Geilleagar cothrom don aistriú glas agus don aistriú digiteach

Lena chroíphrionsabail maidir le comhdheiseanna agus rochtain chomhionann ar an margadh saothair, dálaí oibre cothroma, agus cosaint agus cuimsiú sóisialta, tá Colún Eorpach na gCeart Sóisialta - oscail i dtáb nua. ina threoir ag an Aontas chun sochaithe na hEorpa a dhéanamh níos cothroime agus níos athléimní. Tá sé d’aidhm aige a chinntiú go bhfuil comhdheiseanna ag gach duine sa saol agus gur féidir leo tairbhe a bhaint as na cearta sóisialta céanna. I measc na ndeiseanna sin tá dea-oideachas agus oiliúint ar feadh an tsaoil, pá agus sochair chothroma, dálaí oibre sábháilte agus sláintiúla, cúram leanaí, pinsin agus cúram sláinte inacmhainne ar ardchaighdeán.

Faoi 2023 bhí dhá bhliain caite ó rinneadh an plean gníomhaíochta chun an colún a chur i gcrích. Tá beagnach gach ceann den 75 bheart sa phlean curtha chun feidhme nó curtha i láthair anois. Beidh athbhreithniú le déanamh ar an bplean gníomhaíochta faoi 2025.

Ba í ‘Tuarascáil Chomhpháirteach ar Fhostaíocht - comhad PDF – oscail i dtáb nua.’ 2023 an chéad tuarascáil a chuir an t-eolas is déanaí ar fáil maidir leis an dul chun cinn atá déanta i dtreo spriocanna an Aontais agus spriocanna náisiúnta i ndáil le fostaíocht, scileanna agus cosanta sóisialta atá le baint amach faoi 2030. Cé go bhfuil an tAontas píosa maith síos an bóthar ceart i dtreo a phríomhsprie mar atá fostaíocht 78 % a bhaint amach faoi 2030, tá gá le dul chun cinn nach beag go fóill chun na spriocanna maidir le foghlaim aosach agus laghdú bochtaineachta a shroicheadh.

An t-idirphlé sóisialta agus an geilleagar sóisialta a neartú

Cuirtear feabhas ar dhálaí maireachtála agus oibre a bhuí leis an gcaibidlíocht idir eagraíochtaí a dhéanann ionadaíocht ar fhostóirí agus ar oibrithe trí idirphlé sóisialta, agus tá ról tábhachtach ag an gcaibidlíocht sin freisin maidir leis an dul in oiriúint do dhálaí eacnamaíocha agus sóisialta atá ag athrú. Mar sin féin, tá éagsúlacht mhór ann i leibhéal rannpháirtíochta na gcomhpháirtithe sóisialta i measc Bhallstáit an Aontais, agus is lú ionadaíocht a bhíonn ann ar chineálacha nua fostaíochta agus ar ghrúpaí áirithe, amhail daoine óga.

Chun tacú leis na Ballstáit an t-idirphlé sóisialta a neartú, ghlac an tAontas moladh - oscail i dtáb nua. ina raibh bearta nithiúla maidir le rannpháirtíocht níos mó ó na comhpháirtithe sóisialta — mar shampla, cómhargáil a chur chun cinn agus dul i gcomhairle leo nuair a bhíonn beartais eacnamaíocha, fostaíochta agus shóisialta á gceapadh agus á gcur chun feidhme. Chuathas i gcomhairle - oscail i dtáb nua. leis na comhpháirtithe sóisialta freisin maidir le gníomhaíocht chun cearta na gComhairlí Oibreacha Eorpacha - oscail i dtáb nua. a neartú, ar uirlis thábhachtach iad chun ról a thabhairt d’oibrithe i gcinntí a d’fhéadfadh difear a dhéanamh dá ndálaí fostaíochta nó oibre arna ndéanamh ag cuideachtaí atá ag feidhmiú i roinnt Ballstát.

An geilleagar sóisialta i bhfigiúirí

Tugann an geilleagar sóisialta tús áite do dhaoine agus do chúiseanna sóisialta agus comhshaoil roimh bhrabús. Cuimsíonn eagraíochtaí an gheilleagair shóisialta raon éagsúil earnálacha, ó sheirbhísí sóisialta agus cúraim go tithíocht, áineas agus fuinneamh inacmhainne. Áirítear leo comharchumainn, gnóthais fhrithpháirteacha, comhlachais neamhbhrabúsacha, fondúireachtaí agus fiontair shóisialta.

Tá ról ríthábhachtach ag eagraíochtaí an gheilleagair shóisialta maidir le dul i ngleic le dúshláin roimh an tsochaí agus dálaí oibre cothroma a chur chun cinn trí pháirt a thabhairt d’fhostaithe sa chinnteoireacht agus sa rialachas. Cruthaíonn eagraíochtaí an gheilleagair shóisialta deiseanna freisin do ghrúpaí atá faoi ghann-ionadaíocht, cuir i gcás mná agus daoine óga, agus cuidíonn siad leis an aistriú glas agus leis an aistriú digiteach a dhéanamh cothrom cuimsitheach. Chun tacú le tuilleadh forbartha a dhéanamh ar an earnáil thábhachtach sin, d’fhormheas an tAontas bearta - oscail i dtáb nua. i mí na Samhna chun timpeallacht a chruthú ina mbeidh eagraíochtaí an gheilleagair shóisialta in ann bláthú agus fás. Tá eolas le fáil faoi mhaoiniú ón Aontas, faoi dheiseanna oiliúna agus faoina bhfuil ag tarlú ar an láthair sna Ballstáit ó ionad ilfhreastail - oscail i dtáb nua. nua le haghaidh an gheilleagair shóisialta.

Sa lá atá inniu ann, bíonn ar na comhlachais neamhbhrabúis a bhíonn i mbun gníomhaíochtaí i mBallstát eile aghaidh a thabhairt ar rialacha éagsúla ar fud an Aontais, rud a fhágann go mbíonn ualaí riaracháin agus costais riaracháin i gceist. Chun deireadh a chur leis na bacainní sin, mhol - oscail i dtáb nua. an Coimisiún Eorpach foirm nua comhlachais náisiúnta neamhbhrabúis a ceapadh go sonrach le haghaidh gníomhaíochtaí trasteorann, rud a chuirfidh ar cumas na comhlachais sin leas a bhaint as a gcuid saoirsí sa Mhargadh Aonair.

Tá an Ciste um Aistriú Cóir - oscail i dtáb nua. agus an Ciste Eorpach um Choigeartú don Domhandú - oscail i dtáb nua. ríthábhachtach chun a chinntiú nach bhfágfar aon duine ar lár. Ina theannta sin, leis an gCiste Aeráide Sóisialta - oscail i dtáb nua. nuachruthaithe tacófar le teaghlaigh leochaileacha, micreaghnólachtaí leochaileacha agus úsáideoirí iompair leochaileacha san Aontas a bhféadfadh bochtaineacht fuinnimh agus iompair a bheith rompu. Tiocfaidh thart ar €65 bhilliún de bhuiséad €86.7 billiún an chiste ó ioncam arna ghiniúint ag Córas Trádála Astaíochtaí an Aontais - oscail i dtáb nua. lena gcumhdaítear na hearnálacha tógála agus iompair. Beidh sé i bhfeidhm ó 2026 go 2032. (Féach Caibidil 4 freisin.)

