregolari, inkluż b’Rakkomandazzjoni dwar ir-Rikonoxximent Reċiproku tad-Deċiżjonijiet tar-Ritorn u t-Tħaffif tar-Ritorni - jinfetaħ f’tab ġdida.. Il-Kordinatur tar-Ritorni - jinfetaħ f’tab ġdida. tal-UE, bl-appoġġ ta’ rappreżentanti tal-Istati Membri u tal-Aġenzija Ewropea għall-Gwardja tal-Fruntiera u tal-Kosta, iffinalizza l-istrateġija operazzjonali li tiggwida ħidmet in-Network ta’ Livell Għoli għar-Ritorni u beda jimplimentaha. Il-Kummissjoni diġà qed taħdem flimkien mal-Istati Membri dwar azzjonijiet tar-ritorn immirati. L-Istati Membri rrapportaw żieda ta’ 9 % fid-deċiżjonijiet tar-ritorn maħruġa lil ċittadini mhux tal-UE bejn Jannar u Settembru 2023, meta mqabbla mal-istess perjodu tas-sena ta’ qabel.
Perkorsi sikuri u legali lejn l-Ewropa
L-iskarsezzi tal-ħiliet għadhom jippersistu fl-UE, f’firxa ta’ setturi, u f’diversi livelli tal-ħiliet. L-UE qed tistinka biex issolvi dawn l-iskarsezzi fi ħdanha, billi taħtaf il-potenzjal tal-forza tax-xogħol domestika tal-UE. Iżda biex tindirizza bis-sħiħ din l-isfida u l-impatti tat-tibdil demografiku, l-UE jeħtieġ ukoll tagħmel iżjed ħalli tattira ħiliet u talent minn madwar id-dinja kollha.
L-implimentazzjoni tal-pakkett tal-ħiliet u t-talent - jinfetaħ f’tab ġdida. adottat f’April 2022 qed tgħin biex is-suq tax-xogħol tal-UE jsir aktar attraenti għat-talent minn barra l-UE. Fost il-miżuri kien hemm proposti leġiżlattivi li jissimplifikaw il-proċeduri tal-applikazzjoni għaċ-ċittadini mill-pajjiżi mhux tal-UE li jridu jaħdmu fl-UE u biex jissaħħu d-drittijiet tagħhom. In-negozjati qabdu ritmu tajjeb, u f’Diċembru 2023 sar ftehim politiku bejn il-Parlament u l-Kunsill dwar ir-reviżjoni tad-Direttiva dwar il-Permess Uniku - jinfetaħ f’tab ġdida., u ftehim dwar aġġornament tad-Direttiva dwar ir-Residenti fit-Tul - jinfetaħ f’tab ġdida. mistenni qabel tmiem il-mandat tal-Kummissjoni attwali.
F’Novembru, il-Kummissjoni ppreżentat pakkett dwar il-mobbiltà tat-talenti - jinfetaħ f’tab ġdida. b’miżuri addizzjonali dwar l-attrazzjoni tat-talent. B’mod partikolari, dan jipproponi li tinħoloq Riżerva tat-Talent tal-UE, l-ewwel pjattaforma għall-UE kollha għat-tqabbil tat-talenti taċ-ċittadini tal-pajjiżi terzi li jixtiequ jiġu jaħdmu fl-UE mal-ħtiġijiet tal-impjegaturi fl-Istati Membri. Il-pakkett jinkludi wkoll miżuri għar-rikonoxximent tal-kwalifiki taċ-ċittadini mill-pajjiżi terzi u li jiffaċilitaw il-mobbiltà għat-tagħlim. L-UE qed tiżviluppa wkoll sħubijiet tat-talent ma’ pajjiżi sħab ewlenin biex tistabbilixxi koperazzjoni ta’ benefiċċju reċiproku dwar il-mobbiltà u l-iżvilupp tal-ħiliet. (Ara wkoll il-Kapitlu 5.)
