Téarnamh leanúnach agus athléimneacht fadtéarmach

Treochtaí

In 2023, lean geilleagar an Aontais de bheith ag fás - oscail i dtáb nua., cé gur laghdaíodh an móiminteam mar gur chuir suaití suntasacha ar an ngeilleagar. Tháinig laghdú ar an mboilsciú i rith na bliana, a bhuí le praghsanna fuinnimh a bheith ag laghdú agus leis an mbrú boilscitheach ó bhia agus earraí tionsclaíocha a mhaolú.

Tá margadh saothair thar a bheith láidir ag tacú le geilleagar an Aontais, margadh ina bhfuil na rátaí dífhostaíochta is ísle riamh, méadú leanúnach ar na bhfostaíocht agus ardú pá. Tá cur chun feidhme na n-athchóirithe agus na n-infheistíochtaí faoin tSaoráid Téarnaimh agus Athléimneachta - oscail i dtáb nua. lárnach i gcónaí chun geilleagar an Aontais a choinneáil ar an mbóthar ceart.

Ag féachaint chun cinn, tá baol fós ann d’ionchais fáis gheilleagar an Aontais mar gheall ar chogadh foghach leanúnach na Rúise i gcoinne na hÚcráine agus an teannas geopholaitiúil níos leithne.

Rath na Saoráide Téarnaimh agus Athléimneachta

In 2023, a bhuí le cur chun feidhme na Saoráide Téarnaimh agus Athléimneachta, ina phríomhsprioc ag €800 billiún NextGenerationEU - oscail i dtáb nua., an plean téarnaimh, leanadh de bheith ag spreagadh téarnamh eacnamaíoch - oscail i dtáb nua.. Neartaigh an ionstraim athléimneacht eacnamaíoch agus shóisialta na mBallstát agus thacaigh sí le REPowerEU, tionscnamh an Aontais chun cabhrú leis na Ballstáit dlús a chur lena n-aistriú ó bhreoslaí iontaise, i bhfianaise ionradh gan chúis na Rúise ar an Úcráin (féach Caibidil 4 le haghaidh tuilleadh eolais maidir le tionscnamh REPowerEU).

Is saoráid ar leith í mar go bhfuil sí bunaithe ar an bhfeidhmíocht. Chun tairbhe a bhaint as, ní mór do Bhallstát plean téarnaimh agus athléimneachta a chur faoi bhráid an Choimisiúin. Leagtar amach sna pleananna sin na hathchóirithe agus na hinfheistíochtaí atá beartaithe ag na Ballstáit a thabhairt chun críche faoi dheireadh 2026, ar ina leith is féidir leo maoiniú a fháil suas le leithdháileadh a comhaontaíodh roimhe sin. Eisíocann an Coimisiún íocaíochtaí leis na Ballstáit atá ag brath ar gharspriocanna agus spriocanna réamhshocraithe a bhaint amach go rathúil, ar spriocanna iad a leagtar amach ina bpleananna. Ceapadh na bearta sin chun dul i ngleic le príomhdhúshláin na mBallstát agus chun iad a ailíniú le cuspóirí an Aontais.

Tá athchóirithe agus infheistíocht á spreagadh ag an tSaoráid Téarnaimh agus Athléimneachta i sé réimse beartais: (i) an t-aistriú glas: (ii) an t-aistriú digiteach; (iii) fás cliste, inbhuanaithe agus cuimsitheach; (iv) comhtháthú sóisialta agus críochach; (v) athléimneacht na sláinte, an gheilleagair, na sochaí agus na n-institiúidí; agus (vi) beartais don chéad ghlúin eile.

Cuireann an tAontas cabhair ar fáil do na Ballstáit freisin chun a bpleananna téarnaimh agus athléimneachta a chur chun feidhme - oscail i dtáb nua. tríd an Ionstraim um Thacaíocht Theicniúil - oscail i dtáb nua.. Go dtí seo, thairbhigh níos mó ná 400 tionscadal den tacaíocht sin. Tá tacaíocht ghinearálta faighte ag 23 Bhallstát nó tá tacaíocht ghinearálta á fáil acu faoi láthair chun gnéithe cothrománacha an phlean téarnaimh agus athléimneachta a chur chun feidhme, lena n-áirítear tacaíocht maidir lena bpleananna a athbhreithniú, agus tá gach ceann de na 27 mBallstát ag baint tairbhe as tacaíocht théamach atá nasctha le cur chun feidhme bhearta na Saoráide Téarnaimh agus Athléimneachta.

Ceapann formhór na ndaoine san Eoraip (53 %) gur féidir le NextGenerationEU a bheith éifeachtach chun freagairt do na dúshláin eacnamaíocha atá ann faoi láthair.

Foinse: Eorabharaiméadar Caighdeánach 100 - oscail i dtáb nua., Nollaig 2023.

A bhuí le cur chun feidhme phleananna téarnaimh agus athléimneachta na mBallstát, faoi dheireadh 2022 (tá na figiúirí is déanaí ar fáil):

Buiséad an Aontais Eorpaigh: an tAontas a chur in oiriúint do na dúshláin atá ann faoi láthair agus a bheidh ann amach anseo

Athléimneacht fhadtéarmach a chothú

Le linn na bliana, chuir an Coimisiún tograí reachtacha i láthair chun an t-athchóiriú is cuimsithí ar rialacha maidir le rialachas eacnamaíoch an Aontais - oscail i dtáb nua. a chur chun feidhme tar éis iarmhairt na géarchéime eacnamaíche agus airgeadais. Rinneadh machnamh críochnúil agus comhairliúchán forleathan chun na tograí a chur le chéile. is é is aidhm do na rialacha na Ballstáit a spreagadh le hathchóirithe agus le hinfheistíochtaí tábhachtacha a chur chun feidhme agus sin a éascú dóibh. Fágfaidh na rialacha go mbeidh an rialachas eacnamaíoch níos simplí, go gcuirfear feabhas ar úinéireacht náisiúnta, go gcuirfear béim níos mó ar an meántéarma agus go neartófar forfheidhmiú rialacha fioscacha an Aontais, laistigh de chreat coiteann trédhearcach AE.

Aontas Comhtháthaithe Eorpach

In 2023 ceiliúradh comóradh 30 bliain ó cruthaíodh an Ciste Comhtháthaithe - oscail i dtáb nua.. Le tríocha bliain anuas atá sé ar an bhfód, tá beagnach €179 billiún infheistithe ag an gCiste Comhtháthaithe i gcomhtháthú eacnamaíoch, sóisialta agus críochach an Aontais. Meastar go dtiocfaidh méadú 0.5 % ar olltáirgeacht intíre an Aontais le cistiú an bheartais chomhtháthaithe le haghaidh na tréimhse 2021-2027 - oscail i dtáb nua. agus go dtacóidh sé le 1.3 milliún post a chruthú. I measc na mórthionscadal a cuireadh i gcrích nó a seoladh in 2023 bhí athchóiriú iliomad Pompeii, córas meitreo nua le haghaidh Thessaloniki agus bonneagar fuíolluisce feabhsaithe sa Rómáin. Faoi dheireadh na bliana, bhí torthaí suntasacha bainte amach ag cláir bheartais comhtháthaithe le haghaidh na tréimhse 2014-2020, lena n-áirítear tacaíocht do 4.5 milliún gnólacht, os cionn 370 000 post nua a chruthú, rochtain níos fearr ar leathanbhanda le haghaidh níos mó ná 7.9 milliún teaghlach agus os cionn acmhainneacht bhreise 6 000 meigeavatuair le haghaidh táirgeadh fuinnimh in-athnuaite a shuiteáil.

