Edukazzjoni u taħriġ vokazzjonali

Ħiliet għal-lum u għall-futur

Edukazzjoni u taħriġ vokazzjonali

Ħiliet għal-lum u għall-futur

Fl-Ewropa, ninsabu f’perjodu ta’ tranżizzjoni. It-trasformazzjonijiet ekoloġiċi u diġitali huma essenzjali għal futur sostenibbli u jġibu kemm opportunitajiet kif ukoll sfidi. Aħna għandna wkoll l-għan li noħorġu aktar b’saħħitna mill-pandemija tal-COVID-19, billi nużaw dan il-perjodu ta’ trasformazzjoni biex noħolqu opportunitajiet u impjiegi ġodda li jagħtu spinta lill-irkupru tal-Ewropa.

Hekk kif l-industriji u l-okkupazzjonijiet qed jinbidlu, hekk ukoll se jinbidlu l-ħtiġijiet tal-impjegaturi u t-talbiet fuq il-ħaddiema. L-edukazzjoni u t-taħriġ vokazzjonali ta’ kwalità għolja (VET) għandhom rwol ewlieni biex ikun żgurat li n-nies ikollhom il-ħiliet it-tajba biex jgħinu fl-indirizzar tal-isfidi soċjoekonomiċi u jirnexxu fil-ħajja personali u professjonali tagħhom. Dan japplika kemm għaż-żgħażagħ tal-lum, li għalihom il-VET jipprovdu perkors bla xkiel fis-suq tax-xogħol mill-edukazzjoni obbligatorja, kif ukoll għall-adulti li jeħtieġu li jtejbu u jġeddu l-ħiliet biex jadattaw għal dinja tax-xogħol li qed tinbidel.

L-Unjoni Ewropea (UE) ilha tmexxi t-triq tal-promozzjoni u tal-investiment fil-VET. Ir-Rakkomandazzjoni tal-Kunsill dwar il-VET għall-kompetittività sostenibbli, il-ġustizzja soċjali u r-reżiljenza, ippubblikata fl-2020, tistabbilixxi l-viżjoni komprensiva tal-UE għall-futur tal-VET. L-għan tagħna huwa li l-VET isiru għażla attraenti u ta’ kwalità għolja għall-istudenti kollha.

Filwaqt li l-Kummissjoni tmexxi t-triq b’firxa wiesgħa ta’ inizjattivi ta’ politika, għodod ta’ appoġġ u mekkaniżmi ta’ finanzjament fil-livell tal-UE, l-Istati Membri għandhom is-setgħa li jagħmlu r-riformi meħtieġa realtà. L-Istati Membri diġà approvaw u impenjaw ruħhom għal azzjonijiet konkreti permezz tad-Dikjarazzjoni ta’ Osnabrück. Issa huwa ż-żmien li nwettqu dawn ir-riformi u li ngħinu biex isseħħ il-viżjoni kollettiva tagħna għall-VET fl-Ewropa.

Huwa pjaċir kbir tiegħi li nipprovdi d-daħla għal dan il-fuljett, li jiddeskrivi l-viżjoni tagħna għall-VET u l-assistenza li hija disponibbli biex tappoġġa lill-Istati Membri f’dan il-proċess. Inħeġġeġ bil-qawwa lill-Istati Membri biex jieħdu vantaġġ minn dawn l-għodod biex isaħħu u jimmodernizzaw is-sistemi tal-VET tagħhom, għall-benefiċċju tal-partijiet ikkonċernati kollha tal-VET – u fl-aħħar mill-aħħar, tal-istudenti – madwar l-Ewropa.

Nicolas Schmit, il-Kummissarju Ewropew għall-Impjiegi u d-Drittijiet Soċjali

Fl-Ewropa, ninsabu f’perjodu ta’ tranżizzjoni. It-trasformazzjonijiet ekoloġiċi u diġitali huma essenzjali għal futur sostenibbli u jġibu kemm opportunitajiet kif ukoll sfidi. Aħna għandna wkoll l-għan li noħorġu aktar b’saħħitna mill-pandemija tal-COVID-19, billi nużaw dan il-perjodu ta’ trasformazzjoni biex noħolqu opportunitajiet u impjiegi ġodda li jagħtu spinta lill-irkupru tal-Ewropa.

Hekk kif l-industriji u l-okkupazzjonijiet qed jinbidlu, hekk ukoll se jinbidlu l-ħtiġijiet tal-impjegaturi u t-talbiet fuq il-ħaddiema. L-edukazzjoni u t-taħriġ vokazzjonali ta’ kwalità għolja (VET) għandhom rwol ewlieni biex ikun żgurat li n-nies ikollhom il-ħiliet it-tajba biex jgħinu fl-indirizzar tal-isfidi soċjoekonomiċi u jirnexxu fil-ħajja personali u professjonali tagħhom. Dan japplika kemm għaż-żgħażagħ tal-lum, li għalihom il-VET jipprovdu perkors bla xkiel fis-suq tax-xogħol mill-edukazzjoni obbligatorja, kif ukoll għall-adulti li jeħtieġu li jtejbu u jġeddu l-ħiliet biex jadattaw għal dinja tax-xogħol li qed tinbidel.

L-Unjoni Ewropea (UE) ilha tmexxi t-triq tal-promozzjoni u tal-investiment fil-VET. Ir-Rakkomandazzjoni tal-Kunsill dwar il-VET għall-kompetittività sostenibbli, il-ġustizzja soċjali u r-reżiljenza, ippubblikata fl-2020, tistabbilixxi l-viżjoni komprensiva tal-UE għall-futur tal-VET. L-għan tagħna huwa li l-VET isiru għażla attraenti u ta’ kwalità għolja għall-istudenti kollha.

Filwaqt li l-Kummissjoni tmexxi t-triq b’firxa wiesgħa ta’ inizjattivi ta’ politika, għodod ta’ appoġġ u mekkaniżmi ta’ finanzjament fil-livell tal-UE, l-Istati Membri għandhom is-setgħa li jagħmlu r-riformi meħtieġa realtà. L-Istati Membri diġà approvaw u impenjaw ruħhom għal azzjonijiet konkreti permezz tad-Dikjarazzjoni ta’ Osnabrück. Issa huwa ż-żmien li nwettqu dawn ir-riformi u li ngħinu biex isseħħ il-viżjoni kollettiva tagħna għall-VET fl-Ewropa.

Huwa pjaċir kbir tiegħi li nipprovdi d-daħla għal dan il-fuljett, li jiddeskrivi l-viżjoni tagħna għall-VET u l-assistenza li hija disponibbli biex tappoġġa lill-Istati Membri f’dan il-proċess. Inħeġġeġ bil-qawwa lill-Istati Membri biex jieħdu vantaġġ minn dawn l-għodod biex isaħħu u jimmodernizzaw is-sistemi tal-VET tagħhom, għall-benefiċċju tal-partijiet ikkonċernati kollha tal-VET – u fl-aħħar mill-aħħar, tal-istudenti – madwar l-Ewropa.

Nicolas Schmit, il-Kummissarju Ewropew għall-Impjiegi u d-Drittijiet Soċjali

Introduzzjoni għall-edukazzjoni u t-taħriġ vokazzjonali

Kulħadd fl-Ewropa għandu jkollu aċċess għall-edukazzjoni, it-taħriġ u t-tagħlim tul il-ħajja, kemm jekk jgħix f’belt kbira kif ukoll f’żona rurali remota. Il-Karta tad-Drittijiet Fundamentali tal-UE tirrikonoxxi l-aċċess għall-edukazzjoni u t-taħriġ vokazzjonali u kontinwi bħala dritt fundamentali.

L-ewwel prinċipju tal-Pilastru Ewropew tad-Drittijiet Soċjali huwa d-dritt għal edukazzjoni, taħriġ u tagħlim tul il-ħajja ta’ kwalità u inklużivi, filwaqt li r-raba’ prinċipju li jirrigwarda l-appoġġ attiv għall-impjiegi, jenfasizza wkoll li kulħadd għandu d-dritt għal edukazzjoni u taħriġ kontinwi, u appoġġ biex itejjeb il-prospetti ta’ impjieg tiegħu.

Dawn id-drittijiet ifittxu li jiżguraw li kulħadd ikun jista’ jipparteċipa bis-sħiħ fis-soċjetà, li jkollu tranżizzjoni b’suċċess fis-suq tax-xogħol, u jirnexxi fil-karriera u fil-ħajja tiegħu. L-impjegaturi jeħtieġu wkoll ħaddiema bil-ħiliet it-tajba għall-impjiegi tal-lum u ta’ għada, sabiex jappoġġaw it-tranżizzjoni ekoloġika u dik diġitali tal-Ewropa u l-irkupru tagħha mill-impatti tal-pandemija tal-COVID-19.

Il-ħiliet huma fil-qalba tal-isforzi tal-UE biex din il-viżjoni ssir realtà. Permezz ta’ inizjattivi bħall-Aġenda Ewropea għall-Ħiliet, iż-Żona Ewropea tal-Edukazzjoni u l-Pjan ta’ Azzjoni għall-Edukazzjoni Diġitali, l-UE qed taħdem biex tiżviluppa ħiliet aħjar u biex tibni sistemi ta’ edukazzjoni u taħriġ reżiljenti li jħarsu ’l quddiem u li huma adattati għall-era diġitali.

L-edukazzjoni u t-taħriġ vokazzjonali (VET) huma kruċjali għal dan il-proċess, kif enfasizzat mir-Rakkomandazzjoni tal-Kunsill dwar l-edukazzjoni u t-taħriġ vokazzjonali (VET) għall-kompetittività sostenibbli, il-ġustizzja soċjali u r-reżiljenza, adottata f’Novembru 2020. Flimkien ma’ din, l-Istati Membri tal-UE u diversi pajjiżi oħra approvaw id-Dikjarazzjoni ta’ Osnabrück, li tistabbilixxi impenn ta’ ħidma lejn azzjonijiet konkreti biex il-VET fl-Ewropa jiġu żviluppati aktar sal-2025.

X’inhuma l-edukazzjoni u t-taħriġ vokazzjonali?

Ir-Rakkomandazzjoni tal-Kunsill tiddefinixxi “l-edukazzjoni u t-taħriġ vokazzjonali” bħala “l-edukazzjoni u t-taħriġ bl-għan li ż-żgħażagħ u l-adulti jingħataw l-għarfien, il-ħiliet u l-kompetenzi meħtieġa fi professjonijiet partikolari jew b’mod aktar ġenerali fis-suq tax-xogħol”. Tali taħriġ jista’ jiġi pprovdut f’ambjenti formali u mhux formali, u fil-livelli kollha tal-Qafas Ewropew tal-Kwalifiki (QEK). Il-VET huma s-settur tal-edukazzjoni u t-taħriġ l-eqreb tas-suq tax-xogħol. Din il-forma personalizzata ta’ edukazzjoni u taħriġ hija importanti u effettiva ħafna, peress li tipprovdi ħiliet li jippreparaw lill-ħaddiema għal karrieri u għal okkupazzjonijiet speċifiċi, filwaqt li tipprovdi wkoll ħiliet trasferibbli siewja u twieġeb b’mod effettiv għall-ħtiġijiet ekonomiċi.

Dan il-fuljett jiġbor fil-qosor il-viżjoni komprensiva tal-UE għall-futur tal-VET u l-ħidma li qed tagħmel l-UE mal-Istati Membri biex tikseb din il-viżjoni. Huwa jħares lejn l-importanza tar-riformi tal-VET fil-livell nazzjonali u l-prinċipji ewlenin għal dawn ir-riformi, u jippreżenta inizjattivi ewlenin li qed iwittu t-triq fil-livell tal-UE.

Jekk inti parti kkonċernata tal-VET – bħal awtorità nazzjonali jew reġjonali, prattikant, kap ta’ skola jew għalliem, ħarrieġ jew ċentru ta’ taħriġ, servizz ta’ impjieg, jew maniġer tar-riżorsi umani – din il-pubblikazzjoni tipprovdi qari essenzjali dwar ir-riformi u l-inizjattivi ewlenin li qed jitwettqu fil-livell tal-UE u l-appoġġ finanzjarju possibbli li huwa disponibbli.

Jekk int student tal-VET, tista’ taqra wkoll dan il-fuljett biex issir taf aktar dwar il-VET u l-benefiċċji tagħhom. Dan se jgħinek tifhem kif l-UE u l-Istati Membri tagħha jappoġġawk fl-iżvilupp personali u professjonali tiegħek matul il-ħajja professjonali tiegħek.

Il-benefiċċji tal-edukazzjoni u t-taħriġ vokazzjonali

Il-VET jipprovdu lill-istudenti b’ħiliet li jappoġġaw l-iżvilupp personali u professjonali tagħhom, kemm jekk ikunu żgħażagħ li se jibdew il-karrieri tagħhom kif ukoll jekk ikunu adulti li qed ifittxu li jtejbu u jġeddu l-ħiliet tagħhom:

• Il-VET iħejju liż-żgħażagħ biex jidħlu b’suċċess fil-ħajja tax-xogħol;
• jgħinu lin-nies fl-impjieg itejbu kontinwament il-ħiliet tagħhom;
• jippermettulhom jadattaw għad-domandi li qed jinbidlu tad-dinja tax-xogħol jew jinnegozjaw bidliet fl-impjieg;
• jgħinu lin-nies qiegħda jiksbu l-ħiliet li jeħtieġu biex jerġgħu jidħlu fis-suq tax-xogħol;
• b’mod aktar ġenerali, jipprovdu lill-istudenti bl-għarfien, il-ħiliet u l-karatteristiċi biex jirnexxu fl-iżvilupp professjonali, soċjali u personali tagħhom.

Madwar l-UE, il-gradwati reċenti tal-programmi tal-VET (fil-livell sekondarju tat-tieni livell u fil-livell postsekondarju) għandhom it-tendenza li jkunu ferm aktar impjegabbli milli gradwati reċenti tal-edukazzjoni ġenerali, kif tixhed id-data fiċ-Ċart 1 u fl-anness. Skont il-Eurostat, ir-rata ta’ impjieg tal-gradwati tal-VET ta’ bejn 20 u 34 sena kienet ta’ 76.1 % fl-2020, meta mqabbla ma’ 58.3 % biss għall-gradwati tal-edukazzjoni ġenerali tal-istess età. Din ix-xejra kienet ċara wkoll f’pajjiżi individwali, b’20 Stat Membru juru rati ta’ impjieg ogħla fost il-gradwati reċenti tal-VET, u ħamsa biss juru rati ogħla fost il-gradwati tal-edukazzjoni ġenerali. Din l-istatistika turi l-effettività tal-programmi tal-VET biex jipprovdu ħiliet li jagħmlu lill-istudenti aktar impjegabbli u mħejjija biex jidħlu fis-suq tax-xogħol.

Xenarju tal-edukazzjoni u t-taħriġ vokazzjonali li qed jevolvi

Tradizzjonalment, il-programmi tal-VET kienu jitqiesu bħala mod li bih l-individwi jitħejjew għall-impjiegi f’okkupazzjonijiet b’ħiliet medji. Għalkemm tali okkupazzjonijiet jistgħu jkunu qed jonqsu, dawn ikomplu jirrappreżentaw l-akbar sehem ta’ impjiegi attwalment disponibbli fis-suq tax-xogħol. Madankollu, il-ħtieġa għal ħaddiema b’ħiliet ogħla wittiet ukoll it-triq għall-espansjoni tal-kwalifiki tal-VET għal livelli ogħla. Meta wieħed iqis dan – u minħabba l-benefiċċji tal-approċċ personalizzat ħafna tal-VET għall-edukazzjoni u t-taħriġ – il-VET ma għandhomx jibqgħu jitqiesu bħala li jkopru biss okkupazzjonijiet b’ħiliet medji. Il-VET jistgħu jissodisfaw il-ħtiġijiet tal-istudenti ta’ kull età li jkunu qegħdin ifittxu firxa wiesgħa ta’ okkupazzjonijiet f’livelli differenti ta’ ħiliet.

Il-VET diġà għandhom rwol prominenti fix-xenarju Ewropew tal-edukazzjoni sekondarja tat-tieni livell. Madwar nofs (48.4 %) l-istudenti kollha rreġistrati fl-edukazzjoni sekondarja tat-tieni livell huma rreġistrati fi programmi tal-VET. Iċ-ċifri ġenerali tal-parteċipazzjoni jvarjaw ħafna fost l-Istati Membri, minn 70.8 % fis-Slovenja u 70.5 % fir-Repubblika Ċeka, għal 26.1 % biss fil-Litwanja u 16.9 % f’Ċipru. Fil-perjodu bejn l-2017 u l-2019, madwar nofs l-Istati Membri tal-UE wrew żidiet perċentwali fil-parteċipazzjoni filwaqt li n-nofs l-ieħor wera tnaqqis, u dan wera differenzi żgħar fix-xejriet madwar l-Istati Membri.3 Iċ-ċifri għall-Istati Membri kollha jidhru f’Ċart 2 u huma inklużi bħala tabella fl-anness.

