Réigiúin

Is é beartas réigiúnach an Aontais Eorpaigh, ar a dtugtar ‘beartas comhtháthaithe’ chomh maith, an beartas darb aidhm feabhas a chur ar dhea-bhail eacnamaíoch na réigiún san Aontas agus ar laghdú a dhéanamh ar éagothromaíochtaí réigiúnacha. Tá sé dírithe ar réigiúin agus ar chathracha uile an Aontais agus tá bearta ann chun borradh a chur faoin bhforbairt inbhuanaithe, faoin bhfás eacnamaíoch agus faoi phoist, agus chun feabhas a chur ar cháilíocht na beatha trí infheistíocht straitéiseach. I measc nithe eile is foirm ghníomhach dlúthpháirtíochta den Aontas é, agus a bhuí leis sin, is féidir le daoine i réigiúin bheagfhorbartha na deiseanna a thapú arna gcruthú ag an margadh is mó ar domhan.