Efnisyfirlit

1. Safety Gate-hraðviðvörunarkerfi: Hvernig virkar það?

  • Farið eftir reglugerðinni um öryggi vöru (GPSR) sem kveður á um að allar vörur sem settar eru á evrópskan markað eigi að vera öruggar.
  • Landsyfirvöld bera ábyrgð á markaðseftirliti í öllu Evrópubandalaginu og lönd innan EES taka þátt.
  • Kerfið er virkt sjö daga vikunnar allan ársins hring.
  • Samantektir viðvarana eru birtar á Safety Gate-gáttinni og eru upplýsingar sjálfkrafa fáanlegar á 28 tungumálum.

Lærðu meira um hvernig þetta virkar

Inniheldur

Neysluvörur og vörur til faglegrar notkunar.

Inniheldur ekki

Lyf, lækningatæki, matvæli og dýrafóður (sem hafa aðskilin viðvörunarkerfi).

How it works
Hætta greind
Landsyfirvald sem ber ábyrgð á markaðseftirliti greinir hættulega vöru á innlendum markaði.
Tilkynning
Landsyfirvald tilkynnir á Safety Gate um þær ráðstafanir sem hafa verið gerðar varðandi hættulegu vöruna.
Miðlun upplýsinga
Framkvæmdastjórn ESB kannar og dreifir upplýsingunum í hraðviðvörunarkerfi Safety Gate.
Eftirfylgnisaðgerðir
Birting í Safety Gate-gáttinni
Framkvæmdastjórn ESB birtir upplýsingar svo þær séu aðgengilegar almenningi.

Safety Gate-hraðviðvörunarkerfi: Hvernig virkar það?

Safety Gate-hraðviðvörunarkerfið starfar í samræmi við reglugerðina um öryggi vöru (GPSR) sem kveður á um að allar vörur sem settar eru á evrópskan markað eigi að vera öruggar. Safety Gate-hraðviðvörunarkerfið er mikilvæg stoð til að ná því markmiði.

Hraðviðvörunarkerfið fyrir hættulegar vörur sem ekki eru matvæli var upphaflega búið til út frá almennu tilskipuninni um vöruöryggi sem var samþykkt 2001. Frá árinu 2003 hafa landsyfirvöld í öllu Evrópubandalaginu og í EES-löndum tekið þátt í kerfinu. GPSR-reglugerðin krefst þess að aðildarríki setji inn upplýsingar í Safety Gate-hraðviðvörunarkerfið um þær ráðstafanir sem hafa verið gerðar gagnvart hættulegum vörum sem fundist hafa á innlendum mörkuðum sem fela í sér alvarlega áhættu. Einnig að þau tilkynni um eftirfylgnisaðgerðir eða frekari niðurstöður rannsókna. Aðildarríki geta einnig upplýst í kerfinu um leiðréttingaraðgerðir í tengslum við vörur sem bera með sér minni alvarlega áhættu.

Landsyfirvöld geta sett inn viðvaranir sjö daga vikunnar allan ársins hring og er upplýsingunum dreift sjálfkrafa til allra landsyfirvalda þátttökulandanna. Samantekin útgáfa af viðvörunum er birt á Safety Gate-gáttinni til að upplýsingar verði fljótt aðgengilegar almenningi og vélþýddar sjálfkrafa úr ensku á öll tungumál landanna sem taka þátt í skipti á upplýsingum, auk arabísku og úkraínsku.

Hvert landsyfirvald mun svo kanna á sínum innlendu mörkuðum hvort varan er fáanleg þar til sölu (í hefðbundnum verslunum eða á netinu) og ef svo er, gera frekari ráðstafanir í sínu eigin landi.

Safety Gate-hraðviðvörunarkerfinu er stýrt af framkvæmdastjórn ESB. Landsyfirvöld geta hvenær sem er beðið um uppfærslur á þeim upplýsingum sem þau hafa sett í kerfið. Það getur verið um að ræða breytingu á lýsingu á áhættu vöru eða afturköllun viðvörunar. Aðeins landsyfirvöld geta krafist þessara breytinga.

Safety Gate-hraðviðvörunarkerfið er hornsteinn að vernd neytenda gagnvart hættulegum vörum og stuðlar að skjótri afturköllun vara af ESB-markaði.

