Dul chun cinn maidir leis an Deacáid Dhigiteach

Tá sé d’aidhm ag an Deacáid Dhigiteach - oscail i dtáb nua. a chinntiú go bhfuil gach gné den teicneolaíocht agus den nuálaíocht ag feidhmiú ar mhaithe le daoine. Tá an tAontas tiomanta do chlaochlú iomlán, ó dhul chun cinn sna scileanna digiteacha agus nuachóiriú an bhonneagair go comhtháthú na hintleachta saorga i gcleachtais ghnó agus feabhsú seirbhísí poiblí le huirlisí digiteacha. I Meán Fómhair 2023 rinneadh athbhreithniú ar dhul chun cinn digiteach an Aontais sa chéad tuarascáil - oscail i dtáb nua. ar an Deacáid Dhigiteach. Bhí moltaí sa tuarascáil do na Ballstáit chun cuidiú leo uaillmhianta na Deacáide Digití a bhaint amach. Áiríodh sa tuarascáil freisin an tInnéacs bliantúil um an nGeilleagar Digiteach agus an tSochaí Dhigiteach - oscail i dtáb nua. agus rinneadh anailís inti ar chur chun feidhme tionscadal digiteach ilnáisiúnta - oscail i dtáb nua. — tionscadail mhórscála nach bhféadfadh aon Bhallstát aonair a fhorbairt as féin.

Thairis sin, rinneadh scrúdú sa doiciméad ar an gcaoi ar chuir na Ballstáit an Dearbhú maidir le Cearta agus Prionsabail Dhigiteacha - oscail i dtáb nua. chun feidhme, rud a léiríonn tiomantas an Aontais do chlaochlú digiteach atá slán, sábháilte agus inbhuanaithe, le daoine ina chroílár. Léiríodh ann freisin an méid a d’fhéadfaí a bhaint amach trí iarrachtaí comhchoiteanna na mBallstát agus an rath a bhí ar na hiarrachtaí sin. Ba é pointe tábhachtach go raibh géarghá ann le borradh a chur faoin infheistíocht i dteicneolaíochtaí digiteacha, i scileanna digiteacha agus i mbonneagar digiteach.

FÍSEÁN Tráth dá raibh i nDeich mBliana Digiteacha na hEorpa.

An Clár don Eoraip Dhigiteach

Chuir an Coimisiún Eorpach a thiomantas don cheannaireacht dhigiteach ar bhonn foirmiúil nuair a ghlac sé Clár Oibre 2023-2024 don Eoraip Dhigiteach. Tá infheistíocht straitéiseach ag gabháil leis an gclár oibre, infheistíocht a bheidh fíorthábhachtach chun uaillmhianta na Deacáide Digití - oscail i dtáb nua. a bhaint amach. Ní gealltanas airgeadaíochta amháin atá i gceist leis an gclár sin, ach clár a bhaineann le ceannasacht theicneolaíoch an Aontais, rud atá fite fuaite leis an gComhaontú Glas don Eoraip. Leis an gClár leagtar amach an bealach i dtreo todhchaí dhigiteach, todhchaí ina rachfar chun tairbhe do dhaoine aonair, do ghnólachtaí agus do chomhlachtaí rialtais araon.

• Mí an Mhárta

  Dhá chlár oibre ilbhliantúla - oscail i dtáb nua. a ghlacadh don Chlár don Eoraip Dhigiteach - oscail i dtáb nua..

  Glaonna ar oscailt do ghnólachtaí, do riaracháin phoiblí agus d’eintitis eile ó Bhallstáit an Aontais, ó thíortha CSTE/LEE agus ó thíortha comhlachaithe.

• Mí na Bealtaine

  Seolann an Coimisiún:

  • an chéad sraith de ghlaonna ar thairiscintí - oscail i dtáb nua., ar fiú breis agus €122 mhilliún iad, chun teicneolaíochtaí agus inniúlachtaí digiteacha a neartú ar fud an Aontais;
  • dhá shraith glaonna - oscail i dtáb nua., ar fiú €107 milliún iad le chéile, chun an chibearshlándáil san Aontas a neartú.

• 30 Meitheamh

  Síníonn an Coimisiún comhaontuithe comhlachais maidir leis an gClár don Eoraip Dhigiteach le Montainéagró, an Mhacadóin Thuaidh, an Albáin agus an tSeirbia ar imeall an Idirphlé Rialála leis na Balcáin Thiar. - oscail i dtáb nua.

• 31 Lúnasa

  Comhaontú comhlachais séalaithe leis an Tuirc.

• 28 Meán Fómhair

  Glaonna a sheoladh lena dtacaítear le hardscileanna digiteacha agus spásanna sonraí.

• 21 Samhain

  Glaonna a sheoladh lena dtacaítear le hardscileanna digiteacha.

• An 14 Nollaig

  Cláir oibre leasaithe 2024 a ghlacadh.

Digitiú don tionsclaíocht

Nascacht

Chun ár mbealach a dhéanamh tríd an gclaochlú digiteach beidh gá le hoiriúnú tapa chomh maith le nascacht mhéadaithe. I mí Feabhra 2023 chuir an Coimisiún plean chun feidhme chun nascacht gigighiotáin - oscail i dtáb nua. a thabhairt chuig gach cearn den Aontas. Tá sé d’aidhm ag an nGníomh um bonneagar gigighiotáin - oscail i dtáb nua. laghdú a dhéanamh ar an am is gá chun líonraí fíor-ardacmhainneachta a chur chun feidhme agus an costas a bhaineann leis an obair sin a laghdú. Chun cuidiú leis na húdaráis náisiúnta dul i ngleic leis an méid sin, leagtar amach sa dréachtmholadh gigighiotáin - oscail i dtáb nua. na coinníollacha faoinar féidir le hoibreoirí rochtain a fháil ar líonraí na n-iomaitheoirí. Anuas air sin, sheol an Coimisiún comhairliúchán - oscail i dtáb nua. an tráth céanna chun barúlacha a bhailiú maidir lena bhfuil i ndán d’earnáil na ríomhchumarsáide.

An intleacht shaorga agus sár-ríomhairí

Idir idirghníomhú le botaí comhrá agus mholtaí saincheaptha ar líne, tá daoine san Aontas ag déanamh cuid lárnach dá saol laethúil den IS. I bhfianaise fhorleithne na húsáide sin, tá sé ríthábhachtach creat a leagan síos chun mí-úsáid a chosc agus príobháideachas daoine a chosaint.

