Kooperazzjoni Interreg: Il-potenzjal tar-reġjuni transfruntieri tal-Unjoni Ewropea għadu ma ġiex sfruttat bis-sħiħ

Sommarju Eżekuttiv

I

Il-kooperazzjoni transfruntiera hija waħda miż-żewġ għanijiet tal-Politika ta’ koeżjoni. Din għandha l-għan li tindirizza sfidi komuni identifikati b’mod konġunt mill-Istati Membri fir-reġjuni tal-fruntieri, u li tisfrutta l-potenzjal ta’ tkabbir tagħhom mhux sfruttat. Ħafna minn dawn ir-reġjuni ġeneralment għandhom prestazzjoni ekonomika inqas tajba minn reġjuni oħra fi Stat Membru.

II

Il-programmi Interreg jindirizzaw sfidi transfruntieri. Il-perjodu ta’ programmazzjoni 2014-2020 kien il-ħames perjodu tiegħu u kellu baġit ta’ EUR 10.1 biljun. Parti sinifikanti minn dan kienet tikkonċerna fruntieri interni b’allokazzjoni ta’ EUR 6.3 biljun, u ffinanzjat madwar 24 000 proġett permezz ta’ 53 programm ta’ kooperazzjoni. Din kopriet 59 % taż-żona tal-art u 48 % tal-popolazzjoni tal-UE.

III

Permezz ta’ dan l-awditu, ivvalutajna jekk il-Kummissjoni u l-Istati Membri kinux indirizzaw l-isfidi tar-reġjuni transfruntieri fil-programmi ta’ kooperazzjoni fil-fruntieri interni ffinanzjati permezz ta’ Interreg b’mod effettiv. Il-pubblikazzjoni ta’ dan ir-rapport se tkun utli fl-implimentazzjoni tal-perjodu 2021-2027. Din tista’ wkoll tinforma d-diskussjonijiet li għaddejjin bejn il-koleġiżlaturi dwar mekkaniżmu potenzjali biex jiġu indirizzati l-ostakli ġuridiċi u amministrattivi fir-reġjuni transfruntieri.

IV

Sibna li l-programmi ta’ kooperazzjoni kollha li eżaminajna ħlief wieħed kienu analizzaw il-ħtiġijiet tar-reġjuni kkonċernati. Madankollu, ir-riżorsi finanzjarji allokati għal dawn il-programmi kienu jfissru li l-isfidi transfruntieri jistgħu jiġu indirizzati biss parzjalment. L-iskarsezza tar-riżorsi tirrikjedi li l-finanzjament jiġi dirett fejn x’aktarx li jżid l-aktar valur.

V

Bi ftit eċċezzjonijiet, għall-programmi li eżaminajna, kien hemm rabtiet ċari bejn l-objettivi proposti, l-inputs u l-attivitajiet ippjanati u r-riżultati u l-impatt intenzjonati. Il-programmi ta’ kooperazzjoni jvarjaw minn programmi prinċipali tal-UE fir-rekwiżit li l-proġetti jkollhom identità transfruntiera u l-parteċipazzjoni ta’ sħab multipli u transnazzjonali. Madankollu, in-nuqqas frekwenti ta’ demarkazzjoni ċara bejn il-programmi ta’ kooperazzjoni u dawk prinċipali kien ifisser li l-programmi ta’ kooperazzjoni jistgħu jiffinanzjaw l-istess tip ta’ operazzjonijiet bħall-programmi prinċipali.

VI

Barra minn hekk, identifikajna bosta dgħufijiet fl-implimentazzjoni tal-programmi u l-monitoraġġ tagħhom:

• għal nofs il-proġetti li eżaminajna, il-kooperazzjoni fost is-sħab kienet limitata għall-preżentazzjoni ta’ proposta ta’ proġett komuni biex jiġi żgurat finanzjament għall-interventi. Dawk il-proġetti ma kellhomx identità komuni bħala proġett transfruntier;
• il-proċeduri tal-għażla tal-proġetti mhux dejjem wasslu biex jintgħażlu l-aħjar proġetti;
• l-indikaturi użati ġeneralment ma kinux ikopru l-effett transfruntier, li jxekkel il-monitoraġġ tal-implimentazzjoni tal-programm meta mqabbel mal-objettivi tiegħu; u
• il-limitazzjonijiet tad-data statistika jaffettwaw l-evalwazzjoni tal-proġetti kofinanzjati.

VII

L-awtoritajiet inkarigati mill-programmi għamlu sforzi biex jillimitaw l-impatt tal-kriżi tal-COVID-19 fuq il-proġetti billi estendew l-iskadenza tagħhom għall-ikkompletar. L-awtoritajiet għamlu użu wkoll mill-miżuri ta’ flessibbiltà u simplifikazzjoni offruti mill-UE biex jimmitigaw l-effett tal-COVID-19, speċjalment fir-rigward tal-possibbiltà li d-dokumenti ewlenin jiġu ppreżentati aktar tard.

VIII

Fl-aħħar nett, id-dewmien fl-adozzjoni tal-bażi ġuridika tal-perjodu 2021-2027, flimkien mal-ħtieġa li jingħalaq ix-xogħol għall-perjodu ta’ programmazzjoni 2014-2020, ipprevenew il-bidu bla xkiel tal-perjodu ta’ programmazzjoni l-ġdid fil-livell tal-Istati Membri.

IX

B’riżultat tal-awditu li wettaqna, aħna nirrakkomandaw li:

1. il-programmi ta’ kooperazzjoni jiġu ffukati aħjar biex b’hekk il-proġetti jikkomplementaw dawk il-proġetti tal-programmi prinċipali;
2. il-proġetti jingħataw prijorità u appoġġ billi jiġu kklassifikati abbażi tal-mertu; u
3. jintużaw indikaturi li għandhom l-għan li jkopru l-effett transfruntier.

Introduzzjoni

L-isfidi għar-reġjuni transfruntieri tal-UE

01

Skont it-Trattat dwar il-Funzjonament tal-Unjoni Ewropea, l-UE għandha l-għan li tnaqqas id-disparitajiet fil-ġid u fl-iżvilupp bejn ir-reġjuni tagħha, b’referenza speċifika għal, fost affarijiet oħra, ir-reġjuni transfruntieri¹. F’dan il-kuntest, hija tappoġġa l-programmi tal-Kooperazzjoni Territorjali Ewropea (KTE), magħrufa bħala l-programmi “Interreg”, permezz tal-politika ta’ koeżjoni tagħha billi tipprovdi finanzjament mill-Fond Ewropew għall-Iżvilupp Reġjonali (FEŻR). Għal 30 sena, Interreg kien qed jappoġġa azzjonijiet konġunti fost l-Istati Membri jew bejn l-Istati Membri u l-pajjiżi barra l-UE.

02

L-għan ġenerali ta’ Interreg huwa li jipparteċipa fl-appoġġ ta’ żvilupp armonjuż tat-territorju tal-UE², bil-ħsieb li jħeġġeġ il-kooperazzjoni, jiġġenera opportunitajiet għall-iżvilupp filwaqt li jrawwem is-solidarjetà bejn iċ-ċittadini ta’ nazzjonijiet differenti permezz tal-indirizzar tal-isfidi flimkien. Flimkien mal-“Investiment għat-Tkabbir u l-Impjiegi”, l-objettiv ta’ Interreg huwa wieħed miż-żewġ għanijiet tal-Politika ta’ koeżjoni, li jista’ “jappoġġa [...] il-kondiviżjoni tal-faċilitajiet u r-riżorsi umani u kull tip ta’ infrastruttura b’mod transkonfinali fir-reġjuni kollha”³.

03

Il-kooperazzjoni transfruntiera għandha l-għan li tindirizza l-isfidi komuni identifikati b’mod konġunt fir-reġjuni tal-fruntieri, u li tisfrutta l-potenzjal ta’ tkabbir mhux sfruttat. Fost l-aktar sfidi importanti hemm: “aċċessibbiltà limitata, speċjalment fir-rigward ta’ konnettività tat-teknoloġiji tal-informazzjoni u l-komunikazzjoni u l-infrastruttura tat-trasport, industriji lokali li qed jonqsu, ambjent tan-negozju mhux xieraq, in-nuqqas ta’ networks fost l-amministrazzjonijiet lokali u reġjonali, livelli baxxi ta’ riċerka u innovazzjoni, it-tniġġis ambjentali, il-prevenzjoni ta’ riskji, u attitudnijiet negattivi lejn ċittadini tal-pajjiżi tal-viċinat”⁴.

04

Il-Figura 1 tiġbor fil-qosor l-elementi l-aktar importanti relatati mal-isfidi tar-reġjuni transfruntieri tal-UE kif ukoll l-impatt stmat tagħhom. Jekk jitneħħew 20 % tal-ostakli eżistenti fil-kooperazzjoni transfruntiera, dawn ir-reġjuni jiksbu 2 % fil-PDG, u aktar minn 1 000 000 impjieg addizzjonali⁵.

Interreg A: l-akbar fergħa ta’ Interreg

05

Il-perjodu 2014-2020 kien il-ħames perjodu ta’’ programmazzjoni li fih kien qed jopera Interreg. Il-baġit tiegħu f’dan il-perjodu kien ta’ EUR 10.1 biljun, madwar 2.75 % tal-baġit totali tal-politika ta’ koeżjoni⁷. F’dan il-perjodu, l-Interreg kien jikkonsisti fi tliet fergħat ta’ kooperazzjoni⁸ (ara l-Kaxxa 1).

06

Il-Figura 2 tippreżenta l-evoluzzjoni ta’ Interreg mill-1989 sal-2020 f’termini ta’ finanzjament u l-Istati Membri involuti, b’aktar dettall għall-perjodu 2014-2020. Interreg V-A, bi 88 programm ta’ kooperazzjoni u baġit ta’ kważi EUR 7.4 biljun, huwa l-akbar fergħa, li jirrappreżenta 73 % tal-baġit totali ta’ Interreg. L-element prinċipali ta’ Interreg V-A huwa l-kooperazzjoni transfruntiera għall-fruntieri interni, minbarra r-reġjuni ultraperiferiċi, bi 53 programm ta’ kooperazzjoni u baġit ta’ EUR 6.3 biljun.

07

Għall-perjodu 2021-2027, il-baġit totali ta’ Interreg naqas għal EUR 8 biljun, b’segwitu għal tnaqqis kemm fil-baġit totali tal-politika ta’ koeżjoni kif ukoll fis-sehem allokat lil Interreg¹², dan tal-aħħar minn 2.75 % għal 2.4 %. Għal dan il-perjodu, se jkun hemm fergħa addizzjonali, ir-raba’ waħda, iddedikata għar-reġjuni ultraperiferiċi¹³. Interreg VI-A, il-kooperazzjoni transfruntiera, se tkompli tirrappreżenta l-akbar parti tal-finanzjament Interreg, b’EUR 5.8 biljun għall-perjodu¹⁴.

08

Ir-reġjuni tal-fruntieri interni eliġibbli għall-kofinanzjament ta’ Interreg A huma r-reġjuni NUTS 3 tal-fruntieri interni u ċerti fruntieri esterni tal-art tal-UE¹⁵; u r-reġjuni tul il-fruntieri marittimi separati b’massimu ta’ 150 kilometru¹⁶. L-Istati Membri għandhom ikunu involuti fir-rigward tad-deċiżjoni tal-Kummissjoni dwar ir-reġjuni eliġibbli¹⁷. Għar-reġjuni kollha, l-appoġġ ta’ Interreg huwa addizzjonali għall-programmi prinċipali, nazzjonali jew reġjonali tal-FEŻR.

09

Il-Figura 3 turi ż-żieda gradwali fiż-żoni eliġibbli ta’ Interreg A. Dan huwa l-aktar minħabba t-tkabbir tal-UE, u l-possibbiltà tal-Istati Membri mill-perjodu 2007-2013 li jallokaw parti mill-baġit Interreg tagħhom lir-reġjuni barra dawk koperti mill-programmi ta’ kooperazzjoni, inizjalment reġjuni kontigwi ¹⁸ u aktar tard ir-reġjuni kollha¹⁹. Għall-perjodu 2014-2020, iż-żona għal Interreg V-A tkopri 66 % tat-territorju tal-UE u 51 % tal-popolazzjoni. Għar-reġjuni tal-fruntieri interni biss, iċ-ċifri ekwivalenti huma 59 % u 48 % rispettivament.

10

Skont il-Kummissjoni, ir-reġjuni Interreg V-A jospitaw kważi 2 miljun ħaddiem transfruntier, li minnhom 1.3 miljun jaqsmu l-fruntiera biex jaħdmu u l-bqija biex jistudjaw. Pereżempju, 450 000 persuna li jgħixu fi Franza jaħdmu f’pajjiż tal-viċinat; iċ-ċifri ekwivalenti għall-Ġermanja u l-Polonja huma 270 000 u 140 000 rispettivament. Ħafna reġjuni tal-fruntieri ġeneralment għandhom prestazzjoni ekonomika inqas tajba minn reġjuni oħra fi Stat Membru. L-aċċess għas-servizzi pubbliċi bħall-isptarijiet u l-universitajiet u n-navigazzjoni bejn sistemi ġuridiċi u amministrattivi differenti ħafna drabi jkunu kumplessi u jiswew ħafna flus²⁰.

Il-governanza ta’ Interreg u l-oqsma tal-finanzjament għal Interreg V-A għall-fruntieri interni fil-perjodu 2014-2020

11

Simili għall-programmi prinċipali tal-FEŻR, il-programmi ta’ kooperazzjoni jiġu implimentati taħt ġestjoni kondiviża. F’dan il-kuntest, ir-rwol tal-Kummissjoni jinsab fl-approvazzjoni tal-programmi mħejjija mill-Istati Membri u fl-iffaċilitar tal-implimentazzjoni tagħhom, u fil-monitoraġġ u l-evalwazzjoni tal-programmi.

12

Għal kull programm ta’ kooperazzjoni, tinħatar awtorità ta’ ġestjoni, ta’ ċertifikazzjoni u ta’ verifika. B’mod speċifiku għal Interreg, jiġi stabbilit segretarjat konġunt²¹ biex jaġixxi bħala ċentru ta’ informazzjoni, jassisti lill-kandidati fl-applikazzjoni u l-valutazzjoni tal-applikazzjonijiet għal proġetti; flimkien mal-awtorità maniġerjali, is-segretarjat konġunt jikkostitwixxi l-awtoritajiet prinċipali inkarigati mill-programmi tal-programmi ta’ kooperazzjoni. Fl-aħħar mill-aħħar, il-kumitat ta’ monitoraġġ tal-programm jagħżel l-operazzjonijiet li għandhom jiġu kkofinanzjati.

13

Il-proċess ta’ programmazzjoni għall-programmi ta’ kooperazzjoni jsegwi mill-qrib l-arranġamenti fis-seħħ għall-programmi prinċipali. Il-leġiżlazzjoni tinkludi rekwiżiti dettaljati għall-kontenut tal-programm. Din għandha l-għan li tiffaċilita loġika ta’ intervent konsistenti, jiġifieri rabtiet ċari bejn l-objettivi proposti, l-inputs u l-attivitajiet ippjanati, u r-riżultati u l-impatt intenzjonati. L-għan aħħari huwa l-implimentazzjoni effettiva u effiċjenti tal-fondi²²:

• jenħtieġ li l- programmazzjoni tkun madwar 11-il objettiv tematiku definiti²³, u mill-inqas 80 % tal-fondi għandhom ikunu kkonċentrati fuq massimu ta’ erba’ objettivi tematiċi²⁴;
• jenħtieġ li l-assi prijoritarju jikkorrispondi, preferibbilment, għal objettiv tematiku wieħed; jenħtieġ li l-prijoritajiet ta’ investiment u l-objettivi speċifiċi jiġu ddefiniti f’kull assi prijoritarju²⁵; u
• trid tingħata ġustifikazzjoni għall-għażla tal-objettivi tematiċi, il-prijoritajiet ta’ investiment u l-allokazzjonijiet finanzjarji, abbażi ta’ analiżi tal-ħtiġijiet reġjonali u nazzjonali²⁶.

14

Kull rebbiegħa, l-awtoritajiet maniġerjali jippreżentaw rapporti annwali ta’ implimentazzjoni lill-Kummissjoni għal kull programm ta’ kooperazzjoni²⁷. Dawn ir-rapporti jinkludu data dwar il-progress tal-indikaturi komuni tal-output²⁸, dwar l-indikaturi speċifiċi tal-output u tar-riżultati tal-programmi, u dwar l-istadji importanti, kif ukoll dwar id-data finanzjarja.

