Clár

1. Córas Mear-Rabhaidh Safety Gate: conas a oibríonn sé

  • Leis an Rialachán maidir le Sábháilteacht Ghinearálta Táirgí, bunaítear nach mór do gach táirge a chuirtear ar an margadh Eorpach a bheith sábháilte.
  • Tá údaráis náisiúnta atá freagrach as monatóireacht margaidh i mBallstáit uile an Aontais agus LEE rannpháirteach sa chóras.
  • Oibríonn an córas 7 lá na seachtaine, 365 lá in aghaidh na bliana.
  • Foilsítear achoimrí foláirimh ar an Tairseach Safety Gate, agus cuirtear an t-eolas sin ar fáil go huathoibríoch i 28 dteanga.

Faigh tuilleadh eolais faoin gcaoi a n-oibríonn sé

Cumhdaítear

Táirgí do thomhaltóirí agus táirgí le haghaidh úsáid ghairmiúil.

Ní chumhdaítear

Earraí cógaisíochta, feistí leighis, bia agus beatha ainmhithe (tá córais foláirimh ar leithligh ag na rudaí sin).

An chaoi a n-oibríonn sé
Aimsítear baol
Aithníonn an t-údarás náisiúnta atá freagrach as monatóireacht margaidh táirge contúirteach ar an margadh náisiúnta.
Fógra
Tugann an t-údarás náisiúnta fógra ar Safety Gate faoi na bearta a rinneadh in aghaidh an táirge chontúirtigh.
Scaiptear eolas
Seiceálann agus scaipeann an Coimisiún Eorpach an t-eolas i gCóras Mear-Rabhaidh Safety Gate.
Bearta leantacha
Eolas a fhoilsiú ar Thairseach Safety Gate
Foilsíonn an Coimisiún Eorpach an t-eolas ionas go mbeidh sé ar fáil don phobal i gcoitinne.

Córas Mear-Rabhaidh Safety Gate: conas a oibríonn sé

Tá feidhmiú Chóras Mear-Rabhaidh Safety Gate faoi rialú an Rialacháin maidir le Sábháilteacht Ghinearálta Táirgí, lena mbunaítear nach mór do gach táirge a chuirtear ar an margadh Eorpach a bheith sábháilte. Is crann taca fíor-riachtanach é an Córas Mear-Rabhaidh Safety Gate chun é sin a bhaint amach.

Cruthaíodh an córas mear-rabhaidh do tháirgí contúirteacha neamhbhia den chéad uair faoin Treoir maidir le Sábháilteacht Ghinearálta Táirgí, a glacadh in 2001. Ó 2003 i leith, tá údaráis náisiúnta ó Bhallstáit uile an Aontais agus LEE rannpháirteach sa chóras. Faoin Rialachán maidir le Sábháilteacht Ghinearálta Táirgí, ní mór do na Ballstáit eolas a chur isteach i gCóras Mear-Rabhaidh Safety Gate faoi bhearta a rinneadh i gcoinne táirgí contúirteacha a bhfuil riosca tromchúiseach ag baint leo a aimsítear ar a margaí náisiúnta, agus ní mór dóibh freisin aon bheart leantach nó torthaí imscrúdaithe breise a thuairisciú. Is féidir leis na Ballstáit fógra a thabhairt freisin tríd an gcóras faoi bhearta ceartaitheacha a bhaineann le táirgí nach bhfuil riosca chomh tromchúiseach sin ag baint leo.

Is féidir leis na húdaráis náisiúnta na foláirimh a chur isteach 24/7 agus 365 lá in aghaidh na bliana, agus déantar an t-eolas sin a scaipeadh go huathoibríoch ar na húdaráis náisiúnta ar fad sna tíortha rannpháirteacha. Foilsítear achoimre de na foláirimh ar an Tairseach Safety Gate agus déantar aistriúchán uathoibríoch ó Bhéarla isteach i dteangacha uile na dtíortha atá rannpháirteach sa mhalartú eolais, agus isteach san Araibis agus san Úcráinis, chun go mbeidh an t-eolas ar fáil go tapa don phobal i gcoitinne.