Iomaíochas agus scileanna a threisiú

Cé go bhfuil deiseanna nua á gcur ar fáil do dhaoine agus do gheilleagar na hEorpa leis an aistriú glas agus an aistriú digiteach, tá go leor de chuideachtaí an Aontais ag tuairisciú deacrachtaí maidir le hoibrithe a aimsiú a bhfuil na scileanna riachtanacha acu. Chun an t-athsciliú agus an t-uas-sciliú riachtanach a sholáthar do lucht saothair na hEorpa agus chun daoine a bhfuil na scileanna cearta acu a mhealladh chuig an Aontas, ainmníodh 2023 mar an Bhliain Eorpach um Scileanna - oscail i dtáb nua..

Cuireadh an phráinn a bhaineann le tionscnamh den sórt sin i dtábhacht le torthaí suirbhé - oscail i dtáb nua. a rinneadh san earrach i measc fiontair bheaga agus mheánmhéide, inar léiríodh go bhféadfadh teorainn a bheith le cumas an Aontais a chuid spriocanna a bhaint amach.

Tá FBManna ag coinneáil siar ar ghanntanas scileanna i ndáil leis an méid seo a leanas:

Ganntanas scileanna de réir ról poist

Céatadán na FBManna a bhfuil ganntanas scileanna le sárú acu i ndáil leis an méid seo a leanas:

Cuirtear sonraí i láthair sa ghrafaic faisnéise maidir leis an gcaoi a bhfuil ganntanas scileanna ag cur isteach ar fhiontair bheaga agus mheánmhéide i réimsí éagsúla oibríochta agus post. Cur síos fada. Mar gheall ar easpa scileanna, tá dúshláin roimh 63 % d’fhiontair bheaga agus mheánmhéide (FBManna) ina ngníomhaíochtaí gnó ginearálta, 45 % maidir le teicneolaíochtaí digiteacha a ghlacadh nó a úsáid agus 39 % maidir le gníomhaíochtaí gnó a ghlasú. Maidir le róil shonracha phoist, tuairiscíonn 69 % de FBManna go bhfuil ganntanas scileanna ann i measc oibreoirí meaisín, oibrithe ceirde agus oibrithe ceirde oilte. Ina theannta sin, tá gearrsholáthar ag 59 % de na fiontair bheaga agus mheánmhéide ag lucht saothair láimhe, agus is deacair do 58 % díobh gairmithe, gairmithe agus teicneoirí a aimsiú a bhfuil na scileanna riachtanacha acu. Tá bainisteoirí agus oibrithe riaracháin, cléireachais agus seirbhíse gann freisin, agus tuairiscíonn 39 % agus 34 % de FBManna faoi seach deacrachtaí sna réimsí sin.

Le tionscnaimh amhail an Comhshocrú um Scileanna - oscail i dtáb nua. táthar ag dul i ngleic cheana féin le dúshláin agus ganntanais i bhforbairt scileanna, agus ag cur go mór leis an mBliain um Scileanna. Go dtí seo, bhain níos mó ná 2 mhilliún duine tairbhe as gníomhaíochtaí uas-scilithe agus athscilithe, agus chláraigh níos mó ná 1 500 eagraíocht le Cairt an Chomhshocraithe um Scileanna - oscail i dtáb nua., 20 comhpháirtíocht mhórscála - oscail i dtáb nua. ina measc. Tá breis agus 15 000 clár oiliúna forbartha nó tugtha cothrom le dáta ag comhaltaí an Chomhshocraithe freisin agus tá beagnach €160 milliún infheistithe acu i dtionscnaimh scileanna.

Ar bhonn Acadamh Ceallraí na hEorpa - oscail i dtáb nua., a seoladh in 2022, tá an Coimisiún ag moladh Acadaimh um an Tionscal Glan-Nialasachta chun na scileanna is gá don aistriú glas a thabhairt d’oibrithe. Leis na hacadaimh, a mbeidh gach ceann acu dírithe ar theicneolaíocht ghlan-nialasach amháin, tabharfar lucht tionscail, comhpháirtithe sóisialta, agus soláthraithe oideachais agus oiliúna le chéile.

FÍSEÁN An Bhliain Eorpach um Scileanna.

An Bhliain Eorpach um Scileanna

Tá sé d’aidhm ag Bliain Eorpach na Scileanna go n-aithneoidh gach uile duine an tábhacht a bhaineann leis an oiliúint agus go mbeidh siad gníomhach ina leith.

Tá an tAontas ag obair i gcomhar leis na Ballstáit, le comhpháirtithe sóisialta, le seirbhísí fostaíochta, le comhlachais tráchtála agus tionsclaíochta, le soláthraithe oideachais agus oiliúna, le hoibrithe agus le cuideachtaí chun dlús a chur le forbairt scileanna ar an láthair agus chun iad a chur chun cinn.

Tháinig thart ar 300 duine le chéile sa Bhruiséil agus breis agus 1 000 ar líne chun freastal ar an imeacht suaitheanta chun luach scileanna a chur i dtábhacht dar teideal ‘Making Skills Count’ [Scileanna a chur i dTábhacht] - oscail i dtáb nua.. Le linn na Seachtaine Eorpaí um Scileanna Gairme - oscail i dtáb nua. ón 23 go dtí an 27 Deireadh Fómhair, leagadh béim ar an tábhacht a bhaineann le gairmoideachas agus gairmoiliúint chun freagairt do dhúshláin eacnamaíocha, aeráide agus shóisialta. Faoi dheireadh na bliana, bhí níos mó na 900 imeacht eagraithe ar an leibhéal náisiúnta agus ar an leibhéal áitiúil.

Ar cheann de thionscnaimh shuaitheanta de chuid na Bliana Eorpaí um Scileanna, seoladh an tAcadamh Bauhaus Eorpach Nua - oscail i dtáb nua. maidir le scileanna le haghaidh na tógála inbhuanaithe faoin tionscnamh Bauhaus Eorpach Nua. Cuirfear dlús leis le huas-sciliú agus le hathsciliú san éiceachóras tógála chun tacú leis an aistriú chuig bithgheilleagar - oscail i dtáb nua.athghiniúnach. Is ansin a úsáidtear acmhainní bitheolaíocha in-athnuaite ón talamh agus ón bhfarraige (e.g. barra, foraoisí agus éisc) chun bia, ábhair agus fuinneamh a tháirgeadh. I measc na gcéad réimsí a mbeidh an t-acadamh dírithe orthu beidh bearnaí eolais a shainaithint in úsáid ábhar bithbhunaithe agus teicneolaíochtaí digiteacha, mar aon le ciorclaíocht mhéadaithe san earnáil tógála.

