Géarchéim an Mheánoirthir

Mar thoradh ar na hionsaithe sceimhlitheoireachta brúidiúla agus neamh-idirdhealaitheacha a rinne Hamas ar fud Iosrael an 7 Deireadh Fómhair 2023, tá meath ollmhór tagtha ar staid dhaonnúil na bPalaistíneach i Stráice Gaza agus tá méadú tagtha ar an mbaol go rachaidh cúrsaí in olcas sa réigiún.

Agus é á chur i bhfios go láidir aige nach bhfuil aon údar leis an sceimhlitheoireacht, tá Hamas cáinte go neamhbhalbh ag an Aontas maidir leis na hionsaithe sceimhlitheoireachta agus tá iarrtha aige go scaoilfí saor gach giall gan réamhchoinníollacha. Cé go n-aithníonn sé an ceart atá ag Iosrael é féin a chosaint faoin dlí idirnáisiúnta, d’athdhearbhaigh an tAontas a thábhachtaí atá sé cosaint na sibhialtach uile a chinntiú i gcónaí i gcomhréir leis an dlí daonnúil idirnáisiúnta.

Is cúis mhór imní don Aontas an staid dhaonnúil atá ag dul in olcas i Stráice Gaza, agus d’iarr an tAontas go mbeadh rochtain dhaonnúil leanúnach, thapa, shábháilte agus gan bhac ann, agus go gcuirfí cabhair ar fáil dóibh siúd atá i ngátar trí na bearta uile is gá, lena n-áirítear conairí daonnúla agus sosanna le haghaidh riachtanais dhaonnúla.

Beagnach
€1.1 billiún
ó 2000 i leith

1 310 dtonna
de sholáthairtí riachtanacha

33
eitilt de chuid Aerdhroichead Daonnúil an Aontais Eorpaigh

€103 mhilliún
de chistiú daonnúil

Is é an tAontas Eorpach an deontóir idirnáisiúnta is mó do mhuintir na Palaistíne. Ar an iomlán, ó 2000 i leith, tá níos mó ná €1 bhilliún curtha ar fáil aige chun freastal ar riachtanais bhunúsacha na bPalaistíneach. Ó mhí Dheireadh Fómhair i leith, tá an tAontas tar éis a chabhair éigeandála do na Palaistínigh - oscail i dtáb nua. a mhéadú faoi cheathair agus tá sé ag obair le líon mór comhpháirtithe daonnúla ar an láthair.

Tá an tAontas ag obair i gcónaí le comhpháirtithe réigiúnacha agus idirnáisiúnta chun géarú réigiúnach na coinbhleachta a chosc, meath ar an staid sa Bhruach Thiar san áireamh. Tá sí tiomanta i gcónaí do shíocháin mharthanach inbhuanaithe a bheidh bunaithe ar an réiteach dhá stát agus ar na rúin ábhartha ó Chomhairle Slándála na Náisiún Aontaithe.

Slándáil agus cosaint: dul chun cinn maidir leis an gCompás Straitéiseach

Is mian leis an Aontas slándáil a chuid cónaitheoirí a chinntiú agus cuidiú leis an domhan a dhéanamh níos síochánta. Is plean é an Compás Straitéiseach don tSlándáil agus don Chosaint - oscail i dtáb nua. chun slándáil agus cosaint an Aontais a neartú faoi 2030. Cumhdaítear leis gach gné den Bheartas Slándála agus Cosanta agus tá sé bunaithe ar cheithre cholún: comhpháirtíocht, gníomhú, infheistíocht agus slándáil.

Comhar le ECAT (‘comhpháirtíocht’, ‘gníomhú’)

Is dúshláin thrasnáisiúnta iad dúshláin slándála an lae inniu, rud a fhágann nach féidir le haon tír amháin dul i ngleic leo ina haonar. Tá cur chuige comhchoiteann agus straitéiseach ríthábhachtach. Gné lárnach den straitéis dhomhanda sin is ea comhpháirtíocht sheanbhunaithe an Aontais le ECAT, ar cuid ríthábhachtach é dá iarrachtaí slándála agus cosanta.

I dteachtaireacht chumhachtach pholaitiúil na haontachta trasatlantaí, leagadh béim sa Dearbhú Comhpháirteach maidir leis an gcomhar idir an tAontas agus ECAT - oscail i dtáb nua. ar an ngá atá le cur chuige láidir Eorpach i réimse na cosanta a fhónfaidh don tslándáil dhomhanda agus atá comhoiriúnach le ECAT. Gheall na sínitheoirí go soiléir freisin cur leis an gcomhar sin.

In 2023, an comhar idir an tAontas agus ECAT bhain sé leibhéal amach nach bhfacthas a leithéid riamh roimhe seo agus tháinig torthaí inláimhsithe - oscail i dtáb nua. as i ngach réimse, go háirithe ó thaobh na hathléimneachta de. Seoladh Tascfhórsa AE-ECAT maidir le hAthléimneacht Bonneagair Chriticiúil - oscail i dtáb nua. i mí Eanáir, agus chuir sé moltaí sonracha chun cinn le haghaidh tuilleadh comhair.

Le cogadh foghach na Rúise, athdhearbhaíodh luachanna comhroinnte an Aontais agus ECAT. Le chéile, tá siad ag seasamh i ndlúthpháirtíocht bhuanseasmhach leis an Úcráin, agus tá a modhanna tacaíochta - oscail i dtáb nua. faoi seach á gcomhordú acu. Tá an tSaoráid Eorpach Síochána (féach Caibidil 1) anois ina cuid lárnach de thacaíocht an Aontais do chomhpháirtithe ar fud an domhain.

Le linn na bliana, chuir an tAontas dlús lena chomhar le comhpháirtithe déthaobhacha, réigiúnacha agus iltaobhacha eile, lena n-áirítear na Náisiúin Aontaithe, an Eagraíocht um Shlándáil agus Comhar san Eoraip, an tAontas Afracach, Comhlachas Náisiúin na hÁise Thoir Theas agus go leor eile. Ag an gcéad Fhóram Slándála agus Cosanta Schuman - oscail i dtáb nua., tugadh comhpháirtithe AE agus idirnáisiúnta le chéile chun aghaidh a thabhairt ar dhúshláin choiteanna slándála.

Cumais chosanta a fhorbairt (‘infheistíocht’)

In 2023, rinneadh dhá phríomhthionscnamh a achtú a bhfuil sé d’aidhm acu cosaint agus tionsclaíocht an Aontais a neartú. Tá sé d’aidhm ag an nGníomh chun Tacú le Táirgeadh Armlón - oscail i dtáb nua., a bhfuil buiséad €500 milliún mar thaca leis, táirgeadh armlóin agus diúracán an Aontais a mhéadú. Chun an méid sin a chomhlánú, spreagfar Ballstáit an Aontais, den chéad uair riamh, na táirgí cosanta is criticiúla a cheannach go comhpháirteach ó thionscal cosanta an Aontais, trí bhíthin an Ghnímh um Thionscal Cosanta na hEorpa a Atreisiú trí Sholáthar comhoibríoch - oscail i dtáb nua., a bhfuil buiséad €300 milliún aige.