Ansin, déanfaidh gach údarás náisiúnta a margadh féin a sheiceáil lena fheiceáil an bhfuil an táirge ar díol ansin freisin (i siopaí brící agus moirtéil nó ar líne), agus más amhlaidh an cás, déanfaidh siad bearta breise ina dtír féin.

Déanann an Coimisiún Eorpach an Córas Mear-Rabhaidh Safety Gate a bhainistiú. Is féidir le húdaráis náisiúnta nuashonruithe ar an eolas a chuir siad sa chóras a iarraidh ag am ar bith. D’fhéadfadh athrú ar an gcur síos ar an riosca nó ar an táirge a bheith i gceist leis sin, nó foláireamh a tharraingt siar. Is iad na húdaráis náisiúnta amháin atá in ann na hathruithe sin a iarraidh.

Is bunchloch é an Córas Mear-Rabhaidh Safety Gate chun tomhaltóirí a chosaint ar tháirgí contúirteacha agus cuidíonn sé le táirgí contúirteacha a tharraingt siar go tapa ó mhargadh an Aontais.

Chun cur le cumas na n-údarás náisiúnta táirgí contúirteacha a rianú agus déileáil leo ar bhealach níos éifeachtúla, chun eolas éifeachtúil a chur ar fáil do thomhaltóirí faoi tháirgí contúirteacha agus chun tuairisciú gnólachtaí faoi tháirgí contúirteacha a éascú, chuir an Coimisiún Eorpach 3 chuid in-idirnasctha le córas Safety Gate:

Chomh maith leis sin, úsáidtear réitigh idir-inoibritheachta ar leith chun deimhin a dhéanamh de gur féidir le comhpháirteanna uile an chórais eolas a chur in iúl agus a mhalartú gan uaim. Tá na húdaráis náisiúnta in ann sonraí a fháil agus a chur isteach go díreach chuig Safety Gate, agus is féidir le margaí ar líne, gnólachtaí, comhpháirtithe idirnáisiúnta agus tomhaltóirí rochtain thapa a fháil ar fholáirimh fhoilsithe agus an t-eolas sin a úsáid ina bpróisis féin. Leis an gcóras comhroinnte sin, neartaítear an acmhainneacht chomhchoiteann chun táirgí neamhshábháilte a shainaithint, a thuairisciú, a rianú agus a bhaint den mhargadh ar bhealach níos éifeachtúla.

Chun tacú leis na húdaráis náisiúnta um monatóireacht margaidh sa rás chun táirgí contúirteacha a rianú sula ndéanfaidh siad dochar do thomhaltóirí, tá na comhpháirteanna seo a leanas ar fáil freisin mar chuid de Safety Gate:

2. Torthaí Safety Gate: forléargas ginearálta

Léargas tapa ar líon iomlán na bhfoláireamh agus na ngníomhaíochtaí leantacha a bhí ann in 2025:

4671

Fholáireamh inar tugadh tuairisc ar tháirgí contúirteacha agus na bearta a rinneadh ina gcoinne

Tuilleadh eolas faoi Fholáirimh Safety Gate Téigh go dtí an roinn Torthaí Safety Gate 2025 go mion

Faigh tuilleadh eolais faoi na gníomhaíochtaí leantacha a rinneadh in 2025

Cliceáil ar an léarscáil chun líon na bhfoláireamh agus na ngníomhaíochtaí leantacha a rinneadh ar Safety Gate de réir tíre in 2024 agus 2025 a fheiceáil.