Iż-żona Schengen
Fl-ewwel tkabbir taż-żona Schengen - jinfetaħ f’tab ġdida. f’aktar minn għaxar snin, fl-1 ta’ Jannar 2023 il-Kroazja saret is-27 pajjiż li ngħaqad mal-ispazju tal-ivvjaġġar mingħajr fruntieri. Minbarra 23 Stat Membru, anki l-Iżlanda, il-Liechtenstein, in-Norveġja u l-Iżvizzera huma membri ta’ Schengen. F’Diċembru, il-Kunsill iddeċieda - jinfetaħ f’tab ġdida. b’vot unanimu li jilqa’ lill-Bulgarija u lir-Rumanija fiż-żona Schengen, u beda bit-tneħħija tal-kontrolli fil-fruntieri tal-ajru u tal-baħar mill-aħħar ta’ Marzu 2024. L-adeżjoni tagħhom se tagħti spinta lill-ivvjaġġar, il-kummerċ u t-turiżmu, u se tkompli tikkonsolida s-Suq Uniku. Matul l-2024 se jitkomplew id-diskussjonijiet dwar deċiżjoni oħra li tneħħi l-kontrolli fil-fruntieri tal-art. Żona Schengen akbar tagħmel lill-UE aktar b’saħħitha bħala Unjoni, kif stabbilit fir-“Rapport dwar l-Istat ta’ Schengen 2023 - jinfetaħ f’tab ġdida.”.
Is-Sistema ta’ Informazzjoni ta’ Schengen - jinfetaħ f’tab ġdida. imġedda daħlet fis-seħħ f’Marzu 2023. Din tipprovdi possibbiltajiet ġodda lill-Istati Membri biex jappoġġaw il-koperazzjoni transfruntiera u l-iskambju tal-informazzjoni fiż-żona Schengen. Wara tħejjijiet intensivi mill-awtoritajiet Ċiprijotti biex jiżguraw li jkunu lesti jipproċessaw id-data tas-Sistema ta’ Informazzjoni ta’ Schengen, Ċipru ngħaqad mas-sistema f’Lulju.
Illum, il-proċeduri tal-viża għaż-żona Schengen għadhom jiddependu ħafna fuq il-burokrazija, u din iżżid l-ispejjeż għall-vjaġġaturi daqskemm għall-istati parteċipanti. Fl-2023, l-UE adottat regoli ġodda - jinfetaħ f’tab ġdida. li jippermettu d-diġitalizzazzjoni tal-proċeduri, bħala riżultat konkret ewlieni skont l-Istrateġija Schengen - jinfetaħ f’tab ġdida. li ppreżentat il-Kummissjoni f’Ġunju 2021.
80 % tan-nies fl-UE jaħsbu li huwa importanti li tittejjeb is-sigurtà fil-fruntieri.
77 % jixtiequ jaraw proċeduri aċċellerati fil-fruntieri.
68 % huma favur dokumenti diġitali tal-ivvjaġġar u 72 % jaqblu li l-użu volontarju tal-kredenzjali diġitali tal-ivvjaġġar se jaċċellera l-proċeduri tal-ivvjaġġar.
Sors: Ewrobarometru Speċjali 536 - jinfetaħ f’tab ġdida., Settembru 2023.
Inħarsu d-drittijiet tal-passiġġieri
F’Ġunju daħlu fis-seħħ regoli ġodda tal-UE li jipproteġu l-passiġġieri tal-ferroviji - jinfetaħ f’tab ġdida.. Il-passiġġieri tal-ferroviji issa huma protetti aħjar jekk jinqala’ xi tfixkil waqt l-ivvjaġġar tagħhom, u l-kumpaniji ferrovjarji jridu jiżguraw esperjenza tal-ivvjaġġar bla problemi lill-passiġġieri b’mobbiltà mnaqqsa. L-obbligu li l-kumpaniji ferrovjarji jaqsmu d-data dwar it-traffiku u l-ivvjaġġar fil-ħin reali jwitti wkoll it-triq għal offerti tal-biljetti aktar kompetittivi.