Mar chuid thábhachtach dá ionchur sa Bhliain um Scileanna, chuaigh an Coimisiún i gcomhairle leis na comhpháirtithe sóisialta maidir le tionscnamh chun an Creat Cáilíochta Eorpach do Chúrsaí Oiliúna - oscail i dtáb nua. a thabhairt cothrom le dáta agus a neartú. Tá sé d’aidhm ag an gcreat feabhas a chur ar cháilíocht na gcúrsaí oiliúna, go háirithe ó thaobh ábhair foghlama agus oiliúna agus dálaí oibre de, chun an t-aistriú ón oideachas, ón dífhostaíocht nó ón neamhghníomhaíocht a éascú agus chun deis a thabhairt do dhaoine feabhas a chur ar a gcuid scileanna agus taithí oibre a fháil.

Beidh an tArdán Tallainne Nuálaíochta - oscail i dtáb nua. uile-Aontais, a seoladh i mí an Mhárta, ina chuidiú do ghnólachtaí, gnólachtaí nuathionscanta san áireamh, teacht ar an tallann atá de dhíth orthu lasmuigh den Aontas. Leis sin méadófar soghluaisteacht daoine oilte i dtreo na hEorpa agus laistigh di trí earcaíocht idirnáisiúnta agus trí thacú le comhoiriúnú idir fostóirí atá bunaithe san Aontas agus náisiúnaigh cháilithe ó thíortha nach bhfuil san Aontas a theastaíonn uathu dul a chónaí san Aontas go dleathach agus obair a dhéanamh ann.

Sna blianta beaga amach romhainn, beidh daonra an Aontais fós ag dul i laghad. Mura dtabharfar aghaidh ar na ganntanais lucht saothair is in olc a rachaidh siad agus cuirfear brú ar bhuiséid phoiblí dá ndeasca, mar a dhearbhaítear i dtuarascáil déimeagrafaíochta 2023. - comhad PDF – oscail i dtáb nua. Tar éis do na ceannairí iarraidh a dhéanamh ag an gComhairle Eorpach i mí an Mheithimh, chuir an Coimisiún bosca uirlisí beart - comhad PDF – oscail i dtáb nua. i láthair chun cabhrú leis na Ballstáit an t-athrú déimeagrafach a bhainistiú. Tá sé d’aidhm aige an chumhacht a thabhairt do gach glúin a mianta pearsanta agus a n-acmhainneacht iomlán sa gheilleagar agus sa tsochaí i gcoitinne a bhaint amach.

Tá tábhacht ar leith ag baint le buanna a chothú i réigiúin ina bhfuil lucht saothair atá ag dul i laghad agus cion íseal daoine a bhfuil oideachas iar-mheánscoile acu, agus i réigiúin a ndearna imeacht daoine óga difear dóibh. Seoladh an Sásra chun cur leis an Tallann - oscail i dtáb nua. i mí Eanáir 2023 mar chuid de straitéis an Aontais chun an tallann ina réigiúin a chur chun tairbhe - oscail i dtáb nua.. Leis an sásra sin tacófar le réigiúin an Aontais atá thíos le meath luathaithe a ndaonra in aois oibre chun na daoine leis na scileanna agus na hinniúlachtaí is gá chun aghaidh a thabhairt ar thionchar an aistrithe dhéimeagrafaigh a oiliúint, a choinneáil agus a mhealladh. An tArdán um an tallann a chur chun tairbhe - oscail i dtáb nua., inar tugadh lucht ceaptha beartas ó na réigiúin agus ó na Ballstáit le chéile leo siúd ar leibhéal an Aontais, seoladh go hoifigiúil é i mí na Samhna.

Tuismitheoirí

Comhréiteach idir an saol oibre agus an saol príobháideach a éascú agus pleananna teaghlaigh a chur i gcrích.

An Óige

Cur ar chumas daoine óga a n-acmhainneacht a bhaint amach i dtimpeallacht foghlama ardcháilíochta agus an t-aistriú chuig saol na hoibre a éascú.

Daoine aosta

Tacú leis an aosú gníomhach agus sláintiúil agus á chur ar chumas do dhaoine smacht a choinneáil ar a saol agus rannchuidiú leis an ngeilleagar agus leis an tsochaí fós.

An Imirce

Tallann a mhealladh agus a lánpháirtiú ó lasmuigh den Aontas.

Rathúnas eacnamaíoch agus folláine eacnamaíoch a chur chun cinn i ngach réigiún a bhfuil beartais áitbhunaithe acu.

Tá cur chun feidhme na físe fadtéarmaí do cheantair thuaithe an Aontais - oscail i dtáb nua. faoi lán seoil. Tá breis agus 2 000 eagraíocht agus údarás ar leibhéal an Aontais, ar an leibhéal náisiúnta, ar an leibhéal réigiúnach agus ar an leibhéal áitiúil ag comhoibriú anois chun comhar níos láidre a chothú i réimsí éagsúla beartais agus chun borradh a chur faoi inbhuanaitheacht agus beogacht na gceantar tuaithe. In 2023 cruthaíodh Grúpa Comhordaithe an Chomhshocraithe Tuaithe - oscail i dtáb nua. agus seoladh Ardán Pobail an Chomhshocraithe Tuaithe - oscail i dtáb nua., le hacmhainní le haghaidh pobail tuaithe a bhfuil an caillteanas daonra, an dul in aois agus an meath déimeagrafach ag bagairt orthu. Sholáthair an tAontas treoir pholaitiúil - oscail i dtáb nua. freisin arb é is aidhm di rathúnas, athléimneacht agus creatlach shóisialta na gceantar tuaithe agus na bpobal tuaithe a neartú a thuilleadh.

I mí na Samhna chuir an Coimisiún bearta - oscail i dtáb nua. i láthair chun an tAontas a dhéanamh níos tarraingtí do dhaoine le tallann ón taobh amuigh, agus chun an tsoghluaisteacht laistigh den Aontas a éascú. Ar cheann de na príomhthionscnaimh tá togra chun Linn Tallainne de chuid an Aontais a bhunú. Beidh sí sin ar an gcéad ardán meaitseála post uile-Aontais, arb é is aidhm dó earcaíocht idirnáisiúnta a éascú do ghairmeacha ina bhfuil ganntanas daoine, ar gach leibhéal scileanna. Le sraith moltaí a ghabhann leis an tionscnamh, déanfar aitheantas do na scileanna agus na gcáilíochtaí a fuarthas lasmuigh den Aontas a shimpliú agus a bhrostú. Trí fhaisnéis agus treoir shoiléir thrédhearcach ar líne a sholáthar maidir le nósanna imeachta inimirce agus aitheantais, beidh Linn Tallainne an Aontais ina tacaíocht d’fhostóirí agus do chuardaitheoirí poist chun a mbealach a dhéanamh trí na rialacha casta earcaíochta. Beidh an earcaíocht idirnáisiúnta níos éasca, níos tapúla agus níos éifeachtaí léi do gach duine lena mbaineann. Beidh Linn Tallainne an Aontais ina cuidiú freisin le Comhpháirtíochtaí Tallainne a chur chun feidhme trí uirlis a sholáthar le haghaidh socrúcháin éifeachtacha poist do náisiúnaigh rannpháirteacha ó thíortha nach bhfuil san Aontas.