Tacaíonn an Ciste Eorpach Cosanta - oscail i dtáb nua. go mór leis an taighde agus leis an bhforbairt i réimse na cosanta san Aontas. Tá os cionn €3 bhilliún curtha ar fáil aige do 60 tionscadal comhoibríoch ar fud na mBallstát ó 2021 i leith. In 2023 amháin, leithdháileadh €1.2 billiún - oscail i dtáb nua. leis an gciste ar réimsí cosanta ríthábhachtacha ar nós feasacht staide spáis, cur i gcoinne diúracáin hipearsonacha agus coirbhéad patróil Eorpach a fhorbairt. Tacaíonn an Ciste Eorpach Cosanta leis an nuálaíocht in earnáil na cosanta trí Scéim Nuálaíochta Cosanta an Aontais - oscail i dtáb nua., scéim dar luach €2 bhilliún chun cabhrú le gníomhaithe agus nuálaithe beaga go háirithe.

Faoi imchlúdach soghluaisteachta míleata na Saoráide um Chónascadh na hEorpa, bronnadh €616 mhilliún in 2023 chun tacú le hiompar trúpaí agus trealaimh ar fud an Ghréasáin Thras-Eorpaigh Iompair. Is é an aidhm atá ann tacú le hinfheistíocht i mbonneagar is féidir a úsáid chun críocha sibhialta agus cosanta araon.

Straitéisí slándála nua (‘slándáil’)

Léirigh na géarchéimeanna a bhí ann le déanaí agus an teannas atá ag dul i méid go bhfuil laigí i slándáil an Aontais. Mar fhreagairt air sin, i mí Dheireadh Fómhair, sheol an Coimisiún comhairliúchán cuimsitheach chun bonn eolais a chur faoin Straitéis Eorpach maidir le Tionsclaíocht i réimse na Cosanta - oscail i dtáb nua. a bheidh ann amach anseo.

Tá téamh an phláinéid ina ábhar imní atá ag dul i méid freisin faoi oibríochtaí míleata an Aontais. Tá sé ag spreagadh athrú ríthábhachtach - oscail i dtáb nua. i mbeartas cosanta an Aontais, agus an t-athrú aeráide ar thús cadhnaíochta anois ina chlár oibre slándála.

Ina theannta sin, in 2023, ghlac an tAontas a chéad Straitéis Spáis don tSlándáil agus don Chosaint - oscail i dtáb nua.. Dírítear sa straitéis sin, i measc nithe eile, ar shócmhainní spáis an Aontais agus a Bhallstát a chosaint. Ag féachaint chun cinn, tá sé beartaithe dlí spáis an Aontais a thabhairt isteach in 2024, agus é de chuspóir aige athléimneacht agus neart an Aontais sa spás a fheabhsú.

Iompraítear níos mó ná 80 % den trádáil dhomhanda ar muir, agus eastósctar thart ar dhá thrian d’ola agus de ghás an domhain ar muir. Sreabhann beagnach na sonraí domhanda uile, sonraí idirlín san áireamh, trí cháblaí faoin bhfarraige. Braitheann rathúnas agus slándáil an Aontais ar aigéin shábháilte shlána. Sin an fáth ar ghlac an Coimisiún agus an tSeirbhís Eorpach Gníomhaíochta Seachtraí Plean Gníomhaíochta agus Straitéis Slándála Muirí nuashonraithe de chuid an Aontais i mí an Mhárta. Ar bhonn na ndoiciméad sin, d’fhormheas an Chomhairle Straitéis agus Plean Gníomhaíochta Slándála Muirí athbhreithnithe an Aontais - oscail i dtáb nua. i mí Dheireadh Fómhair. Tá an straitéis ailínithe leis an gCompás Straitéiseach agus rannchuideoidh sí lena cuspóirí a bhaint amach.

FÍSEÁN ‘Oscailt súl’: conas bonneagar muirí ríthábhachtach an Aontais a chosaint ar bhagairtí atá ag teacht chun cinn. © Euronews

Príomhchuspóirí

Leasanna an Aontais ar muir a chosaint — saoránaigh, geilleagar, bonneagar agus teorainneacha

Ár n-acmhainní nádúrtha agus an comhshaol muirí a chosaint

Seasamh leis an dlí idirnáisiúnta, go háirithe Coinbhinsiún na Náisiún Aontaithe maidir le Dlí na Farraige

Freagairt go pras agus go héifeachtach do bhagairtí atá ag dul i méid (e.g. cibearbhagairtí agus bagairtí hibrideacha)

Oiliúint agus oideachas ábhartha a áirithiú chun bagairtí a chomhrac (e.g. cibearscileanna)

Beartas comharsanachta agus caibidlíocht maidir le méadú

Na Balcáin Thiar agus an Tuirc

Bhí an tAontas tiomanta i gcónaí do na Balcáin Thiar a chomhtháthú san Aontas. Le pacáiste um méadú 2023 - oscail i dtáb nua., cuireadh measúnú mionsonraithe ar fáil ar an staid mar atá agus ar an dul chun cinn a rinne na comhpháirtithe ar a gconairí faoi seach i dtreo an Aontais. Díríodh ann go príomha ar na hathchóirithe bunúsacha is gá, an smacht reachta san áireamh, ar an riarachán poiblí, ar fheidhmiú na n-institiúidí daonlathacha agus ar chritéir eacnamaíocha.

Le linn na bliana, rinne an Mhacadóin Thuaidh agus an Albáin dul chun cinn rianúil sa phróiseas scagtha — céim phríomhúil don chaibidlíocht aontachais. Leis an moladh ón gCoimisiún agus leis an gcinneadh ón gComhairle Eorpach tús a chur le caibidlíocht aontachais leis an mBoisnia agus an Heirseagaivéin, a luaithe a chomhlíonfaidh sí na critéir bhallraíochta is gá, aithnítear an dul chun cinn atá déanta ag an tír ó rinneadh iarrthóir di in 2022. Leanadh de chainteanna aontachais Mhontainéagró agus na Seirbia leis an Aontas, le tacaíocht ón idirphlé leanúnach leis an gCoimisiún ar an leibhéal polaitiúil agus teicniúil. I mí Aibreáin, d’fhormheas Parlaimint na hEorpa léirscaoileadh víosaí don Chosaiv go hoifigiúil (tá an t-ainmniú seo gan dochar do sheasaimh maidir le stádas agus tá sé ag teacht le Rún 1244/1999 ó Chomhairle Slándála na Náisiún Aontaithe agus le Tuairim CBI maidir le dearbhú neamhspleáchais na Cosaive), a tháinig i bhfeidhm an 1 Eanáir 2024.