Il-Kummissjoni pproponiet ukoll li jkomplu jissaħħu d-drittijiet eżistenti tal-passiġġieri - jinfetaħ f’tab ġdida. fir-rigward tal-modi kollha tat-trasport. Il-proposta tiffoka fuq it-titjib tal-infurzar tad-drittijiet tal-passiġġieri (l-infurzar ġenerali u r-rimedju individwali), id-drittijiet tal-passiġġieri li jużaw diversi modi tat-trasport, u r-rimborż għall-biljetti tal-ajru mixtrija mingħand l-intermedjarji.
Saħħa aħjar
Il-Pjan tal-Ewropa biex Jingħeleb il-Kanċer
Il-Pjan tal-Ewropa biex Jingħeleb il-Kanċer - jinfetaħ f’tab ġdida. hu l-aktar inizjattiva komprensiva li qatt ħadet l-UE biex tiġġieled il-kanċer, il-kawża ewlenija tal-mewt fost ir-residenti tal-UE taħt il-65 sena, b’baġit ta’ €4 biljun biex tappoġġa l-azzjoni.
Minn mindu tnieda fl-2021, l-UE diġà wettqet diversi inizjattivi ewlenin tal-pjan. B’Ċentru ġdid tal-Għarfien dwar il-Kanċer - jinfetaħ f’tab ġdida. u bl-ewwel Reġistru Ewropew tal-Inugwaljanzi b’rabta mal-Kanċer - jinfetaħ f’tab ġdida. flimkien mat-tnedija ta’ Network Ewropew tas-Superstiti Żgħażagħ tal-Kanċer - jinfetaħ f’tab ġdida. u miżuri ġodda - jinfetaħ f’tab ġdida. biex il-kanċer jiġi individwat kmieni - jinfetaħ f’tab ġdida., l-UE qed taħdem biex tbiddel ir-realtajiet tal-kanċer għall-pazjenti u l-familji tagħhom.
Fl-2023, l-UE kompliet tikseb ir-riżultati. L-Inizjattiva Ewropea dwar l-Immaġnijiet tal-Kanċer - jinfetaħ f’tab ġdida., imnedija f’Jannar, għandha l-għan li tiffaċilita l-aċċess u l-użu tal-immaġnijiet mediċi u ta’ teknoloġiji diġitali (bħall-intelliġenza artifiċjali) biex il-kanċer jiġi individwat u indirizzat aħjar. F’Settembru, l-inizjattiva kisbet l-ewwel tappa tagħha bit-tnedija - jinfetaħ f’tab ġdida. tal-Pjattaforma Ewropea dwar l-Immaġnijiet tal-Kanċer - jinfetaħ f’tab ġdida.. Din tgħaqqad 36 sett tad-data ta’ immaġnijiet ta’ disa’ tipi ta’ kanċer (is-sider, il-kolon, il-pulmun, il-prostata, ir-rektum, il-fwied, il-glijoma tal-pontina intrinsika diffuża, in-newroblastoma u l-glijoblastoma), li jinkludu aktar minn 200,000 serje ta’ immaġnijiet ta’ madwar 20,000 individwu.
L-Inizjattiva Ewropea dwar l-Immaġnijiet tal-Kanċer se:
tikkapitalizza fuq l-avvanzi reċenti mis-sistemi ta’ intelliġenza artifiċjali u s-suċċessi tagħhom biex jgħinu lill-professjonisti mediċi jidentifikaw u jiddijanjostikaw il-kanċer
tappoġġa l-pilotaġġ u l-iżvilupp ta’ soluzzjonijiet innovattivi megħjuna mill-kompjuter biex jinkisbu preċiżjoni u affidabbiltà akbar fl-immaġnijiet tal-kanċer u fil-kura personalizzata, f’konformità mal-objettivi tal-Pjan tal-Ewropa biex Jingħeleb il-Kanċer
turi kif l-immaġnijiet mediċi jistgħu jiġu aċċessati, użati u miġbura flimkien filwaqt li jiġi żgurat livell għoli ta’ etika, fiduċja, sigurtà u protezzjoni tad-data personali, f’konformità sħiħa mal-valuri u mar-regoli tal-UE
L-ewwel sett ta’ Profili tal-Pajjiżi b’rabta mal-Kanċer - jinfetaħ f’tab ġdida. għall-Istati Membri, l-Iżlanda u n-Norveġja juri - jinfetaħ f’tab ġdida. li dawn jonfqu ammont ġmielu fuq il-kura tal-kanċer (kważi €170 biljun fl-2018). Il-kanċer tal-pulmun jibqa’ bil-bosta l-aktar kawża komuni tal-imwiet mill-kanċer, u għad hemm inugwaljanzi kbar fir-rati tal-mortalità bil-kanċer bejn il-pajjiżi u anki fi ħdanhom.