15

Il-Figura 4 u l-Anness III juru t-tixrid tal-objettivi tematiċi li huma fil-mira tal-finanzjament tal-perjodu 2014-2020 għal Interreg V-A għall-fruntieri interni. L-objettivi kienu relatati mal-“Preservazzjoni u l-ħarsien tal-ambjent u l-promozzjoni tal-effiċjenza tar-riżorsi”, u mat-“Tisħiħ tar-riċerka, l-iżvilupp teknoloġiku u l-innovazzjoni”, li kienu l-aktar li rċevew finanzjament sa tmiem l-2020.

16

Kif ippreżentat fl-Anness IV, it-tipi ta’ proġetti li rċevew l-aktar finanzjament, esklużi l-assistenza teknika, dawk relatati mal-kultura u l-wirt, l-adattament għat-tibdil fil-klima, il-kapaċità istituzzjonali, it-trasferiment teknoloġiku lill-SMEs, it-titjib tat-toroq, il-bijodiversità u l-ħarsien tan-natura, it-turiżmu f’żoni naturali, is-servizzi tas-saħħa u soċjali, u r-riċerka u l-innovazzjoni f’ċentri pubbliċi.

17

Sa mill-aħħar ta’ Diċembru 2020, l-awtoritajiet inkarigati mill-programmi ta’ kooperazzjoni kienu impenjaw 102 % tal-finanzjament disponibbli għall-perjodu 2014-2020, filwaqt li r-rata għall-programmi prinċipali appoġġati mill-FEŻR kienet ta’ 110 %, u kienu għażlu madwar 24 000 proġett għall-kofinanzjament. L-awtoritajiet inkarigati mill-programmi jistgħu jimpenjaw aktar mill-baġit allokat tal-programm biex jiżguraw li l-fondi kollha disponibbli jintużaw fi tmiem il-perjodu ta’ programmazzjoni.

It-tħejjija għall-perjodu 2021-2027

18

Matul il-perjodu ta’ programmazzjoni tal-2007-2013, Interreg ipprovda finanzjament ta’ EUR 5.6 biljun. Skont l-evalwazzjoni ex post²⁹, il-proġetti taw outputs u riżultati li kienu konformi mal-objettivi speċifiċi ta’ Interreg u kienu orjentati lejn il-prijoritajiet prinċipali tal-Istrateġija ta’ Lisbona.

19

Id-dgħufijiet prinċipali osservati mill-evalwazzjoni kienu li:

• il-programmi baqgħu wiesgħa ħafna u mmirati primarjament lejn l-iżvilupp tal-kooperazzjoni u r-rabtiet bħala l-għan aħħari tagħhom aktar milli bħala mezz biex tinkiseb integrazzjoni ekonomika usa’;
• il-biċċa l-kbira mill-programmi kienu adottaw approċċ “minn isfel għal fuq” meta ddeċidew liema proġetti għandhom jappoġġaw. Dan għamilha diffiċli li tiġi segwita strateġija koerenti biex jiġu promossi l-iżvilupp u l-integrazzjoni soċjoekonomika u territorjali tar-reġjuni kkonċernati, anke jekk il-biċċa l-kbira mill-proġetti individwali taw kontribut;
• kien hemm koordinazzjoni limitata ħafna bejn Interreg u l-programmi prinċipali.

20

Għat-tħejjija tal-ftehimiet u l-programmi ta’ sħubija għall-perjodu 2014-2020, il-Kummissjoni żviluppat dokumenti ta’ pożizzjoni għal kull Stat Membru, li jistabbilixxu l-prijoritajiet l-aktar rilevanti għall-fondi Strutturali u ta’ Investiment Ewropej (SIE) b’taqsima qasira ħafna dwar il-kooperazzjoni territorjali.

21

Għall-perjodu 2021-2027, il-Kummissjoni ppreżentat dokumenti ta’ orjentazzjoni tal-fruntieri, imfassla biex jikkontribwixxu għat-tħejjija tal-programmi ta’ kooperazzjoni tal-Istati Membri. Dawn huma dokumenti dettaljati, speċifiċi għar-reġjuni transfruntieri.

22

Fl-aħħar nett, għall-perjodu 2021-2027, il-leġiżlazzjoni³⁰ tispeċifika li:

• għall-fruntieri interni tal-art, jenħtieġ li l-awtoritajiet inkarigati mill-programmi jallokaw massimu ta’ 60 % tal-finanzjament għal 4 mis-7 objettivi ta’ politika (5 mill-RDK u 2 mir-Regolament KTE), li 2 minnhom jenħtieġ li jkunu: “Ewropa aktar ekoloġika, b’livell baxx ta’ karbonju” u “Ewropa aktar soċjali”;
• għall-fruntieri marittimi, dan is-60 % huwa allokat għal 3 mill-objettivi ta’ politika, li minnhom “Ewropa aktar ekoloġika, b’livell baxx ta’ karbonju” huwa obbligatorju; u
• sa 20 % u 5 % rispettivament jistgħu jiġu allokati għall-objettivi speċifiċi ta’ Interreg “governanza ta’ kooperazzjoni aħjar” u “Ewropa b’inqas periklu u aktar sigurtà”.

Miżuri tal-COVID-19 għall-fondi SIE

23

Il-pandemija tal-COVID-19 laqtet ir-reġjuni transfruntieri tal-Istati Membri b’mod sinifikanti, filwaqt li poġġiet l-istrutturi soċjoekonomiċi madwar u ġewwa l-fruntieri tal-UE taħt pressjoni. Il-miżuri meħuda fir-rigward tal-għoti ta’ flessibbiltà għall-użu tal-fondi SIE biex jiġu mmitigati l-effetti tal-pandemija permezz tal-Inizjattiva ta’ Investiment fir-Rispons għall-Coronavirus³¹ (CRII) u l-Inizjattiva ta’ Investiment fir-Rispons għall-Coronavirus Plus³² (CRII+) japplikaw ukoll għall-programmi ta’ kooperazzjoni.

24

Il-Figura 5 turi l-aktar waħda importanti minn dawn il-miżuri, li kollha kemm huma jirrikjedu li l-programmi jiġu emendati. Il-miżuri kollha ħlief waħda, il-kapaċità ta’ trasferiment ta’ riżorsi bejn il-kategoriji tar-reġjuni għas-sena 2020, huma rilevanti għall-programmi ta’ kooperazzjoni. L-awtoritajiet inkarigati mill-programmi jistgħu jużaw aktar minn waħda minn dawn il-miżuri.

Ambitu u approċċ tal-awditjar

25

Il-fokus tal-awditu tagħna kien fuq jekk il-Kummissjoni u l-Istati Membri kinux indirizzaw b’mod effettiv l-isfidi tar-reġjuni transfruntieri fil-programmi ta’ kooperazzjoni fil-fruntieri interni Interreg V-A (ara l-Anness I). Biex nagħmlu dan, aħna eżaminajna jekk:

• l-awtoritajiet inkarigati mill-programmi kinux analizzaw u taw prijorità lill-isfidi transfruntieri f’termini ta’ importanza sabiex jikkonċentraw il-programmi ta’ kooperazzjoni fejn ikollhom l-akbar impatt, minħabba l-iskarsezza tar-riżorsi disponibbli;
• il-programmi ta’ kooperazzjoni kinux tfasslu b’loġika ta’ intervent koerenti, u f’sinerġija mal-programmi prinċipali tar-reġjuni kontigwi, inkluża sistema ta’ evalwazzjoni li kienet kapaċi tkejjel l-effett transfruntier; u
• il-gwida tal-Kummissjoni kinitx ta’ għajnuna għar-reġjuni transfruntieri biex jidentifikaw l-isfidi tagħhom, billi pprovdiet input u assistenza, speċjalment f’termini ta’ mitigazzjoni tal-effetti tal-kriżi tal-COVID-19, u għall-bidu bla xkiel tal-perjodu l-ġdid ta’ programmazzjoni 2021-2027.

26

Is-sejbiet u l-konklużjonijiet tagħna huma relatati ma’ Interreg V-A għall-programmi ta’ kooperazzjoni fil-fruntieri interni fil-perjodu ta’ programmazzjoni 2014-2020, u nistennew li r-rakkomandazzjonijiet tagħna jkunu utli fit-tħejjija u fl-implimentazzjoni tal-perjodu 2021-2027. Ir-rapport tagħna jista’ wkoll jinforma d-diskussjonijiet li għaddejjin bejn il-koleġiżlaturi dwar mekkaniżmu potenzjali biex jiġu indirizzati l-ostakli ġuridiċi u amministrattivi fir-reġjuni transfruntieri³³.

27

Fil-livell tal-UE, eżaminajna x-xogħol tad-direttorat ġenerali tal-Kummissjoni għall-Politika Reġjonali u Urbana (DĠ REGIO).

28

L-approċċ tagħna rriżulta f’kopertura għolja ħafna tal-programmi ta’ kooperazzjoni. Fil-livell tal-Istati Membri, eżaminajna 23 programm ta’ kooperazzjoni (elenkati fl-Anness V) li fihom it-28 Stat Membru kollha kienu involuti mill-inqas darba. Dawn it-23 programm jirrappreżentaw 43 % tal-finanzjament tal-UE għal Interreg V-A għall-fruntieri interni, u 27 % tal-baġit kollu għal Interreg għall-perjodu 2014-2020.

29

Għat-23 programm ta’ kooperazzjoni, wettaqna 10 analiżijiet sempliċi mhux fuq il-post, 10 analiżijiet estiżi mhux fuq il-post, u 3 żjarat fuq il-post. Id-dettalji, inkluża d-differenza bejn dawn it-tipi ta’ l-analiżijiet, jinsabu fl-Anness V.

30

Barra minn hekk, għat-23 programm ta’ kooperazzjoni kollha, għażilna żewġ programmi prinċipali, elenkati wkoll fl-Anness V, mir-reġjuni kontigwi sabiex jitqabbel il-fokus tagħhom u jiġi vvalutat il-livell ta’ sinerġija f’termini ta’ indirizzar tal-isfidi transfruntieri. Il-kriterji prinċipali għall-għażla taż-żewġ programmi kienu d-daqs tal-popolazzjoni, il-livell ta’ appoġġ finanzjarju, id-daqs taż-żona koperta, u, l-aktar importanti, il-firxa tal-prijoritajiet ta’ investiment kondiviżi. B’kollox, eżaminajna 39 programm prinċipali billi f’seba’ każijiet l-istess programm prinċipali ntuża għal aktar minn darba.

31

Għall-programmi ta’ kooperazzjoni li eżaminajna fuq il-post, żorna 12-il proġett li rċevew appoġġ mill-UE. Il-bażi għall-għażla ta’ dawk il-proġetti kienet il-materjalità u d-diversità fit-tipi ta’ azzjonijiet kofinanzjati. Eżaminajna wkoll erba’ proġetti oħra permezz ta’ analiżi mhux fuq il-post għall-programm ta’ kooperazzjoni tar-Rumanija – il-Bulgarija. Fil-bidu, kellna l-ħsieb li nżuru dan il-programm fuq il-post, iżda minħabba r-restrizzjonijiet fuq l-ivvjaġġar tal-COVID-19 dan ma kienx possibbli. B’riżultat ta’ dan, ma stajniex nispezzjonaw fiżikament l-eżitu tal-proġetti aħna stess.

32

Is-16-il proġett li eżaminajna implimentaw azzjonijiet fl-oqsma ta’ appoġġ li ġejjin: il-wirt kulturali, it-turiżmu, l-SMEs u l-intraprenditorija, is-suq tax-xogħol u l-impjiegi, il-ġestjoni tar-riskju u l-kooperazzjoni bejn is-servizzi ta’ emerġenza, l-edukazzjoni u t-taħriġ, il-kooperazzjoni istituzzjonali, is-saħħa u l-inklużjoni soċjali u t-trasport multimodali.

33

Fl-aħħar nett, għat-53 programm ta’ kooperazzjoni fil-fruntieri interni, eżaminajna sa liema punt l-awtoritajiet inkarigati mill-programmi għamlu użu mill-possibbiltajiet ta’ flessibbiltà u simplifikazzjoni offruti mill-inizjattivi CRII u CRII+. Għat-tliet programmi ta’ kooperazzjoni li eżaminajna fuq il-post u l-programm tar-Rumanija – il-Bulgarija li kellna l-ħsieb li nżuru, ivvalutajna l-implikazzjonijiet tal-kriżi tal-COVID-19 fl-implimentazzjoni tal-proġetti.

Osservazzjonijiet

Analiżi komprensiva sostniet il-programmi transfruntieri, iżda mhux l-isfidi kollha setgħu jiġu indirizzati

34

Irrieżaminajna d-dokumenti tal-programm għat-23 programm ta’ kooperazzjoni sabiex nivvalutaw jekk l-ippjanar strateġiku għall-perjodu ta’ programmazzjoni 2014-2020 kienx ibbażat fuq analiżi tal-isfidi transfruntieri ffaċċjati minn dawn ir-reġjuni. Eżaminajna wkoll kemm kien fattibbli li dawn l-isfidi jiġu indirizzati mill-programmi ta’ kooperazzjoni, minħabba l-iskarsezza tar-riżorsi finanzjarji.

It-23 programm ta’ kooperazzjoni kollha eżaminati kienu jinkludu analiżi tal-isfidi tar-reġjuni transfruntieri

35

Jenħtieġ li programm ta’ kooperazzjoni jkun ibbażat fuq analiżi tal-ħtiġijiet fi ħdan il-qasam tal-programm kollu kemm hu³⁴. Għal dan il-għan, huwa meħtieġ li r-rekwiżiti tal-kontenut tal-programmi jiġu adattati għall-ħtiġijiet speċifiċi tar-reġjuni transfruntieri³⁵.

36

Il-programmi ta’ kooperazzjoni kollha li eżaminajna ppreżentaw il-ħtiġijiet tar-reġjuni abbażi ta’ analiżi jew tal-elementi sodi, id-dgħufijiet, l-opportunitajiet u t-theddid (analiżi SWOT), jew inkella tal-karatteristiċi soċjali u ekonomiċi tar-reġjuni transfruntieri (analiżi soċjoekonomika). Madankollu, fil-każ tal-programm ta’ kooperazzjoni tal-Iżvezja – il-Finlandja – in-Norveġja, l-analiżi SWOT ma kinitx suffiċjentement żviluppata biex tappoġġa deċiżjonijiet strateġiċi: hija ma analizzatx bis-sħiħ it-theddid, ma kkombinatx l-elementi sodi mal-opportunitajiet, elenkat xi sfidi mingħajr ebda informazzjoni ta’ sfond, u użat data mhux aġġornata li kellha aktar minn 10 snin.

37

Il-Figura 6 tiġbor flimkien seba’ kategoriji tal-aktar sfidi importanti enfasizzati mill-programmi ta’ kooperazzjoni. Il-biċċa l-kbira minn dawn l-isfidi huma ffaċċjati bl-istess mod mill-programmi prinċipali li jkopru l-istess żoni ġeografiċi. Madankollu, id-dgħufijiet fil-kooperazzjoni amministrattiva u l-ostakli lingwistiċi huma speċifikament relatati ma’ fenomeni transfruntieri.

L-isfidi ma jistgħux jiġu indirizzati mill-programmi ta’ kooperazzjoni waħedhom, għalhekk jeħtieġu prijoritizzazzjoni

38

Fil-prattika, ir-riżorsi finanzjarji allokati għal dawn il-programmi kienu jfissru li l-isfidi transfruntieri jistgħu jiġu indirizzati biss parzjalment. Il-baġit medju għal kull wieħed mit-53 programm ta’ kooperazzjoni għall-fruntieri interni kien jammonta għal EUR 162 miljun, li jvarja minn EUR 19-il miljun għas-Slovenja – l-Ungerija għal EUR 485 miljun għal Spanja – il-Portugall (POCTEP) (ara l-Anness I). Madankollu, l-indirizzar ta’ ħafna sfidi transfruntieri jirrikjedi finanzjament sinifikanti. Pereżempju, proġetti kbar tal-ferroviji jew tal-infrastruttura tat-toroq li jiffaċilitaw it-trasport, il-kummerċ u l-moviment taċ-ċittadini normalment jinvolvu bosta biljuni ta’ euro.

39

B’kuntrast ma’ dan, il-programmi prinċipali huma ġeneralment mogħnija b’baġits ħafna akbar. Fid-39 programm prinċipali li eżaminajna, il-baġit tal-programmi reġjonali varja minn EUR 231 miljun għal EUR 7 biljun, b’medja ta’ EUR 2 biljun; il-baġit medju għall-programmi nazzjonali kien aktar minn darbtejn ogħla, li jvarja minn EUR 700 miljun għal kważi EUR 9 biljun (ara l-Anness V).