Leis an méid sin, leagtar béim ar an ról ríthábhachtach atá ag riaracháin phoiblí réigiúnacha agus áitiúla, arb iad is gaire do na daoine agus a bhfuil ról lárnach acu maidir le tosaíochtaí beartais a bhaint amach agus reachtaíocht an Aontais a chur chun feidhme ar an láthair. Mar aitheantas air sin, is é is aidhm don tionscnamh ComPAct - oscail i dtáb nua., a seoladh in 2023, feabhas a chur ar riaracháin phoiblí sna Ballstáit.

Margadh Aonair láidir athléimneach

Margadh Aonair ar an bhfód le 30 bliain

In 2023, rinne an tAontas ceiliúradh ar chomóradh 30 bliain an Mhargaidh Aonair - oscail i dtáb nua., a raibh a bhunú, an 1 Eanáir 1993, ina chloch mhíle shuntasach i lánpháirtiú na hEorpa. Tá i bhfad níos mó i gceist leis an Margadh Aonair ná creat dlíthiúil amháin, ná margadh, go deimhin; is réimse saoirse, dul chun cinn, deiseanna, fáis, rathúnais chomhroinnte, comhtháthaithe agus athléimneachta é. Neartaíonn sé sin seasamh eacnamaíoch agus geopholaitiúil domhanda an Aontais go mór. Is é atá ann 15 % den olltáirgeacht intíre dhomhanda agus is é an limistéar comhtháite margaidh aonair is mó ar domhan, agus tá sé fós ar cheann de na limistéir a dhíríonn ar allmhairí a léirscaoileadh agus onnmhairí a chur chun cinn.

Le breis agus 30 bliain - oscail i dtáb nua. anuas, tá an Margadh Aonair ina chuid lárnach d’iomaíochas an Aontais, lenar cuireadh feabhas ar shaol na saoránach agus lenar éascaíodh an gnó. Trí olltáirgeacht intíre an Aontais a mhéadú 9 %, tá tairbhí eacnamaíocha suntasacha bainte amach aige, rud a neartaíodh le tacaíocht ó bheartas comhtháthaithe a chuireann ar chumas do gach réigiún leas agus tairbhe a bhaint aisti. Tá ról lárnach ag an Margadh Aonair freisin i dtaca leis an aistriú glas agus leis an aistriú digiteach a éascú. Mar fhoinse do chomhtháthú rialála, airgeadais agus slabhra soláthair an Aontais, cuidíonn sé le barainneachtaí scála a thógáil atá ríthábhachtach chun cabhrú le gnólachtaí fás.

An Margadh Aonair i mbeagán focal

Is ionann an Margadh Aonair agus 18 % d’olltáirgeacht intíre an domhain…

… ag tairiscint earraí agus seirbhísí do níos mó ná 450 milliún duine.

Foinse: Tuarascáil Bhliantúil ar an Margadh Aonair - comhad PDF – oscail i dtáb nua., Eanáir 2023.

---

Tá sé comhdhéanta de:

---

Arbh eol duit? (^*)

---

Bhí an Margadh Aonair ríthábhachtach d’athléimneacht eacnamaíoch an Aontais, rud a chruthaigh go raibh sé bunriachtanach le linn géarchéimeanna a tharla le déanaí amhail an phaindéim, nó fogha na Rúise faoin Úcráin agus an ghéarchéim fuinnimh ina dhiaidh sin. Ina theannta sin, fónann sé ina uirlis gheopholaitiúil thábhachtach, lena gcuirtear feabhas ar thionchar an Aontais in ainneoin athruithe geopholaitiúla agus feabhas ar an aistriú práinneach chuig an teicneolaíocht ghlan. D’ainneoin an mhéid atá bainte amach aige, ní mór an Margadh Aonair a fhorbairt i bhfianaise na réaltachtaí geopholaitiúla nua atá ag athrú, an dul chun cinn teicneolaíoch agus an aistrithe ghlais agus an aistrithe dhigitigh, agus chun borradh a chur faoi iomaíochas agus faoi tháirgiúlacht fhadtéarmach an Aontais.

Margadh Aonair níos láidre

Leis an athchóiriú atá beartaithe ar reachtaíocht an Aontais maidir le cosaint dearaí - oscail i dtáb nua., déanfar nuálaíocht agus cosaint dearaí san Aontas a neartú, a chuíchóiriú agus a nuachóiriú freisin.

Ar deireadh, tá an tAontas ag tacú le gnó trasteorann trí dheireadh a chur le bacainní ar fhás eacnamaíoch agus ar ghnó.

D’fhéadfaí €713 bhilliún a chur leis an ngeilleagar faoi dheireadh 2029 dá gcuirfí bearta nua i bhfeidhm chun aghaidh a thabhairt ar bhacainní.

Sampla amháin is ea na rialacha nua atá beartaithe chun deireadh a chur le bacainní ar shaorghluaiseacht innealra shoghluaiste nach innealra bóthair é - oscail i dtáb nua., amhail craenacha, buainteoirí agus forcardaitheoirí, ar bhóithre poiblí.

---

Tiocfaidh an rialachán maidir le hinnealra soghluaiste nach innealra bóthair é in ionad na gcóras rialála éagsúla atá ann faoi láthair sna Ballstáit, agus déanfaidh sé an méid seo a leanas:

---

Ina theannta sin, chun é a dhéanamh níos éasca d’eagraíochtaí neamhbhrabúsacha feidhmiú thar theorainneacha,  i mí Mheán Fómhair mhol an Coimisiún foirm dhlíthiúil nua ar a dtugtar an comhlachas trasteorann Eorpach - oscail i dtáb nua.. Cuirfidh sé sin feabhas ar fheidhmiú an Mhargaidh Aonair trí dheireadh a chur le bacainní dlíthiúla agus riaracháin do chomhlachais neamhbhrabúsacha a oibríonn i níos mó ná Ballstát amháin nó atá ag iarraidh oibriú i níos mó ná Ballstát amháin.

Ar deireadh, i mí na Nollag, chuir an Coimisiún togra leasaithe chun cinn le haghaidh rialachán chun réitigh thrasteorann a éascú - oscail i dtáb nua.. Is é is aidhm dó sin cuidiú leis na Ballstáit réiteach a fháil ar chonstaicí a dhéanann difear do shaol laethúil an 150 milliún saoránach atá ina gcónaí i réigiúin trasteorann an Aontais. Má théitear i ngleic leis na constaicí sin, cuirfear feabhas suntasach ar fheidhmiú an Mhargaidh Aonair agus neartófar comhtháthú eacnamaíoch, sóisialta agus críochach an Aontais.

Borradh a chur faoin iomaíochas fadtéarmach

I gcomhthéacs iomaíochta domhanda láidre agus dúshlán geopholaitiúil nua, mhol an Coimisiún díriú ar naoi bpríomhspreagthóir chun borradh a chur faoi iomaíochas fadtéarmach an Aontais - oscail i dtáb nua.. Is é atá sna naoi spreagthóir sin ná margadh aonair atá ag feidhmiú mar is ceart, rochtain ar chaipiteal príobháideach, infheistíocht phoiblí agus bonneagar, taighde agus nuálaíocht, fuinneamh, ciorclaíocht, digitiú, oideachas agus scileanna, agus trádáil agus neamhspleáchas straitéiseach oscailte.