Il-kanċer huwa t-tieni kawża ewlenija ta’ mewt fl-UE, li jammonta għal 26 % tal-imwiet kollha - jinfetaħ f’tab ġdida..
Il-mortalità mill-kanċer hija kważi 75 % ogħla fost l-irġiel fl-UE.
50 % aktar persuni - jinfetaħ f’tab ġdida. minn gruppi b’introjtu aktar baxx milli minn gruppi b’introjtu ogħla jpejpu kuljum.
Il-parteċipazzjoni fl-iskrinjar tal-kanċer ċervikali tvarja bi kważi fattur ta’ tnejn - jinfetaħ f’tab ġdida. skont il-livell tal-edukazzjoni.
Minħabba l-COVID-19, l-iskrinjar tal-kanċer fil-biċċa l-kbira tal-Istati Membri naqas fl-2020 meta mqabbel mal-2019.
Fl-2018, l-Istati Membri, l-Iżlanda u n-Norveġja nefqu kważi €170 biljun fuq il-kura tal-kanċer.
Immaġni: © Adobe Stock
Il-Kummissjoni nediet sensiela ta’ djalogi ma’ superstiti żgħażagħ tal-kanċer biex tifhem aħjar il-ħtiġijiet u l-isfidi tagħhom, u biex tiżviluppa magħhom inizjattivi li se jgħinu biex jingħelbu dawn il-punti.
F’April bdiet il-ħidma biex tiżviluppa l-ewwel kodiċi tal-kondotta fil-livell tal-UE dwar l-aċċess ġust għas-servizzi finanzjarji għas-superstiti tal-kanċer. Dan għandu l-għan li jmexxi ’l quddiem id-dritt li wieħed jintesa u li jindirizza d-diskriminazzjoni, ħalli l-persuni bi storja tal-kanċer jirċievu trattament ġust meta jkunu qed jaċċessaw prodotti finanzjarji bħal ipoteki jew assigurazzjoni fuq il-ħajja.
Sa 78 % tal-kanċers okkupazzjonali rikonoxxuti fl-Istati Membri huma relatati mal-asbestos.
(Ara l-Kapitlu 6 għall-miżuri tal-UE maħsuba biex inaqqsu l-esponiment għall-asbestos fuq il-lant tax-xogħol.)
L-UE qed taħdem għal:
40 % tal-każijiet ta’ kanċer jistgħu jiġu evitati.
1.ġenerazzjoni ħielsa mit-tabakk;
2.tnaqqis tal-konsum tal-alkoħol li jagħmel il-ħsara;
3.tnaqqis tat-tniġġis ambjentali;
4.tnaqqis tal-esponiment għal sustanzi karċinoġeniċi u għar-radjazzjoni;
5.titjib fl-għarfien u fil-litteriżmu dwar is-saħħa;
6.promozzjoni ta’ stili ta’ għajxien aktar sani.
Is-sigurtà tas-saħħa u l-COVID-19
Wara aktar minn 3 snin, fil-5 ta’ Mejju 2023, l-Organizzazzjoni Dinjija tas-Saħħa ħabbret li l-COVID-19 m’għadhiex emerġenza tas-saħħa dinjija. B’azzjoni u koperazzjoni determinati fil-livelli dinji, tal-UE u tal-Istati Membri, u b’investiment sinifikanti fix-xjenza u l-innovazzjoni, l-UE setgħet tegħleb din il-kriżi li qatt ma ġarrabna bħalha qabel - jinfetaħ f’tab ġdida..