Tá sé d’aidhm ag an Aontas a bheith ar thús cadhnaíochta ó thaobh IS de, ceannaire ar féidir le daoine muinín a bheith acu as. Is mian leis feabhas a chur ar an taighde agus ar an acmhainneacht thionsclaíoch, agus deimhin a dhéanamh de an tráth céanna go mbeidh an teicneolaíocht sábháilte i gcónaí agus go gcosnófar cearta daoine.

I mí na Nollag bhí comhaontú polaitiúil mar thoradh ar an gcaibidlíocht idir Pharlaimint na hEorpa agus na Ballstáit i gComhairle an Aontais Eorpaigh maidir leis an nGníomh ceannródaíoch um an Intleacht Shaorga - oscail i dtáb nua.. Leis an gcéad chreat dlíthiúil cuimsitheach ar domhan don IS cuirfear a fhás chun cinn san Aontas ar mhaithe le cách, agus déanfar na rioscaí a bhaineann leis an teicneolaíocht a bhainistiú. Leis an gcreat soláthraítear riachtanais shoiléire agus oibleagáidí soiléire d’fhorbróirí IS, do lucht cur chun feidhme IS agus d’úsáideoirí IS maidir lena úsáid shábháilte san Aontas; cinntítear go n-urraimeoidh IS cearta bunúsacha daoine aonair san Aontas; agus toirmeascfar cleachtais amhail scóráil creidmheasa shóisialta. Tá sé d’aidhm ag an ngníomh freisin an nuálaíocht a spreagadh trí dheiseanna trialacha rialála — creataí speisialta inar féidir le gnólachtaí, go háirithe gnólachtaí nuathionscanta, táirgí agus seirbhísí nua a thástáil i bhfíorthimpeallacht gan na gnáthdhúshláin rialála — a chur ar bun.

D’fhonn caighdeáin idirnáisiúnta a bhunú le haghaidh IS iontaofa, tá an Coimisiún ag obair le comhpháirtithe atá ar aon intinn leis, amhail G7, lena n-áirítear trí phróiseas IS Hiroshima - oscail i dtáb nua.. Bhí ionchur ag an gCoimisiún i gcomhaontas cheannairí G7 maidir le Prionsabail Threoracha Idirnáisiúnta - oscail i dtáb nua. um IS agus Cód Iompair - oscail i dtáb nua. deonach le haghaidh forbróirí IS, agus d’fháiltigh sé roimh na nithe sin.

In 2023 rinne an tAontas céimeanna breise chun líonra sár-ríomhaireachta den chéad scoth a thógáil ina Bhallstáit. Roghnaigh an Comhghnóthas Ríomhaireachta Ardfheidhmíochta Eorpach - oscail i dtáb nua.  eintiteas dlítheanach agus cistiúcháin a thugann cuideachtaí de chuid an Aontais le chéile chun sár-ríomhairí a fhorbairt  soláthraí chun Iúpatar - oscail i dtáb nua., an chéad sár-ríomhaire eacsa-scála Eorpach (ríomhaire lenar féidir níos mó ná cuintilliún ríomh in aghaidh an tsoicind a dhéanamh) a fháil, a sholáthar, a shuiteáil agus a chothabháil. Ina theannta sin, i mí an Mheithimh shínigh an comhghnóthas comhaontuithe óstála le sé áitreabh ar fud an Aontais (sa tSeicia, sa Ghearmáin, sa Spáinn, sa Fhrainc, san Iodáil agus sa Pholainn) chun ríomhairí candamacha - oscail i dtáb nua. a óstáil agus a oibriú.

Bhain an tAontas úsáid as a líonra sár-ríomhairí den chéad scoth - oscail i dtáb nua. chun IS giniúnach ‘déanta san Eoraip’ a thabhairt chuig an ardán idirnáisiúnta. Leis an mbeart sin cuideofar le gnólachtaí nuathionscanta ar fud na hEorpa oiliúint níos tapúla a chur ar a samhlacha IS.

Leathsheoltóirí

Is iad leathsheoltóirí — ar a dtugtar sliseanna go coitianta — croí agus inchinn leictreonaice an lae inniu. An Gníomh Eorpach um Shliseanna, a tháinig i bhfeidhm - oscail i dtáb nua. an 21 Meán Fómhair, is céim mhór chun tosaigh é i dtreo earnáil leathsheoltóirí na hEorpa a neartú. Is rud é freisin a stiúrfaidh an tAontas i dtreo ceannasacht theicneolaíoch i dteicneolaíochtaí agus feidhmchláir leathsheoltóra. Tá sé mar sprioc uaillmhianach aige go ndéanfaidh an tAontas a sciar den mhargadh domhanda leathsheoltóirí a dhúbailt go 20 % faoi 2030.

Trí cholún

An méid a baineadh amach in 2023

Tacú le forbairt agus nuálaíocht ardteicneolaíochtaí sliseanna tríd an gComhghnóthas um Shliseanna.

I mí na Samhna 2023, d’fhógair an Gnóthas Comhpháirteach Sliseanna - oscail i dtáb nua. a chéad ghlaonna ar thograí atá tiomnaithe do línte táirgeachta píolótacha. Cuireann an chéad ghlao €1.67 billiún ar fáil ón Aontas, agus meastar go gcuirfidh na Ballstáit agus cistí príobháideacha leis thart ar €3.3 billiún san iomlán. Neartóidh an gnóthas comhpháirteach éiceachóras leathsheoltóirí an Aontais agus ceannaireacht theicneolaíoch na hEorpa. Is é an cuspóir atá ann an bhearna idir saotharlanna agus monaraíocht a líonadh. Ciallaíonn sé sin taighde agus fréamhshamhlacha a fhorbraítear i saotharlanna a aistriú ina bpróisis inscálaithe le haghaidh táirgeadh monarchan.

Infheistíocht mhórscála a mhealladh chun sliseanna a tháirgeadh san Aontas agus soláthar cobhsaí a chinntiú.

Ó moladh an gníomh go luath in 2022, fógraíodh breis agus €100 billiún d’infheistíocht thionsclaíoch - oscail i dtáb nua. san Aontas.

Faireachán a dhéanamh ar fhorbairtí sa mhargadh agus géarchéimeanna amach anseo a thuar trí shásra comhordúcháin idir an Coimisiún Eorpach agus na Ballstáit.

Tugadh an Córas Foláirimh do Leathsheoltóirí - oscail i dtáb nua. isteach i mí na Bealtaine 2023 chun faireachán a dhéanamh ar an slabhra soláthair leathsheoltóirí le haghaidh rioscaí a d’fhéadfadh a bheith ann.