In 2023, lean an tAontas den Phlean Eacnamaíoch agus Infheistíochta - comhad PDF – oscail i dtáb nua. dar luach €30 billiún a chur chun feidhme, lena ndírítear ar théarnamh fadtéarmach ó phaindéim COVID-19, ar na haistrithe glasa agus digiteacha, agus ar an gcomhar agus cóineasú réigiúnach leis an Aontas. Ina theannta sin, d’eisíoc - oscail i dtáb nua. an tAontas €450 milliún as a phacáiste tacaíochta fuinnimh dar luach €1 bhilliún, ag tacú le tíortha na mBalcán Thiar dul i ngleic le géarchéimeanna fuinnimh agus slándáil fuinnimh a fheabhsú. Ina theannta sin, tá sé d’aidhm ag Plean nua Fáis an Choimisiúin do na Balcáin Thiar - oscail i dtáb nua. roinnt buntáistí a bhaineann le ballraíocht an Aontais a thabhairt don réigiún sula dtiocfaidh tíortha isteach go hoifigiúil. Díríonn sé ar an bhfás eacnamaíoch agus ar chóineasú socheacnamaíoch.

Ag Cruinniú Mullaigh Phróiseas Bheirlín 2023 - oscail i dtáb nua., d’athdhearbhaigh ceannairí na mBalcán Thiar a dtiomantas chun a ngeilleagair réigiúnacha a chomhtháthú níos fearr tríd an gCómhargadh Réigiúnach - oscail i dtáb nua., mar chéim i dtreo lánpháirtiú an Aontais. Ghlac siad chucu féin pleananna le haghaidh fás eacnamaíoch, lena n-áirítear infheistíocht infreastruchtúir agus leathnú an mhargaidh réigiúnaigh. Díríodh aird sa chruinniú mullaigh freisin ar dhul chun cinn an oideachais, mar shampla campas nua Choláiste na hEorpa i dTiorána, agus ar thionscnaimh chomhshaoil amhail an Clár Oibre Glas. Leagadh béim sa chruinniú freisin ar a thábhachtaí atá an tslándáil réigiúnach, a bhfuil sé d’aidhm aige an comhar a neartú i gcoinne na coireachta eagraithe agus bagairtí cibearshlándála.

Ag an gCruinniú Mullaigh idir an tAontas agus na Balcáin Thiar an 13 Nollaig sa Bhruiséil, an Bheilg, díríodh an plé ar chomhpháirtithe na mBalcán Thiar a thabhairt níos gaire don Aontas agus ar a lánpháirtiú de réir a chéile a chur chun cinn; forbairt eacnamaíoch I gcomhthéacs chogadh foghach na Rúise i gcoinne na hÚcráine; agus an tslándáil réigiúnach agus an athléimneacht a neartú.

Reáchtáladh toghcháin uachtaránachta agus pharlaiminteacha sa Tuircimí na Bealtaine. I mí na Samhna, glacadh tuarascáil ar an gcaidreamh reatha idir an tAontas agus an Tuirc, inar leagadh amach bealaí chun comhar a fheabhsú. Leanann an tAontas air ag tabhairt tacaíochta do dhídeanaithe agus do phobail sa Tuirc trí oideachas, cúram sláinte agus cosaint teorann a chur ar fáil.

An tSeoirsia, an Mholdóiv agus an Úcráin

Ba é pacáiste stairiúil na bliana seo maidir le méadú an chéad phacáiste a chuimsigh measúnú ar chumas na dtrí thír sin na hoibleagáidí a bhaineann le ballraíocht san Aontas a chomhlíonadh. Le bliain anuas, tá sé léirithe ag an tSeoirsia, ag an Moldóiv agus ag an Úcráin go bhfuil siad araon tiomanta do dhul isteach san Aontas. Tiocfaidh a gconair i dtreo an aontachais trí athchóirithe spriocdhírithe ar na córais bhreithiúnacha, trí chniogbheartaíocht ar an gcoireacht eagraithe agus trí iarrachtaí leanúnacha chun feabhas a chur ar an tírdhreach polaitiúil, agus béim á leagan ar dhí-olagarcú agus ar chearta an duine. Sa mholadh - oscail i dtáb nua. ón gCoimisiún — agus an cinneadh - comhad PDF – oscail i dtáb nua. stairiúil ón gComhairle Eorpach — tús a chur le caibidlíocht aontachais leis an Moldóiv agus leis an Úcráin, agus stádas mar iarrthóir a thabhairt don tSeoirsia, aithníodh a n-iarrachtaí móra chun ailíniú le caighdeáin an Aontais.

Comhpháirtíocht an Oirthir

Díríodh i gclár oibre Chomhpháirtíocht an Oirthir tar éis 2020 ar athléimneacht, ar théarnamh agus ar athchóiriú, agus cuireadh chun feidhme é i gcomhréir le conair aontachais an Aontais Eorpaigh sa tSeoirsia, sa Mholdóiv agus san Úcráin.

Is é Plean Eacnamaíoch agus Infheistíochta Chomhpháirtíocht an Oirthir, dar luach €17 mbilliún, príomhionstraim an Aontais chun an athléimneacht a neartú sa réigiún, rud atá nasctha le straitéis na Tairsí Domhanda (féach thíos). Faoi dheireadh 2023, bhí €8.6 billiún den infheistíocht a raibh coinne léi curtha ar fáil, agus €5 bhilliún ann le haghaidh tionscadail shuaitheanta a bhaineann go sonrach le tír faoi leith.

Cuirfidh an tAontas, na Ballstáit agus a chomhpháirtithe dlús lena n-iarrachtaí clár oibre Chomhpháirtíocht an Oirthir maidir le téarnamh, athléimneacht agus athchóiriú a chur chun feidhme. Áirítear leis sin aghaidh a thabhairt ar thionchar chogadh foghach na Rúise i gcoinne na hÚcráine ar an réigiún ar fad. Díreoidh an comhar ar roinnt réimsí, amhail nascacht, iompar, fuinneamh agus an t-aistriú glas agus an t-aistriú digiteach, mar aon le cearta an duine, an tsochaí shibhialta, an smacht reachta agus cúrsaí slándála. D’ainneoin nach raibh sé i dteagmháil le réimeas Lukashenka, lean an tAontas de thacaíocht dhíreach a thabhairt do mhuintir na Bealarúise, agus chuir sé €100 milliún - oscail i dtáb nua. ar fáil idir 2020 agus 2023.