Introduzzjoni għall-edukazzjoni u t-taħriġ vokazzjonali

Kulħadd fl-Ewropa għandu jkollu aċċess għall-edukazzjoni, it-taħriġ u t-tagħlim tul il-ħajja, kemm jekk jgħix f’belt kbira kif ukoll f’żona rurali remota. Il-Karta tad-Drittijiet Fundamentali tal-UE tirrikonoxxi l-aċċess għall-edukazzjoni u t-taħriġ vokazzjonali u kontinwi bħala dritt fundamentali.

L-ewwel prinċipju tal-Pilastru Ewropew tad-Drittijiet Soċjali huwa d-dritt għal edukazzjoni, taħriġ u tagħlim tul il-ħajja ta’ kwalità u inklużivi, filwaqt li r-raba’ prinċipju li jirrigwarda l-appoġġ attiv għall-impjiegi, jenfasizza wkoll li kulħadd għandu d-dritt għal edukazzjoni u taħriġ kontinwi, u appoġġ biex itejjeb il-prospetti ta’ impjieg tiegħu.

Dawn id-drittijiet ifittxu li jiżguraw li kulħadd ikun jista’ jipparteċipa bis-sħiħ fis-soċjetà, li jkollu tranżizzjoni b’suċċess fis-suq tax-xogħol, u jirnexxi fil-karriera u fil-ħajja tiegħu. L-impjegaturi jeħtieġu wkoll ħaddiema bil-ħiliet it-tajba għall-impjiegi tal-lum u ta’ għada, sabiex jappoġġaw it-tranżizzjoni ekoloġika u dik diġitali tal-Ewropa u l-irkupru tagħha mill-impatti tal-pandemija tal-COVID-19.

Il-ħiliet huma fil-qalba tal-isforzi tal-UE biex din il-viżjoni ssir realtà. Permezz ta’ inizjattivi bħall-Aġenda Ewropea għall-Ħiliet, iż-Żona Ewropea tal-Edukazzjoni u l-Pjan ta’ Azzjoni għall-Edukazzjoni Diġitali, l-UE qed taħdem biex tiżviluppa ħiliet aħjar u biex tibni sistemi ta’ edukazzjoni u taħriġ reżiljenti li jħarsu ’l quddiem u li huma adattati għall-era diġitali.

L-edukazzjoni u t-taħriġ vokazzjonali (VET) huma kruċjali għal dan il-proċess, kif enfasizzat mir-Rakkomandazzjoni tal-Kunsill dwar l-edukazzjoni u t-taħriġ vokazzjonali (VET) għall-kompetittività sostenibbli, il-ġustizzja soċjali u r-reżiljenza, adottata f’Novembru 2020. Flimkien ma’ din, l-Istati Membri tal-UE u diversi pajjiżi oħra approvaw id-Dikjarazzjoni ta’ Osnabrück, li tistabbilixxi impenn ta’ ħidma lejn azzjonijiet konkreti biex il-VET fl-Ewropa jiġu żviluppati aktar sal-2025.

X’inhuma l-edukazzjoni u t-taħriġ vokazzjonali?

Ir-Rakkomandazzjoni tal-Kunsill tiddefinixxi “l-edukazzjoni u t-taħriġ vokazzjonali” bħala “l-edukazzjoni u t-taħriġ bl-għan li ż-żgħażagħ u l-adulti jingħataw l-għarfien, il-ħiliet u l-kompetenzi meħtieġa fi professjonijiet partikolari jew b’mod aktar ġenerali fis-suq tax-xogħol”. Tali taħriġ jista’ jiġi pprovdut f’ambjenti formali u mhux formali, u fil-livelli kollha tal-Qafas Ewropew tal-Kwalifiki (QEK). Il-VET huma s-settur tal-edukazzjoni u t-taħriġ l-eqreb tas-suq tax-xogħol. Din il-forma personalizzata ta’ edukazzjoni u taħriġ hija importanti u effettiva ħafna, peress li tipprovdi ħiliet li jippreparaw lill-ħaddiema għal karrieri u għal okkupazzjonijiet speċifiċi, filwaqt li tipprovdi wkoll ħiliet trasferibbli siewja u twieġeb b’mod effettiv għall-ħtiġijiet ekonomiċi.

Dan il-fuljett jiġbor fil-qosor il-viżjoni komprensiva tal-UE għall-futur tal-VET u l-ħidma li qed tagħmel l-UE mal-Istati Membri biex tikseb din il-viżjoni. Huwa jħares lejn l-importanza tar-riformi tal-VET fil-livell nazzjonali u l-prinċipji ewlenin għal dawn ir-riformi, u jippreżenta inizjattivi ewlenin li qed iwittu t-triq fil-livell tal-UE.

Jekk inti parti kkonċernata tal-VET – bħal awtorità nazzjonali jew reġjonali, prattikant, kap ta’ skola jew għalliem, ħarrieġ jew ċentru ta’ taħriġ, servizz ta’ impjieg, jew maniġer tar-riżorsi umani – din il-pubblikazzjoni tipprovdi qari essenzjali dwar ir-riformi u l-inizjattivi ewlenin li qed jitwettqu fil-livell tal-UE u l-appoġġ finanzjarju possibbli li huwa disponibbli.

Jekk int student tal-VET, tista’ taqra wkoll dan il-fuljett biex issir taf aktar dwar il-VET u l-benefiċċji tagħhom. Dan se jgħinek tifhem kif l-UE u l-Istati Membri tagħha jappoġġawk fl-iżvilupp personali u professjonali tiegħek matul il-ħajja professjonali tiegħek.

Il-benefiċċji tal-edukazzjoni u t-taħriġ vokazzjonali

Il-VET jipprovdu lill-istudenti b’ħiliet li jappoġġaw l-iżvilupp personali u professjonali tagħhom, kemm jekk ikunu żgħażagħ li se jibdew il-karrieri tagħhom kif ukoll jekk ikunu adulti li qed ifittxu li jtejbu u jġeddu l-ħiliet tagħhom:

• Il-VET iħejju liż-żgħażagħ biex jidħlu b’suċċess fil-ħajja tax-xogħol;
• jgħinu lin-nies fl-impjieg itejbu kontinwament il-ħiliet tagħhom;
• jippermettulhom jadattaw għad-domandi li qed jinbidlu tad-dinja tax-xogħol jew jinnegozjaw bidliet fl-impjieg;
• jgħinu lin-nies qiegħda jiksbu l-ħiliet li jeħtieġu biex jerġgħu jidħlu fis-suq tax-xogħol;
• b’mod aktar ġenerali, jipprovdu lill-istudenti bl-għarfien, il-ħiliet u l-karatteristiċi biex jirnexxu fl-iżvilupp professjonali, soċjali u personali tagħhom.

Madwar l-UE, il-gradwati reċenti tal-programmi tal-VET (fil-livell sekondarju tat-tieni livell u fil-livell postsekondarju) għandhom it-tendenza li jkunu ferm aktar impjegabbli milli gradwati reċenti tal-edukazzjoni ġenerali, kif tixhed id-data fiċ-Ċart 1 u fl-anness. Skont il-Eurostat, ir-rata ta’ impjieg tal-gradwati tal-VET ta’ bejn 20 u 34 sena kienet ta’ 76.1 % fl-2020, meta mqabbla ma’ 58.3 % biss għall-gradwati tal-edukazzjoni ġenerali tal-istess età. Din ix-xejra kienet ċara wkoll f’pajjiżi individwali, b’20 Stat Membru juru rati ta’ impjieg ogħla fost il-gradwati reċenti tal-VET, u ħamsa biss juru rati ogħla fost il-gradwati tal-edukazzjoni ġenerali. Din l-istatistika turi l-effettività tal-programmi tal-VET biex jipprovdu ħiliet li jagħmlu lill-istudenti aktar impjegabbli u mħejjija biex jidħlu fis-suq tax-xogħol.

Xenarju tal-edukazzjoni u t-taħriġ vokazzjonali li qed jevolvi

Tradizzjonalment, il-programmi tal-VET kienu jitqiesu bħala mod li bih l-individwi jitħejjew għall-impjiegi f’okkupazzjonijiet b’ħiliet medji. Għalkemm tali okkupazzjonijiet jistgħu jkunu qed jonqsu, dawn ikomplu jirrappreżentaw l-akbar sehem ta’ impjiegi attwalment disponibbli fis-suq tax-xogħol. Madankollu, il-ħtieġa għal ħaddiema b’ħiliet ogħla wittiet ukoll it-triq għall-espansjoni tal-kwalifiki tal-VET għal livelli ogħla. Meta wieħed iqis dan – u minħabba l-benefiċċji tal-approċċ personalizzat ħafna tal-VET għall-edukazzjoni u t-taħriġ – il-VET ma għandhomx jibqgħu jitqiesu bħala li jkopru biss okkupazzjonijiet b’ħiliet medji. Il-VET jistgħu jissodisfaw il-ħtiġijiet tal-istudenti ta’ kull età li jkunu qegħdin ifittxu firxa wiesgħa ta’ okkupazzjonijiet f’livelli differenti ta’ ħiliet.

Il-VET diġà għandhom rwol prominenti fix-xenarju Ewropew tal-edukazzjoni sekondarja tat-tieni livell. Madwar nofs (48.4 %) l-istudenti kollha rreġistrati fl-edukazzjoni sekondarja tat-tieni livell huma rreġistrati fi programmi tal-VET. Iċ-ċifri ġenerali tal-parteċipazzjoni jvarjaw ħafna fost l-Istati Membri, minn 70.8 % fis-Slovenja u 70.5 % fir-Repubblika Ċeka, għal 26.1 % biss fil-Litwanja u 16.9 % f’Ċipru. Fil-perjodu bejn l-2017 u l-2019, madwar nofs l-Istati Membri tal-UE wrew żidiet perċentwali fil-parteċipazzjoni filwaqt li n-nofs l-ieħor wera tnaqqis, u dan wera differenzi żgħar fix-xejriet madwar l-Istati Membri.3 Iċ-ċifri għall-Istati Membri kollha jidhru f’Ċart 2 u huma inklużi bħala tabella fl-anness.

Il-viżjoni tal-UE għall-edukazzjoni u t-taħriġ vokazzjonali

Politiki vokazzjonali b’saħħithom huma essenzjali għall-promozzjoni ta’ forza tax-xogħol tas-sengħa, imħarrġa u adattabbli u swieq tax-xogħol li jirreaġixxu għall-bidla ekonomika. L-UE stabbiliet il-pedamenti biex tappoġġa x-xenarju tal-VET fl-Ewropa permezz ta’ firxa ta’ inizjattivi, inklużi prinċipji u miri ewlenin għall-futur tal-VET.

Sfond qasir għall-politika tal-UE dwar l-edukazzjoni u t-taħriġ vokazzjonali

Il-politiki tal-UE ilhom jippromwovu u jsaħħu l-VET madwar l-Ewropa; lura fl-1963, l-UE stabbiliet il-prinċipji ġenerali għall-implimentazzjoni ta’ politika komuni ta’ taħriġ vokazzjonali u stabbiliet il-Kumitat Konsultattiv għat-Taħriġ Vokazzjonali (ACVT). Sa mill-bidu tas-seklu 21, il-politika tal-UE ffokat ħafna fuq il-VET, b’mod partikolari wara t-tnedija tal-istrateġija Ewropea għal kooperazzjoni msaħħa fl-edukazzjoni u t-taħriġ vokazzjonali fl-2002 (l-hekk imsejjaħ “Proċess ta’ Copenhagen”). Sussegwentement ġew introdotti għodod ewlenin bħall-Europass u l-QEK biex tittejjeb it-trasparenza tal-ħiliet u tal-kwalifiki. Programmi ewlenin ta’ finanzjament bħall-Fond Soċjali Ewropew Plus (FSE+) u Erasmus+ jappoġġaw l-edukazzjoni, it-taħriġ, il-ħiliet u t-tagħlim tul il-ħajja.

Wara l-kriżi finanzjarja, il-politika tal-UE fittxet li tinvesti aktar f’VET ta’ kwalità għolja biex trawwem tkabbir intelliġenti, sostenibbli u inklużiv sabiex tindirizza r-rati għoljin ta’ qgħad fost iż-żgħażagħ, b’enfasi partikolari fuq il-promozzjoni ta’ tagħlim imsejjes fuq ix-xogħol, assigurazzjoni tal-kwalità, aċċess imtejjeb għall-VET, it-tisħiħ ta’ ħiliet ewlenin, u l-iżvilupp professjonali tal-ħarrieġa tal-VET. Inizjattiva ewlenija f’dan il-kuntest hija l-Garanzija għaż-Żgħażagħ, li ilha tuża l-VET biex tiffaċilita t-tranżizzjoni taż-żgħażagħ fis-suq tax-xogħol mill-2013. Aktar reċentement, il-Pjan ta’ Azzjoni għal kooperazzjoni settorjali dwar il-ħiliet iffoka fuq l-indirizzar ta’ lakuni fil-ħiliet settorjali, inkluż permezz tal-iżvilupp ta’ programmi u kwalifiki tal-VET, u l-Klassifikazzjoni Ewropea ta’ Ħiliet, Kompetenzi, Kwalifiki u Impjiegi (ESCO) għenet biex jittejbu l-klassifikazzjonijiet multilingwi tal-ħiliet u l-kwalifiki.

Il-korpi ewlenin ta’ governanza tal-UE għall-kooperazzjoni fl-edukazzjoni u t-taħriġ vokazzjonali

L-Istati Membri, is-sħab soċjali u l-Kummissjoni jiddiskutu inizjattivi relatati mal-VET fil-laqgħat tal-Kumitat Konsultattiv għat-Taħriġ Vokazzjonali (ACVT) u tad-Diretturi Ġenerali għall-VET (DGVTs).

Sa mill-1963, l-ACVT għen lill-UE bl-implimentazzjoni tal-politika tagħha dwar il-VET. L-ACVT fil-prattika jkopri l-qasam usa’ tal-VET u tat-tagħlim għall-adulti, li jirrifletti l-fatt li l-politiki tal-VET huma tipikament inkorporati fis-sistemi usa’ tal-edukazzjoni u t-taħriġ.

Il-laqgħat tad-DGVT jlaqqgħu flimkien rappreżentanti ta’ livell għoli mill-ministeri responsabbli mill-VET minn 35 pajjiż, flimkien mas-sħab soċjali Ewropej. Id-DGVT jiddiskuti regolarment il-politiki strateġiċi tal-VET u r-riformi fil-livell tal-pajjiżi u jassumi rwol li jħares ’il quddiem biex jipprovdi direzzjoni għall-kooperazzjoni Ewropea fil-VET.

Mill-2002, il-laqgħat tad-DGVT ikkontribwew għal kooperazzjoni msaħħa fil-qasam tal-VET bejn l-Istati Membri, il-pajjiżi kandidati, l-Assoċjazzjoni Ewropea tal-Kummerċ Ħieles / il-pajjiżi taż-Żona Ekonomika Ewropea u s-sħab soċjali Ewropej bħala parti mill-Proċess ta’ Copenhagen. Dan huwa proċess volontarju mwettaq mill-pajjiżi bil-għan li jtejbu l-prestazzjoni, il-kwalità u l-attraenza tal-VET fl-Ewropa.

Aġenziji tal-UE li jappoġġaw il-kooperazzjoni fl-edukazzjoni u t-taħriġ vokazzjonali

Is-Cedefop, iċ-Ċentru Ewropew għall-Iżvilupp ta’ Taħriġ Vokazzjonali, appoġġa l-kooperazzjoni dwar il-VET u kkontribwixxa għall-aġenda politika li dejjem tevolvi minn meta twaqqaf għall-ewwel darba fl-1975. Is-Cedefop jaħdem mal-Kummissjoni Ewropea, mal-Istati Membri tal-UE u mas-sħab soċjali biex jgħin fl-iżvilupp, fil-promozzjoni u fl-implimentazzjoni tal-politiki tal-VET, tal-ħiliet u tal-kwalifiki.