Madankollu, filwaqt li l-istatus tal-imxija jidher li nbidel, il-COVID-19 m’għebietx, u l-UE qed tibqa’ viġilanti. Iċ-Ċentru Ewropew għall-Prevenzjoni u l-Kontroll tal-Mard - jinfetaħ f’tab ġdida. qed jimmonitorja mill-qrib is-sitwazzjoni li qed tevolvi. Fil-ħarifa, ippubblika aġġornament - jinfetaħ f’tab ġdida. dwar iż-żieda fit-tixrid tal-COVID-19 fl-UE u fiż-Żona Ekonomika Ewropea, flimkien ma’ gwida għall-Istati Membri dwar kampanji tat-tilqim u kampanji komunikattivi. F’Ottubru ċ-Ċentru u l-Organizzazzjoni Dinjija tas-Saħħa nedew għodda ġdida tas-sorveljanza - jinfetaħ f’tab ġdida. biex timmonitorja l-impatt ikkombinat tal-mard respiratorju u ttejjeb il-qbid kmieni u l-komunikazzjoni tas-sinjali ta’ ċirkolazzjoni respiratorja tal-virus.
B’rispons għall-pandemija tal-COVID-19, il-Kummissjoni waqqfet l-Unjoni Ewropea tas-Saħħa - jinfetaħ f’tab ġdida. biex ittejjeb u tissalvagwardja s-saħħa ta’ kulħadd fl-UE. Mit-tagħlimiet miksuba tul il-pandemija, il-qafas - jinfetaħ f’tab ġdida. il-ġdid isaħħaħ l-arkitettura tal-UE għall-prevenzjoni, it-tħejjija u r-rispons għat-theddidiet transkonfinali għas-saħħa - jinfetaħ f’tab ġdida.. Dan iwessa’ wkoll ir-rwol ta’ żewġ aġenziji ewlenin tal-UE permezz tal-mandati l-ġodda għaċ-Ċentru Ewropew għall-Prevenzjoni u l-Kontroll tal-Mard - jinfetaħ f’tab ġdida. u l-Aġenzija Ewropea għall-Mediċini - jinfetaħ f’tab ġdida..
L-Awtorità għat-Tħejjija u għar-Rispons f’Każ ta’ Emerġenza tas-Saħħa - jinfetaħ f’tab ġdida. (HERA) tal-Kummissjoni taqdi rwol kruċjali biex tiżgura li l-UE jkollha l-mediċini u t-tagħmir meħtieġa biex tipproteġi liċ-ċittadini tagħha meta jfaqqgħu xi emerġenzi. F’Mejju, il-Kummissjoni, f’isem l-Istati Membri, għamlet ftehim ma’ BioNTech-Pfizer - jinfetaħ f’tab ġdida. biex il-konsenji tal-vaċċini jiġu adattati aħjar skont il-ħtiġijiet tal-Istati Membri u tkun żgurata d-disponibbiltà ta’ vaċċini adattati kontra l-COVID-19 jekk jitfaċċaw xi varjanti ġodda. Ġie ffirmat ukoll kuntratt qafas ma’ produtturi ewlenin tal-vaċċini, li jistabbilixxi n-network EU-FAB - jinfetaħ f’tab ġdida. biex tkun żgurata kapaċità kontinwa għall-produzzjoni tal-vaċċini fil-każ ta’ emerġenza futura tas-saħħa pubblika. Fl-2023 tnediet il-HERA Invest - jinfetaħ f’tab ġdida. li se tappoġġa r-riċerka u l-iżvilupp għall-aktar theddid transkonfinali urġenti għas-saħħa. Il-HERA qed taħdem ukoll mal-Istati Membri biex ittejjeb l-għarfien u l-ħiliet fit-tħejjija u r-rispons għas-saħħa, b’mod partikolari f’oqsma ewlenin bħall-ħżin u l-akkwist.