Lean an tAontas air ag cur leis na hiarrachtaí chun síocháin bhuan a bhaint amach idir an Airméin agus an Asarbaiseáin in 2023, agus mhéadaigh sé a chúnamh daonnúil - oscail i dtáb nua. don réigiún, a raibh luach níos mó ná €25.8 milliún aige ag deireadh na bliana ó tháinig géarú ar an gcoinbhleacht in 2020.

Comharsanacht an Deiscirt

I gComharsanacht an Deiscirt, sa Chlár Oibre don Mheánmhuir agus ina straitéis airgeadais, an Plean Eacnamaíoch agus Infheistíochta dar luach €30 billiún, tá dul chun cinn maith déanta i réimsí amhail forbairt eacnamaíoch, rialachas, claochlú digiteach, athléimneacht fuinnimh agus aeráide, agus imirce.

Leis an Meabhrán Tuisceana idir an tAontas Eorpach agus an Túinéis - oscail i dtáb nua., a tugadh i gcrích i mí Iúil, tugtar aghaidh ar dhúshláin choiteanna agus ar dheiseanna a bheidh ann amach anseo maidir leis an ngeilleagar agus leis an trádáil, leis an aistriú glas agus leis an aistriú fuinnimh, leis an teagmháil idir daoine, agus leis an imirce agus leis an tsoghluaisteacht.

Lean an tAontas air ag tabhairt tacaíochta do dhaoine atá ag maireachtáil trí ghéarchéimeanna sa Liobáin, sa Libia, sa tSiria agus sa Phalaistín (ní fhorléireofar an t-ainmniú sin mar aitheantas do Stát na Palaistíne agus tá sé gan dochar do sheasaimh aonair na mBallstát maidir leis an tsaincheist sin). Ag Comhdháil na Bruiséile maidir leis an tSiria - oscail i dtáb nua. i mí an Mheithimh, gheall an tAontas €3.8 billiún de dheontais don tSiria agus dá tíortha comharsanachta.

Le deontais ón Aontas, mar aon le deontais agus ráthaíochtaí cumaiscthe a chuirtear ar fáil d’institiúidí fioscacha neamhspleácha comhpháirtíochta, slógfar infheistíochtaí dar luach €23.8 billiún.

An Mhacadóin Thuaidh

Nascfaidh Idirnasc Iarnróid Chonair VIII an Mhacadóin Thuaidh le teorainn na Bulgáire.

An tSeoirsia

Déanfaidh cábla leictreachais fomhuirí Nascacht na Mara Duibhe fuinneamh glas a onnmhairiú ó Chugas Theas go dtí an tAontas Eorpach.

Maracó

• Cuirfear 37 km leis an ngréasán trambhealaigh i gceirtleán Rabat-Salé-Témara.
• Glao ar thograí maidir leis an ngléasra cumhachta hidrigine P2X.

An Túinéis

Tógáil ELMED, an chéad idirnasc cábla leictreachais ardvoltais fomhuirí idir an Iodáil agus an Túinéis.

Iosrael

Nascfar an Ghréig, an Chipir agus Iosrael le cábla leictreachais fomhuirí Idirnascaire EuroAsia.

An Éigipt

• GREGY, idirnasc leictreach ardvoltais sa Mheánmhuir Thoir idir an Eoraip agus an Afraic, a théann ón Éigipt go dtí an Ghréig.
• Lárionad Rialaithe Limistéar Alexandria a nuachóiriú.
• Meatánól a tháirgeadh le haghaidh loingseoireacht ghlas.

An Iordáin

• Díshalannú Uisce Aqaba-Amman agus Tionscadal Tíolacas.
• Gléasra cóireála séarachais As Salt a athchóiriú agus a nuachóiriú; gléasra bithgháis a thógáil.

Comhpháirtíochtaí Idirnáisiúnta agus an Tairseach Dhomhanda

In 2023, rinne an tAontas dul chun cinn mór maidir leis an Tairseach Dhomhanda - oscail i dtáb nua. a chur i bhfeidhm — a rannchuidiú leis an mbearna infheistíochta dhomhanda a laghdú agus le tacú leis na haistrithe glasa agus digiteacha ar fud an domhain. Go háirithe, cuireadh beagnach 90 tionscadal - oscail i dtáb nua. suaitheanta nua i bhfeidhm sa bhliain san Afraic, i Meiriceá Laidineach agus i Muir Chairib, san Áise agus san Aigéan Ciúin, sna Balcáin Thiar, agus i gComharsanacht an Oirthir agus an Deiscirt. Chuimsigh na tionscadail sin earnálacha éagsúla, amhail bealaí straitéiseacha iompair, fuinneamh in-athnuaite, cáblaí fomhuirí, amhábhair chriticiúla, oiliúint múinteoirí agus táirgeadh vacsaíní.

An 25 agus an 26 Deireadh Fómhair, nuair a reáchtáladh Fóram na Tairsí Domhanda - oscail i dtáb nua. den chéad uair, tugadh le chéile ceannairí ón Aontas, ó thíortha comhpháirtíochta, ó ghnólachtaí, ón tsochaí shibhialta, ó mheithleacha machnaimh, ó institiúidí airgeadais agus ó eagraíochtaí idirnáisiúnta chun cur chun feidhme straitéis na Tairsí Domhanda a mhéadú. Laistigh de 2 lá, síníodh comhaontuithe dar luach thart ar €3 bhilliún. Tá gealltanas tugtha ag an Aontas €300 billiún a shlógadh faoin straitéis faoi 2027.

Den chéad uair le 8 mbliana, thionóil an tAontas agus Comhphobal Stáit Mheiriceá Laidinigh agus Mhuir Chairib cruinniú mullaigh inar tacaíodh le Clár Oibre Infheistíochta Thairseach Dhomhanda Mhuir Chairib idir an tAontas agus Meiriceá Laidineach agus Muir Chairib - oscail i dtáb nua.. Tá coinne leis go gcuirfear breis agus €45 bhilliún ar fáil leis an gclár oibre sna blianta amach romhainn. In 2023, thug an tAontas comhpháirtíochtaí straitéiseacha déthaobhacha éagsúla i gcrích le tíortha comhpháirtíochta sa réigiún chun tuilleadh comhair a dhéanamh maidir le fuinneamh agus le hamhábhair chriticiúla. Bunaíodh Comhaontas Digiteach idir an tAontas agus Meiriceá Laidineach agus Muir Chairib - oscail i dtáb nua. le haghaidh comhar maidir le saincheisteanna digiteacha agus spáis. Ina theannta sin, mar fhreagairt ar an ngéarchéim aeráide, leathnaíodh clár suaitheanta Euroclima - oscail i dtáb nua. an Aontais chun 33 thír Mheiriceá Laidinigh agus Mhuir Chairib.