Tacaíocht d’oibrithe

Dálaí a fheabhsú le haghaidh oibrithe ardáin

Rinne Parlaimint na hEorpa agus an Chomhairle dul chun cinn ina n-idirbheartaíocht i ndáil leis an treoir atá beartaithe maidir le feabhas a chur ar dhálaí oibre i réimse na hoibre ardáin. Is é is aidhm don mholadh a chinntiú go dtabharfar stádas dlíthiúil fostaíochta do dhaoine a oibríonn trí ardáin saothair dhigiteacha, ar stádas é a fhreagraíonn dá socruithe oibre iarbhír, agus a chinntiú gur féidir leo leas a bhaint as na cearta saothair agus na sochair shóisialta a bhfuil siad ina dteideal. Chomh maith leis sin, bunaítear leis an Treoir rialacha nua lena rialaítear úsáid córas uathoibrithe i dtaobh monatóireacht agus cinnteoireacht ar ardáin saothair dhigitigh. Leis sin, déantar trédhearcacht agus cuntasacht níos fearr a chur chun cinn i réimse an bhainistithe de réir algartam, rud a chuireann ar chumas daoine a bheith ar an eolas faoi chinntí a dhéanann difear dá ndálaí oibre agus agóid a dhéanamh ina n-aghaidh.

Leagtar béim sa ghrafaic faisnéise ar fhás tapa lucht saothair na n-ardán digiteach san Aontas. Cur síos fada. Léirítear sa ghrafaic faisnéise go raibh 28.3 milliún oibrí ardáin dhigitigh san Aontas ó 2022 ar aghaidh, líon atá inchomparáide leis an 29 milliún duine a bhí fostaithe sa mhonaraíocht. Meastar, faoi 2025, go dtiocfaidh méadú 52 % ar líon na n-oibrithe ardáin dhigitigh, a shroichfidh 43 mhilliún.

Piarfhoghlaim i gcomhair an riaracháin phoiblí

In 2023, ghlac thart ar 100 státseirbhíseach ó 17 mBallstát páirt i dtionscadal malartaithe nua um ullmhú na chéad ghlúine eile de lucht ceaptha beartas san Aontas. Cuireann an clár um Chomhar agus Malartú sa Riarachán Poiblí - oscail i dtáb nua. ar chumas na rannpháirtithe foghlaim ó mhodhanna oibre agus ó chultúr údarás riaracháin phoiblí eile de chuid an Aontais. Maoinítear é faoin Ionstraim um Thacaíocht Theicniúil - oscail i dtáb nua., is é sin an clár AE lena gcuirtear saineolas teicniúil saincheaptha ar fáil do na Ballstáit chun cabhrú leo athchóirithe a cheapadh agus a chur chun feidhme.

Scileanna digiteacha i gcomhair gairmithe sláinte

Le linn na bliana, bhain an Eastóin, an Spáinn, an Iodáil agus an Rómáin tairbhe as tionscadail a maoiníodh leis an Ionstraim um Thacaíocht Theicniúil chun inniúlachtaí digiteacha a ngairmithe cúraim sláinte a neartú agus chun a chinntiú go mbeidh uas-sciliú ar siúl de shíor amach anseo. Tacaíonn na tionscadail le húdaráis sláinte ar an leibhéal náisiúnta agus an leibhéal réigiúnach ó thaobh pleananna scileanna digiteacha agus treoirlínte oibríochtúla a fhorbairt ar mhaithe le glacadh agus úsáid ríomhthaifid sláinte a éascú.

Sláinte agus sábháilteacht ag an obair

I mí na Samhna, tháinig an Pharlaimint agus an Chomhairle ar chomhaontú sealadach - oscail i dtáb nua. go n-ísleoidís na teorainneacha nochta maidir le luaidhe ionas gurb é an cúigiú cuid den teorainnluach reatha a bheidh i gceist. Is féidir le luaidhe tionchar a imirt ar an bhfeidhmiú collaí agus ar an torthúlacht, sin agus dochar a dhéanamh d’fhorbairt féatais nó do shliocht na mban a mbíonn teagmháil acu léi. Thacaigh siad freisin leis an gcéad teorainn nochta riamh a thabhairt isteach maidir leis na ceimiceáin ar a dtugtar dé-isicianáití, ceimiceáin is féidir a bheith ina gcúis le galair riospráide, an t-asma cuir i gcás. Is athruithe iad seo a tháinig sna sála ar thogra - oscail i dtáb nua. ón gCoimisiún a bhí bunaithe ar an bhfianaise eolaíoch is déanaí, agus beidh siad ríthábhachtach i dtaca le cosaint oibrithe le linn an aistrithe chun na haeráidneodrachta. Is dócha go n-úsáidfear idir luaidhe agus dé-isicianáití i dtáirgeadh ceallraí, i bpróisis chun feithiclí leictreacha a dhéanamh níos éadroime, i dtuirbíní gaoithe, nó mar ábhair inslithe le linn athchóirithe foirgneamh, mar shampla.

Leasaigh an tAontas reachtaíocht - oscail i dtáb nua. chun an teorainn nochta ceirde maidir leis an aispeist - oscail i dtáb nua. a ísliú go suntasach. Is céim thábhachtach atá ann sin i dtreo cosaint níos fearr a thabhairt d’oibrithe ar an aispeist, ar substaint í atá an-chontúirteach, atá ina cúis ailse, agus atá i roinnt mhaith foirgneamh i gcónaí. Cuid is ea é de chur chuige cuimsitheach an Aontais i leith cosaint níos fearr a thabhairt do dhaoine agus don chomhshaol ar an aispeist agus todhchaí slán ó aispeist a chinntiú.

An saol a dhéanamh níos éasca tríd an tslándáil sóisialta a chomhordú go digiteach

Moladh - oscail i dtáb nua. céimeanna praiticiúla chun comhordú na gcóras slándála sóisialta san Eoraip a dhigitiú tuilleadh. Ach leas iomlán a bhaint as uirlisí digiteacha, cuirfear feabhas ar an malartú faisnéise idir institiúidí náisiúnta slándála sóisialta, agus cuirfear dlús le haithint agus deonú sochar incháilithe thar theorainneacha. Fágfaidh sé sin gur fusa a bheidh sé ar chónaitheoirí de chuid an Aontais cur fúthu, dul ag obair, agus taisteal thar lear, gur fusa a bheidh sé ar chuideachtaí gnó a dhéanamh i mBallstáit eile, agus gur fusa a bheidh sé ar údaráis riaracháin náisiúnta an tslándáil shóisialta a chomhordú thar theorainneacha (féach Caibidil 5).