Jissoktaw l-isforzi li jsaħħu t-tħejjija u l-prontezza tal-Ewropa għall-pandemiji għal provi kliniċi fl-UE kollha, ħalli jinkiseb aċċess fil-ħin għal trattamenti u vaċċini ġodda. L-UE hija sostenitur kbir tal-Fond għall-Pandemiji - jinfetaħ f’tab ġdida., ospitat mill-Bank Dinji. Il-fond jappoġġa l-prevenzjoni, it-tħejjija u r-rispons għall-pandemiji fil-pajjiżi b’introjtu baxx u medju, u kontributuri ewlenin tiegħu huma l-UE, l-Istati Membri u l-istituzzjonijiet finanzjarji tagħha, flimkien bħala Tim Ewropa - jinfetaħ f’tab ġdida..
Iċ-Ċertifikat COVID Diġitali tal-UE hu storja Ewropea ta’ suċċess
Il-pandemija wriet kif is-saħħa diġitali tista’ tbiddel is-sistemi tal-kura tas-saħħa mill-qiegħ u tipprovdi kura tas-saħħa aħjar.
Iċ-Ċertifikat COVID Diġitali tal-UE - jinfetaħ f’tab ġdida. kien element kruċjali fir-rispons għall-pandemija, u għamilha eħfef għan-nies biex jiċċaqilqu bla perikli madwar l-UE waqt il-kriżi. Malajr sar l-istandard dinji, għax mas-sistema ngħaqdu kważi 80 pajjiż u nħarġu aktar minn 2.3 biljun ċertifikat. Ir-Regolament dwar iċ-Ċertifikat COVID Diġitali tal-UE skada fit-30 ta’ Ġunju 2023.
Abbażi tas-suċess tiegħu, u abbażi tat-teknoloġija tiegħu, fl-1 ta’ Lulju 2023 l-Organizzazzjoni Dinjija tas-Saħħa nediet in-Network Globali taċ-Ċertifikazzjoni Diġitali tas-Saħħa - jinfetaħ f’tab ġdida.. Is-sistema se ssaħħaħ l-arkitettura tas-saħħa dinjija u se tgħin biex tipproteġi lin-nies madwar id-dinja minn theddid attwali u futur għas-saħħa, inkluż il-pandemiji.
Reviżjoni tas-sistemi tal-mediċini tal-UE
Ir-riforma proposta tal-leġiżlazzjoni farmaċewtika tal-UE - jinfetaħ f’tab ġdida. — l-akbar u l-aktar estensiva f’20 sena — għandha l-għan li tiżgura li dan is-settur kruċjali jiġi adattat aħjar għall-ħtiġijiet tas-seklu 21.
Ir-riforma ppreżentata f’April tindirizza diversi sfidi fundamentali. Pereżempju, il-mediċini għadhom mhux qed jaslu għand il-pazjenti malajr biżżejjed u mhux dejjem ikunu disponibbli bl-istess mod fl-Istati Membri. Anki l-prezzijiet għaljin tat-trattamenti innovattivi u l-iskarsezzi tal-mediċini joħolqu tħassib sinifikanti għall-pazjenti u l-fornituri tal-kura tas-saħħa.
Objettiv ewlieni tar-riforma hu li jinħoloq suq uniku għall-mediċini, li jiżgura li l-pazjenti kollha madwar l-UE jkollhom aċċess fil-ħin u ugwali għal mediċini sikuri, effettivi u affordabbli. Ir-reviżjoni se tappoġġa wkoll l-innovazzjoni fl-iżvilupp tal-mediċini u tagħti spinta lill-kompetittività tal-UE b’sistema farmaċewtika li tibqa’ valida fil-futur, tkun reżistenti għall-kriżijiet u simplifikata. Dan ifisser li trattamenti ġodda u trattamenti aħjar ikunu jistgħu jsiru disponibbli aktar malajr, ħalli l-pazjenti jiksbu l-kura meħtieġa aktar malajr.