Áirithíonn an tAontas iomaíochas fadtéarmach agus Margadh Aonair rathúil freisin trí rialacha a chur i bhfeidhm go haonfhoirmeach arb é is aidhm dóibh iomaíocht chóir a choinneáil ar bun ar fud na mBallstát agus na ngnólachtaí uile. Déantar cinntí an Choimisiúin faoi thrustaí, faoi chumaisc agus faoi rialú státchabhrach deimhin de go mbeidh margadh inmheánach cothrom agus éifeachtúil ann, rud atá ríthábhachtach do gheilleagar an Aontais. Áirithíonn rialú státchabhrach go n-ailíníonn fóirdheontais rialtais le spriocanna comhroinnte agus go gcoinníonn siad dálaí comhsheasmhacha gnó ar bun ar fud an Aontais. Bíonn praghsanna níos fearr agus níos cothroime do thomhaltóirí mar thoradh ar iomaíocht bhríomhar san earnáil phríobháideach. Gach cinneadh faoi bheartas iomaíochta a dhéanann an Coimisiún, seasann sé le leasanna tomhaltóirí agus gnó, agus cosnaítear daoine san Aontas ar ghníomhaithe eacnamaíocha neamhscrupallacha ag an am céanna.

Na naoi spreagthóir iomaíochais

Naoi spreagthóir atá i gcreat rialála a chuireann leis an bhfás, agus tá Margadh Aonair feidhmiúil ina chroílár. Feidhmíonn an Margadh Aonair seo trí iomaíochas inbhuanaithe, a bhuí le ceithre chomhpháirt ann: 1. inbhuanaitheacht comhshaoil; 2. athléimneacht agus cobhsaíocht; 3. folláine do chách agus cothroime; 4. táirgiúlacht. Is iad na hocht spreagadh eile don iomaíochas rochtain ar chaipiteal príobháideach, infheistíocht agus bonneagar poiblí, taighde agus nuálaíocht, fuinneamh, ciorclaíocht, digitiú, oideachas agus scileanna, agus trádáil agus neamhspleáchas straitéiseach oscailte.

Is sampla maith í an Ionstraim um Margaí Digiteacha - oscail i dtáb nua. den chaoi a dtéann an beartas iomaíochta chun tairbhe don phobal. Tá an gníomh, lena gcomhlánaítear rialacha iomaíochta an Aontais gan teacht ina n-ionad, ar cheann de na chéad phíosaí reachtaíochta ar domhan chun srian a chur le cumhacht rialaithe rochtana atá ag mórchuideachtaí digiteacha, rud a fhágann go mbíonn tairbhí eacnamaíocha agus sóisialta ann do shaoránaigh. (Chun tuilleadh sonraí a fháil féach Caibidil 5.)

Ní hamháin go n-áirithíonn an tAontas go bhfuil an iomaíocht inmheánach cothrom, ach déanann sé seiceáil freisin go bhfuil deis chothrom ag gnólachtaí san Aontas go n-éireoidh leo agus iad ag dul i ngleic le hiomaíocht idirnáisiúnta. I mí Iúil, thug an tAontas isteach an Rialachán maidir le Fóirdheontais Eachtracha - oscail i dtáb nua.. Cuireann sé sin ar chumas don Choimisiún scrúdú a dhéanamh ar ranníocaíochtaí airgeadais a thugann rialtais neamh-AE do chuideachtaí atá ag feidhmiú san Aontas. Má bhíonn buntáiste éagórach do na cuideachtaí sin mar gheall ar na ranníocaíochtaí sin, is féidir leis an gCoimisiún bearta a dhéanamh chun na héifeachtaí saofa a cheartú.

---

Tá sé beartaithe leis an nGníomh um an Tionscal Glan-nialasachta - oscail i dtáb nua. freisin feabhas a chur ar iomaíochas gheilleagar an Aontais trí chreat rialála níos fearr a chur ar fáil do thionscail. Tacóidh sé sin lena n-aistriú i dtreo nuálaíochtaí glasa agus digiteacha. Mar chuid de Phlean Tionsclaíoch an Chomhaontaithe Ghlais, cruthóidh sé creat rialála níos intuartha agus níos simplithe arb é is aidhm dó infheistíocht a spreagadh i monarú táirgí atá bunriachtanach chun spriocanna aeráidneodrachta an Aontais a bhaint amach.

Déanfaidh an gníomh bonn tionsclaíoch an Aontais a neartú agus déanfaidh sé bonn tionsclaíoch an Aontais níos athléimní i dteicneolaíochtaí glan-nialasacha, rud atá ríthábhachtach do chóras fuinnimh ghlain atá costéifeachtach, iontaofa agus inbhuanaithe. Ina theannta sin, cuirfidh sé dlús le cruthú agus táirgeadh teicneolaíochtaí glan-nialasacha, rud a chuideoidh le spleáchas an Aontais ar bhreoslaí iontaise na Rúise a laghdú agus spleáchais nua a sheachaint a d’fhéadfadh bac a chur ar phríomhtheicneolaíochtaí agus ar chomhpháirteanna is gá don aistriú glas (féach Caibidil 4).

Gné thábhachtach eile chun iomaíochas an Aontais a fheabhsú is ea feabhas a chur ar an tslándáil eacnamaíoch. I mí an Mheithimh, sheol an Coimisiún agus Ardionadaí an Aontais do Ghnóthaí Eachtracha agus don Bheartas Slándála, Josep Borrell, an Straitéis Eorpach um an tSlándáil Eacnamaíoch - oscail i dtáb nua. — cur chuige cuimsitheach arb é is aidhm dó geilleagar an Aontais a neartú. Leis an straitéis sin, cuirfear chun cinn forbairt bhonn tionsclaíoch an Aontais, cosnófar na leasanna bunúsacha slándála eacnamaíche atá aige agus beidh sé ina chomhpháirtí leis an raon is leithne is féidir de thíortha nach tíortha AE iad chun comhghníomhaíocht a chur chun cinn d’fhonn an tslándáil eacnamaíoch a chur chun cinn ar an leibhéal idirnáisiúnta. Tá an straitéis ríthábhachtach chun go mbeidh an tAontas in ann rioscaí eacnamaíocha a mheasúnú agus a bhainistiú, agus ag an am céanna a oscailteacht a chaomhnú agus leanúint de bheith rannpháirteach go hidirnáisiúnta.

An Córas Airgeadais

Aontas na margaí caipitil

Is éard is margaí caipitil ann margaí airgeadais ina gceannaítear agus ina ndíoltar urrúis, amhail stoic agus bannaí. Cuireann siad ar a gcumas do ghnólachtaí, do rialtais agus d’eintitis eile caipiteal a thiomsú ó réimse leathan infheisteoirí. Is é aontas na margaí caipitil - oscail i dtáb nua. tionscnamh an Aontais Eorpaigh chun margadh aonair a chruthú le haghaidh caipitil, lena gceadaítear sreafaí caipitil trasteorann agus lena dtugtar rochtain do chuideachtaí an Aontais, FBManna san áireamh, ar níos mó foinsí maoinithe.

Chun borradh a chur faoin infheistíocht, ní mór d’infheisteoirí a bhrath go bhfuil siad cosanta agus muiníneach go mbeidh torthaí fiúntacha mar thoradh ar a gcuid infheistíochtaí. Sin é an fáth a bhfuil sé ar cheann de phríomhchuspóirí Phlean Gníomhaíochta 2020 an Aontais maidir le hAontas na Margaí Caipitil - oscail i dtáb nua. áit níos sábháilte a dhéanamh san Aontas Eorpach do dhaoine chun a gcoigilteas a infheistiú san fhadtéarma.