Is-Cedefop jipprovdi informazzjoni, riċerka, analiżi u evidenza f’salib it-toroq tal-VET u tas-suq tax-xogħol. Il-ħidma tiegħu tkopri: Is-sistemi tal-VET; l-apprendistati; il-VET u l-perkorsi għat-titjib tal-ħiliet għall-adulti; il-gwida, il-validazzjoni tat-tagħlim u l-finanzjament tal-VET; il-kwalifiki u l-oqfsa tal-kwalifiki; l-għalliema u l-ħarrieġa; l-informazzjoni dwar il-ħiliet u l-futur tax-xogħol, b’enfasi fuq il-ħiliet ekoloġiċi u d-diġitalizzazzjoni. Bħala pjattaforma għal dawk li jfasslu l-politika, għas-sħab soċjali, għar-riċerkaturi, għall-esperti u għal atturi oħra tal-VET u tas-suq tax-xogħol, is-Cedefop jippromwovi l-kondiviżjoni tal-għarfien u t-tagħlim tal-politika. Dan għandu rwol ewlieni fil-monitoraġġ tal-implimentazzjoni tal-prijoritajiet u l-azzjonijiet definiti fir-Rakkomandazzjoni tal-Kunsill dwar il-VET u fid-Dikjarazzjoni ta’ Osnabrück.

Il-Fondazzjoni Ewropea għat-Taħriġ (ETF) tassisti lill-pajjiżi ġirien fir-riforma tas-sistemi tal-edukazzjoni, tat-taħriġ u tas-suq tax-xogħol tagħhom. B’aktar minn 25 sena esperjenza, l-ETF taħdem mill-qrib mal-gvernijiet, man-negozji u mas-sħab soċjali fil-livell tal-UE biex tagħmel l-aħjar użu mill-kapaċitajiet u l-ħiliet tan-nies. Attwalment l-ETF tappoġġa l-iżvilupp tal-bniedem f’29 pajjiż madwar il-fruntieri tal-UE. Hija tfittex li tippromwovi l-mobbiltà u l-inklużjoni soċjali, tirriforma s-sistemi tal-edukazzjoni u t-taħriġ, u tibbilanċja s-sistemi mal-ħtiġijiet tas-suq tax-xogħol.

L-Aġenda għall-Ħiliet għall-Ewropa tal-2020 stabbiliet objettivi kwantitattivi għat-titjib tal-ħiliet (it-titjib tal-ħiliet eżistenti) u t-taħriġ mill-ġdid (it-taħriġ f’ħiliet ġodda) fuq perjodu ta’ ħames snin. It-12-il azzjoni tal-Aġenda jiffokaw fuq it-trawwim tal-kollaborazzjoni bejn l-Istati Membri, il-kumpaniji u s-sħab soċjali biex in-nies jingħataw is-setgħa li jidħlu għat-tagħlim tul il-ħajja, u l-użu tal-baġit tal-UE bħala katalizzatur biex jiġi sfruttat l-investiment pubbliku u privat fil-ħiliet. L-Aġenda taħdem f’sinerġija maż-Żona Ewropea tal-Edukazzjoni u mal-Pjan ta’ Azzjoni għall-Edukazzjoni Diġitali biex ittejjeb il-ħiliet diġitali, u toħloq spazju olistiku u Ewropew għat-tagħlim li jkun ta’ benefiċċju għall-istudenti, l-għalliema u l-istituzzjonijiet kollha.

Il-Patt għall-Ħiliet huwa l-ewwel waħda mill-azzjonijiet ewlenin taħt l-Aġenda għall-Ħiliet għall-Ewropa u jistieden lill-organizzazzjonijiet pubbliċi u privati jingħaqdu flimkien u jieħdu azzjoni konkreta biex itejbu u jġeddu l-ħiliet tan-nies fl-Ewropa. L-Aġenda għall-Ħiliet għall-Ewropa ħabbret ukoll inizjattiva dwar Kontijiet Individwali tal-Apprendiment, bil-għan li tiffaċilita l-aċċess għat-taħriġ għall-adulti fl-età tax-xogħol u tagħtihom is-setgħa li jiġġestixxu b’suċċess it-tranżizzjonijiet tas-suq tax-xogħol.

L-edukazzjoni u t-taħriġ vokazzjonali fil-kuntest usa’ tal-politika tal-UE

L-edukazzjoni, it-taħriġ u l-ħiliet huma fil-qalba tal-politika tal-UE. Il-Patt Ekoloġiku Ewropew, l-Istrateġija Industrijali l-Ġdida għall-Ewropa, il-Pjan ta’ Azzjoni dwar l-Ekonomija Ċirkolari u l-Istrateġija tal-UE għall-Bijodiversità kollha jenfasizzaw ir-rwol importanti tal-ħiliet u t-taħriġ fl-appoġġ tat-tkabbir sostenibbli u t-tranżizzjoni għal ekonomija ekoloġika. L-istrateġija tal-SMEs għal Ewropa sostenibbli u diġitali tiddeskrivi l-valur tal-ħiliet għan-negozji, filwaqt li l-Istrateġija dwar l-Ugwaljanza bejn il-Ġeneri 2020–2025 tenfasizza l-importanza tal-ħiliet fl-indirizzar tal-isterjotipi tal-ġeneru u fil-kisba ta’ bilanċ bejn il-ġeneri f’ħafna professjonijiet. NextGenerationEU, il-pjan għall-ħruġ tal-UE mill-pandemija tal-COVID-19, jipprevedi wkoll finanzjament iddedikat għall-VET peress li għandu l-għan li jagħmel lill-Ewropa u lill-ekonomija tagħha aktar ekoloġika, aktar diġitali u aktar b’saħħitha minn qatt qabel.

Approċċ ġdid u komprensiv għall-edukazzjoni u t-taħriġ vokazzjonali

Ir-Rakkomandazzjoni tal-Kunsill dwar il-VET għall-kompetittività sostenibbli, il-ġustizzja soċjali u r-reżiljenza tiddefinixxi prinċipji ewlenin biex jiġi żgurat li l-VET jipprovdu opportunitajiet ta’ tagħlim ta’ kwalità għaż-żgħażagħ u għall-adulti. Ir-Rakkomandazzjoni tiffoka b’mod qawwi fuq aktar flessibbiltà, opportunitajiet imsaħħa għal tagħlim imsejjes fuq ix-xogħol u apprendistati, u assigurazzjoni tal-kwalità mtejba.

Ispirata mill-Opinjoni tal-ACVT tal-2018 dwar il-futur tal-edukazzjoni u t-taħriġ vokazzjonali wara l-2020, ir-Rakkomandazzjoni tal-Kunsill tistabbilixxi viżjoni għal politika tal-VET li:

• tgħammar liż-żgħażagħ u lill-adulti bl-għarfien, il-ħiliet u l-kompetenzi biex jirnexxu fis-suq tax-xogħol u fis-soċjetà li qed jevolvu u jimmaniġġjaw l-irkupru u t-tranżizzjoni ġusta għall-ekonomija ekoloġika u diġitali fi żminijiet ta’ tibdil demografiku u tul iċ-ċikli ekonomiċi kollha;
• trawwem inklużività u opportunitajiet indaqs u tikkontribwixxi għall-kisba ta’ reżiljenza, ġustizzja soċjali u prosperità għal kulħadd;
• tippromwovi s-sistemi Ewropej tal-VET f’kuntest internazzjonali sabiex jiġu rikonoxxuti bħala referenza globali għall-istudenti vokazzjonali.

Ir-Rakkomandazzjoni tistabbilixxi wkoll dawn l-objettivi fil-livell tal-UE u li għandha l-għan li tilħaq sal-2025:

• jiġu impjegati mill-inqas 82 % tal-gradwati tal-VET;
• 60 % tal-gradwati reċenti tal-VET jibbenefikaw minn kwalunkwe forma ta’ tagħlim imsejjes fuq ix-xogħol matul l-istudji tagħhom;
• 8 % tal-istudenti tal-VET ikollhom tagħlim barra mill-pajjiż.

L-ewwel u t-tielet objettivi jibnu fuq il-parametri referenzjarji eżistenti tal-ET 2020 dwar l-impjegabbiltà tal-gradwati u l-mobbiltà fil-VET, filwaqt li t-tieni wieħed jibni fuq ir-Rakkomandazzjoni tal-Kunsill ta’ Marzu 2018 dwar Qafas Ewropew għal Apprendistati ta’ Kwalità Effettivi.

Il-viżjoni tal-UE għall-edukazzjoni u t-taħriġ vokazzjonali

Politiki vokazzjonali b’saħħithom huma essenzjali għall-promozzjoni ta’ forza tax-xogħol tas-sengħa, imħarrġa u adattabbli u swieq tax-xogħol li jirreaġixxu għall-bidla ekonomika. L-UE stabbiliet il-pedamenti biex tappoġġa x-xenarju tal-VET fl-Ewropa permezz ta’ firxa ta’ inizjattivi, inklużi prinċipji u miri ewlenin għall-futur tal-VET.

Sfond qasir għall-politika tal-UE dwar l-edukazzjoni u t-taħriġ vokazzjonali

Il-politiki tal-UE ilhom jippromwovu u jsaħħu l-VET madwar l-Ewropa; lura fl-1963, l-UE stabbiliet il-prinċipji ġenerali għall-implimentazzjoni ta’ politika komuni ta’ taħriġ vokazzjonali u stabbiliet il-Kumitat Konsultattiv għat-Taħriġ Vokazzjonali (ACVT). Sa mill-bidu tas-seklu 21, il-politika tal-UE ffokat ħafna fuq il-VET, b’mod partikolari wara t-tnedija tal-istrateġija Ewropea għal kooperazzjoni msaħħa fl-edukazzjoni u t-taħriġ vokazzjonali fl-2002 (l-hekk imsejjaħ “Proċess ta’ Copenhagen”). Sussegwentement ġew introdotti għodod ewlenin bħall-Europass u l-QEK biex tittejjeb it-trasparenza tal-ħiliet u tal-kwalifiki. Programmi ewlenin ta’ finanzjament bħall-Fond Soċjali Ewropew Plus (FSE+) u Erasmus+ jappoġġaw l-edukazzjoni, it-taħriġ, il-ħiliet u t-tagħlim tul il-ħajja.

Wara l-kriżi finanzjarja, il-politika tal-UE fittxet li tinvesti aktar f’VET ta’ kwalità għolja biex trawwem tkabbir intelliġenti, sostenibbli u inklużiv sabiex tindirizza r-rati għoljin ta’ qgħad fost iż-żgħażagħ, b’enfasi partikolari fuq il-promozzjoni ta’ tagħlim imsejjes fuq ix-xogħol, assigurazzjoni tal-kwalità, aċċess imtejjeb għall-VET, it-tisħiħ ta’ ħiliet ewlenin, u l-iżvilupp professjonali tal-ħarrieġa tal-VET. Inizjattiva ewlenija f’dan il-kuntest hija l-Garanzija għaż-Żgħażagħ, li ilha tuża l-VET biex tiffaċilita t-tranżizzjoni taż-żgħażagħ fis-suq tax-xogħol mill-2013. Aktar reċentement, il-Pjan ta’ Azzjoni għal kooperazzjoni settorjali dwar il-ħiliet iffoka fuq l-indirizzar ta’ lakuni fil-ħiliet settorjali, inkluż permezz tal-iżvilupp ta’ programmi u kwalifiki tal-VET, u l-Klassifikazzjoni Ewropea ta’ Ħiliet, Kompetenzi, Kwalifiki u Impjiegi (ESCO) għenet biex jittejbu l-klassifikazzjonijiet multilingwi tal-ħiliet u l-kwalifiki.

Il-korpi ewlenin ta’ governanza tal-UE għall-kooperazzjoni fl-edukazzjoni u t-taħriġ vokazzjonali

L-Istati Membri, is-sħab soċjali u l-Kummissjoni jiddiskutu inizjattivi relatati mal-VET fil-laqgħat tal-Kumitat Konsultattiv għat-Taħriġ Vokazzjonali (ACVT) u tad-Diretturi Ġenerali għall-VET (DGVTs).

Sa mill-1963, l-ACVT għen lill-UE bl-implimentazzjoni tal-politika tagħha dwar il-VET. L-ACVT fil-prattika jkopri l-qasam usa’ tal-VET u tat-tagħlim għall-adulti, li jirrifletti l-fatt li l-politiki tal-VET huma tipikament inkorporati fis-sistemi usa’ tal-edukazzjoni u t-taħriġ.

Il-laqgħat tad-DGVT jlaqqgħu flimkien rappreżentanti ta’ livell għoli mill-ministeri responsabbli mill-VET minn 35 pajjiż, flimkien mas-sħab soċjali Ewropej. Id-DGVT jiddiskuti regolarment il-politiki strateġiċi tal-VET u r-riformi fil-livell tal-pajjiżi u jassumi rwol li jħares ’il quddiem biex jipprovdi direzzjoni għall-kooperazzjoni Ewropea fil-VET.

Mill-2002, il-laqgħat tad-DGVT ikkontribwew għal kooperazzjoni msaħħa fil-qasam tal-VET bejn l-Istati Membri, il-pajjiżi kandidati, l-Assoċjazzjoni Ewropea tal-Kummerċ Ħieles / il-pajjiżi taż-Żona Ekonomika Ewropea u s-sħab soċjali Ewropej bħala parti mill-Proċess ta’ Copenhagen. Dan huwa proċess volontarju mwettaq mill-pajjiżi bil-għan li jtejbu l-prestazzjoni, il-kwalità u l-attraenza tal-VET fl-Ewropa.

Aġenziji tal-UE li jappoġġaw il-kooperazzjoni fl-edukazzjoni u t-taħriġ vokazzjonali

Is-Cedefop, iċ-Ċentru Ewropew għall-Iżvilupp ta’ Taħriġ Vokazzjonali, appoġġa l-kooperazzjoni dwar il-VET u kkontribwixxa għall-aġenda politika li dejjem tevolvi minn meta twaqqaf għall-ewwel darba fl-1975. Is-Cedefop jaħdem mal-Kummissjoni Ewropea, mal-Istati Membri tal-UE u mas-sħab soċjali biex jgħin fl-iżvilupp, fil-promozzjoni u fl-implimentazzjoni tal-politiki tal-VET, tal-ħiliet u tal-kwalifiki.

Is-Cedefop jipprovdi informazzjoni, riċerka, analiżi u evidenza f’salib it-toroq tal-VET u tas-suq tax-xogħol. Il-ħidma tiegħu tkopri: Is-sistemi tal-VET; l-apprendistati; il-VET u l-perkorsi għat-titjib tal-ħiliet għall-adulti; il-gwida, il-validazzjoni tat-tagħlim u l-finanzjament tal-VET; il-kwalifiki u l-oqfsa tal-kwalifiki; l-għalliema u l-ħarrieġa; l-informazzjoni dwar il-ħiliet u l-futur tax-xogħol, b’enfasi fuq il-ħiliet ekoloġiċi u d-diġitalizzazzjoni. Bħala pjattaforma għal dawk li jfasslu l-politika, għas-sħab soċjali, għar-riċerkaturi, għall-esperti u għal atturi oħra tal-VET u tas-suq tax-xogħol, is-Cedefop jippromwovi l-kondiviżjoni tal-għarfien u t-tagħlim tal-politika. Dan għandu rwol ewlieni fil-monitoraġġ tal-implimentazzjoni tal-prijoritajiet u l-azzjonijiet definiti fir-Rakkomandazzjoni tal-Kunsill dwar il-VET u fid-Dikjarazzjoni ta’ Osnabrück.

Il-Fondazzjoni Ewropea għat-Taħriġ (ETF) tassisti lill-pajjiżi ġirien fir-riforma tas-sistemi tal-edukazzjoni, tat-taħriġ u tas-suq tax-xogħol tagħhom. B’aktar minn 25 sena esperjenza, l-ETF taħdem mill-qrib mal-gvernijiet, man-negozji u mas-sħab soċjali fil-livell tal-UE biex tagħmel l-aħjar użu mill-kapaċitajiet u l-ħiliet tan-nies. Attwalment l-ETF tappoġġa l-iżvilupp tal-bniedem f’29 pajjiż madwar il-fruntieri tal-UE. Hija tfittex li tippromwovi l-mobbiltà u l-inklużjoni soċjali, tirriforma s-sistemi tal-edukazzjoni u t-taħriġ, u tibbilanċja s-sistemi mal-ħtiġijiet tas-suq tax-xogħol.

L-Aġenda għall-Ħiliet għall-Ewropa tal-2020 stabbiliet objettivi kwantitattivi għat-titjib tal-ħiliet (it-titjib tal-ħiliet eżistenti) u t-taħriġ mill-ġdid (it-taħriġ f’ħiliet ġodda) fuq perjodu ta’ ħames snin. It-12-il azzjoni tal-Aġenda jiffokaw fuq it-trawwim tal-kollaborazzjoni bejn l-Istati Membri, il-kumpaniji u s-sħab soċjali biex in-nies jingħataw is-setgħa li jidħlu għat-tagħlim tul il-ħajja, u l-użu tal-baġit tal-UE bħala katalizzatur biex jiġi sfruttat l-investiment pubbliku u privat fil-ħiliet. L-Aġenda taħdem f’sinerġija maż-Żona Ewropea tal-Edukazzjoni u mal-Pjan ta’ Azzjoni għall-Edukazzjoni Diġitali biex ittejjeb il-ħiliet diġitali, u toħloq spazju olistiku u Ewropew għat-tagħlim li jkun ta’ benefiċċju għall-istudenti, l-għalliema u l-istituzzjonijiet kollha.

