For a better user experience please update your browser or use Chrome or Firefox browser.
Помощни инструменти
Publication detail
HomeIs-saħħa u s-sikurezza fuq ix-xogħol jolqtu lil kulħadd
Gwida prattika għal min iħaddem
Метаданни за публикацията
Bi pjaċir qed nippreżenta din il-gwida prattika biex tgħinkom, bħala impjegaturi, fil-ġestjoni b’suċċess tas-saħħa u s-sikurezza okkupazzjonali (OSH) f’konformità mal-liġi tal-UE. Miżuri effikaċi għas-saħħa u s-sikurezza tabilħaqq jagħmlu sens. Sew jekk inti responsabbli minn kumpanija multinazzjonali kif ukoll jekk inti sid ta’ mikrointrapriża, inqas aċċidenti fuq ix-xogħol u inqas mard jissarrfu f’riżultati aħjar għall-kumpanija tiegħek. Postijiet tax-xogħol ħielsa mill-periklu u sikuri jżidu l-motivazzjoni u l-impenn tal-persunal. Il-ksib ta’ riżultati tajbin fil-qasam tas-saħħa u s-sikurezza hu vetrina mill-isbaħ għall-kumpanija tiegħek, u dan jista’ jgħin biex jattira talent ġdid, klijenti u investituri. Permezz tal-evalwazzjoni reċenti tal-leġiżlazzjoni tal-UE dwar is-saħħa u s-sikurezza okkupazzjonali, aħna tgħallimna li b’xorti ħażina l-implimentazzjoni tal-liġi mhux dejjem taħdem fil-prattika. Ħafna aktar aċċidenti u mard jistgħu jiġu evitati f’kumpaniji Ewropej. Fl-2013 biss, kien hemm mill-inqas 300 miljun jum ta’ xogħol li ntilfu minħabba aċċidenti fuq ix-xogħol u problemi ta’ saħħa marbuta max-xogħol. Dan mhux minħabba nuqqas ta’ rieda tajba min-naħa tal-impjegaturi. Minflok, l-evalwazzjoni urietna l-ħtieġa għal aktar informazzjoni u informazzjoni aħjar kif ukoll għal aktar għodod u għodod aħjar biex nappoġġaw l-implimentazzjoni effettiva tar-regoli dwar is-saħħa u s-sikurezza okkupazzjonali f’kull kumpanija Ewropea — kemm jekk kbira kif ukoll jekk żgħira. L-aħbar it-tajba hi li l-ġestjoni tas-saħħa u s-sikurezza okkupazzjonali ma hemmx għalfejn tkun kumplessa! Miżuri sempliċi ħafna drabi jistgħu jtejbu bil-kbir is-saħħa u s-sikurezza fuq ix-xogħol. Barra minn hekk, ħafna drabi ma hemmx bżonn ta’ għarfien espert speċjali biex tkun tista’ tidentifika r-riskji potenzjali u tieħu deċiżjoni dwar kif għandhom jiġu indirizzati. Is-sens komun normalment ikun biżżejjed. F’dan id-dokument se ssib ħafna suġġerimenti sempliċi u konkreti biex jgħinuk fl-applikazzjoni prattika tal-obbligi fil-qasam tas-saħħa u s-sikurezza okkupazzjonali. Id-dokument jindirizza kwistjonijiet bħal kif wieħed jista’ jikseb l-aħjar riżultat mill-valutazzjonijiet obbligatorji tar-riskji, mill-miżuri ta’ prevenzjoni u ta’ protezzjoni u mit-taħriġ. Jipprovdi eżempji u illustrazzjonijiet kif ukoll links ta’ għajnuna, bħal pereżempju l-għodda għall-Valutazzjoni tar-Riskji Interattiva Online (OiRA) ipprovduta mill-Aġenzija Ewropea għas-Sigurtà u s-Saħħa fuq il-Post tax-Xogħol f’Bilbao, Spanja. F’ħafna każijiet, valutazzjoni tar-riskji ġġenerata permezz tal-OiRA jew permezz ta’ għodod diġitali ekwivalenti tista’ tkun biżżejjed sabiex tintlaħaq il-konformità mal-obbligu tal-valutazzjoni tar-riskji. Aħna lkoll nikkondividu l-istess interess: is-saħħa u s-sikurezza fuq ix-xogħol tabilħaqq jolqtu lil kulħadd! Nittama li ssib din il-gwida prattika utli. — Marianne Thyssen, Il-Kummissarju Ewropew għall-Impjiegi, l-Affarijiet Soċjali, il-Ħiliet u l-Mobilità tal-Ħaddiema
- Публикувано:
- Тема: защита на трудово здраве , право на ЕС , профилактика , работодател , стандарт за безопасност , трудова безопасност
|
PDF
|
|||
| ISSN | ISBN 978-92-79-65236-3 | DOI 10.2767/92993 | Каталожен номер KE-05-16-096-MT-N |
|
Печатна версия
|
|||
| ISSN | ISBN 978-92-79-65208-0 | DOI 10.2767/76339 | Каталожен номер KE-05-16-096-MT-C |
- Released on EU publications website:
Тази публикация е достъпна за изтегляне в уеб формат (PDF) и във формат с качество за печат (PDF/X). За повече информация за това как да разпечатате вашето собствено копие на публикациите на ЕС, моля, вижте нашия раздел „Често задавани въпроси“.
Визуализатор
Note:
Публикацията не може да бъде показана във визуализатора на документи. Отваряне на уеб версията
За достъп до публикацията използвайте бутон „Изтегляне и езикови версии“.