Ir-riforma tinkludi sett ta’ miżuri li jindirizzaw il-kwistjoni tal-iskarsezzi tal-mediċini fit-tul, u barra minn sitwazzjonijiet tal-kriżi. Bħala parti minn dan l-għan, f’Ottubru l-Kummissjoni ppreżentat - jinfetaħ f’tab ġdida. sett ta’ miżuri b’enfasi partikolari fuq l-aktar mediċini kritiċi, li s-sigurtà tal-provvista tagħhom fl-UE trid tkun żgurata f’kull ħin. Tnieda wkoll Mekkaniżmu Ewropew tas-Solidarjetà Volontarja - jinfetaħ f’tab ġdida. għall-mediċini, biex l-Istati Membri jkunu jistgħu jqassmu l-mediċini mill-istokkijiet disponibbli tagħhom fil-każ ta’ skarsezzi kritiċi xi mkien ieħor fl-UE. Se tiġi proposta firxa ta’ regoli u inċentivi ġodda għall-kumpaniji farmaċewtiċi bħala parti mir-riforma, u dawn apparti proċeduri regolatorji simplifikati u kunsiderazzjonijiet ambjentali aktar sodi waqt il-produzzjoni tal-mediċini.
Ir-reżistenza għall-antimikrobiċi - jinfetaħ f’tab ġdida. titqies bħala waħda mit-tliet theddidiet ewlenin għas-saħħa fl-UE. Dan jiġri meta l-batterji jsiru reżistenti għall-mediċini użati fil-ġlieda kontra l-infezzjonijiet. Ir-riforma tinkludi miżuri għal użu prudenti u inċentiv ġdid għall-antimikrobiċi li jbiddlu l-qagħda attwali. Il-Kunsill adotta - jinfetaħ f’tab ġdida. malajr rakkomandazzjoni li pproponiet il-Kummissjoni u li tinkludi miri tal-UE u nazzjonali dwar il-konsum tal-antimikrobiċi, bħala parti mis-sett ta’ għodod tal-UE - jinfetaħ f’tab ġdida. dwar ir-reżistenza għall-antimikrobiċi.
Reżistenza għall-antimikrobiċi
Il-grafika turi l-isfida tar-reżistenza għall-antimikrobiċi. Tiddikjara li l-għadd ta’ mwiet kull sena fl-Unjoni Ewropea minħabba r-reżistenza għall-antimikrobiċi attwalment huwa ta’ 35,000 mewta, filwaqt li l-għadd ta’ mwiet madwar id-dinja kull sena huwa ta’ 1.2 miljun mewta, u li r-reżistenza għall-antimikrobiċi tista’ tirriżulta f’10 miljun mewta madwar id-dinja kull sena sal–2050 jekk ma tittieħed l-ebda azzjoni. Tenfasizza wkoll l-għan tal-Unjoni Ewropea li tnaqqas il-konsum tal-antibijotiċi b’20% sal–2030 biex tiġġieled kontra din il-problema.
Nindirizzaw is-saħħa mentali
L-UE sabet ma’ wiċċha kriżijiet bla preċedent li affettwaw ferm l-abbiltà tan-nies li jegħlbu l-isfidi dejjem akbar li qed jinqalgħu f’kuntesti li tant jinbidlu malajr. Biex tindirizza dan, f’Ġunju l-Kummissjoni ppreżentat approċċ komprensiv għas-saħħa mentali - jinfetaħ f’tab ġdida. li fost l-oħrajn għandu l-għan li jgħin lill-gruppi vulnerabbli, speċjalment liż-żgħażagħ, u li jkisser l-istigma u d-diskriminazzjoni relatati ma’ kwistjonijiet tas-saħħa mentali. Dan hu l-ewwel pass importanti biex is-saħħa mentali tikseb l-istess livell tas-saħħa fiżika. L-approċċ il-ġdid jintroduċi 20 inizjattiva ewlenija u jidentifika €1.2 biljun f’opportunitajiet ta’ finanzjament minn diversi programmi finanzjarji biex jappoġġa lill-Istati Membri ħalli jpoġġu lin-nies u s-saħħa mentali tagħhom fuq quddiem nett.