An t-oideachas, an oiliúint agus an fhoghlaim ar feadh an tsaoil

Erasmus+

Agus páirt glactha ag 14 mhilliún duine nach mór sa chlár Erasmus+ - oscail i dtáb nua. go dtí seo, tá sé ar cheann de na cláir is suaithinsí atá ag an Aontas, agus is clár é faoina gcumhdaítear an t-oideachas, an oiliúint, an óige agus an spórt. Mhéadaigh an Coimisiún an buiséad a bhí ag gabháil don chlár le haghaidh na bliana 2023 ionas gur €4.43 billiún a bhí ann san iomlán — sin an leithdháileadh airgeadais bliantúil is airde dá bhfuair sé riamh. D’fhág sé sin gurbh fhéidir treisiú le tosaíochtaí Erasmus+ maidir leis an gcuimsiú, an tsaoránacht ghníomhach agus an rannpháirtíocht dhaonlathach, agus maidir leis na haistrithe glasa agus digiteacha san Aontas agus go hidirnáisiúnta. Cuimsíodh sa chlár oibre athbhreithnithe €100 milliún le haghaidh tacú le foghlaimeoirí agus le baill foirne oideachais atá thíos le cogadh foghach na Rúise i gcoinne na hÚcráine. Neartaíodh an ghné idirnáisiúnta de Erasmus+, a bhuí le méadú €31 mhilliún ar an mbuiséad ar mhaithe le treisiú le tionscadail soghluaisteachta agus fothú acmhainneachta san ardoideachas chun tacú le tionscadail comhair idirnáisiúnta. In 2023, bhí sé ina ina thacaíocht freisin i dtaobh timpeallacht dhigiteach oideachais oscailte a chruthú do mhic léinn atá cláraithe in institiúidí ardoideachais de chuid na hÚcráine, dóibh siúd atá ar a dteitheadh ón Úcráin, nó do mhic léinn atá easáitithe ina dtír féin.

Cén phróifíl a bhí ag an ngnáthmhac léinn ardoideachais Erasmus+ in 2023?

Leagtar amach sa ghrafaic faisnéise seo an déimeagrafaic, fad an staidéir agus an cistiú deontais don ghnáthmhac léinn Erasmus+ in 2023. Cur síos fada. Léirítear sa ghrafaic faisnéise meánphróifíl mic léinn Erasmus+ in 2023, a bhí 22.5 bliain d’aois, a chaith 5.18 mí thar lear de ghnáth agus a fuair deontas míosúil €374 ar an meán, agus dáileadh inscne 61 % mná agus 39 % fir.

An Limistéar Eorpach Oideachais

Is tionscnamh é an Limistéar Eorpach Oideachais - oscail i dtáb nua. chun cabhrú leis na Ballstáit oibriú le chéile le haghaidh córais oideachais agus oiliúna níos cuimsithí agus níos athléimní a thógáil. Is é is aidhm dó a fhágáil gur fearr an rochtain a bheidh ar oideachas agus ar oiliúint ar ardchaighdeán, cur ar chumas foghlaimeoirí gluaiseacht go héasca ó chóras oideachais go chéile i dtíortha éagsúla, agus cabhrú ó thaobh cultúr a chothú ina mbeifear ag foghlaim ar feadh an tsaoil. An tráth a bhí an pointe meántéarma sroichte ó thaobh thógáil an Limistéir Eorpaigh Oideachais, d’aithin an Chomhairle an dul chun cinn atá déanta - oscail i dtáb nua., sin agus an gá a bheidh le hiarrachtaí leanúnacha ó na Ballstáit, ón gCoimisiún agus ó phobal na bpáirtithe leasmhara i gcoitinne má táthar leis an tógáil sin a chur i gcrích faoin mbliain 2025.

Rinne Painéal Saoránach tiomnaithe maidir leis an tSoghluaisteacht Foghlama - oscail i dtáb nua. (féach freisin Caibidil 9) 21 mholadh shonracha a bhí dírithe ar dheiseanna foghlama thar lear a fheabhsú do gach duine san Aontas. Cuireadh na moltaí sin san áireamh fad a bhíothas ag dréachtú an togra ón gCoimisiún le haghaidh moladh ón gComhairle - oscail i dtáb nua. lena n-iarrtar ar na Ballstáit dlúthchuid de gach conair oideachais agus oiliúna a dhéanamh den tsoghluaisteacht foghlama laistigh den Aontas.

An t-oideachas digiteach

Ní mór scileanna digiteacha a bheith ag daoine chun go mbeidh siad in ann páirt a ghlacadh sa tsochaí agus san obair, agus chun go mbainfear cuimsiú sóisialta amach. Tá sé d’aidhm ag an Aontas feabhas a chur ar an gcaoi a mbíonn daoine ag foghlaim ar líne, agus a chinntiú go bhfuil na scileanna digiteacha atá riachtanach le haghaidh shaol an lae inniu agus an tsaoil a bheidh ann amach anseo ar a dtoil ag daoine.

Chuige sin, ghlac an tAontas dhá mholadh - oscail i dtáb nua. i mí na Samhna arb é is aidhm dóibh treoir agus tacaíocht a thabhairt do na Ballstáit maidir le scileanna digiteacha na ndaoine a fhorbairt agus aghaidh a thabhairt ar an deighilt dhigiteach. Is cuid de chur chun feidhme Phlean Gníomhaíochta 2021-2027 don Oideachas Digiteach - oscail i dtáb nua. atá sna moltaí sin. Ag an am céanna, táthar ag leanúint den obair ar na 13 ghníomhaíocht atá ag gabháil leis an bplean sin. I mí an Mheithimh, mar shampla, seoladh pobal cleachtais chun tacú leis an Ardán Eorpach um Malartú maidir le hábhar ardoideachais agus sonraí oideachais, mar chuid den Mhol Oideachais Dhigitigh - oscail i dtáb nua.. Ina theannta sin, tá tús curtha ag an gCoimisiún le treoirthionscadal chun a fháil amach cé mar a d’fhéadfaí Deimhniú Eorpach um Scileanna Digiteacha - oscail i dtáb nua. a fhorbairt. Cabhair a bheadh ann sin ó thaobh fostóirí agus soláthraithe oiliúna na scileanna digiteacha atá ag daoine a aithint go tapa agus go héasca thar theorainneacha. (Chun tuilleadh eolais a fháil faoi scileanna digiteacha, féach Caibidil 5.)

FÍSEÁN Duais Aireagóirí Óga: cláir inrochtana do leanaí lagamhairc.