Easpórtáil na sonraí chuig Excel

3. Torthaí Mionsonraithe Safety Gate 2025

Léaráid 1: Líon na bhfoláireamh a cláraíodh ar Safety Gate ó 2003 go 2025

Líon na bhfoláireamh a cláraíodh ar Safety Gate ó 2003 go 2025

Ó cuireadh tús leis an malartú eolais in 2003, tá líon na bhfoláireamh ag dul in airde. Tharla sé sin mar gheall ar roinnt tosca a bhain le forbairt an mhargaidh aonair, ar nós Ballstáit nua a tháinig isteach san Aontas Eorpach agus isteach sa chóras mear-rabhaidh. Mar sin féin, is é is cúis go príomha leis an méadú seasta ar líon na bhfoláireamh na hiarrachtaí forfheidhmiúcháin níos láidre atá á ndéanamh ag na húdaráis náisiúnta uile atá freagrach as monatóireacht margaidh, rud a fhágann go mbíonn malartú eolais níos gníomhaí ann faoi tháirgí contúirteacha a aimsítear. Fiú le linn ghéarchéim COVID, lean na húdaráis náisiúnta lena ngníomhaíochtaí monatóireachta margaidh chun aghaidh a thabhairt ar na dúshláin. Chomh maith leis sin, tá an Coimisiún Eorpach ag éisteacht freisin le riachtanais na ndaoine sin a úsáideann an córas chun é a dhéanamh níos soláimhsithe agus níos feidhmiúla ó thaobh na teicneolaíochta de.

In 2025 amháin, cláraíodh 4671 fholáireamh san iomlán in Safety Gate. Ciallaíonn sé sin go raibh beagnach 100 foláireamh ann in aghaidh na seachtaine ar an meán. Tá 420 foláireamh ón údarás a dhéanann ionadaíocht ar an Ríocht Aontaithe i ndáil le Tuaisceart Éireann, a bhí rannpháirteach sa Chóras Mear-Rabhaidh Safety Gate in 2025, san áireamh san iomlán sin.

Léaráid 2: Na 3 chatagóir táirgí is minice ar tugadh fógra fúthu (%) ar Safety Gate de réir tíre

Na 3 chatagóir táirgí is minice ar tugadh fógra fúthu ar Safety Gate in 2025

Má bhreathnaímid ar na foláirimh ar bhealach níos mionsonraithe, agus go háirithe ar chatagóirí táirgí na dtáirgí contúirteacha a tuairiscíodh in 2025, feictear gurb í an chatagóir táirgí ‘Cosmaidí’ an chatagóir táirgí is minice ar tugadh fógra fúithi ar Safety Gate don tríú bliain, catagóir a raibh thart ar aon trian de na foláirimh a cláraíodh gach bliain i gceist léi.

Ba iad ‘Bréagáin’ agus ‘Fearais agus Trealamh Leictreach’ an dara agus an tríú catagóir is minice ar tugadh fógra fúthu in 2025.

  • 36% Cosmaidí
  • 16% Bréagáin
  • 11% Fearais agus Trealamh Leictreacha

Na 3 chineál riosca is minice ar tugadh fógra fúthu ar Safety Gate in 2025

Na 3 chineál riosca is minice ar tugadh fógra fúthu i gcomparáid le líon iomlán na bhfoláireamh a cláraíodh ar Safety Gate in 2025

  • 53% Ceimiceach
  • 14% Gortuithe
  • 9% Plúchadh

Faigh tuilleadh eolais faoi na cineálacha riosca is minice a dtugtar fógra fúthu

Na cineálacha riosca ar tugadh fógra ina leith in 2025

Is féidir le haon táirge a chruthaíonn riosca atá ina bhagairt do shláinte agus do shábháilteacht an duine a bheith i gceist leis na táirgí contúirteacha a thuairiscítear ar Safety Gate. Mar shampla, tá tachtadh agus damáiste don éisteacht nó don amharc agus guaiseacha ceimiceacha i gceist. Leis an gcóras, is féidir foláirimh a chur amach freisin maidir leis na bearta a dhéantar in aghaidh táirgí a bhfuil riosca slándála, suaitheadh leictreamaighnéadach, rioscaí don chomhshaol nó rioscaí eile a bhaineann le leas an phobail ag baint leo.

Cumhdaítear rioscaí don tsláinte fhisiciúil agus rioscaí don mheabhairshláinte araon le rioscaí do shláinte agus do shábháilteacht an duine.