Til að auka getu landsyfirvalda til að rekja og sýsla með hættulegar vörur með árangursríkari hætti, til að veita skilvirkar upplýsingar um hættulegar vörur til neytenda og til að auðvelda viðskiptaaðilum að tilkynna hættulegar vörur, hefur framkvæmdastjórnin skipt Safety Gate upp í þrjá samtengda þætti:

Þar að auki eru sérstakar samvirknislausnir notaðar til að tryggja að allir hlutar kerfisins eigi í snurðulausum samskiptum og geti skipts á upplýsingum. Landsyfirvöld geta bæði tekið út og sett inn gögn beint á Safety Gate-gáttina en netmarkaðir, fyrirtæki, alþjóðlegir samstarfsaðilar og neytendur geta auðveldlega gengið að birtum viðvörunum og tekið inn upplýsingar yfir í sín eigin kerfi. Þetta sameiginlega kerfi styrkir sameiginlega getu til að greina, tilkynna, rekja og fjarlægja óöruggar vörur af markaði á árangursríkari hátt.

Til að styðja markaðseftirlitsyfirvöld landa í viðleitni þeirra til að rekja hættulegar vörur áður en þær skaða neytendur eru eftirtaldir hlutar einnig aðgengilegir í tengslum við Safety Gate-gáttina:

2. Niðurstöður Safety Gate: almennt yfirlit

Stutt yfirlit yfir heildartölur viðvarana og staðfestra eftirfylgnisaðgerða árið 2025:

4671

Viðvörunartilkynning um hættulegar vörur og ráðstafanir gerðar varðandi þær

Frekari upplýsingar um Safety Gate viðvaranir Farðu í kafla Safety Gate 2025 niðurstöður í smáatriðum

Lærðu meira varðandi staðfestar eftirfylgnisaðgerðir árið 2025

Smelltu á kortið til að sjá fjölda viðavarana og staðfestra eftirfylgnisaðgerða í Safety Gate-gáttinni eftir löndum árin 2024 og 2025.

Flytja út gögn í töflureikni

3. Niðurstöður Safety Gate 2025 í smáatriðum

Mynd 1: Fjöldi staðfestra viðvarana í Safety Gate frá 2023 til 2025

Fjöldi staðfestra viðvarana í Safety Gate frá 2023 til 2025

Frá þeim tíma sem skipti á upplýsingum hófst árið 2003 hefur fjöldi viðvarana farið í hækkandi línu upp á við. Það orsakaðist af nokkrum breytum samfara þróun innri markaðarins, svo sem inntöku nýrra aðildarríkja innan Evrópubandalagsins og þar af leiðandi varð aukning í hraðviðvörunarkerfinu. Samt sem áður er stöðug aukning viðvörunartilfella aðallega tilkomin vegna öflugri framkvæmdaraðgerða staðbundinna markaðseftirlitsyfirvalda, sem leiðir til virkari skipta á upplýsingum um hættulegar vörur. Jafnvel meðan á COVID-faraldrinum stóð voru landsyfirvöld áfram með virkar eftirlitsaðgerðir til að takast á við áskoranirnar. Ennfremur, hefur framkvæmdastjórn ESB hlustað eftir þörfum þeirra sem nota kerfið um að gera það notandavænna og tæknilega afkastameira.

Bara á árinu 2025 var 4671 viðvörun staðfest í Safety Gate. Það þýðir um 100 viðvaranir á viku að meðaltali. Í þessum heildarfjölda má finna 420 viðvaranir yfirvalds í stöðu fulltrúa Bretlands á Norður-Írlandi og sem tók þátt í Safety Gate-hraðviðvörunarkerfinu árið 2025.

Mynd 2: Þrír algengustu vöruflokkarnir sem tilkynntir voru í Safety Gate árið 2025 eftir tilkynningarlandi (%)

Þrír algengustu vöruflokkar sem tilkynntir voru í Safety Gate árið 2025

Ef viðvaranirnar eru skoðaðar betur, sérstaklega með tilliti til vöruflokka hættulegra vara sem tilkynntir voru 2025, má sjá að vöruflokkurinn 'Snyrtivörur' er algengasti vöruflokkurinn sem tilkynntur er á Safety Gate þriðja árið í röð og felur í sér um þriðjung staðfestra viðvarana ár hvert.

Annar og þriðji algengustu vöruflokkarnir sem tilkynntir voru árið 2025, eru 'Leikföng' og 'Rafmagnstæki og búnaður'.