An Straitéis Eorpach maidir le Sonraí

Is le sonraí a sholáthraítear an breosla le haghaidh an chlaochlaithe dhigitigh, na nuálaíochta agus an fháis. Sonraí áirithe ón earnáil phoiblí — amhail sonraí aimsire nó sonraí maidir le cáilíocht an aeir — a mbaineann tairbhí leo don tsochaí, don chomhshaol agus don gheilleagar, ba cheart iad a bheith ar fáil gan srian. I mí Eanáir 2023 d’fhoilsigh an Coimisiún liosta de thacair sonraí ardluacha - oscail i dtáb nua. nach mór a bheith ar fáil saor in aisce, i bhformáidí meaisín-inléite.

Leis an nGníomh um Rialachas Sonraí - oscail i dtáb nua., atá i bhfeidhm ó bhí mí Mheán Fómhair 2023 ann, beifear in ann leas a bhaint as acmhainneacht sonraí poiblí agus cuirfear iontaoibh as comhroinnt dheonach sonraí chun cinn. Rialófar leis athúsáid sonraí cosanta atá i seilbh phoiblí agus tabharfar isteach lógónna coiteanna - oscail i dtáb nua. chun idirghabhálaithe agus eagraíochtaí altrúchais sonraí a shainaithint san Aontas. Leis an ngníomh féachtar freisin le bacainní teicniúla a bhaint, le cuidiú ón mBord Eorpach um Nuálaíocht Sonraí. I rith na bliana chuir an Coimisiún pleananna i láthair le haghaidh Spás Eorpach um Shonraí Turasóireachta - oscail i dtáb nua. agus Spás Eorpach um Shonraí Soláthair Phoiblí - oscail i dtáb nua.. Ina theannta sin leag sé amach an creat maidir le hArdán um Chomhar idir Pháirtithe Leasmhara sa Turasóireacht agus Ardán Pobail nuálach le haghaidh Ceannaitheoirí Poiblí chun an comhar idir ceannaitheoirí poiblí a fheabhsú.

I mí na Samhna ghlac - oscail i dtáb nua. an tAontas Rialachán nua maidir le rialacha comhchuibhithe i ndáil le rochtain chothrom ar shonraí agus i ndáil le húsáid chothrom sonraí (an Gníomh um Shonraí), a mbeidh feidhm aige ó 2025. Tá sé d’aidhm aige borradh a chur faoi gheilleagar sonraí an Aontais, an rochtain ar shonraí tionsclaíocha a fheabhsú agus margadh iontaofa néalríomhaireachta san Aontas a chur chun cinn. Leis an nGníomh um Shonraí beidh níos mó smachta ar shonraí, cuirfear nuálaíocht chun cinn agus spreagfar tuilleadh cruthú sonraí.

Tacaíocht do ghnólachtaí

Ní mór do gach gnólacht, gan beann ar a mhéid, glacadh leis an gclaochlú digiteach chun go mbeidh sé iomaíoch i gcónaí. Soláthraíonn Moil Eorpacha maidir leis an Nuálaíocht Dhigiteach - oscail i dtáb nua. freagraí agus tacaíocht do ghnólachtaí a bhfuil cúnamh de dhíth orthu le linn a gclaochlú dhigitigh.

Céard is Mol Nuálaíochta Digití Eorpach ann?

Is ionaid ilfhreastail iad na Moil Nuálaíochta Digití Eorpacha, atá scaipthe ar fud na mBallstát, a chabhraíonn le gnólachtaí agus le heagraíochtaí san earnáil phoiblí aghaidh a thabhairt ar dhúshláin dhigiteacha agus a bheith níos iomaíche.

Tá breis agus
150 Moil Nuálaíochta Digití Eorpacha - oscail i dtáb nua.
bunaithe ar fud na hEorpa

Cómhaoinithe le €314 mhilliún faoin gClár don Eoraip Dhigiteach

Cé a fhaigheann cuidiú ó Mhol Nuálaíochta Digití Eorpach?

Cabhraíonn Moil Nuálaíochta Digití Eorpacha le fiontair bheaga agus mheánmhéide (FBManna), le cuideachtaí meánchaipitlithe agus le heagraíochtaí san earnáil phoiblí freagairt do dhúshláin dhigiteacha. Tá a misean ag teacht le sprioc Dheich mBliana Digiteacha na hEorpa a chinntiú go mbainfidh os cionn 90 % de FBManna leibhéal bunúsach déine digití amach faoi 2030.

Conas is féidir le Mol Nuálaíochta Digití Eorpach cabhrú?

Cuireann Moil Nuálaíochta Digití Eorpacha a lán seirbhísí ar fáil, a chuireann saineolas teicniúil, oiliúint ghairmiúil agus comhairle airgeadais ar fáil.

Digitiú dhlí na gcuideachtaí

Tá gá le creat dlíthiúil níos géarchúisí i dtaca leis an ngnó nua-aimseartha. Agus uirlisí ar líne á bhforbairt chun cuideachtaí a bhunú agus chun gníomhaíochtaí trasteorann a dhéanamh, tá sé ag éirí níos éasca gnó a dhéanamh san Aontas. Tá sé d’aidhm ag an togra - oscail i dtáb nua. is déanaí ón gCoimisiún i ndáil leis sin cur leis an úsáid a bhaintear as uirlisí agus próisis dhigiteacha i ndlí cuideachtaí an Aontais. Beartaítear leis an bprionsabal aonuaire atá sa togra an t-ualach riaracháin a laghdú, ós rud é nach mbeidh ar chuideachtaí atá ag dul i méid laistigh den Aontas faisnéis a chur isteach arís. Thairis sin, le Córas Idirnasctha na gClár Gnó - oscail i dtáb nua. cinntítear go mbeidh sonraí cuideachtaí fós iontaofa agus inrochtana go héasca ar fud an Aontais.

Píoráideacht ar líne a chomhrac

Déantar dochar do ghnólachtaí cruthaitheacha agus cuirtear bac ar an nuálaíocht agus ar an bhfás eacnamaíoch nuair a dhéantar ábhar atá faoi chosaint chóipchirt a chomhroinnt gan cead. Ós rud é gurb eol don Choimisiún an tábhacht a bhaineann le stop a chur leis an bpíoráideacht ar líne, go háirithe le linn imeachtaí beo amhail spóirt agus ceolchoirmeacha, mhol sé bearta - oscail i dtáb nua. i mí na Bealtaine 2023. Molann sé do na Ballstáit bearta a dhéanamh chun déileáil le craolacháin neamhdhleathacha, agus tacú le tionscail spórt agus chruthaitheachta an Aontais ar an gcaoi sin.