In 2025, ba é an riosca ceimiceach an chatagóir riosca ba mhó ar tugadh fógra ina leith ar Safety Gate, rud a léiríonn freisin sciar ard na bhfoláireamh a bhaineann le táirgí cosmaideacha. Bhain sciar mór de na foláirimh a léirigh riosca ceimiceach le cosmaidí (77 %) gurbh é 2-(4-treas-búitilbeinsil) próipianaildéad (BMHCA, ar a dtugtar ‘Lilial’ freisin) ba chúis leis an riosca sin, comhábhar cumhráin sintéiseach a úsáidtear go forleathan i gcineálacha éagsúla cosmaidí. Is féidir le BMHCA dochar a dhéanamh don chóras atáirgthe agus d’fhéadfadh sé a bheith ina chúis le híogrú craicinn, agus tá toirmeasc air ó mhí an Mhárta 2022. Mar gheall ar na hábhair imní sábháilteachta a bhaineann leis an tsubstaint sin, tá feidhm ag an toirmeasc sin ní hamháin maidir le táirgí cosmaideacha ar mhargadh an Aontais tar éis an dáta sin, ach maidir le táirgí cosmaideacha a cuireadh ar an margadh roimh an dáta sin freisin.

Tá tús curtha ag na húdaráis náisiúnta freisin le fógra a thabhairt faoi shnas ingne ina bhfuil ocsaíd défheinil(2,4,6-trímheitilbeansóil)foisfín (TPO), ós rud é gur cuireadh toirmeasc uirthi i dtáirgí cosmaideacha i mí Mheán Fómhair 2025. Is comhartha láidir é sin ar an gcaoi a bhfuil na húdaráis náisiúnta airdeallach ar aon srian nua ar cheimiceáin agus ar an gcaoi a ngníomhaíonn siad go tapa tar éis ghlacadh na reachtaíochta chun iad a bhaint den mhargadh agus chun na rioscaí do thomhaltóirí a theorannú. D’fhéadfadh TPO dochar a dhéanamh don chóras atáirgthe, dochar a dhéanamh do shláinte an linbh sa bhroinn agus a bheith ina chúis le frithghníomhuithe ailléirgeacha craicinn.

Aimsíodh ceimiceáin chontúirteacha eile i mbréagáin agus i bhfeistí leictreonacha freisin. Is minic fós a fhaightear taláití i mbréagáin phlaisteacha agus i dtáirgí eile do leanaí. D’fhéadfadh taláití dochar a dhéanamh don tsláinte trí dhamáiste a dhéanamh don chóras atáirgthe. Is minic a fhaightear luaidhe ar shádair agus pairifíní clóirínithe gearra sa slabhra (SCCPanna) i gcáblaí. Baineann riosca leo sin ní hamháin do shláinte an duine ach don chomhshaol freisin toisc go bhfuil siad tocsaineach d’orgánaigh uisceacha ag tiúchan íseal agus toisc go mbithcharnann siad san fhiadhúlra agus i ndaoine.

Bhí an riosca a bhaineann le gortuithe ginearálta i gceist go han-mhinic freisin sna foláirimh a cláraíodh in 2025. I measc na dtionóiscí sin bhí timpistí a bhain le mótarfheithiclí, earraí cúraim leanaí nó bréagáin nach gcosnaíonn leanaí go sásúil ar thitim nó ar iad féin a ghortú.

Ceimiceáin dhíobhálacha shonracha i dtáirgí cosmaideacha

  • BMHCA (Lilial)
    1278 bhfoláireamh in 2025
  • TPO
    60 foláireamh ó cuireadh toirmeasc air i Meán Fómhair 2025

Bíonn riosca tachta i gceist le sciar mór d’fholáirimh Safety Gate freisin. Baineann an riosca sin go príomha le leanaí beaga, mar gheall ar pháirteanna beaga i mbréagáin nó in éadaí, amhail páirteanna beaga, cnaipí nó maisiúcháin. Ós rud é go mbíonn sé de nós ag leanaí beaga rudaí a chur sa bhéal, is féidir leo na píosaí beaga a shlogadh agus tachtadh. I gcás ina mbeadh ceallraí beaga nó ceallraí cnaipe sna píosaí beaga sin, d’fhéadfadh sé sin a bheith marfach, mar gheall ar an imoibriú ceimiceach a dhéanann ceallraí laistigh de chonair an díleá.