Il-Patt għall-Ħiliet huwa l-ewwel waħda mill-azzjonijiet ewlenin taħt l-Aġenda għall-Ħiliet għall-Ewropa u jistieden lill-organizzazzjonijiet pubbliċi u privati jingħaqdu flimkien u jieħdu azzjoni konkreta biex itejbu u jġeddu l-ħiliet tan-nies fl-Ewropa. L-Aġenda għall-Ħiliet għall-Ewropa ħabbret ukoll inizjattiva dwar Kontijiet Individwali tal-Apprendiment, bil-għan li tiffaċilita l-aċċess għat-taħriġ għall-adulti fl-età tax-xogħol u tagħtihom is-setgħa li jiġġestixxu b’suċċess it-tranżizzjonijiet tas-suq tax-xogħol.

L-edukazzjoni u t-taħriġ vokazzjonali fil-kuntest usa’ tal-politika tal-UE

L-edukazzjoni, it-taħriġ u l-ħiliet huma fil-qalba tal-politika tal-UE. Il-Patt Ekoloġiku Ewropew, l-Istrateġija Industrijali l-Ġdida għall-Ewropa, il-Pjan ta’ Azzjoni dwar l-Ekonomija Ċirkolari u l-Istrateġija tal-UE għall-Bijodiversità kollha jenfasizzaw ir-rwol importanti tal-ħiliet u t-taħriġ fl-appoġġ tat-tkabbir sostenibbli u t-tranżizzjoni għal ekonomija ekoloġika. L-istrateġija tal-SMEs għal Ewropa sostenibbli u diġitali tiddeskrivi l-valur tal-ħiliet għan-negozji, filwaqt li l-Istrateġija dwar l-Ugwaljanza bejn il-Ġeneri 2020–2025 tenfasizza l-importanza tal-ħiliet fl-indirizzar tal-isterjotipi tal-ġeneru u fil-kisba ta’ bilanċ bejn il-ġeneri f’ħafna professjonijiet. NextGenerationEU, il-pjan għall-ħruġ tal-UE mill-pandemija tal-COVID-19, jipprevedi wkoll finanzjament iddedikat għall-VET peress li għandu l-għan li jagħmel lill-Ewropa u lill-ekonomija tagħha aktar ekoloġika, aktar diġitali u aktar b’saħħitha minn qatt qabel.

Approċċ ġdid u komprensiv għall-edukazzjoni u t-taħriġ vokazzjonali

Ir-Rakkomandazzjoni tal-Kunsill dwar il-VET għall-kompetittività sostenibbli, il-ġustizzja soċjali u r-reżiljenza tiddefinixxi prinċipji ewlenin biex jiġi żgurat li l-VET jipprovdu opportunitajiet ta’ tagħlim ta’ kwalità għaż-żgħażagħ u għall-adulti. Ir-Rakkomandazzjoni tiffoka b’mod qawwi fuq aktar flessibbiltà, opportunitajiet imsaħħa għal tagħlim imsejjes fuq ix-xogħol u apprendistati, u assigurazzjoni tal-kwalità mtejba.

Ispirata mill-Opinjoni tal-ACVT tal-2018 dwar il-futur tal-edukazzjoni u t-taħriġ vokazzjonali wara l-2020, ir-Rakkomandazzjoni tal-Kunsill tistabbilixxi viżjoni għal politika tal-VET li:

• tgħammar liż-żgħażagħ u lill-adulti bl-għarfien, il-ħiliet u l-kompetenzi biex jirnexxu fis-suq tax-xogħol u fis-soċjetà li qed jevolvu u jimmaniġġjaw l-irkupru u t-tranżizzjoni ġusta għall-ekonomija ekoloġika u diġitali fi żminijiet ta’ tibdil demografiku u tul iċ-ċikli ekonomiċi kollha;
• trawwem inklużività u opportunitajiet indaqs u tikkontribwixxi għall-kisba ta’ reżiljenza, ġustizzja soċjali u prosperità għal kulħadd;
• tippromwovi s-sistemi Ewropej tal-VET f’kuntest internazzjonali sabiex jiġu rikonoxxuti bħala referenza globali għall-istudenti vokazzjonali.

Ir-Rakkomandazzjoni tistabbilixxi wkoll dawn l-objettivi fil-livell tal-UE u li għandha l-għan li tilħaq sal-2025:

• jiġu impjegati mill-inqas 82 % tal-gradwati tal-VET;
• 60 % tal-gradwati reċenti tal-VET jibbenefikaw minn kwalunkwe forma ta’ tagħlim imsejjes fuq ix-xogħol matul l-istudji tagħhom;
• 8 % tal-istudenti tal-VET ikollhom tagħlim barra mill-pajjiż.

L-ewwel u t-tielet objettivi jibnu fuq il-parametri referenzjarji eżistenti tal-ET 2020 dwar l-impjegabbiltà tal-gradwati u l-mobbiltà fil-VET, filwaqt li t-tieni wieħed jibni fuq ir-Rakkomandazzjoni tal-Kunsill ta’ Marzu 2018 dwar Qafas Ewropew għal Apprendistati ta’ Kwalità Effettivi.

It-tħeġġiġ tar-riformi madwar l-Ewropa

L-Istati Membri intrabtu li jimplimentaw azzjonijiet biex jappoġġaw ir-riformi tal-VET fil-livell nazzjonali, flimkien mas-sħab soċjali u ma’ partijiet ikkonċernati rilevanti oħra. Dawn ir-riformi fil-livell nazzjonali huma essenzjali biex titwettaq il-viżjoni għall-VET.

Prinċipji għar-riformi fil-livell nazzjonali

Ir-riformi għandhom ikunu bbażati fuq il-prinċipji li ġejjin li jiddikjaraw li l-VET għandhom...

• Ikunu aġli fl-adattament għall-bidliet fis-suq tax-xogħol: l-Istati Membri għandhom jistabbilixxu oqfsa u miżuri xierqa biex jiżguraw li l-VET jipprovdu taħlita bilanċjata ta’ ħiliet u jwieġbu malajr għat-tibdil fid-domandi tas-suq tax-xogħol (permezz ta’ mekkaniżmi ta’ antiċipazzjoni tal-ħiliet, pereżempju). It-tagħlim imsejjes fuq ix-xogħol u l-apprendistati, b’mod partikolari, huma approċċi effettivi biex tiġi żgurata r-rilevanza tal-VET fis-suq tax-xogħol.
• Ikollhom opportunitajiet ta’ flessibbiltà u ta’ progressjoni fil-qalba tagħhom: l-Istati Membri għandhom jiżguraw li l-programmi tal-VET ikunu personalizzati u ċċentrati fuq l-istudent. Dan jgħin biex jinkiseb involviment qawwi u biex il-perkorsi tal-VET isiru aktar attraenti, li jwassal għal aktar impjegabbiltà. Il-kwalifiki vokazzjonali għandhom jinqasmu f’unitajiet iżgħar u f’eżiti ta’ tagħlim rilevanti, li jippermettu li l-kontenut jiġi aġġornat b’mod flessibbli u personalizzat skont il-ħtiġijiet individwali.
• Ikunu mutur għall-innovazzjoni u t-tkabbir: Il-VET għandhom ikunu parti mill-istrateġiji ekonomiċi, industrijali u ta’ innovazzjoni, inklużi dawk marbuta mal-irkupru u t-tranżizzjoni ekoloġika u dik diġitali. L-istituzzjonijiet tal-VET għandu jkollhom infrastruttura tal-ogħla livell ta’ żvilupp tekniku u l-istrateġiji ta’ diġitalizzazzjoni u t-taħriġ tal-VET jeħtieġ li jiġu adattati u estiżi biex irawmu t-tagħlim ta’ ħiliet intraprenditorjali, diġitali u ekoloġiċi, speċjalment għall-adulti. Dan għandu jgħin fit-tħejjija tal-Ewropa għat-tranżizzjoni ekoloġika u dik diġitali u jappoġġa l-okkupazzjonijiet b’domanda għolja.
• Ikunu għażla attraenti, ibbażata fuq forniment modern u diġitalizzat ta’ ħiliet u taħriġ: l-Istati Membri għandhom jagħmlu l-VET aktar attraenti permezz tal-innovazzjoni u l-modernizzazzjoni, b’mod partikolari f’termini ta’ ambjenti, għodod u metodi ġodda ta’ tagħlim, b’enfasi partikolari fuq id-diġitalizzazzjoni. Is-sistemi tal-edukazzjoni u t-taħriġ għandhom jippermettu perkorsi vertikali u orizzontali bejn il-VET, l-edukazzjoni ġenerali fl-iskejjel, l-edukazzjoni għolja, u l-edukazzjoni għall-adulti.
• Jippromwovu l-ugwaljanza tal-opportunitajiet: il-programmi tal-VET jeħtieġ li jkunu inklużivi u aċċessibbli għall-gruppi vulnerabbli, bħal persuni b’diżabilità, persuni mingħajr ħiliet jew kwalifiki, minoranzi, persuni bi sfond ta’ migrazzjoni, u persuni li għandhom inqas opportunitajiet minħabba l-isfond soċjoekonomiku tagħhom jew iż-żona li jgħixu fiha. Miżuri mmirati u formati flessibbli ta’ taħriġ jistgħu jgħinu biex jiġi evitat it-tluq bikri mill-edukazzjoni u t-taħriġ, u jappoġġaw it-tranżizzjonijiet mill-iskola għax-xogħol.
• Ikunu sostnuti minn kultura ta’ assigurazzjoni tal-kwalità: Il-Qafas ta’ Referenza Ewropew għall-Assigurazzjoni tal-Kwalità għall-Edukazzjoni u t-Taħriġ Vokazzjonali (EQAVET) huwa bbażat fuq sett ta’ deskritturi indikattivi komuni u indikaturi ta’ referenza komuni għall-assigurazzjoni tal-kwalità fil-VET, applikati kemm fil-livell tas-sistema kif ukoll fil-livell tal-fornitur skont il-kuntest nazzjonali. Il-Punti ta’ Referenza Nazzjonali tal-EQAVET (NRPs) għandhom rwol x’jaqdu biex jiġbru flimkien il-partijiet ikkonċernati nazzjonali u reġjonali u jgħinu biex il-Qafas tal-EQAVET jiġi żviluppat u implimentat aktar.

Il-Qafas ta’ Referenza Ewropew għall-Assigurazzjoni tal-Kwalità għall-Edukazzjoni u t-Taħriġ Vokazzjonali (EQAVET) u s-Sistema Ewropea ta’ Krediti għall-Edukazzjoni u t-Taħriġ Vokazzjonali (ECVET)

Ir-Rakkomandazzjoni tal-Kunsill ta’ Novembru 2020 dwar il-VET tissostitwixxi r-Rakkomandazzjonijiet preċedenti dwar l-EQAVET u s-Sistema Ewropea ta’ Krediti għall-Edukazzjoni u t-Taħriġ Vokazzjonali (ECVET), li ġew adottati fl-2009.

L-EQAVET jistabbilixxi qafas ta’ referenza li jappoġġa lill-Istati Membri biex itejbu l-kwalità tas-sistemi tal-VET tagħhom u jżidu t-trasparenza fir-rigward tal-arranġamenti tal-assigurazzjoni tal-kwalità fil-VET. Matul l-10 snin li ilu jiġi implimentat, l-EQAVET stimula r-riformi fis-sistemi nazzjonali tal-assigurazzjoni tal-kwalità, għalkemm ma tax kontribut daqstant sinifikanti għat-titjib tat-trasparenza fl-arranġamenti tal-assigurazzjoni tal-kwalità. Barra minn hekk, ġie applikat l-aktar f’VET inizjali bbażati fl-iskejjel.

L-EQAVET huwa msaħħaħ minn EQAVET aġġornat inkluż fir-Rakkomandazzjoni dwar il-VET, li jenfasizza l-kwalità tal-eżiti tat-tagħlim, iċ-ċertifikazzjoni u l-valutazzjoni, il-konsultazzjoni mal-partijiet ikkonċernati, ir-rwol tal-għalliema u ta’ min iħarreġ, it-tagħlim imsejjes fuq ix-xogħol, it-tagħlim diġitali u l-flessibbiltà. Ġew introdotti rieżamijiet tal-assigurazzjoni tal-kwalità bejn il-pari fil-livell tal-UE għas-sistemi tal-VET biex jitjieb it-tagħlim reċiproku, l-assigurazzjoni tal-kwalità ssir aktar trasparenti, u tissaħħaħ il-fiduċja reċiproka bejn l-Istati Membri.

L-ECVET ġiet stabbilita biex ittejjeb ir-rikonoxximent, l-akkumulazzjoni u t-trasferiment tal-eżiti tat-tagħlim. Din kellha l-għan li tappoġġa l-mobbiltà u t-tagħlim tul il-ħajja, kif ukoll l-istabbiliment ta’ sistema ta’ krediti tal-UE fil-VET. L-ECVET għenet biex tittejjeb il-mobbiltà permezz tal-użu u d-dokumentazzjoni tal-unitajiet u tal-eżiti ta’ tagħlim relatati. Madankollu, il-kunċett ta’ punti tal-ECVET ġeneralment ma ġiex applikat, u l-ECVET ma wasslitx għall-iżvilupp ta’ sistema ta’ krediti Ewropea fil-VET.

Ir-Rakkomandazzjoni tal-Kunsill issostitwiet ir-Rakkomandazzjoni dwar l-ECVET billi inkludiet il-prinċipji ewlenin tal-ECVET preċedenti relatati mal-flessibbiltà, filwaqt li l-għodod li jappoġġaw il-mobbiltà tal-istudenti vokazzjonali (il-Ftehim ta’ Tagħlim u l-Memorandum ta’ Qbil) se jkomplu jiġu żviluppati fil-qafas ta’ strumenti oħra tal-UE (eż. l-Erasmus+). Għall-kwalifiki vokazzjonali fil-livell postsekondarju u terzjarju, se tkompli tintuża s-Sistema Ewropea għall-Akkumulazzjoni u t-Trasferimenti ta’ Krediti (ECTS).

L-azzjonijiet meħuda mill-Istati Membri, appoġġati mill-kooperazzjoni tal-UE dwar il-VET u l-prinċipji ta’ hawn fuq, għandhom jagħmlu l-VET għażla aġli, flessibbli u attraenti bbażata fuq opportunitajiet indaqs u kultura ta’ assigurazzjoni tal-kwalità. B’mod speċifiku, l-azzjonijiet għandhom:

• Jippromwovu u jappoġġaw sħubijiet sostenibbli għall-governanza tal-VET fil-livell reġjonali u settorjali, f’konformità mal-kuntesti nazzjonali u, fejn rilevanti, permezz ta’ sħubijiet pubbliċi-privati. L-azzjonijiet għandhom jinvolvu lis-sħab soċjali u lill-partijiet ikkonċernati rilevanti kollha, inklużi:

• l-istituzzjonijiet tal-VET;
• industriji u negozji ta’ kull daqs;
• servizzi pubbliċi u privati tal-impjiegi;
• għalliema u ħarrieġa tal-VET, u r-rappreżentanti tagħhom;
• korpi intermedjarji (bħal kmamar tal-industrija, tal-kummerċ u tas-snajja’);
• organizzazzjonijiet professjonali u settorjali;
• koordinaturi nazzjonali għall-Garanzija għaż-Żgħażagħ, il-FSE+, u inizjattivi oħra tal-UE;
• is-settur tat-teknoloġija tal-informazzjoni;
• Ċentri ta’ Eċċellenza Vokazzjonali (CoVEs);
• raggruppamenti; organizzazzjonijiet tal-istudenti u tal-ġenituri; u awtoritajiet lokali, reġjonali u nazzjonali.

Il-kooperazzjoni fost il-partijiet ikkonċernati tal-VET fil-livell tal-pajjiż hija kruċjali biex jiġi żgurat li r-riformi jkunu mfassla u implimentati tajjeb u mifhuma sew fil-livell tal-prattikanti u ta’ partijiet ikkonċernati oħra.

