For a better user experience please update your browser or use Chrome or Firefox browser.
Áirgiúlachtaí
Publication detail
HomeGwida dwar ir-rekwiżiti għal sustanzi f’oġġetti
An t-eagrán is déanaí
Meiteashonraí an fhoilseacháin
Dan id-dokument ta’ gwida hu parti minn sensiela ta’ dokumenti ta’ gwida li għandhom l-għan li jgħinu lil partijiet interessati jħejju ruħhom biex iwettqu l-obbligi tagħhom skont ir-Regolament REACH. Dawn id-dokumenti jkopru gwida dettaljata dwar firxa ta’ proċessi essenzjali REACH kif ukoll għal xi metodi speċifiċi xjentifiċi u/jew tekniċi li l-industrija jew l-awtoritajiet jeħtieġu li jużaw taħt REACH. L-ewwel verżjoni ta’ dan id-dokument ta’ gwida kienet abbozz li kien diskuss fil-Proġett ta’ Implimentazzjoni ta’ REACH (RIP) immexxi mis-servizzi tal-Kummissjoni Ewropea, li kien jinvolvi lill-partijiet interessati kollha: L-Istati Membri, l-industrija u organizzazzjonijiet nongovernattivi. Meta jkun hemm bżonn, l-Aġenzija Ewropea għas-Sustanzi Kimiċi (ECHA) taġġorna dan id-dokument u dokumenti oħra ta’ gwida billi ssegwi l-Proċedura ta’ konsultazzjoni għal gwida. Dawn id-dokumenti ta’ gwida jistgħu jinkisbu permezz tas-sit web ta’ ECHA. Is-sentenza tal-Qorti tal-Ġustizzja tal-Unjoni Ewropea tal-10 ta’ Settembru 2015 fil-kawża C-106/14 iċċarat il-kamp ta’ applikazzjoni tal-obbligi ta’ notifika u ta’ komunikazzjoni skont l-Artikoli 7(2) u 33 tar-REACH, li japplikaw ukoll għal oġġetti li huma preżenti fi prodotti kumplessi (jiġifieri prodotti magħmula minn iktar minn oġġett wieħed) dment li dawn l-oġġetti jżommu forma, superfiċje jew disinn u ma jsirux skart. Skont is-sentenza tal-Qorti: 1. L-Artikolu 7(2) tar-Regolament REACH irid jiġi interpretat li jfisser li, għall-finijiet tal-applikazzjoni ta’ dik id-dispożizzjoni, hu f’idejn il-produttur li jiddetermina jekk sustanza ta’ tħassib serju ħafna mil-Lista ta’ Kandidati hix preżenti f’konċentrazzjoni ogħla minn 0.1% piż skont il-piż ta’ kwalunkwe oġġett li jipproduċi u, għall-importatur ta’ prodott magħmul minn iktar minn oġġett wieħed, li jiddetermina għal kull oġġett jekk tali sustanza hijiex preżenti f’konċentrazzjoni ogħla minn 0.1% piż skont il-piż ta’ dak l-oġġett. 2. L-Artikolu 33 tar-Regolament REACH irid jiġi interpretat li jfisser li, għall-finijiet tal-applikazzjoni ta’ dik id-dispożizzjoni, hu f’idejn il-fornitur ta’ prodott li oġġett kostitwenti wieħed jew iktar minnu fih(om) sustanza ta’ tħassib serju ħafna mil-Lista ta’ Kandidati f’konċentrazzjoni ogħla minn 0.1% piż skont il-piż ta’ dak l-oġġett, li jinforma lir-riċevitur u, fuq talba, lill-konsumatur, dwar il-preżenza ta’ dik is-sustanza billi jipprovdilhom, bħala minimu, l-isem tas-sustanza inkwistjoni. Wara s-sentenza, l-ECHA nediet proċedura ta’ aġġornament rapidu u ppubblikat Verżjoni aġġornata 3.0 ta’ dan id-dokument ta’ gwida f’Diċembru tal-2015, wara li kkoreġiet is-siltiet ewlenin tal-gwida li ma baqgħux konsistenti mal-konklużjonijiet tas-sentenza tal-qorti, u b’mod partikolari billi neħħiet eżempji. Din il-Verżjoni 4.0 hi aġġornament iktar komprensiv tal-gwida, wara proċess ta’ konsultazzjoni ta’ gwida normali bi tliet stadji, inkluża konsultazzjoni tal-Grupp ta’ Esperti Sħab (PEG) magħżul mill-partijiet ikkonċernati akkreditati tal-ECHA. Din il-verżjoni għandha primarjament l-għan li tallinja iktar it-test tal-gwida u tintroduċi eżempji ġodda li huma konsistenti mal-konklużjonijiet tas-sentenza tal-Qorti.
- Dáta foilsithe:
- Údar corparáideach/údair chorparáideacha: European Chemicals Agency (Comhlacht nó gníomhaireacht de chuid an AE)
- Téamaí: Sláinte phoiblí , Tionscal na gceimiceán
- Ábhar: ceimic , foirmiúlachtaí riaracháin , sláinte phoiblí , substaint chontúirteach , taighde eolaíoch , treoir d'úsáideoirí , táirge ceimiceach
|
PDF
|
|||
| ISSN | ISBN 978-92-9020-023-9 | DOI 10.2823/36404 | Uimhir chatalóige ED-02-17-733-MT-N |
- Released on EU publications website:
Amharcóir doiciméad
Note:
Ní féidir an foilseachán a thaispeáint san amharcóir doiciméad. Oscail leagan gréasáin
Féadfaidh tú é a rochtain ó: Íoslódáil agus teangacha