Fíor 3: Na 3 chineál riosca is minice ar tugadh fógra fúthu (%) ar Safety Gate in 2025 de réir tíre

Nóta Eagraíonn na húdaráis náisiúnta atá freagrach as faireachas margaidh sampláil agus tástáil táirgí. D’fhéadfadh na tástálacha a léiriú go bhfuil riosca amháin nó níos mó ag baint le táirge contúirteach. Baineann na céatadáin a thaispeántar anseo leis an sciar de gach cineál riosca i gcomparáid le líon iomlán na bhfoláireamh ón tír sin. D’fhéadfadh sé, dá bhrí sin, go mbeadh níos mó ná 100 % i gceist leis na 3 chéatadán in aon tír amháin.

4. Tionscnaimh bhreise maidir le beartas sábháilteachta táirgí an Aontais

Comhar idirnáisiúnta

Comhar idirnáisiúnta

I margadh domhandaithe idirnasctha, tá comhar idirnáisiúnta fíor-riachtanach chun deimhin a dhéanamh de go mbeidh táirgí atá ar fáil ar an margadh sábháilte agus go gcosnófar tomhaltóirí gan beann ar an áit ina bhfuil siad agus ar cé uaidh a gceannaíonn siad.

Ó 2006 i leith, tá an Coimisiún ag comhoibriú go dlúth le húdaráis ábhartha na Síne atá freagrach as sábháilteacht táirgí. A bhuí le comhéadan sonrach Safety Gate lenar féidir eolas a mhalartú ar bhealach roghnaithe, déanann údaráis na Síne obair leantach ar chásanna Safety Gate a bhaineann le táirgí contúirteacha de thionscnamh na Síne agus tuairiscíonn siad ar ais chuig an Coimisiún Eorpach gach ráithe maidir leis na gníomhaíochtaí a rinneadh. Chomh maith leis sin, le Plean Gníomhaíochta maidir le sábháilteacht táirgí a dhíoltar ar líne, a síníodh i mí Mheán Fómhair 2023 idir an Coimisiún Eorpach agus údaráis na Síne, giorraítear an t-am tuairiscithe do tháirgí contúirteacha a dhíoltar ar líne go 21 lá.

Ní mór do gach monaróir ar mian leis a tháirgí a iompórtáil chuig an Aontas cloí leis an oibleagáid ghinearálta gan ach táirgí sábháilte a chur ar mhargadh an Aontais, ar líne nó as líne. Thairis sin, de réir an Rialacháin maidir le Sábháilteacht Ghinearálta Táirgí agus an Rialacháin maidir le Faireachas Margaidh, ní mór an t-eolas faoin duine atá freagrach san Aontas as an táirge sin agus a shonraí teagmhála a bheith le feiceáil go soiléir ar fhormhór mór na dtáirgí.

Tá an tionscadal Oscail i gcluaisín nua.SPEAC, atá maoinithe ag an Aontas, i bhfeidhm ó bhí 2019 ann chun feasacht a mhúscailt agus oiliúint chuimsitheach a chur ar fáil do ghnólachtaí Síneacha maidir le ceanglais sábháilteachta táirgí an Aontais.

Oibríonn an Coimisiún Eorpach i ndlúthchomhar freisin le Health Canada faoin gComhaontú Cuimsitheach Eacnamaíoch agus Trádála (CETA) idir an tAontas Eorpach agus Ceanada. Chomh maith le malartú tráthrialta eolais idir Safety Gate agus bunachar sonraí RADAR Cheanada, malartaíonn siad taithí agus dea-chleachtais maidir le monatóireacht margaidh ar líne agus bíonn siad ag oibriú le chéile ar ghníomhaíochtaí múscailte feasachta. Gach bliain, eagraíonn an Coimisiún Eorpach agus Health Canada feachtas comhpháirteach ar na meáin shóisialta chun feasacht a mhéadú i measc tomhaltóirí maidir le conas ceannach táirgí contúirteacha ar líne a sheachaint.