• Jagħmlu l-aħjar użu mill-għodod ta’ trasparenza. L-azzjonijiet għandhom jagħmlu użu mill-għodod, inkluż il-Qafas Ewropew tal-Kwalifiki, il-Europass, l-ESCO u l-ECTS, biex itejbu r-rikonoxximent tal-ħiliet, il-kwalifiki u l-eżiti tal-perjodi ta’ tagħlim barra mill-pajjiż. Permezz tal-Europass, pereżempju, l-istudenti jistgħu jirreġistraw l-esperjenzi, il-ħiliet u l-kwalifiki tagħhom fi profil online u jaċċessaw gwida dwar il-karrieri, informazzjoni dwar l-esperjenzi tal-mobbiltà u l-kredenzjali diġitali, jirċievu suġġerimenti u jfittxu opportunitajiet ta’ tagħlim u ta’ impjieg.
• Jagħmlu l-aħjar użu mill-fondi u mill-istrumenti tal-UE li jappoġġaw ir-riformi u/jew l-investiment fil-VET. L-azzjonijiet għandhom jistimulaw aktar investimenti fil-VET kemm mis-settur pubbliku kif ukoll minn dak privat. Ara t-taqsima “Finanzjament” għal eżempji ta’ fondi u strumenti tal-UE.
• Jiddefinixxu miżuri li jibnu fuq l-arranġamenti nazzjonali u l-oqfsa finanzjarji eżistenti sa Mejju 2022 (l-hekk imsejħa “pjanijiet nazzjonali ta’ implimentazzjoni”). Dawn il-miżuri għandhom jiffokaw fuq l-integrazzjoni tad-diġitalizzazzjoni u s-sostenibbiltà ambjentali fis-settur kollu tal-VET.

Il-Komunità tal-prattikanti Ewropej tal-VET tal-Pjattaforma Elettronika għat-Tagħlim tal-Adulti fl-Ewropa, pereżempju, għandha l-għan li ssaħħaħ il-komunità tal-VET madwar l-UE. B’enfasi fuq it-tagħlim online/mill-bogħod, il-ħiliet ekoloġiċi, l-inklużjoni soċjali, u l-mobbiltà tal-istudenti, hija tgħin lill-prattikanti bħall-għalliema, il-ħarrieġa u t-tuturi tal-kumpaniji jkunu konxji mill-inizjattivi ta’ politika fil-livell Ewropew u jikkooperaw bejniethom biex isibu għodod u riżorsi interessanti għall-forniment tal-VET.

Impenji konkreti fil-livell nazzjonali

Id-Dikjarazzjoni ta’ Osnabrück, li tistabbilixxi impenn ta’ ħidma għal diversi azzjonijiet ibbażati fuq ir-Rakkomandazzjoni dwar il-VET sal-2025, ġiet approvata mill-Ministri inkarigati mill-VET fl-UE27, fiż-Żona Ekonomika Ewropea/fl-Assoċjazzjoni Ewropea tal-Kummerċ Ħieles u mill-pajjiżi kandidati, mis-sħab soċjali Ewropej u mill-Kummissjoni Ewropea. L-assoċjazzjonijiet tal-fornituri tal-VET tal-UE u r-rappreżentanti tal-istudenti wkoll appoġġaw id-Dikjarazzjoni.

Din tikkomplementa r-Rakkomandazzjoni tal-Kunsill billi tiddefinixxi azzjonijiet konkreti għall-perjodu 2021–2025 kemm fil-livell nazzjonali kif ukoll f’dak tal-UE, filwaqt li tiffoka fuq erba’ oqsma ewlenin:

• Ir-reżiljenza u l-eċċellenza permezz ta’ VET ta’ kwalità, inklużivi u flessibbli: VET flessibbli u reżiljenti għandhom ikunu jistgħu jadattaw għat-tfixkil u jibdlu l-problemi f’opportunitajiet. B’dan il-mod, iġibu l-innovazzjoni, il-produttività u r-reżiljenza fl-ekonomiji u s-soċjetajiet fil-livell lokali, reġjonali, nazzjonali u Ewropew. Filwaqt li l-VET jippermettu liċ-ċittadini jkampaw mal-bidla, dawn għandhom jippermettulhom ukoll isawru l-bidla. L-innovazzjoni fil-VET hija marbuta mill-qrib ma’ ħiliet, kurrikuli, metodi ta’ tagħlim u għodod ta’ tbassir ġodda.
• L-istabbiliment ta’ kultura ġdida ta’ tagħlim tul il-ħajja: Kultura ġdida ta’ tagħlim tul il-ħajja għandha tippermetti lill-individwi jibbenefikaw minn gwida għall-karriera tul ħajjithom kollha. Għandha tgħinhom ukoll jinvolvu ruħhom fi programmi tal-VET ta’ kwalità u inklużivi, u jiksbu ħiliet ewlenin biex jimmaniġġjaw b’mod attiv l-edukazzjoni, it-taħriġ u l-impjiegi tagħhom b’appoġġ mill-partijiet ikkonċernati.
• Is-sostenibbiltà: Il-kumpaniji, l-organizzazzjonijiet tas-settur privat u l-inizjattivi soċjetali huma fatturi ewlenin tas-sostenibbiltà. L-edukazzjoni u t-taħriġ vokazzjonali inizjali u kontinwi għandhom jagħmlu ħilithom biex jinkorporaw ħiliet għas-sostenibbiltà fir-regolamenti u l-prattiki tagħhom. L-iżviluppi teknoloġiċi qed jixprunaw ukoll it-tkabbir f’ħafna setturi, inklużi l-edukazzjoni u t-taħriġ. L-ambjenti ta’ tagħlim minn sorsi miftuħa/diġitali jagħmlu l-edukazzjoni dwar l-iżvilupp sostenibbli aktar aċċessibbli.
• Iż-Żona Ewropea ta’ Edukazzjoni u Taħriġ u l-VET internazzjonali: Il-globalizzazzjoni tas-swieq u tax-xejriet demografiċi tfisser li s-sistemi u l-istituzzjonijiet tal-VET fil-livell nazzjonali, reġjonali u settorjali jeħtieġ li jadattaw u jimmodernizzaw. Madankollu, toffri wkoll potenzjal kbir għat-tisħiħ tal-Ewropa bħala ċentru ta’ edukazzjoni u taħriġ.

Id-Dikjarazzjoni tirrappreżenta impenn ċar mill-Istati Membri biex itejbu s-sistemi tal-VET madwar l-UE matul is-snin li ġejjin, f’sinerġija mal-prinċipji u l-azzjonijiet tar-Rakkomandazzjoni tal-Kunsill dwar il-VET.

It-tħeġġiġ tar-riformi madwar l-Ewropa

L-Istati Membri intrabtu li jimplimentaw azzjonijiet biex jappoġġaw ir-riformi tal-VET fil-livell nazzjonali, flimkien mas-sħab soċjali u ma’ partijiet ikkonċernati rilevanti oħra. Dawn ir-riformi fil-livell nazzjonali huma essenzjali biex titwettaq il-viżjoni għall-VET.

Prinċipji għar-riformi fil-livell nazzjonali

Ir-riformi għandhom ikunu bbażati fuq il-prinċipji li ġejjin li jiddikjaraw li l-VET għandhom...

• Ikunu aġli fl-adattament għall-bidliet fis-suq tax-xogħol: l-Istati Membri għandhom jistabbilixxu oqfsa u miżuri xierqa biex jiżguraw li l-VET jipprovdu taħlita bilanċjata ta’ ħiliet u jwieġbu malajr għat-tibdil fid-domandi tas-suq tax-xogħol (permezz ta’ mekkaniżmi ta’ antiċipazzjoni tal-ħiliet, pereżempju). It-tagħlim imsejjes fuq ix-xogħol u l-apprendistati, b’mod partikolari, huma approċċi effettivi biex tiġi żgurata r-rilevanza tal-VET fis-suq tax-xogħol.
• Ikollhom opportunitajiet ta’ flessibbiltà u ta’ progressjoni fil-qalba tagħhom: l-Istati Membri għandhom jiżguraw li l-programmi tal-VET ikunu personalizzati u ċċentrati fuq l-istudent. Dan jgħin biex jinkiseb involviment qawwi u biex il-perkorsi tal-VET isiru aktar attraenti, li jwassal għal aktar impjegabbiltà. Il-kwalifiki vokazzjonali għandhom jinqasmu f’unitajiet iżgħar u f’eżiti ta’ tagħlim rilevanti, li jippermettu li l-kontenut jiġi aġġornat b’mod flessibbli u personalizzat skont il-ħtiġijiet individwali.
• Ikunu mutur għall-innovazzjoni u t-tkabbir: Il-VET għandhom ikunu parti mill-istrateġiji ekonomiċi, industrijali u ta’ innovazzjoni, inklużi dawk marbuta mal-irkupru u t-tranżizzjoni ekoloġika u dik diġitali. L-istituzzjonijiet tal-VET għandu jkollhom infrastruttura tal-ogħla livell ta’ żvilupp tekniku u l-istrateġiji ta’ diġitalizzazzjoni u t-taħriġ tal-VET jeħtieġ li jiġu adattati u estiżi biex irawmu t-tagħlim ta’ ħiliet intraprenditorjali, diġitali u ekoloġiċi, speċjalment għall-adulti. Dan għandu jgħin fit-tħejjija tal-Ewropa għat-tranżizzjoni ekoloġika u dik diġitali u jappoġġa l-okkupazzjonijiet b’domanda għolja.
• Ikunu għażla attraenti, ibbażata fuq forniment modern u diġitalizzat ta’ ħiliet u taħriġ: l-Istati Membri għandhom jagħmlu l-VET aktar attraenti permezz tal-innovazzjoni u l-modernizzazzjoni, b’mod partikolari f’termini ta’ ambjenti, għodod u metodi ġodda ta’ tagħlim, b’enfasi partikolari fuq id-diġitalizzazzjoni. Is-sistemi tal-edukazzjoni u t-taħriġ għandhom jippermettu perkorsi vertikali u orizzontali bejn il-VET, l-edukazzjoni ġenerali fl-iskejjel, l-edukazzjoni għolja, u l-edukazzjoni għall-adulti.
• Jippromwovu l-ugwaljanza tal-opportunitajiet: il-programmi tal-VET jeħtieġ li jkunu inklużivi u aċċessibbli għall-gruppi vulnerabbli, bħal persuni b’diżabilità, persuni mingħajr ħiliet jew kwalifiki, minoranzi, persuni bi sfond ta’ migrazzjoni, u persuni li għandhom inqas opportunitajiet minħabba l-isfond soċjoekonomiku tagħhom jew iż-żona li jgħixu fiha. Miżuri mmirati u formati flessibbli ta’ taħriġ jistgħu jgħinu biex jiġi evitat it-tluq bikri mill-edukazzjoni u t-taħriġ, u jappoġġaw it-tranżizzjonijiet mill-iskola għax-xogħol.
• Ikunu sostnuti minn kultura ta’ assigurazzjoni tal-kwalità: Il-Qafas ta’ Referenza Ewropew għall-Assigurazzjoni tal-Kwalità għall-Edukazzjoni u t-Taħriġ Vokazzjonali (EQAVET) huwa bbażat fuq sett ta’ deskritturi indikattivi komuni u indikaturi ta’ referenza komuni għall-assigurazzjoni tal-kwalità fil-VET, applikati kemm fil-livell tas-sistema kif ukoll fil-livell tal-fornitur skont il-kuntest nazzjonali. Il-Punti ta’ Referenza Nazzjonali tal-EQAVET (NRPs) għandhom rwol x’jaqdu biex jiġbru flimkien il-partijiet ikkonċernati nazzjonali u reġjonali u jgħinu biex il-Qafas tal-EQAVET jiġi żviluppat u implimentat aktar.

Il-Qafas ta’ Referenza Ewropew għall-Assigurazzjoni tal-Kwalità għall-Edukazzjoni u t-Taħriġ Vokazzjonali (EQAVET) u s-Sistema Ewropea ta’ Krediti għall-Edukazzjoni u t-Taħriġ Vokazzjonali (ECVET)

Ir-Rakkomandazzjoni tal-Kunsill ta’ Novembru 2020 dwar il-VET tissostitwixxi r-Rakkomandazzjonijiet preċedenti dwar l-EQAVET u s-Sistema Ewropea ta’ Krediti għall-Edukazzjoni u t-Taħriġ Vokazzjonali (ECVET), li ġew adottati fl-2009.

L-EQAVET jistabbilixxi qafas ta’ referenza li jappoġġa lill-Istati Membri biex itejbu l-kwalità tas-sistemi tal-VET tagħhom u jżidu t-trasparenza fir-rigward tal-arranġamenti tal-assigurazzjoni tal-kwalità fil-VET. Matul l-10 snin li ilu jiġi implimentat, l-EQAVET stimula r-riformi fis-sistemi nazzjonali tal-assigurazzjoni tal-kwalità, għalkemm ma tax kontribut daqstant sinifikanti għat-titjib tat-trasparenza fl-arranġamenti tal-assigurazzjoni tal-kwalità. Barra minn hekk, ġie applikat l-aktar f’VET inizjali bbażati fl-iskejjel.

L-EQAVET huwa msaħħaħ minn EQAVET aġġornat inkluż fir-Rakkomandazzjoni dwar il-VET, li jenfasizza l-kwalità tal-eżiti tat-tagħlim, iċ-ċertifikazzjoni u l-valutazzjoni, il-konsultazzjoni mal-partijiet ikkonċernati, ir-rwol tal-għalliema u ta’ min iħarreġ, it-tagħlim imsejjes fuq ix-xogħol, it-tagħlim diġitali u l-flessibbiltà. Ġew introdotti rieżamijiet tal-assigurazzjoni tal-kwalità bejn il-pari fil-livell tal-UE għas-sistemi tal-VET biex jitjieb it-tagħlim reċiproku, l-assigurazzjoni tal-kwalità ssir aktar trasparenti, u tissaħħaħ il-fiduċja reċiproka bejn l-Istati Membri.

L-ECVET ġiet stabbilita biex ittejjeb ir-rikonoxximent, l-akkumulazzjoni u t-trasferiment tal-eżiti tat-tagħlim. Din kellha l-għan li tappoġġa l-mobbiltà u t-tagħlim tul il-ħajja, kif ukoll l-istabbiliment ta’ sistema ta’ krediti tal-UE fil-VET. L-ECVET għenet biex tittejjeb il-mobbiltà permezz tal-użu u d-dokumentazzjoni tal-unitajiet u tal-eżiti ta’ tagħlim relatati. Madankollu, il-kunċett ta’ punti tal-ECVET ġeneralment ma ġiex applikat, u l-ECVET ma wasslitx għall-iżvilupp ta’ sistema ta’ krediti Ewropea fil-VET.

Ir-Rakkomandazzjoni tal-Kunsill issostitwiet ir-Rakkomandazzjoni dwar l-ECVET billi inkludiet il-prinċipji ewlenin tal-ECVET preċedenti relatati mal-flessibbiltà, filwaqt li l-għodod li jappoġġaw il-mobbiltà tal-istudenti vokazzjonali (il-Ftehim ta’ Tagħlim u l-Memorandum ta’ Qbil) se jkomplu jiġu żviluppati fil-qafas ta’ strumenti oħra tal-UE (eż. l-Erasmus+). Għall-kwalifiki vokazzjonali fil-livell postsekondarju u terzjarju, se tkompli tintuża s-Sistema Ewropea għall-Akkumulazzjoni u t-Trasferimenti ta’ Krediti (ECTS).

L-azzjonijiet meħuda mill-Istati Membri, appoġġati mill-kooperazzjoni tal-UE dwar il-VET u l-prinċipji ta’ hawn fuq, għandhom jagħmlu l-VET għażla aġli, flessibbli u attraenti bbażata fuq opportunitajiet indaqs u kultura ta’ assigurazzjoni tal-kwalità. B’mod speċifiku, l-azzjonijiet għandhom:

• Jippromwovu u jappoġġaw sħubijiet sostenibbli għall-governanza tal-VET fil-livell reġjonali u settorjali, f’konformità mal-kuntesti nazzjonali u, fejn rilevanti, permezz ta’ sħubijiet pubbliċi-privati. L-azzjonijiet għandhom jinvolvu lis-sħab soċjali u lill-partijiet ikkonċernati rilevanti kollha, inklużi:

• l-istituzzjonijiet tal-VET;
• industriji u negozji ta’ kull daqs;
• servizzi pubbliċi u privati tal-impjiegi;
• għalliema u ħarrieġa tal-VET, u r-rappreżentanti tagħhom;
• korpi intermedjarji (bħal kmamar tal-industrija, tal-kummerċ u tas-snajja’);
• organizzazzjonijiet professjonali u settorjali;
• koordinaturi nazzjonali għall-Garanzija għaż-Żgħażagħ, il-FSE+, u inizjattivi oħra tal-UE;
• is-settur tat-teknoloġija tal-informazzjoni;
• Ċentri ta’ Eċċellenza Vokazzjonali (CoVEs);
• raggruppamenti; organizzazzjonijiet tal-istudenti u tal-ġenituri; u awtoritajiet lokali, reġjonali u nazzjonali.