Digitiú an iompair agus na soghluaisteachta

Ar an dóigh chéanna agus a chothaíonn rialacha maidir leis an ngnó digiteach fás eacnamaíoch, cinntíonn an t-iompar digiteach go bhfuil an fás inbhuanaithe, éifeachtúil agus forleathan. Dá bhrí sin tá rialacha nua glactha ag an Aontas chun dlús a chur le córais chliste iompair - oscail i dtáb nua.. Tríd an treoir reatha maidir leis an ábhar sin a thabhairt cothrom le dáta, déantar an phleanáil taistil ilmhódach a bharrfheabhsú, déantar an bainistiú tráchta a chuíchóiriú agus spreagtar taisteal atá neamhdhíobhálach don chomhshaol. Glacadh togra le haghaidh Spás coiteann Eorpach do Shonraí Soghluaisteachta - oscail i dtáb nua. i mí na Samhna, chun comhroinnt sonraí agus comhthiomsú sonraí a shimpliú.

Tá an tAontas ag obair freisin chun na bóithre a dhéanamh níos sábháilte. Céim mhór chuige sin in 2023 ab ea an togra chun nuachóiriú a dhéanamh ar rialacha maidir le ceadúnais tiomána - oscail i dtáb nua.. Áirítear sa togra ceadúnas tiomána digiteach a thabhairt isteach a bheadh bailí ar fud an Aontais. Bheadh sé níos éasca leis freisin na rialacha tráchta a fhorfheidhmiú thar theorainneacha. Tá na hathruithe sin ríthábhachtach chun an tsábháilteacht ar bhóithre a fheabhsú agus chun sprioc ‘Fís Nialais’ an Aontais — gan aon bhás ar bhóithre faoi 2050 — a bhaint amach.

Tá rabharta rialachán nua maidir le sábháilteacht agus éifeachtúlacht ladrann spreagtha ag an mborradh gasta atá tagtha ar mhargadh na ladrann tráchtála san Aontas. Thosaigh Rialacha nua de chuid an Aontais - oscail i dtáb nua. a theacht i bhfeidhm in 2023, rialacha lena mbunaíodh aerspás tiomanta le haghaidh ladrann, ar a dtugtar U-space, chun trácht ladrann a dhéanamh sábháilte agus chun deis a thabhairt d’oibreoirí réimse níos leithne seirbhísí a chur ar fáil. Ó sheachadadh pacáistí go dtí cúnamh éigeandála, agus ó mhisin chuardaigh agus tarrthála go dtí faireachán ar bhonneagar, tiocfaidh fís Straitéis Eorpach maidir le Ladrainn 2.0 chun críche de réir a chéile.

Digitiú do na saoránaigh

An chibearshlándáil agus an athléimneacht

Na rialacha nua chun ardleibhéal comhchoiteann cibearshlándála a chinntiú ar fud na mBallstát uile, ar a dtugtar an Dara Treoir NIS - oscail i dtáb nua., tháinig siad i bhfeidhm i mí Eanáir 2023. I gcomparáid leis na bearta cibearshlándála a bhí ann roimhe sin in 2016, cumhdaíonn na rialacha nua níos mó earnálacha, amhail soláthraithe teileachumarsáide, seirbhísí poist, riarachán poiblí agus cúram sláinte. Cuideachtaí atá ag oibriú sna hearnálacha sin, tá cúraimí níos déine orthu anois maidir le bainistiú riosca agus tuairisciú teagmhas.

An 30 Samhain chomhaontaigh an Pharlaimint agus an Chomhairle an Gníomh um Chibear-Athléimneacht - oscail i dtáb nua., lena mbeartaítear feabhas a chur ar na rialacha maidir le crua-earraí agus bogearraí níos sláine. Is é sin an chéad dlí dá leithéid ar domhan. Ardófar leis leibhéal na cibearshlándála le haghaidh gach táirge dhigitigh san Aontas, rud a bheidh ina chuidiú do thomhaltóirí agus do ghnólachtaí. Beidh feidhm ag an dlí maidir le gach rud idir mhonatóirí linbh agus ródairí, le rialacha slándála éagsúla a bheidh bunaithe ar leibhéal riosca an táirge.

I mí Aibreáin mhol an Coimisiún Gníomh um Chibear-Dhlúthpháirtíocht an Aontais - oscail i dtáb nua. freisin, chun cuidiú le tíortha oibriú le chéile in aghaidh bagairtí ar líne.

FÍSEÁN Cibearshlándáil an Aontais: agus dlús á chur aige lena iarrachtaí saoránaigh, gnólachtaí agus bonneagar a chosaint ar chibirionsaithe, tá taighde á mhaoiniú ag an Aontas chun borradh a chur faoina chosaintí digiteacha.

Cosaint sonraí

I ndomhain idirnasctha an lae inniu, ní gá ach cnaipe a bhrú chun go mbeidh sonraí ag sreabhadh. Má chosnaítear sonraí, sin rud a chuireann le muinín na ndaoine. Ciallaíonn sé sin gur cheart dóibh siúd a láimhseálann sonraí pearsanta a bheith ag cloí leis na rialacha céanna. Sin rud a leagtar béim air sa togra ón gCoimisiún i mí Iúil le haghaidh rialachán nua maidir le rialacha nós imeachta an Rialacháin Ghinearálta i ndáil le Cosaint Sonraí (RGCS) - oscail i dtáb nua.. Tá sé d’aidhm ag an rialachán atá beartaithe forfheidhmiú RGCS a neartú i gcásanna ina bhfuil tionchar ar dhaoine i níos mó ná Ballstát amháin. Is soiléir an chúis atá leis sin: má réitítear cásanna níos tapa, is amhlaidh go mbeidh leigheasanna níos tapa ann do dhaoine mar aon le tuilleadh deimhneacht dhlíthiúil do ghnólachtaí.

A bhuí leis an méadú atá ag teacht ar chaighdeáin dhomhanda le haghaidh cosaint sonraí, tá borradh faoin gcomhar idirnáisiúnta. Ar na torthaí suntasacha air sin tá treoir an Aontais agus Chomhlachas Náisiúin na hÁise Thoir Theas maidir le clásail aistrithe sonraí - oscail i dtáb nua. a eisíodh i mí na Bealtaine, an Creat Príobháideachas Sonraí idir an tAontas agus na Stáit Aontaithe - oscail i dtáb nua. a chomhaontaigh an Coimisiún i mí Iúil  agus an t-athbhreithniú rathúil ar an gcomhaontú sonraí leis an tSeapáin. - oscail i dtáb nua.