An 24 Bealtaine 2023, ghlac an Coimisiún pacáiste infheistíochta miondíola - oscail i dtáb nua. lena gcumhachtófar agus lena gcosnófar infheisteoirí miondíola. Is éard atá in infheisteoirí miondíola ná infheisteoirí aonair neamhghairmiúla a infheistíonn i margaí caipitil chun a gcuid airgeadais a bhainistiú, lena n-áirítear ullmhú do riachtanais scoir. Is mian leis an Aontas a áirithiú go dtabharfar cosaint chuí agus cóir chothrom d’infheisteoirí miondíola agus iad ag infheistiú, ionas gur féidir leo leas iomlán a bhaint as aontas na margaí caipitil chun a rachmas a mhéadú. Tá sé ríthábhachtach freisin borradh a chur faoi mhuinín na n-infheisteoirí agus feabhas a chur ar aontas na margaí caipitil chun cistiú príobháideach a chur i dtreo gheilleagar an Aontais agus chun an t-aistriú glas agus an t-aistriú digiteach a chistiú.

Cén fhadhb atá ann?

Iarmhairtí

I mí na Bealtaine, tháinig an Pharlaimint agus an Chomhairle ar chomhaontú freisin faoi thogra chun pointe rochtana aonair a bhunú do gach faisnéis airgeadais phoiblí agus faisnéis a bhaineann le hinbhuanaitheacht faoi chuideachtaí AE agus faoi tháirgí infheistíochta AE. Cuirfidh sé sin le hinfheictheacht cuideachtaí i measc infheisteoirí, rud a osclóidh foinsí maoiniúcháin breise. Tá tábhacht ar leith ag baint leis sin do chuideachtaí beaga i margaí caipitil beaga. Cuirfidh an Pointe Rochtana Aonair Eorpach - oscail i dtáb nua. rochtain éasca ar fáil freisin ar thuarascálacha faoi inbhuanaitheacht chorparáideach arna bhfoilsiú ag cuideachtaí, rud a thacóidh le cuspóirí an Chomhaontaithe Ghlais don Eoraip.

Ina theannta sin, tháinig an Pharlaimint agus an Chomhairle ar chomhaontú an 29 Meitheamh faoi thogra reachtach chun athbhreithniú a dhéanamh ar an rialachán lena rialaítear na rialacha maidir le struchtúr na margaí in ionstraimí airgeadais - oscail i dtáb nua.. Áiritheoidh an t-athbhreithniú go mbeidh na coinníollacha cearta i bhfeidhm do sholáthraí teilitéipe comhdhlúite chun léargas comhdhlúite a thabhairt ar thrádáil ar fud an Aontais. Leis an teilitéip chomhdhlúite, baileofar praghsanna agus méideanna na n-ionstraimí airgeadais, amhail scaireanna agus bannaí, ó na céadta ionad forghníomhaithe ar fud na mBallstát ina sruth aonair faisnéise, rud a fhágfaidh go mbeidh an rochtain chéanna ag gach duine uirthi. Beidh ar gach ardán forghníomhaithe, amhail stocmhalartáin agus ardáin trádála, a gcuid sonraí trádála a chur go díreach leis an teilitéip chomhdhlúite.

An 19 Iúil, tháinig an Pharlaimint agus an Chomhairle ar chomhaontú faoi thogra chun feabhas a chur ar an gcreat rialála is infheidhme maidir le tionscal na gcistí infheistíochta - oscail i dtáb nua.. Leis an athbhreithniú, déantar na rialacha a chomhchuibhiú lena rialaítear roghnú agus úsáid uirlisí bainistithe leachtachta a bhaineann le cistí agus, dá bhrí sin, tá siad i gcomhréir le moltaí idirnáisiúnta maidir le tacú le cobhsaíocht airgeadais. Leagtar síos leis freisin creat coiteann le haghaidh cistí lena dtugtar iasachtaí do chuideachtaí (tionscnamh iasachtaí ag cistí) agus lena bhfeabhsaítear trédhearcacht faoi rialacha tarmligin, agus deimhin a dhéanamh de go dtuigeann maoirseoirí an méid a bhraitheann bainisteoirí cistí ar shaineolas tríú páirtí.

In éineacht le chéile, áiritheoidh na trí thogra réamhluaite go mbeidh rochtain níos fearr ag infheisteoirí ar shonraí cuideachtaí agus trádála. Spreagfar leis na bearta an infheistíocht fhadtéarmach freisin, rud a fhágfaidh gur éasca agus sábháilte a bheidh sé cistí infheistíochta a dhíol thar theorainneacha. Ar an iomlán, déanfaidh na tograí gnólachtaí an Aontais a nascadh le hinfheisteoirí ar bhealach níos éifeachtaí, feabhas a chur ar an rochtain ar chistiú atá ag gnólachtaí, deiseanna infheistíochta a leathnú d’infheisteoirí miondíola agus margaí caipitil an Aontais a chomhtháthú níos mó.

I mí na Samhna, nuashonraigh an tAontas an Rialachán maidir le Taisclanna Lárnacha Urrús - oscail i dtáb nua.. Tugadh an rialachán sin isteach ar dtús chun feabhas a chur ar shábháilteacht agus ar éifeachtúlacht gníomhaíochtaí socraíochta i margaí airgeadais, mar atá idirbheart urrús a chur i gcrích trí airgead tirim, urrúis nó iad araon a aistriú. Leis an reachtaíocht athbhreithnithe - oscail i dtáb nua., cuirfear feabhas ar mhargaí caipitil agus ar chóras airgeadais an Aontais trí rialacha níos comhréirí agus níos éifeachtaí a chur ar fáil chun costais chomhlíontachta agus ualaí rialála ar thaisclanna lárnacha urrús a laghdú, rud a éascóidh a gcumas réimse níos leithne seirbhísí trasteorann a thairiscint agus a chuirfidh feabhas ar a maoirseacht trasteorann.

Cad is teilitéip chomhdhlúite ann?

Is saininstitiúidí airgeadais iad taisclanna lárnacha urrús - oscail i dtáb nua. a shealbhaíonn agus a riarann urrúis (amhail stoic agus bannaí), lena n-áirithítear a slánchoimeád agus lena gcumasaítear idirbhearta urrús a phróiseáil go héifeachtúil. Tá siad mar bhonn agus mar thaca ag feidhmiú na margaí airgeadais nua-aimseartha.

I mí na Nollag, thángthas ar chomhaontú polaitiúil faoi na tograí ón gCoimisiún - oscail i dtáb nua. chun an creat rialála árachais a neartú. Leis an nuashonrú sin, déanfar Treoir Shócmhainneacht II - oscail i dtáb nua. a nuachóiriú trí dhreasachtaí níos fearr a thabhairt don earnáil árachais agus athárachais (i.e. árachas do chuideachtaí árachais) chun níos mó infheistíochta a dhéanamh i gcaipiteal fadtéarmach i gcomhréir le cuspóirí aontas na margaí caipitil. Áiritheoidh an Treoir freisin go mbeidh an earnáil sin láidir i gcónaí le linn tréimhsí deacra eacnamaíocha agus go gcosnóidh an earnáil leasanna tomhaltóirí. Leis na rialacha nua, cuirfear rioscaí áirithe san áireamh ar bhealach níos fearr, rioscaí a bhaineann leis an athrú aeráide á gcur san áireamh, agus fágfar nach mbeidh neart airgeadais na n-árachóirí chomh híogair céanna i leith luaineachtaí gearrthéarmacha sa mhargadh. Tabharfaidh siad isteach freisin treoir nua maidir le téarnamh agus réiteach gnóthas (ath)árachais - oscail i dtáb nua., chun cobhsaíocht airgeadais a áirithiú agus chun sealbhóirí polasaí agus cáiníocóirí a chosaint i gcás ina gclisfidh ar( ath)árachóirí. Leis an treoir sin, ceanglófar ar eintitis atá níos mó, arb eintitis iad a bhfuil tábhacht shistéamach ag baint leo pleananna téarnaimh coisctheacha a cheapadh chun a áirithiú go mbeidh siad ullamh do ghéarchéimeanna. Ina theannta sin, beidh na huirlisí ag na húdaráis náisiúnta chun dul i ngleic le fadhbanna a bhaineann le h(ath)árachóirí atá ag teip, agus iad a bhaint den mhargadh ar bhealach ordúil freisin agus leanúnachas an chumhdaigh árachais a chaomhnú a mhéid is féidir.