40

Aħna identifikajna każijiet fejn l-awtoritajiet inkarigati mill-programmi allokaw somma żgħira lil assi prijoritarju jew prijorità ta’ investiment bir-riżultat li l-finanzjament jista’ jkollu biss effett limitat fuq ir-reġjun transfruntier. Pereżempju, l-awtoritajiet inkarigati mill-programmi tal-programm ta’ kooperazzjoni l-Estonja – il-Latvja allokaw inqas minn EUR 1 miljun għall-assi prijoritarju tal-integrazzjoni tas-suq tax-xogħol u t-titjib tal-kundizzjonijiet għall-aċċess tal-impjiegi fuq in-naħa l-oħra tal-fruntiera. Mhuwiex ċar jekk tali ammonti relattivament żgħar ta’ appoġġ jistax ikollhom effett sinifikanti.

41

Il-Figura 7 turi d-differenza fl-allokazzjoni baġitarja bejn it-23 programm ta’ kooperazzjoni u l-programmi prinċipali eżaminati tar-reġjuni kontigwi.

42

L-iskarsezza tar-riżorsi finanzjarji tfisser li l-finanzjament jiġi dirett fejn x’aktarx li jżid l-aktar valur. Madankollu, sibna li l-biċċa l-kbira mill-awtoritajiet inkarigati mill-programmi ma tawx prijorità lill-ħtiġijiet identifikati, u b’hekk irriskjaw li ma jintgħażlux il-prijoritajiet ta’ investiment li x’aktarx ikollhom l-akbar impatt.

43

L-eżaminar li wettaqna wera li r-riżoluzzjoni ta’ ħafna sfidi importanti li qed jiffaċċjaw reġjuni transfruntieri ma setgħetx tiġi solvuta mill-awtoritajiet inkarigati mill-programmi, iżda kien jirrikjedi deċiżjonijiet fil-livell nazzjonali u l-inkorporazzjoni sussegwenti fil-leġiżlazzjoni nazzjonali. Pereżempju, il-kooperazzjoni bejn l-awtoritajiet nazzjonali dwar kwistjonijiet ta’ kura tas-saħħa jew ta’ sigurtà tirrikjedi ftehimiet bilaterali jew trilaterali bejn l-Istati Membri, kif jidher mill-eżempju fil-Kaxxa 2.

Strateġija koerenti biex jiġu indirizzati l-isfidi ta’ spiss ma kinitx twassal għal implimentazzjoni ffukata

44

Aħna vvalutajna l-aktar elementi strateġiċi importanti tal-programmi ta’ kooperazzjoni u kif dawn ġew ikkonkretizzati f’azzjoni permezz ta’ sejħiet għal proposti u fl-għażla ta’ proġetti.

Kważi fil-każijiet kollha d-dokumenti strateġiċi tal-programm kienu jirriflettu r-rekwiżiti ġuridiċi u kienu koerenti mal-analiżijiet tal-ħtiġijiet

45

Ir-RDK jistabbilixxi l-ħtieġa ta’ “loġika ta’ intervent” b’saħħitha³⁷, jiġifieri rabta ċara bejn l-objettivi tal-programm u r-riżultati mistennija tiegħu. Peress li bosta fondi tal-UE qed jipprovdu appoġġ fl-istess żona ġeografika, koordinazzjoni effettiva bejn dawn il-fondi u l-istrumenti ta’ finanzjament nazzjonali hija importanti³⁸. Għal Interreg, jenħtieġ li l-benefiċjarji minn mill-inqas żewġ pajjiżi parteċipanti³⁹ jkunu involuti fl-operazzjonijiet.

46

Għalhekk aħna eżaminajna:

• is-saħħa tal-loġika ta’ intervent li twassal mill-isfidi identifikati permezz ta’ elementi oħra tal-proċess tal-għażla tal-proġetti, inkluża l-għażla tal-assi prijoritarju, l-objettivi tematiċi u speċifiċi, il-prijoritajiet ta’ investiment, l-outputs u r-riżultati kif ukoll il-miri;
• jekk l-awtoritajiet inkarigati mill-programmi jistabbilixxux arranġamenti għall-koordinazzjoni tal-finanzjament ma’ sorsi oħra; u
• l-importanza attribwita lill-element transfruntier fl-għażla tal-proġetti.

Bi ftit eċċezzjonijiet, il-loġika ta’ intervent tajba sostniet il-programmi li eżaminajna

47

Fi kważi l-każijiet kollha kkonfermajna li kien hemm loġika ta’ intervent tajba bejn l-analiżi tal-isfidi u l-għażla mill-awtoritajiet inkarigati mill-programmi tal-assi prijoritarji, l-objettivi tematiċi u speċifiċi u l-prijoritajiet ta’ investiment; din il-loġika estendiet għas-sejħiet għal proposti. F’każ wieħed fejn l-analiżi SWOT ma kinitx suffiċjentement żviluppata biex tappoġġa deċiżjonijiet strateġiċi (ara l-paragrafu 36), dan kellu impatt fuq il-koerenza tal-loġika ta’ intervent tal-programm.

48

L-awtoritajiet inkarigati mill-programmi kkonformaw ukoll mar-rekwiżit li jikkonċentraw l-aktar fuq mhux aktar minn erba’ objettivi tematiċi. F’xi każijiet l-awtoritajiet iddeċidew li jiffukaw il-programmi saħansitra aktar, fuq segmenti speċifiċi tan-negozju. Eżempju ta’ dan huwa l-programm Baltiku tan-Nofsinhar, li jinkludi reġjuni mill-Polonja, id-Danimarka, il-Ġermanja, il-Litwanja u l-Iżvezja, li għandu l-għan li jżid il-potenzjal ta’ tkabbir “blu” (baħar) u “aħdar” (ambjentali) taż-żona Baltika tan-Nofsinhar, anke jekk ġew enfasizzati bosta sfidi oħra f’dan ir-reġjun.

49

Madankollu, kien hemm ftit programmi ta’ kooperazzjoni li appoġġaw il-finanzjament ta’ proġetti f’oqsma li ma kinux identifikati qabel fis-SWOT jew fl-analiżi soċjoekonomika. Pereżempju, għall-programm is-Slovakkja – iċ-Ċekja, l-awtoritajiet iddeċidew li jinvestu f’operazzjonijiet imfassla biex iżidu l-kwalità tal-kooperazzjoni transfruntiera bejn il-gvernijiet lokali u reġjonali. Filwaqt li din hija waħda mill-kwistjonijiet ewlenin li qed jiffaċċjaw ir-reġjuni transfruntieri b’mod ġenerali, in-nuqqas ta’ kapaċità istituzzjonali ma kienx ġie inkluż fl-analiżi soċjoekonomika għal dan il-programm.

50

Fil-każ tal-programm ta’ kooperazzjoni tal-Baltiku Ċentrali, l-awtorità tal-programm iddeċidiet li tiffoka fuq l-opportunitajiet disponibbli għar-reġjuni transfruntieri aktar milli fuq l-isfidi li qed jiffaċċjaw. L-awtoritajiet inkarigati mill-programmi investew f’operazzjonijiet intenzjonati biex iżommu jew iżidu l-impjiegi, jappoġġaw lill-SMEs, u jtejbu l-attrazzjoni turistika tar-reġjun. F’dan il-każ, il-loġika ta’ intervent tal-programm ta’ kooperazzjoni kienet ċara u kienet konformi mar-rekwiżiti ġuridiċi l-oħra. Dan ifisser, madankollu, li l-isfidi tar-reġjuni transfruntieri ma ġewx indirizzati, kif ġie kkonfermat mill-eżaminar li wettaqna f’wieħed mill-erba’ proġetti ta’ dan il-programm ta’ kooperazzjoni.

Il-programmi kienu jinkludu informazzjoni dwar il-koordinazzjoni ma’ sorsi oħra ta’ finanzjament u proċedura għall-evalwazzjoni tan-natura transfruntiera kienet fis-seħħ

51

Sibna li fil-każijiet kollha l-programmi ta’ kooperazzjoni ppreżentaw informazzjoni dwar mekkaniżmi għall-koordinazzjoni ta’ finanzjament ma’ sorsi oħra ta’ finanzjament tal-UE jew nazzjonali, bħall-fondi SIE. Pereżempju, dawn kien fihom informazzjoni dettaljata dwar il-parteċipazzjoni ta’ persunal ewlieni minn awtoritajiet differenti f’laqgħat fejn ġew esplorati sinerġiji fost il-fondi, u l-proċedura għall-prevenzjoni ta’ żewġ sorsi differenti li jiffinanzjaw l-istess operazzjoni.

52

Fl-aħħar nett, sibna li fil-każijiet kollha l-proċeduri tal-għażla żguraw l-identità transfruntiera tal-proġett, inklużi l-intenzjonijiet tas-sħab miż-żewġ naħat tal-fruntiera li jkunu involuti b’mod attiv.

Fil-prattika, identifikajna bosta dgħufijiet fl-implimentazzjoni tal-istrateġija u l-monitoraġġ tagħha

53

Aħna vvalutajna l-implimentazzjoni tal-istrateġiji tal-programmi permezz ta’ sejħiet għal proposti, l-għażla tal-proġetti u kif dan jiġi mmonitorjat u kkoordinat ma’ mekkaniżmi oħra ta’ finanzjament fl-istess żoni ġeografiċi. Aħna identifikajna bosta dgħufijiet fl-implimentazzjoni u l-monitoraġġ tagħhom relatati mad-demarkazzjoni bejn il-programmi ta’ kooperazzjoni u dawk prinċipali, in-natura transfruntiera tal-proġett, il-proċedura għall-għażla tal-proġetti, l-indikaturi użati u l-kwalità u d-disponibbiltà tad-data statistika.

Nuqqas frekwenti ta’ demarkazzjoni ċara bejn il-programmi ta’ kooperazzjoni u dawk prinċipali

54

Is-66 % taż-żona tal-art totali tal-UE hija eliġibbli għall-finanzjament Interreg għall-fruntieri interni u esterni, u għal 17-il Stat Membru, ’il fuq minn 80 % tat-territorju tagħhom huwa eliġibbli (il-Kaxxa 3 u l-Figura 8).

55

Programmi prinċipali u ta’ kooperazzjoni jikkofinanzjaw proġetti tal-UE fl-istess żoni ġeografiċi (ara l-paragrafu 08). Aħna qabbilna l-fokus ta’ kull wieħed mit-23 programm ta’ kooperazzjoni fil-kampjun tagħna ma’ dak ta’ żewġ programmi prinċipali mir-reġjuni kontigwi (ara l-paragrafu 30). Aħna ffukajna fuq il-prijoritajiet ta’ investiment li l-programmi kellhom komuni bejniethom, li huwa possibbli skont ir-regolamenti rilevanti. Għal dawn il-prijoritajiet komuni, aħna qabbilna l-oqsma ta’ appoġġ u t-tipi ta’ operazzjonijiet li l-programmi kienu intenzjonati jikkofinanzjaw, u vvalutajna jekk kienx hemm demarkazzjoni ċara bejn il-programmi u jekk kienx hemm evidenza ta’ komplementarjetà.

56

Aħna sibna li f’14-il każ ma kien hemm l-ebda demarkazzjoni ċara bejn l-oqsma ta’ appoġġ u t-tipi ta’ operazzjonijiet li kellhom jiġu kkofinanzjati. Dan ifisser li l-programmi prinċipali setgħu jiffinanzjaw l-istess tip ta’ operazzjonijiet bħall-programmi ta’ kooperazzjoni, bid-differenza tkun li l-proġetti ffinanzjati minn dawn tal-aħħar kienu jirrikjedu identità transfruntiera u l-parteċipazzjoni ta’ żewġ sħab miż-żewġ naħat tal-fruntiera. Aħna sibna dawn il-każijiet l-aktar f’oqsma ta’ appoġġ bħall-ambjent, il-kultura, it-turiżmu, il-kompetittività u l-ħolqien tal-impjiegi.

57

Il-Baltiku tan-Nofsinhar jipprovdi eżempju tajjeb ta’ tipi ta’ proġetti differenzjati b’mod ċar: dan jiffinanzja l-bini ta’ mogħdija għaċ-ċiklisti permezz ta’ wieħed mill-programmi prinċipali, u żoni ta’ attività tul din il-mogħdija permezz tal-programm ta’ kooperazzjoni. Dan it-tip ta’ approċċ jirrikjedi kooperazzjoni tajba fost l-awtoritajiet inkarigati mill-programmi matul l-istadju tal-programmazzjoni.

58

Sabiex jiġi mmassimizzat il-valur miżjud fejn programmi ta’ appoġġ differenti jiffinanzjaw l-istess prijorità ta’ investiment, huwa importanti li jiġu kkoordinati l-oqsma ta’ appoġġ u li ssir distinzjoni bejn it-tipi ta’ proġetti kofinanzjati. Matul il-perjodu 2014-2020, ir-rekwiżit ġuridiku għall-KTE kellu jiffoka 80 % tal-finanzjament fuq massimu ta’ 4 mill-11-il objettiv tematiku (ara l-paragrafu 13). Madankollu, għall-perjodu 2021-2027, hemm inqas konċentrazzjoni tematika minħabba li, pereżempju, l-awtoritajiet inkarigati mill-programmi ta’ kooperazzjoni fil-fruntieri interni tal-art jistgħu jallokaw fondi għas-seba’ objettivi kollha ta’ politika (il-ħames objettivi ġenerali u ż-żewġ objettivi speċifiċi għal Interreg) (ara l-paragrafu 22).

59

It-trikkib taż-żoni eliġibbli ta’ Interreg u tal-FEŻR prinċipali (ara l-paragrafu 54), flimkien mat-tnaqqis fil-baġit ta’ Interreg (ara l-paragrafu 07), u t-twessigħ tal-fokus tal-programmi għall-perjodu 2021-2027 (ara l-paragrafu 22), jagħmlu l-ħtieġa ta’ demarkazzjoni ċara bejn il-programmi ta’ kooperazzjoni u dawk prinċipali aktar urġenti. Demarkazzjoni aktar ċara għandha l-potenzjal li żżid is-sinerġiji, tnaqqas il-probabbiltà ta’ finanzjament doppju, u żżid il-valur miżjud tal-proġetti. Il-firxa wiesgħa tal-programmi u l-koordinazzjoni limitata bejn il-kooperazzjoni u l-programmi prinċipali ġew enfasizzati wkoll fl-evalwazzjoni ex post tal-perjodu 2007-2013 (ara l-paragrafu 19).

In-natura transfruntiera ta’ xi proġetti kienet dubjuża

60

Jenħtieġ li l-proġetti ta’ kooperazzjoni jinvolvu benefiċjarji minn mill-inqas żewġ pajjiżi parteċipanti, anke jekk il-leġiżlazzjoni tippermetti li proġett jiġi implimentat fi Stat Membru wieħed jekk “jiġu identifikati l-impatti u l-benefiċċji transfruntieri jew transnazzjonali tiegħu”⁴⁰.

61

Għas-16-il proġett fil-kampjun tagħna, ivvalutajna:

• jekk indirizzawx mill-inqas waħda mill-isfidi transfruntieri;
• jekk kienx hemm proġetti implimentati fi Stat Membru wieħed;
• jekk il-benefiċċji ta’ kull kontribuzzjoni ta’ sieħeb u dawk tal-kontribuzzjoni kollettiva tal-proġett transfruntier kinux viżibbli fl-Istati Membri parteċipanti kollha; u
• jekk dawk il-benefiċċji transfruntieri ġġustifikawx il-finanzjament tal-operazzjoni permezz tal-programm ta’ kooperazzjoni.

62

Aħna kkonfermajna li l-proġetti kollha ħlief wieħed (ara l-paragrafu 50) indirizzaw mill-inqas waħda mill-isfidi transfruntieri. Il-proġetti kollha ġew implimentati f’mill-inqas żewġ Stati Membri parteċipanti u l-benefiċċji tagħhom kienu viżibbli bl-istess mod. Madankollu, għal tmien proġetti l-kooperazzjoni fost is-sħab kienet limitata għall-preżentazzjoni ta’ proposta ta’ proġett komuni biex jiġi żgurat finanzjament għall-interventi. Dawn il-proġetti ma kellhomx identità komuni bħala proġett transfruntier. Sibna li din id-dgħufija kienet preżenti fl-erba’ proġetti kollha li eżaminajna fil-qasam tat-turiżmu, wieħed mill-oqsma prinċipali ta’ appoġġ għal Interreg 2014-2020 (ara l-paragrafu 17).

63

Il-Kaxxa 4 tipprovdi eżempji ta’ proġetti ta’ natura transfruntiera dgħajfa u b’saħħitha, mill-istess programm.