  • 36% Snyrtivörur
  • 16% Leikföng
  • 11% Rafföng og rafmagnstaeki

Þrjár algengustu tegundir áhættu sem tilkynntar voru í Safety Gate árið 2025

Þrjár algengustu tegundir áhættu sem tilkynntar voru, bornar saman við heildarfjölda staðfestra viðvarana í Safety Gate árið 2025

  • 53% Efnaáhætta
  • 14% Meiðsli
  • 9% Köfnun

Lærðu meira um mest tilkynntu áhættutegundirnar

Tegundir áhættu tilkynntar árið 2025

Hættulegu vörunum sem tilkynntar eru á Safety Gate geta fylgt áhættur sem ógna heilsu og öryggi manna. Meðal annars má nefna köfnun, kyrkingu, skaða á heyrn og sjón og hættur af völdum efna. Kerfið býður líka upp á viðvaranir sem greina frá ráðstöfunum gerðum vegna vara sem bera með sér öryggisáhættu, rafsegulstruflanir, áhættu gagnvart umhverfi eða annarra almannahagsmuna.

Hættur gagnvart heilsu og öryggi manna snúast ekki eingöngu um líkamlega heilsu, heldur einnig um andlega heilsu.

Á árinu 2025 var efnahætta algengasti áhættuflokkurinn í Safety Gate og endurspeglaði einnig hátt hlutfall viðvarana gagnvart snyrtivörum. Stórt hlutfall viðvarana sem bentu til efnahættu í snyrtivörum (77%) greindu frá að hættan stafaði af 2-(4-tert-bútýlbensýl)própionaldhýð (BMHCA, einnig þekkt sem „Lilial“), tilbúnu ilmefni sem notað er víða í ýmsum tegundum snyrtivara). BMHCA getur skaðað æxlunarkerfið og orsakað húðnæmingu og hefur verið bannað síðan í mars 2022. Vegna áhyggna um öryggi sem tengjast þessu efni, nær bannið ekki aðeins til snyrtivara sem komu á EBS-markaðinn eftir þessa dagsetningu, heldur einnig til markaðssettra snyrtivara fyrir þá dagsetningu.

Landsyfirvöld hafa einnig byrjað að tilkynna naglalökk sem innihalda dífenýl(2,4,6-trímetýlbensóýl)fosfínoxíð (TPO), stuttu eftir að það var bannað í snyrtivörum í september 2025. Þetta er sterk vísbending um hversu árvökul landsyfirvöld eru gagnvart nýjum takmörkunum á efnum og bregðast fljótt við eftir samþykkt löggjafar um að taka þá af markaði og lágmarka áhætturnar gagnvart neytendum. TPO getur skaðað æxlunarkerfið, skaðað heilsu ófædds barns og getur orsakað ofnæmisviðbrögð í húð.

Önnur hættuleg efni voru einnig greind í leikföngum og rafmagnstækjum. Oft má enn greina þalöt í plastleikföngum og öðrum vörum ætluð börnum. Þalöt geta haft áhrif á heilsuna með því að skaða æxlunarkerfið. Blý finnst oft í lóðmálmum og stuttkeðjuklóruð paraffín (SCCP) í köplum. Þessi efni skapa ekki einungis hættu gagnvart heilsu manna, heldur einnig gagnvart umhverfinu þar sem þau eru eitruð vatnalífverum við lágan styrk og safnast fyrir í dýrum og mönnum.

Áhætta tengd meiðslum almennt var líka mjög algeng í staðfestum viðvörunum á árinu 2025. Það var allt frá slysum af völdum rafknúinna ökutækja til barnavara eða leikfanga sem ekki voru nógu örugg til að vernda börn frá því að detta eða meiða sig.

Sérstök skaðleg efni í snyrtivörum:

  • BMHCA (Lilial)
    1278 viðvaranir árið 2025
  • TPO
    60 viðvaranir síðan það var bannað í september 2025

Hætta á köfnun spannaði einnig stóran hluta viðvarana í Safety Gate. Hættan snéri aðallega að litlum börnum vegna smárra hluta í leikföngum eða fatnaði, svo sem litlum hlutum, tölum og skrauti. Þar sem lítil börn hafa tilhneigingu til að setja hluti upp í sig geta þau kyngt smáum hlutum og kafnað. Í þeim tilfellum þar sem þessir smáu hlutir eru litlar rafhlöður eða hnapparafhlöður, þá getur það orðið banvænt vegna efnaviðbragða sem koma fram þegar rafhlöður eru í meltingarveginum.