An Gníomh um Sheirbhísí Digiteacha agus an Gníomh um Margaí Digiteacha

Ar mhaithe le cearta bunúsacha a chosaint ar bhealach níos fearr agus srian a chur le cleachtais éagóracha sa spás digiteach, thosaigh an tAontas ar dhá ghníomh nua a chur i bhfeidhm in 2023: an Gníomh um Sheirbhísí Digiteacha (DSA) agus an Gníomh um Margaí Digiteacha - oscail i dtáb nua..

Leis an nGníomh um Sheirbhísí Digiteacha, déantar deimhin de go mbeidh ardáin ar líne agus innill chuardaigh cuntasach as ábhar díobhálach. Tá sé d’aidhm ag an ngníomh leanaí a chosaint ar líne, soiléireacht a thabhairt maidir leis an gcaoi a n-oibríonn algartaim agus toirmeasc a chur ar fhógraíocht spriocdhírithe a dhéanann próifíliú ar dhaoine ar bhonn catagóirí amhail eitneacht, tuairimí polaitiúla agus gnéaschlaonadh.

Bhí ar na hardáin sin líon a n-úsáideoirí san Aontas - oscail i dtáb nua. a nochtadh faoin 17 Feabhra. Na cinn is mó — ar a dtugtar mórardáin ar líne agus mórinnill chuardaigh - oscail i dtáb nua. — tugadh go dtí deireadh mhí Lúnasa dóibh chun na hoibleagáidí sa ghníomh a chomhlíonadh. Ón tráth sin, tá an tAontas ag bailiú eolais ó na mórardáin chun a sheiceáil an bhfuil codanna den Ghníomh um Sheirbhísí Digiteacha á gcomhlíonadh acu, go háirithe i dtaobh leanaí a chosaint agus ábhar díobhálach a bhaint. Chun tacú le cur i bhfeidhm an DSA, bunaíodh an Lárionad Eorpach um thrédhearcacht algartamach - oscail i dtáb nua. chun maoirseacht a dhéanamh ar algartaim na gcuideachtaí sin.

Ina theannta sin, spreagadh - oscail i dtáb nua. na Ballstáit chun gníomhú go tapa i gcoinne ábhar sceimhlitheoireachta agus fuathchaint ar líne d’fhonn dlús a chur le forfheidhmiú an DSA. Shínigh an Coimisiún comhaontuithe riaracháin - oscail i dtáb nua. freisin le roinnt rialálaithe náisiúnta ar na meáin chumarsáide atá ar thús cadhnaíochta anois i gcur chun feidhme an DSA. Tá níos mó ná maoirseacht amháin i gceist leis an ról atá acu ó thaobh faireachán a dhéanamh ar oibríochtaí na meán agus tacú le caighdeáin chraolacháin. Cinntíonn siad nach óstaigh éighníomhacha amháin atá in ardáin dhigiteacha ach gur rannpháirtithe gníomhacha iad ó thaobh modhnóireacht agus bainistiú a dhéanamh ar ábhar atá mídhleathach nó a bhfuil baol córasach don tsochaí ag baint leis.

Sa Ghníomh um Margaí Digiteacha atá bainteach leis sin, leagtar amach oibleagáidí soiléire - oscail i dtáb nua. chun a chinntiú go gcoinneoidh na cuideachtaí ceannasacha san earnáil dhigiteach, a dtugtar ‘geatóirí’ orthu, cothrom iomaíochta ar bun sa mhargadh digiteach. Ainmníodh sé gheatóir - oscail i dtáb nua. i dtús mhí Mheán Fómhair, agus tá go dtí mí an Mhárta 2024 acu chun an gníomh a chomhlíonadh ina iomláine.

Ina theannta sin, sheol na sínitheoirí leis an gCód Cleachtais maidir le Bréagaisnéis 2022 - oscail i dtáb nua., a bhfuil na mórardáin ar líne uile ina measc, an Lárionad Trédhearcachta - oscail i dtáb nua. nua agus d’fhoilsigh siad na tuarascálacha bunlíne - oscail i dtáb nua. maidir leis an gcaoi a bhfuil gealltanais an chóid á gcur i ngníomh acu.

FÍSEÁN A bhuí leis an nGníomh um Sheirbhísí Digiteacha, beidh fógraíocht spriocdhírithe níos trédhearcaí agus níos teoranta. Mar shampla, cuirfear cosc ar fhógraíocht atá bunaithe ar shonraí íogaire (amhail gnéasacht, reiligiún nó cine) nó lena ndírítear ar leanaí.

Domhain fhíorúla

De réir staidéar - oscail i dtáb nua. de chuid an Aontais, measann 98 % de ghairmithe go mbeidh an réaltacht leathnaithe - oscail i dtáb nua. ina mórfhórsa ina dtionscal féin sna 5 bliana amach romhainn. I bhfianaise an eolais sin, is mian leis an Aontas tuiscint a fháil ar na tairbhí agus na rioscaí araon a bhaineann le teicneolaíochtaí den chineál sin agus aird á tabhairt aige i gcónaí ar chearta an duine. Chun aiseolas iontaofa a fháil, d’óstaigh an Coimisiún Painéal Saoránach Eorpach - oscail i dtáb nua. ó mhí Feabhra go dtí mí Aibreáin 2023, inar bailíodh ionchur maidir le domhain fhíorúla san Aontas (féach Caibidil 9).

Chuir an t-aiseolas comhchoiteann sin leis an Straitéis nua do Ghréasáin 4.0 agus Domhain Fhíorúla - oscail i dtáb nua., a glacadh i mí Iúil, a bhfuil sé d’aidhm aici tírdhreach digiteach an Aontais a chruthú atá trédhearcach, sábháilte agus fáilteach do chách — cibé acu daoine, gnólachtaí nó údaráis phoiblí atá i gceist.

Sláinte

Is féidir le mic léinn agus gairmithe a bheith oilte chun déileáil le cásanna éigeandála agus insamhaltaí máinliachta a dhéanamh, rud a fhágann go bhfuil riosca níos ísle deacrachtaí máinliachta agus cruinneas níos fearr diagnóis.

An t-aistriú glas

Is féidir le samhlacha 3D éifeachtaí an téimh dhomhanda a ionsamhlú, as a dtiocfaidh tuiscint níos fearr ar na cúiseanna atá leis agus ar na bearta maolaithe.

Le hamanna bunaithe níos tapúla agus le cur amú fuinnimh, ábhar agus acmhainní, cuirfear leis an aistriú glas ar fud an tionscail.