Bosta dgħufijiet fl-għażla tal-proġetti kienu jfissru li l-aħjar proġetti mhux dejjem intgħażlu

64

Is-sejħiet għal proposti u l-għażla tal-proġetti huma fażijiet ewlenin fil-proċess ta’ implimentazzjoni tal-programm, speċjalment minħabba l-ammont ta’ riżorsi disponibbli għall-programmi ta’ kooperazzjoni (ara l-paragrafu 38), u peress li r-rata ta’ kuntrattar ta’ Interreg ma kinitx ta’ tħassib kbir f’dawn l-aħħar snin (ara l-paragrafu 17). Dan isaħħaħ il-ħtieġa li jintgħażlu proġetti permezz tal-mertu biex jintlaħqu l-objettivi tal-programm ta’ kooperazzjoni u biex jiġu indirizzati l-aktar ħtiġijiet urġenti tar-reġjuni transfruntieri.

65

Għall-10 programmi ta’ kooperazzjoni li eżaminajna permezz ta’ analiżi estiża mhux fuq il-post u t-3 programmi li żorna fuq il-post, għalhekk eżaminajna kif l-awtoritajiet inkarigati mill-programmi:

• ikkomunikaw lill-pubbliku l-oqsma u t-tipi ta’ proġetti li setgħu jiġu appoġġati mill-programmi ta’ kooperazzjoni, biex jattiraw proposti ta’ proġetti f’konformità mal-għanijiet tal-programmi;
• evalwaw il-proposti ta’ proġetti; u
• għażlu l-proġetti li kienu jindirizzaw bl-aħjar mod l-isfidi tar-reġjun.

66

Għal dawn il-programmi ta’ kooperazzjoni, id-dokumenti ta’ programmazzjoni segwew ir-rekwiżiti ġuridiċi⁴¹ u inkludew informazzjoni bażika dwar il-programm: deskrizzjoni tat-tip ta’ azzjonijiet għall-appoġġ taħt kull prijorità ta’ investiment, il-kontribuzzjoni mistennija tagħhom għal objettivi speċifiċi, il-prinċipji ta’ gwida għall-għażla tal-operazzjonijiet, l-identifikazzjoni tal-gruppi prinċipali fil-mira, it-tipi ta’ benefiċjarji, eċċ. Madankollu, identifikajna dgħufijiet fit-tliet fażijiet kollha tal-għażla tal-proġetti.

67

Għal 5 mit-13-il programm ta’ kooperazzjoni, proġetti potenzjali ġew identifikati permezz ta’ approċċ “minn isfel għal fuq”, li taħtu l-benefiċjarji kandidati ppreżentaw applikazzjonijiet għal proġetti b’direzzjoni limitata mill-awtoritajiet inkarigati mill-programmi dwar kif il-proġetti huma mistennija li jindirizzaw direttament il-ħtiġijiet tar-reġjun (ara l-Kaxxa 5). Din il-kwistjoni, iżda b’mod aktar estiż, ġiet enfasizzata wkoll fl-evalwazzjoni ex post tal-perjodu 2007-2013 (ara l-paragrafu 19).

68

Għal 10 mill-programmi, l-awtoritajiet ivvalutaw l-applikazzjonijiet għal proġetti billi użaw sistema ta’ punti fejn kellu jintlaħaq soll minimu għall-proġett biex ikun hemm possibbiltà li jintgħażel. Dan mhux biss jikkontribwixxi biex il-proċess tal-għażla jkun trasparenti, iżda jagħmel ukoll ix-xogħol sussegwenti tal-kumitat tal-monitoraġġ – li r-rwol tiegħu huwa li jiddeċiedi dwar liema proġetti għandhom jiġu kkofinanzjati – aktar faċli. Għat-tliet programmi l-oħra, u fin-nuqqas ta’ sistema ta’ punti, l-awtoritajiet inkarigati mill-programmi bbażaw l-għażla fuq valutazzjoni kwalitattiva, li ma tippermettix prijoritizzazzjoni ċara tal-proġetti.

69

Għal tliet programmi, l-awtoritajiet inkarigati mill-programmi pprovdew lill-kumitat ta’ monitoraġġ lista ta’ proġetti kklassifikati skont il-mertu. Madankollu, għall-10 programmi l-oħra ta’ kooperazzjoni, anke fejn intużat sistema ta’ punti, l-awtoritajiet inkarigati mill-programmi ma kklassifikaw l-ebda proġett meta bagħtuhom lill-kumitat ta’ monitoraġġ. Il-Kaxxa 6 tippreżenta eżempju ta’ prattika tajba u eżempju ta’ prattika dgħajfa għall-għażla tal-proġetti.

L-indikaturi ġeneralment ma kinux ikopru l-effett transfruntier u kienet disponibbli data statistika reġjonali limitata, li xxekkel il-monitoraġġ u l-evalwazzjoni

70

Sabiex tissaħħaħ l-orjentazzjoni tal-programmi lejn ir-riżultati, għal kull assi prijoritarju, l-awtoritajiet kienu meħtieġa jiddefinixxu r-riżultati mistennija għall-objettivi speċifiċi u l-indikaturi tal-output u tar-riżultati, kif ukoll linja bażi u valur fil-mira għall-perjodu kollu ta’ programmazzjoni.⁴² Ir-Regolament KTE jinkludi lista ta’ indikaturi komuni tal-output li l-awtoritajiet inkarigati mill-programmi jistgħu jagħżlu li jużaw⁴³. Il-miri jistgħu jiġu espressi jew f’termini kwantitattivi jew inkella kwalitattivi, dawn tal-aħħar għall-indikaturi tar-riżultati biss⁴⁴. L-awtoritajiet inkarigati mill-programmi jeħtieġ li jiġbru data statistika robusta sabiex jimmonitorjaw dawn il-miri b’mod affidabbli.

71

Għat-23 programm ta’ kooperazzjoni kollha, eżaminajna jekk l-objettivi speċifiċi li jindirizzaw il-ħtiġijiet identifikati fir-reġjuni transfruntieri kinux ibbażati fuq il-kriterji SMART, jiġifieri speċifiċi, li jistgħu jitkejlu u jinkisbu, rilevanti u marbuta bil-ħin.

72

Barra minn hekk, eżaminajna jekk l-indikaturi tal-output u tar-riżultati stabbiliti għal kull programm kinux:

• rilevanti għall-objettivi speċifiċi tal-programm;
• kapaċi jkejlu l-effett tal-operazzjonijiet appoġġati; u
• jistgħu jinkisbu sa tmiem il-perjodu ta’ programmazzjoni. Għal dan il-għan, użajna wkoll il-konklużjonijiet tal-aħħar rapporti annwali ta’ implimentazzjoni disponibbli.

73

B’mod ġenerali, sibna li l-objettivi speċifiċi tal-programmi kienu bbażati fuq il-kriterji SMART. Dawn segwew il-loġika ta’ intervent tal-programm, kienu marbuta mal-assi prijoritarji, l-objettivi tematiċi u l-prijoritajiet ta’ investiment magħżula u saħħew ir-rabta bejn l-istrateġija u l-azzjonijiet u l-operazzjonijiet appoġġati.

74

Sibna wkoll li l-indikaturi komuni tal-output u l-indikaturi speċifiċi għall-programm kif ukoll l-indikaturi tar-riżultati speċifiċi għall-programm normalment setgħu jitkejlu, u li fil-każijiet kollha ġew stabbiliti linja bażi u valuri fil-mira. L-użu tal-indikaturi komuni tal-output jiffaċilita l-aggregazzjoni tad-data għall-fondi SIE.

75

Permezz ta’ valutazzjoni kwalitattiva, sebgħa mill-awtoritajiet tal-programmi kejlu ċerti indikaturi tar-riżultati, jiġifieri stħarriġ, kif permess mil-leġiżlazzjoni. Sibna li fi tliet każijiet, l-awtoritajiet inkarigati mill-programmi stħarrġu lill-istess benefiċjarji u partijiet ikkonċernati oħra li kienu rċevew finanzjament minn dawn l-awtoritajiet inkarigati mill-programmi. Dan jista’ jwassal għall-perċezzjoni li r-riżultati ma jinġabrux b’mod oġġettiv, billi l-benefiċjarji setgħu taw rispons aktar pożittiv li kieku l-każ kien ikun mod ieħor, kieku l-prinċipju ta’ distakkament ġie rrispettat.

76

Fil-programmi kollha ta’ kooperazzjoni li eżaminajna, ħlief għal dawk tal-Baltiku tan-Nofsinhar, sibna wkoll kwistjonijiet relatati mar-rilevanza u l-kisba tal-indikaturi, kemm għall-indikaturi komuni tal-output kif ukoll għall-indikaturi tal-output u tar-riżultati speċifiċi għall-programm.

77

F’termini ta’ rilevanza, ħafna mill-indikaturi, jew dawk komuni tal-output jew inkella dawk speċifiċi għall-programm, ma setgħux ikopru l-effett transfruntier tal-operazzjonijiet Interreg. Barra minn hekk, identifikajna każijiet fejn l-indikaturi stabbiliti ma kejlux l-effett tal-operazzjonijiet appoġġati fuq l-objettiv speċifiku, jew fejn l-effett ma setax jiġi attribwit direttament u esklussivament lil proġett. Eżempju komuni ta’ dan tal-aħħar huwa li ħafna programmi użaw “żieda ta’ żjarat f’lukandi fir-reġjun” bħala indikatur tar-riżultat għal operazzjoni kulturali/turistika, għalkemm l-għadd ta’ żjarat f’lukandi f’reġjun jiddependi minn bosta fatturi soċjoekonomiċi, minbarra proġett Interreg.

78

F’termini ta’ kisba, sibna eżempji ta’ żewġ estremitajiet: f’xi każijiet il-miri ma kinux realistiċi u, probabbilment, mhux se jinkisbu sa tmiem il-perjodu ta’ programmazzjoni, u dan jindika li l-awtoritajiet inkarigati mill-programmi:

• jew ma nedewx biżżejjed sejħiet għall-interess li jindirizzaw l-objettivi speċifiċi rilevanti tal-programm; jew inkella
• ma kinux jidderieġu lill-benefiċjarji biex japplikaw għal proġetti li jindirizzaw l-objettivi tal-programm (ara l-Kaxxa 5); jew
• fil-bidu ma vvalutawx il-mira b’mod korrett.

F’każijiet oħra, il-miri ma kinux ambizzjużi biżżejjed u kienu diġà nkisbu fis-snin bikrija tal-perjodu ta’ programmazzjoni, u dan jindika li l-awtoritajiet inkarigati mill-programmi kkuntrattaw aktar proġetti milli kienu jeħtieġu. Dan juri li l-effett ta’ sejħiet preċedenti għal proposti ta’ proġetti ma ttiħidx inkunsiderazzjoni meta tnedew sejħiet ġodda.

79

Id-data reġjonali hija meħtieġa għal ċifri ta’ indikaturi rilevanti u robusti. Għat-23 programm ta’ kooperazzjoni fil-kampjun tagħna, sibna li hemm data limitata disponibbli. Sibna wkoll każ fejn l-awtorità tal-programm ma kellha l-ebda data disponibbli biex tikkalkula l-effett ta’ objettiv speċifiku. Il-Kummissjoni kkonfermat li kien hemm limitazzjonijiet fid-disponibbiltà tal-istatistika reġjonali transfruntiera. Id-differenzi fil-metodi tal-ġbir tad-data fost l-Istati Membri, u l-koordinazzjoni statistika transfruntiera insuffiċjenti kienu l-aktar kwistjonijiet komuni.

Il-gwida tal-Kummissjoni tjiebet, iżda d-dewmien fl-adozzjoni tal-qafas ġuridiku affettwa l-implimentazzjoni

80

Aħna eżaminajna l-gwida pprovduta mill-Kummissjoni lill-awtoritajiet inkarigati mill-programmi f’termini tad-definizzjoni tal-isfidi transfruntieri tagħhom kemm għall-perjodu 2014-2020 kif ukoll għall-perjodu 2021-2027. Aħna vvalutajna wkoll sa liema punt intużaw il-miżuri tal-COVID-19 fl-implimentazzjoni tal-programmi ta’ kooperazzjoni tal-2014-2020, u l-livell ta’ tħejjija għall-perjodu 2021-2027.

Il-Kummissjoni offriet aktar gwida u appoġġ għall-perjodu 2021-2027

81

Għall-perjodu 2014-2020, il-Kummissjoni pprovdiet gwida lil kull Stat Membru dwar dak li kienet tqis bħala l-prijoritajiet għall-finanzjament, permezz ta’ dokument ta’ pożizzjoni 2012 dwar l-iżvilupp tal-ftehim ta’ sħubija.

82

Fi kważi l-każijiet kollha, il-gwida għall-perjodu 2014-2020 kienet limitata għal ftit paragrafi ta’ kontenut ġenerali, u linji gwida dwar oqsma ta’ nfiq potenzjali għar-reġjuni transfruntieri. Dawn ftit li xejn kien fihom messaġġi speċifiċi dwar il-kooperazzjoni transfruntiera li setgħu jintużaw biex jinfurmaw l-iżvilupp tal-programmi.

83

Il-perjodu 2021-2027 huwa s-sitt perjodu ta’ programmazzjoni għal Interreg. Eżaminajna jekk il-Kummissjoni kinitx ikkonkretizzat l-għarfien akkumulat tagħha, mibni fuq perjodi preċedenti, f’azzjonijiet konkreti biex tiggwida lill-Istati Membri fil- programmazzjoni u fl-implimentazzjoni tal-programmi ta’ kooperazzjoni tagħhom.

84

Il-Kummissjoni ħadet rwol aktar attiv għat-tħejjija tal-perjodu 2021-2027, u mexxiet sensiela ta’ inizjattivi biex tgħin lill-Istati Membri fl-identifikazzjoni tal-isfidi transfruntieri. Dawn kienu jinkludu:

• l-inizjattiva ta’ rieżami transfruntier, li jinkludi sentejn ta’ riċerka intensiva u djalogu mal-partijiet ikkonċernati fil-fruntieri, u l-awtoritajiet nazzjonali u reġjonali. Ir-rieżami inkluda studji dwar l-ostakli ġuridiċi u amministrattivi li jeżistu fil-fruntieri tal-Istati Membri tal-UE;
• il-ħolqien tas-servizz ta’ punti fokali fuq il-fruntieri fi ħdan id-DĠ REGIO li jipprovdi appoġġ lill-Istati Membri fl-indirizzar ta’ kwistjonijiet transfruntieri ġuridiċi u amministrattivi; u
• it-tħejjija ta’ dokumenti ta’ orjentazzjoni tal-fruntieri speċifiċi għal kull fruntiera li jippreżentaw il-fehmiet tal-Kummissjoni dwar l-isfidi ewlenin, l-opportunitajiet, ix-xenarji għal kooperazzjoni futura u l-ħtieġa ta’ demarkazzjoni ċara mal-programmi li jifdal tar-reġjuni.

85

Id-dokumenti ta’ orjentazzjoni tal-fruntieri b’mod partikolari kienu kontribut siewi biex l-isfidi transfruntieri jiġu indirizzati aħjar, huma jistabbilixxu karatteristiċi ewlenin tar-reġjuni transfruntieri u jiddeskrivu l-għażliet u l-orjentazzjonijiet għall- programmazzjoni. Anke f’każijiet fejn l-awtoritajiet inkarigati mill-programmi ma tawx appoġġ sħiħ għall-kontenut tagħhom, huma kellhom rwol importanti fit-tħejjija tal-bażi u fil-bidu tad-diskussjoni dwar il-ħtiġijiet transfruntieri.

L-awtoritajiet inkarigati mill-programmi transfruntieri għamlu użu mill-possibbiltajiet ta’ simplifikazzjoni offruti matul il-kriżi tal-COVID-19

86

Ftit wara t-tifqigħa tal-pandemija tal-COVID-19, il-Kummissjoni pproponiet miżuri biex jiġu ffaċilitati r-rekwiżiti ġuridiċi għall-fondi SIE, speċjalment għas-sena2020 (ara l-paragrafi 23 u 24 u l-Figura 5).

87

Eżaminajna l-użu ta’ dawn il-miżuri mit-53 programm ta’ kooperazzjoni transfruntiera (ara l-paragrafu 33). Eżaminajna wkoll l-implikazzjonijiet tal-pandemija f’termini ta’ implimentazzjoni għat-tliet programmi ta’ kooperazzjoni li żorna fuq il-post u l-programm ir-Rumanija – il-Bulgarija li konna ppjanajna li nżuru fuq il-post.