Tá breis agus €45 bhilliún geallta ag an Aontas agus a Bhallstáit chun tacú leis an gcomhpháirtíocht threisithe le Meiriceá Laidineach agus Muir Chairib go dtí 2027. Táthar ag súil go rannchuideoidh tíortha eile, mar aon leis an earnáil phríobháideach agus institiúidí maoiniúcháin.

Áirítear ar an gclár oibre níos mó ná 130 tionscadal i dtíortha Mheiriceá Laidinigh agus Mhuir Chairib chun infheistíocht ardcháilíochta a ghiaráil.

Cuirfear tionscadail chun feidhme trí thionscnaimh Fhoireann na hEorpa: oibreoidh an tAontas, na Ballstáit, institiúidí maoinithe forbartha (an Banc Eorpach Infheistíochta san áireamh), gníomhaireachtaí creidmheasa onnmhairiúcháin agus gach foinse phoiblí maoinithe eile i gcomhpháirtíocht leis an earnáil phríobháideach.

FÍSEÁN An Tairseach Dhomhanda: seoladh chlár Amazonia+.

Tá an clár oibre bunaithe ar phríomhcholúin:

Aistriú glas atá cothrom

Claochlú digiteach cuimsitheach

Forbairt an duine

Athléimneacht sláinte agus vacsaíní

Ar an gcaoi chéanna, neartaigh an tAontas a chaidreamh le réigiún an Aigéin Chiúin agus na hÁise le linn na bliana. In 2022, d’fhógair sé giaráil suas le €10 mbilliún d’infheistíocht le haghaidh thionscadail na Tairsí Domhanda le tíortha is comhaltaí Chomhlachas Náisiúin na hÁise Thoir Theas. Mar chuid de sin, sheol sé clár breathnóireachta na Cruinne in 2023 chun tacú leis an oiriúnú don athrú aeráide, chun slándáil bia a chinntiú agus chun freagairt do thubaistí. Ina theannta sin, thionscain an tAontas comhpháirtíochtaí nua le haghaidh fuinneamh inbhuanaithe agus bainistiú acmhainní nádúrtha. Agus é d’aidhm aige feabhas a chur ar an nascacht inbhuanaithe idir an Eoraip agus an Áise Láir, rinne sé mapáil - oscail i dtáb nua. ar na naisc iompair idir an dá réigiún agus na deiseanna infheistíochta a bhí ann dá bharr.

Tháinig comhpháirtíocht nua chun cinn idir an tAontas agus Eagraíocht na Stát san Afraic, i Muir Chairib agus san Aigéan Ciúin, eagraíocht ina bhfuil 79 náisiún. An 15 Samhain, shínigh siad Comhaontú Samoa - oscail i dtáb nua., a tháinig in ionad Chomhaontú Cotonou. Dírítear sa téacs nua ar iarrachtaí comhpháirteacha i gcoinne dúshláin dhomhanda amhail an t-athrú aeráide, cearta an duine agus saincheisteanna sláinte. Tá sé beartaithe an caidreamh idir an tAontas agus an eagraíocht a mhúnlú go ceann 20 bliain.

Tá an tAontas ag bogadh ar aghaidh le cur chun feidhme Phacáiste Infheistíochta na Tairsí Domhanda idir an Afraic agus an Eoraip, ar fiú €150 billiún é, cuir i gcás mórthionscnaimh nua de chuid Fhoireann na hEorpa (iarrachtaí comhpháirteacha idir an tAontas agus na Ballstáit) in earnálacha amhail an tsláinte, teicneolaíochtaí digiteacha, fuinneamh glas, oideachas agus iompar.

Seoladh an treochlár le haghaidh na Comhpháirtíochta idir an tAontas agus an Namaib maidir le slabhraí luacha amhábhar inbhuanaithe agus hidrigin in-athnuaite i mí Dheireadh Fómhair 2023. San am céanna, shínigh an tAontas comhaontuithe maidir le comhpháirtíochtaí comhchosúla le Poblacht Dhaonlathach an Chongó agus leis an tSaimbia.

Chuir an tAontas agus na Ballstáit leis an tacaíocht a thugtar chun fuinneamh glan a tháirgeadh san Afraic, mar shampla tríd an gComhpháirtíocht um Aistriú Fuinnimh Cóir leis an tSeineagáil a sheoladh agus trí ghléasra grianchumhachta Gorou Banda a oscailt sa Nígir.

Tá tús curtha le táirgeadh vacsaíní san Afraic Theas, agus tá saoráidí táirgthe á mbunú i nGána, i Ruanda agus sa tSeineagáil.

I mí Eanáir 2023, sheol an tAontas agus a Bhallstáit Tionscnamh Múinteoirí Réigiúnacha ar fiú €100 milliún é chun tacú le hoideachas ar ardchaighdeán do chách.

Ghlac an tAontas céim nithiúil chun an neamhionannas a chomhrac in 2023 nuair a tugadh isteach Marcóir Comhionannais - oscail i dtáb nua.. Cuidíonn an uirlis seo chun a mheas an bhfuil bearta ag laghdú neamhionannais agus ag freastal ar riachtanais an 40 % is ísle den daonra.

Is iad an tAontas agus na Ballstáit le chéile fós príomhsholáthraí an chúnaimh oifigiúil um fhorbairt ar fud an domhain, agus cuireadh cúnamh dar luach €92.8 billiún ar fáil in 2022 (an bhliain is déanaí a bhfuil sonraí ar fáil ina leith), arb é 43 % den iomlán.

Cabhair dhaonnúil agus cosaint shibhialta

Cabhair dhaonnúil

Sábhálann an chabhair dhaonnúil beatha daoine, cinntíonn sí le dínit an duine agus cuireann sí an dlúthpháirtíocht dhomhanda chun cinn i ngéarchéimeanna agus i gcásanna éigeandála. Tá an tAontas Eorpach ar cheann de na deontóirí cabhrach daonnúla is mó ar domhan. Le buiséad €2.4 billiún in 2023 amháin, díríonn sé ní hamháin ar éigeandálaí nua ach ar ghéarchéimeanna atá ligthe i ndearmad freisin.

Mar gheall ar choinbhleacht, suaitheadh eacnamaíoch, adhaimsir agus an phaindéim, tá neamhshlándáil an tsoláthair bia - oscail i dtáb nua. níos airde ná riamh. Rinne ionradh neamhdhleathach na Rúise ar an Úcráin difear breise do phraghsanna bia, fuinnimh agus leasacháin agus chuir sé isteach ar shlabhraí soláthair. In 2023, leithdháileadh breis agus €668 milliún ar chúnamh daonnúil bia agus cothaithe. Tríd an gcúnamh sin, tá sé d’aidhm ag an Aontas rochtain ar bhia sábháilte cothaitheach a chinntiú do na daoine is ocraí agus is leochailí i ngéarchéimeanna.