Ó thaobh an iltaobhachais de, tá páirt ghníomhach á glacadh ag an Coimisiún Eorpach in obair Mheitheal ECFE um Shábháilteacht Táirgí Tomhaltais. Cuirtear sonraí Safety Gate san áireamh ar thairseach dhomhanda aisghairmeacha ECFE, lena mbailítear eolas faoi bhearta ceartaitheacha i gcoinne táirgí contúirteacha, aisghairmeacha táirgí san áireamh, a eisítear ar fud an domhain.

Feachtas ‘Amharc ar mhaithe le Faisnéis’ Cá bhfuil do makeup nua ag teacht as i ndáiríre? An Coimisiún Eorpach - Ceanada

In 2025, ghlac an Coimisiún Eorpach páirt ghníomhach freisin i bhforbairt Oscail i gcluaisín nua.Phrionsabail na Náisiún Aontaithe maidir le Sábháilteacht Táirgí Tomhaltais agus thacaigh sé lena nglacadh. I mí na Nollag 2025, ghlac Comhthionól Ginearálta na Náisiún Aontaithe rún cinniúnach lena mbunaítear na chéad Phrionsabail riamh de chuid na Náisiún Aontaithe maidir le Sábháilteacht Táirgí Tomhaltais. Tá an Coimisiún Eorpach ag oibriú i gcomhar le UNCTAD chun Lámhleabhar ar Shábháilteacht Táirgí Tomhaltais a chur ar fáil - treoir phraiticiúil do lucht déanta beartas agus do rialtóirí chun cabhrú leo creataí náisiúnta a neartú agus ailíniú le dea-chleachtais idirnáisiúnta, go háirithe i dtíortha i mbéal forbartha.

Róil agus freagrachtaí nua faoin Rialachán maidir le Sábháilteacht Ghinearálta Táirgí

Bunaíodh an méid seo a leanas, i measc nithe eile, leis an Rialachán maidir le Sábháilteacht Ghinearálta Táirgí:

  • Rialacha níos déine maidir le táirgí agus monaróirí a shainaithint (ceanglais maidir le lipéadú fisiceach agus eolas i ndíolacháin ar líne agus i gciandíolacháin araon);
  • Rialacha sonracha do sholáthraithe margaí ar líne agus do chiandíolacháin;
  • Comhar éigeantach le haghaidh margaí ar líne leis na húdaráis náisiúnta maidir le táirgí neamhshábháilte a bhaint go tapa, maidir le sásra feabhsaithe fógra agus bainte anuas agus maidir le dearadh a suíomhanna gréasáin chun eolas fíor-riachtanach maidir le sábháilteacht agus inrianaitheacht táirgí a thaispeáint;
  • Soiléiriú maidir leis na gnéithe sábháilteachta de tháirgí teicneolaíochta nua agus na rioscaí a d’fhéadfadh a bheith ag baint leo, lena n-áirítear rioscaí a dhéanann difear don mheabhairshláinte;
  • Oscail i gcluaisín nua.Teimpléad nua aisghairme chun go mbeidh tomhaltóirí in ann táirgí contúirteacha a sheoladh ar ais ar bhealach níos éasca;
  • Uirlis nua, an Tairseach maidir le Sábháilteacht Tomhaltóirí, lena bhféadfaidh tomhaltóirí féin tuairisc a thabhairt maidir le táirgí contúirteacha chuig na húdaráis atá freagrach as monatóireacht margaidh.

Tá sraith treoracha ar fáil ar an Tairseach Safety Gate, agus iad roinnte de réir saincheisteanna a bhaineann leo siúd ar spéis leo a dtáirgí a dhíol san Aontas agus leo siúd a cheannaíonn iad.

Tá treoirdhoiciméid mhionsonraithe faoi na rialacha nua ar fáil freisin, Oscail i gcluaisín nua.treoirlínte do ghnólachtaí faoin Rialachán maidir le Sábháilteacht Ghinearálta Táirgí san áireamh.