88

Sa tmiem Frar 2021, kien hemm 241 emenda fil-programmi relatati mal-COVID-19 f’186 programm minn 24 Stat Membru, inklużi l-programmi Interreg. Minnhom, 202 kienu emendi li kienu jirrikjedu adozzjoni mill-Kummissjoni. Id-39 li jifdal kienu emendi ssimplifikati, adottati mill-Istati Membri, jew mill-awtoritajiet inkarigati mill-programmi fil-każ ta’ Interreg, u nnotifikati lill-Kummissjoni. Rigward il-programmi Interreg, 33 awtorità inkarigata mill-programmi għamlu użu mill-miżuri tal-COVID-19 li kienu jirrikjedu emenda fil-programm. Il-miżura użata l-aktar kienet il-possibbiltà li tiġi ttardjata l-preżentazzjoni tar-rapport annwali ta’ implimentazzjoni. L-aħħar rapport ġie ppreżentat f’Settembru minflok f’Mejju 2020, jiġifieri b’dewmien ta’ erba’ xhur. Skont il-Kummissjoni, ir-raġuni prinċipali għalfejn użat l-aktar din il-miżura kienet ir-rata għolja ta’ kuntrattar, ara l-paragrafu 17. Barra minn hekk, seba’ awtoritajiet inkarigati mill-programmi għamlu emendi ssimplifikati li kienu jeħtieġu sempliċiment notifika lill-Kummissjoni u ma kinux jirrikjedu emenda għall-programm.

89

F’termini ta’ impatt fuq l-implimentazzjoni, it-tliet awtoritajiet inkarigati mill-programmi li żorna fuq il-post u l-programm ta’ kooperazzjoni tar-Rumanija – il-Bulgarija li kellna l-ħsieb li nżuru, irrappurtaw li l-kriżi laqtet kull proġett b’mod differenti, skont iż-żmien u t-tip ta’ attivitajiet ippjanati, kif jidher mill-eżempju fil-Kaxxa 7. Il-proġetti li jiddependu fuq l-ivvjaġġar ġeneralment kienu jeħtieġu emendi aktar sostanzjali jew kellhom jieħdu azzjoni alternattiva billi jissostitwixxu, pereżempju, laqgħat in situ permezz ta’ telekonferenzi. Madankollu, l-erba’ awtoritajiet inkarigati mill-programmi rrappurtaw li l-benefiċjarji kellhom jieqfu jew jissospendu inqas minn 1 % tal-proġetti approvati.

Il-perjodu 2021-2027 beda qabel ma kien ġie stabbilit il-qafas ġuridiku approvat

90

Fl-aħħar nett, eżaminajna t-tħejjija tad-dokumenti tal-programm tal-2021-2027 għall-programmi ta’ kooperazzjoni kollha li eżaminajna. Segwejna l-implimentazzjoni ta’ rakkomandazzjoni tal-QEA dwar it-tħejjija f’waqtha tal-proposti leġiżlattivi tal-politika ta’ koeżjoni mill-Kummissjoni⁴⁵, u qabbilna t-tul ta’ żmien li ħadna biex nadottaw il-qafas ġuridiku maż-żewġ perjodi preċedenti ta’ programmazzjoni.

91

It-23awtorità inkarigata mill-programmi kollha minbarra 2 iddikjaraw li d-diskussjonijiet għall-perjodu ta’ programmazzjoni li jmiss bdew biss ftit qabel il-waqfa tas-sajf tal-2020. Skont l-awtoritajiet inkarigati mill-programmi, il-bidu tard fl-iżvilupp tal-programm kien minħabba nuqqas ta’ ċertezza sakemm tiġi adottata l-bażi ġuridika. Dan id-dewmien fl-adozzjoni tal-bażi ġuridika, flimkien mal-ħtieġa li jingħalaq ix-xogħol għal perjodu tal-programm wieħed fl-istess ħin li fih jinbeda dak ġdid⁴⁶, ipprevenew il-bidu bla xkiel tal-perjodu ta’ programmazzjoni pluriennali fil-livell tal-Istati Membri.

92

Il-proposti tal-Kummissjoni għar-Regolamenti l-ġodda tal-RDK, il-FEŻR, u l-KTE ġew ippubblikati f’Mejju 2018, ferm qabel il-bidu tal-perjodu ta’ programmazzjoni u f’konformità mar-rakkomandazzjoni preċedenti tagħna. Madankollu, in-negozjati bejn il-Parlament Ewropew u l-Kunsill damu aktar milli kien mistenni. Sa tmiem April 2021, il-pakkett leġiżlattiv tal-politika ta’ koeżjoni, inkluż ir-Regolament KTE, kien għadu ma ġiex adottat, jiġifieri erba’ xhur wara l-bidu tal-perjodu ta’ programmazzjoni 2021-2027. Għall-finijiet ta’ tqabbil, il-bażi ġuridika ġiet adottata xahar qabel il-bidu tal-perjodu 2014-2020, u, għall-perjodu 2007-2013, ħames xhur qabel.

Konklużjonijiet u rakkomandazzjonijiet

93

F’dan l-awditu, analizzajna jekk il-Kummissjoni u l-Istati Membri kinux indirizzaw b’mod effettiv l-isfidi tar-reġjuni transfruntieri fil-programmi ta’ kooperazzjoni fil-fruntieri interni ffinanzjati permezz ta’ Interreg. B’mod ġenerali, sibna li l-programmi ta’ kooperazzjoni li eżaminajna kellhom strateġiji ċari biex jindirizzaw l-isfidi li qed jiffaċċjaw ir-reġjuni transfruntieri li koprew. Madankollu, id-dgħufijiet fl-implimentazzjoni u l-ineffiċjenzi fil-monitoraġġ tal-informazzjoni llimitaw il-potenzjal tal-programmi li jisfruttaw il-kapaċità ta’ dawn ir-reġjuni. Uħud mir-rakkomandazzjonijiet ta’ hawn taħt huma indirizzati lill-awtoritajiet inkarigati mill-programmi eżaminati, iżda, fid-dawl tal-kopertura wiesgħa, aħna nqisu li dawn japplikaw ukoll għal awtoritajiet oħra inkarigati mill-programmi. L-awtoritajiet inkarigati mill-programmi ipprovdewlna r-reazzjonijiet tagħhom għal dawn ir-rakkomandazzjonijiet, ara l-Anness VI.

94

Il-programmi ta’ kooperazzjoni ma jistgħux jindirizzaw l-isfidi transfruntieri kollha minħabba l-baġit limitat tagħhom u r-rekwiżit li xi sfidi jiġu indirizzati fost l-Istati Membri fil-livell nazzjonali. Aħna sibna li l-awtoritajiet inkarigati mill-programmi, anke jekk kienu analizzaw l-isfidi, ma tawhomx prijorità sabiex jiffukaw fuq dawk l-aktar urġenti għaż-żona transfruntiera (ara l-paragrafi 36-43).

95

F’termini ta’ strateġija, il-loġika ta’ intervent tal-programmi ta’ kooperazzjoni kienet b’saħħitha, u kien hemm rabta bejn l-isfidi, l-assi prijoritarji, l-objettivi tematiċi u speċifiċi u s-sejħiet għal proposti ta’ proġetti. Id-dokumenti tal-programm stabbilew ukoll il-proċeduri li għandhom jiġu segwiti għall-koordinazzjoni tal-programmi ta’ kooperazzjoni ma’ fondi oħra. Il-proċeduri tal-għażla kif deskritti fid-dokumenti tal-programm taw prominenza lill-identità transfruntiera tal-proġetti għall-kofinanzjament, u rriflettew l-intenzjoni tas-sħab minn pajjiżi/reġjuni differenti li jkunu involuti b’mod attiv (ara l-paragrafi 47-50).

96

Madankollu, sibna li f’14-il każ mit-23 programm ta’ kooperazzjoni fil-kampjun tagħna, ma kien hemm l-ebda demarkazzjoni ċara fl-oqsma ta’ appoġġ u t-tipi ta’ operazzjonijiet li għandhom jiġu kkofinanzjati bejn il-programmi ta’ kooperazzjoni u dawk prinċipali, li twassal għal sitwazzjoni fejn iż-żewġ sorsi ta’ finanzjament jistgħu jiffinanzjaw l-istess tip ta’ operazzjonijiet. Hemm ir-riskju li l-fokus meħtieġ fuq il-ħtiġijiet reali jiddgħajjef minħabba l-koinċidenza taż-żoni eliġibbli kemm għall-finanzjament prinċipali ta’ Interreg kif ukoll tal-FEŻR. Il-ħtieġa li jiżdied il-valur miżjud tal-interventi tal-UE hija partikolarment importanti peress li l-baġit għal Interreg se jonqos għall-perjodu 2021-2027 u hemm inqas konċentrazzjoni tematika milli fil-perjodu 2014-2020 (ara l-paragrafi 56-59).

97

Sibna wkoll proġetti b’evidenza limitata tan-natura transfruntiera tagħhom, peress li l-kooperazzjoni fost is-sħab kienet limitata għall-preżentazzjoni ta’ proposta ta’ proġett komuni biex jiġi żgurat finanzjament għall-interventi (ara l-paragrafu 62).

Rakkomandazzjoni 1 – Fokus aħjar tal-programmi ta’ kooperazzjoni

1. Jenħtieġ li l-awtoritajiet inkarigati mill-programmi ta’ kooperazzjoni eżaminati:
   1. jiżguraw li d-dokumenti tal-programm jistipulaw li huma jiffukaw fuq tipi differenti ta’ proġetti għall-prijoritajiet ta’ investiment li jappoġġaw meta mqabbla mal-programmi prinċipali tar-reġjuni kontigwi; u
   2. jikkoordinaw l-appoġġ kull meta jintervjenu fl-istess oqsma ta’ appoġġ mal-programmi prinċipali tar-reġjuni kontigwi.
2. Ibbażat fuq iż-żewġ rakkomandazzjonijiet ta’ hawn fuq, jenħtieġ li meta tadotta l-programmi ta’ kooperazzjoni u dawk prinċipali, il-Kummissjoni tirrikjedi li l-proġetti kkofinanzjati jkunu kumplementari.

Data mmirata għall-implimentazzjoni: sa Diċembru 2022

98

Il-biċċa l-kbira mill-awtoritajiet inkarigati mill-programmi ma kklassifikaw l-ebda proġett f’termini ta’ mertu biex jiżguraw li tqiesu biss l-aħjar proposti għall-finanzjament, ommissjoni sinifikanti meta l-fondi huma skarsi. Barra minn hekk, xi programmi ta’ kooperazzjoni ma kellhomx soll minimu li proposta ta’ proġett kellha tilħaq biex tintgħażel, li huwa partikolarment importanti f’termini ta’ garanzija tan-natura transfruntiera u l-kontribut tiegħu biex jindirizza l-isfidi l-aktar urġenti tar-reġjun (ara l-paragrafi 66-69).

Rakkomandazzjoni 2 – Tingħata prijorità u jingħata appoġġ lill-proġetti abbażi tal-mertu bl-użu ta’ punteġġi

Sabiex jintgħażlu l-proġetti li jindirizzaw bl-aħjar mod l-isfidi tar-reġjuni transfruntieri u l-objettivi tal-programmi ta’ kooperazzjoni, jenħtieġ li l-awtoritajiet inkarigati mill-programmi eżaminati:

1. jużaw sistema ta’ mertu bħala parti mill-proċess ta’ evalwazzjoni tal-proġett; u
2. jipproponu biss proġetti għall-finanzjament li kisbu soll minimu, inkluż soll minimu għan-natura transfruntiera tal-proġett.

Data mmirata għall-implimentazzjoni: sa Diċembru 2022

99

L-objettivi speċifiċi kienu bbażati fuq il-kriterji SMART u l-indikaturi tal-output u tar-riżultati normalment setgħu jitkejlu. Madankollu, kien hemm dgħufijiet fir-rilevanza u l-kisba tal-indikaturi tal-output u tar-riżultati: xi indikaturi ma rriflettewx l-għanijiet tal-objettiv speċifiku li l-proġett indirizza; u xi wħud ma kisbux il-bilanċ it-tajjeb bejn li jkunu jistgħu jinkisbu iżda li jkunu wkoll ambizzjużi. Fil-biċċa l-kbira mill-każijiet, l-awtoritajiet inkarigati mill-programmi użaw indikaturi, li ma kinux ikopru l-effett transfruntier (ara l-paragrafi 73-78).

Rakkomandazzjoni 3 – Jintużaw indikaturi li għandhom l-għan li jkopru l-effett ta’ proġetti transfruntieri

Meta tivvaluta l-programmi ta’ kooperazzjoni matul il-proċess ta’ approvazzjoni tagħhom, jenħtieġ li l-Kummissjoni:

1. taħdem mill-qrib mal-awtoritajiet inkarigati mill-programmi biex tippromwovi l-għażla ta’ indikaturi komuni tal-output u tar-riżultati li huma rilevanti għat-tipi ta’ azzjonijiet li se jiġu implimentati taħt il-programmi u għalhekk tkun kapaċi tkejjel il-kisbiet kif ukoll l-effetti ta’ proġetti transfruntieri; u
2. għal dawk il-każijiet fejn ma jistgħux jintużaw indikaturi komuni, taħdem flimkien mal-awtoritajiet inkarigati mill-programmi biex tivvaluta l-idoneità tal-indikaturi tal-output u tar-riżultati speċifiċi fil-kejl tal-kisbiet u l-effetti tal-proġetti transfruntieri billi tuża l-gwida disponibbli mill-Kummissjoni.

Data mmirata għall-implimentazzjoni: sa Diċembru 2022

100

Kien hemm bosta dgħufijiet fid-data li eżaminajna sottostanti għall-istatistika reġjonali li tintuża għall-kejl tal-indikaturi. Id-data jew ma kinitx disponibbli jew inkella ma kinitx ikkoordinata suffiċjentement fost l-Istati Membri biex tkopri l-effett transfruntier tal-operazzjonijiet appoġġati b’mod affidabbli (ara l-paragrafu 79).

101

Il-gwida tal-Kummissjoni lill-awtoritajiet inkarigati mill-programmi tjiebet matul l-aħħar żewġ perjodi ta’ programmazzjoni. Id-dokumenti ta’ orjentazzjoni tal-fruntieri għall-perjodu 2021-2027 ipprovdew analiżi aktar immirata, inklużi suġġerimenti, mid-dokument ta’ pożizzjoni 2014-2020 (ara l-paragrafi 82-85).

102

L-awtoritajiet inkarigati mill-programmi ta’ kooperazzjoni għamlu użu mill-miżuri disponibbli skont l-inizjattivi CRII u CRII+ biex jimmitigaw l-effetti tat-tifqigħa tal-COVID-19. Ftit li xejn proġetti transfruntieri ġew sospiżi jew ikkanċellati b’riżultat tal-pandemija, l-aktar minħabba li livell għoli ta’ proġetti kienu diġà ġew ikkuntrattati permezz ta’ Interreg. Madankollu, l-effett tal-kriżi kien viżibbli u l-awtoritajiet inkarigati mill-programmi għamlu sforzi biex jappoġġaw l-implimentazzjoni tal-proġetti kkuntrattati (ara l-paragrafi 88-89).

103

Għall-perjodu 2021-2027, il-Kummissjoni għamlet il-proposti leġiżlattivi tagħha fi żmien xieraq, iżda l-koleġiżlaturi adottawhom biss wara l-bidu tal-perjodu ta’ programmazzjoni. Dan id-dewmien affettwa serjament it-tħejjija tal-programmi ta’ kooperazzjoni, u ppreviena bidu bla xkiel għall-perjodu ta’ programmazzjoni l-ġdid (ara l-paragrafi 91-92).

Dan ir-Rapport ġie adottat mill-Awla II, immexxija mis-Sinjura Iliana Ivanova, Membru tal-Qorti tal-Awdituri, fil-Lussemburgu fid-19 ta’ Mejju 2021.

Annessi

Anness I – Lista ta’ Interreg V-A għall-programmi ta’ kooperazzjoni fil-fruntieri interni għall-perjodu 2014-2020

B’kollox, il-Kummissjoni approvat 53 programm ta’ kooperazzjoni transfruntiera għall-fruntieri interni għall-perjodu 2014-2020. Il-Figura 9 tippreżenta dawn il-programmi f’mappa. Iż-żoni mmarkati b’linji djagonali huma parti minn żewġ żoni ta’ programmi jew aktar simultanjament.

It-tabella ta’ hawn taħt telenka t-53 programm ta’ kooperazzjoni, flimkien mal-baġit totali, u l-kontribuzzjoni tal-UE. Il-programmi ta’ kooperazzjoni li eżaminajna huma indikati b’tipa grassa.

