Reġjuni

Il-politika reġjonali tal-Unjoni Ewropea, magħrufa wkoll bħala l-politika ta’ koeżjoni, hija l-politika li għandha l-għan li ttejjeb il-benesseri ekonomiku tar-reġjuni fl-UE u li tnaqqas id-disparitajiet reġjonali. Hi indirizzata lir-reġjuni u l-ibliet kollha tal-UE, u fiha miżuri biex tingħata spinta lill-iżvilupp sostenibbli, it-tkabbir ekonomiku u l-impjiegi, u biex tittejjeb il-kwalità tal-ħajja permezz ta’ investiment strateġiku. Din tirrappreżenta, fost affarijiet oħra, forma attiva ta’ solidarjetà tal-UE, li bis-saħħa tagħha n-nies f’reġjuni inqas żviluppati jistgħu jaħtfu l-opportunitajiet maħluqa mill-akbar suq fid-dinja.