Mynd 3: Þrjár algengustu tegundir áhættu (%) sem tilkynntar voru í Safety Gate árið 2025 eftir tilkynningarlandi (%)

Athugasemd Landsyfirvöld sem bera ábyrgð á markaðseftirliti skipuleggja söfnun og prófun vara. Prófanirnar geta leitt í ljós að hættulegri vöru fylgir ein eða fleiri áhættur. Prósentutölurnar sem birtar eru hér, vísa til hluta hverrar áhættutegundar samanborið við heildarfjölda staðfestra viðvarana frá viðkomandi landi. Það er því mögulegt að prósentutölurnar þrjár, þegar samantaldar frá einu landi, teljast meira en 100%.

4. Önnur framtaksverkefni varðandi vöruöryggisstefnu ESB

Alþjóðlegt samstarf

Alþjóðlegt samstarf

Á hnattvæddum og samtengdum markaði er alþjóðlegt samstarf nauðsynlegt til að tryggja að vörur sem eru á markaði séu öruggar og neytendur séu verndaðir óháð staðsetningu þeirra eða af hverjum þeir kaupa.

Frá árinu 2006 hefur framkvæmdastjórnin verið í nánu samstarfi við viðeigandi kínversk yfirvöld sem bera ábyrgð á vöruöryggi. Þökk sé sérstöku viðmóti á Safety Gate sem gerir ákveðin skipti á upplýsingum möguleg, fylgjast kínversk yfirvöld með tilfellum af hættulegum vörum af kínverskum uppruna á Safety Gage og gera svo framkvæmdastjórninni ársfjórðungslega grein fyrir þeim aðgerðum sem gripið hefur verið til. Að auki, hefur aðgerðaráætlun um öryggi vara sem seldar eru á netinu verið undirrituð í september 2023 af framkvæmdastjórninni og kínverskum yfirvöldum, sem styttir tilkynningarfrest vegna hættulegra vara seldum á netinu niður í 21 dag.

Allir framleiðendur sem óska eftir að flytja vörur sínar út til ESB verða að fylgja þeirri almennu skyldu að bjóða aðeins upp á öruggar vörur á Evrópumarkaði, hvort sem er á netinu eða í raunheimum. Ennfremur, samkvæmt GPSR-reglugerðinni og reglugerðinni um markaðseftirlit, þarf meirihluti varana að hafa skýrar upplýsingar um hver er ábyrgðaraðili vörunnar innan ESB og hvernig hægt er að hafa samband.

Opna í nýjum flipa.SPEAC-verkefnið, sem styrkt er af ESB, hefur verið í gangi síðan 2019 og er ætlað að vekja kínverska viðskiptaaðila til vitundar um vöruöryggiskröfur ESB og bjóða upp á alhliða þjálfun.

Framkvæmdastjórn ESB er einnig í nánu samstarfi við Health Canada, byggt á alhliða efnahags- og viðskiptasamningi ESB og Kanada (CETA). Auk reglulegra skipta á upplýsingum milli Safety Gate og kanadíska RADAR-gagngrunnsins, hafa báðir aðilar skipts á reynslu og bestu starfsvenjum varðandi eftirlit netmarkaða og haft samstarf varðandi vitundarvakningarverkefni. Á hverju ári, skipuleggja framkvæmdastjórn ESB og Health Canada sameiginlega herferð á samfélagsmiðlum til að vekja neytendur til vitundar um hvernig skuli forðast að kaupa hættulega vöru á netinu.

Á fjölþjóðlegum vettvangi tekur framkvæmdastjórn Evrópubandalagsins virkan þátt í starfi OECD-vinnuhópsins um öryggi neysluvara. Safety Gate-gögn eru sett inn í OECD-gáttina um hnattræna innköllun sem safnar upplýsingum um leiðréttingarráðstafanir gagnvart hættulegum vörum, meðal annars innkallanir vara sem birtar eru á heimsvísu.

