For a better user experience please update your browser or use Chrome or Firefox browser.
Verktyg
Publication detail
HomeKif tipprepara dossiers ta’ reġistrazzjoni li jkopru nanoforom
L-aqwa prattiki
Publikationens metadata
Dan id-dokument ġie żviluppat biex jingħata parir lil reġistranti li qed jippreparaw dossiers ta’ reġistrazzjoni li jkopru “nanoforom”. Il-pariri li jingħataw f'dan id-dokument huma għar-reġistranti, u jagħtu l-aħjar prattiki jew rakkomandazzjonijiet. Dawn l-aqwa prattiki jidentifikaw l-elementi li huma rakkomandati bħala minimi meta jiġu rreġistrati sustanzi li jissodisfaw ir-Rakkomandazzjoni tal-Kummissjoni għad-definizzjoni ta’ nanomaterjal. Dawn l-elementi huma meqjusa bħala importanti biex tinftiehem in-natura tas-sustanza li hi koperta mid-dossier ta’ reġistrazzjoni. L-għan ta’ dan id-dokument hu li jipprovdi kriterji biex issir distinzjoni bejn nanoforom differenti u li jagħti sett ta’ elementi rakkomandati li għandhom jiġu rrappurtati dwar il-karatterizzazzjoni tan-nanoforom. Il-perikli li jirriżultaw mill-forom kollha possibbli tas-sustanza koperti minn reġistrazzjoni, inklużi nanoforom, għandhom jiġu indirizzati mill-informazzjoni tossikoloġika u ekotossikoloġika mogħtija fid-dossier ta’ reġistrazzjoni. L-applikazzjoni ta’ dawn l-aqwa prattiki ser tiżgura rappurtar konsistenti fid-dossiers ta’ reġistrazzjoni u ser tagħmilha aktar faċli li r-reġistranti juru b’mod ċar li ssodisfaw l-obbligi tar-reġistrazzjoni tagħhom għal sustanzi li jissodisfaw id-definizzjoni tal-KE (minn hawn ‘il quddiem is-sustanzi li jissodisfaw id-definizzjoni ta’ nanomaterjal f'dan id-dokument jissejħu nanomaterjali). Dan id-dokument hu intiż sabiex jipprovdi pariri speċifiċi għal nanomaterjali u ma jipprekludix l-applikabbiltà tal-prinċipji ġenerali mogħtija fil-Gwida dwar ir-reġistrazzjoni [1] . Dan id-dokument m’għandux l-għan li jagħti pariri lil reġistranti potenzjali dwar kif jissodisfaw ir-rekwiżiti tal-informazzjoni tagħhom għas-sustanzi li qed jirreġistraw. Dan hu indirizzat f’materjal ieħor ta’ gwida (Ara Appendiċi għal nanomaterjali għall-Kapitoli R.6, R.7a, R.7b u R.7c għall-Gwida dwar IR&CSA [2], [3], [4], [5]).
- Utgiven:
- Författare: European Chemicals Agency (EU-organisation eller EU-byrå)
- Ämnen: Kemisk industri
- Ämne: administrativa formaliteter , datakommunikation , dokumentregistrering , handbok , kemikalier , kemisk industri , nanoteknik
|
PDF
|
|||
| ISSN | ISBN 978-92-9495-887-7 | DOI 10.2823/26033 | Katalognummer ED-02-17-415-MT-N |
- Released on EU publications website:
Läsa ett dokument
Note:
Publikationen kan inte visas här. Gå till webbversionen
Här får du tillgång till publikationen: Hämta och språk