Il-kooperazzjoni fost il-partijiet ikkonċernati tal-VET fil-livell tal-pajjiż hija kruċjali biex jiġi żgurat li r-riformi jkunu mfassla u implimentati tajjeb u mifhuma sew fil-livell tal-prattikanti u ta’ partijiet ikkonċernati oħra.

• Jagħmlu l-aħjar użu mill-għodod ta’ trasparenza. L-azzjonijiet għandhom jagħmlu użu mill-għodod, inkluż il-Qafas Ewropew tal-Kwalifiki, il-Europass, l-ESCO u l-ECTS, biex itejbu r-rikonoxximent tal-ħiliet, il-kwalifiki u l-eżiti tal-perjodi ta’ tagħlim barra mill-pajjiż. Permezz tal-Europass, pereżempju, l-istudenti jistgħu jirreġistraw l-esperjenzi, il-ħiliet u l-kwalifiki tagħhom fi profil online u jaċċessaw gwida dwar il-karrieri, informazzjoni dwar l-esperjenzi tal-mobbiltà u l-kredenzjali diġitali, jirċievu suġġerimenti u jfittxu opportunitajiet ta’ tagħlim u ta’ impjieg.
• Jagħmlu l-aħjar użu mill-fondi u mill-istrumenti tal-UE li jappoġġaw ir-riformi u/jew l-investiment fil-VET. L-azzjonijiet għandhom jistimulaw aktar investimenti fil-VET kemm mis-settur pubbliku kif ukoll minn dak privat. Ara t-taqsima “Finanzjament” għal eżempji ta’ fondi u strumenti tal-UE.
• Jiddefinixxu miżuri li jibnu fuq l-arranġamenti nazzjonali u l-oqfsa finanzjarji eżistenti sa Mejju 2022 (l-hekk imsejħa “pjanijiet nazzjonali ta’ implimentazzjoni”). Dawn il-miżuri għandhom jiffokaw fuq l-integrazzjoni tad-diġitalizzazzjoni u s-sostenibbiltà ambjentali fis-settur kollu tal-VET.

Il-Komunità tal-prattikanti Ewropej tal-VET tal-Pjattaforma Elettronika għat-Tagħlim tal-Adulti fl-Ewropa, pereżempju, għandha l-għan li ssaħħaħ il-komunità tal-VET madwar l-UE. B’enfasi fuq it-tagħlim online/mill-bogħod, il-ħiliet ekoloġiċi, l-inklużjoni soċjali, u l-mobbiltà tal-istudenti, hija tgħin lill-prattikanti bħall-għalliema, il-ħarrieġa u t-tuturi tal-kumpaniji jkunu konxji mill-inizjattivi ta’ politika fil-livell Ewropew u jikkooperaw bejniethom biex isibu għodod u riżorsi interessanti għall-forniment tal-VET.

Impenji konkreti fil-livell nazzjonali

Id-Dikjarazzjoni ta’ Osnabrück, li tistabbilixxi impenn ta’ ħidma għal diversi azzjonijiet ibbażati fuq ir-Rakkomandazzjoni dwar il-VET sal-2025, ġiet approvata mill-Ministri inkarigati mill-VET fl-UE27, fiż-Żona Ekonomika Ewropea/fl-Assoċjazzjoni Ewropea tal-Kummerċ Ħieles u mill-pajjiżi kandidati, mis-sħab soċjali Ewropej u mill-Kummissjoni Ewropea. L-assoċjazzjonijiet tal-fornituri tal-VET tal-UE u r-rappreżentanti tal-istudenti wkoll appoġġaw id-Dikjarazzjoni.

Din tikkomplementa r-Rakkomandazzjoni tal-Kunsill billi tiddefinixxi azzjonijiet konkreti għall-perjodu 2021–2025 kemm fil-livell nazzjonali kif ukoll f’dak tal-UE, filwaqt li tiffoka fuq erba’ oqsma ewlenin:

• Ir-reżiljenza u l-eċċellenza permezz ta’ VET ta’ kwalità, inklużivi u flessibbli: VET flessibbli u reżiljenti għandhom ikunu jistgħu jadattaw għat-tfixkil u jibdlu l-problemi f’opportunitajiet. B’dan il-mod, iġibu l-innovazzjoni, il-produttività u r-reżiljenza fl-ekonomiji u s-soċjetajiet fil-livell lokali, reġjonali, nazzjonali u Ewropew. Filwaqt li l-VET jippermettu liċ-ċittadini jkampaw mal-bidla, dawn għandhom jippermettulhom ukoll isawru l-bidla. L-innovazzjoni fil-VET hija marbuta mill-qrib ma’ ħiliet, kurrikuli, metodi ta’ tagħlim u għodod ta’ tbassir ġodda.
• L-istabbiliment ta’ kultura ġdida ta’ tagħlim tul il-ħajja: Kultura ġdida ta’ tagħlim tul il-ħajja għandha tippermetti lill-individwi jibbenefikaw minn gwida għall-karriera tul ħajjithom kollha. Għandha tgħinhom ukoll jinvolvu ruħhom fi programmi tal-VET ta’ kwalità u inklużivi, u jiksbu ħiliet ewlenin biex jimmaniġġjaw b’mod attiv l-edukazzjoni, it-taħriġ u l-impjiegi tagħhom b’appoġġ mill-partijiet ikkonċernati.
• Is-sostenibbiltà: Il-kumpaniji, l-organizzazzjonijiet tas-settur privat u l-inizjattivi soċjetali huma fatturi ewlenin tas-sostenibbiltà. L-edukazzjoni u t-taħriġ vokazzjonali inizjali u kontinwi għandhom jagħmlu ħilithom biex jinkorporaw ħiliet għas-sostenibbiltà fir-regolamenti u l-prattiki tagħhom. L-iżviluppi teknoloġiċi qed jixprunaw ukoll it-tkabbir f’ħafna setturi, inklużi l-edukazzjoni u t-taħriġ. L-ambjenti ta’ tagħlim minn sorsi miftuħa/diġitali jagħmlu l-edukazzjoni dwar l-iżvilupp sostenibbli aktar aċċessibbli.
• Iż-Żona Ewropea ta’ Edukazzjoni u Taħriġ u l-VET internazzjonali: Il-globalizzazzjoni tas-swieq u tax-xejriet demografiċi tfisser li s-sistemi u l-istituzzjonijiet tal-VET fil-livell nazzjonali, reġjonali u settorjali jeħtieġ li jadattaw u jimmodernizzaw. Madankollu, toffri wkoll potenzjal kbir għat-tisħiħ tal-Ewropa bħala ċentru ta’ edukazzjoni u taħriġ.

Id-Dikjarazzjoni tirrappreżenta impenn ċar mill-Istati Membri biex itejbu s-sistemi tal-VET madwar l-UE matul is-snin li ġejjin, f’sinerġija mal-prinċipji u l-azzjonijiet tar-Rakkomandazzjoni tal-Kunsill dwar il-VET.

Azzjonijiet u inizjattivi ta’ appoġġ lill-Istati Membri

L-UE ħadmet kontinwament biex tappoġġa lill-Istati Membri fir-riformi tagħhom tal-VET. L-UE għandha l-għan li tħeġġeġ il-kooperazzjoni bejn l-Istati Membri u tiffaċilita l-koordinazzjoni fl-oqsma tal-impjiegi u tal-VET, filwaqt li tirrispetta bis-sħiħ ir-responsabbiltà tal-Istati Membri għall-kontenut u l-organizzazzjoni ta’ tali taħriġ.

Għadd ta’ inizjattivi tal-UE jipprovdu għodod u appoġġ utli għall-partijiet ikkonċernati tal-VET u jistgħu jgħinu lill-Istati Membri jtejbu l-kwalità u t-trasparenza tas-sistemi tal-VET tagħhom u jagħmlu l-viżjoni tal-UE għall-VET realtà madwar l-Ewropa.

Iċ-Ċentri ta’ Eċċellenza Vokazzjonali (CoVEs)

Il-CoVEs huma networks kollaborattivi transnazzjonali mmirati biex jixprunaw l-innovazzjoni u l-eċċellenza fil-VET. Dawn jiġbru flimkien firxa wiesgħa ta’ sħab lokali u reġjonali, inklużi fornituri tal-VET (fil-livell sekondarju tat-tieni livell u f’dak terzjarju), impjegaturi, ċentri ta’ riċerka, u sħab soċjali, biex joħolqu flimkien “ekosistemi tal-ħiliet”. B’dan il-mod, huma jikkontribwixxu għal ekonomija innovattiva, inklużiva u sostenibbli.

L-inizjattiva CoVEs hija allinjata mal-Aġenda għall-Ħiliet u maż-Żona Ewropea tal-Edukazzjoni, u għandha l-għan li tistabbilixxi 100 CoVEs, appoġġati mill-finanzjament tal-Erasmus+, bejn l-2021 u l-2027. Din tappoġġa lill-Istati Membri, lis-sħab soċjali, u lill-fornituri tal-VET biex jimplimentaw l-objettivi tar-Rakkomandazzjoni tal-Kunsill dwar il-VET u d-Dikjarazzjoni ta’ Osnabrück.

Il-CoVEs attiraw l-interess ta’ ħafna sħab mid-dinja kollha – aktar minn 1 700 organizzazzjoni minn 55 pajjiż wieġbu għas-sejħa ta’ Erasmus+ tal-2021 – li juri l-potenzjal tagħhom li jappoġġaw l-internazzjonalizzazzjoni tal-VET Ewropej u l-istabbiliment ta’ sħubijiet fit-tul ma’ organizzazzjonijiet lil hinn mill-Ewropa. Il-CoVEs jistgħu jkunu element ewlieni biex jintlaħqu l-għanijiet tal-UE li tagħmel lill-Ewropa punt ta’ referenza ta’ klassi dinjija għall-ħiliet ta’ kwalità għolja.

Ħiliet ekoloġiċi u diġitali

L-UE ddeskriviet l-importanza ta’ azzjonijiet li jippromwovu t-tranżizzjoni ekoloġika u dik diġitali biex l-ekonomija Ewropea ssir aktar ġusta, reżiljenti u sostenibbli. Dawn iż-żewġ tranżizzjonijiet huma fil-qalba tal-aġenda politika tal-Kummissjoni, kif jixhdu l-Aġenda Ewropea għall-Ħiliet tal-2020, il-Pjan ta’ Azzjoni għall-Edukazzjoni Diġitali u l-Patt Ekoloġiku Ewropew.

L-istituzzjonijiet u s-sistemi tal-VET jinsabu f’pożizzjoni tajba biex jiffaċilitaw it-titjib tal-ħiliet u t-taħriġ mill-ġdid, li huma kundizzjoni essenzjali biex it-tranżizzjoni tkun ġusta u inklużiva.

Erasmus+ u l-Faċilità għall-Irkupru u r-Reżiljenza (parti minn NextGenerationEU) jistgħu jiġu sfruttati biex iħejju lin-nies permezz tal-VET għal opportunitajiet tas-suq tax-xogħol li jirriżultaw miż-żewġ tranżizzjonijiet.

Barra minn hekk, se jiġu promossi aktar korsijiet intensivi ta’ taħriġ diġitali, u d-DigComp (il-Qafas ta’ Kompetenza Diġitali għaċ-Ċittadini tal-UE) se jiġi aġġornat biex jirrifletti żviluppi teknoloġiċi ġodda u emerġenti bħall-intelliġenza artifiċjali, id-“datafikazzjoni” tal-aspetti kollha tal-ħajja, u l-ħiliet ekoloġiċi. Ġie żviluppat qafas ta’ kompetenza simili dwar is-sostenibbiltà biex jinbena fehim komuni tal-kompetenzi ewlenin meħtieġa għat-tranżizzjoni ekoloġika.

SELFIE (Awtoriflessjoni dwar l-Apprendiment Effettiv billi Jitrawwem l-użu ta’ teknoloġiji Edukattivi Innovattivi) hija għodda li tappoġġa d-diġitalizzazzjoni tal-iskejjel. L-għodda hija disponibbli mingħajr ħlas u tista’ tiġi ppersonalizzata mill-iskejjel, inklużi l-iskejjel tal-VET, biex jifhmu u jinkorporaw it-teknoloġija diġitali fil-prattiki tat-tagħlim u tal-apprendiment tagħhom. SELFIE tiġbor feedback anonimu mingħand l-istudenti, l-għalliema u l-kapijiet tal-iskejjel permezz ta’ kwestjonarji dwar kif tintuża t-teknoloġija fl-iskola tagħhom. L-għodda mbagħad tiġġenera rapport tas-saħħiet u d-dgħufijiet tal-iskola fl-użu tagħha tat-teknoloġija.

F’Ottubru 2021, l-UE nediet estensjoni ta’ SELFIE li tiffoka fuq it-tagħlim imsejjes fuq ix-xogħol. Il-modulu l-ġdid jinkorpora l-fehmiet tal-ħarrieġa fil-kumpaniji, u b’hekk jinvolvi kumpaniji, kif ukoll studenti, għalliema, u kapijiet tal-iskejjel, fl-eżerċizzju. Dan jippermetti lill-iskejjel u lill-kumpaniji tat-taħriġ tal-VET jiddiskutu flimkien kif l-aħjar jiddiġitalizzaw l-edukazzjoni u t-taħriġ li jipprovdu. Attwalment din l-estensjoni hija disponibbli f’kull waħda mill-24 lingwa uffiċjali tal-UE bħala parti mill-għodda ewlenija ta’ SELFIE.

Appoġġ imsaħħaħ għall-apprendistati

Inizjattivi bħall-Garanzija għaż-Żgħażagħ, l-Alleanza Ewropea għall-Apprendistati (EAfA) u s-Servizzi ta’ Appoġġ għall-Apprendistati jlaqqgħu flimkien lill-gvernijiet u lill-partijiet ikkonċernati biex isaħħu l-appoġġ għall-apprendistati u jtejbu s-sensibilizzazzjoni u l-impenji għat-titjib tal-VET.

L-EAfA mġedda tippromwovi l-koalizzjonijiet nazzjonali, tappoġġa lill-SMEs u ssaħħaħ l-involviment tas-sħab soċjali, inkluż fil-livell settorjali. L-EAfA timmobilizza wkoll lill-awtoritajiet lokali u reġjonali u tappoġġa r-rappreżentanza tal-apprendisti fl-Istati Membri. Din tinkoraġġixxi apprendistati ekoloġiċi, diġitali u inklużivi li jibbenefikaw kemm lill-impjegaturi kif ukoll liż-żgħażagħ, billi tibni forza tax-xogħol b’ħiliet f’firxa wiesgħa ta’ setturi. Is-Servizzi ta’ Appoġġ tal-Alleanza jaħdmu biex itejbu l-kwalità tal-apprendistati fl-Ewropa billi jipprovdu riżorsi online u opportunitajiet ta’ networking, li jippermettu lill-individwi jikkomunikaw ma’ xulxin, jitgħallmu u jaġixxu.

Kemm l-EAfA kif ukoll is-Servizzi ta’ Appoġġ għall-Apprendistati se jissaħħu u jingħataw spinta mill-UE.

Il-Ġimgħa Ewropea tal-Ħiliet Vokazzjonali

Sa mill-2016, il-Ġimgħa Ewropea tal-Ħiliet Vokazzjonali (VET Week) ġabret flimkien organizzazzjonijiet lokali, reġjonali u nazzjonali biex jiċċelebraw il-kisbiet tal-VET madwar l-Ewropa. L-avveniment annwali jqajjem kuxjenza dwar il-potenzjal tal-VET li joħolqu impjiegi u jappoġġaw il-karrieri u jipprovdi opportunitajiet għall-iskambju ta’ informazzjoni u prattiki tajbin. Il-ġimgħa tal-VET tkun mimlija avvenimenti u attivitajiet organizzati mis-sħab madwar l-Ewropa, u kull sena jkollha tema differenti li tirrikonoxxi l-importanza tal-VET u tal-ħiliet. Din tinvolvi bosta kelliema esperti li jaqsmu l-għarfien tagħhom mal-parteċipanti f’konferenzi jew skambji online. Il-Ġimgħa hija wkoll ċelebrazzjoni tal-Premjijiet għall-Eċċellenza tal-VET li tpoġġi l-attenzjoni fuq nies u organizzazzjonijiet ta’ ispirazzjoni.

Profili Vokazzjonali Ewlenin Ewropej

Il-Profili Vokazzjonali Ewlenin Ewropej huma element innovattiv ieħor tal-eċċellenza u l-internazzjonalizzazzjoni tal-VET. Dawn il-profili jistgħu jiddefinixxu sett komuni ta’ eżiti tat-tagħlim li jistgħu jintużaw fl-iżvilupp ta’ kurrikuli, kwalifiki, u mikrokredenzjali konġunti tal-edukazzjoni u t-taħriġ vokazzjonali. Il-profili jistgħu jiffaċilitaw il-mobbiltà tal-istudenti u tal-ħaddiema u jappoġġaw ir-rikonoxximent awtomatiku tal-kwalifiki tal-VET u l-eżiti tat-tagħlim barra mill-pajjiż. Il-profili jkunu parti mill-pjattaforma tal-Europass u jkunu kkomplementati, fejn possibbli, minn kontenut vokazzjonali diġitali.