Le 12 bhliain anuas le linn ghéarchéim na Siria - oscail i dtáb nua., tá tacaíocht fhorleathan dar luach €30 billiún curtha ar fáil ag an Aontas agus a Bhallstáit do mhuintir na Siria. Cumhdaítear leis sin cabhair dhaonnúil, forbartha, eacnamaíoch agus cobhsaithe, agus leithdháileadh €170 milliún breise ar chabhair dhaonnúil in 2023.

I mí Feabhra 2023, bhuail crith talún cumhachtach, méid-7.8 an tSiria agus an Tuirc. Bhí an crith talún ar cheann de na creathanna talún is láidre sa réigiún le breis agus céad bliain. Chuir na creathanna talún ina dhiaidh sin leis an léirscrios.

Thug an tAontas freagra láithreach: sheol sí 30 foireann cuardaigh agus tarrthála chuig an Tuirc, chuir sí cúnamh daonnúil ar fáil don dá thír agus thionóil sí comhdháil - oscail i dtáb nua. idirnáisiúnta na ndeontóirí ‘Le chéile ar son an Phobail in Türkiye agus sa tSiria’ an 20 Márta. Ag an gcomhdháil, gheall an comhphobal idirnáisiúnta €7 mbilliún chun tacú le riachtanais dhaonnúla agus le hatógáil na réigiún atá buailte sa Tuirc, agus chun cabhair dhaonnúil, mar aon le tacaíocht luaththéarnaimh agus athléimneachta, a chur ar fáil don tSiria. Áiríodh leis sin ranníocaíocht €1.1 billiún ó bhuiséad an Aontais, agus fuarthas €400 milliún in 2023 faoi Chiste Dlúthpháirtíochta an Aontais Eorpaigh.

Bhuail crith talún ar mhéid-6.8 Maracó i mí Mheán Fómhair. Chuir an tAontas €1 mhilliún i gcistí éigeandála ar fáil - oscail i dtáb nua. go tapa agus sheol sé saineolaithe daonnúla agus lóistíochta, agus bhí sé réidh chun níos mó tacaíochta a chur ar fáil más gá.

Agus an gá domhanda le cabhair dhaonnúil ag dul i méid go soiléir, tá dlús curtha ag an Aontas lena thacaíocht chun bonn domhanda na ndeontóirí a leathnú agus chun an bhearna atá ag dul i méid idir cistiú agus riachtanais a dhúnadh, ar mó ná €40 billiún é den chéad uair in 2023. Bhí an t-ábhar i gcroílár Fhóram Daonnúil Eorpach - oscail i dtáb nua. bliantúil sa Bhruiséil, an Bheilg, i mí an Mhárta. D’fhonn teacht ar réitigh inbhuanaithe ar riachtanais dhaonnúla, thug sé airí gnóthaí eachtracha an Aontais le chéile chun plé a dhéanamh ar an úsáid a bhaintear as cistí forbartha agus aeráide chun dul i ngleic le bunchúiseanna na riachtanas sin agus mhol sé dóibh a leibhéal tiomantais a mhéadú.

Chomh maith le maoiniú, bhain an tAontas úsáid as a chumais féin chun obair na n-eagraíochtaí comhpháirtíochta daonnúla a chomhlánú. Tríd an Acmhainneacht Eorpach um Fhreagairt Dhaonnúil - oscail i dtáb nua., chuir sé tacaíocht lóistíochta dhíreach ar fáil i rith na bliana, go háirithe sa Mheánoirthear. Áiríodh leis sin dáileadh soláthairtí tarrthála ó stoic an Aontais féin agus eagrú oibríochtaí Aerdhroichead Daonnúil an Aontais chun lasta fóirithinte a iompar d’eagraíochtaí comhpháirtíochta.

Rinneadh an rud céanna mar fhreagairt ar an gcoinbhleacht a bhris amach sa tSúdáin i mí Aibreáin trí sholáthairtí tarrthála a thabhairt do dhaoine atá thíos leis an gcoinbhleacht sa tSúdáin agus do dhídeanaithe atá á n-óstáil i Sead. Tugadh faoi Aerdhroichead Daonnúil comhthreomhar tar éis don choinbhleacht dul in olcas tuilleadh in oirthear Phoblacht Dhaonlathach an Chongó - oscail i dtáb nua., agus lean sraith eitiltí ag cur cúnamh éigeandála ar fáil do mhuintir na hAfganastáine, atá ag tabhairt aghaidh ar an ngéarchéim dhaonnúil is mó ar domhan.

I mí an Mhárta 2023, d’eagraigh an tAontas comhdháil dlúthpháirtíochta le himircigh agus dídeanaithe ó Veiniséala, inar bailíodh €815 mhilliún agus inar leagadh béim ar an ngéarchéim dhaonnúil dearmadta sin. Eagraíodh tuilleadh imeachtaí gealltanais chun tacú le muintir Éimin agus leis na ceantair ghéarchéime i gCorn na hAfraice agus sa tSaiheil.

Tá níos mó ná leath de dhaonra Mhailí faoi bhun 18 mbliana d’aois. Tá thart ar aon trian díobh ina gcónaí i limistéir atá buailte ag coinbhleacht armtha. Tá an tAontas ag obair go gníomhach chun na leanaí sin a chosaint, chun freagairt go tapa d’easáitiú nua agus chun a chinntiú go leanfar dá n-oideachas gan bhriseadh.

Freagairt do thubaistí, iad a chosc agus ullmhacht ina leith

Is é Sásra an Aontais um Chosaint Shibhialta - oscail i dtáb nua., a bunaíodh i mí Dheireadh Fómhair 2001, cnámh droma an chomhair agus na dlúthpháirtíochta idir na Ballstáit agus 10 stát rannpháirteach eile i gcás tubaistí de dhéantús an duine nó tubaistí nádúrtha. Nuair a sháraíonn éigeandáil cumais freagartha tíre san Eoraip nó níos faide i gcéin, féadfaidh sí cúnamh a iarraidh tríd an sásra.

Le cuimsiú na Moldóive - oscail i dtáb nua. agus na hÚcráine - oscail i dtáb nua. in 2023, tá an sásra méadaithe go 37 gcomhalta le chéile atá tiomanta do chosc, ullmhacht agus freagairt ar thubaistí san Eoraip a neartú.