	Isem	CCI	Baġit totali tal-PO (f’EUR)	Kontribuzzjoni totali tal-UE (f’EUR)
1	Il-Belġju – il-Ġermanja – in-Netherlands (Euregio Maas-Rijn)	2014TC16RFCB001	140 434 645	96 000 250
2	L-Awstrija – ir-Repubblika Ċeka	2014TC16RFCB002	115 076 396	97 814 933
3	Is-Slovakkja – l-Awstrija	2014TC16RFCB003	89 285 509	75 892 681
4	L-Awstrija – il-Ġermanja/il-Bavarja	2014TC16RFCB004	64 332 186	54 478 064
5	Spanja – il-Portugall (POCTEP)	2014TC16RFCB005	484 687 353	365 769 686
6	Spanja – Franza – Andorra (POCTEFA)	2014TC16RFCB006	288 964 102	189 341 397
7	L-Ungerija – il-Kroazja	2014TC16RFCB008	73 900 028	60 824 406
8	Il-Ġermanja/il-Bavarja – ir-Repubblika Ċeka	2014TC16RFCB009	121 617 825	103 375 149
9	L-Awstrija – l-Ungerija	2014TC16RFCB010	95 870 327	78 847 880
10	Il-Ġermanja/Brandenburg – il-Polonja	2014TC16RFCB011	117 826 565	100 152 579
11	Il-Polonja – is-Slovakkja	2014TC16RFCB012	210 114 137	178 597 014
12	Il-Polonja – id-Danimarka – il-Ġermanja – il-Litwanja – l-Iżvezja (il-Baltiku tan-Nofsinhar)	2014TC16RFCB013	100 614 276	82 978 784
13	Il-Finlandja – l-Estonja – il-Latvja – l-Iżvezja (il-Baltiku Ċentrali)	2014TC16RFCB014	170 544 922	132 628 689
14	Is-Slovakkja – l-Ungerija	2014TC16RFCB015	183 304 695	155 808 987
15	L-Iżvezja – in-Norveġja	2014TC16RFCB016	94 399 930	47 199 965
16	Il-Ġermanja/is-Sassonja – ir-Repubblika Ċeka	2014TC16RFCB017	189 274 570	157 967 067
17	Il-Polonja – il-Ġermanja/is-Sassonja	2014TC16RFCB018	82 353 025	70 000 069
18	Il-Ġermanja/Mecklenburg-Vorpommern – Brandenburg – il-Polonja	2014TC16RFCB019	157 647 549	134 000 414
19	Il-Greċja – l-Italja	2014TC16RFCB020	123 176 901	104 700 362
20	Ir-Rumanija – il-Bulgarija	2014TC16RFCB021	258 504 126	215 745 513
21	Il-Greċja – il-Bulgarija	2014TC16RFCB022	130 262 835	110 723 408
22	Il-Ġermanja – in-Netherlands	2014TC16RFCB023	443 059 158	222 159 360
23	Il-Ġermanja – l-Awstrija – l-Iżvizzera – il-Liechtenstein (Alpenrhein – Bodensee – Hochrhein)	2014TC16RFCB024	56 554 900	39 588 430
24	Ir-Repubblika Ċeka – il-Polonja	2014TC16RFCB025	266 143 190	226 221 710
25	L-Iżvezja – id-Danimarka – in-Norveġja (Öresund – Kattegat – Skagerrak)	2014TC16RFCB026	271 376 522	135 688 261
26	Il-Latvja – il-Litwanja	2014TC16RFCB027	82 255 348	69 621 072
27	L-Iżvezja – il-Finlandja – in-Norveġja (Botnia – Atlantica)	2014TC16RFCB028	61 284 055	36 334 420
28	Is-Slovenja – il-Kroazja	2014TC16RFCB029	55 690 913	46 114 193
29	Is-Slovakkja – ir-Repubblika Ċeka	2014TC16RFCB030	106 046 429	90 139 463
30	Il-Litwanja – il-Polonja	2014TC16RFCB031	70 769 277	60 153 883
31	L-Iżvezja – il-Finlandja – in-Norveġja (Nord)	2014TC16RFCB032	94 617 296	60 413 727
32	L-Italja – Franza (Marittima)	2014TC16RFCB033	199 649 897	169 702 411
33	Franza – l-Italja (ALCOTRA)	2014TC16RFCB034	233 972 102	198 876 285
34	L-Italja – l-Iżvizzera	2014TC16RFCB035	118 281 056	100 221 466
35	L-Italja – is-Slovenja	2014TC16RFCB036	92 588 182	77 929 954
36	L-Italja – Malta	2014TC16RFCB037	51 708 438	43 952 171
37	Franza – il-Belġju – in-Netherlands – ir-Renju Unit (Les Deux Mers / Two seas – / Twee Zeeën)	2014TC16RFCB038	392 143 504	256 648 702
38	Franza – il-Ġermanja – l-Iżvizzera (Rhin supérieur / Oberrhein)	2014TC16RFCB039	210 615 695	109 704 965
39	Franza – ir-Renju Unit (Manche / Channel)	2014TC16RFCB040	315 264 678	223 046 948
40	Franza – l-Iżvizzera	2014TC16RFCB041	102 823 622	65 890 505
41	L-Italja – il-Kroazja	2014TC16RFCB042	236 890 849	201 357 220
42	Il-Belġju – Franza (Franza – Wallonie – Vlaanderen)	2014TC16RFCB044	283 295 074	169 977 045
43	Franza – il-Belġju – il-Ġermanja – il-Lussemburgu (Grande Région / Großregion)	2014TC16RFCB045	234 606 265	139 802 646
44	Il-Belġju – in-Netherlands (Vlaanderen – Nederland)	2014TC16RFCB046	305 151 170	152 575 585
45	Ir-Renju Unit – l-Irlanda (l-Irlanda – l-Irlanda ta’ Fuq – l-Iskozja)	2014TC16RFCB047	282 761 998	240 347 696
46	Ir-Renju Unit/Wales – l-Irlanda	2014TC16RFCB048	98 998 059	79 198 450
47	Ir-Rumanija – l-Ungerija	2014TC16RFCB049	231 861 763	189 138 672
48	L-Estonja – il-Latvja	2014TC16RFCB050	46 728 715	38 933 803
49	L-Italja – l-Awstrija	2014TC16RFCB052	98 380 352	82 238 866
50	Is-Slovenja – l-Ungerija	2014TC16RFCB053	18 641 195	14 795 015
51	Is-Slovenja – l-Awstrija	2014TC16RFCB054	57 213 193	47 988 355
52	Il-Greċja – Ċipru	2014TC16RFCB055	64 560 486	54 876 411
53	Il-Ġermanja – id-Danimarka	2014TC16RFCB056	121 306 000	89 634 975
	Programmi kollha ta’ kooperazzjoni transfruntiera interna		8 597 431 283	6 346 119 962
	Programmi ta’ kooperazzjoni transfruntiera interna li eżaminajna		3 508 658 525	2 708 476 109

Sors: il-QEA, ibbażat fuq il-programmi ta’ kooperazzjoni għall-perjodu 2014-2020.

Anness II – Lista ta’ Interreg V-B għall-programmi ta’ kooperazzjoni transnazzjonali għall-perjodu 2014-2020

Għall-perjodu ta’ programmazzjoni 2014-2020, Interreg V-B ikopri 15-il programm ta’ kooperazzjoni b’valur totali ta’ EUR 2.1 biljun.

Dawn huma: il-Baħar tat-Tramuntana, l-Ewropa tal-Majjistral, il-periferija tat-Tramuntana u l-Artiku, il-Baħar Baltiku, iż-żona tad-Danubju, iż-żona tal-Atlantiku, l-ispazju tal-Alpi, l-Ewropa Ċentrali, l-Adrijatiku – il-Jonju, il-Balkani – il-Mediterran, l-Ewropa tal-Lbiċ, iż-żona tal-Mediterran, iż-żona tal-Karibew, l-Amażonja, u ż-żona tal-Oċean Indjan. Il-pajjiżi involuti f’kull programm ta’ kooperazzjoni jidhru fil-Figura 10.

Minbarra l-finanzjament permezz tal-fergħa Interreg B, il-Kunsill Ewropew approva erba’ strateġiji makroreġjonali⁴⁷:

• l-istrateġija tal-UE għar-reġjun tal-Baħar Baltiku (2009);
• l-istrateġija tal-UE għar-reġjun tad-Danubju (2010);
• l-istrateġija tal-UE għar-reġjun Adrijatiku u Jonju (2014); u
• l-istrateġija tal-UE għar-reġjun tal-Alpi (2015).

L-erba’ strateġiji makroreġjonali jikkonċernaw 19-il Stat Membru tal-UE u 8 pajjiżi mhux tal-UE, kif jidher fil-Figura 11.

Anness III – Lista ta’ objettivi tematiċi għal Interreg V-A għall-fruntieri interni għall-perjodu 2014-2020

Data fil-31.12.2020

OT	Isem	Kontribuzzjoni totali tal-UE (f’EUR)	%
OT 1	Tisħiħ tar-riċerka, l-iżvilupp teknoloġiku u l-innovazzjoni	872 076 167	13.7 %
OT 2	Tisħiħ tal-aċċess għat-teknoloġiji tal-informazzjoni u l-komunikazzjoni (ICT), u l-użu u l-kwalità tagħhom	0	0 %
OT 3	Tisħiħ tal-kompetittività ta’ intrapriżi żgħar u medji (SMEs)	300 110 731	4.7 %
OT 4	Appoġġ tal-bidla lejn ekonomija b’livell baxx ta’ emissjonijiet ta’ karbonju fis-setturi kollha	161 017 673	2.5 %
OT 5	Promozzjoni tal-adattament għat-tibdil fil-klima, il-prevenzjoni u l-ġestjoni tar-riskji	279 299 676	4.4 %
OT 6	Preservazzjoni u ħarsien tal-ambjent u promozzjoni tal-effiċjenza tar-riżorsi	1 478 698 158	23.2 %
OT 7	Promozzjoni ta’ trasport sostenibbli u tneħħija ta’ ostakoli fl-infrastrutturi tan-networks ewlenin	593 085 445	9.3 %
OT 8	Promozzjoni tal-impjiegi sostenibbli u ta’ kwalità u s-sostenn tal-mobbiltà tax-xogħol	375 390 004	5.9 %
OT 9	Promozzjoni tal-inklużjoni soċjali, il-ġlieda kontra l-faqar u kull diskriminazzjoni.	216 707 527	3.4 %
OT 10	Investiment fl-edukazzjoni, it-taħriġ u t-taħriġ vokazzjonali għall-ħiliet u t-tagħlim tul il-ħajja	116 666 051	1.8 %
OT 11	Titjib tal-kapaċità istituzzjonali tal-awtoritajiet pubbliċi u l-partijiet interessati u amministrazzjoni pubblika effiċjenti	569 531 414	9.0 %
	OT multipli	940 330 421	14.8 %
	Assistenza Teknika	319 783 299	5.0 %
	Ma ntgħażel l-ebda objettiv tematiku	123 423 396	1.9 %
	TOTAL	6 346 119 962	100 %

Sors: il-pjattaforma ta’ data miftuħa tal-fondi SIE.

Anness IV – Lista tal-10 kodiċijiet ta’ intervent l-aktar użati għal Interreg V-A għall-fruntieri interni għall-perjodu 2014-2020

Data fil-31.12.2020

Kodiċi	Deskrizzjoni	Kontribuzzjoni totali tal-UE (f’EUR)	% (tat-total)
94	Il-protezzjoni, l-iżvilupp u l-promozzjoni ta’ assi pubbliċi ta’ wirt kulturali	444 477 809	7 %
87	Miżuri ta' adattament għat-tibdil fil-klima u l-prevenzjoni tar-riskji relatati mal-klima eż. l-erożjoni, in-nirien, il-maltempati u n-nixfa, inkluż is-sensibilizzazzjoni, il-protezzjoni ċivili u sistemi u infrastrutturi għall-ġestjoni tad-diżastri	355 767 156	6 %
34	Toroq oħra mibnija mill-ġdid jew imtejba (awtostrada, nazzjonali, reġjonali jew lokali)	310 554 407	5 %
119	L-investiment f’kapaċità istituzzjonali, kif ukoll l-effiċjenza tal-amministrazzjonijiet pubblika u s-servizzi pubbliċi fuq livelli nazzjonali, reġjonali u lokali bil-għan li jkun hemm riformi, regolamentazzjoni aħjar u governanza tajba	303 568 412	5 %
121	Assistenza Teknika: It-tħejjija, l-implementazzjoni, il-monitoraġġ u l-ispezzjoni	295 745 460	5 %
62	It-trasferiment tat-teknoloġija u l-kooperazzjoni bejn l-universitajiet u l-intrapriżi ta' benefiċċju primarjament għall-SMEs	272 901 928	4 %
85	Il-protezzjoni u t-titjib tal-bijodiversità, il-ħarsien tan-natura u l-infrastruttura ekoloġika	271 919 799	4 %
91	L-iżvilupp u promozzjoni ta’ potenzjali tat-turiżmu ta’ żoni naturali	254 307 765	4 %
60	L-attivitajiet ta’ riċerka u innovazzjoni fiċ-ċentri pubbliċi ta’ riċerka u ċentri ta’ kompetenza inkluż in-networking	223 236 862	4 %
112	It-tisħiħ tal-aċċess għal servizzi bi prezz li jista’ jintlaħaq, sostenibbli u ta’ kwalità għolja, inkluż il-kura tas-saħħa u s-servizzi soċjali ta’ interess ġenerali	205 317 652	3 %
	Total tal-10 kodiċijiet ta’ intervent l-aktar użati	2 937 797 250	46 %
	L-oħrajn kollha	3 408 322 712	54 %
	TOTAL	6 346 119 962	100 %

Sors: il-pjattaforma ta’ data miftuħa tal-fondi SIE.

Anness V – Lista tal-programmi ta’ kooperazzjoni eżaminati, it-tip ta’ eżaminar mwettaq u l-programmi prinċipali magħżula għat-tqabbil

It-tabella ta’ hawn taħt telenka t-23 programm ta’ kooperazzjoni, flimkien mal-baġit totali, il-kontribuzzjoni tal-UE u t-tul tal-eżaminar li wettaqna għal kull wieħed minnhom:

• f’analiżi sempliċi mhux fuq il-post (b’kollox 10 programmi), eżaminajna: l-isfidi transfruntieri; l-analiżi SWOT u/jew soċjoekonomika; il-loġika ta’ intervent; il-fokus fuq il-programm meta mqabbla ma’ żewġ flussi prinċipali mir-reġjuni kontigwi; l-indikaturi; il-proċess għall-valutazzjoni tan-natura transfruntiera tal-proġetti; il-proċess għall-koordinazzjoni ma’ fondi SIE oħra; id-dokumenti ta’ pożizzjoni u ta’ orjentazzjoni tal-fruntieri; u l-istadju ta’ tħejjija għall-perjodu 2021-2027;
• f’analiżi estiża mhux fuq il-post (b’kollox 10 programmi), eżaminajna wkoll: is-sejħiet għal proposti; il-proċess tal-għażla tal-proġetti; u l-approċċ segwit biex jiġu attirati proposti ta’ proġetti (“minn fuq għal isfel” jew “minn isfel għal fuq”); u
• f’eżaminar fuq il-post (b’kollox tliet programmi), eżaminajna wkoll: kampjun ta’ erba’ proġetti, u n-natura transfruntiera tagħhom.

