Din id-dikjarazzjoni tapplika għall-kontenut ippubblikat fid-dominju: “https://op.europa.eu/webpub/com/short-guide-eu/mt/”

Ma tapplikax għal kontenut jew siti web oħrajn ippubblikati fis-sottodominji tiegħu. Dawn is-siti web u l-kontenut tagħhom se jkollhom id-dikjarazzjoni ta’ aċċessibbiltà speċifika tagħhom stess.

Dan is-sit web hu mmaniġġjat mid-DĠ COMM. Hu mfassal biex jintuża minn kemm jista’ jkun nies, inklużi persuni b’diżabbiltajiet.

Għandek tkun tista’:

• tkabbar sa 200% mingħajr problemi
• tuża l-biċċa l-kbira tas-sit web bil-keyboard biss
• tuża l-biċċa l-kbira tas-sit web b’apparat modern li jaqra dak li jkun hemm fuq l-iskrin u b’software li jirrikonoxxi d-diskors (fuq il-kompjuter jew il-mobile tiegħek)

Dan is-sit web tfassal biex jikkonforma mal-istandard tekniku għal siti web u apps tal-mobile, EN 301 549 v.3.2.1.Dan isegwi mill-qrib il-livell “AA” tal-verżjoni 2.1 tal-Linji Gwida għall-Aċċessibbiltà tal-Kontenut tal-Web (WCAG).

Status tal-konformità

Dan is-sit web hu parzjalment konformi mal-istandard tekniku EN 301 549 v.3.2.1 u l-Livell AA tal-Linji Gwida għall-Aċċessibbiltà tal-Kontenut tal-Web (WCAG) 2.1.

Tħejjija ta’ din id-dikjarazzjoni

Din id-dikjarazzjoni ġiet riveduta fid-19 ta’ Marzu 2025.

Id-dikjarazzjoni hi bbażata fuq analiżi ta’ kampjun rappreżentattiv tal-paġni web minn kuntrattur estern inkarigat mill-iżvilupp tas-sit web, bl-użu ta’ taħlita ta’ ttestjar manwali u awtomatizzat.

Kummenti b'reazzjoni

Nilqgħu l-feedback tiegħek dwar l-aċċessibbiltà tas-sit web “Gwida Qasira għall-UE”. Għarrafna jekk tiltaqa’ ma’ ostakli għall-aċċessibbiltà:

• Telefown: +32 2 299 11 11

• E-mail:

Nippruvaw inwieġbu l-feedback fi żmien 15-il jum ta’ xogħol minn dakinhar li jasal għand id-dipartiment responsabbli tal-Kummissjoni.

Kompatibbiltà ma’ browsers u teknoloġija assistiva

Is-sit web “Gwida Qasira għall-UE” hu ddiżinjat biex ikun kompatibbli mat-teknoloġiji assistivi li ġejjin li l-aktar li jintużaw:

• l-aħħar verżjoni tal-browsers Microsoft Edge, Google Chrome, Mozilla Firefox u Apple Safari;
• flimkien mal-aħħar verżjonijiet ta’ JAWS, NVDA, VoiceOver u TalkBack.

Speċifikazzjonijiet tekniċi

L-aċċessibbiltà tas-sit web “Gwida Qasira għall-UE” tiddependi fuq it-teknoloġiji li ġejjin biex taħdem bil-kombinament partikolari ta’ browser tal-internet u kwalunkwe teknoloġija assistiva jew plugin installati fuq il-kompjuter tiegħek:

• HTML
• WAI-ARIA
• CSS
• JavaScript