Leis an bhfás atá tagtha ar cheannacháin ar líne, tá sé tábhachtach na huirlisí uile atá ar fáil a nascadh le chéile chun táirgí contúirteacha atá le díol ar líne a rianú. Tá an Coimisiún ag tacú go leanúnach le húdaráis náisiúnta um monatóireacht margaidh chun dul i ngleic leis na dúshláin a bhaineann le díolacháin ar líne agus chun cur lena n-acmhainneacht monatóireacht a dhéanamh ar liostuithe táirgí.

Táirgí contúirteacha a rianú ar líne

5 Feabhra 2025 ghlac an Coimisiún Teachtaireacht maidir le Ríomhthráchtáil Shábháilte Inbhuanaithe. Leagtar amach sa teachtaireacht sin na príomhthionscnaimh chun dul i ngleic le dúshláin na ríomhthráchtála i réimsí éagsúla, a bhfuil custaim, seirbhísí digiteacha, cosaint tomhaltóirí agus sábháilteacht táirgí ina measc. I réimse na sábháilteachta táirgí, cuireann sí i dtreis a thábhachtaí atá sé an Rialachán maidir le Sábháilteacht Ghinearálta Táirgí a chur chun feidhme agus a fhorfheidhmiú ina iomláine. D’fhógair sí freisin an Oscail i gcluaisín nua.chéad scuab-imscrúdú ar shábháilteacht táirgí de chuid an Aontais, a rinne an Líonra um Shábháilteacht Tomhaltóirí in earrach 2025.

Mar a leagtar amach sa Teachtaireacht maidir le Ríomhthráchtáil, tá dhá fheidhmchlár ransaithe gréasáin IS-chumasaithe curtha ar fáil ag an gCoimisiún d’údaráis um monatóireacht margaidh, feidhmchláir atá ceaptha go sonrach chun a n-acmhainneacht monatóireachta margaidh a neartú. Aimsíonn an ransaitheoir gréasáin eSurveillance táirgí contúirteacha atá liostaithe cheana féin in Safety Gate agus a dhíoltar ar líne nó a chuirtear ar díol arís ag céim níos déanaí, agus tugann sé fógra maidir leo. Leis an uirlis, gintear naisc teagmhála dhíreacha chun fógra a thabhairt don mhargadh ábhartha ar líne faoi na liostuithe neamhdhleathacha sin, agus ní mór don mhargadh freagairt dóibh laistigh de 3 lá oibre. Chomh maith leis sin, in 2025 sheol an Coimisiún feidhmchlár atá bunaithe ar an intleacht shaorga, an ‘Ransaitheoir Gréasáin Réamhghníomhach’, a dhéanann cuardaigh uathoibrithe chun táirgí a d’fhéadfadh a bheith neamhshábháilte nó neamhchomhlíontach a shainaithint ar mhargaí ar líne agus a aimsíonn treochtaí sábháilteachta ag céim luath.

Tá sé d’oibleagáid ar mhargaí ar líne atá gníomhach san Aontas faoin Rialachán maidir le Sábháilteacht Ghinearálta Táirgí clárú ar an Tairseach Safety Gate agus pointe teagmhála aonair a sholáthar. Is féidir é sin a dhéanamh san uirlis Clárúcháin don Ionad Margaidh Ar Líne.

Mar aon leis sin, moltar do mhargaí ar líne dul níos faide ná a n-oibleagáidí dlíthiúla chun sábháilteacht táirgí ar líne a fheabhsú a thuilleadh. Faoi láthair, tá 12 sholáthraí margaí ar líne tar éis síniú a chur leis an nGealltanas um Shábháilteacht Táirgí+ agus gealltanas a thabhairt, i measc 19 ngealltanas eile, monatóireacht dheonach a dhéanamh ar an Tairseach Safety Gate agus táirgí a bhaint go réamhghníomhach dá n-ardáin ar ina leith a tugadh fógra iontu gur táirgí contúirteacha iad.

Na Gníomhaíochtaí Comhordaithe maidir le Sábháilteacht Táirgí

Is é ról na n-údarás náisiúnta um monatóireacht margaidh cigireachtaí a dhéanamh ina margaí, ag brath ar a dtosaíochtaí agus ar a gcláir féin a shocraítear ar an leibhéal náisiúnta. Eagraíonn siad tástálacha le haghaidh na samplaí sin freisin agus déanann siad meastóireacht ar cé acu atá nó nach bhfuil aon cheann acu contúirteach, agus más rud é gur cheart bearta a dhéanamh ina leith, cinneann siad cé na bearta ba cheart a dhéanamh.