	Isem	CCI	Baġit totali tal-PO (f’EUR)	Kontribuzzjoni totali tal-UE (f’EUR)	Tip ta’ eżaminar tal-QEA
1	Il-Belġju – il-Ġermanja – in-Netherlands (Euregio Maas-Rijn)	2014TC16RFCB001	140 434 645	96 000 250	analiżi sempliċi mhux fuq il-post
	Programm prinċipali 1 Il-Belġju: PO Flanders (reġjonali)	2014BE16RFOP002	435 508 941	175 592 099
	Programm prinċipali 2 Il-Ġermanja: PO Nordrhein-Westfalen (reġjonali)	2014DE16RFOP009	2 423 462 022	1 211 731 011
2	L-Awstrija – il-Ġermanja/il-Bavarja	2014TC16RFCB004	64 332 186	54 478 064	analiżi sempliċi mhux fuq il-post
	Programm prinċipali 1 L-Awstrija: PO Investimenti fit-Tkabbir u l-Impjiegi (nazzjonali)	2014AT16RFOP001	2 037 475 362	536 262 079
	Programm prinċipali 2 Il-Ġermanja: PO Bayern 2014-2020 EFRE (reġjonali)	2014DE16RFOP002	1 478 842 432	494 704 308
3	Spanja – il-Portugall (POCTEP)	2014TC16RFCB005	484 687 353	365 769 686	analiżi sempliċi mhux fuq il-post
	Programm prinċipali 1 Spanja: PO Andalucía 2014-2020 (reġjonali)	2014ES16RFOP003	3 951 571 669	3 200 907 333
	Programm prinċipali 2 Il-Portugall: PO Norte 2014-2020 (reġjonali)	2014PT16M2OP001	4 209 657 730	3 378 770 731
4	Spanja – Franza – Andorra (POCTEFA)	2014TC16RFCB006	288 964 102	189 341 397	analiżi sempliċi mhux fuq il-post
	Programm prinċipali 1 Spanja: Cataluña (reġjonali)	2014ES16RFOP011	1 671 234 350	835 617 175
	Programm prinċipali 2 Franza: Languedoc-Roussillon (reġjonali)	2014FR16M0OP006	754 041 639	431 686 793
5	Il-Ġermanja/il-Bavarja – ir-Repubblika Ċeka	2014TC16RFCB009	121 617 825	103 375 149	analiżi estiża mhux fuq il-post
	Programm prinċipali 1 Il-Ġermanja: PO Bayern 2014-2020 (reġjonali)	2014DE16RFOP002	1 478 842 432	494 704 308
	Programm prinċipali 2 Iċ-Ċekja: Tkabbir ROP Integrat 2014-2020 (nazzjonali)	2014CZ16RFOP002	5 575 445 155	4 763 230 350
6	L-Awstrija – l-Ungerija	2014TC16RFCB010	95 870 327	78 847 880	analiżi estiża mhux fuq il-post
	Programm prinċipali 1 L-Awstrija: PO Investimenti fit-Tkabbir u l-Impjiegi (nazzjonali)	2014AT16RFOP001	2 037 475 362	536 262 079
	Programm prinċipali 2 L-Ungerija: PO Żvilupp Ekonomiku u Innovazzjoni 2014-2020 (nazzjonali)	2014HU16M0OP001	8 813 195 514	7 733 969 530
7	Il-Polonja – il-Litwanja – id-Danimarka – il-Ġermanja – l-Iżvezja (il-Baltiku tan-Nofsinhar)	2014TC16RFCB013	100 614 276	82 978 784	analiżi estiża mhux fuq il-post
	Programm prinċipali 1 Il-Polonja: PO Reġjonali Pomorskie 2014-2020 (reġjonali)	2014PL16M2OP011	2 193 896 122	1 864 811 698
	Programm prinċipali 2 Il-Litwanja: PO għal investimenti tal-Fondi Strutturali tal-UE għall-2014-2020 (nazzjonali)	2014LT16MAOP001	7 887 798 523	6 709 396 130
8	Il-Finlandja – l-Estonja – il-Latvja – l-Iżvezja (il-Baltiku Ċentrali)	2014TC16RFCB014	170 544 922	132 628 689	eżaminar fuq il-post
	Programm prinċipali 1 Il-Finlandja: Tkabbir u impjiegi sostenibbli għall-Finlandja 2014-2020 (nazzjonali)	2014FI16M2OP001	2 570 429 202	1 285 214 601
	Programm prinċipali 2 L-Estonja: Investiment tal-Estonja għat-Tkabbir u l-Impjiegi 2014-2020 (nazzjonali)	2014EE16M3OP001	4 891 748 878	3 499 202 664
9	Is-Slovakkja – l-Ungerija	2014TC16RFCB015	183 304 695	155 808 987	analiżi sempliċi mhux fuq il-post
	Programm prinċipali 1 Is-Slovakkja: PO Reġjonali Integrat 2014-2020 (nazzjonali)	2014SK16RFOP002	2 059 278 976	1 699 941 778
	Programm prinċipali 2 L-Ungerija: Żvilupp Ekonomiku u Innovazzjoni 2014-2020 (nazzjonali)	2014HU16M0OP001	8 813 195 514	7 733 969 530
10	L-Iżvezja – in-Norveġja	2014TC16RFCB016	94 399 930	47 199 965	analiżi sempliċi mhux fuq il-post
	Programm prinċipali 1 L-Iżvezja: PO Mellersta Norrland (reġjonali)	2014SE16RFOP007	289 910 518	144 955 259
11	Il-Ġermanja/is-Sassonja – iċ-Ċekja	2014TC16RFCB017	189 274 570	157 967 067	analiżi estiża mhux fuq il-post
	Programm prinċipali 1 Il-Ġermanja: PO Sachsen 2014–2020 (reġjonali)	2014DE16RFOP012	2 341 365 486	1 873 092 389
	Programm prinċipali 2 Iċ-Ċekja: Iċ-Ċekja: Tkabbir ROP Integrat 2014-2020 (nazzjonali)	2014CZ16RFOP002	5 575 445 155	4 763 230 350
12	Ir-Rumanija – il-Bulgarija	2014TC16RFCB021	258 504 126	215 745 513	analiżi estiża mhux fuq il-post48
	Programm prinċipali 1 Ir-Rumanija: PO Reġjonali Rumen (nazzjonali)	2014RO16RFOP002	8 384 288 100	6 860 000 000
	Programm prinċipali 2 Il-Bulgarija: PO reġjonali Bulgaru Reġjuni fit-Tkabbir (nazzjonali)	2014BG16RFOP001	1 543 182 113	1 311 704 793
13	Il-Ġermanja – l-Awstrija – l-Iżvizzera – il-Liechtenstein (Alpenrhein – Bodensee – Hochrhein)	2014TC16RFCB024	56 554 900	39 588 430	analiżi estiża mhux fuq il-post
	Programm prinċipali 1 Il-Ġermanja: ROP Baden-Württemberg Innovazzjoni u Enerġija 2014-2020 (reġjonali)	2014DE16RFOP001	493 170 076	246 585 038
	Programm prinċipali 2 L-Awstrija: PO tal-FEŻR it-Tkabbir u l-Impjiegi fl-Awstrija 2014-2020 (nazzjonali)	2014AT16RFOP001	2 073 339 826	536 262 079
14	Iċ-Ċekja – il-Polonja	2014TC16RFCB025	266 143 190	226 221 710	eżaminar fuq il-post
	Programm prinċipali 1 Iċ-Ċekja: PO Reġjonali Integrat 2014 – 2020 (nazzjonali)	2014CZ16RFOP002	5 575 445 155	4 763 230 350
	Programm prinċipali 2 Il-Polonja: PO Reġjonali Dolnośląskie 2014 – 2020 (reġjonali)	2014PL16M2OP001	2 659 054 816	2 252 546 589
15	L-Iżvezja – il-Finlandja – in-Norveġja (Botnia – Atlantica)	2014TC16RFCB028	61 284 055	36 334 420	analiżi sempliċi mhux fuq il-post
	Programm prinċipali 1 L-Iżvezja: PO Norrland ta’ Fuq (reġjonali)	2014SE16RFOP008	421 646 628	210 823 314
	Programm prinċipali 2 Il-Finlandja: Tkabbir u impjiegi sostenibbli 2014-2020 (nazzjonali)	2014FI16M2OP001	2 570 429 202	1 285 214 601
16	Is-Slovakkja – iċ-Ċekja	2014TC16RFCB030	106 046 429	90 139 463	analiżi estiża mhux fuq il-post
	Programm prinċipali 1 Is-Slovakkja: PO Infrastruttura Integrata 2014-2020 (nazzjonali)	2014SK16M1OP001	4 646 130 079	3 949 210 563
	Programm prinċipali 2 Iċ-Ċekja: PO Reġjonali Integrat 2014-2020 (nazzjonali)	2014CZ16RFOP002	5 575 445 155	4 763 230 350
17	L-Italja – is-Slovenja	2014TC16RFCB036	92 588 182	77 929 954	analiżi estiża mhux fuq il-post
	Programm prinċipali 1 L-Italja: ROP Friuli Venezia Giulia (reġjonali)	2014IT16RFOP009	230 779 184	115 389 592
	Programm prinċipali 2 Is-Slovenja: PO għall-Implimentazzjoni tal-Politika ta’ Koeżjoni tal-UE (nazzjonali)	2014SI16MAOP001	3 818 118 670	3 067 924 925
18	L-Italja – Malta	2014TC16RFCB037	51 708 438	43 952 171	analiżi estiża mhux fuq il-post
	Programm prinċipali 1 L-Italja: ROP Sicilia FEŻR 2014-2020 (reġjonali)	2014IT16RFOP016	4 273 038 791	3 418 431 018
	Programm prinċipali 2 Malta: PO Malta – Promozzjoni ta' ekonomija kompetittiva u sostenibbli biex niffaċċjaw l-isfidi tagħna 2014-2020 (nazzjonali)	2014MT16M1OP001	709 109 686	580 096 106
19	L-Italja – il-Kroazja	2014TC16RFCB042	236 890 849	201 357 220	analiżi sempliċi mhux fuq il-post
	Programm prinċipali 1 L-Italja: PO Reġjonali ta’ Apulia 2014-2020 (reġjonali)	2014IT16M2OP002	7 120 958 992	3 560 479 496
	Programm prinċipali 2 Il-Kroazja: PO Kompetittività u Koeżjoni 2014-2020 (nazzjonali)	2014HR16M1OP001	8 036 770 938	6 831 255 232
20	Franza – il-Belġju – il-Ġermanja – il-Lussemburgu (Reġjun Estiż)	2014TC16RFCB045	234 606 265	139 802 646	eżaminar fuq il-post
	Programm prinċipali 1 Franza: PO FEŻR/FSE Lorraine u Vosges 2014-2020 (reġjonali)	2014FR16M0OP015	689 879 511	409 839 615
	Programm prinċipali 2 Il-Belġju: PO Wallonia-2020.EU (reġjonali)	2014BE16RFOP003	1 700 524 237	681 639 700
21	Ir-Renju Unit/Wales – l-Irlanda	2014TC16RFCB048	98 998 059	79 198 450	analiżi estiża mhux fuq il-post
	Programm prinċipali 1 Ir-Renju Unit: FEŻR Wales tal-Punent u The Valleys (reġjonali)	2014UK16RFOP005	1 829 859 998	1 206 110 065
	Programm prinċipali 2 L-Irlanda: ROP tan-Nofsinhar u tal-Lvant (reġjonali)	2014IE16RFOP002	500 132 354	250 066 177
22	L-Estonja – il-Latvja	2014TC16RFCB050	46 728 715	38 933 803	analiżi sempliċi mhux fuq il-post
	Programm prinċipali 1 L-Estonja: Programm Operazzjonali għall-Fondi tal-Politika ta’ Koeżjoni 2014-2020 (nazzjonali)	2014EE16M3OP001	4 655 679 786	3 499 202 664
	Programm prinċipali 2 Il-Latvja: Tkabbir u impjiegi 2014-2020 (nazzjonali)	2014LV16MAOP001	5 192 801 940	4 418 233 214
23	Il-Greċja – Ċipru	2014TC16RFCB055	64 560 486	54 876 411	analiżi sempliċi mhux fuq il-post
	Programm prinċipali 1 Il-Greċja: PO Kreta (reġjonali)	2014GR16M2OP011	449 652 852	359 722 280
	Programm prinċipali 2 Ċipru: PO Kompetittività u żvilupp sostenibbli (nazzjonali)	2014CY16M1OP001	699 726 575	594 767 585

Sors: il-QEA, ibbażat fuq data mill-programmi ta’ kooperazzjoni u dawk prinċipali għall-perjodu 2014-2020.

Anness VI – Reazzjoni tal-awtoritajiet inkarigati mill-programmi għar-Rakkomandazzjonijiet 1a u 2

Uħud mir-rakkomandazzjonijiet tagħna huma indirizzati lill-awtoritajiet inkarigati mill-programmi, li huma responsabbli għall-implimentazzjoni tagħhom. Għalhekk tlabna r-reazzjoni tagħhom għar-rakkomandazzjonijiet tagħna. Ir-risposti li rċevejna, kif ukoll ir-raġunijiet għalfejn xi awtoritajiet ma aċċettawx (jew aċċettaw biss parzjalment) ir-rakkomandazzjonijiet tagħna, huma miġbura fil-qosor hawn taħt.

Akronimi u abbrevjazzjonijiet

CRII: Inizjattiva ta’ Investiment fir-Rispons għall-Coronavirus

CRII+: Inizjattiva ta’ Investiment fir-Rispons għall-Coronavirus Plus

DĠ REGIO: Direttorat Ġenerali għall-Politika Reġjonali u Urbana

FEŻR: Fond Ewropew għall-Iżvilupp Reġjonali

Fondi SIE: Fondi Strutturali u ta’ Investiment Ewropej

FSE: Fond Soċjali Ewropew

Interreg: Akronimu li permezz tiegħu huwa ġeneralment magħruf il-programm ta’ kooperazzjoni interreġjonali tal-UE

KTE: Kooperazzjoni Territorjali Ewropea

NUTS: Klassifikazzjoni Komuni ta’ Unitajiet Territorjali għall-Istatistika

OT: Objettiv Tematiku

PDG: Prodott Domestiku Gross

RDK: Regolament dwar Dispożizzjonijiet Komuni

SMART: Speċifiku, li jista’ Jitkejjel u Jinkiseb, Realistiku u Marbut mal-Ħin

SWOT: Elementi sodi, dgħufijiet, opportunitajiet u theddid

Glossarju

Assi prijoritarju: Objettiv ewlieni ta’ programm operazzjonali, maqsum fi prijorità waħda jew aktar ta’ investiment.

Awtorità maniġerjali: L-awtorità nazzjonali, reġjonali jew lokali (pubblika jew privata) deżinjata minn Stat Membru biex timmaniġġja programm iffinanzjat mill-UE.

Fond Ewropew għall-Iżvilupp Reġjonali: Fond tal-UE li jsaħħaħ il-koeżjoni ekonomika u soċjali fl-UE billi jiffinanzja investimenti li jnaqqsu l-iżbilanċi bejn ir-reġjuni.

Fondi Strutturali u ta’ Investiment Ewropej: Il-ħames fondi prinċipali tal-UE li flimkien jipprovdu appoġġ għall-iżvilupp ekonomiku fl-UE kollha: il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu Ewropew għall-Iżvilupp Rurali, u l-Fond Ewropew għall-Affarijiet Marittimi u s-Sajd.

Inizjattiva ta’ Investiment fir-Rispons għall-Coronavirus: Pakkett ta’ miżuri li jippermettu użu flessibbli tal-Fondi Strutturali u ta’ Investiment Ewropej b’rispons għat-tifqigħa tal-COVID-19.

Kooperazzjoni Territorjali Ewropea: Qafas għall-kooperazzjoni interreġjonali, transfruntiera u transnazzjonali, li jiggwida l-iskambji ta’ politika u l-implimentazzjoni ta’ azzjoni konġunta.

Kumitat ta’ monitoraġġ: Korp li jissorvelja l-implimentazzjoni ta’ programm operazzjonali, li jinkludi rappreżentanti tal-awtoritajiet tal-Istati Membri u l-Kummissjoni bħala osservatur.

Loġika ta’ intervent: Ir-rabtiet bejn l-objettivi ta’ proposta, l-inputs u attivitajiet ippjanati, u r-riżultati u l-impatt intenzjonati.

Objettiv tematiku: Ir-riżultat globali intenzjonat ta’ prijorità ta’ investiment, ripartit f’objettivi speċifiċi għal skopijiet ta’ implimentazzjoni.

Prijorità ta’ investiment: Subdiviżjoni ta’ assi prijoritarju.

Segretarjat konġunt: Uffiċċju li jassisti lill-awtorità maniġerjali u lill-kumitat ta’ monitoraġġ ta’ programm Ewropew ta’ kooperazzjoni territorjali, kif ukoll li jinforma lill-benefiċjarji dwar opportunitajiet potenzjali ta’ finanzjament u jappoġġa l-implimentazzjoni tal-proġett.

Tim tal-awditjar

Ir-rapporti speċjali tal-QEA jippreżentaw ir-riżultati tal-awditi li twettaq ta’ politiki u programmi tal-UE, jew ta’ suġġetti relatati mal-ġestjoni minn oqsma baġitarji speċifiċi. Il-QEA tagħżel u tfassal dawn il-kompiti tal-awditjar biex timmassimizza l-impatt tagħhom billi tqis ir-riskji għall-prestazzjoni jew għall-konformità, il-livell ta’ introjtu jew ta’ nfiq involut, l-iżviluppi li jkunu għad iridu jseħħu u l-interess politiku u pubbliku.

Dan l-awditu tal-prestazzjoni twettaq mill-Awla II tal-Awditjar li tispeċjalizza fl-oqsma ta’ nfiq ta’ Investiment għall-koeżjoni, it-tkabbir u l-inklużjoni, u li hija mmexxija mis-Sinjura Iliana Ivanova, Membru tal-QEA. L-awditu tmexxa minn Ladislav Balko, Membru tal-QEA, li ngħata appoġġ minn Branislav Urbanič, Kap tal-Kabinett u Zuzana Franková, Attaché tal-Kabinett; Niels-Erik Brokopp, Maniġer Prinċipali; Chrysoula Latopoulou, Kap tal-Kompitu; Dennis Wernerus, Deputat Kap tal-Kompitu; Thierry Lavigne, Katarzyna Solarek, Ana Popescu, Aleksandar Latinov, Angelika Zych, Aino Nyholm, Nils Odins u Francisco Carretero Llorente, Awdituri. James Verity ipprovda appoġġ lingwistiku.

Noti finali

¹ L-Artikolu 174 TFUE.