Tá ról lárnach ag an Aontas maidir leis an bhfreagairt chomhchoiteann ar thubaistí a chomhordú agus a mhaoiniú laistigh den Aontas agus ar fud an domhain. In 2023, tháinig borradh faoin éileamh ar chúnamh tríd an sásra, agus shroich sé 66 ghníomhachtú mar fhreagairt ar ghéarchéimeanna nádúrtha agus géarchéimeanna faoi thionchar an duine araon ar fud na hEorpa agus níos faide i gcéin. Orthu sin bhí an cogadh leanúnach san Úcráin, an crith talún ollmhór sa tSiria agus sa Tuirc, dóiteáin foraoise tubaisteacha i gCeanada agus sa Ghréig agus tuilte nach bhfacthas a leithéid riamh roimhe san Iodáil, sa Libia agus sa tSlóivéin.

Tá an tAontas tar éis a chúlchistí straitéiseacha rescEU a leathnú a thuilleadh, a cruthaíodh mar rogha dheireanach chun tacú le móréigeandálaí a bhfuil na Ballstáit thíos leo. Mar chuid de sin, tá a chúltacaí dídine féin curtha le chéile ag an Aontas, ar féidir leo freastal ar na mílte duine i roinnt tíortha. Chuir sé tús freisin le Foireann Leighis Éigeandála rescEU - oscail i dtáb nua. a chur ar bun, lenar cruthaíodh an chéad ospidéal allamuigh uile-Eorpach. Tá maoiniú faighte ag roinnt Ballstát chun an chéad stoc-charn straitéiseach ceimiceach, bitheolaíoch, raideolaíoch agus núicléach de chuid rescEU a thógáil, mar aon le cúlchiste fuinnimh éigeandála ina bhfuil gineadóirí agus trealamh eile.

Tacaíonn an tAontas le rialtais, le heagraíochtaí agus le pobail tubaistí a thuar, ullmhú dóibh agus freagairt dóibh. Cabhraítear le pobail na haidhmeanna seo a bhaint amach trí úsáid a bhaint as córais réamhrabhaidh, trí shaineolas a roinnt, trí oiliúint freagartha éigeandála a chur ar fáil agus trí earraí faoisimh a stoc-charnadh.

I ndáil leis an méid sin, tá athnuachan déanta ag an Aontas ar a thiomantas - oscail i dtáb nua. do Chreat Sendai na Náisiún Aontaithe um Laghdú Rioscaí Tubaiste. Tacaíonn sé freisin le Meiriceá Laidineach agus Muir Chairib trí Mheabhrán Tuisceana maidir le Comhar in Ullmhacht i leith Tubaistí agus i mBainistiú Riosca. De réir mar atá an timpeallacht riosca san Eoraip dulta in olcas, tá cúig sprioc glactha ag an Aontas maidir le hathléimneacht - oscail i dtáb nua. ó thubaistí in 2023. Is spriocanna iad sin a threoraíonn pobail ar fud na hEorpa chun cabhrú leo mórthubaistí amach anseo a thuar, a chosc, ullmhú dóibh agus freagairt dóibh. Bunaítear leo nasc idir cásanna sonracha tubaiste agus acmhainneachtaí freagartha, agus tá sé d’aidhm acu athléimneacht ó thubaistí a neartú ar bhealach soláimhsithe agus éifeachtúil.

Réamh-mheas

Measúnú riosca níos fearr

Ullmhú

Feasacht agus ullmhacht mhéadaithe daoine

Foláireamh

Córais luathrabhaidh feabhsaithe

Freagairt

Sásra an Aontais um Chosaint Shibhialta níos láidre

Cinntiú

Comhordú láidir práinnfhreagartha ar fud na hEorpa

Comhaontuithe trádála

Oibríonn an tAontas le tíortha ar fud an domhain agus le heagraíochtaí idirnáisiúnta chun trádáil agus rathúnas eacnamaíoch a chur chun cinn, agus ag an am céanna cinntíonn sé go gcuidíonn an teicneolaíocht le freastal ar an tsochaí agus go n-urramaíonn sí luachanna daonlathacha comhroinnte.

I mí an Mheithimh, thug an Coimisiún agus an tArdionadaí do Ghnóthaí Eachtracha agus don Bheartas Slándála, Josep Borrell, Straitéis Slándála Eacnamaíche na hEorpa - oscail i dtáb nua. isteach — cur chuige cuimsitheach le haghaidh gheilleagar an Aontais a bheidh níos láidre agus níos athléimní. Cuirfidh sé le bonn tionsclaíoch an Aontais, cosnóidh sé leasanna eacnamaíocha ríthábhachtacha agus cuirfidh sé comhar chun cinn le raon leathan tíortha nach bhfuil san Aontas chun feabhas a chur ar an tslándáil eacnamaíoch dhomhanda.

In 2023, rinne an tAontas dul chun cinn maith maidir le roinnt comhaontuithe saorthrádála. Shínigh sé agus ghlac sé - oscail i dtáb nua. comhaontú leis an Nua-Shéalainn, a tugadh i gcrích in 2022. Síníodh an comhaontú idir an tAontas agus an tSile freisin, rud a réitigh an bealach chun é a ghlacadh go foirmiúil.

Thug an tAontas an chaibidlíocht maidir leis an gComhaontú Comhpháirtíochta Eacnamaíche leis an gCéinia - oscail i dtáb nua. chun críche agus shínigh sé é, an comhaontú is uaillmhianaí atá caibidlithe ag an Aontas le tír atá i mbéal forbartha maidir leis an inbhuanaitheacht. Rinneadh dul chun cinn freisin ar an obair ar an gComhaontú um Infheistíocht Inbhuanaithe a Éascú idir an tAontas Eorpach agus Angóla, agus mhol an Coimisiún go ndéanfadh an Chomhairle an comhaontú a thabhairt i gcrích agus a shíniú.

Leanadh den chaibidlíocht maidir le comhaontuithe trádála leis an Astráil, leis an India agus leis an Indinéis, faoi mar a leanadh d’obair theicniúil agus dhlíthiúil ar an gcomhaontú trádála idir an tAontas agus Mercosur. Rinneadh an chaibidlíocht leis an Téalainn - oscail i dtáb nua. a athsheoladh freisin.

Tar éis an Idirphlé Ardleibhéil Eacnamaíoch idir an tAontas agus an tSeapáin - oscail i dtáb nua. i mí an Mheithimh agus tar éis an Chruinnithe Mullaigh idir an tAontas agus an tSeapáin - oscail i dtáb nua. i mí Iúil, chomhaontaigh an dá pháirtí tuilleadh comhair a dhéanamh faoin gComhaontú Comhpháirtíochta Eacnamaíche idir an tAontas agus an tSeapáin. Áirítear leis sin cainteanna maidir leis an tslándáil eacnamaíoch a leathnú agus teacht ar chomhaontú maidir le prionsabail na trádála digití.