Miżuri biex jiġu indirizzati kwistjonijiet ta’ saħħa mentali fil-politiki kollha
Kodiċi Ewropew għas-Saħħa Mentali
Inizjattiva Healthier Together għal mard li ma jitteħidx
Inizjattiva Ewropea għall-prevenzjoni tad-dipressjoni u tas-suwiċidju
Spazji diġitali aktar sikuri għat-tfal u ż-żgħażagħ
Applikazzjoni xierqa tar-regoli tal-UE dwar is-sikurezza u s-saħħa fuq il-post tax-xogħol
Kampanji tal-Aġenzija Ewropea għas-Sigurtà u s-Saħħa fuq il-Post tax-Xogħol
Biex tfakkar il-Jum Dinji tas-Saħħa Mentali nhar l-10 ta’ Ottubru 2023, il-Kummissjoni organizzat konferenza ta’ livell għoli fi Brussell. L-avveniment laqqa’ flimkien mijiet ta’ nies, fosthom rappreżentanti tal-istituzzjonijiet tal-UE, gvernijiet nazzjonali, organizzazzjonijiet internazzjonali u sħab interessati oħra.
Naħtfu l-potenzjal tal-fondi tal-UE fis-settur tas-saħħa
L-Istrument ta’ Appoġġ Tekniku tal-Kummissjoni qed jgħin lill-Belġju, lill-Awstrija u lis-Slovenja biex jużaw il-programmi ta’ finanzjament disponibbli tal-UE bl-aħjar mod u jiżviluppaw is-setturi tal-kura tas-saħħa tagħhom. Permezz taċ-ċentru tas-saħħa - jinfetaħ f’tab ġdida., dawn l-Istati Membri jistgħu jidentifikaw l-aqwa opportunitajiet ta’ finanzjament biex jappoġġaw riformi ewlenin għall-benefiċċju taċ-ċittadini. Fuq medda taż-żmien, dan se jgħin ukoll lill-gvernijiet nazzjonali u reġjonali biex isostnu l-investiment ekonomiku fis-settur tas-saħħa. Filwaqt li jibni fuq ir-riżultati promettenti tiegħu, dan il-proġett jista’ jiġi estiż għal-livell tal-UE.
L-Istrateġija tal-UE għas-Saħħa Globali
Ir-rwol ewlieni tal-UE fil-ġlieda kontra l-pandemija tal-COVID-19 ħareġ fid-dieher li din tista’ tagħti kontribut kbir għall-objettivi tas-saħħa dinjija bl-approċċ ta’ Tim Ewropa. Dan iġonġi riżorsi tal-UE, tal-Istati Membri u tal-istituzzjonijiet finanzjarji tagħha biex fil-prattika jħallu impatt akbar.
F’Novembru 2022, il-Kummissjoni ppreżentat Strateġija dwar is-Saħħa Globali - jinfetaħ f’tab ġdida., id-dimensjoni esterna tal-Unjoni Ewropea tas-Saħħa u komponent ewlieni tal-istrateġija Global Gateway - jinfetaħ f’tab ġdida. tagħha (ara l-Kapitlu 8). Dan jafferma mill-ġdid l-impenn għall-Għanijiet tal-Iżvilupp Sostenibbli (b’mod partikolari l-għan numru 3 dwar is-saħħa u l-benesseri) u l-Kunsens Ewropew għall-Iżvilupp - jinfetaħ f’tab ġdida., li jistabbilixxi objettivi u prinċipji komuni għall-iżvilupp.
F’Novembru 2023 tnediet azzjoni konġunta kkoordinata minn Franza, li tinvolvi 22 Stat Membru, in-Norveġja u l-Ukrajna, u timmappja l-istrateġiji tas-saħħa globali kollha. Din se tgħin għall-koordinazzjoni tal-azzjonijiet u biex tkun evitata kull duplikazzjoni.