Ní hionann an cumas iniúchtaí agus tástálacha a dhéanamh ar fud an Aontais, áfach. Chun roinnt táirgí a thástáil agus rioscaí áirithe a bhrath, tá gá le hacmhainní sonracha. Tá ról ríthábhachtach ag an tionscadal Gníomhaíochtaí Comhordaithe maidir le Sábháilteacht Táirgí (CASP), atá maoinithe ag Clár Mhargadh Aonair an Aontais, chun tacú leis na húdaráis náisiúnta uile ina ngníomhaíochtaí faireachais margaidh. Cuireann sé maoiniú agus creat struchtúrtha ar fáil dóibh chun táirgí a shampláil agus a thástáil go comhpháirteach (seachas gach ceann acu ina n-aonar), chun teacht ar chomhaontú maidir le cineálacha cur chuige agus nósanna imeachta coiteanna, agus chun eolas agus dea-chleachtais a chomhroinnt ar mhaithe le monatóireacht margaidh níos éifeachtaí.

Is fóram é CASP freisin chun aon saincheist maidir le sábháilteacht táirgí a phlé de réir riachtanais na n-údarás náisiúnta. Le solúbthacht an chreata, is féidir aon saincheist phráinneach a áireamh ar ghearrfhógra, rud atá ríthábhachtach toisc go mbíonn comhthéacs na hEorpa atá ag síorathrú, rud a chiallaíonn go mbíonn comhghíomhaíocht tapa de dhíth chun sábháilteacht táirgí a bhaint amach.

Ó bhí 2019 ann agus suas go dtí 2025, eagraíodh an méid seo a leanas faoi chuimsiú CASP:

  • 30 gníomhaíocht dírithe ar shampláil agus ar thástáil táirgí sonracha, ar nós cuibheoirí taistil nó bugairí linbh;
  • 18 ngníomhaíocht dírithe ar shaincheisteanna cothrománacha a bhaineann le cúraimí faireachais margaidh na n-údarás náisiúnta, ar nós monatóireacht margaidh ar líne, measúnuithe riosca iarbhír nó caighdeánú;
  • Roinnt gníomhaíochtaí sonracha ad hoc, ar nós na cinn a bhí dírithe ar bhréagáin slaim, ar an nasc idir earraí góchumtha agus sábháilteacht táirgí, ar na táirgí a bhain leis an gcoróinvíreas in 2020, agus ar tháirgí atá tarraingteach do leanaí.

Cuireann na treoirdhoiciméid ina dhiaidh sin ionchur úsáideach ar fáil d’obair laethúil na n-údarás agus cuireann siad le gníomhaíocht níos comhordaithe i gcoinne táirgí a bhfuil riosca ag baint leo do shláinte agus do shábháilteacht tomhaltóirí.

Tá na tuarascálacha agus an t-eolas uile a bhaineann leis na gníomhaíochtaí sin ar fáil ar na leathanaigh ghréasáin a bhaineann le Oscail i gcluaisín nua.CASP Safety Gate.

CASP 2024: gníomhaíochtaí comhordaithe maidir le sábháilteacht táirgí i dtíortha AE/CSTE

5. Tairseach Safety Gate

Is féidir leat an méid seo a leanas a dhéanamh ar an Tairseach Safety Gate Oscail i gcluaisín nua,:
Is féidir leat nascadh leis an méid seo a leanas freisin, ag brath ar do phróifíl:

Tá an chuid is mó de na leathanaigh ghréasáin ar an Tairseach Safety Gate ar fáil i dteangacha uile an Aontais, agus san Ioruais agus san Íoslainnis. Déantar na foláirimh a aistriú go huathoibríoch isteach i ngach ceann de na teangacha sin, agus isteach san Úcráinis agus san Araibis.

Téigh go barr