Tionscal

Faoi 2025, tiocfaidh laghdú 60 % ar amanna seachadta feithiclí mar thoradh ar an saol fíorúil tionsclaíoch agus tiocfaidh laghdú 50 % ar lorg carbóin mhonarú feithiclí.

Ealaín agus dearadh

Ó fhaisean go hoidhreacht chultúrtha, agus ó cheol go hamharcealaíona nó dearadh, cuirfear bealaí nua ar fáil le saothair fhíorúla a chruthú. Tabharfaidh siad an bhraistint d’úsáideoirí go bhfuil siad i bhfíormhúsaem, nó ag ceolchoirmeacha, drámaí amharclannaíochta nó bailéanna tumtha.

Oideachas

Is féidir le próiseas foghlama ó thaithí cabhrú le daltaí foghlaim níos tapúla agus an domhan a thuiscint níos fearr.

Comhar trasteorann

Nuair a ghluaiseann cónaitheoirí an Aontais laistigh den Aontas, is amhlaidh a ghluaiseann a gcearta slándála sóisialta in éineacht leo, pinsin agus cúram sláinte ina measc. An 6 Meán Fómhair, mhol an Coimisiún plean digiteach - oscail i dtáb nua. chun go mbeidh sé níos éasca agus níos tapa do dhaoine rochtain a fháil ar na sochair sin thar theorainneacha. Mar gheall ar mhalartuithe sonraí níos fearr idir na Ballstáit agus nósanna imeachta cuíchóirithe chun sochair a éileamh, ní hamháin go mbeidh sé níos éasca do dhaoine cónaí, oibriú agus taisteal thar lear ach beidh sé níos éasca freisin do chuideachtaí gnó a dhéanamh i mBallstáit eile agus do riaracháin náisiúnta an tslándáil shóisialta a chomhordú thar theorainneacha.

A bhuí le Tiachóg na Céannachta Digití ón Aontas - oscail i dtáb nua., d’fhéadfadh rochtain a bheith ag gach cónaitheoir san Aontas go luath ar aip mhóibíleach shlán a ligfidh dóibh cruthúnas a thabhairt i leith a gcéannachta, ar líne agus as líne araon, agus doiciméid phearsanta a stóráil, cuir i gcás a gceadúnas tiomána, a gcárta aitheantais agus a ndeimhnithe acadúla.

Dlús a chur le cur chun feidhme Malartú Leictreonach Faisnéise Slándála Sóisialta

Is é an aidhm atá ann imeacht ó mhalartú ar pháipéar go malartú digiteach idir institiúidí náisiúnta slándála sóisialta trí chóras um Malartú Leictreonach Faisnéise Slándála Sóisialta - oscail i dtáb nua. (EESSI) a chur i bhfeidhm i ngach tír Eorpach rannpháirteach faoi dheireadh 2024.

Nósanna imeachta maidir le comhordú na slándála sóisialta a ghlacadh ar líne

Is é an aidhm atá ann ná é a dhéanamh níos éasca do dhaoine bogadh agus dul ag obair thar lear, agus rochtain thapa ar shochair reachtúla a chinntiú. Is féidir leis na Ballstáit cur leis an Rialachán maidir leis an Tairseach Aonair Dhigiteach - oscail i dtáb nua., lena bhforáiltear go mbeidh nósanna imeachta riaracháin áirithe ar líne go hiomlán faoin 12 Nollaig 2023.

Páirt iomlán a ghlacadh i ngníomhaíochtaí píolótacha phas Eorpach slándála sóisialta

Is é is aidhm don Phas Eorpach Slándála Sóisialta (Pas Eorpach slándála sóisialta - oscail i dtáb nua.) eisiúint trasteorann agus fíorú doiciméid theidlíochtaí slándála sóisialta na saoránach a shimpliú.

Tiachóg na Céannachta Digití ón Aontas a ionchorprú

Beidh Tiachóg na Céannachta Digití ón Aontas ina huirlis dhigiteach do shaoránaigh an Aontais chun a gcéannacht a fhíorú ar líne agus chun rochtain a fháil ar sheirbhísí ar fud na mBallstát.

I mí na Samhna, tháinig Parlaimint na hEorpa agus an Chomhairle ar chomhaontú polaitiúil - oscail i dtáb nua. maidir leis na croí-eilimintí le haghaidh an chreata dhlíthiúil don Chéannacht Dhigiteach ón Aontas. Mar chuid den chreat sin, tabharfaidh an tiachóg smacht iomlán d’úsáideoirí ar a gcuid sonraí trí chóras atá ráthaithe go poiblí, seachas córas a chuireann ardán mór príobháideach ar fáil.

Thug an tAontas a rialacha - oscail i dtáb nua. cothrom le dáta freisin maidir leis an gcomhar trasteorann i gcúrsaí dlí. Chumhdaigh na rialacha roimhe seo comhar breithiúnach ach níor chumhdaigh siad cumarsáid a dhéantar trí mhodh digiteach. Anois, ní mór d’údaráis inniúla sna Ballstáit nascadh le córas TF díláraithe chun sonraí a mhalartú ar bhealach slán. Beidh an córas idir-inoibritheach le e-CODEX - oscail i dtáb nua., ar uirlis chumarsáide í a forbraíodh go sonrach don earnáil bhreithiúnach agus atá á bainistiú ag Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais - oscail i dtáb nua..

Sa bhreis air sin, tá pointe rochtana leictreonach Eorpach ar fáil anois do dhaoine agus do ghnólachtaí chun go mbeidh siad ina ann idirghníomhú go digiteach le húdaráis bhreithiúnacha náisiúnta. Is féidir físghlaonna a úsáid anois le haghaidh éisteachtaí cúirte agus tá prótacail nua i bhfeidhm maidir le sínithe agus séalaí leictreonacha a úsáid agus maidir le héifeacht dhlíthiúil doiciméad leictreonach agus íocaíocht leictreonach táillí cúirte in imeachtaí sibhialta.

Tá todhchaí dhigiteach i ndán don chúram sláinte freisin agus d’fhéadfadh ról lárnach a bheith ag an Spás Eorpach um Shonraí Sláinte - oscail i dtáb nua. a moladh in 2022 sa chlaochlú sin go luath. I mí na Nollag, ghlac Parlaimint na hEorpa agus an Chomhairle a seasaimh - oscail i dtáb nua. ó thaobh tacaíocht a thabhairt do chruthú an spáis sin atá ceaptha chun rochtain agus smacht níos éasca a thabhairt do chónaitheoirí an Aontais ar a sonraí sláinte, fiú nuair atá siad i mBallstát eile. Cuirfidh sé ar a gcumas do ghairmithe cúraim sláinte cúram éifeachtach a chur ar fáil a bheidh bunaithe ar stair iomlán leighis. Ina theannta sin, tá sé beartaithe go mbeidh sé ina phríomhghné chun úsáid shlán sonraí pearsanta a chumasú le haghaidh taighde tábhachtach agus chun beartais sláinte a fhorbairt.