Ar deireadh, in 2023 chuidigh an Coimisiún leis na Ballstáit a margaí caipitil náisiúnta a neartú - oscail i dtáb nua.. Go dtí seo, bhain 21 Bhallstát tairbhe as an Ionstraim um Thacaíocht Theicniúil sa réimse sin. Chuidigh athchóirithe le deireadh a chur le bacainní rialála ar an infheistíocht agus le dul i ngleic le neamhéifeachtúlachtaí sa mhargadh. Is iad cuspóirí na dtionscadal athchóirithe sin deiseanna infheistíochta a mhéadú, infheictheacht níos mó a thabhairt do ghnólachtaí sa mhargadh agus cabhrú le FBManna rochtain a fháil ar chreidmheas bainc.

An t-airgeadas digiteach

An 28 Meitheamh, chuir an Coimisiún dhá thogra - oscail i dtáb nua. ar aghaidh chun a áirithiú gur féidir le daoine íoc as an euro a eisíonn an Banc Ceannais Eorpach san fhoirm is oiriúnaí dóibh.

Baineann an chéad togra le húsáid airgid thirim a chosaint. Cuireadh an togra i bhfeidhm chun a áirithiú go nglacfaí go forleathan le hairgead tirim mar mhodh íocaíochta agus go mbeadh rochtain éasca ag daoine agus ag gnólachtaí ar fud an limistéir euro air.

Is é an dara togra creat dlíthiúil a bhunú le haghaidh euro digiteach a d’fhéadfadh a bheith ann, a d’fhéadfadh an Banc Ceannais a eisiúint amach anseo mar chomhlánú ar airgead tirim. I mí Dheireadh Fómhair, tar éis dó imscrúdú a dhéanamh ar an bhféidearthacht an euro digiteach a thabhairt isteach don 2 bhliain roimhe sin, chinn an Banc bogadh ar aghaidh go dtí an chéim ullmhúcháin.

Cé go mbeidh rochtain fhorleathan ar airgead tirim agus go nglacfar leis go forleathan, is amhlaidh is mó saoránach agus gnólachtaí atá ag roghnú íoc go leictreonach. Is é is aidhm don euro digiteach rogha bhreise a chur ar fáil, anuas ar na roghanna íocaíochta príobháidí atá ann faoi láthair. Chuirfeadh sé bealach ar fáil chun íoc go digiteach le cineál airgid phoiblí a bhfuil glacadh forleathan leis, atá saor, slán agus athléimneach sa limistéar euro (agus níos faide i gcéin b’fhéidir).

Ní fhéadfaidh an Banc Ceannais a chinneadh an euro digiteach a eisiúint go dtí go nglacfaidh Parlaimint na hEorpa agus an Chomhairle an togra maidir leis an euro digiteach.

Buntáistí an euro dhigitigh do dhaoine

An dtiocfadh an euro digiteach in ionad airgid thirim?

Is cinnte nach dtiocfaidh.

Bheadh an euro digiteach ina chomhlánú ar airgead tirim agus bheadh sé ina rogha mhalartach ar réitigh dhigiteacha phríobháideacha an lae inniu.

Céard faoin bpríobháideachas?

Airgeadas oscailte agus íocaíochtaí

Leis an méadú ar íocaíochtaí leictreonacha, tá soláthraithe seirbhísí nua — amhail eintitis a sholáthraíonn seirbhísí baincéireachta oscailte — tagtha chun cinn. Tá cineálacha níos sofaisticiúla calaoise ag teacht chun cinn freisin, rud a chuireann tomhaltóirí i mbaol. Mar fhreagairt ar na forbairtí sin, agus chun a áirithiú go mbeidh earnáil airgeadais an Aontais in ann leas a bhaint as an gclaochlú digiteach leanúnach, mhol an Coimisiún dhá shraith beart - oscail i dtáb nua. an 28 Meitheamh.

Ar an gcéad dul síos, mhol an Coimisiún an Treoir reatha maidir le Seirbhísí Íocaíochta a leasú agus a nuachóiriú - oscail i dtáb nua. (PSD2, a ndéanfar PSD3 di). Mhol sé freisin rialachán maidir le seirbhísí íocaíochta. Áiritheoidh sé sin gur féidir le tomhaltóirí leanúint d’íocaíochtaí leictreonacha agus d’idirbhearta leictreonacha a dhéanamh go sábháilte agus go slán san Aontas. Tá sé d’aidhm aige a gcearta a choimirciú agus rogha níos mó soláthraithe seirbhíse íocaíochta ar an margadh a chur ar fáil ag an am céanna.

Leis an togra le haghaidh treoir athbhreithnithe maidir le seirbhísí íocaíochta agus rialachán nua maidir le seirbhísí íocaíochta, déanfar an méid seo a leanas:

Ar an dara dul síos, mhol an Coimisiún Creat - oscail i dtáb nua. le haghaidh Rochtain ar Shonraí Airgeadais - oscail i dtáb nua.. Leis an togra seo, bunófar cearta agus oibleagáidí soiléire chun comhroinnt sonraí custaiméirí san earnáil airgeadais a bhainistiú lasmuigh de chuntais íocaíochta. Sa chleachtas, beidh táirgí agus seirbhísí airgeadais níos nuálaí ann d’úsáideoirí mar thoradh air sin agus spreagfar iomaíocht san earnáil airgeadais.

Is é is aidhm don phacáiste atá beartaithe a áirithiú go gcuirfidh earnáil airgeadais an Aontais í féin in oiriúint don chlaochlú digiteach leanúnach agus do na rioscaí agus na deiseanna a bhaineann léi.

An 7 Samhain, tháinig an Pharlaimint agus an Chomhairle ar chomhaontú polaitiúil maidir leis an togra ón gCoimisiún - oscail i dtáb nua. íocaíochtaí meandracha in euro a chur ar fáil do gach duine agus gnólacht a bhfuil cuntas bainc acu san Aontas. Is é is aidhm do na rialacha nua, lena ndéantar an Rialachán maidir leis an Limistéar Aonair d’Íocaíochtaí Euro - oscail i dtáb nua. a nuachóiriú, á áirithiú go mbeidh íocaíochtaí meandracha in euro inacmhainne, slán agus próiseáilte gan constaicí ar fud an Aontais. Cuireann íocaíochtaí meandracha réitigh thapa agus áisiúla ar fáil do dhaoine sa saol laethúil, amhail cistí a fháil go pras (faoi níos lú ná 10 soicind) i gcás éigeandálaí nó costais chomhroinnte a roinnt láithreach i suíomhanna sóisialta éagsúla. Chomh maith leis sin, cuireann siad feabhas ar bhainistiú sreafa airgid do riaracháin phoiblí agus do ghnólachtaí, go háirithe FBManna; é a chur ar a gcumas do charthanais agus d’eagraíochtaí neamhrialtasacha rochtain a fháil ar chistí go tapa; agus bainc a spreagadh le seirbhísí agus táirgí airgeadais nuálacha a fhorbairt.