Córais oideachais níos cuimsithí

A bhuí leis an Ionstraim um Thacaíocht Theicniúil, tá an Spáinn, an Iodáil agus an Phortaingéil ag déanamh a gcóras oideachais níos cuimsithí ag daltaí faoi mhíbhuntáiste trí thionscadal ilnáisiúnta atá dírithe ar éagothromaíochtaí réigiúnacha a chomhrac. Le maoiniú faoin ionstraim, táthar ag cabhrú freisin le hÉirinn agus leis an bhFionlainn treochláir a fhorbairt chun múinteoirí a uas-sciliú agus oideachas cuimsitheach ardchaighdeáin a chur chun cinn, agus leis an Rómáin córas a bhunú agus a chur i bhfeidhm chun líon na ndaoine a fhágann an scolaíocht go luath a laghdú.

Leabhair agus an léitheoireacht a chur chun cinn

I mí an Mhárta, seoladh den chéad uair riamh Lá na nÚdar Eorpach, tionscnamh nua faoin gclár Eoraip na Cruthaitheachta. Os cionn 1 000 imeacht a bhí ag gabháil leis, agus ba é ab aidhm dó an ghlúin óg a chur ag léamh leabhar an athuair, agus daoine a spreagadh chun eolas a chur ar an éagsúlacht chultúrtha agus teanga a bhaineann le litríocht na hEorpa.

Tacú leis an taighde

Tá cúig mhisean de chuid an Aontais - oscail i dtáb nua., a fhaigheann tacaíocht ó chistiú Fís Eorpach - oscail i dtáb nua. go príomha, lena bhfuiltear ag cabhrú le hobair an Choimisiúin maidir leis na rudaí seo a leanas — an Comhaontú Glas don Eoraip, an Eoraip a chur in oiriúint don ré dhigiteach, agus Plean Sáraithe Ailse na hEorpa. Is iad an taighde agus nuálaíocht an túsphointe atá ag na misin chéanna. Faoi scáth gach misin díobh, tá spriocanna leagtha amach atá uaillmhianach, praiticiúil agus intomhaiste, chun torthaí nithiúla a bhaint amach ar son gach duine san Aontas. Léiríonn - oscail i dtáb nua. measúnú ar dhul chun cinn go bhfuil na misin ar an mbóthar ceart i dtaca lena spriocanna uaillmhianacha a bhaint amach faoi 2030.

Chun fíorthionchar marthanach a chruthú, spreagann na misin raon leathan gníomhaithe poiblí agus príobháideacha chun gnímh — na Ballstáit, údaráis réigiúnacha agus áitiúla, agus institiúidí taighde san áireamh, chomh maith le feirmeoirí, infheisteoirí agus comhpháirtithe comhlachaithe ó áiteanna lasmuigh den Aontas. Ina theannta sin, bíonn siad i dteagmháil leis na saoránaigh chun cur leis an nglacadh atá le réitigh agus cuir chuige nua. In 2023, seoladh an chéim ullmhúcháin le haghaidh an tséú misean maidir le Bauhaus Eorpach Nua. Is misean é sin trína ndíreofar ar an nuálaíocht, agus trína bhféachfar le comharsanachtaí ar fud na hEorpa a athrú chun feabhais, sa chaoi gur comharsanachtaí áille, inbhuanaithe, cuimsitheach a bheidh iontu faoi 2035.

FÍSEÁN Misean an Aontais um Ailse — Aghaidh a thabhairt ar riachtanais na ndaoine óga a tháinig slán ón ailse.

Mar chuid den chlár Fís Eorpach, bíonn an Chomhairle Eorpach um Thaighde - oscail i dtáb nua. ag cabhrú ó thaobh teorainneacha an eolais a shárú i ngach réimse den eolaíocht agus den léann trína scéimeanna deontais iomráiteacha. In 2023, bronnadh deontais ón gcomhairle dar luach iomlán €2 bhilliún ar thionscadail a roghnaíodh mar gheall ar an sármhaitheas eolaíochta atá bainte amach acu.

Is iad Gníomhaíochtaí Marie Skłodowska-Curie - oscail i dtáb nua. clár suaitheanta cistiúcháin an Aontais le haghaidh oideachas dochtúireachta agus oiliúint iardhochtúireachta taighdeoirí. Le linn 2023, thacaigh an clár sin le beagnach 3 000 tionscadal agus 4 400 eagraíocht, a roghnaíodh le haghaidh cistiú in 2021 agus 2022. Leis an maoiniú sin, ar fiú breis agus €1.6 billiún é, cuirfear oiliúint ar os cionn 15 000 iarrthóir dochtúireachta laistigh agus lasmuigh den saol acadúil.

Beirt de na taighdeoirí a bhuaigh Duais Nobel na Fisice in 2023 - oscail i dtáb nua., fuair siad maoiniú ón Aontas. Fuair Ferenc Krausz agus Anne L’Huillier deontais dar luach €9.5 milliún, nach mór, ón gComhairle Eorpach um Thaighde. Fuair siad tacaíocht freisin ó chláir thaighde eile de chuid an Aontais, Gníomhaíochtaí Marie Skłodowska-Curie ina measc. Iad féin agus fisiceoir eile, Pierre Agostini, bhuaigh siad an duais mar gheall ar ‘mhodhanna turgnamhacha trína ngintear bíoga solais atasoicind ar mhaithe le staidéar a dhéanamh ar dhinimic leictreon in ábhar’.

I mí Iúil, mhol - oscail i dtáb nua. an Coimisiún go ndéanfadh an Chomhairle moladh ar son bhunú creata Eorpaigh nua do ghairmeacha taighde, cairte nua do thaighdeoirí, agus creata Eorpaigh um inniúlachtaí do thaighdeoirí. Is é príomhsprioc na dtionscnamh sin taighdeoirí a choinneáil san Eoraip, an Eoraip a bheith ina ceann scríbe tarraingteach do thaighdeoirí ón taobh amuigh, agus gairmeacha taighde a chur chun cinn mar rogha tharraingteach do mhic léinn óga agus do chéimithe óga.

Ar Lá Idirnáisiúnta na mBan (an 8 Márta), fógraíodh na chéad bhuaiteoirí a ghnóthaigh duais nua a thugann aitheantas d’eagraíochtaí acadúla agus taighde as an athrú i dtreo an chomhionannais inscne sa taighde agus sa nuálaíocht a chur chun cinn. Trí institiúid acadúla ó Éirinn agus ceann amháin ón tSualainn a thug leo Duais an Aontais do Chrainn Taca an Chomhionannais Inscne - oscail i dtáb nua..