Rieżamijiet bejn il-pari tal-assigurazzjoni tal-kwalità fil-livell tas-sistema tal-edukazzjoni u t-taħriġ vokazzjonali

Ir-rieżamijiet bejn il-pari huma tip ta’ tagħlim reċiproku volontarju li għandu l-għan li jagħmel is-sistemi tal-assigurazzjoni tal-kwalità aktar trasparenti u effettivi. Ir-Rakkomandazzjoni tal-VET issemmi rieżamijiet bejn il-pari tal-assigurazzjoni tal-kwalità fil-livell tas-sistema tal-VET bħala azzjoni konkreta biex tgħin fit-tisħiħ tal-fiduċja u t-trasparenza bejn l-Istati Membri u ttejjeb it-tagħlim reċiproku madwar l-UE. L-UE se taħdem mal-Istati Membri biex ittejjeb it-trasparenza tal-iżviluppi nazzjonali tal-VET permezz ta’ rieżamijiet bejn il-pari tal-assigurazzjoni tal-kwalità, billi tibni fuq il-ħidma tal-EQAVET, li kkontribwixxa għal diversi riformi fis-sistemi nazzjonali tal-assigurazzjoni tal-kwalità.

Mikrokredenzjali

Mikrokredenzjali huwa rekord tal-eżiti tat-tagħlim li student ikun kiseb wara volum żgħir ta’ tagħlim. Ir-Rakkomandazzjoni tal-Kunsill dwar il-VET tistieden lill-Kummissjoni Ewropea “tesplora l-kunċett u l-użu tal-mikrokredenzjali”. Il-mikrokredenzjali jippermettu akkwist immirat u flessibbli ta’ ħiliet biex jiġu ssodisfati l-ħtiġijiet ġodda u emerġenti fis-soċjetà u fis-suq tax-xogħol, iżda ma jissostitwixxux il-kwalifiki tradizzjonali. Il-mikrokredenzjali jistgħu jitfasslu u jitwasslu minn varjetà ta’ fornituri f’ambjenti differenti ta’ tagħlim formali, mhux formali u informali.

F’Diċembru 2021, proposta tal-Kummissjoni għal Rakkomandazzjoni tal-Kunsill dwar il-mikrokredenzjali għat-tagħlim tul il-ħajja u għall-impjegabbiltà ppreżentat definizzjoni u format komuni għad-deskrizzjoni tal-mikrokredenzjali, kif ukoll sett ta’ prinċipji għat-tfassil u l-ħruġ tagħhom. Dawn l-elementi kostitwenti jistgħu jintużaw mill-fornituri ta’ mikrokredenzjali madwar l-UE, inklużi l-fornituri tal-VET kontinwi, biex jappoġġaw il-fiduċja, il-kwalità u l-adozzjoni tal-mikrokredenzjali.

Finanzjament

Il-finanzjament tal-UE għandu rwol ewlieni fit-twettiq tal-azzjonijiet deskritti hawn fuq u fl-iżgurar li l-VET ikunu jistgħu jiġu żviluppati u msaħħa biżżejjed madwar l-Istati Membri.

Il-fondi u l-programmi tal-UE bħan-NextGenerationEU u l-pilastri tagħha, il-Faċilità għall-Irkupru u r-Reżiljenza u REACT-EU, il-FSE+, Erasmus+, il-Fond Ewropew għall-Iżvilupp Reġjonali, InvestEU, Orizzont Ewropa, Interreg, Ewropa Diġitali, Il-Mekkaniżmu għal Tranżizzjoni Ġusta, u l-Fond Agrikolu Ewropew għall-Iżvilupp Rurali huma disponibbli biex jappoġġaw it-twettiq tal-impenji nazzjonali għall-futur tal-VET.

Il-programm Erasmus+ għall-2021–2027 jinkludi wkoll finanzjament li jappoġġa l-mobbiltà internazzjonali ta’ kważi żewġ miljun student u persunal tal-VET, kif ukoll baġit ta’ EUR 400 miljun għall-finanzjament ta’ 100 network tal-CoVE matul dan il-perjodu.

Dawn l-opportunitajiet ta’ finanzjament jistgħu jgħinu biex jissaħħaħ l-appoġġ għall-apprendistati, id-diġitalizzazzjoni tal-istituzzjonijiet tal-VET u r-riformi tal-VET biex jittejbu l-programmi ta’ tiġdid tal-ħiliet, speċjalment għal dawk li jaħdmu f’setturi milquta ħafna mill-pandemija tal-COVID-19.

Jekk inti parti kkonċernata mill-VET, dawn l-inizjattivi jipprovdu appoġġ, gwida u għodod utli biex jgħinuna nwettqu l-viżjoni komprensiva tal-UE għall-futur tal-VET flimkien. Il-VET huma kruċjali biex jiġi żgurat li n-nies fl-Ewropa jkollhom il-ħiliet it-tajba għall-impjiegi tal-lum u ta’ għada.

Billi jsegwu l-perkors stabbilit mir-Rakkomandazzjoni, kif spjegat f’dan il-fuljett, l-Istati Membri jistgħu jikkontribwixxu għat-tranżizzjoni ekoloġika u dik diġitali tal-Ewropa, filwaqt li jiżguraw li kulħadd fl-Ewropa jkollu aċċess għal edukazzjoni, taħriġ u tagħlim tul il-ħajja ta’ kwalità u inklużivi, sabiex ikunu jistgħu jipparteċipaw bis-sħiħ fis-soċjetà, jagħmlu tranżizzjoni lejn is-suq tax-xogħol, u fl-aħħar mill-aħħar jirnexxu fil-karrieri tagħhom.

Azzjonijiet u inizjattivi ta’ appoġġ lill-Istati Membri

L-UE ħadmet kontinwament biex tappoġġa lill-Istati Membri fir-riformi tagħhom tal-VET. L-UE għandha l-għan li tħeġġeġ il-kooperazzjoni bejn l-Istati Membri u tiffaċilita l-koordinazzjoni fl-oqsma tal-impjiegi u tal-VET, filwaqt li tirrispetta bis-sħiħ ir-responsabbiltà tal-Istati Membri għall-kontenut u l-organizzazzjoni ta’ tali taħriġ.

Għadd ta’ inizjattivi tal-UE jipprovdu għodod u appoġġ utli għall-partijiet ikkonċernati tal-VET u jistgħu jgħinu lill-Istati Membri jtejbu l-kwalità u t-trasparenza tas-sistemi tal-VET tagħhom u jagħmlu l-viżjoni tal-UE għall-VET realtà madwar l-Ewropa.

Iċ-Ċentri ta’ Eċċellenza Vokazzjonali (CoVEs)

Il-CoVEs huma networks kollaborattivi transnazzjonali mmirati biex jixprunaw l-innovazzjoni u l-eċċellenza fil-VET. Dawn jiġbru flimkien firxa wiesgħa ta’ sħab lokali u reġjonali, inklużi fornituri tal-VET (fil-livell sekondarju tat-tieni livell u f’dak terzjarju), impjegaturi, ċentri ta’ riċerka, u sħab soċjali, biex joħolqu flimkien “ekosistemi tal-ħiliet”. B’dan il-mod, huma jikkontribwixxu għal ekonomija innovattiva, inklużiva u sostenibbli.

L-inizjattiva CoVEs hija allinjata mal-Aġenda għall-Ħiliet u maż-Żona Ewropea tal-Edukazzjoni, u għandha l-għan li tistabbilixxi 100 CoVEs, appoġġati mill-finanzjament tal-Erasmus+, bejn l-2021 u l-2027. Din tappoġġa lill-Istati Membri, lis-sħab soċjali, u lill-fornituri tal-VET biex jimplimentaw l-objettivi tar-Rakkomandazzjoni tal-Kunsill dwar il-VET u d-Dikjarazzjoni ta’ Osnabrück.

Il-CoVEs attiraw l-interess ta’ ħafna sħab mid-dinja kollha – aktar minn 1 700 organizzazzjoni minn 55 pajjiż wieġbu għas-sejħa ta’ Erasmus+ tal-2021 – li juri l-potenzjal tagħhom li jappoġġaw l-internazzjonalizzazzjoni tal-VET Ewropej u l-istabbiliment ta’ sħubijiet fit-tul ma’ organizzazzjonijiet lil hinn mill-Ewropa. Il-CoVEs jistgħu jkunu element ewlieni biex jintlaħqu l-għanijiet tal-UE li tagħmel lill-Ewropa punt ta’ referenza ta’ klassi dinjija għall-ħiliet ta’ kwalità għolja.

Ħiliet ekoloġiċi u diġitali

L-UE ddeskriviet l-importanza ta’ azzjonijiet li jippromwovu t-tranżizzjoni ekoloġika u dik diġitali biex l-ekonomija Ewropea ssir aktar ġusta, reżiljenti u sostenibbli. Dawn iż-żewġ tranżizzjonijiet huma fil-qalba tal-aġenda politika tal-Kummissjoni, kif jixhdu l-Aġenda Ewropea għall-Ħiliet tal-2020, il-Pjan ta’ Azzjoni għall-Edukazzjoni Diġitali u l-Patt Ekoloġiku Ewropew.

L-istituzzjonijiet u s-sistemi tal-VET jinsabu f’pożizzjoni tajba biex jiffaċilitaw it-titjib tal-ħiliet u t-taħriġ mill-ġdid, li huma kundizzjoni essenzjali biex it-tranżizzjoni tkun ġusta u inklużiva.

Erasmus+ u l-Faċilità għall-Irkupru u r-Reżiljenza (parti minn NextGenerationEU) jistgħu jiġu sfruttati biex iħejju lin-nies permezz tal-VET għal opportunitajiet tas-suq tax-xogħol li jirriżultaw miż-żewġ tranżizzjonijiet.

Barra minn hekk, se jiġu promossi aktar korsijiet intensivi ta’ taħriġ diġitali, u d-DigComp (il-Qafas ta’ Kompetenza Diġitali għaċ-Ċittadini tal-UE) se jiġi aġġornat biex jirrifletti żviluppi teknoloġiċi ġodda u emerġenti bħall-intelliġenza artifiċjali, id-“datafikazzjoni” tal-aspetti kollha tal-ħajja, u l-ħiliet ekoloġiċi. Ġie żviluppat qafas ta’ kompetenza simili dwar is-sostenibbiltà biex jinbena fehim komuni tal-kompetenzi ewlenin meħtieġa għat-tranżizzjoni ekoloġika.

SELFIE (Awtoriflessjoni dwar l-Apprendiment Effettiv billi Jitrawwem l-użu ta’ teknoloġiji Edukattivi Innovattivi) hija għodda li tappoġġa d-diġitalizzazzjoni tal-iskejjel. L-għodda hija disponibbli mingħajr ħlas u tista’ tiġi ppersonalizzata mill-iskejjel, inklużi l-iskejjel tal-VET, biex jifhmu u jinkorporaw it-teknoloġija diġitali fil-prattiki tat-tagħlim u tal-apprendiment tagħhom. SELFIE tiġbor feedback anonimu mingħand l-istudenti, l-għalliema u l-kapijiet tal-iskejjel permezz ta’ kwestjonarji dwar kif tintuża t-teknoloġija fl-iskola tagħhom. L-għodda mbagħad tiġġenera rapport tas-saħħiet u d-dgħufijiet tal-iskola fl-użu tagħha tat-teknoloġija.

F’Ottubru 2021, l-UE nediet estensjoni ta’ SELFIE li tiffoka fuq it-tagħlim imsejjes fuq ix-xogħol. Il-modulu l-ġdid jinkorpora l-fehmiet tal-ħarrieġa fil-kumpaniji, u b’hekk jinvolvi kumpaniji, kif ukoll studenti, għalliema, u kapijiet tal-iskejjel, fl-eżerċizzju. Dan jippermetti lill-iskejjel u lill-kumpaniji tat-taħriġ tal-VET jiddiskutu flimkien kif l-aħjar jiddiġitalizzaw l-edukazzjoni u t-taħriġ li jipprovdu. Attwalment din l-estensjoni hija disponibbli f’kull waħda mill-24 lingwa uffiċjali tal-UE bħala parti mill-għodda ewlenija ta’ SELFIE.

Appoġġ imsaħħaħ għall-apprendistati

Inizjattivi bħall-Garanzija għaż-Żgħażagħ, l-Alleanza Ewropea għall-Apprendistati (EAfA) u s-Servizzi ta’ Appoġġ għall-Apprendistati jlaqqgħu flimkien lill-gvernijiet u lill-partijiet ikkonċernati biex isaħħu l-appoġġ għall-apprendistati u jtejbu s-sensibilizzazzjoni u l-impenji għat-titjib tal-VET.

L-EAfA mġedda tippromwovi l-koalizzjonijiet nazzjonali, tappoġġa lill-SMEs u ssaħħaħ l-involviment tas-sħab soċjali, inkluż fil-livell settorjali. L-EAfA timmobilizza wkoll lill-awtoritajiet lokali u reġjonali u tappoġġa r-rappreżentanza tal-apprendisti fl-Istati Membri. Din tinkoraġġixxi apprendistati ekoloġiċi, diġitali u inklużivi li jibbenefikaw kemm lill-impjegaturi kif ukoll liż-żgħażagħ, billi tibni forza tax-xogħol b’ħiliet f’firxa wiesgħa ta’ setturi. Is-Servizzi ta’ Appoġġ tal-Alleanza jaħdmu biex itejbu l-kwalità tal-apprendistati fl-Ewropa billi jipprovdu riżorsi online u opportunitajiet ta’ networking, li jippermettu lill-individwi jikkomunikaw ma’ xulxin, jitgħallmu u jaġixxu.

Kemm l-EAfA kif ukoll is-Servizzi ta’ Appoġġ għall-Apprendistati se jissaħħu u jingħataw spinta mill-UE.

Il-Ġimgħa Ewropea tal-Ħiliet Vokazzjonali

Sa mill-2016, il-Ġimgħa Ewropea tal-Ħiliet Vokazzjonali (VET Week) ġabret flimkien organizzazzjonijiet lokali, reġjonali u nazzjonali biex jiċċelebraw il-kisbiet tal-VET madwar l-Ewropa. L-avveniment annwali jqajjem kuxjenza dwar il-potenzjal tal-VET li joħolqu impjiegi u jappoġġaw il-karrieri u jipprovdi opportunitajiet għall-iskambju ta’ informazzjoni u prattiki tajbin. Il-ġimgħa tal-VET tkun mimlija avvenimenti u attivitajiet organizzati mis-sħab madwar l-Ewropa, u kull sena jkollha tema differenti li tirrikonoxxi l-importanza tal-VET u tal-ħiliet. Din tinvolvi bosta kelliema esperti li jaqsmu l-għarfien tagħhom mal-parteċipanti f’konferenzi jew skambji online. Il-Ġimgħa hija wkoll ċelebrazzjoni tal-Premjijiet għall-Eċċellenza tal-VET li tpoġġi l-attenzjoni fuq nies u organizzazzjonijiet ta’ ispirazzjoni.

Profili Vokazzjonali Ewlenin Ewropej

Il-Profili Vokazzjonali Ewlenin Ewropej huma element innovattiv ieħor tal-eċċellenza u l-internazzjonalizzazzjoni tal-VET. Dawn il-profili jistgħu jiddefinixxu sett komuni ta’ eżiti tat-tagħlim li jistgħu jintużaw fl-iżvilupp ta’ kurrikuli, kwalifiki, u mikrokredenzjali konġunti tal-edukazzjoni u t-taħriġ vokazzjonali. Il-profili jistgħu jiffaċilitaw il-mobbiltà tal-istudenti u tal-ħaddiema u jappoġġaw ir-rikonoxximent awtomatiku tal-kwalifiki tal-VET u l-eżiti tat-tagħlim barra mill-pajjiż. Il-profili jkunu parti mill-pjattaforma tal-Europass u jkunu kkomplementati, fejn possibbli, minn kontenut vokazzjonali diġitali.