Tá na buntáistí seo a leanas ag baint le rochtain ar shonraí airgeadais

Airgeadas inbhuanaithe

Is é príomhchuspóir Chreat Airgeadais Inbhuanaithe - oscail i dtáb nua. an Aontais infheistíocht a chur i dtreo spriocanna uaillmhianacha an Chomhaontaithe Ghlais don Eoraip a bhaint amach. Cé go bhfuil dul chun cinn á dhéanamh leis an gcur chun feidhme, ní mór tuilleadh iarrachtaí a dhéanamh chun go mbeidh na rialacha éifeachtach sa chleachtas agus chun go mbeidh na huirlisí soláimhsithe.

Chun éifeachtúlacht an chreata a fheabhsú agus cur chun feidhme an chreata a éascú, cuireann an tAontas sainmhínithe soiléire ar fáil maidir leis na gníomhaíochtaí eacnamaíocha a cháilíonn ina ngníomhaíochtaí atá inbhuanaithe ó thaobh an chomhshaoil de, agus conas a léiriú chomh glas agus atá siad. Tá sé sin ríthábhachtach chun cosc a chur ar an nglas-snasú agus chun deimhin a dhéanamh de go leithdháilfear cistí ar earnálacha atá ríthábhachtach don aistriú glas.

An 13 Meitheamh, chuir an Coimisiún pacáiste - oscail i dtáb nua. i láthair chun Creat Airgeadais Inbhuanaithe an Aontais a neartú. Tacaíonn an tionscnamh seo le cuideachtaí agus leis an earnáil airgeadais trí infheistíocht phríobháideach a chur chun cinn i dtionscadail agus i dteicneolaíochtaí aistrithe agus trí acmhainní airgeadais a chur in infheistíocht inbhuanaithe. Áirítear sa phacáiste critéir nua faoi Thacsanomaíocht an Aontais, lena leathnaítear a chóras aicmithe chun raon níos leithne gníomhaíochtaí eacnamaíocha a chuimsiú trí Ghníomhartha Tarmligthe Comhshaoil agus Aeráide an Aontais maidir le Tacsanomaíocht - oscail i dtáb nua..

Léiríonn an léaráid thíos na príomhghníomhaíochtaí eacnamaíocha nua a aithnítear anois mar ghníomhaíochtaí inbhuanaithe ó thaobh an chomhshaoil de.

Tacsanomaíocht AE — na hearnálacha agus gníomhaíochtaí eacnamaíocha a chumhdaítear

Cumhdaítear naoi n-earnáil agus gníomhaíocht eacnamaíocha leis an nGníomh Tarmligthe maidir leis an Aeráid agus leis an nGníomh Tarmligthe maidir leis an gComhshaol. Seo a leanas tacsanomaíocht an mhéid atá i gceist leis an gcumhdach sin, agus an méid a cuireadh leis na hearnálacha sin. Earnáil a cuireadh isteach le déanaí is ea an bhainistíochta riosca tubaiste. Baineann sé le réitigh dhúlra-bhunaithe, chomh maith le seirbhísí éigeandála, rioscaí tuilte a chosc agus bonneagar cosanta. Bhí soláthar uisce, séarachas, bainistíocht dramhaíola agus feabhsúchán i gceist leis an soláthar uisce agus an séarachas roimhe seo. Áirítear air feasta fuíolluisce uirbeach, córais draenála inbhuanaithe agus aisghabháil fosfair ó fhuíolluisce. Roimhe seo, chumhdaigh an t-iompar astaíochtaí ísle, roghanna malartacha idirthréimhseacha go dtí 2025 agus bonneagar. Leathnaíodh é sa dóigh go gcuimsíonn sé anois uisce idirthréimhseach agus aeriompar nua, agus comhpháirteanna gluaisteán agus iarnróid. Is earnáil nua-bhreisluacha iad na seirbhísí freisin. Cumhdaítear leis díol páirteanna spártha agus earraí athláimhe, mar aon le táirgí agus comhpháirteanna a bhfuil a ré caite a ullmhú lena n-athúsáid, agus margadh chun earraí athláimhe a thrádáil. Le foraoiseacht, cuimsítear foraoisiú, caomhnú, bainistiú foraoisí agus athshlánú agus athbhunú foraoisí. Gníomhaíochtaí TFC agus gairmiúla a bhíodh cumhdaithe ag taighde, réitigh sonraí agus lárionaid sonraí. Anois cuimsíonn sé freisin bogearraí agus comhairliúcháin, agus réitigh shonraíbhunaithe le haghaidh teicneolaíochtaí faisnéise agus oibríochtúla. Cuimsíonn fuinneamh foinsí in-athnuaite fuinnimh, gníomhaíochtaí tarchuir, gníomhaíochtaí sonracha gáis núicléach agus nádúrtha (faoi réir coinníollacha diana). Bhí teicneolaíochtaí cumasúcháin agus tionscal trom (idirthréimhseach) i gceist leis an monaraíocht roimhe seo. Anois cuimsíonn sí freisin earraí pacáistíochta plaisteacha, trealamh leictreach agus leictreonach agus cógaisíocht. Ar deireadh, chuimsigh earnáil na bhfoirgneamh roimhe seo foirgníocht, bearta éifeachtúlachta fuinnimh agus athchóirithe. Anois cuimsíonn sé scartáil, cothabháil ar bhóithre agus úsáid coincréite san innealtóireacht shibhialta freisin.

Áirítear sa phacáiste freisin moladh maidir le maoiniú aistrithe, lena gcuirtear treoraíocht agus samplaí praiticiúla ar fáil do chuideachtaí agus don earnáil airgeadais. Léirítear leo sin conas is féidir le cuideachtaí uirlisí éagsúla an chreata a úsáid ar bhonn deonach chun infheistíocht a chur i dtreo an aistrithe ghlais agus chun a rioscaí a eascraíonn as an athrú aeráide agus as díghrádú an chomhshaoil a bhainistiú.

Uirlisí chun an t-aistriú glas a mhaoiniú

Léiríonn an graf conair aistriú cuideachta i dtreo na hinbhuanaitheachta, rud a chomhghaolaíonn an amlíne ó 2023 go 2033 le feabhsuithe ar fheidhmíocht inbhuanaitheachta agus cion méadaitheach de ghníomhaíochtaí glasa. De réir mar a mhéadaíonn cion na ngníomhaíochtaí glasa i gcuideachta le himeacht ama, méadaíonn a fheidhmíocht inbhuanaitheachta freisin. Léiríonn líne graif ghlais atá ag dul i méid freisin céimeanna forásacha, ag tosú le héifeachtúlacht fuinnimh a mhéadú, ansin teicneolaíocht táirgthe a uasghrádú agus, ar deireadh, infheistíocht a dhéanamh i ngníomhaíochtaí glasa nua. Ar na huirlisí deonacha is féidir le cuideachtaí a úsáid chun a n-aistriú i dtreo na hinbhuanaitheachta a mhaoiniú le himeacht ama, áirítear Tacsanomaíocht AE, tagarmharcanna aeráide an Aontais, caighdeán Bannaí Glasa na hEorpa, spriocanna eolaíochtbhunaithe agus pleananna aistrithe.

Tá ról tábhachtach freisin ag rátálacha comhshaoil, sóisialta agus rialachais (ESG) i margadh airgeadais inbhuanaithe an Aontais, toisc go gcuireann siad faisnéis ar fáil d’infheisteoirí agus d’institiúidí airgeadais faoi straitéisí infheistíochta, mar shampla, a bhaineann le fachtóirí ESG agus bainistiú riosca ina leith. I mí an Mheithimh 2023, mhol an Coimisiún rialachán - oscail i dtáb nua. lena dtabharfar aghaidh ar easpa trédhearcachta an mhargaidh rátála ESG, rud a fhágfaidh go mbeidh sé níos iontaofa. Cuirfidh prionsabail eagraíochtúla nua agus rialacha soiléire faoi choinbhleachtaí leasa a chosc le sláine oibríochtaí soláthraithe rátála ESG.