Sjónrænt fyrir upplýsingaherferð Hvaðan kemur nýja förðunin þín? Framkvæmdastjórn Evrópusambandsins - Kanada

Árið 2025 tók framkvæmdastjórn Evrópubandalagsins virkan þátt í þróun Opna í nýjum flipa.meginreglna Sameinuðu þjóðanna um öryggi neysluvara og studdi samþykkt þeirra. Í desember 2025 samþykkti allsherjarþing Sameinuðu þjóðanna tímamótaályktun um að setja saman fyrstu meginreglur Sameinuðu þjóðanna um öryggi neysluvara. Framkvæmdastjórn ESB er í samstarfi við UNCTAD um að búa til Handbók um öryggi neysluvara, hagnýtt leiðbeiningarit ætlað stjórnmálamönnum og eftirlitsmönnum til að hjálpa þeim að styrkja innlenda ramma og samræma sig við bestu starfsvenjur á alþjóðavettvangi, sérstaklega í þróunarlöndum.

Almenna reglugerðin um vöruöryggi - ný hlutverk og ábyrgð

GPSR setur meðal annars fram:

  • Strangari reglur um vöru- og framleiðandaauðkenningu (bæði efnislegar merkingar og kröfur um upplýsingar í netverslun og fjarsölu);
  • Sérstakar reglur fyrir þjónustuaðila netmarkaða og fjarsölu;
  • Skyldubundið samstarf netmarkaða við landsyfirvöld til að fjarlægja óöruggar vörur fljótt, til að bæta tilkynninga- og fjarlægingarkerfi og varðandi hönnun vefsíðna með tilliti til birtingar nauðsynlegra upplýsinga um vöruöryggi og rekjanleika vöru;
  • Skýringar varðandi öryggisþætti nýrra tæknilegra vara og þær áhættur sem kunna að fylgja, þar með talið hættur sem hafa áhrif á andlega heilsu;
  • Nýtt Opna í nýjum flipa.innköllunarform og reglur til að bæta skil á hættulegum vörum frá neytendum;
  • Nýtt tól, Consumer Safety Gateway-gáttin, þar sem neytendur geta sjálfir tilkynnt um hættulegar vörur til viðeigandi markaðseftirlitsyfirvalda;

Sett af leiðbeiningartólum er aðgengilegt á Safety Gate-gáttinni, raðað eftir viðfangsefnum tengt annars vegar þeim sem hafa áhuga á að selja vörur sínar innan ESB og þeim sem vilja kaupa.

Nákvæm leiðbeiningarskjöl um nýju reglurnar eru einnig fáanleg, meðal annars Opna í nýjum flipa.GPSR-leiðbeiningar fyrir viðskiptaaðila.

Með vaxandi kaupum á netinu er mikilvægt að sameina öll aðgengileg tól til að rekja hættulegar vörur til sölu á netinu. Framkvæmdastjórnin hvetur staðbundin markaðseftirlitsyfirvöld stöðugt til að takast á við áskoranir vegna netsölu og til að auka getu sína til að fylgjast með vörulistum.

Að rekja hættulegar vörur á netinu

5. febrúar 2025, samþykkti framkvæmdastjórnin „Tilkynningu um örugg og sjálfbær rafræn viðskipti“. Þessi tilkynning kynnir helstu aðgerðir til að takast á við áskoranir rafrænna viðskipta frá ýmsum hliðum, meðal annars tollgæslu, stafrænni þjónustu, neytendavernd og vöruöryggi. Á sviði vöruöryggis, er lögð áhersla á mikilvægi fullrar innleiðingar og framfylgdar GPSR-reglugerðarinnar. Þar er einnig tilkynnt um Opna í nýjum flipa.fyrstu öryggisrannsóknina á vegum ESB, sem samstarfsnet um öryggi neytenda framkvæmdi vorið 2025.

Eins og er útlistað í tilkynningunni um rafræn viðskipti, þá hefur framkvæmdastjórnin gert aðgengileg fyrir markaðseftirlitsyfirvöld tvö vefskriðlasmáforrit stýrð af gervigreind, en þau eru hönnuð sérstaklega til að styrkja markaðseftirlitsgetu. Rafrænu eftirlitsvefskriðlarnir greina og flagga hættulegar vörur sem þegar eru listaðar í Safety Gate og eru seldar á netinu eða hafa birst aftur til sölu á síðari stigum. Tólið býr til bein tengsl til að tilkynna viðkomandi netmarkað um þessar ólöglegu skráningar, sem markaðurinn verður að bregðast við innan þriggja virkra daga. Að auki setti framkvæmdastjórnin í gang árið 2025 gervigreindarforrit, 'Fyrirbyggjandi vefskriðilinn', sem framkvæmir sjálfvirkar leitir til að bera kennsl á hugsanlega óöruggar eða ósamrýmanlegar vörur á netmörkuðum og greinir öryggisþróun snemma í ferlinu.