Rieżamijiet bejn il-pari tal-assigurazzjoni tal-kwalità fil-livell tas-sistema tal-edukazzjoni u t-taħriġ vokazzjonali

Ir-rieżamijiet bejn il-pari huma tip ta’ tagħlim reċiproku volontarju li għandu l-għan li jagħmel is-sistemi tal-assigurazzjoni tal-kwalità aktar trasparenti u effettivi. Ir-Rakkomandazzjoni tal-VET issemmi rieżamijiet bejn il-pari tal-assigurazzjoni tal-kwalità fil-livell tas-sistema tal-VET bħala azzjoni konkreta biex tgħin fit-tisħiħ tal-fiduċja u t-trasparenza bejn l-Istati Membri u ttejjeb it-tagħlim reċiproku madwar l-UE. L-UE se taħdem mal-Istati Membri biex ittejjeb it-trasparenza tal-iżviluppi nazzjonali tal-VET permezz ta’ rieżamijiet bejn il-pari tal-assigurazzjoni tal-kwalità, billi tibni fuq il-ħidma tal-EQAVET, li kkontribwixxa għal diversi riformi fis-sistemi nazzjonali tal-assigurazzjoni tal-kwalità.

Mikrokredenzjali

Mikrokredenzjali huwa rekord tal-eżiti tat-tagħlim li student ikun kiseb wara volum żgħir ta’ tagħlim. Ir-Rakkomandazzjoni tal-Kunsill dwar il-VET tistieden lill-Kummissjoni Ewropea “tesplora l-kunċett u l-użu tal-mikrokredenzjali”. Il-mikrokredenzjali jippermettu akkwist immirat u flessibbli ta’ ħiliet biex jiġu ssodisfati l-ħtiġijiet ġodda u emerġenti fis-soċjetà u fis-suq tax-xogħol, iżda ma jissostitwixxux il-kwalifiki tradizzjonali. Il-mikrokredenzjali jistgħu jitfasslu u jitwasslu minn varjetà ta’ fornituri f’ambjenti differenti ta’ tagħlim formali, mhux formali u informali.

F’Diċembru 2021, proposta tal-Kummissjoni għal Rakkomandazzjoni tal-Kunsill dwar il-mikrokredenzjali għat-tagħlim tul il-ħajja u għall-impjegabbiltà ppreżentat definizzjoni u format komuni għad-deskrizzjoni tal-mikrokredenzjali, kif ukoll sett ta’ prinċipji għat-tfassil u l-ħruġ tagħhom. Dawn l-elementi kostitwenti jistgħu jintużaw mill-fornituri ta’ mikrokredenzjali madwar l-UE, inklużi l-fornituri tal-VET kontinwi, biex jappoġġaw il-fiduċja, il-kwalità u l-adozzjoni tal-mikrokredenzjali.

Finanzjament

Il-finanzjament tal-UE għandu rwol ewlieni fit-twettiq tal-azzjonijiet deskritti hawn fuq u fl-iżgurar li l-VET ikunu jistgħu jiġu żviluppati u msaħħa biżżejjed madwar l-Istati Membri.

Il-fondi u l-programmi tal-UE bħan-NextGenerationEU u l-pilastri tagħha, il-Faċilità għall-Irkupru u r-Reżiljenza u REACT-EU, il-FSE+, Erasmus+, il-Fond Ewropew għall-Iżvilupp Reġjonali, InvestEU, Orizzont Ewropa, Interreg, Ewropa Diġitali, Il-Mekkaniżmu għal Tranżizzjoni Ġusta, u l-Fond Agrikolu Ewropew għall-Iżvilupp Rurali huma disponibbli biex jappoġġaw it-twettiq tal-impenji nazzjonali għall-futur tal-VET.

Il-programm Erasmus+ għall-2021–2027 jinkludi wkoll finanzjament li jappoġġa l-mobbiltà internazzjonali ta’ kważi żewġ miljun student u persunal tal-VET, kif ukoll baġit ta’ EUR 400 miljun għall-finanzjament ta’ 100 network tal-CoVE matul dan il-perjodu.

Dawn l-opportunitajiet ta’ finanzjament jistgħu jgħinu biex jissaħħaħ l-appoġġ għall-apprendistati, id-diġitalizzazzjoni tal-istituzzjonijiet tal-VET u r-riformi tal-VET biex jittejbu l-programmi ta’ tiġdid tal-ħiliet, speċjalment għal dawk li jaħdmu f’setturi milquta ħafna mill-pandemija tal-COVID-19.

Jekk inti parti kkonċernata mill-VET, dawn l-inizjattivi jipprovdu appoġġ, gwida u għodod utli biex jgħinuna nwettqu l-viżjoni komprensiva tal-UE għall-futur tal-VET flimkien. Il-VET huma kruċjali biex jiġi żgurat li n-nies fl-Ewropa jkollhom il-ħiliet it-tajba għall-impjiegi tal-lum u ta’ għada.

Billi jsegwu l-perkors stabbilit mir-Rakkomandazzjoni, kif spjegat f’dan il-fuljett, l-Istati Membri jistgħu jikkontribwixxu għat-tranżizzjoni ekoloġika u dik diġitali tal-Ewropa, filwaqt li jiżguraw li kulħadd fl-Ewropa jkollu aċċess għal edukazzjoni, taħriġ u tagħlim tul il-ħajja ta’ kwalità u inklużivi, sabiex ikunu jistgħu jipparteċipaw bis-sħiħ fis-soċjetà, jagħmlu tranżizzjoni lejn is-suq tax-xogħol, u fl-aħħar mill-aħħar jirnexxu fil-karrieri tagħhom.

	Studenti rreġistrati fil-VET sekondarju tat-tieni livell mit-total tal-istudenti fl-edukazzjoni sekondarja tat-tieni livell5			Rata ta’ impjieg ta’ gradwati reċenti mill-VET (bejn 20 u 34 sena)			Rata ta’ impjieg ta’ gradwati reċenti mill-edukazzjoni ġenerali (bejn 20 u 34 sena)
	%	%	%	%	%	%	%	%	%
	2017	2018	2019	2018	2019	2020	2018	2019	2020
EU27	48.1	48.4	48.4	79.0	79.1	76.1	63.7	62.8	58.3
Il-Belġju	57.8	56.8	56.2	76.7	77.1	76.5	43.9	61.6	61.3
Il-Bulgarija	50.7	52.9	52.1	66.4	73.5	69.6	68.6	63.0	59.3
Iċ-Ċekja	72.4	71.3	70.5	87.7	86.8	84.8	80.6	75.9	68.5
Id-Danimarka	38.9	37.7	37.3	85.0	84.7	84.5	77.1	77.1	79.1
Il-Ġermanja	45.6	46.5	48.1	92.4	93.4	93.4	68.7	66.8	61.4
L-Estonja	40.7	40.1	39.8	76.6	86.2	79.9	68.8	62.6	63.9
L-Irlanda	n/a	35.7	27.6	76.9	75.9	73.5	71.5	69.9	56.0
Il-Greċja	28.8	28.5	29.1	50.5	50.9	43.7	45.2	51.3	48.4
Spanja	35.3	35.8	36.4	70.0	66.0	50.3	64.1	53.6	51.5
Franza	39.9	39.3	39.3	72.2	68.8	68.5	47.2	50.8	43.0
Il-Kroazja	69.6	69.2	69.0	68.8	73.9	73.7
L-Italja	55.3	53.6	53.0	53.9	56.6	53.3	36.2	38.3	37.0
Ċipru	16.7	16.7	16.9	67.3	70.2	59.0	69.4	73.8	68.8
Il-Latvja	38.6	38.9	38.9	75.8	65.6	70.2	73.4	74.2	72.9
Il-Litwanja	27.4	26.8	26.1	79.2	67.3	56.8	75.6	69.6	53.0
Il-Lussemburgu	61.6	61.6	61.9	95.4	100.0		71.9	73.7	73.4
L-Ungerija	23.0	38.0	44.0	87.1	86.3	80.0	75.7	71.7	69.4
Malta	27.1	28.5	27.7	91.0	91.2	89.5	91.2	86.0	88.0
In-Netherlands	68.2	67.5	67.5	87.9	90.4	84.7	89.1	78.7	58.6
L-Awstrija	68.6	68.4	68.8	87.3	88.0	85.4	77.4	64.0	69.6
Il-Polonja	51.7	52.1	52.5	78.4	78.9	78.0	72.5	71.0	65.7
Il-Portugall	40.7	39.7	39.0	77.4	76.0	73.0	69.7	70.9	69.1
Ir-Rumanija	56.2	56.2	56.2	69.0	67.7	68.7	62.8	63.6	60.4
Is-Slovenja	70.9	70.9	70.8	84.5	79.1	71.6	66.6	77.3	57.9
Is-Slovakkja	68.9	67.8	67.5	84.7	84.6	80.7	84.3	86.8	69.3
Il-Finlandja	71.6	71.6	68.7	78.5	80.4	74.6	76.9	82.9	76.4
L-Iżvezja	34.1	35.4	35.2	88.0	87.4	85.3	79.4	83.0	77.5

	Studenti rreġistrati fil-VET sekondarju tat-tieni livell mit-total tal-istudenti fl-edukazzjoni sekondarja tat-tieni livell5			Rata ta’ impjieg ta’ gradwati reċenti mill-VET (bejn 20 u 34 sena)			Rata ta’ impjieg ta’ gradwati reċenti mill-edukazzjoni ġenerali (bejn 20 u 34 sena)
	%	%	%	%	%	%	%	%	%
	2017	2018	2019	2018	2019	2020	2018	2019	2020
EU27	48.1	48.4	48.4	79.0	79.1	76.1	63.7	62.8	58.3
Il-Belġju	57.8	56.8	56.2	76.7	77.1	76.5	43.9	61.6	61.3
Il-Bulgarija	50.7	52.9	52.1	66.4	73.5	69.6	68.6	63.0	59.3
Iċ-Ċekja	72.4	71.3	70.5	87.7	86.8	84.8	80.6	75.9	68.5
Id-Danimarka	38.9	37.7	37.3	85.0	84.7	84.5	77.1	77.1	79.1
Il-Ġermanja	45.6	46.5	48.1	92.4	93.4	93.4	68.7	66.8	61.4
L-Estonja	40.7	40.1	39.8	76.6	86.2	79.9	68.8	62.6	63.9
L-Irlanda	n/a	35.7	27.6	76.9	75.9	73.5	71.5	69.9	56.0
Il-Greċja	28.8	28.5	29.1	50.5	50.9	43.7	45.2	51.3	48.4
Spanja	35.3	35.8	36.4	70.0	66.0	50.3	64.1	53.6	51.5
Franza	39.9	39.3	39.3	72.2	68.8	68.5	47.2	50.8	43.0
Il-Kroazja	69.6	69.2	69.0	68.8	73.9	73.7
L-Italja	55.3	53.6	53.0	53.9	56.6	53.3	36.2	38.3	37.0
Ċipru	16.7	16.7	16.9	67.3	70.2	59.0	69.4	73.8	68.8
Il-Latvja	38.6	38.9	38.9	75.8	65.6	70.2	73.4	74.2	72.9
Il-Litwanja	27.4	26.8	26.1	79.2	67.3	56.8	75.6	69.6	53.0
Il-Lussemburgu	61.6	61.6	61.9	95.4	100.0		71.9	73.7	73.4
L-Ungerija	23.0	38.0	44.0	87.1	86.3	80.0	75.7	71.7	69.4
Malta	27.1	28.5	27.7	91.0	91.2	89.5	91.2	86.0	88.0
In-Netherlands	68.2	67.5	67.5	87.9	90.4	84.7	89.1	78.7	58.6
L-Awstrija	68.6	68.4	68.8	87.3	88.0	85.4	77.4	64.0	69.6
Il-Polonja	51.7	52.1	52.5	78.4	78.9	78.0	72.5	71.0	65.7
Il-Portugall	40.7	39.7	39.0	77.4	76.0	73.0	69.7	70.9	69.1
Ir-Rumanija	56.2	56.2	56.2	69.0	67.7	68.7	62.8	63.6	60.4
Is-Slovenja	70.9	70.9	70.8	84.5	79.1	71.6	66.6	77.3	57.9
Is-Slovakkja	68.9	67.8	67.5	84.7	84.6	80.7	84.3	86.8	69.3
Il-Finlandja	71.6	71.6	68.7	78.5	80.4	74.6	76.9	82.9	76.4
L-Iżvezja	34.1	35.4	35.2	88.0	87.4	85.3	79.4	83.0	77.5

Noti finali

1. Id-data għal-Lussemburgu (LU) ma kinitx disponibbli għall-2020 fiż-żmien tal-pubblikazzjoni, għalhekk iċ-ċart turi ċ-ċifra għall-2019.
2. Id-data għall-Kroazja (HR) ma kinitx disponibbli fiż-żmien tal-pubblikazzjoni
3. Ta’ min jinnota li l-aktar data reċenti disponibbli hija mill-2019 u għalhekk għadha ma tirriflettix kwalunkwe impatt possibbli tal-pandemija tal-COVID-19.
4. Id-data għall-Irlanda (IE) mhijiex disponibbli għall-2017

5. Jekk jogħġbok innota li l-kodiċi tal-kulur tal-kolonni fit-tabella tindika l-kuluri użati fiċ-Ċarts 1 u 2.

L-istampi © Shutterstock

Dan id-dokument ma jistax jitqies li jikkostitwixxi pożizzjoni uffiċjali tal-Kummissjoni Ewropea.

Il-Lussemburgu: L-Uffiċċju tal-Pubblikazzjonijiet tal-Unjoni Ewropea, 2022

© L-Unjoni Ewropea, 2022

Il-politika tal-użu mill-ġdid tad-dokumenti tal-Kummissjoni Ewropea hija bbażata fuq id-Deċiżjoni tal-Kummissjoni 2011/833/UE tat-12 ta’ Diċembru 2011 dwar l-użu mill-ġdid ta’ dokumenti tal-Kummissjoni (ĠU L 330, 14.12.2011, p. 39). Għajr jekk ikun indikat mod ieħor, l-użu mill-ġdid ta’ dan id-dokument huwa awtorizzat bil-liċenzja Creative Commons Attribution 4.0 International (CC-BY 4.0) (https://creativecommons.org/licenses/by/4.0/). Dan ifisser li l-użu mill-ġdid huwa permess kemm-il darba jingħata kreditu xieraq u jiġu indikati t-tibdiliet kollha.

Għal kull użu jew riproduzzjoni ta’ elementi li mhumiex proprjetà tal-Unjoni Ewropea, jista’ jkun hemm bżonn li jintalab permess direttament mid-detenturi tad-drittijiet rispettivi.

PDF	ISBN 978-92-76-43591-4	doi:10.2767/609234	KE-06-21-179-MT-N
HTML	ISBN 978-92-76-43573-0	doi:10.2767/357218	KE-06-21-179-MT-Q

Noti finali

1. Id-data għal-Lussemburgu (LU) ma kinitx disponibbli għall-2020 fiż-żmien tal-pubblikazzjoni, għalhekk iċ-ċart turi ċ-ċifra għall-2019.
2. Id-data għall-Kroazja (HR) ma kinitx disponibbli fiż-żmien tal-pubblikazzjoni
3. Ta’ min jinnota li l-aktar data reċenti disponibbli hija mill-2019 u għalhekk għadha ma tirriflettix kwalunkwe impatt possibbli tal-pandemija tal-COVID-19.
4. Id-data għall-Irlanda (IE) mhijiex disponibbli għall-2017

5. Jekk jogħġbok innota li l-kodiċi tal-kulur tal-kolonni fit-tabella tindika l-kuluri użati fiċ-Ċarts 1 u 2.

L-istampi © Shutterstock

Dan id-dokument ma jistax jitqies li jikkostitwixxi pożizzjoni uffiċjali tal-Kummissjoni Ewropea.

Il-Lussemburgu: L-Uffiċċju tal-Pubblikazzjonijiet tal-Unjoni Ewropea, 2022

© L-Unjoni Ewropea, 2022

Il-politika tal-użu mill-ġdid tad-dokumenti tal-Kummissjoni Ewropea hija bbażata fuq id-Deċiżjoni tal-Kummissjoni 2011/833/UE tat-12 ta’ Diċembru 2011 dwar l-użu mill-ġdid ta’ dokumenti tal-Kummissjoni (ĠU L 330, 14.12.2011, p. 39). Għajr jekk ikun indikat mod ieħor, l-użu mill-ġdid ta’ dan id-dokument huwa awtorizzat bil-liċenzja Creative Commons Attribution 4.0 International (CC-BY 4.0) (https://creativecommons.org/licenses/by/4.0/). Dan ifisser li l-użu mill-ġdid huwa permess kemm-il darba jingħata kreditu xieraq u jiġu indikati t-tibdiliet kollha.

Għal kull użu jew riproduzzjoni ta’ elementi li mhumiex proprjetà tal-Unjoni Ewropea, jista’ jkun hemm bżonn li jintalab permess direttament mid-detenturi tad-drittijiet rispettivi.

PDF ISBN 978-92-76-43591-4 doi:10.2767/609234 KE-06-21-179-MT-N

HTML ISBN 978-92-76-43573-0 doi:10.2767/357218 KE-06-21-179-MT-Q