Roimhe seo, mar gheall ar an easpa soiléireachta maidir le modheolaíochtaí, foinsí sonraí agus oibríochtaí soláthraithe, ní raibh muinín ag infheisteoirí as cáilíocht na rátálacha Comhshaoil, Sóisialta agus Rialachais. Ní raibh cuideachtaí cinnte ar léirigh na rátálacha sin a bhfeidhmíocht go cruinn, rud a rinne cinnteoireacht fheasach níos casta. Dá thoradh sin, ní bhaintear leas iomlán as acmhainneacht an Mhargaidh Aonair chun tacú leis an gComhaontú Glas don Eoraip agus le spriocanna forbartha inbhuanaithe na Náisiún Aontaithe. Féachann na hathruithe atá beartaithe le trédhearcacht agus sláine níos fearr a thabhairt isteach, le soiléireacht níos fearr maidir le cuspóirí, modheolaíochtaí agus foinsí sonraí, mar aon le ceanglais níos déine maidir le húdarú agus maoirseacht. Meastar go gcuirfidh na bearta sin ar chumas infheisteoirí agus cuideachtaí cinntí níos eolasaí a dhéanamh, rud a fheabhsóidh éifeachtúlacht an Mhargaidh Aonair agus a rannchuideoidh le Comhaontú Glas an Aontais agus Spriocanna Forbartha Inbhuanaithe na Náisiún Aontaithe a chur chun cinn.

Chun a áirithiú go dtuairisceoidh cuideachtaí faisnéis inbhuanaitheachta ar bhealach comhchuibhithe, ghlac an Coimisiún freisin an chéad sraith de Chaighdeáin Eorpacha éigeantacha maidir le Tuairisciú um Inbhuanaitheacht - oscail i dtáb nua. i mí Iúil 2023. Cumhdaíonn na caighdeáin saincheisteanna ESG, lena n-áirítear an t-athrú aeráide, an bhithéagsúlacht agus cearta an duine. Cuireann siad faisnéis ar fáil d’infheisteoirí chun cabhrú leo tuiscint a fháil ar thionchar inbhuanaitheachta na gcuideachtaí ina n-infheistíonn siad. Orthu sin cuirtear san áireamh freisin an plé leis an mBord Idirnáisiúnta um Chaighdeáin Inbhuanaitheachta - oscail i dtáb nua. agus leis an Tionscnamh Domhanda um Thuairisciú - oscail i dtáb nua. chun ardleibhéal idir-inoibritheachta a áirithiú idir caighdeáin an Aontais agus caighdeáin dhomhanda agus chun tuairisciú dúbailte nach bhfuil gá leis ó chuideachtaí a chosc.

Sa Chomhaontú Glas don Eoraip - oscail i dtáb nua. a cuireadh i láthair an 11 Nollaig 2019, leagadh béim ar a thábhachtaí atá sé acmhainní airgeadais agus caipitil a chur i dtreo na hinfheistíochta glaise. Tá ról níos tábhachtaí ag bannaí glasa i maoiniú na sócmhainní is gá le haghaidh an aistrithe ísealcharbóin. An 28 Feabhra 2023, tháinig an Pharlaimint agus an Chomhairle ar chomhaontú - oscail i dtáb nua. faoi thogra le haghaidh Rialachán maidir le Bannaí Glasa Eorpacha - oscail i dtáb nua. chun caighdeán oifigiúil maidir le bannaí glasa a bhunú. Tháinig an rialachán i bhfeidhm i mí na Nollag. Is sraith critéar é caighdeán bannaí glasa lena soláthraítear creat chun bannaí glasa a eisiúint. Áirithítear le Caighdeán Bannaí Glasa Eorpacha go maoiníonn bannaí glasa tionscadail a bhfuil fíorthairbhí comhshaoil ag baint leo agus go gcabhraíonn sé le sláine agus muinín a choinneáil i margadh na mbannaí glasa. Bheadh ar eisitheoirí bannaí glasa Eorpacha a áirithiú go leithdháilfear 85 % ar a laghad de na cistí a thiomsaítear leis an mbanna ar ghníomhaíochtaí eacnamaíocha atá ag teacht leis an Rialachán maidir le Tacsanomaíocht - oscail i dtáb nua.. Bunaítear leis an reachtaíocht nua freisin creat chun athbhreithneoirí tríú páirtí a údarú agus a mhaoirsiú, rud a chuideoidh le gnéithe na mbannaí a fhíorú agus, dá bhrí sin, cur leis an muinín as éilimh ghlasa.

Baincéireacht

Tar éis na géarchéime airgeadais domhanda idir 2007 agus 2008, rinneadh obair shuntasach chun a áirithiú go n-éireoidh bainc an Aontais níos athléimní. A bhuí leis na hiarrachtaí sin, d’éirigh go maith le hinstitiúidí airgeadais an Aontais le linn na ngéarchéimeanna is déanaí, amhail paindéim COVID-19, cogadh foghach na Rúise i gcoinne na hÚcráine agus géarchéim bhaincéireachta na Stát Aontaithe in earrach 2023. Sa lá atá inniu ann, tá bainc an Aontais dea-chaipitlithe, fíorleachtach agus dea-mhaoirsithe. Mar a léirítear le tástálacha struis 2023 - oscail i dtáb nua. a rinne an tÚdarás Baincéireachta Eorpach, tá siad athléimneach fiú i gcásanna an-díobhálach.

Chun na bainc a neartú a thuilleadh, ghlac an Coimisiún togra an 18 Aibreán chun athchóiriú a dhéanamh ar chreat bainistithe géarchéime banc agus árachais taiscí - oscail i dtáb nua. an Aontais atá ann cheana. Dírítear ar bhainc mheánmhéide agus ar bhainc bheaga. San am a chuaigh thart, tugadh cabhair do go leor bainc bheaga agus mheánmhéide a bhí ag teip modhanna a úsáid lasmuigh den chreat réitigh a bunaíodh. Is é an chiall a bhí leis sin uaireanta ná cistí poiblí (airgead na gcáiníocóirí) a úsáid in ionad airgead an bhainc féin nó cistí cúltaca eile arna maoiniú ag an tionscal agus arna gceapadh chun taisceoirí a chosaint (scéimeanna ráthaíochta taiscí agus cistí réitigh). Leis an gan creat athchóirithe éascófar úsáid líontán sábhála atá cistithe ag an tionscal chun taisceoirí a chosaint i ngéarchéimeanna baincéireachta, amhail trína n-aistriú ó bhanc anásta go banc sláintiúil. Ní mór úsáid na líontán sábhála sin a bheith ina comhlánú ar chúlchistí na mbanc féin, arb iad an chéad líne chosanta i gcónaí.