Mura bhfuiltear ag baint úsáid as Céannacht Dhigiteach an Aontais

1
Coinne a shocrú leis an mbanc

2
Cruinniú sa bhanc

Tá cáipéis ar iarraidh (→1)

3
Na doiciméid pháipéir go léir a chur ar fáil

4
Tairiscint seolta ag an mbanc

5
Coinne eile a shocrú leis an mbanc

6
Cruinniú sa bhanc arís chun an comhaontú iasachta a shíniú

Má táthar ag baint úsáid as Céannacht Dhigiteach an Aontais

1
Tá na doiciméid go léir sa tiachóg phearsanta ag an úsáideoir, ón aitheantas náisiúnta go dtí an ráiteas ioncaim.

2
Ní roghnaíonn siad ach na doiciméid a theastaíonn ón mbanc don iarratas ar iasacht, agus cuireann siad ar aghaidh iad go simplí agus go slán.

3
Faigheann an banc na doiciméid go leictreonach. Má tá cáipéis ar iarraidh, níl ann ach cliceáil ar shiúl don úsáideoir. Tá an t-iarratas réidh chun leanúint ar aghaidh.

Trí úsáid a bhaint as Céannacht Dhigiteach an Aontais, déantar an próiseas sin a chuíchóiriú agus sábhálann sé níos mó ama.

Scileanna digiteacha

Tá scileanna digiteacha ríthábhachtach chun gur féidir le daoine páirt a ghlacadh sa mhargadh saothair agus sa tsochaí i gcoitinne agus chun an t-ionchuimsiú sóisialta a bhaint amach. Ós rud é gurbh í 2023 an Bhliain Eorpach um Scileanna, lean an tAontas de thacaíocht a thabhairt do na Ballstáit agus don earnáil oideachais agus oiliúna chun oideachas agus oiliúint dhigiteach d’ardchaighdeán atá ionchuimsitheach agus inrochtana a chur ar fáil d’fhonn scileanna digiteacha na ndaoine a bhfuil cónaí orthu san Aontas a fhorbairt. Le linn na bliana, sheol an tAontas an t-iliomad tionscnamh chun an bhearna scileanna a líonadh.

I bhfianaise na sprice faoi bheartas na Deacáide Digití maidir le 20 milliún speisialtóir TFC a bheith ann faoin 2030, agus urraim á tabhairt do chothromaíocht idir fir agus mná, tionscnaíodh cláir mháistreachta agus cúrsaí oiliúna gearrthéarmacha i scileanna digiteacha ardleibhéil faoin gClár don Eoraip Dhigiteach. Ó bhí 2023 ann, tá rochtain ar na cúrsaí sin tríd an Ardán um Scileanna Digiteacha agus Poist Dhigiteacha - oscail i dtáb nua., atá tar éis méadú a thuilleadh le 22 chomhlachas náisiúnta le haghaidh scileanna digiteacha agus poist dhigiteacha - oscail i dtáb nua..

In 2021, ba mhná iad 19.1 % de speisialtóirí teicneolaíochta faisnéise agus cumarsáide (TFC) an Aontais. Faoi 2030, is é sprioc an Aontais paireacht inscne a bhaint amach, rud a mhéadóidh céatadán na speisialtóirí TFC ar mná iad go 50 %.

Sa todhchaí, beidh scileanna digiteacha de dhíth i 90 % de phoist.

Tá na scileanna digiteacha a theastaíonn don chuid is mó de phoist ar fud na n-earnálacha ar fad in easnamh ar níos mó ná aon trian de lucht saothair an Aontais — idir ghnó agus iompar, agus an talmhaíocht fiú.

Níl ach 54 % de mhuintir an Aontais idir 16 agus 74 bliana d’aois in ann bunchúraimí digiteacha a dhéanamh.

Tuairiscíonn níos mó ná 70 % de ghnólachtaí go bhfuil easpa foirne a bhfuil scileanna digiteacha leordhóthanacha acu ina bhac ar infheistíocht.

Tá ganntanas criticiúil saineolaithe digiteacha ag an Aontas, an chibearshlándáil agus anailís sonraí san áireamh. Is dócha go dtiocfaidh méadú ar na ganntanais sin leis an laghdú réamh-mheasta ar an daonra in aois oibre ó 265 mhilliún in 2022 go 258 milliún faoi 2030.

Tá 9.4 milliún speisialtóir teicneolaíochta faisnéise agus cumarsáide (TFC) fostaithe (4.6 % d’fhostaíocht iomlán an Aontais). Faoi na coinníollacha atá ann faoi láthair, beidh líon na speisialtóirí TFC san Aontas beagnach 12 mhilliún faoi 2030, rud a bheidh faoi bhun sprioc 2030 (20 milliún speisialtóir TFC ar a laghad fostaithe) le thart ar 8 milliún speisialtóir TFC.

Sheol sé glao speisialta - oscail i dtáb nua. ar thograí agus chomhoibrigh sé - comhad PDF – oscail i dtáb nua. le tionscnaimh eile, lena n-áirítear Ciorclán Girls Go - oscail i dtáb nua..

Sheol sé an chéad Duais Oiliúna Teicneolaíocht Domhain Tallainne - oscail i dtáb nua. chun aitheantas agus luach saothair a thabhairt d’eagraíochtaí a bhfuil barr feabhais orthu maidir le dul i ngleic le dúshláin oiliúna teicneolaíochta domhain.

Fuair sé gealltanais ó roinnt ollscoileanna agus cuideachtaí chun oiliúint a chur ar bhreis agus 650 000 foghlaimeoir.

Sheol sé a ardán nua ar líne — Campas EIT - oscail i dtáb nua. — i mí Eanáir 2023, inar tugadh le chéile os cionn 2 500 cúrsa i bhfiontraíocht agus i bhforbairt scileanna.

Íomhánna: © Getty Images.

2. Deimhniú Eorpach um Scileanna Digiteacha - oscail i dtáb nua.

3. Gradaim Eorpacha um Scileanna Digiteacha - oscail i dtáb nua.

4. An tAcadamh um Scileanna Cibearshlándála - oscail i dtáb nua.

Le blianta beaga anuas, tá méadú as cuimse tagtha ar chibearbhagairtí san Aontas. San acadamh, neartófar cumais chibearshlándála an Aontais agus méadófar líon na ngairmithe oilte cibearshlándála.

