ĦEJJI RUĦEK!
Bdiet il-countdown għall-elezzjonijiet Ewropej tal-2024
INTI tista’ tgħin fit-tiswir tal-Ewropa li tixtieq!
Semma’ leħnek
Bdiet il-countdown għall-elezzjonijiet Ewropej tal-2024
INTI tista’ tgħin fit-tiswir tal-Ewropa li tixtieq!
Semma’ leħnek
L-elezzjonijiet Ewropej li jmiss se jsiru bejn is-6 u d-9
ta’ Ġunju 2024.
Niżżel din id-data
fil-kalendarju tiegħek!
Għalfejn għandek tivvota?
Għax tista’ tagħżel min jieħu d-deċiżjonijiet dwar kwistjonijiet importanti li jikkonċernawk — bħat-tibdil fil-klima, l-impjiegi u l-protezzjoni tad-drittijiet u l-libertajiet tiegħek.
Jimpurtak mid-demokrazija? Ingħaqad
ma’ flimkien.eu!
Fil-biċċa l-kbira tal-pajjiżi tal-UE jrid ikollok 18-il sena biex tivvota, iżda jekk tgħix l-Awstrija, il-Belġju, il-Ġermanja jew Malta, l-età biex tivvota hija ta’ 16-il sena — filwaqt li fil-Greċja, 17.
Jekk ismek ikun imniżżel fir-reġistru elettorali tal-Belġju, tal-Bulgarija, tal-Greċja jew tal-Lussemburgu l-votazzjoni hi obbligatorja.
Jekk tgħix f’pajjiż tal-UE li mhuwiex il-pajjiż tal-oriġini tiegħek, fil-biċċa l-kbira tal-każijiet tkun tista’ tagħżel f’liema wieħed minnhom tivvota.
Tgħallem dwar id-drittijiet tal-vot tiegħek
fuq elections.europa.eu/mt.
Il-kandidat li tixtieq jirrappreżentak fil-Parlament Ewropew.
Il-Membri tal-Parlament Ewropew (MEPs) jiddefendu l-interessi tiegħek meta jfasslu l-liġijiet tal-UE flimkien mal-istituzzjonijiet l-oħra tal-UE.
Hemm ħafna modi oħra kif INTI tista’ tagħmel differenza.
Ipparteċipa fid-dibattiti
Iż-żgħażagħ jiffurmaw terz tal-panels taċ-ċittadini Ewropej, li jistgħu jagħmlu rakkomandazzjonijiet lill-UE rigward azzjoni li għandha tieħu dwar kwistjonijiet importanti.
Tista’ wkoll taqsam l-opinjoni u l-ideat tiegħek dwar liġijiet ġodda li jħallu impatt fuq iż-żgħażagħ u jtejbu l-liġijiet eżistenti fuq is-sit web “Semma’ leħnek”.
Titlifx il-Ġimgħa Ewropea taż-Żgħażagħ li jmiss fir-rebbiegħa tal-2024 u ara x’avvenimenti lokali taż-żgħażagħ se jkun hemm.
Bis-saħħa tad-Djalogu tal-UE maż-Żgħażagħ inti tista’ tgħin biex tagħti spinta lill-11-il għan Ewropew dwar iż-żgħażagħ li tfasslu minn aktar minn 50 000 żagħżugħ u żagħżugħa. Wieħed mill-eħfef modi biex tinvolvi ruħek hu permezz tal-grupp ta’ ħidma nazzjonali ta’ pajjiżek.
L-Inizjattiva taċ-Ċittadini Ewropej hi ċ-ċans tiegħek li toħlom kemm tiflaħ. Iġbor miljun firma, u l-proposta tiegħek għal xi liġi ġdida tista’ ssir realtà! Anki jekk ma tilħaqx il-miljun, l-idea tiegħek xorta tista’ tinfluwenza lil dawk li jfasslu l-politika.
L-età minima biex tappoġġa inizjattiva tvarja minn 16 sa 18-il sena skont il-pajjiż.
Jekk tixtieq li jkollok influwenza saħansitra aktar diretta fuq id-deċiżjonijiet tal-UE, għaliex ma toħroġx għall-elezzjoni inti stess?
L-età minima biex toħroġ bħala kandidat fl-elezzjonijiet bħalissa tvarja minn 18 sa 25 sena skont il-pajjiż.
L-iżgħar persuna li qatt ġiet eletta MEP kellha 21 meta telgħet.