Dlús a chur le bearta ar son Aontas comhionannais

Comhionannas inscne

Cé gur ceann de bhunphrionsabail an Aontais Eorpaigh is ea an ceart pá comhionann a fháil as obair chomhionann nó obair ar luach comhionann, tá a dtuileann na mná san Aontas 13 % níos lú ar an meán ná a dtuilleann na fir. Cé gur ceist chasta í an bhearna phá idir na hinscní, meastar go bhfuil an t-idirdhealú pá ar cheann de na príomhchúiseanna atá léi. Tá rialacha nua - oscail i dtáb nua. maidir le trédhearcacht pá ann arb é is aidhm dóibh cur i bhfeidhm an phrionsabail sin a neartú, agus cabhrú ó thaobh an bhearna phá idir na hinscní a dhúnadh. Leis an Treoir maidir le Trédhearcacht Pá - oscail i dtáb nua., tugtar an ceart d’oibrithe eolas a fháil faoi mheánleibhéil phá na ndaoine ar fad a dhéanann an post céanna nó a dhéanann obair ar luach comhionann, rud a chuireann ar chumas oibrithe aon idirdhealú pá ar bhonn inscne a shainaithint, agus agóid a dhéanamh ina choinne.

Ina theannta sin, leis an treoir chéanna tugtar an deis d’oibrithe a gceart chun pá chomhionainn a fhorfheidhmiú i gcás ina gcreideann siad go bhfuil idirdhealú á dhéanamh orthu. Cinnteofar léi, mar shampla, gur féidir le comhlachais agus comhlachtaí ábhartha, comhlachtaí comhionannais cuir i gcás, ionadaíocht a dhéanamh os comhair cúirte ar dhaoine atá thíos leis an idirdhealú pá. Cinntítear léi gur fearr an cúiteamh a gheobhaidh daoine atá thíos leis an idirdhealú pá, agus gur láidre na pionóis a ghearrfar mar gheall ar chearta a shárú. Ní mór na rialacha nua a ionchorprú sa dlí náisiúnta faoin 7 Meitheamh 2026.

Lean an Coimisiún de bheith ag tacú le gníomhartha chun foréigean inscnebhunaithe agus foréigean in aghaidh leanaí a chosc agus a chomhrac - oscail i dtáb nua., rud a rinne sé tríd an gClár um Shaoránacht, Comhionannas, Cearta agus Luachanna - oscail i dtáb nua.. Roghnaíodh 13 thionscadal dá dtabharfar maoiniú dar luach €30 milliún nach mór. Is ar an bhforéigean inscnebhunaithe agus an foréigean teaghlaigh a dhíríonn seacht gcinn de na tograí a roghnaíodh, is ar an bhforéigean in aghaidh leanaí a dhíríonn cúig cinn acu, agus tá ceann amháin ann a bhaineann le daoine fásta agus leanaí araon.

Ba chloch mhíle thábhachtach é aontachas an Aontais, i mí an Mheithimh, le Coinbhinsiún Iostanbúl - oscail i dtáb nua. maidir le Foréigean in aghaidh na mBan agus Foréigean Teaghlaigh a Chosc agus a Chomhrac. Is rud é a léiríonn tiomantas an Aontais i leith dlús a chur le gníomhaíocht i gcoinne foréigean inscnebhunaithe sna 27 mBallstát, agus i leith gníomhaíocht chun tacú le híospartaigh uile an fhoréigin in aghaidh na mban agus an fhoréigin teaghlaigh. Tháinig an coinbhinsiún i bhfeidhm san Aontas an 1 Deireadh Fómhair 2023.

FÍSEÁN Cur in aghaidh steiréitíopaí inscne.

Tá steiréitíopaí inscne ar cheann de na bunchúiseanna atá le neamhionannais inscne. Tríd an bhfeachtas ‘#EndGenderStereotypes - oscail i dtáb nua.’, a seoladh i mí an Mhárta, táthar ag díriú ar steiréitíopaí inscne a imríonn tionchar ar mhná agus fir araon i ngach réimse den saol, an chothromaíocht oibre agus saoil, roghanna gairme, agus deiseanna ar phoist cheannaireachta ina measc. Is é is aidhm don fheachtas sin feasacht daoine a mhúscailt maidir le steiréitíopaí san fhíorshaol, agus daoine a spreagadh chun cleachtais idirdhealaitheacha a cheistiú agus aghaidh a thabhairt orthu.

Cur chun feidhme Straitéis um Comhionannas LGBTIQ 2020–2025

I dtuarascáil 2023 ar dhul chun cinn maidir le cur chun feidhme Straitéis um Chomhionannas LGBTIQ 2020–2025 - comhad PDF – oscail i dtáb nua., cuirtear i láthair roinnt mhaith bearta a bhaineann le cúrsaí leispiacha, aeracha, déghnéasacha, trasinscneacha, idirghnéasacha agus aiteacha (LGBTIQ), agus léirítear go bhfuil formhór na ngníomhaíochtaí atá ag gabháil leis an straitéis curtha i gcrích, sin go bhfuil siad á gcur chun feidhme. Is í an tuarascáil sin a bheidh ina bonn eolais maidir le plé ar an méid a chaithfear a bhaint amach fós chun go gcuirfear an Straitéis um Chomhionannas LGBTIQ chun feidhme go rathúil faoi 2025.

Chuir an Coimisiún leis an gcistiú a chuireann sé ar fáil faoin gClár um Shaoránacht, Comhionannas, Cearta agus Luachanna chun an t-idirdhealú in aghaidh daoine LGBTIQ a chomhrac agus chun comhionannas LGBTIQ a chur chun cinn, agus leithdháileadh €3 mhilliún ar thionscadail a chuaigh chun tairbhe go sonrach don phobal LGBTIQ in 2023–2024.

In 2023, sheol an Coimisiún an feachtas ‘Keep Your Eyes Open - oscail i dtáb nua.’, rud atá ina thionscnamh faoi Straitéis an Aontais Eorpach um Chearta Íospartach 2020–2025 - oscail i dtáb nua., le haghaidh feasacht a mhúscailt faoi chearta íospartach coireachta, íospartaigh na coireachta fuatha frith-LGBTIQ san áireamh. Is é is aidhm don fheachtas cairde agus teaghlaigh na n-íospartach a spreagadh chun cabhair agus tacaíocht a chur ar fáil. Is é an sprioc dheiridh a chinntiú go dtuigeann na híospartaigh a gcearta agus go mbraitheann siad go bhfuil sé de chumhacht acu iad a úsáid chun an chóir a lorg.

An cuimsiú agus an éagsúlacht a chur chun cinn

Comhairle Cathrach Terrassa,

an Spáinn

Réigiún na Bruiséile,

an Bheilg

Cathair Heilsincí,

an Fhionlainn

Comhairle Cathrach La Zarza,

an Spáinn

Baile Labin,

an Chróit

Bardas Fundão,

an Phortaingéil

Cathair Gdańsk,

an Pholainn

An Chatalóin,

an Spáinn

Cathair Reggio Emilia,

an Iodáil

Cuireann Uirlis Féinmheasúnaithe Éagsúlachta an Aontais - oscail i dtáb nua., a foilsíodh i mí na Bealtaine le linn Mhí na hÉagsúlachta Eorpaí - oscail i dtáb nua., ar chumas fostóirí san earnáil phoiblí agus san earnáil phríobháideach agus in eagraíochtaí, idir bheag agus mhór, a fheiceáil cé chomh maith agus a bhainistíonn siad an éagsúlacht i sé chatagóir.