I mí na Nollag, d’óstáil Béising Cruinniú Mullaigh cinniúnach idir an tAontas agus an tSín - oscail i dtáb nua., an chéad chruinniú mullaigh ar an láthair ó 2019 i leith, inar díríodh ar dhul chun cinn nithiúil a dhéanamh maidir leis an gcaidreamh idir an tAontas agus an tSín. I gcroílár an chláir oibre bhí plé maidir le heasnamh trádála an Aontais leis an tSín a chothromú, comhpháirtíocht eacnamaíoch chothrom a chothú agus cloí le noirm idirnáisiúnta.

Rinneadh plé ag an tionól freisin ar ábhair imní mhóra dhomhanda amhail cogadh foghach na Rúise i gcoinne na hÚcráine, teannais sa Mheánoirthear, an t-athrú aeráide, dúshláin sláinte, agus saincheisteanna a bhaineann le cearta an duine laistigh den tSín. Leag an cruinniú mullaigh béim ar a thábhachtaí atá an comhar agus an urraim fhrithpháirteach i ngnóthaí domhanda.

Leis na Stáit Aontaithe, leanadh den chaibidlíocht ar an Socrú Domhanda maidir le Cruach agus Alúmanam Inbhuanaithe chun aghaidh a thabhairt ar ró-acmhainneacht sna margaí domhanda agus chun an trádáil dhomhanda cruach a dhéanamh níos inbhuanaithe. Chun tacú leis na hiarrachtaí sin, chomhaontaigh na Stáit Aontaithe agus an tAontas síneadh - oscail i dtáb nua. a chur le fionraí tharaifí na Stát Aontaithe ar chainníochtaí áirithe de chruach agus d’alúmanam an Aontais agus taraifí athchothromaithe an Aontais ar earraí SAM go dtí an 31 Nollaig 2025 agus an 31 Márta 2025 faoi seach. Cuireadh tús freisin leis an gcaibidlíocht leis na Stáit Aontaithe i dtaca le Comhaontú maidir le Mianraí Criticiúla, lena gceadófaí d’fheithiclí leictreacha agus do pháirteanna leictreacha a tháirgtear san Aontas tairbhe a bhaint as creidmheasanna cánach áirithe de chuid an Achta um Laghdú Boilscithe na Stát Aontaithe.

Lean an tAontas agus na Stáit Aontaithe dá gcaidreamh digiteach agus trádála a fhorbairt faoi chuimsiú na Comhairle Trádála agus Teicneolaíochta idir an tAontas agus na Stáit Aontaithe - oscail i dtáb nua., a raibh a ceathrú Cruinniú Aireachta aici i mí na Bealtaine. Ag cur leis an rath a bhí ar an gcomhairle idir an tAontas agus na Stáit Aontaithe, thionóil an tAontas agus an India an chéad Chruinniú Aireachta den Chomhairle Trádála agus Teicneolaíochta idir an tAontas agus an India - oscail i dtáb nua. i mí na Bealtaine, tar éis a seolta - oscail i dtáb nua. i mí Feabhra. Le linn an chruinnithe, chomhaontaigh an dá thaobh an comhar eatarthu a dhoimhniú i dtrí phríomhréimse: teicneolaíocht, fuinneamh glan agus trádáil.

Is cloch mhíle thábhachtach é Creat Windsor - comhad PDF – oscail i dtáb nua. sa chaidreamh idir an tAontas agus an Ríocht Aontaithe. Soláthraítear leis réitigh chinntitheacha ar na dúshláin chur chun feidhme a bhaineann leis an bPrótacal maidir le hÉirinn/Tuaisceart Éireann (cuid lárnach den Chomhaontú um Tharraingt Siar); athdhearbhaítear leis go bhfuil an tAontas agus an Ríocht Aontaithe araon tiomanta go hiomlán do Chomhaontú Aoine an Chéasta (Béal Feirste); agus éascaítear leis an trádáil idir Tuaisceart Éireann agus an Bhreatain Mhór agus cosnaítear leis Margadh Aonair an Aontais. Tá an dá pháirtí tiomanta do gach gné den chreat a chur chun feidhme go hiomlán agus go tráthúil.

Rinneadh dul chun cinn freisin sa Chomhaontú Trádála agus Comhair in 2023, lenar ceadaíodh comhar i dtrádáil, iompar, fuinneamh agus slándáil, mar aon le réimsí amhail an chibearshlándáil agus seirbhísí airgeadais. Tháinig an Ríocht Aontaithe agus an tAontas ar chomhaontú - oscail i dtáb nua. maidir le rannpháirtíocht na Ríochta Aontaithe i bhFís Eorpach, clár taighde agus nuálaíochta an Aontais, agus Copernicus, clár ceannródaíoch an Aontais dírithe ar bhreathnóireacht na Cruinne.

A bhuí le tacaíocht an Aontais do phróiseas socraíochta na Cipire, tháinig méadú €16 mhilliún ar thrádáil na Líne Glaise - oscail i dtáb nua. idir muintir na Tuirce agus muintir na Gréige in 2023. Tá an trádáil sin ag cothú muiníne idir an dá phobal agus ag cuidiú le geilleagar na Cipire. Chun cabhrú leis an bhfás sin a thuilleadh, i mí Dheireadh Fómhair osclaíodh Ionad Ilfhreastail - oscail i dtáb nua. a fuair maoiniú ón Aontas, agus cuireadh comhairle ar fáil do thrádálaithe áitiúla.

Sheol an tAontas roinnt comhpháirtíochtaí digiteacha chun a rannpháirtíocht le comhpháirtithe atá ar aon dearcadh leis a neartú, lena n-áirítear Ceanada agus tíortha sa réigiún Ind-Chiúin-Aigéanach, amhail Singeapór - oscail i dtáb nua. agus an Chóiré Theas - oscail i dtáb nua.. Is é an aidhm atá ann an comhar a mhéadú chun spás digiteach slán sábháilte agus claochlú digiteach athléimneach a chothú. Tá an chomhpháirtíocht straitéiseach idir an tAontas agus an tSeapáin - oscail i dtáb nua. ag dul i méid freisin, agus an dá pháirtí ag síniú comhaontuithe chun feabhas a chur ar an gcomhar maidir le bonneagar digiteach, leathsheoltóirí agus slabhraí soláthair amhábhar.

Ceann eile de spriocanna an Aontais is ea feabhas a chur ar an gceangal atá aige le príomhphobail eolaíochta an domhain. Briseadh talamh úr nuair a tháinig an Nua-Shéalainn isteach i bhFís Eorpach - oscail i dtáb nua. in 2023 agus í ar an gcéad chomhpháirtí i bhfad i gcéin atá ag an Aontas san fhiontar sin. Le rannpháirtíocht Cheanada - oscail i dtáb nua., leathnaítear an chomhghuaillíocht eolaíoch idirnáisiúnta sin a thuilleadh.