Virkir netmarkaðir í ESB eru skyldugir samkvæmt GPSR-reglugerðinni til að skrá sig inn í Safety Gate-gáttina og skrá þar einn tengilið. Það er gert í Skráningartól netmarkaðar.

Ennfremur eru netmarkaðir hvattir til þess að gera umfram lagalegu skyldu sína til að bæta enn frekar vöruöryggi á netinu. Hingað til hafa 12 þjónustuaðilar netmarkaða sem undirritað hafa Product Safety Pledge+-loforðin skuldbundið sig, auk 19 annarra skuldbindinga, til að fylgjast sjálfviljugir með Safety Gate-gáttinni og fjarlægja með forvirkum hætti vörur sem tilkynntar hafa verið hættulegar af þeirra vettvangi.

Samræmd verkefni varðandi vöruöryggi

Það er hlutverk innlendra markaðseftirlitsyfirvalda að sinna eftirliti á sínum mörkuðum, eftir eigin forgangsröðun og áætlunum á landsvísu. Þau skipuleggja einnig prófanir sýna og meta hvort eitthvert af þeim eru hættulegt og ef grípa þarf til ráðstafana, ákveða til hverra ráðstafana skuli grípa.

Getan til að sinna eftirliti og prófunum er þó ekki söm um allt Evrópubandalagið. Til að prófa sumar vörur og greina ákveðnar áhættur, er þörf á sérstökum úrræðum. Samræmdu verkefnin varðandi vöruöryggi (CASP), sem fjármögnuð eru af ESB-innri markaðs prógramminu, leikur mikilvægt hlutverk varðandi stuðning allra landsyfirvalda við markaðseftirlitsstarfsemi þeirra. Það veitir þeim fjármagn og skipulagsramma til að vinna sameiginlega að söfnun og prófun vörusýna (í stað hvers og eins fyrir sig), koma sér saman um sameiginlegar aðferðir og verklagsreglur og deila þekkingu og bestu starfsvenjum fyrir skilvirkara markaðseftirlit.

CASP er einnig vettvangur til að ræða mál vegna vöruöryggis í samræmi við þarfir landsyfirvalda. Sveigjanleiki rammans gerir það mögulegt að tilkynna hvers kyns áríðandi tilvik með stuttum fyrirvara, sem er mikilvægt í síbreytilegu evrópsku samhengi þar sem vöruöryggi krefst skjótra aðgerða.

Frá árinu 2019 þar til 2025 hefur eftirfarandi verið skipulagt innan ramma CASP:

  • 30 verkefni með áherslu á söfnun og prófun sérstakra vara, eins og ferðamillistykkja og barnavagna;
  • 18 verkefni með áherslu á þverlæg málefni tengd markaðseftirlitsverkefnum landsyfirvalda, eins og markaðseftirlit á netinu, raunveruleg áhættumöt og stöðlun;
  • Nokkur sértæk verkefni, svo sem verkefni með áherslu á slímleikföng, um tengslin milli falsaðra vara og vöruöryggis, um kórónuveirutengdar vörur árið 2020 og um vörur sem höfða til barna.

Leiðbeiningarskjölin sem fylgja veita gagnlegar upplýsingar fyrir daglegt starf yfirvalda og stuðla að samræmdari aðgerðum gegn vörum sem stofna heilsu og öryggi neytenda í hættu.

Allar skýrslur og upplýsingar varðandi þessi verkefni má finna á Opna í nýjum flipa.Safety Gate CASP-tengdum vefsíðum.

CASP 2024: samræmd starfsemi varðandi öryggi vara í ESB/EFTA-löndum

5. Safety Gate-gáttin

Í Safety Gate-gáttinni Opna í nýjum flipa, geturðu:
Þú getur einnig tengst eftifarandi, með hliðsjón af prófílnum þínum:

Flestar vefsíðurnar í Safety Gate-gáttinni eru fáanlegar á öllum tungumálum ESB, auk norsku og íslensku. Viðvarirnar eru vélþýddar á öll þessi tungumál og sama á við um úkraínsku og arabísku.

Fara á toppinn