Bonneagar éagsúlachta eagrúcháin

Earcaíocht

Dul chun cinn gairme

Téarmaí agus coinníollacha

Riachtanais shonracha a aithint

Próifíl eagraíochtúil

Straitéis maidir le Cearta Daoine faoi Mhíchumas 2021–2030

Chun go mbeidh Aontas comhionannais ann, caithfidh daoine faoi mhíchumas a bheith in ann leas a bhaint as a gcearta agus páirt iomlán a ghlacadh sa tsochaí agus sa gheilleagar, ar nós gach duine eile.

Chun a chinntiú go mbeidh rochtain chomhionann ag daoine faoi mhíchumas ar shochair de bharr lascainí agus ar bhuntáistí eile ar fud an Aontais, agus gur féidir leo gluaiseacht gan bhac ó Bhallstát go chéile, tá an méid seo a leanas molta - oscail i dtáb nua. ag an gCoimisiún:

• cárta míchumais Eorpach nua; agus
• cárta páirceála Eorpach feabhsaithe do dhaoine faoi mhíchumas.

Is é an aidhm atá i gceist leis an gCárta Míchumais Eorpach atá molta ná gur cruthúnas aitheanta ar mhíchumas a bheidh ann ar fud an Aontais. Leis an gcárta sin tabharfar rochtain chomhionann do shealbhóirí cártaí ar na coinníollacha speisialta céanna agus ar an gcóir fhabhrach chéanna (e.g. saoriontráil, taraifí laghdaithe agus rochtain tosaíochta) a chuirtear ar fáil do chónaitheoirí de chuid an Bhallstáit a mbeidís siad ar cuairt ann. Beidh feidhm aige sin maidir leis an iompar poiblí, le himeachtaí cultúrtha, le músaeim, le hionaid spóirt, etc. Beidh an cárta ina chomhlánú ar chártaí náisiúnta míchumais atá ann cheana. Rinneadh an comhairliúchán poiblí ar an gcárta nua a chur ar fáil i roinnt formáidí éagsúla chun inrochtaineacht a chinntiú. Is é an toradh a bhí air sin ná gur breis agus 2 500 duine faoi mhíchumas a rannchuidigh - oscail i dtáb nua. leis an tionscnamh.

Leis an gcárta páirceála nua atá molta, ráthófar go bhfaighfear na cearta céanna agus atá ag cónaitheoirí de chuid an Bhallstáit lena mbaineann chun úsáid a bhaint as spásanna agus saoráidí páirceála atá curtha in áirithe do dhaoine faoi mhíchumas. Tá sé beartaithe an cárta sin a chur in ionad cártaí páirceála náisiúnta.

Tá an tionscnamh á chaibidliú ag an bParlaimint agus ag an gComhairle.

Cosaint tomhaltóirí

In 2023, lean an Coimisiún, i gcomhar leis na húdaráis atá freagrach as dlíthe cosanta tomhaltóirí an Aontais a fhorfheidhmiú (sa Ghréasán um Chomhar ar mhaithe le Cosaint Tomhaltóirí - oscail i dtáb nua.), lean sé de dhul chun cinn mór a dhéanamh maidir le tomhaltóirí a chosaint ar chleachtais éagóracha. Thug an gréasán sin aghaidh ar an earnáil taistil, agus is mór an lámh a bhí aige ina chinntiú go gcaitear go cothrom le tomhaltóirí i gcásanna ina gcuirtear eitilt ar ceal. Ba dhíol suntais eile é Google a dhul i mbun idirphlé leis an ngréasán, idirphlé inar gheall - oscail i dtáb nua. sé eolas níos soiléire agus níos cruinne a thabhairt do thomhaltóirí chun rialacha an Aontais a chomhlíonadh.

Le rialacha nuachóirithe, cinnteofar nach dtairgfear do thomhaltóirí an Aontais ach táirgí sábháilte, is cuma cad is áit tionscnaimh dóibh, bídís á ndíol i siopaí traidisiúnta nó i margaí ar líne. Na rialacha nua - oscail i dtáb nua. sin, lena dtugtar aghaidh ar na dúshláin a bhaineann leis an méadú atá ag teacht ar an digitiú, le forbairtí teicneolaíochta nua agus le slabhraí soláthair domhandaithe, tháinig siad i bhfeidhm i mí an Mheithimh agus beidh feidhm acu i ngach Ballstát ón 13 Nollaig 2024 ar aghaidh.

I mí na Samhna tháinig rialacha nua i bhfeidhm chun cosaint a thabhairt do thomhaltóirí - oscail i dtáb nua. a bhfuil iarratas á dhéanamh acu ar chreidmheas (e.g. iasacht chun íoc as carr). Is é is aidhm dóibh a chinntiú go mbíonn a fhios ag tomhaltóirí cé leis go díreach a bhfuil a n-ainm á chur acu, sin agus go gcuirfear eolas in oiriúint do ghléasanna digiteacha.

Ina theannta sin, i mí na Nollag tháinig rialacha nuachóirithe i bhfeidhm maidir le conarthaí seirbhísí airgeadais a thugtar i gcrích go cianda - oscail i dtáb nua. (e.g. ar líne nó tríd an bpost). Leagtar síos sa reachtaíocht rialacha soiléire maidir leis an eolas is gá a chur ar fáil do thomhaltóirí sula dtugtar conradh i gcrích. Rud eile a thugtar isteach léi is ea deis a bheith ag an tomhaltóir tarraingt siar ó chonradh trí ‘chnaipe aistarraingthe’ so-aimsithe ar shuíomh gréasáin an díoltóra. Deis eile a thugtar do thomhaltóirí leis na rialacha nua, a mbeidh feidhm acu ó lár 2026 ar aghaidh, is ea teagmháil a dhéanamh le duine nuair nach leor bota comhrá.

Tá gealltanas tugtha ag mórghníomhaireachtaí taistil an méid seo a leanas a dhéanamh:

eolas níos fearr a thabhairt do thomhaltóirí maidir leis na cearta atá acu i gcásanna ina gcuirtear eitilt ar ceal;

aisíocaíochtaí ticéad a bhrostú, sa chaoi gur uastréimhse feithimh 14 lá a bheidh ag an tomhaltóir (uastréimhse 7 lá maidir le haerlínte aisíocaíocht a thabhairt do thaistealaithe nó don idirghabhálaí a úsáideadh chun an ticéad a chur in áirithe, agus 7 lá maidir leis an idirghabhálaí an aisíocaíocht a phróiseáil);

sonraí teagmhála ríshoiléire a chur ar fáil;

eolas a chur ar fáil maidir leis na sochair shonracha a bhaineann lena bpacáistí seirbhíse;

míniú a thabhairt ar na himpleachtaí a bhíonn ag seirbhísí sonracha ar chearta tomhaltóirí i gcásanna ina gcuirtear isteach ar eitilt.