Materjal edukattiv
L-UE tappoġġja lill-Istati Membri tagħha fl-isforzi tagħhom biex jipprovdu edukazzjoni u taħriġ ta’ kwalità għolja u aċċessibbli b’mod wiesa’. Tippromwovi l-multilingwiżmu fl-Ewropa, billi tgħin fit-tagħlim u l-apprendiment tal-lingwi, tinkoraġġixxi l-mobbiltà tal-istudenti, tat-trainees, tal-għalliema u taż-żgħażagħ, u tiffaċilita l-iskambji ta’ informazzjoni u ta’ esperjenzi. Din it-taqsima tippreżenta pubblikazzjonijiet u logħob edukattiv maħsuba biex jgħinu liż-żgħażagħ u lill-għalliema jitgħallmu dwar l-UE, il-valuri, il-politiki tagħha u l-funzjonament tal-istituzzjonijiet tal-UE, ir-responsabbiltajiet u l-ħidma tagħhom.