² B’kunsiderazzjoni tal-Artikolu 4 tar-Regolament (UE) Nru 1299/2013 tas-17 ta’ Diċembru 2013 dwar dispożizzjonijiet speċifiċi għall-appoġġ mill-Fond Ewropew għall-Iżvilupp Reġjonali għall-għan ta’ kooperazzjoni territorjali Ewropea (Ir-Regolament KTE) (ĠU L 347, 20.12.2013, p. 259).

³ L-Artikolu 3(2) tar-Regolament (UE) Nru 1301/2013 tas-17 ta’ Diċembru 2013 dwar il-Fond Ewropew għall-Iżvilupp Reġjonali u dwar dispożizzjonijiet speċifiċi li jikkonċernaw l-Investiment li għandu fil-mira t-tkabbir ekonomiku u l-impjiegi, u li jirrevoka r-Regolament (KE) Nru 1080/2006 (Ir-Regolament dwar il-FEŻR) (ĠU L 347, 20.12.2013, p. 293).

⁴ B’kunsiderazzjoni tal-Artikolu 5 tar-Regolament KTE.

⁵ COM(2017) 534 final, Komunikazzjoni mill-Kummissjoni dwar spinta lit-tkabbir u l-koeżjoni fir-reġjuni tal-fruntieri tal-UE, tal-20.9.2017, p. 6.

⁶ “Collecting solid evidence to assess the needs to be addressed by Interreg cross-border cooperation programmes”, SWECO, t33, Politecnico di Milano u Nordregio għal DĠ REGIO, Novembru 2016, pp. 64-91.
“Easing legal and administrative obstacles in EU border regions”, Metis GmbH, Panteia BV, AEIDL – Association Européenne pour l’Information sur le Développement Local, CASE – Centre for Social and Economic Research għal DĠ REGIO, Marzu 2017.
“Quantification of the effects of legal and administrative border obstacles in land border regions”, Politecnico di Milano għal DĠ REGIO, Mejju 2017.

⁷ L-Artikolu 4(1) tar-Regolament KTE.

⁸ L-Artikolu 2 tar-Regolament KTE.

⁹ L-Artikolu 12(2) tar-Regolament KTE.

¹⁰ L-Artiklu 3(2) tar-Regolament (KE) Nru 1059/2003 tas-26 ta’ Mejju 2003 dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) (ĠU L 154, 21.6.2003, p. 3) qasam it-territorju ekonomiku tal-Istati Membri f’reġjuni iżgħar sabiex ikun possibbli l-ġbir, il-kompilazzjoni u d-disseminazzjoni tal-istatistika reġjonali. L-Artikolu 3(2) ta’ dan ir-Regolament, ikklassifika r-reġjuni tal-Istati Membri fi tliet kategoriji li jużaw is-sollijiet tal-popolazzjoni. Ir-reġjuni tal-livell 1 (NUTS 1), huma abitati minn 3 sa 7 miljun persuna; dawk ir-reġjuni huma maqsuma aktar għal-livell 2 (NUTS 2), li huma abitati minn 800 000 sa 3 miljun persuna. Fl-aħħar mill-aħħar, ir-reġjuni tal-livell 2 huma maqsuma f’reġjuni tal-livell 3 (NUTS 3), li huma abitati minn 150 000 sa 800 000 persuna.

¹¹ L-Artikolu 3(2) tar-Regolament KTE.

¹² L-Artikolu 104(7) tat-test ta’ kompromess bil-ħsieb ta’ qbil dwar ir-Regolament RDK il-ġdid, tal-25.2.2021.

¹³ L-Artikolu 3 tal-Konferma tat-test ta’ kompromess finali bil-ħsieb ta’ qbil dwar ir-Regolament rigward dispożizzjonijiet speċifiċi għall-mira tal-kooperazzjoni territorjali Ewropea (Interreg) appoġġata mill-Fond Ewropew għall-Iżvilupp Reġjonali u mill-istrumenti ta’ finanzjament estern (Ir-Regolament KTE l-ġdid) tal-11.12.2020.

¹⁴ L-Artikolu 9(2) tat-“Test ta’ kompromess bil-ħsieb ta’ qbil” dwar ir-Regolament KTE l-ġdid.

¹⁵ It-Taqsima II(8) tan-Notifika C(90) 1562/3 lill-Istati Membri, li tistabbilixxi linji gwida għal programmi operazzjonali li l-Istati Membri huma mistiedna jistabbilixxu fil-qafas ta’ inizjattiva Komunitarja dwar iż-żoni tal-fruntiera (Interreg) (ĠU C 215, 30.8.1990, p. 4).

¹⁶ L-Artikolu 7(1) tar-Regolament tal-Kunsill (KE) Nru 1083/2006 tal-11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni u li jħassar ir-Regolament (KE) Nru 1260/1999 (ĠU L 210, 31.7.2006, p. 38).

¹⁷ L-Artikolu 3(1) tar-Regolament KTE.

¹⁸ L-Artikolu 21(1) tar-Regolament (KE) Nru 1080/2006 tal-5 ta’ Lulju 2006 dwar il-Fond Ewropew għall-Iżvilupp Reġjonali u li jħassar ir-Regolament (KE) Nru 1783/1999 (ĠU L 210, 31.7.2006, p. 10).

¹⁹ L-Artikolu 20(2)(b) tar-Regolament KTE.

²⁰ COM(2017) 534 final, pp. 2-4.

²¹ B’kunsiderazzjoni tal-Artikolu 33 u l-Artikolu 23(2) tar-Regolament KTE.

²² B’kunsiderazzjoni tal-Artikolu 88 tar-Regolament RDK.

²³ L-Artikolu 9 tar-Regolament RDK.

²⁴ L-Artikolu 6(1) tar-Regolament KTE.

²⁵ L-Artikolu 8(1) tar-Regolament KTE.

²⁶ L-Artikolu 96(1) u (2)(a)(b) tar-Regolament RDK u l-Artikolu 8(1) u (2) tar-Regolament KTE.

²⁷ L-Artikolu 14 tar-Regolament KTE.

²⁸ L-Artikolu 16 u l-Anness tar-Regolament KTE.

²⁹ KTE, il-Pakkett ta’ Ħidma 11, “Ex post evaluation of Cohesion Policy programmes 2007-2013, focusing on the ERDF and the Cohesion Fund”, kuntratt ADE mad-DĠ REGIO, Lulju 2016.

³⁰ L-Artikolu 15 tat-“Test ta’ kompromess bil-ħsieb ta’ qbil” dwar ir-Regolament KTE l-ġdid.

³¹ Ir-Regolament (UE) 2020/460 tat-30 ta’ Marzu 2020 li jemenda r-Regolamenti (UE) Nru 1301/2013, (UE) Nru 1303/2013 u (UE) Nru 508/2014 fir-rigward ta’ miżuri speċifiċi biex jiġu mmobilizzati investimenti fis-sistemi tal-kura tas-saħħa tal-Istati Membri u f’setturi oħra tal-ekonomiji tagħhom b’reazzjoni għat-tifqigħa tal-COVID-19 (Inizjattiva ta’ Investiment b’Reazzjoni għall-Coronavirus) (Ir-Regolament CRII) (ĠU L 99, 31.3.2020, p. 5).

³² Ir-Regolament (UE) 2020/558 tat-23 ta’ April 2020 li jemenda r-Regolament (UE) Nru 1301/2013 u (UE) Nru 1303/2013 rigward miżuri speċifiċi biex tingħata flessibbiltà eċċezzjonali għall-użu tal-Fondi Strutturali u ta’ Investiment Ewropej b’reazzjoni għat-tifqigħa tal-COVID-19 (Ir-Regolament CRII+) (ĠU L 130, 24.4.2020, p. 1).

³³ COM(2018) 373 final, Proposta għal Regolament dwar mekkaniżmu sabiex jiġu solvuti ostakli ġuridiċi u amministrattivi f’kuntest transfruntier, tad-29.5.2018.

³⁴ L-Artikolu 8(2)(a) tar-Regolament KTE.

³⁵ B’kunsiderazzjoni tal-Artikolu 19 tar-Regolament KTE.

³⁶ L-Anness XI, tar-Regolament RDK, prijorità ta’ investiment 9a.

³⁷ B’kunsiderazzjoni tal-Artikolu 88 tar-Regolament RDK.

³⁸ L-Artikolu 8(5)(a) tar-Regolament KTE.

³⁹ L-Artikolu 12(2) tar-Regolament KTE.

⁴⁰ L-Artikolu 12(2) tar-Regolament KTE.

⁴¹ L-Artikolu 8(2)(b) tar-Regolament KTE.

⁴² L-Artikolu 8(2)(b) tar-Regolament KTE.

⁴³ L-Anness tar-Regolament KTE.

⁴⁴ L-Artikolu 16(3) tar-Regolament KTE.

⁴⁵ Ir-Rapport Speċjali Nru 2/2017 tal-QEA, In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni, għall-perjodu 2014-2020: l-infiq qed ikun aktar immirat fuq il-prijoritajiet ta’ Ewropa 2000, iżda l-arranġamenti għall-kejl tal-prestazzjoni qed ikunu dejjem aktar kumplessi, rakkomandazzjoni 1, p. 79.

⁴⁶ Ir-Rapport Speċjali Nru 17/2018 tal-QEA, L-azzjonijiet tal-Kummissjoni u tal-Istati Membri fl-aħħar snin tal-programmi għall-perjodu 2007-2013 indirizzaw l-assorbiment baxx iżda ma kinux iffukati biżżejjed fuq ir-riżultati, il-paragrafu 84, p. 44.

⁴⁷ COM(2019) 21 final, “Report from the Commission on the implementation of EU macroregional strategies” (Rapport tal-Kummissjoni dwar l-implimentazzjoni ta’ strateġiji makroreġjonali tal-UE), tad-29.1.2019.

⁴⁸ Fil-bidu, konna qed nippjanaw li neżaminaw dan il-programm ta’ kooperazzjoni fuq il-post. Minflok, u minħabba r-restrizzjonijiet fuq l-ivvjaġġar tal-COVID-19, kellna nibdlu t-tip ta’ eżaminar għal analiżi estiża mhux fuq il-post.

Kronoloġija

Avveniment	Data
Il-Memorandum ta’ Ppjanar tal-Awditjar (APM) jiġi adottat / L-awditu jinbeda	25.9.2019
L-abbozz ta’ rapport jintbagħat uffiċjalment lill-Kummissjoni (jew lill-entità l-oħra awditjata)	26.3.2021
Ir-rapport finali jiġi adottat wara l-proċedura kontradittorja	19.5.2021
Ir-risposti uffiċjali tal-Kummissjoni (jew tal-entità l-oħra awditjata) jaslu bil-lingwi kollha	7.6.2021

Kuntatt

IL-QORTI EWROPEA TAL-AWDITURI
12, rue Alcide De Gasperi
1615 Luxembourg
LUXEMBOURG

Tel. +352 4398-1
Mistoqsijiet: eca.europa.eu/mt/Pages/ContactForm.aspx
Sit web: eca.europa.eu
Twitter: @EUAuditors

Ħafna informazzjoni addizzjonali dwar l-Unjoni Ewropea hija disponibbli fuq l-Internet.
Jista’ jsir aċċess għaliha permezz tas-server Europa (http://europa.eu).

Il-Lussemburgu: L-Uffiċċju tal-Pubblikazzjonijiet tal-Unjoni Ewropea, 2021

PDF	ISBN 978-92-847-6425-9	ISSN 1977-5741	doi:10.2865/970173	QJ-AB-21-016-MT-N
HTML	ISBN 978-92-847-6447-1	ISSN 1977-5741	doi:10.2865/728469	QJ-AB-21-016-MT-Q

DRITTIJIET TAL-AWTUR

© L-Unjoni Ewropea, 2021.

Il-politika tal-Qorti Ewropea tal-Awdituri (QEA) dwar l-użu mill-ġdid hija implimentata bid-Deċiżjoni Nru 6-2019 tal-Qorti Ewropea tal-Awdituri dwar il-politika tad-data miftuħa u l-użu mill-ġdid ta’ dokumenti.

Sakemm ma jkunx indikat mod ieħor (eż. f’avviżi individwali dwar id-drittijiet tal-awtur), il-kontenut tad-dokumenti tal-QEA, li huwa proprjetà tal-UE, huwa liċenzjat taħt il-liċenzja Creative Commons Attribution 4.0 International (CC BY 4.0). Dan ifisser li l-użu mill-ġdid huwa awtorizzat, dment li l-awturi jingħataw kreditu xieraq u li l-bidliet jiġu indikati. Il-persuni li jużaw mill-ġdid dan il-kontenut ma jistgħux ibiddlu s-sinifikat jew il-messaġġ oriġinali tad-dokumenti. Il-QEA ma għandhiex tkun responsabbli għal kwalunkwe konsegwenza relatata mal-użu mill-ġdid.

Inti meħtieġ tikseb drittijiet addizzjonali ċari jekk kontenut speċifiku juri individwi privati identifikabbli, eż. f’ritratti li jkun fihom il-membri tal-persunal tal-QEA, jew jekk ikun jinkludi xogħlijiet ta’ parti terza. Fejn ikun inkiseb permess, tali permess għandu jikkanċella u jissostitwixxi l-permess ġenerali msemmi hawn fuq u għandu jindika b’mod ċar kwalunkwe restrizzjoni dwar l-użu.

Biex tuża jew tirriproduċi kontenut li ma jkunx proprjetà tal-UE, inti jista’ jkun li jkollok titlob il-permess direttament mingħand id-detenturi tad-drittijiet tal-awtur.

Figura 5: Ikoni magħmulin minn Pixel perfect minn fuq https://flaticon.com.

Software jew dokumenti li jkunu koperti mid-drittijiet ta’ proprjetà industrijali, bħal privattivi, trademarks, disinji rreġistrati, logos u ismijiet, huma esklużi mill-politika tal-QEA dwar l-użu mill-ġdid u inti ma għandekx il-liċenzja biex tużahom.

Il-familja ta’ Siti Web istituzzjonali tal-Unjoni Ewropea, fi ħdan id-dominju europa.eu, tipprovdi links għal siti ta’ partijiet terzi. Peress li l-QEA ma għandha l-ebda kontroll fuqhom, inti mħeġġeġ biex tirrieżamina l-politiki tagħhom dwar il-privatezza u dwar id-drittijiet tal-awtur.

Użu tal-logo tal-Qorti Ewropea tal-Awdituri

Ma jistax isir użu mil-logo tal-Qorti Ewropea tal-Awdituri mingħajr ma jinkiseb il-kunsens tagħha minn qabel.

Kif tikkuntattja lill-UE

Personalment
Madwar l-Unjoni Ewropea kollha hemm mijiet ta’ ċentri ta’ informazzjoni tal-Europe Direct. Tista’ ssib l-indirizz tal-eqreb ċentru għalik f'dan is-sit: https://europa.eu/european-union/contact_mt

Bit-telefown jew bil-posta elettronika
Europe Direct huwa servizz li jwieġeb il-mistoqsijiet tiegħek dwar l-Unjoni Ewropea. Tista’ tikkuntattja dan is-servizz:

• bit-telefown bla ħlas: 00 800 6 7 8 9 10 11 (ċerti operaturi jafu jimponu ħlas għal dawn it-telefonati),
• fuq dan in-numru standard: +32 22999696, jew
• bil-posta elettronika permezz: https://europa.eu/european-union/contact_mt

Kif issib tagħrif dwar l-UE

Online
L-informazzjoni dwar l-Unjoni Ewropea bil-lingwi uffiċjali kollha tal-UE hija disponibbli fuq is-sit web Europa fuq: https://europa.eu/european-union/index_mt

Pubblikazzjonijiet tal-UE
Tista’ tniżżel mill-internet jew tordna l-pubblikazzjonijiet tal-UE, li xi wħud minnhom huma bla ħlas u xi oħrajn bil-ħlas, minn: https://op.europa.eu/mt/publications. Kopji multipli ta’ pubblikazzjonijiet bla ħlas tista’ tiksibhom billi tikkuntattja lil Europe Direct jew liċ-ċentru tal-informazzjoni lokali tiegħek (ara https://europa.eu/european-union/contact_mt).

Il-liġi tal-UE u dokumenti relatati
Għal aċċess għall-informazzjoni legali tal-UE, inkluż il-liġijiet kollha tal-UE mill-1952 ’l hawn, fil-verżjonijiet lingwistiċi uffiċjali kollha, żur is-sit EUR-Lex hawnhekk: http://eur-lex.europa.eu

Dejta Miftuħa mill-UE
Il-portal tad-Dejta Miftuħa mill-UE (https://copenhagenizeindex.eu/) jipprovdi aċċess għal settijiet tad-dejta mill-UE. Id-dejta tista’ titniżżel mill-internet u tintuża mill-ġdid bla ħlas, kemm għal skopijiet kummerċjali kif ukoll mhux kummerċjali.