An Spás

Tá ról ríthábhachtach ag teicneolaíocht an spáis i saol laethúil na ndaoine san Aontas, mar shampla nuair a úsáideann siad fóin phóca nó córais loingseoireachta carranna, nuair a fhéachann siad ar theilifís satailíte nó nuair a thógann siad airgead as meaisín airgid thirim. Soláthraíonn satailítí sonraí tábhachtacha freisin le linn tubaistí, rud a chuireann feabhas ar chomhordú na seirbhísí práinnfhreagartha.

In 2023 cuireadh seirbhísí nua in úsáid chun athléimneacht agus iomaíochas bhuíonta satailítí an Aontais, Copernicus agus Galileo, a fheabhsú. Mar shampla, le córas satailíte uasghrádaithe Galileo - oscail i dtáb nua. tá rianú suímh níos cruinne fós ar fáil anois, go dtí 20 cm.

Chun tacú le riachtanais sonraí atá ann faoi láthair agus an nuálaíocht a chothú, thug an Coimisiún isteach an Córas Dinimiciúil Ceannaigh le haghaidh Copernicus - oscail i dtáb nua. — bealach nua chun soláthar a bhaineann leis an spás a dhéanamh san Eoraip. A bhuí leis sin tá sé níos éasca d’fhiontair bheaga agus mheánmhéide agus do ghnólachtaí nuathionscanta - oscail i dtáb nua. páirt a ghlacadh i margadh sonraí an spáis.

FÍSEÁN Éiceachóras Copernicus Spáis Sonraí, ardán dáileacháin nua a osclaíonn doirse do na sonraí agus don bhonneagar go léir is gá le haghaidh feidhmeanna breathnóireachta an Domhain.

I mí an Mhárta, ghlac an tAontas IRIS² - oscail i dtáb nua. (Bonneagar don Athléimneacht, don Idirnascthacht agus don tSlándáil trí Shatailít), an tríú mórbhuíon satailíte atá aige. Agus ranníocaíocht €2.4 billiún aige ó bhuiséad an Aontais, tá an clár ceaptha chun cumarsáid shlán rialtais a chinntiú, chun tacú le hoibríochtaí míleata agus cosanta agus chun seirbhísí leathanbhanda tráchtála a leathnú, go háirithe i gceantair iargúlta.

Chun go bhfanfaidh an Eoraip ar thús cadhnaíochta i dteicneolaíocht an spáis, tá an-tábhacht ag baint le hinfheistíocht i dtaighde agus i nuálaíocht - oscail i dtáb nua. freisin, go háirithe trí chláir mhaoiniúcháin an Aontais amhail Fís Eorpach. Is cruthúnas ar an ngealltanas sin é an Clár Taispeána agus Bailíochtaithe i bhFithis - oscail i dtáb nua.. Mar a thugann an t-ainm le fios, ligeann sé do chuideachtaí spáis triail a bhaint as teicneolaíochtaí nua spáis go díreach i bhfithis. Is rud é sin a chuireann léargais luachmhara ar fáil do lárionaid taighde Eorpacha, mar shampla, agus a chuidíonn ó thaobh lainseálacha satailítí a thabhairt chun cinn le haghaidh cuideachtaí.

Ag aithint dó gur gá tuilleadh infheistíochta a mhealladh, i dtús 2023 sheol an Coimisiún Helios - oscail i dtáb nua. freisin, arb é an chéad innéacs stoc spáis a bhí ann riamh. Leis an uirlis sin tugtar léargas soiléir ar an gcaoi a bhfuil ag éirí le cuideachtaí spáis na hEorpa ó thaobh airgeadais de. Cuidíonn sé leo tuilleadh airde a fháil agus fágann sé go bhfuil sé níos éasca do dhaoine infheistíocht a dhéanamh iontu.

Agus bonneagar spáis na hEorpa ag dul i méid, tá tábhacht níos mó ag baint le bearta cosanta. Tá Gníomhaireacht an Aontais Eorpaigh um an gClár Spáis, i gcomhar le 15 Bhallstát, ag obair ar son na cúise sin trí Chomhpháirtíocht an Aontais maidir le Faireachas agus Rianú Spáis - oscail i dtáb nua.. Freastalaíonn an chomhpháirtíocht sin, agus é feistithe le córas casta braiteoirí faireachais agus rianaithe spáis, ar bhreis agus 190 eagraíocht chláraithe, rud a chosnaíonn níos mó ná 400 satailít ar an mbaol imbhuailte le smionagar spáis agus satailítí oibríochtúla eile.

Tá teicneolaíocht an spáis ríthábhachtach le haghaidh chosaint an chomhshaoil agus is sampla iontach de theacht le chéile na réimsí sin é an tionscadal Destination Earth - oscail i dtáb nua. (Ceann Scríbe: an Domhain). Tá sé d’aidhm aige samhail dhigiteach chuimsitheach den Domhain a chruthú ar mhaithe le tuar aimsire agus tuar tubaistí níos fearr. Agus é deimhnithe i mí na Nollag, cuirfidh an dara céim - oscail i dtáb nua. den tionscadal leis na samhlacha digiteacha atá ann cheana, cuirfidh sé feabhas ar láimhseáil sonraí agus beidh teicneolaíocht ardfhorbartha na hintleachta saorga mar chuid de.

In 2023, chuir an Beartas Eorpach don Spás - oscail i dtáb nua. béim mhór ar an tslándáil sa spás. I ndáil leis sin, chuir an Coimisiún agus Ardionadaí an Aontais do Ghnóthaí Eachtracha agus don Bheartas Slándála, Josep Borrell, teachtaireacht chomhpháirteach i láthair maidir le Straitéis Spáis Eorpach um Shlándáil agus um Chosaint - oscail i dtáb nua.. Leis sin, tugtar isteach bearta le haghaidh comhthuiscint ar bhagairtí spáis agus leagtar amach an bealach i gcomhair togra reachtach le haghaidh dlí spáis ón Aontas in 2024 (féach Caibidil 8).

Faoi dheireadh 2023, bhí níos mó ná 15 600 cur chuige dlúth aimsithe i dtrí cinn d’fhithisí éagsúla.

Rinneadh faireachán
ar 434 shatailít

196
eagraíocht cláraithe, as 24 Bhallstát

1 000
teagmhas seachanta imbhuailte ardleasa

127
n-imeacht anailíse athiontrála

6
imeacht anailíse ilroinnte

± 445 000
tomhas in aghaidh an lae