Athchóiriú ar an gcreat bainistithe géarchéime banc agus árachais taiscí

Is é is aidhm don athchóiriú cobhsaíocht airgeadais a choinneáil agus airgead na gcáiníocóirí a chosaint. Ag an am céanna, ní mór cosaint níos fearr a thabhairt do thaisceoirí agus an fíorgheilleagar a chosaint ar éifeachtaí teipeanna bainc. Is é an aidhm atá ann feabhas a chur ar na córais le haghaidh teipeanna bainc agus cosaint taisceoirí, go háirithe do bhainc bheaga agus mheánmhéide. Roimh an athchóiriú, ba iad na scairshealbhóirí agus na creidiúnaithe is túisce a sheasfadh na caillteanais i gcás cliseadh bainc, agus ina dhiaidh sin taisceoirí agus an ciste náisiúnta réitigh nó an Ciste Réitigh Aonair (san aontas baincéireachta). Tar éis an athchóirithe, is iad na scairshealbhóirí agus na creidiúnaithe is túisce a sheasfaidh na caillteanais i gcás cliseadh bainc, agus ina dhiaidh sin an scéim ráthaithe taiscí, seachas na taisceoirí, agus ansin an ciste náisiúnta réitigh nó an Ciste Réitigh Aonair (san aontas baincéireachta). Is é is aidhm don rialachán nua seo an córas baincéireachta a dhéanamh níos athléimní, rud a rachaidh chun tairbhe go háirithe do shamhlacha gnó a bhfuil cion ard taiscí acu.

Dul chun cinn tábhachtach eile le linn na bliana ab ea an comhaontú polaitiúil - oscail i dtáb nua. faoin togra ón gCoimisiún le haghaidh athbhreithniú ar rialacha baincéireachta an Aontais (an Rialachán maidir le Ceanglais Chaipitil agus an Treoir maidir le Ceanglais Chaipitil), ar a dtugtar an pacáiste baincéireachta - oscail i dtáb nua.. Leis an bpacáiste sin, cuirtear chun feidhme an tsraith dheiridh de chaighdeáin idirnáisiúnta maidir le rialáil baincéireachta (caighdeáin Basel III - oscail i dtáb nua.) a chomhaontaigh an tAontas agus a chomhpháirtithe G20 i gCoiste Basel um Maoirseacht ar Bhaincéireacht. Tá an chéim tosaigh d’athchóirithe Basel III — lena n-ordaítear caipiteal níos airde agus ar cháilíocht níos fearr, giaráil laghdaithe agus ceanglais dhiana leachtachta — i bhfeidhm cheana féin i mbainc uile an Aontais. Agus na caighdeáin sin curtha i gcrích aige, féachann an tAontas le simplíocht, inchomparáideacht agus íogaireacht riosca an chreata rialála a fheabhsú, agus ar deireadh muinín a chur ar ais i gceanglais chaipitil rioscabhunaithe.

Cad atá sa Phacáiste Baincéireachta?

Cánachas agus custaim atá cóir, simplí agus nua-aimseartha

Athchóiriú ar an aontas custaim

I mí na Bealtaine, mhol an Coimisiún an t-athchóiriú is uaillmhianaí ar an aontas custaim - oscail i dtáb nua. ó bunaíodh é in 1968, mar fhreagairt ar an méadú ar an méid trádála, ar fhás na ríomhthráchtála agus ar chaighdeáin níos airde san Aontas. Le hilroinnt dhigiteach agus comhordú fo-optamach an chórais atá ann faoi láthair idir údaráis náisiúnta, tá méadú tagtha ar chostais chomhlíontachta riaracháin do thrádálaithe agus osclaíodh bealaí nua le haghaidh calaoise.

Áirítear leis an athchóiriú sin údarás custaim de chuid an Aontais a bhunú, údarás a dhéanfaidh maoirseacht ar mhol nua sonraí custaim - oscail i dtáb nua.. Mar thoradh air sin, beidh cur chuige níos láraithe agus níos digitithe ann i leith custaim ar cheart dó na costais chomhlíontachta do thrádálaithe a laghdú, acmhainní a shaoradh d’údaráis náisiúnta agus aontas custaim a bheidh níos éifeachtúla, níos láidre agus a bheidh slán ar chalaois a áirithiú.

Imghabháil cánach agus calaois chánach a chomhrac

Le ceanglais nua maidir le tuairisciú agus malartú faisnéise, i gcomhréir le Creat Tuairiscithe Criptea-Shócmhainní na hEagraíochta um Chomhar agus Forbairt Eacnamaíochta, cuideofar leis na Ballstáit aghaidh a thabhairt ar imghabháil cánach agus ar chalaois sna hearnálacha criptea-shócmhainní agus ríomh-airgid. Leis an gcomhaontú - oscail i dtáb nua. ar thángthas air in 2023, ceanglaítear ar gach soláthraí criptea-shócmhainní atá bunaithe san Aontas idirbhearta a thuairisciú do chliaint atá ina gcónaí san Aontas agus, dá réir sin, cuirfear feabhas ar bhrath na calaoise cánach agus na seachanta cánach.

Mar chuid de Phlean Gníomhaíochta chun Aontas Margaí Caipitil a Thógáil 2020 agus den Phlean Gníomhaíochta le haghaidh Cánachas Cothrom agus Simplí a thacaíonn le Téarnamh an Aontais - oscail i dtáb nua., mhol an Coimisiún nósanna imeachta iarchoimeádta cánach a chuíchóiriú le haghaidh infheisteoirí, idirghabhálaithe airgeadais agus riaracháin chánach. Is é is aidhm don bheart seo cánachas dúbailte agus mí-úsáid an chórais aisíocaíochta nó faoisimh araon a chosc. Féachann sé freisin leis na nósanna imeachta a chomhchuibhiú chun faoiseamh a lorg ó chánacha a choinneáil siar agus, dá bhrí sin, laghdófar costais do na páirtithe leasmhara.

Mhol an Coimisiún treoir freisin maidir le praghsáil aistrithe - oscail i dtáb nua., arb é is aidhm di an t-ualach comhlíontachta a laghdú, deimhneacht cánach a mhéadú agus díospóidí faoi phraghsáil aistrithe a laghdú. Tá sé beartaithe leis sin cánachas dúbailte agus cásanna neamhchánachais dhúbailte araon a chosc.

I dtreo cánachas níos cothroime, níos simplí agus níos nua-aimseartha

Bíonn sé costasach do chuideachtaí déileáil le 27 gcóras cánach náisiúnta éagsúla, a mhéid a bhaineann le comhlíontacht cánach, agus a rialacha sonracha féin ag gach ceann acu. Leis sin déantar infheistíocht trasteorann san Aontas a dhíspreagadh agus cuirtear gnólachtaí Eorpacha faoi mhíbhuntáiste iomaíochta i gcomparáid le cuideachtaí in áiteanna eile ar fud an domhain.

Chun aghaidh a thabhairt ar an tsaincheist sin, ghlac an Coimisiún leis an ngnó san Eoraip: creat don togra maidir le cánachas ioncaim - oscail i dtáb nua.. Leis an gcreat sin, thabharfaí isteach sraith aontaithe rialacha chun an bonn cánach a chinneadh le haghaidh grúpaí cuideachtaí. Laghdóidh sé sin costais comhlíontachta suas le 65 % le haghaidh gnólachtaí móra atá ag feidhmiú san iliomad Ballstát. Ina theannta sin, simpleoidh sé an próiseas le haghaidh údaráis chánach náisiúnta agus beidh sé níos éasca na cánacha atá dlite a chinneadh.

Cé go bhfuil an togra dírithe go príomha ar ghrúpaí móra atá ag feidhmiú ar fud an Aontais Eorpaigh, tá bearta déanta ag an Aontas freisin chun rialacha cánach do mhicreachuideachtaí agus do FBManna a shimpliú. Leis an treoir atá beartaithe maidir le cánachas ceannoifige - oscail i dtáb nua., tugtar isteach creat simplithe do FBManna atá ag feidhmiú i mBallstáit eile trí bhuanbhunaíochtaí. Tugann sé an rogha dóibh idirghníomhú le riarachán cánach amháin (nó le ceannoifig) seachas le hoifigí cánach na mBallstát uile ina bhfeidhmíonn siad. Tá sé d’aidhm aige sin leathnú trasteorann a spreagadh.